జిల్లా పోలీసు కార్యాలయంలో..

జిల్లా పోలీసు కార్యాలయంలో..

వనపర్తి: జిల్లా పోలీసు కార్యాలయంలో గురువారం మహాత్మాగాంధీ వర్ధంతిని నిర్వహించారు. ఎస్పీ రావుల గిరిధర్‌ మహాత్మాగాంధీ చిత్రపటానికి పూలమాల వేసి నివాళులర్పించారు. ఈ సందర్భంగా ఆయన మాట్లాడుతూ.. నేటి స్వాతంత్య్రం, స్వేచ్ఛ నాటి వీరుల అసమాన త్యాగఫలమని.. వారి అడుగుజాడల్లో నడవాలని సూచించారు. శ్రమ, సేవా దృక్పథం, ఆధ్యాత్మికత మన జీవితంలో ప్రధానాంశాలుగా ఉండాలని సూచించారు. అనంతరం రెండు నిమిషాలు మౌనం పాటించారు. కార్యక్రమంలో డీసీఆర్బీ డీఎస్పీ ఉమామహేశ్వరావు, జిల్లా పోలీసు కార్యాలయ ఏఓ సునందన, రిజర్వ్‌ సీఐలు శ్రీనివాస్‌, అప్పలనాయుడు, స్పెషల్‌ బ్రాంచ్‌ ఎస్‌ఐ శివకుమార్‌, కమ్యూనికేషన్‌ ఎస్‌ఐ అతీక్‌, సూపరింటెండెంట్లు ఇంతియాజ్‌, రాజవర్ధన్‌, కార్యాలయ సిబ్బంది తదితరులు పాల్గొన్నారు.