నిర్మాణంలోని పాఠశాల తనిఖీ

నిర్మాణంలోని పాఠశాల తనిఖీ

చింతకొమ్మదిన్నె: మండలంలోని జె.కొత్తపల్లి వద్ద నాడు–నేడు నిధులతో నిర్మాణం జరుగుతున్న అదనపు తరగతి గదులను, పాఠశాల స్థలాన్ని కలెక్టర్‌ డాక్టర్‌ చెరుకూరి శ్రీధర్‌ మంగళవారం పరిశీలించారు. అలాగే సెంట్రల్‌ కిచెన్‌ ఏర్పాటుకు వసతులను పరిశీలించి ప్రధానోపాధ్యాయుడిని వివరాలను అడిగి తెలుసుకున్నారు.

చింతకొమ్మదిన్నెలోని జిల్లాపరిషత్‌ ఉన్నత పాఠశాలలో మధ్యాహ్నభోజన ఏర్పాట్లు, వసతులు గురించి కలెక్టర్‌ ఆరా తీశారు. రీసర్వే జరుగుతున్న పెద్దకాంపల్లి గ్రామ పొలాల వద్దకు వెళ్లి అధికారులను, ప్రజలను అడిగి రీసర్వే జరుగుతున్న తీరును పరిశీలించి తగు సూచనలు చేశారు. కలెక్టర్‌ పర్యటనలో చింతకొమ్మదిన్నె తహసీల్దార్‌ నాగేశ్వరరావు,ఇతర అధికారులు పాల్గొన్నారు.