రాజేష్ మృతదేహానికి అంత్యక్రియలు

రాజేష్ మృతదేహానికి అంత్యక్రియలు

పాకాల : రాజస్థాన్‌లో చోటుచేసుకున్న రోడ్డు ప్రమాదంలో మృతి చెందిన పాకాల మండలం ఇరంగారిపల్లెకు చెందిన దొరస్వామి కొడుకు రాజేష్ మృతదేహానికి శుక్రవారం అంత్యక్రియలు నిర్వహించారు. రాజేష్ రాజస్తాన్‌లో మిలటరీ విభాగంలో విధులు నిర్వర్తించేవాడు. గత మంగళవారం రోడ్డు ప్రమాదంలో మృతి చెందా డు. పోస్టుమార్టం, తదితరాలు పూర్తి చేయడానికి మూడు రోజులు పట్టింది. అనంతరం శుక్రవారం ఉదయం స్వగ్రామానికి రాజేష్ మృతదేహాన్ని మిలటరీ ఉద్యోగు లు తీసుకొచ్చారు.

మృతదేహాన్ని చూడగానే కుటుంబ సభ్యులు గుండెలవిసేలా విలపించారు. తమను ఆదుకుంటాడనుకుంటే కళ్ల ముందే మమ్మల్ని వదిలి వెళ్లి పోయావా? అంటూ కన్నీటి పర్యంతమయ్యారు. గ్రామస్తులు శోకసంద్రంలో మునిగిపోయారు. అనంతరం మిలటరీ ఉద్యోగులు రాజేష్ భౌతిక కాయం వద్ద జాతీయ జెండా ఉంచి ఘన నివాళులు అర్పించారు. అనంతరం అంత్యక్రియలు నిర్వహించారు.