శివాలయాల్లో ‘కార్తీక’ పూజలు

శివాలయాల్లో ‘కార్తీక’ పూజలు

నిజామాబాద్‌ రూరల్‌: కార్తీక మాసం చివరి సో మవారం సందర్భంగా నగరంలోని శివాలయాల్లో భక్తులు ప్రత్యేక పూజలు చేశారు. నగరంలోని నీలకంఠేశ్వర ఆలయం, శంభులింగేశ్వర ఆలయం, ఉమామహేశ్వర ఆలయం, లలితాదేవి ఆశ్రమాలయం, జన్మభూమి రోడ్డు వద్ద గల శివాలయం, కో టగల్లిలోని భక్తమార్కండేయ ఆలయాలు భక్తులతో సందడిగా మారాయి. ఈసందర్భంగా ఆలయాల్లో అభిషేకాలు, పూజలు, హోమాలు, దీపారాధన నిర్వహించారు. నగరంలోని నీలకంఠేశ్వరాలయంలో ఆకాశ దీపోత్సవం నిర్వహించారు. భక్తులకు అన్నదానం, అమ్మవారి చీరల పంపిణీ కార్యక్రమం చేపట్టినట్లు ఆలయ కమిటీ సభ్యులు తెలిపారు. శంభులింగేశ్వర ఆలయంలో అభిషేక పూజ భక్తిశ్రద్ధలతో నిర్వహించారు. దీపోత్సవం ఘనంగా నిర్వహించారు. ఆలయ కార్య నిర్వహణ అధికారి శ్రీరాం రవీందర్‌ గుప్త, గాండ్ల లింగం, కిషోర్‌, సిబ్బంది, భక్తులు పాల్గొన్నారు.

1/1

శివాలయాల్లో ‘కార్తీక’ పూజలు