ఆటోను తగలపెట్టిన గుర్తు తెలియని వ్యక్తులు

ఆటోను తగలపెట్టిన గుర్తు తెలియని వ్యక్తులు

మహబూబ్‌నగర్‌ క్రైం: ఇంటి ఎదుట నిలిపి ఉన్న ఆటోను గుర్తు తెలియని వ్యక్తులు తగలపెట్టారు. మహబూబ్‌నగర్‌ జిల్లాకేంద్రంలోని కుమ్మరివాడిలో నివాసం ఉంటున్న వెంకటేష్‌ తనకు సంబంధించిన ఆటోను రోజు మాదిరిగానే ఇంటి ఎదుట నిలిపాడు. అయితే గుర్తు తెలియని వ్యక్తులు ఆటోపై పెట్రోల్‌ పోసి తగలపెట్టారు. దీంతో పాటు పక్కనే ఉన్న బోర్‌ మోటార్‌కు సైతం నిప్పు పెట్టారు. ఆటో పూర్తిగా దగ్ధం కావడంతో పాటు పక్కనే ఓ ఇంటికి సైతం మంటలు అంటుకోవడంతో పాక్షికంగా దగ్ధమైంది. అప్పటికే గుర్తించిన కుటుంబ సభ్యులు నీటితో మంటలను అదుపు చేశారు. దాదాపు రూ.1.50లక్షల మేర ఆస్తి నష్టం జరిగిందని బాధితుడు తెలిపారు.