TV
ఆయుధాల పనితీరుపై అవగాహన ముఖ్యం
కడప అర్బన్‌ : పోలీసు అధికారులు, సిబ్బంది తమ విధుల్లో వినియోగిస్తున్న ఆయుధాల పనితీరుపై పరిజ్ఞానం పెంపొందించుకోవాలని ఎస్పీ ఈ.జి అశోక్‌కుమార్‌ తెలిపారు. జిల్లా పోలీసుశాఖ ఆధ్వర్యంలో కడప నగర శివార్లలోని ఫైరింగ్‌ రేంజ్‌లో ఏ.ఆర్‌ పోలీసు సిబ్బందికి మొబిలైజేషన్‌లో భాగంగా ఫైరింగ్‌ ప్రాక్టీస్‌ నిర్వహించారు. ఈ సందర్భంగా ఎస్పీ ఈ.జి అశోక్‌కుమార్‌ బుధవారం ఫైరింగ్‌ ప్రాక్టీస్‌లో పాల్గొన్నారు. ఏ.కె–47, మసాడా, గ్లాక్‌పిస్టల్‌ల ద్వారా జిల్లా ఎస్పీ ఫైరింగ్‌ సాధన చేశారు. ఆయుధ నైపుణ్యాలను పరీక్షించారు. ఫైరింగ్‌ ప్రాక్టీస్‌లో పోలీసులు విధుల్లో వినియోగించే ఆయుధాలతో ఫైరింగ్‌ చేయించారు. ఫైరింగ్‌లో ప్రతిభ కనబరిచిన పోలీసు అధికారులను, సిబ్బందిని అభినందించారు. అధికారులు, సిబ్బందికి ఫైరింగ్‌ గురించి ఎస్పీ దిశానిర్దేశం చేశారు. ఈ కార్యక్రమంలో ఏ.ఆర్‌. అదనపు ఎస్పీ బి. రమణయ్య, ఏ.ఆర్‌ డీఎస్పీ శ్రీనివాసరావు, ఆర్‌ఐలు ఆనంద్‌, వీరేష్‌, శ్రీశైలరెడ్డి, టైటాస్‌, ఆర్‌.ఎస్‌.ఐలు తదితరులు పాల్గొన్నారు.
ఎస్పీ ఈ.జి అశోక్‌కుమార్‌
Comments
Please login to add a commentAdd a comment