సాక్షి, వైఎస్సార్‌: ఆంధ్రా భద్రాద్రిగా పేరుగాంచిన ఒంటిమిట్ట కోదండరాముని వార్షిక బ్రహ్మోత్సవాలు నేటి (మార్చి 30) నుంచి ప్రారంభం కానున్నాయి. పది రోజుల పాటు ఈ వేడుకలను అంగరంగ వైభవంగా జరిపేందుకు తిరుమల తిరుపతి దేవస్థానం(టీటీడీ) అన్ని ఏర్పాటు చేస్తోంది. శ్రీరామనవమి సందర్భంగా గురువారం అంకురార్పణతో ప్రారంభమై..  ఏప్రిల్‌ 9వ తేదీ పుష్పయాగంతో ఈ వార్షిక బ్రహ్మోత్సవాలు ముగుస్తాయి. ఏప్రిల్‌ 5న ఒంటిమిట్ట కోదండరాముని కల్యాణోత్సవం ఘనంగా నిర్వహించనున్నారు.

తిరుమల (చిత్తూరు): శ్రీవారి బ్రహ్మోత్సవాల నిర్వహణపై తిరుమల తిరుపతి దేవస్థానం శుక్రవారం క్లారిటీ ఇచ్చింది. కరోనా నేపథ్యంలో  ఈ ఏడాది కూడా ఏకాంతంగానే స్వామివారి బ్రహ్మోత్సవాలను నిర్వహించాలని నిర్ణయం తీసుకున్నట్లు టీటీడీ చైర్మన్‌ వైవీ సుబ్బారెడ్డి ప్రకటించారు. కాగా, కేంద్రం మరోసారి కరోనా హెచ్చరికలు జారీచేసిన క్రమంలో రాష్ట్రప్రభుత్వం ఈ మేరకు నిర్ణయం తీసుకుందని చైర్మన్‌​ వైవీ సుబ్బారెడ్డి తెలిపారు. కొన్నిసాంకేతిక సమస్యల కారణంగా.. ఆన్‌లైన్‌ సర్వదర్శనం టోకెన్ల జారీ ఆలస్యమైందని అన్నారు. వారంలోగా సమస్యను పరిష్కరించి భక్తులకు స్వామివారి దర్శనం అయ్యేలా చర్యలు చేపడతామని వైవీ సుబ్బారెడ్డి తెలిపారు.   చదవండి: ‘తప్పుడు లెక్కలతో ప్రజలను బురిడీ కొట్టించలేరు’

సాక్షి, హైదరాబాద్‌: బ్రహ్మోత్సవాలకు ముందే యాదాద్రి ప్రధానాలయం ప్రారంభించాలని ప్రభుత్వం భావిస్తోంది. ఫిబ్రవరిలో యాదాద్రి లక్ష్మీనారసింహుని బ్రహ్మోత్సవాలు నిర్వహిస్తారు. ఈలోపు ఆలయ పునర్నిర్మాణ పనులు పూర్తి చేసి ప్రారంభించాలని భావిస్తున్నారు. పది రోజుల కిందట ముఖ్యమంత్రి చంద్రశేఖర్‌రావు అధికారులకు కొన్ని ప్రత్యేక సూచనలు చేశారు. 45 రోజుల్లో పనులన్నీ పూర్తి చేసి, ప్రధాన ఆలయం ప్రారంభించేందుకు సిద్ధం చేయాలని ఆదేశించారు. ఈ మేరకు జనవరి ఆఖరు లోపు పనులు పూర్తి చేసే దిశగా అధికారులు వేగంగా ఏర్పాట్లు చేస్తున్నారు. ఆలయ పునర్నిర్మాణ పనులు మొదలైనప్పటి నుంచి స్వామివారు గుట్ట దిగువన బాలాలయంలో దర్శనమిస్తున్నారు. అనుకున్నట్లు జరిగితే వచ్చే నెలాఖరులో ప్రధానాలయానికి తరలి అక్కడే భక్తజనానికి దర్శనమివ్వనున్నారు.   అక్కడ తాత్కాలిక ఏర్పాట్లతో.. ప్రస్తుతం ప్రధాన దేవాలయం పనులన్నీ పూర్తయ్యాయి. దిగువన చేపట్టిన అభివృద్ధి పనులు మాత్రం ఇంకా కొనసాగుతున్నాయి. రింగురోడ్డు, కల్యాణకట్ట, గుండం, ప్రెసిడెన్షియల్‌ సూట్లు.. తదితర పనులు జరుగుతున్నాయి. సీఎం నిర్దేశించిన గడువులోగా ఇవి పూర్తి కావు. వీటిలో రింగురోడ్డుకు సంబంధించి.. గాలిగోపురం వద్ద అడ్డుగా ఉన్న కొన్ని ఇళ్లు తొలగించాల్సి ఉంది. అక్కడి వారికి పునరావాసం కల్పించాకే వాటిని తొలగించాలని ఆదేశాలు అందాయి. ఇక దిగువన ప్రత్యేకంగా నిర్మిస్తున్న కల్యాణకట్ట, గుండం పనులు అనుకున్న గడువులోగా పూర్తయ్యేలా లేవు. దీంతో జనవరి లోపు తా త్కాలికంగా అందుబాటులోకి తెచ్చేలా ఏర్పాట్లు చేస్తున్నారు. ప్రెసిడెన్షియల్‌ సూట్లు దాదాపు సిద్ధం కానున్నాయని అధికారులు చెబుతున్నా రు. చినజీయర్‌స్వామి ఆధ్వర్యంలో మరోసారి పరిశీలించి ఆలయ ప్రారంభానికి ముహూర్తం ఖరారు చేయనున్నారు. ఇప్పటికే కొన్ని తేదీలు అనుకుంటున్నారు. వాటిల్లో ఏది ఖరారు అవుతుందనే దానిపై అధికారులకు ఇంకా స్పష్టత రాలేదు. సీఎంవో నుంచి వచ్చే సూచనల ఆధారంగా తాము ఏర్పాట్లు చేస్తామని వారు చెబుతున్నారు. 


