స్కాలర్‌షిప్‌ దరఖాస్తుకు గడువు పొడగింపు

స్కాలర్‌షిప్‌ దరఖాస్తుకు గడువు పొడగింపు

గద్వాల: 2024–25 విద్యాసంత్సరానికిగాను జిల్లాలో ప్రభుత్వ, ప్రైవేటు పాఠశాలలో విద్యనభ్యసిస్తున్న దివ్యాంగులు ప్రీమెట్రిక్‌, పోస్ట్‌మెట్రిక్‌ స్కాలర్‌షిప్‌ కోసం దరఖాస్తు చేసుకునే గడువు మార్చి 31వ తేదీ వరకు పొడగించినట్లు జిల్లా సంక్షేమశాఖ అధికారి సునంద ఒక ప్రకటనలో తెలిపారు. పూర్తి వివరాలకు సెల్‌ నం. 9440170160 నంబర్‌ను సంప్రదించాలని తెలిపారు.

బ్రహ్మోత్సవాలకు

ఆహ్వానం

అలంపూర్‌: జోగుళాంబ క్షేత్ర బ్రహోత్సవాలకు ఎమ్మెల్సీ, ఎమ్మెల్యేలను ఆలయ ఈఓ పురేందర్‌ కుమార్‌ ఆహ్వానించారు. బుధవారం కర్నూల్‌లోని ఎమ్మెల్సీ చల్లా వెంకట్రామిరెడ్డిని, ఎమ్మెల్యే విజయుడు నివాసాల్లో వారిని ఈఓ, ఆలయ అర్చకులు కలిశారు. ఈ సందర్భంగా వారిని శాలువాతో సత్కరించారు. 30వ తేదీ నుంచి ఫిబ్రవరి 3వ తేది వరకు జరిగే వార్షిక బ్రద్మీత్సవాలకు, మహాశివరాత్రి ఉత్సవాలకురావాలని ఆహ్వాన పత్రికను అందజేశారు.

భక్తులతో కిక్కిరిసిన

బీచుపల్లి పుణ్యక్షేత్రం

ఎర్రవల్లి: మౌని అమావాస్యను పురస్కరించుకొని బీచుపల్లి పుణ్యక్షేత్రంలోని పలు ఆలయాలు బుధవారం భక్తులతో కిక్కిరిశాయి. అభయాంనేయస్వామికి ఆలయ ప్రధాన అర్చకులు అభిషేకం, ప్రత్యేక పూజలు నిర్వహించారు. చుట్టు పక్కల ప్రాంతాల నుంచి భక్తులు ఉదయాన్నే అధిక సంఖ్యలో బీచుపల్లికి చేరుకొని శివాలయం, కోదండరామస్వామి, సరస్వతీదేవి, అభయాంజనేయస్వామి ఆలయాలను దర్శించుకున్నారు. ప్రత్యేక పూజలు నిర్వహించి మొక్కులు తీర్చుకున్నారు. ఆలయ పాలకమండలి ఆధ్వర్యంలో అన్నదాన కార్యక్రమాన్ని చేపట్టారు. కార్యక్రమంలో ఈఓ రామన్‌గౌడ్‌, పాలక మండలి సభ్యులు, సిబ్బంది, భక్తులు, తదితరులు పాల్గొన్నారు.

3న సామూహిక అక్షరాభ్యాసం

ఎర్రవల్లి: బీచుపల్లి పుణ్యక్షేత్రంలోని /్ఞానసరస్వతి ఆలయంలో ఫిబ్రవరి 3వ తేదీన వసంత పంచమిని పురస్కరించుకొని సామూహిక అక్షరాభ్యాసం కార్యక్రమాన్ని నిర్వహించనున్నట్లు ఆలయ మేనేజర్‌ సురేందర్‌రాజు బుధవారం ఒక ప్రకటనలో తెలిపారు. ఉమ్మడి జిల్లా ప్రజలు అధిక సంఖ్యలో హాజరై తమ చిన్నారులకు అక్షరాభ్యాసం చేయించి కార్యక్రమాన్ని విజయవంతం చేయాలని ఆయన కోరారు.

వైభవంగా

ఆరాధనోత్సవాలు

మల్దకల్‌: ఆదిశిలాక్షేత్రమైన స్వయంభూ లక్ష్మీ వెంకటేశ్వరస్వామి ఆలయంలో బుధవారం పురంధర దాసుల ఆరాధనోత్సవాలు వేదపండితుల ఆధ్వర్యంలో వైభవంగా నిర్వహించారు. వేద పండితులు శశాంక్‌, దీరేంద్రదాసు, మధుసూదనాచారి, రమేషాచారి పురందరదాసుల వారి విగ్రహానికి అభిషేకాలు నిర్వహించారు. అదేవిధంగా స్వామి వారి ఉత్సవమూర్తితో రథోత్సవం నిర్వహించారు. వేంకటేశ్వరస్వామి హరికథను సుధాకర్‌ భాగవతార్‌ వినిపించారు. కార్యక్రమంలో ఆలయ చైర్మన్‌ ప్రహ్లదరావు, అరవిందరావు,బాబురావు, దీరేంద్రదాసు, చంద్రశేఖర్‌రావు, మురళిమోహన్‌, శ్యాంరావు, మధుసూధన్‌రెడ్డి, సీతరామిరెడ్డి, శ్రావణ్‌, వెంకోబరావు పాల్గొన్నారు.

వ్యాసరచన పోటీల్లో మొదటి బహుమతి

గద్వాల క్రైం: పోలీసు అమరవీరుల దినోత్సవం సందర్భంగా రాష్ట్ర పోలీసుశాఖ నిర్వహించిన వ్యాస రచన పోటీలో జిల్లాకు చెందిన కానిస్టేబుల్‌ మల్లికార్జున్‌ నాయుడు రాష్ట్ర స్థాయిలో ప్రతిభ కనబర్చి మొదటి బహుమతి కై వసం చేసుకున్నట్లు ఎస్పీ శ్రీనివాసరావు తెలిపారు. ఈమేరకు డీజీపీ జితేందర్‌ చేతుల మీదుగా రూ. 25వేల బహుమతిని పొందాడని ఎస్పీ మంగళవారం వివరించారు. ‘సమాజంలో పోలీసు పత్రిష్టను పెంపొందించటంతో నా పాత్ర’ అనే అంశంపై నిర్వహించిన పోటీలో మొదటి బహుమతి సాధించి జిల్లాకు పేరు తీసుకువచ్చారని అభినందించారు. సాయుధ బలగాల విభాగంలో విధులు నిర్వహిస్తున్న కానిస్టేబుల్‌ మల్లికార్జున్‌నాయుడుని జిల్లా పోలీసుశాఖ అధికారులు, సిబ్బంది ప్రత్యేకంగా అభినందించారు.

1/1

స్కాలర్‌షిప్‌ దరఖాస్తుకు గడువు పొడగింపు