#Naveen-ul-Haq: కోహ్లి ఔట్‌.. 'మామిడి పండ్లు బాగున్నాయ్‌'

Photo: IPL Twitter

ఐపీఎల్ 2023లో విరాట్ కోహ్లీ- నవీన్ ఉల్ హక్ మధ్య జరిగిన వివాదం ఎంత దూరం వెళ్లిందో అందరికీ తెలుసు. మ్యాచ్‌ తర్వాత కూడా వారి మధ్య మాటల పరోక్షంగా మాటల యుద్ధం, సోషల్ మీడియాలో వార్ నడిచిన విషయం తెలిసిందే. మంగళవారం ఆర్సీబీ- ముంబయి మధ్య మ్యాచ్‌ జరుగుతోంది. ఈ మ్యాచ్ లో మొదట్లో ఆర్సీబీ కాస్త తడబడింది. విరాట్ కోహ్లీ 4 బంతుల్లో కేవలం ఒకే పరుగు చేసి అవుటయ్యాడు. అదే సమయంలో నవీన్ ఉల్ హక్ తన ఇన్ స్టాగ్రామ్ లో ఒక స్టోరీ పెట్టాడు.

అందులో ఒక టేబుల్ మీద మామిడిపండ్లు ఉన్నాయి. ఎదురుగా టీవీలో ముంబయి- ఆర్సీబీ మ్యాచ్ నడుస్తోంది. స్వీట్‌ మ్యాంగోస్‌ సూపర్ ఉన్నాయి అంటూ ఏమోజీలు కూడా పెట్టాడు. అది కూడా కోహ్లి ఔటైన మరుసటి క్షణమే పోస్టు పెట్టడంతో పరోక్షంగా అతనికి కి కౌంటర్ ఇచ్చినట్లు చెబుతున్నారు. ఒక రకంగా కోహ్లి ఔట్‌ తనకు ఆనందాన్ని ఇస్తుందని చెప్పకనే చెప్పాడు.

దీన్నిబట్టి నవీన్ ఉల్ హక్‌ కోహ్లీతో వివాదానికి ఇప్పుడప్పుడే తెరదించేలా లేడంటూ అభిప్రాయాలు వినిపిస్తున్నాయి. అంతర్జాతీయ క్రికెటర్లు అయి ఉండి ఇలా చిన్నపిల్లల్లా ఇన్ డైరెక్ట్ కామెంట్లు, క్రిప్టెడ్‌ పోస్టులు పెట్టుకుని కామెంట్ చేసుకోవడం మరీ సిల్లీగా ఉందంటూ పెదవి విరుస్తున్నారు.

Naveen UL haq celebrating Virat Kohli's wicket 😭😭😭 pic.twitter.com/Ia0guczSbr

— ANSHUMAN🚩 (@AvengerReturns) May 9, 2023

చదవండి: రోహిత్‌ శర్మ పేరిట అత్యంత చెత్త రికార్డు..