టీడీసీఏ టోర్నీ ఫైనల్‌కు ఉమ్మడి జిల్లా జట్టు

టీడీసీఏ టోర్నీ ఫైనల్‌కు ఉమ్మడి జిల్లా జట్టు

మహబూబ్‌నగర్‌ క్రీడలు: హైదరాబాద్‌లోని దోమలగూడలో జరుగుతున్న తెలంగాణ డిస్ట్రిక్ట్‌ క్రికెట్‌ అసోసియేషన్‌ అంతర్‌జిల్లా టీ–20 క్రికెట్‌ టోర్నమెంట్‌లో ఉమ్మడి జిల్లా జట్టు అద్భుత ఆట తీరు ప్రదర్శిస్తోంది. బుధవారం ఆదిలాబాద్‌ జట్టుతో జరిగిన సెమీఫైనల్‌ మ్యాచ్‌లో ఉమ్మడి మహబూబ్‌నగర్‌ జిల్లా జట్టు 8 వికెట్ల తేడాతో విజయం సాధించి ఫైనల్‌లో అడుగుపెట్టింది. టాస్‌ గెలిచి మొదట బ్యాటింగ్‌ చేసిన ఆదిలాబాద్‌ జట్టు నిర్ణీత 20 ఓవర్లలో 116 పరుగులకు ఆలౌటైంది. ప్రియాన్‌ 23, షేక్‌ అర్ఫాన్‌ 20 పరుగులు చేశారు. మహబూబ్‌నగర్‌ బౌలర్లు రవితేజ 4 ఓవర్లలో 10 పరుగులు ఇచ్చి 3 వికెట్లు, సాహిల్‌ 4 ఓవర్లలో 20 పరుగులు ఇచ్చి 3 వికెట్లు, గౌతం, రాంచరణ్‌ చెరో వికెట్‌ తీశారు. అనంతరం బ్యాటింగ్‌కు దిగిన ఉమ్మడి జిల్లా జట్టు 16.1 ఓవర్లలో కేవలం 2 వికెట్లు కోల్పోయి 121 లక్ష్మాన్ని చేధించింది. దీపక్‌ పాటిల్‌ 47 బంతుల్లో 4 ఫోర్లు, 4 సిక్స్‌లతో 54 పరుగులకు నాటౌట్‌, రవితేజ 32 బంతుల్లో 6 ఫోర్లతో 38 పరుగులు చేసి నాటౌట్‌గా నిలిచి జట్టు విజయంలో కీలకపాత్ర పోషించారు.

ఉమ్మడి జిల్లా

జట్టుకు అభినందనలు

టీడీసీఏ అంతర్‌జిల్లా టోర్నీలో ఫైనల్‌కు చేరడంపై ఉమ్మడి జిల్లా జట్టును ఉమ్మడి జిల్లా కన్వీనర్‌ నవీన్‌కుమార్‌, జట్టు కోచ్‌ నవాజ్‌షా, మేనేజర్‌ శ్రీనివాస్‌రెడ్డి అభినందించారు. అంతర్‌జిల్లా టోర్నమెంట్‌లో ఉమ్మడి జిల్లా జట్టు చక్కటి ఆటతీరును ప్రదర్శిస్తున్నారని, ఇదే స్ఫూర్తితో ఫైనల్‌లో సత్తా చాటి చాంపియన్‌షిప్‌ను కై వసం చేసుకోవాలని వారు ఆకాంక్షించారు. అంతకుముందు సెమీఫైనల్‌ మ్యాచ్‌ను తెలంగాణ డిస్ట్రిక్ట్‌ క్రికెట్‌ అసోసియేషన్‌ అధ్యక్షుడు, స్పోర్ట్స్‌ అథారిటీ మాజీ చైర్మన్‌ అల్లీపురం వెంకటేశ్వర్‌రెడ్డి ప్రారంభించి ఆయా క్రీడాజట్లను అభినందించారు.

సెమీఫైనల్‌లో ఆదిలాబాద్‌పై ఘన విజయం

రాణించిన దీపక్‌పాటిల్‌, రవితేజ

1/1

టీడీసీఏ టోర్నీ ఫైనల్‌కు ఉమ్మడి జిల్లా జట్టు