రాకీ మాటలు మొదలు

మెకానిక్‌ రాకీగా టైటిల్‌ రోల్‌లో విశ్వక్‌ సేన్‌ నటించిన చిత్రం ‘మెకానిక్‌ రాకీ’. రవితేజ ముళ్లపూడి దర్శకత్వంలో రామ్‌ తాళ్లూరి నిర్మించారు. షూటింగ్‌ పూర్తి చేసుకున్న ఈ చిత్రం పోస్ట్‌ ప్రోడక్షన్‌ కార్యక్రమాలు జరుగుతున్నాయి. ఇందులో భాగంగా విశ్వక్‌ సేన్‌ ఆదివారం తన రాకీ పాత్రకు డబ్బింగ్‌ మొదలుపెట్టారు.

‘‘మంచి మాస్, కామెడీ ఎంటర్‌టైనర్‌గా రూపొందించిన ఈ చిత్రం అన్ని వర్గాల ప్రేక్షకులను ఆకట్టుకునే విధంగా ఉంటుంది. ఇప్పటికే విడుదలైన ఫస్ట్‌ గేర్, ఫస్ట్‌ సాంగ్‌కి మంచి స్పందన లభించింది’’ అని చిత్రబృందం పేర్కొంది. దీపావళి సందర్భంగా అక్టోబరు 31న ఈ చిత్రం విడుదల కానుంది. మీనాక్షీ చౌదరి, శ్రద్ధా శ్రీనాథ్‌ హీరోయిన్లుగా నటించిన ఈ చిత్రానికి సంగీతం: జేక్స్‌ బిజోయ్, కెమెరా: మనోజ్‌ కటసాని.