రోడ్డు ప్రమాదంలో మహిళ దుర్మరణం

రోడ్డు ప్రమాదంలో మహిళ దుర్మరణం

రుద్రవరం: మండల పరిధిలోని నర్సాపురం సమీపంలో చోటు చేసుకున్న రోడ్డు ప్రమాదంలో ఓ మహిళ మృతి చెందగా మరొకరు గాయాలపాలయ్యారు. ఏఎస్‌ఐ భూపాల్‌రెడ్డి తెలిపిన వివరాలు.. దిగువ అహోబిలం బ్రాహ్మణ అన్న సత్రంలో రామంజనేయులు అనే వ్యక్తి తన కుటుంబ సభ్యులతో కలిసి కూలీ పనులు చేసుకుంటూ జీవనం సాగించేవాడు. సోమవారం కార్తీక మాసం చివరి వారం కావడంతో భార్య శ్రీలక్షమ్మ(36), కోడలు ఏసమ్మతో కలిసి మోటార్‌ సైకిల్‌పై ఓంకారం క్షేత్రానికి బయలుదేరాడు. అహోబిలం–నర్సాపురం రోడ్డులోని రవీ డిగ్రీ కళాశాల వద్దకు చేరుకోగానే ఎదురుగా వస్తున్న మోటార్‌ సైకిల్‌ను తప్పించేక్రమంలో మరో వైపునకు తిప్పాడు. అక్కడ కారు వెళ్తుండటం.. రోడ్డుపై వరి ధాన్యం ఆరబోసి ఉండటంతో శ్రీలక్షమ్మ మోటార్‌ సైకిల్‌ మీద నుంచి కిందకు దూకింది. ప్రమాదంలో తలకు బలమైన గాయమై అక్కడికక్కడే మృతి చెందింది. మోటార్‌ సైకిల్‌పై వెనుక కూర్చున్న కోడలు ఏసమ్మ కింద పడటంతో స్వల్ప గాయాలయ్యాయి. కేసు నమోదు చేసి దర్యాప్తు చేస్తున్నట్లు ఏఎస్‌ఐ తెలిపారు.

1/1

రోడ్డు ప్రమాదంలో మహిళ దుర్మరణం