ప్రభుత్వ పాఠశాలల తనిఖీ

ప్రభుత్వ పాఠశాలల తనిఖీ

సిరికొండ: మండలంలోని చీమన్‌పల్లిలోగల జ్యోతిబాపూలే బాలికల గురుకుల పాఠశాలను సోమవారం తహసీల్దార్‌ రవీంధర్‌రావు తనిఖీ చేశారు. విద్యార్థుల కోసం వండుతున్న వంట సామగ్రిని, బియ్యం, రికార్డులను పరిశీలించారు. భోజనానికి నాణ్యమైన సరుకులను వినియోగించాలని సిబ్బందిని ఆదేశించారు. అలాగే మండలంలోని సర్పల్లితండా వద్ద గల కస్తుర్బాగాంధీ బాలికల విద్యాలయాన్ని ఎంఈవో పుసాల రాములు తనిఖీ చేశారు. పాఠశాల ఆవరణను, విద్యార్థుల భోజనానికి వినియోగిస్తున్న బియ్యం, సరుకులను, కూరగాయలను పరిశీలించారు. పాఠశాలలో గదుల సమస్య, ఆర్వో ప్లాంటు, సోలార్‌ వాటర్‌ హీటర్‌ మరమ్మతుల గురించి ఉన్నతాధికారుల దృష్టికి తీసుకెళతానని ఆయన తెలిపారు. పాఠశాల ప్రత్యేకాధికారి పర్వీన్‌బేగం, ఎమ్మారై గంగరాజం ఉన్నారు.

1/1

ప్రభుత్వ పాఠశాలల తనిఖీ