ఉత్సాహంగా స్పెల్‌‘బీ’

ఉత్సాహంగా స్పెల్‌‘బీ’

వైవీయూ : ‘సాక్షి మీడియా’ ఆధ్వర్యంలో నిర్వహించిన స్పెల్‌ ‘బి’కాంపిటీషన్‌కు విద్యార్థుల నుంచి విశేష స్పందన లభించింది. కడప నగరంలోని నాగార్జున మోడల్‌ స్కూల్‌లో ఆదివారం నిర్వహించిన స్పెల్‌ ‘బి’కాంపిటీషన్‌ క్వార్టర్‌ ఫైనల్‌ కాంపిటీషన్‌కు అపూర్వ స్పందన లభించింది. ఈ కాంపిటీషన్‌కు నాగార్జున మోడల్‌స్కూల్‌, జీఆర్‌టీ జీవీకే, జీఎంఆర్‌ విద్యాసంస్థల విద్యార్థులు పెద్దసంఖ్యలో హాజరై తమ ప్రతిభను పరీక్షించుకున్నారు. ఆంగ్లంపై మక్కువ పెంచేలా, ఆసక్తి కలిగించేలా ప్రయత్నం చేస్తున్న ‘సాక్షి’కి వారు కృతజ్ఞతలు తెలిపారు. ఉదయం 11 గంటల నుంచి ప్రారంభమైన ఈ కాంపిటీషన్‌ మధ్యాహ్నం వరకు కొనసాగింది. ఆంగ్లంపై ఉన్న భయాన్ని పోగొట్టేలా.. భాషపై పట్టు సాధించేలా కాంపిటీషన్‌ ఉందంటూ విద్యార్థులు పేర్కొన్నారు. కాగా స్పెల్‌ ‘బి’ క్వార్టర్‌ ఫైనల్‌ కాంపిటీషన్‌లో కేటగిరీ–1లో 1,2 తరగతుల విద్యార్థులు, కేటగిరీ–2లో 3, 4 తరగతుల విద్యార్థులు, కేటగిరీ–3లో 5,6,7 తరగతుల విద్యార్థులు, కేటగిరీ–4లో 8,9,10 తరగతుల విద్యార్థులు పాల్గొన్నారు.

పెద్దసంఖ్యలో హాజరైన విద్యార్థులు

ఆంగ్లంపై ఆసక్తి పెరుగుతుందంటున్న చిన్నారులు

1/1

ఉత్సాహంగా స్పెల్‌‘బీ’