బీఎస్‌ఎన్‌ఎల్‌కు పూర్వ వైభవం తెచ్చేందుకు కృషి చేయాలి

బీఎస్‌ఎన్‌ఎల్‌కు పూర్వ వైభవం తెచ్చేందుకు కృషి చేయాలి

మధురానగర్‌(విజయవాడసెంట్రల్‌): బీఎస్‌ ఎన్‌ఎల్‌, ప్రజల మధ్య తాను అనుసంధానంగా వ్యవహరిస్తానని, మెరుగైన టెలికాం సేవలు అందించటానికి, సంస్థకు పూర్వ వైభవం తీసుకురావటానికి అందరం సమష్టిగా కృషి చేద్దా మని ఎంపీ, అడ్వైజరీ కమిటీ చైర్మన్‌ కేశినేని శివనాథ్‌ (చిన్ని) పేర్కొన్నారు. చుట్టుగుంట బీఎస్‌ఎన్‌ఎల్‌ భవన్‌ సమావేశ మందిరంలో బుధవారం టెలిఫోన్‌ అడ్వైజరీ కమిటీ 2024 –2026 సెషన్‌ ప్రథమ సమాశం జరిగింది. ఎంపీ చిన్ని మాట్లాడుతూ.. త్వరలో బీఎస్‌ఎన్‌ ఎల్‌ 5జీ సేవలు విస్తరించాలని, విజయవాడ బిజినెస్‌ ఏరియా రాష్ట్రంలోనే అగ్రగామిగా నిలవాలని ఆకాంక్షించారు. అడ్వైజరీ కమిటీ సెక్ర టరీ, విజయవాడ బిజినెస్‌ ఏరియా జనరల్‌ మేనేజర్‌ కె.మురళీకృష్ణ సంస్థ పనితీరు, ప్రగతి, భవిష్యత్‌ ప్రణాళకలను వివరించారు. విజయవాడ బిజినెస్‌ ఏరియాలోని బీఎస్‌ఎన్‌ఎల్‌ అన్ని టవర్లలను త్వరలోనే 4జీ లోకి మారుస్తామని, 5జీ సేవలను ప్రారంభిస్తామని తెలిపారు. బీఎస్‌ఎన్‌ఎల్‌ విజయవాడ బిజినెస్‌ ఏరియా పరిధిలోని వివిధశాఖల డీజీఎం, ఏజీఎం, సీఏఓ, ఎస్‌డీఈలు పాల్గొన్నారు.

డైరీ ఆవిష్కరణ

లబ్బీపేట(విజయవాడతూర్పు): ఏపీ హెల్త్‌ ఎడ్యు కేషన్‌, మీడియా అధికారుల సంఘం డైరీని బుధవారం ఏపీఎన్‌జీఓ అసోసియేషన్‌ రాష్ట్ర అధ్యక్ష కార్యదర్శులు శివారెడ్డి, విద్యాసాగర్‌ ఆవిష్కరించారు. గాంధీనగర్‌ ఎన్జీఓ హోంలో జరిగిన కార్యక్రమంలో శివారెడ్డి, విద్యాసాగర్‌ మాట్లాడుతూ.. ఉద్యోగులు ఐక్యమత్యంగా ఉండి హక్కుల సాధనకు, సంఘం ప్రతిష్టను పెంచేందుకు కృషిచేయాలని కోరారు. కార్యక్రమంలో హెల్త్‌ ఎడ్యుకేషన్‌, మీడియా అధికారుల సంఘం ప్రతినిధి మహ్మద్‌ నావాజ్‌ఖాన్‌, అధ్య క్షుడు చదలవాడ నాగేశ్వరరావు, కార్యదర్శి మురళీధర్‌, సంయుక్త కార్యదర్శి కె.ప్రభాకరరెడ్డి, సూరపనేని లక్ష్మోజీ పాల్గొన్నారు.

టీఐఎస్‌ అప్‌డేట్‌ చేసుకోవాలి

వన్‌టౌన్‌(విజయవాడపశ్చిమ): ఎన్టీఆర్‌ జిల్లా లోని ప్రభుత్వ యజమాన్య పాఠశాలల ప్రధానోపాధ్యాయులు, ఉపాధ్యాయులందరూ టీచర్‌ ఇన్ఫర్మేషన్‌ సిస్టమ్‌ (టీఐఎస్‌) సైట్‌లో తమ వివరాలను ఈ నెల 31వ తేదీ లోపు అప్‌ డేట్‌ చేసుకోవాలని డీఈఓ యు.వి.సుబ్బారావు సూచించారు. ప్రధానోపాధ్యాయులు, ఉపాధ్యాయులు తమ వ్యక్తిగత లాగిన్‌తో పొరపాట్లను సవరించుకుని నమోదు చేసుకోవాలని పేర్కొన్నారు. ఎవరైనా ఉపాధ్యాయులు గతంలో తమ డేటాను టీఐఎస్‌లో నమోదుచేసే సమయంలో పొరపాట్లు చేసి ఉంటే వాటిని సరిచేసి, మళ్లీ సమర్పించేందుకు అవకాశం కల్పించినట్లు వివరించారు. ఉపాధ్యాయులందరూ తమ సమాచారంలో ఏ విధమైన పొరపాట్లు లేకుండా చివరి సబ్మిషన్‌ చేసుకోవాలని సూచించారు.

1/1

బీఎస్‌ఎన్‌ఎల్‌కు పూర్వ వైభవం తెచ్చేందుకు కృషి చేయాలి