TV
కాన్వోకేషన్‌ సర్టిఫికెట్లు అందించాలి
తెయూ (డిచ్‌పల్లి): తెలంగాణ యూనివర్సిటీ ప్రతిష్టాత్మకంగా చేపడుతున్న రెండవ స్నాతకోత్సవంలో వర్సిటీ ప్రారంభించిన నాటి నుంచి ఇప్పటి వరకు పీహెచ్‌డీ పూర్తిచేసిన వారందరికీ కాన్వోకేషన్‌ సర్టిఫికెట్లు అందజేయాలని డాక్టరేట్‌ అసోసియేషన్‌ సభ్యులు డిమాండ్‌ చేశారు. ఈమేరకు సోమవారం వారు తెయూ వీసీ యాదగిరిరావును కలిసి వినతిపత్రం అందజేశారు. 2023 వరకు పీహెచ్‌డీ పూర్తయిన వాళ్లకు మాత్రమే కాన్వోకేషన్‌ ఇస్తామని చెప్ప డం తగదన్నారు. 2024 వరకు వారందరికీ మరో సారి వేదికపై గౌరవప్రదంగా సర్టిఫికెట్లు అందజేయాలని కోరారు. అందరికీ సర్టిఫికెట్లు ఇప్పించే అవకాశాన్ని పరిశీలిస్తామని వీసీ హామీ ఇచ్చారు. అసోసియేషన్‌ ప్రతినిధులు సరిత, సత్యం, రమేష్‌, సతీష్‌ తదితరులున్నారు.
Comments
Please login to add a commentAdd a comment