TV
భద్రకాళికి అందెశ్రీ పూజలు
హన్మకొండ కల్చరల్‌ : వరంగల్‌లోని భద్రకాళి దేవాలయాన్ని మంగళవారం ప్రముఖ కవి డాక్టర్‌ అందెశ్రీ సందర్శించారు. ఈ సందర్భంగా అమ్మవారికి ప్రత్యేక పూజలు నిర్వహించారు. ఆయనకు అర్చకులు తీర్థప్రసాదాలు, శేషవస్త్రాలు, మహాదాశీర్వచనం అందజేశారు.
అభ్యసన సామర్థ్యాలు
పెంపొందించాలి
విద్యారణ్యపురి : ప్రభుత్వ ప్రాథమిక పాఠశాలల్లోని విద్యార్థుల అభ్యసన సామర్థ్యాలను పెంపొందించాలని హనుమకొండ డీఈఓ డి.వాసంతి కోరారు. జిల్లాలో ఎంపిక చేసిన 75 ప్రభుత్వ ప్రాథమిక పాఠశాలల ఉపాధ్యాయులకు మంగళవారం డీఈఓ కార్యాలయంలోని డీసీఈబీ భవనంలో ఒకరోజు శిక్షణలో ఆమె ముఖ్యఅతిథిగా పాల్గొన్నారు. సమగ్ర శిక్ష అండ్‌ ఐఐటీ గాంధీనగర్‌ సౌజన్యంతో రూపొందించిన ఎఫ్‌ఎల్‌ఎన్‌ కిట్స్‌ను ఆయా ఉపాధ్యాయులకు అందజేశారు. ఈసందర్భంగా వాసంతి మాట్లాడుతూ అభ్యసన సామర్థ్యాలు పెంచేందుకు వినూత్నంగా జాయ్‌ఫుల్‌ లెర్నింగ్‌ పేరుతో రూపొందించిన ఎఫ్‌ఎల్‌ఎన్‌ కిట్స్‌ను ఉపాధ్యాయులు వినియోగించుకోవాలని పేర్కొన్నారు. ప్రధానోపాధ్యాయులు స్టాక్‌ రిజిస్టర్‌ను నమోదు చేస్తూ ఎప్పటికప్పుడు విద్యార్థుల అభ్యసన సామర్థ్యాలను మదింపు చేయాలని సూచించారు. శిక్షణలో జిల్లా క్వాలిటీ కోఆర్డినేటర్‌ ఎ.శ్రీనివాస్‌, రిసోర్స్‌ పర్సన్లు వేణుగోపాలస్వామి, మహేందర్‌ పాల్గొన్నారు.
30న జాతీయ సదస్సు
కేయూ క్యాంపస్‌ : కాకతీయ యూనివర్సిటీ ఫార్మసీ కళాశాల ఆధ్వర్యంలో ఈనెల 30న సెనేట్‌ హాల్‌లో జాతీయ సదస్సు నిర్వహించనున్నారు. యూనివర్సిటీ గ్రాంట్స్‌ కమిషన్‌ (యూజీసీ) సహకారంతో రీసెంట్‌ అడ్వాన్స్‌ ఇన్‌ఫార్మస్యూటికల్‌ సైన్సెస్‌–2025 అనే అంశంపై ఈ జాతీయ సదస్సు జరగనుంది. ఈ సందర్భంగా సదస్సు పోస్టర్‌ను మంగళవారం వీసీ ప్రతాప్‌రెడ్డి, రిజిస్ట్రార్‌ మల్లారెడ్డి ఆవిష్కరించారు. ఈ కార్యక్రమంలో ఫార్మసీ కళాశాల ప్రిన్సిపాల్‌ ఎన్‌.ప్రసాద్‌, డీన్‌ గాదె సమ్మయ్య, బీఓఎస్‌ చైర్‌ పర్సన్‌ జె.కృష్ణవేణి, వై.నర్సింహారెడ్డి, డాక్టర్‌ షాయోదా, స్వరూపరాణి, నాగరాజు పాల్గొన్నారు.
విద్యార్థులు ఒత్తిడికి
గురికావొద్దు
మడికొండ : విద్యార్థులు ఎలాంటి ఒత్తిడికి గురికాకుండా ప్రణాళికతో చదువుకోవాలని హనుమకొండ డీఎంహెచ్‌ఓ డాక్టర్‌ ఎ.అప్పయ్య సూచించారు. మడికొండలోని తెలంగాణ సాంఘిక సంక్షేమ బాలికల పాఠశాల, కళాశాలను ఆయన మంగళవారం సందర్శించారు. ఈ సందర్భంగా ప్రిన్సిపాల్‌ దాసరి ఉమామహేశ్వరీ అధ్యక్షతన ఏర్పాటు చేసిన సమావేశంలో ఐఐటీ, జేఈఈ మెయిన్స్‌, నీట్‌ పరీక్షలు రాసే విద్యార్థులకు ముందస్తు ప్రణాళికపై ఆయన అవగాహన కల్పించారు. మానసిక నిపుణుడు డాక్టర్‌ ప్రహసిత్‌ మాట్లాడుతూ విద్యార్థులు ఎలాంటి మానసిక సమస్యలకు లోనుకావొద్దని, సలహాలు, సూచనలు పొందేందుకు 14416 టోల్‌ ఫ్రీ నంబర్‌లో సంప్రదించాలని పేర్కొన్నారు. ఈ కార్యక్రమంలో కడిపికొండ వైద్యాధికారి శ్రీదేవి, సంతోష్‌, హెల్త్‌ అసిస్టెంట్‌ వెంకటస్వామి, కుమారి, లక్ష్మి, సిబ్బంది తదితరులు పాల్గొన్నారు.
ఎస్‌జీఎఫ్‌ జాతీయ స్థాయి క్రికెట్‌ పోటీలకు సహస్ర
వరంగల్‌ స్పోర్ట్స్‌ : హరియాణాలోని పంచకులలో వచ్చేనెల 2వ తేదీ నుంచి జరగనున్న పాఠశాల క్రీడల సమాఖ్య జాతీయస్థాయి అండర్‌–17 బాలికల క్రికెట్‌ పోటీల్లో పాల్గొనే తెలంగాణ జట్టులో హనుమకొండ డీఎస్‌ఏ క్రీడాకారిణి సహస్రకు చోటు దక్కింది. సహస్ర మూడేళ్లుగా జేఎన్‌ఎస్‌లో డిస్ట్రిక్ట్‌ స్పోర్ట్స్‌ అథారిటీ కోచ్‌ మహ్మద్‌ అఫ్జల్‌ వద్ద శిక్షణ పొందుతోంది. జాతీయస్థాయి క్రికెట్‌ పోటీలకు ఎంపికై న సహస్ర, కోచ్‌ అఫ్జల్‌ను మంగళవారం హనుమకొండ డీవైఎస్‌ఓ గుగులోత్‌ అశోక్‌కుమార్‌, ఎస్‌జీఎఫ్‌ జిల్లా కార్యదర్శి దస్రు నాయక్‌, జిమ్నాస్టిక్‌ కోచ్‌ నరేందర్‌ అభినందించారు.
భద్రకాళికి అందెశ్రీ పూజలు
భద్రకాళికి అందెశ్రీ పూజలు
Comments
Please login to add a commentAdd a comment