 శ్రీశైలం: శ్రీశైలంలో భ్రమరాంబ మల్లికార్జునస్వామి బ్రహ్మోత్సవాలు వైభవంగా కొనసాగుతున్నాయి. నాలుగో రోజు బ్రహ్మోత్సవాలలో భాగంగా స్వామి, అమ్మవార్లు సోమవారం సాయంత్రం మయూర వాహనంపై భక్తులకు దర్శనమివ్వనున్నారు. కాగా, శ్రీశైలంలో భక్తులు పోటెత్తారు. సోమవారం శివుడికి ప్రీతిపాత్రం కావడంతో స్వామి, అమ్మవార్లను దర్శించుకునేందుకు భక్తులు అధిక సంఖ్యలో తరలివచ్చారు. సర్వ దర్శనానికి 4 గంటల సమయం పడుతుండగా ప్రత్యేక దర్శనానికి 2 గంటల సమయం పడుతోంది. శివదీక్ష భక్తులకు 4 గంటల సమయం పడుతోంది. 


 సమ్మర్ సీజన్ ముగిసిపోనుండటంతో మంచి హైప్ క్రియేట్ చేస్తున్న సినిమాలు వరుసగా రిలీజ్కు క్యూ కడుతున్నాయి. ఈ సీజన్లో ఇప్పటివరకు ఎక్కువగా యాక్షన్, ప్రయోగాత్మక సినిమాలు రిలీజ్ కాగా.. ఇకపై అన్నీ రొమాంటిక్ లవ్ స్టోరీలే రిలీజ్కు రెడీ అవుతున్నాయి. సూపర్ స్టార్ల నుంచి యంగ్ హీరోల వరకు అందరూ ఈ తరహా సినిమాలతోనే ఆడియన్స్ ముందుకు రావడానికి రెడీ అవుతున్నారు. మే, జూన్ నెలలో టాలీవుడ్ స్క్రీన్ మీద రొమాంటిక్ ఫ్యామిలీ ఎంటర్టైనర్లు సందడి చేయనున్నాయి.
 
 మే చివర్లో మహేష్ బాబు హీరోగా తెరకెక్కిన బ్రహ్మోత్సవం సినిమా రిలీజ్కు రెడీ అవుతోంది. కుంటుంబ బంధాల నేపథ్యంలో తెరకెక్కిన ఈ భారీ చిత్రంలో ముగ్గురు ముద్దుగుమ్మలతో రొమాన్స్ చేస్తున్నాడు రాజకుమారుడు. ఇదే తరహా కథాంశంతో తెరకెక్కిన త్రివిక్రమ్, నితిన్ల 'అ.. ఆ..' కూడా మరో రెండు వారాల్లో రిలీజ్కు రెడీ అవుతోంది. త్రివిక్రమ్ మార్క్ ఫ్యామిలీ డ్రామతో తెరకెక్కనున్న ఈ సినిమాలో నితిన్ సరసన సమంత హీరోయిన్గా నటిస్తోంది.
 
