నేటి నుంచి ఆర్థోపెడిక్‌ సదస్సు

నేటి నుంచి ఆర్థోపెడిక్‌ సదస్సు

మహారాణిపేట: ఆర్థోపెడిక్‌ సర్జన్ల రాష్ట్రస్థాయి సదస్సు(ఒసాప్కిన్‌)– 2025ను ఈ నెల 30 నుంచి వచ్చే నెల 2 వరకు నగరంలోని వీఎంఆర్డీఏ చిల్డ్రన్స్‌ ఎరీ నాలో నిర్వహించనున్నట్లు ఆర్గనైజింగ్‌ చైర్మన్‌, కేజీహెచ్‌ సూపరింటెండెంట్‌ డాక్టర్‌ పి.శివానంద తెలిపా రు. బుధవారం కేజీహెచ్‌సీలో నిర్వహించిన మీడియా సమావేశంలో మాట్లాడారు. నార్త్‌ ఆంధ్ర ఆర్థోపెడిక్‌ సర్జన్ల అసోసియేషన్‌, ఆంధ్ర మెడికల్‌ కళాశాల, కేజీహెచ్‌ ఆర్థో విభాగం సంయుక్త ఆధ్వర్యంలో జరిగే ఈ సదస్సులో దేశ, విదేశాల నుంచి దాదాపు వెయ్యి మంది ఆర్థోపెడిక్‌ వైద్యులు పాల్గొంటారని తెలిపారు. ఎక్స్‌లెన్స్‌ ఎక్రాస్‌ ఆల్‌ డైమెన్షన్స్‌ ఆఫ్‌ ఆర్థోపెడిక్స్‌ నినాదంతో జరిగే ఈ వర్క్‌షాపులో 1వ తేదీన రాష్ట్ర వైద్య, ఆరోగ్యశాఖ మంత్రి సత్యకుమార్‌ యాదవ్‌ పాల్గొంటారన్నారు. 400 మంది వైద్యుల పేపర్‌ ప్రజెంటేషన్‌తోపాటు, పోలిట్రామ్‌, ఓపెన్‌ మేనేజ్‌మెంట్‌ థీమ్‌పై గంగా ఆస్పత్రి డైరెక్టర్‌ రాజశేఖర్‌ నేతృత్వంలో ఆరుగురు సభ్యుల బృందం లైవ్‌ ప్రజెంటేషన్‌ ఇస్తారని పేర్కొన్నారు. ఆర్గనైజింగ్‌ సెక్రటరీ డాక్టర్‌ లోకనాథ్‌ మాట్లాడుతూ ఆర్థోపెడిక్‌ విభాగంలో వస్తున్న విప్లవాత్మక మార్పులపై పీజీ వైద్యులకు ప్రత్యేక అవగాహన కార్యక్రమాలు నిర్వహించనున్న ట్లు పేర్కొన్నారు. డాక్టర్లు వర్మ, లీలాప్రసాద్‌, భవానీప్రసాద్‌, ఎంసీహెచ్‌ నాయుడు, రాజశేఖర్‌, సంతోష్‌ పాల్గొన్నారు.