ఎమ్మెల్సీ ఎన్నికలకు షెడ్యూల్‌ విడుదల

ఎమ్మెల్సీ ఎన్నికలకు షెడ్యూల్‌ విడుదల

సంగారెడ్డి జోన్‌: ఎమ్మెల్సీ ఎన్నికల నగరా మోగింది. ఉమ్మడి మెదక్‌, నిజామాబాద్‌, ఆదిలాబాద్‌, కరీంనగర్‌ జిల్లాలతో కూడిన ఉపాధ్యాయ, పట్టభద్రుల శాసన మండలి సభ్యుల స్థానాల ఎన్నికలకు సంబంధించి షెడ్యూల్‌ను రాష్ట్ర ఎన్నికల సంఘం బుధవారం విడుదల చేసింది. పట్టభద్రుల ఎమ్మెల్సీ జీవన్‌రెడ్డి, ఉపాధ్యాయ ఎమ్మెల్సీగా రఘోత్తమ్‌రెడ్డి కొనసాగుతున్నారు. ప్రస్తుతం ప్రాతినిథ్యం వహిస్తున్న ఈ సభ్యుల పదవీకాలం మార్చి 29 నాటితో ముగియనున్న నేపథ్యంలో ఎన్నికల నిర్వహణకు ఎన్నికల సంఘం షెడ్యూల్‌ విడుదల చేసింది. శాసన మండలి ఎన్నికకు ఫిబ్రవరి 3న నోటిఫికేషన్‌ను విడుదల చేయనుంది. నోటిఫికేషన్‌ విడుదల కాగానే సంబంధిత జిల్లాలో ఎన్నికల కోడ్‌ అమలులోకి రానుంది. 10న నామినేషన్లను స్వీకరించి, 27న ఎన్నికలను నిర్వహించనున్నారు. మార్చి 3న ఓట్ల లెక్కింపు, మార్చి 8 లోపు ఎన్నికల ప్రక్రియ ముగియనున్నట్లు షెడ్యూల్‌లో పేర్కొన్నారు.

గతేడాది డిసెంబర్‌లోనే ఓటర్ల జాబితా

ఉమ్మడి మెదక్‌ జిల్లాలో ఉపాధ్యాయ, పట్టభద్రుల ఎమ్మెల్సీ ఎన్నికల్లో ఓటు వేసేందుకు 71,622 మంది ఓటర్లతో కూడిన తుది జాబితాను గతేడాది డిసెంబర్‌ 30న ప్రకటించారు. ఆయా జిల్లాలో 71 మండలాలు ఉండగా 102 పోలింగ్‌ స్టేషన్లను గుర్తించారు. సంగారెడ్డిలో 28మండలాలకు 40 పోలింగ్‌ స్టేషన్లు, మెదక్‌లో 21మండలాలకు 22, సిద్దిపేటలో 22 మండలాలకు 40 పోలింగ్‌ కేంద్రాలను గుర్తించారు. గతంలో ఓటు హక్కు వినియోగించుకున్న వారు సైతం మరోసారి తప్పనిసరిగా దరఖాస్తు చేసుకోవాలని ఈసీ సూచించడంతో మరోసారి ఓటర్లు ఓటు హక్కుకోసం అప్లై చేసుకున్నారు.

జిల్లాల వారీగా పట్టభద్రుల ఓటర్లు

జిల్లా సీ్త్రలు పురుషులు మొత్తం

సంగారెడ్డి 6,765 14,437 21,202

మెదక్‌ 3,420 8,533 11,953

సిద్దిపేట 10,624 20,922 31,546

జిల్లాల వారీగా ఉపాధ్యాయుల ఓటర్ల వివరాలు

జిల్లా సీ్త్రలు పురుషులు మొత్తం

సంగారెడ్డి 1,103 1,485 2,588

మెదక్‌ 515 766 1,281

సిద్దిపేట 1,104 1,948 3,052

3న నోటిఫికేషన్‌

10 వరకు నామినేషన్లకుఅవకాశం

27న ఎన్నికలు, మార్చి 3న ఫలితాలు

71,622 మంది ఉపాధ్యాయ, పట్టభద్రుల ఓటర్లు

1/1

ఎమ్మెల్సీ ఎన్నికలకు షెడ్యూల్‌ విడుదల