 నాగచైతన్య హీరోగా తెరకెక్కుతున్న మళయాల సూపర్ హిట్ ప్రేమమ్ రీమేక్ కూడా మరో నెలరోజుల్లో రిలీజ్కు రెడీ కానుంది. ప్యూర్ రొమాంటిక్ ఎంటర్టైనర్గా తెరకెక్కుతున్న ఈ సినిమాలో శృతిహాసన్, మడోనా సెబాస్టియన్, అనుపమ పరమేశ్వరన్లు హీరోయిన్లుగా నటిస్తున్నారు. ఇక తొలిసారి మెగాఫ్యామిలీ నుంచి హీరోయిన్గా ఎంట్రీ ఇస్తున్న నీహారిక తొలి సినిమా ఒక్క మనసు కూడా భారీ హైప్ క్రియేట్ చేస్తోంది. ఈ సినిమా కూడా క్యూట్ లవ్ స్టోరీ అన్న టాక్ వినిపిస్తోంది.


 బాహుబలి సినిమా రిలీజ్ తరువాత టాలీవుడ్ ముఖచిత్రం పూర్తిగా మారిపోయింది. ప్రస్తుతం తెలుగు సినిమా స్థాయి ఎన్నో రెట్లు పెరిగింది. ఒకప్పుడు 50 కోట్ల కలెక్షన్లు కూడా కష్టంగా కనిపించిన ఇండస్ట్రీలో ఇప్పుడు 100 కోట్లు కూడా సాధ్యమే అని ప్రూవ్ అయ్యింది. ముఖ్యంగా ఈ సంక్రాంతికి రిలీజ్ అయిన సినిమాలు వసూళ్ల సునామీ సృష్టిస్తుండటంతో రాబోయే సినిమాలకు కూడా భారీ బిజినెస్ జరుగుతోంది.
 
 ఈ వేసవిలో రిలీజ్కు రెడీ అవుతున్న భారీ చిత్రాలకు ఇప్పటికే బిజినెస్ స్టార్ట్ అయిపోయిందన్న టాక్ వినిపిస్తోంది. ఈ లిస్ట్లో పవర్స్టార్ పవన్ కళ్యాణ్ ఒక అడుగు ముందే ఉన్నాడు. లాంగ్ గ్యాప్ తరువాత సర్థార్ గబ్బర్సింగ్ సినిమాతో ఆడియన్స్ ముందుకు వస్తున్న పవన్, ఇప్పటికే 90 కోట్లకు పైగా బిజినెస్ చేసేశాడన్న టాక్ వినిపిస్తోంది. మహేష్ హీరోగా తెరకెక్కుతున్న బ్రహ్మోత్సవానికి కూడా ఇదే స్థాయిలో బిజినెస్ జరుగుతోంది.
 
 సన్నాఫ్ సత్యమూర్తి తరువాత బోయపాటి శ్రీను దర్శకత్వంలో సరైనోడు సినిమాతో వస్తున్న అల్లు అర్జున్ కూడా ఇప్పటికే 70 కోట్ల వరకు బిజినెస్ను పూర్తిచేశాడు. ఇక ఇంతవరకు షూటింగ్ కూడా మొదలుకాక ముందే ఎన్టీఆర్, కొరటాల శివల జనతా గ్యారేజ్కు కూడా బిజినెస్ మొదలైందన్న టాక్ వినిపిస్తోంది. ఈ జోరు చూస్తుంటే ఈ సమ్మర్లో టాలీవుడ్ బాక్సాఫీస్ ముందు రెండు, మూడు వందల కోట్ల రూపాయల విలువైన సినిమాలు సందడి చేసే ఛాన్స్ కనిపిస్తోంది.


 శ్రీమంతుడు సినిమాతో సంచలన విజయం నమోదుచేసిన మహేష్ బాబు, త్వరలో బ్రహ్మోత్సవం చేయడానికి రెడీ అవుతున్నాడు. అందులోభాగంగా తన అభిమానులకు కొత్త సంవత్సర కానుకను అందించాడు. శ్రీకాంత్ అడ్డాల దర్శకత్వంలో తెరకెక్కుతున్న బ్రహ్మోత్సవం సినిమా ఫస్ట్ లుక్ టీజర్ను ఈరోజు (శుక్రవారం) ఉదయం 9.36 నిమిషాలకు రిలీజ్ చేశారు. పూర్తి ఫ్యామిలీ వాతావరణంలో తెరకెక్కిన పెళ్లి పాటలో మహేష్ మరింత అందంగా కనిపిస్తున్నాడు. మహేష్తో పాటు చిత్రంలోని ఇతర నటీనటులను కూడా పరిచయం చేసిన ఈ టీజర్ సినిమా మీద అంచనాలను పెంచేస్తోంది. భారీ హిట్ తరువాత మహేష్ చేస్తున్న సినిమా కావటంతో బ్రహ్మోత్సవం పై భారీ అంచనాలు ఉన్నాయి.
 
