ఆకట్టుకున్న డాగ్‌ స్క్వాడ్‌ ప్రదర్శన

ఆకట్టుకున్న డాగ్‌ స్క్వాడ్‌ ప్రదర్శన

జగిత్యాలక్రైం: గణతంత్ర దినోత్సవం సందర్భంగా పోలీస్‌ పరేడ్‌ మైదానంలో ఏర్పాటు చేసిన స్టాల్స్‌లో డాగ్‌ స్క్వాడ్‌ ప్రదర్శన ప్రత్యేక ఆకర్షణగా నిలిచింది. పోలీస్‌ వ్యవస్థ పనితీరు, శాంతి పరిరక్షణ కోసం ఉపయోగించే ఆధునాతన సాధనాలు, సాంకేతిక పరిజ్ఞానం, సైబర్‌ క్రైం, షీటీం, ఫింగర్‌ ప్రింట్‌, కమ్యూనికేషన్‌, బాంబు డిస్పోజల్‌ టీం, ఆయుధాల గ్యాలరీపై ప్రదర్శనలు ఆకట్టుకున్నాయి.

లారీ ఢీకొని గుర్తుతెలియని వ్యక్తి మృతి

పెద్దపల్లిరూరల్‌: పెద్దపల్లి బస్టాండ్‌ సమీపంలో శని వారం రాత్రి లారీ ఢీకొన్న ఘటనలో గుర్తుతెలియని 60 ఏళ్ల వ్యక్తి మృతిచెందాడు. డ్రైవర్‌ రాకేశ్‌ మద్యం మత్తులో నిర్లక్ష్యంగా లారీ నడపడం వల్లే ఈ ప్రమా దం జరిగిందని నిర్ధారించి అతడిపై కేసు నమోదు చేసినట్లు పోలీసులు తెలిపారు. మృతదేహాన్ని పెద్దపల్లిలోని మార్చురీలో ఉంచినట్టు పేర్కొన్నారు.

ఇరువురిపై కేసు

మల్యాల: రెండు ద్విచక్రవాహనాలు ఎదురెదురుగా ఢీకొన్న సంఘటనలో ఇరువురి ఫిర్యాదు మేరకు ఇద్దరిపై కేసు నమోదు చేసినట్లు పోలీసులు తెలిపారు. ఎస్సై నరేశ్‌కుమార్‌ కథనం ప్రకారం.. మల్యాల మండలం తక్కళ్లపల్లి గ్రామానికి చెందిన మంద రాకేశ్‌, జెట్టి అయిలయ్య తక్కళ్లపల్లి గ్రామ శివారులో ఈనెల 25న వాహనాలపై వస్తూ ఎదురెదురుగా ఢీకొన్నా రు. ఈ సంఘటనలో ఇరువురి ఫిర్యాదు మేరకు ఇద్దరిపై కేసు నమోదు చేసినట్లు ఎస్సై తెలిపారు.

సీసీ రోడ్డుకు భూమిపూజ

ఎల్లారెడ్డిపేట(సిరిసిల్ల): మండలంలోని పదిర, హరిదాస్‌నగర్‌ గ్రామాల్లో సీసీరోడ్లకు మార్కెట్‌ కమిటీ చైర్‌పర్సన్‌ సాబేర బేగం ఆదివారం భూమిపూజ చేశారు. చైర్‌పర్సన్‌ మాట్లాడుతూ పదిర గ్రామంలో రూ.10లక్షలు, హరిదాస్‌నగర్‌లో రూ.10లక్షలతో సీసీ రోడ్లు నిర్మిస్తున్నట్లు తెలిపారు. ప్రభుత్వ పథకాలను ప్రజలు సద్వినియోగం చేసుకోవాలని కోరారు. మార్కెట్‌ కమిటీ వైస్‌చైర్మన్‌ గుండాటి రాంరెడ్డి, కాంగ్రెస్‌ మండలాధ్యక్షుడు సద్ది లక్ష్మారెడ్డి, బ్లాక్‌ కాంగ్రెస్‌ అధ్యక్షుడు దొమ్మాటి నర్సయ్య, జిల్లా ఉపాధ్యక్షుడు షేక్‌ గౌస్‌, నాయకులు గంట బుచ్చగౌడ్‌, చెన్ని బాబు, మల్లారెడ్డి తదితరులు పాల్గొన్నారు.

1/1

ఆకట్టుకున్న డాగ్‌ స్క్వాడ్‌ ప్రదర్శన