టాస్క్‌ఫోర్స్‌కు పట్టుబడిన పిక్కాట బ్యాచ్‌

సారవకోట: మండలంలోని తొగిరి గ్రామంలో మంగళవారం రాత్రి పిక్కాట, చక్రం తిప్పే ఆటలో పట్టుబడిన 19 మందిపై కేసు నమోదు చేసినట్లు ఎస్‌ఐ అనిల్‌కుమార్‌ తెలిపారు. అభయాంజనేయ స్వామి ఆలయ వార్షికోత్సవం పురస్కరించుకుని యాత్ర జరుగుతుండగా నిబంధనలకు విరుద్ధంగా ఈ శిబిరాలు ఏర్పాటు చేశారని చెప్పారు. స్పెషల్‌ టాస్క్‌ఫోర్స్‌ సిబ్బంది దాడి చేసి చక్రం తిప్పే ఆటలో ఐదుగురిని అదుపులోకి తీసుకుని, వీరి వద్ద నుంచి రూ.76,915 నగదు, పిక్కాట ఆడుతున్న 14 మందిని అదుపులోకి తీసుకుని, వారి నుంచి రూ 2,24,210 నగదు స్వాధీనం చేసినట్లు ఎస్‌ఐ తెలిపారు.

● రూ.3ల క్షలకు పైగా నగదు స్వాధీనం

● 19 మందిపై కేసు నమోదు