రోడ్డు దాటుతుండగా..

రోడ్డు దాటుతుండగా..

● ఆర్టీసీ బస్సు ఢీకొని వ్యక్తి మృతి

నెల్లూరు(క్రైమ్‌): రోడ్డు దాటుతున్న గుర్తుతెలియని వ్యక్తిని ఆర్టీసీ బస్సు ఢీకొనడంతో మృతిచెందిన ఘటన బుజబుజనెల్లూరు జాతీయ రహదారిపై జరిగింది. పోలీసుల కథనం మేరకు.. గుర్తుతెలియని సుమారు 40 ఏళ్ల వయసున్న వ్యక్తి కొంతకాలంగా బుజబుజనెల్లూరు పరిసర ప్రాంతాల్లో చిత్తు కాగితాలు ఏరుకుంటూ జీవనం సాగిస్తున్నాడు. బుధవారం అతను రోడ్డు దాటుతుండగా విజయవాడ నుంచి చైన్నె వైపు వెళ్తున్న ఆర్టీసీ బస్సు వేగంగా ఢీకొనడంతో అక్కడికక్కడే మృతిచెందాడు. సౌత్‌ ట్రాఫిక్‌ పోలీసులు ఘటనా స్థలానికి చేరుకుని పరిశీలించారు. మృతదేహాన్ని జీజీహెచ్‌ మార్చురీకి తరలించి కేసు నమోదు చేశారు. మృతుడి వివరాలు తెలిసిన వారు తమను సంప్రదించాలని వారు కోరారు.