సీఎం చంద్రబాబు ఇంటిముందు మహిళ ఆత్మహత్యాయత్నం

తిరుపతి రూరల్‌: తిరుపతి జిల్లా నారావారిపల్లిలో ముఖ్యమంత్రి చంద్రబాబు ఇంటిముందు సోమవారం యశోద అనే మహిళ ఆత్మహత్యాయత్నం చేసింది. తన పరిశ్రమను నాశనం చేశారని, తనపై దౌర్జన్యం చేసి జాకెట్‌ను సైతం చించేశారని, పోలీసులు తనపై దాడిచేసిన వారికే వత్తాసు పలుకుతున్నారని ముఖ్యమంత్రికి ఫిర్యాదు చేసేందుకు వచి్చన ఆమెను పోలీసులు అడ్డుకున్నారు. దీంతో ఆమె చేతి గాజులు పగులగొట్టుకుని మింగేందుకు ప్రయతి్నంచింది. 

అడ్డుకున్న పోలీసులు ఆమెను బలవంతంగా పోలీసు వాహనంలో ఎక్కించి స్టేషన్‌కు తరలించారు. ఆమె కథనం మేరకు.. అనంతపురం జిల్లా ధర్మవరానికి చెందిన యశోద కుటుంబంతో కలిసి తిరుపతి రూరల్‌ మండలం గాం«దీపురం పంచాయతీ పరి­ధిలో రాజేశ్వరరావు, సరోజినిదేవి దంపతుల నుంచి కొంతభూమి అద్దెకు తీసుకున్నారు. దాదాపు రూ.కోటి ఖర్చుతో ఎల్‌వీ పవర్‌లూమ్స్, హ్యాండ్‌లూమ్స్‌ పరిశ్రమను ఏర్పాటు చేశారు. హాథీరాంజీ మఠానికి చెందిన ఈ భూమి వివాదంలో ఉంది. ఈ భూమికి తామే యాజమానులమని, అద్దె తమకే చెల్లించాలని పలువురు బెదిరిస్తుండటంతో ఆమె కోర్టును ఆశ్రయించి స్టే తెచ్చుకున్నారు. 

కోర్టు స్టే ఉన్నా రాజేశ్వరరావు, మరికొందరు కలిసి హ్యాండ్‌లూమ్స్‌ను ఖాళీచేయాలని దౌర్జన్యం చేస్తున్నారు. రూ.50 లక్షల విలువైన యంత్రాలను నాశనం చేశారు. కోర్టు స్టే ఉన్నా సామగ్రి ఎత్తుకెళ్లి ఆమెపై దాడిచేశారు. ఈ విషయాలపై ముఖ్యమంత్రికి ఫిర్యాదు చేసేందుకు వచి్చన తనను తిరుపతి జిల్లా పోలీసులు అడ్డుకోవడమే కాకుండా దురుసుగా ప్రవర్తించారని ఆమె ఆవేదన వ్యక్తం చేశారు. సీఎంను కలిసేందుకు తనను అనుమతించకపోవడంతో ఆమె రోడ్డుపై బైఠాయించారు. సీఎం తనకు న్యాయం చేయాలంటూ నినాదాలు చేశారు. చేతి గాజులు పగులుగొట్టుకుని వాటిని మింగేందుకు ప్రయత్నించారు. 

ఈ ఘటనను ఫొటోలు, వీడియోలు తీస్తున్న మీడియా ప్రతినిధులపై పోలీసులు ఆగ్రహం వ్యక్తం చేశారు. సెల్‌ఫోన్లు, కెమెరాలను లాక్కుని ఫొటోలు, వీడియోలను డిలీట్‌ చేశారు. దీనిపై జర్నలిస్టులు ఆగ్రహం వ్యక్తం చేశారు. అనంతరం పోలీసులు యశోదను బలవంతంగా వాహనంలో ఎక్కించి స్టేషన్‌కు తరలించారు. కాగా అగ్రిమెంట్‌తో అద్దెకు దిగి, గడువు ముగిసినా ఖాళీ చేయకుండా, అద్దె చెల్లించకుండా భూమిని కబ్జాచేయాలనే కుయుక్తులతో యశోద బ్లాక్‌మెయిల్‌కు పాల్పడుతున్నారని తిరు­పతి రూరల్‌ గాం«దీపురం పంచాయతీకి చెందిన రాజేశ్వరరావు ఆరోపించారు. ఆయన సోమవారం గాం«దీపురంలో విలేకరులతో మాట్లాడారు.