హ్యాండ్‌బాల్‌ ఎంపిక పోటీలు ప్రారంభం

హ్యాండ్‌బాల్‌ ఎంపిక పోటీలు ప్రారంభం

దెందులూరు: గోపన్నపాలెం పంచాయతీ వేగవరం హేలాపురి ఇన్‌స్టిట్యూట్‌ ఆఫ్‌ టెక్నాలజీ అండ్‌ సైన్స్‌ కాలేజీ ఆవరణలో గురువారం జేఎన్‌టీయూ కాకినాడ ఆధ్వర్యంలో అంతర్‌ కళాశాల హ్యాండ్‌బాల్‌ బాలికల – బాలుర విభాగాల్లో టోర్నమెంట్‌ ఎంపిక పోటీలు ప్రారంభమయ్యాయి. ఈ పోటీలను స్పోర్ట్స్‌ కౌన్సిల్‌ సెక్రటరీ జేఎన్‌టీయూ కాకినాడ డాక్టర్‌ జి శ్యాం కుమార్‌ ప్రారంభించారు. ఉమ్మడి జిల్లాలైన తూర్పుగోదావరి, గుంటూరు, కృష్ణా, పశ్చిమగోదావరి, ప్రకాశం జిల్లాల నుంచి బాలుర విభాగంలో 11 జట్లు, బాలికల విభాగానికి సుమారుగా 10 జట్లు ఎంపిక ట్రైల్స్‌లో పాల్గొన్నారు. ఈ పోటీలు శుక్రవారం కూడా కొనసాగుతాయని కళాశాల ప్రిన్సిపాల్‌ ఎం.లావణ్య, ఏఓ కరుణానిధి తెలిపారు. వ్యాయామ కళాశాల ప్రిన్సిపాల్‌ డాక్టర్‌ ఎస్‌ నతానియేలు, డీఎస్‌డీఓ బీ శ్రీనివాసరావు తదితరులు పాల్గొన్నారు.

ఉత్సాహంగా పోటీలు

మొదటి మ్యాచ్‌ ఎంపిక పోటీలు ఉత్సాహంగా సాగాయి. బాలికల విభాగంలో గుంటూరు జిల్లా సెయింట్‌ మేరీస్‌ గ్రూప్‌ ఆఫ్‌ ఇనిస్టిట్యూట్‌ వర్సెస్‌ సర్‌ సీఆర్‌ రెడ్డి ఏలూరు, బాలుర భాగంలో వీఆర్‌ సిద్ధార్థ వర్సెస్‌ మాచర్ల న్యూటన్స్‌ కాలేజీ తలపడ్డాయి. బాలుర విభాగంలో గుడ్లవల్లేరు ఎస్‌ఆర్‌జీసీ వర్సెస్‌ పీవీసీ సిద్ధార్థ టీమ్‌ తలపడ్డాయి. బాలుర విభాగంలో రామచంద్ర కాలేజ్‌ వర్సెస్‌ జేఎన్‌టీయూ కాకినాడ జట్టు, బాలుర విభాగంలో పీఎస్‌ సీఎంఆర్‌ కాలేజ్‌ వర్సెస్‌ ఒంగోలు పేస్‌ కాలేజ్‌ జట్లు మొదటి రోజు తలపడ్డాయి.