30లోపు ఫీజు చెల్లించాలి

30లోపు ఫీజు చెల్లించాలి

కడప ఎడ్యుకేషన్‌: విద్యార్థుల సౌకర్యార్థం తత్కాల్‌ –2 కింద పరీక్ష ఫీజు చెల్లింపునకు ఇంటర్మీడియట్‌ బోర్డు ఈ నెల 30వ తేదీ వరకు గడువు ప్రకటించిందని ఇంటర్‌ ఆర్‌ఐఓ బండి వెంకటసుబ్బయ్య తెలిపారు. ఎవరైనా పరీక్ష ఫీజు చెల్లించని వారు ఉంటే గడవులోపు చెల్లించాలని పేర్కొన్నారు. తత్కాల్‌ ఫీజు రూ.3000 రూపాయలు, పరీక్ష ఫీజు రెండు కలిసి ఆయా కళాశాలల లాగిన్‌లో ఆన్‌లైన్‌ ద్వారా చెల్లించాలని చెప్పారు. తత్కాల్‌–2లో పరీక్ష ఫీజు చెల్లించిన విద్యార్థులందరూ కూడా జిల్లా కేంద్రంలో పరీక్ష రాయాల్సి ఉంటుందని ఆయన వివరించారు.

సెమిస్టర్‌ ఫలితాలు విడుదల

కడప ఎడ్యుకేషన్‌: డాక్టర్‌ వై.ఎస్‌.ఆర్‌ ఆర్కిటెక్చర్‌ , ఫైన్‌ ఆర్ట్స్‌ విశ్వవిద్యాలయంలోని 9, 1వ సెమిస్టర్‌ పరీక్షల ఫలితాలను వీసీ ఆచార్య జి. విశ్వనాథ కుమార్‌ మంగళవారం విడుదల చేశారు. ఈ సందర్భంగా ఆయన తక్కువ సమయంలో ఫలితాల విడుదలకు కృషి చేసిన సిబ్బందిని వీసీ అభినందించారు. ఈ కార్యక్రమంలో రిజిస్ట్రార్‌ రాజేష్‌ కుమార్‌ రెడ్డి, వర్శిటీ అదనపు పరీక్షల నియంత్రణాధికారి జి. ఫణీంద్ర రెడ్డి, సహాయ పరీక్షల నియంత్రణాధికారి ఉదయప్రకాష్‌ రెడ్డి, నారపరెడ్డి పాల్గొన్నారు.

జంబోరి వేడుకలకు విద్యార్థులు

రాయచోటి జగదాంబసెంటర్‌: తమిళనాడులోని తిరుచురాపల్లిలో నిర్వహించనున్న స్కౌట్స్‌ అండ్‌ గైడ్స్‌ డైమండ్‌ జూబ్లీ జంబోరి వేడుకలకు అన్నమయ్య జిల్లా స్కౌట్స్‌ విద్యార్థులు వెళ్లారు. ఈ నెల 28వ తేదీ నుంచి ఫిబ్రవరి 3 వరకు జరిగే ఈ వేడుకల్లో వివిధ రాష్ట్రాల నుంచి 25 వేల మంది హాజరుకానున్నారు.

తాగునీటి పథకం పరిశీలన

బ్రహ్మంగారిమఠం: బ్రహ్మంగారిమఠం సమీ పంలోని బహుళ గ్రామీణ తాగునీటి పథకాన్ని మంగళవారం ఆర్‌డబ్ల్యూఎస్‌ ఎస్‌ఈ ఏడుకొండలు, జెడ్పీ సీఈఓ ఓబుళమ్మ పరిశీలించారు. తాగునీటి పథకం నిర్వహణను పరిశీలించి, అందులో లోటుపాట్లపై ఆరా తీశారు. పథకం నిర్వహణపై ప్రత్యేక దృష్టి కేంద్రీకరించాలని ఎలాంటి ఇబ్బందులు తలెత్తకుండా తక్షణ చర్యలు తీసుకోవాలని సూచించారు. అంతకుముందు వారు కాలజ్ఞాని పోతులూరి వీరబ్రహ్మేంద్రస్వామిని దర్శించుకున్నారు. డీఈలు శివరుద్రగౌడ్‌, కిరణ్‌, ఎంపీడీఓ వెంగమునిరెడ్డి, ఈఓపీఆర్డీ రంగయ్య, మేనేజర్‌ ఈశ్వరాచారి, ఏఓమల్లికార్జున పాల్గొన్నారు.

1/1

30లోపు ఫీజు చెల్లించాలి