‘స్వర్ణ’ నీరు విడుదల చేయాలి

‘స్వర్ణ’ నీరు విడుదల చేయాలి

నిర్మల్‌చైన్‌గేట్‌: స్వర్ణ జలాశయం నుంచి సాగు నీటిని విడుదల చేయాలని నిర్మల్‌ రూరల్‌ మండలం వెంగవాపేట్‌, తల్వేద, చిట్యాల్‌ గ్రామా ల రైతులు కాంగ్రెస్‌ జిల్లా అధ్యక్షుడు కూచాడి శ్రీహరిరావును కోరారు. ఈమేరకు ఆయన క్యాంపు కార్యాలయంలో సోమవారం వినతిపత్రం అందజేశారు. జలాశయం నుంచి సాగునీటిని విడుదల చేస్తే యాసంగి పంటలు వేసుకుంటామని తెలిపారు. స్పందించిన డీసీసీ అధ్యక్షుడు వెంటనే ఇరిగేషన్‌ ఏఈతో మాట్లాడి సాగునీటిని విడుదల చేయాలని సూచించారు. రైతులు శ్రీహరిరావుకు కృతజ్ఞతలు తెలిపారు. కార్యక్రమంలో పీసీసీ సభ్యులు సాధ సుదర్శన్‌, కాంగ్రెస్‌ మండల అధ్యక్షుడు కుంట వేణుగోపాల్‌, కుదారపు రాకేశ్‌ పాల్గొన్నారు.