ఐఏఎస్‌ ఆఫీసర్ల అసోసియేషన్‌ జాయింట్‌ సెక్రటరీగా కలెక్టర్‌

ఐఏఎస్‌ ఆఫీసర్ల అసోసియేషన్‌ జాయింట్‌ సెక్రటరీగా కలెక్టర్

కర్నూలు(సెంట్రల్‌): రాష్ట్ర ఐఏఎస్‌ ఆఫీసర్ల అసోసియేషన్‌ జాయింట్‌ సెక్రటరీగా కర్నూలు జిల్లా కలెక్టర్‌ పి.రంజిత్‌బాషా ఎన్నికయ్యారు. ఆదివారం విజయవాడలో స్పెషల్‌ జనరల్‌ బాడీ సమావేశంలో నూతన కమిటీని ఎన్నుకున్నారు. అందులో కలెక్టర్‌ పి.రంజిత్‌బాషా జాయింట్‌ సెక్రటరీగా ఎంపిక అయ్యారు. దీంతో పలువురు జిల్లా అధికారులు కలెక్టర్‌కు శుభాకాంక్షలు తెలిపారు.

ఫీజుకోసం ఒత్తిడి చేస్తే చర్యలు

కర్నూలు(సెంట్రల్‌): ఫీజులు చెల్లించలేదనే కారణంతో డిగ్రీ, ఇంటర్‌ విద్యార్థులను పరీక్షలకు, తరగతులకు హాజరు కాకుండా అడ్డుకుంటే కఠిన చర్యలు తప్పవని కలెక్టర్‌ రంజిత్‌బాషా ఆదివారం ఓ ప్రకటనలో హెచ్చరించారు. విద్యాసంస్థల యాజమాన్యాలు విద్యార్థులపై ఒత్తిడి తీసుకువస్తే సహించబోమని, ఫీజురీయింబర్స్‌మెంట్‌ నిధులను నేరుగా కళాశాలల బ్యాంకు ఖాతాలకే ప్రభుత్వం జమ చేస్తుందని చెప్పారు. అంతవరకు విద్యార్థులను ఫీజుల కోసం ఇబ్బందిపెట్టోద్దని సూచించారు.