బాలాత్రిపుర సుందరీదేవిగా అమ్మవారు

బాలాత్రిపుర సుందరీదేవిగా అమ్మవారు

ఎర్రుపాలెం: మండలంలోని జమలాపురం శ్రీవేంకటేశ్వరస్వామివారి ఆలయంలో శ్రీదేవి శరన్నవరాత్రి ఉత్సవాలు శుక్రవారం రెండో రోజుకు చేరాయి. ఈ సందర్భంగా శ్రీవారికి తెల్లవారుజామున పంచామృతంతో అభిషేకం నిర్వహించగా, యాగశాలలో ప్రధాన అర్చకులు ఉప్పల శ్రీనివాసశర్మ, అర్చకులు గణపతి హోమం తదితర పూజలు చేశారు. ఆతర్వాత అలివేలుమంగ అమ్మవారిని బాలాత్రిపుర సుందరీదేవిగా అలంకరించడంతో పెద్దంసఖ్యలో భక్తులు దర్శించుకున్నారు. హైకోర్టు న్యాయవాది చీదెళ్ల వెంకటరామన్‌ దంపతులు పద్మావతి అమ్మవారికి ముత్యాల కవచం బహుకరించారు. ఆలయ ఈఓ కె.జగన్మోహన్‌రావు, చైర్మన్‌ ఉప్పల శ్రీరామచంద్రమూర్తి, ముఖ్య అర్చకులు మురళీమోహన్‌శర్మ, సూపరింటెండెంట్‌ విజయకుమారి పాల్గొన్నారు.