పసిడి ధర ౖపైపెకి..

పసిడి ధర ౖపైపెకి..

మరింత పెరిగే అవకాశం

బంగారం ధరలు పెరిగే అవకా శం ఉంది. తగ్గే దారి కనిపించ డం లేదు. ధరలను అంచనా వే యలేకపోతున్నాం. ప్రస్తుతం 30 శాతం మేర అమ్మకాలు తగ్గాయి. నగదుతో ఎవరూ బంగారం కొ నుగోలు చేయడం లేదు. పాత బంగారం మార్చుకుని కొత్త వస్తువులకు ఆర్డర్లు ఇస్తున్నారు.

– అజిత్‌కుమార్‌ జైన్‌, బులియన్‌ వ్యాపారి, నరసాపురం

●

నరసాపురం: పసిడి ధరలు మిడిసిపడుతున్నాయి. బంగారం ధర ఆల్‌టైమ్‌ హై నమోదు చేసుకుంది. 24 క్యారెట్ల 10 గ్రా ముల ధర రూ.83,300లకు చేరింది. చైనా భారీగా బంగారం కొనుగోలు చేయడం, అమెరికాలో ప్రభుత్వ మా ర్పు, డాలర్‌తో రూపాయి మారకం విలువ పడిపోవడం ధరల పెరుగుదలకు కారణంగా చెబుతున్నారు. అలాగే కొన్నిరోజులుగా స్టాక్‌ మార్కెట్‌లో ఒడిదుడుకులతో మదుపరులు సురక్షితమైన పెట్టుబడిగా బంగారం వైపు చూస్తున్నారు. మరో వైపు వెండి ధర కూడా పెరుగుతోంది. ప్రస్తుతం వెండి కిలో రూ.96,400 చేరింది. ముంబై మార్కెట్‌ ధరలను పోలి నర సాపురం బులియన్‌ వ్యాపారం జరుగుతుంది. సోమవారం నరసాపురం మార్కెట్‌లో 24 క్యారెట్ల 10 గ్రాముల బంగారం ధర రూ.83,300, 22 క్యారెట్ల ఆభరణాల బంగారం ధర 10 గ్రాములు రూ.76,250గా ఉంది. 916 కేడీఎం ఆ భరణాల బంగారం కాసు ధర రూ.61,000లు పలికింది.

పెళ్లిళ్ల సీజన్‌.. కనిపించని ప్రభావం

ఉమ్మడి పశ్చిమగోదావరి జిల్లాలో పండుగల సీజన్‌లో బంగారం వ్యాపారం సాధారణ స్థాయిలోనే జరిగింది. మరోవైపు పెళ్లిళ్ల సీజన్‌ మొదలయ్యింది. పసిడి ధరల పెరుగుదల అమ్మకాలపై ప్రభావం చూపింది. పెళ్లిళ్ల సీజన్‌లోనూ జ్యూ యలరీ దుకాణాలు వెలవెలబోతున్నాయి. ఒక్క నరసాపు రం మార్కెట్‌లోనే హోల్‌సేల్‌, రిటైల్‌ కలిపి రోజుకు రూ.3 కోట్ల వరకూ బంగారం అమ్మకాలు జరుగుతాయి. ఉమ్మడి జిల్లాలోని ఏలూరు, తుణుకు, తాడేపల్లిగూడెం, భీమవరం పట్టణాల్లో పెద్దెత్తున అమ్మకాలు జరుగుతాయి. ప్రస్తుతం జిల్లాలో రోజుకు రూ.2 కోట్ల వరకూ అమ్మకాలు తగ్గినట్టుగా అంచనా. దాదాపు 30 శాతం అమ్మకాలు పడిపోయాయి.

రికార్డు స్థాయిలో పాత బంగారం మార్పిడి

ధరల పెరుగుదలతో ఆభరణాల అమ్మకాలు బాగా తగ్గాయి. పెట్టుబడిగా బిస్కెట్‌ బంగారం అమ్మకాలు ఓ మాదిరిగా సాగుతున్నాయి. ఇక పాత బంగారం మార్పిడి జోష్‌ అన్ని పట్టణాల్లో రికార్డు స్థాయిలో కనిపిస్తోంది. ధర ఆల్‌టైమ్‌ హైకు చేరడంతో పాత బంగారం మార్పిడికి ఇదే సమయంగా కొనుగోలుదారులు భావిస్తున్నారు. ప్రస్తుతం అమ్మకాల్లో 50 శాతం పాత బంగారం మార్పిడితోనే జరుగుతుంది.

10 గ్రాములు రూ.83 వేలు దాటిన వైనం

జిల్లాలో తగ్గిన అమ్మకాలు

రూ.లక్షకు చేరువలో వెండి ధర

పాత బంగారం మార్పిడికే మొగ్గు

1/1

పసిడి ధర ౖపైపెకి..