TV
కష్టపడ్డ వారికే పదవులు
సదాశివనగర్‌: పార్టీ కోసం కష్టపడ్డ వారికే పదవులు దక్కుతాయని ఎమ్మెల్యే మదన్‌మోహన్‌రావు పేర్కొన్నారు. గురువారం మర్కల్‌ స్టేజీ వద్దనున్న అశోక్‌ గార్డెన్స్‌లో సీడీసీ చైర్మన్‌ ప్రమాణ స్వీకారోత్సవం నిర్వహించారు. ఈ సందర్భంగా ఎమ్మెల్యే మాట్లాడుతూ తన గెలుపుకోసం కృషి చేసిన అడ్లూర్‌ ఎల్లారెడ్డికి చెందిన మహ్మద్‌ ఇర్షాదొద్దీన్‌కు సీడీసీ చైర్మన్‌ పదవి కట్టబెట్టామన్నారు. అవినీతికి దూరంగా ఉంటూ ప్రజా సేవే ధ్యేయంగా సాగాలన్నారు. ప్రభుత్వం అమలు చేస్తున్న సంక్షేమ పథకాలను ప్రజల్లోకి తీసుకెళ్లాలని కార్యకర్తలకు సూచించారు. త్వరలో నిర్వహించే స్థానిక సంస్థల ఎన్నికల్లో అన్ని పదవులను కై వసం చేసుకునే లక్ష్యంతో సాగాలన్నారు. పోడు భూములు సాగు చేసుకుంటున్న రైతులకు పట్టాలివ్వాలని గతంలో అసెంబ్లీ సమావేశాల్లో తాను గళం విప్పడం వల్లే ప్రస్తుతం రాష్ట్రమంతా పట్టాలిస్తున్నారన్నారు. త్వరలో లింగంపల్లి శివారులో వివిధ రకాల ఫ్యాక్టరీలు ఏర్పాటు కానున్నాయన్నారు. భూంపల్లి శివారులో ప్రాణహిత చేవెళ్ల 22వ ప్యాకేజీ పనులు త్వరలో ప్రారంభమవుతాయని పేర్కొన్నారు. మండల పరిధిలో సీడీసీ కార్యాలయం కోసం భవనాన్ని నిర్మించాలని రైతులు ఎమ్మెల్యేను కోరారు. కార్యక్రమంలో గాయత్రి షుగర్స్‌ ఫ్యాక్టరీ వైస్‌ ప్రెసిడెంట్‌ వేణుగోపాల్‌రావు, సీడీసీ చైర్మన్‌ ఇర్షాదొద్దీన్‌, విండో చైర్మన్లు సదాశివరెడ్డి, గంగాధర్‌, ఏఎంసీ చైర్మన్‌ సంగ్యానాయక్‌, కాంగ్రెస్‌ సేవాదళ్‌ జిల్లా అధ్యక్షుడు లింగాగౌడ్‌, పార్టీ మండలాధ్యక్షుడు సంగారెడ్డి, నాయకులు శ్రీనివాస్‌రెడ్డి, రూపేందర్‌ రెడ్డి, బాగయ్య, మహేందర్‌రెడ్డి, శ్యాంరావ్‌, బీరయ్య, రాజయ్య తదితరులు పాల్గొన్నారు.
అవినీతికి దూరంగా ఉండాలి
సీడీసీ చైర్మన్‌ ప్రమాణ స్వీకారోత్సవంలో
ఎమ్మెల్యే మదన్‌మోహన్‌రావు
Comments
Please login to add a commentAdd a comment