TV
రాజన్న సేవలో ఆర్యవైశ్య కార్పొరేషన్‌ చైర్‌పర్సన్‌
వేములవాడ: వేములవాడ రాజరాజేశ్వర స్వామి వారిని రాష్ట్ర ఆర్యవెశ్య కార్పొరేషన్‌ చైర్‌పర్సన్‌ కాల్వ సుజా త సోమవారం దర్శించుకున్నారు. ఈ సందర్భంగా ఆమెకు ఆలయ అధికారులు ప్రత్యేక దర్శన అవకాశం కల్పించారు. అనంతరం వేదోక్త ఆశీర్వచనం గావించారు. ఆమె వెంట ఆర్యవైశ్య మహాసభ మీడియా కమిటీ జిల్లా చైర్మన్‌ జిల్లా రమేశ్‌ ఉన్నారు.
ఆటోడ్రైవర్‌ మృతికి
కారణమైన వ్యక్తి అరెస్టు
సిరిసిల్ల క్రైం: ఆటోడ్రైవర్‌ మృతికి కారణమైన ఓ వ్యక్తిని అరెస్టు చేసినట్లు సిరిసిల్ల డీఎస్పీ చంద్రశేఖర్‌ రెడ్డి తెలిపారు. ఆయన వివరాల ప్రకారం.. ఈ నెల 10న తంగళ్లపల్లి మండలంలోని మండపల్లి కేసీఆర్‌నగర్‌కు చెందిన మహమ్మద్‌ సిరాజ్‌ అనే ఆటోడ్రైవర్‌ తన ఆటోలో కుటుంబసభ్యులతో కలిసి గొల్లపల్లిలోని దర్గాకు వెళ్లాడు. అక్కడినుంచి చంద్రపేటలోని అత్తగారింటికి వెళ్తున్నాడు. ఆటో నుంచి ఏదో శబ్ధం వస్తోందని కొత్త చెరువు వద్ద రోడ్డు పక్కన ఆపాడు. వాహనాన్ని చెక్‌ చేస్తుండగా కోనరావుపేట మండలం నిమ్మపల్లిలో ఉంటున్న రాజ స్తాన్‌వాసి కై లాష్‌ రామ్‌ బైక్‌పై వేములవాడ వైపు అతివేగంగా వెళ్తూ ఢీకొట్టాడు. ఈ ఘటనలో తీవ్రంగా గాయపడిన సిరాజ్‌ ఈ నెల 18న కరీంనగర్‌లోని ఓ ఆస్పత్రిలో చికిత్స పొందుతూ మృతిచెందాడు. కాగా, కై లాష్‌ రామ్‌ మద్యం మత్తులో ఉండి, ర్యాష్‌ డ్రైవింగ్‌ చేస్తూ తన భర్తను ఢీకొట్టాడని మృతుడి భార్య అఫ్రిన్‌ ఫిర్దోస్‌ ఠాణాలో ఫిర్యాదు చేసింది. కేసు నమోదు చేసిన పోలీసులు సోమవారం నిందితుడిని అరెస్టు చేశారు.
Comments
Please login to add a commentAdd a comment