 గతంలో సీతమ్మ వాకిట్లో సిరిమల్లె చెట్టు సినిమాతో కూల్ హిట్ అందుకున్న మహేష్, శ్రీకాంత్ అడ్డాల కాంబినేషన్లో తెరకెక్కుతున్న ఈ సినిమాలో మహేష్ సరసన సమంత, కాజల్, ప్రణీతలు హీరోయిన్లుగా నటిస్తున్నారు. ప్రస్తుతం షూటింగ్ కార్యక్రమాలు జరుపుకుంటున్న ఈ సినిమాను వేసవి కానుకగా రిలీజ్ చేయడానికి ప్లాన్ చేస్తున్నారు. పివిపి సినిమాస్ బ్యానర్‌తో కలిసి మహేష్ స్వయంగా బ్రహ్మోత్సవాన్ని నిర్మిస్తున్నాడు.
  
 
 Here it is.. The very first teaser of Brahmotsavam! Wish you all a very Happy New Year.. Enjoy :) https://t.co/LQPydgiEG4
 — Mahesh Babu (@urstrulyMahesh) January 1, 2016
  
  


 ఘట్టమనేని వారసుడిగా ఇండస్ట్రీకి పరిచయం అయిన బావమరిది సుధీర్ బాబును స్టార్ హీరోగా నిలబడేందుకు బావ మహేష్ బాబు అన్ని రకాలుగా సాయం చేస్తున్నాడు. ఇప్పటికే సుధీర్ బాబు హీరోగా తెరకెక్కుతున్న సినిమాల ఆడియో వేడులకు హాజరవుతున్న సూపర్ స్టార్ వీలైనప్పుడల్లా సుధీర్ సినిమాలను ప్రమోట్ చేస్తున్నాడు. ఈ శుక్రవారం రిలీజ్ అయిన 'భలే మంచి రోజు సినిమా' సక్సెస్ కు కూడా తన వంతు సాయం చేశాడు మహేష్.
 
 ప్రస్తుతం బ్రహ్మోత్సవం సినిమా షూటింగ్ లో ఉన్న రాజకుమారుడు, భలే మంచి రోజు సినిమాకు వస్తున్న రివ్యూల పై స్పందించాడు. ' భలే మంచి రోజు సినిమాకు మంచి రివ్యూస్ వస్తున్నాయి, హైదరాబాద్ తిరిగొచ్చాక సినిమా చూస్తాను. సుధీర్ బాబు తో పాటు భలే మంచి రోజు సినిమా యూనిట్ కు శుభాకాంక్షలు' అంటూ ట్వీట్ చేశాడు. మహేష్ రెస్పాన్స్ మూవీ కలెక్షన్ల విషయంలో ఎంత వరకు ప్లస్ అవుతుందో చూడాలి.
  
 
 Hearing good reviews for #BhaleManchiRoju. Will watch once i am back.congrats to @isudheerbabu n the entire team.
 — Mahesh Babu (@urstrulyMahesh) December 26, 2015


 షార్ట్ ఫిలిం హీరోయిన్ చాందినీ చౌదరి గోల్డెన్ ఛాన్స్ కొట్టేసింది. యూట్యూబ్ స్టార్గా మంచి ఫాలోయింగ్ ఉన్న ఈ బ్యూటీ త్వరలో టాలీవుడ్ సూపర్ స్టార్తో ఆడిపాడనుంది. ఈ మధ్యే వెండితెర మీద కూడా అడుగుపెట్టిన ఈ భామ కుందనపు బొమ్మ సినిమాతో ఆడియన్స్ ముందుకు వస్తోంది. సూపర్ స్టార్ మహేష్ బాబు హీరోగా నటిస్తున్న బ్రహ్మోత్సవం సినిమాలో కీలక పాత్రతో పాటు ఓ సాంగ్ లోనూ కనిపించనుందట.
 
 శ్రీమంతుడు లాంటి ఘనవిజయం తరువాత మహేష్ బాబు, శ్రీకాంత్ అడ్డాల దర్శకత్వంలో బ్రహ్మోత్సవం సినిమాలో నటిస్తున్నాడు. ఇటీవల మొదలైన ఈ సినిమా షూటింగ్, ప్రస్తుతం హైదరాబాద్ శివార్లలో శరవేగంగా జరుగుతోంది. ఈ సినిమాలో హీరో ఇంట్రడక్షన్ సమయంలో వచ్చే కీలక సన్నివేశాలతో పాటు, పాటలోనూ నటించడానికి షార్ట్ ఫిలిం స్టార్ చాందినీ చౌదరిని ఎంపిక చేశారు. త్వరలోనే మహేష్, చాందినిల కాంబినేషన్లో తెరకెక్కనున్న సన్నివేశాలను చిత్రీకరించనున్నారు.


 శనివారం రామోజీ ఫిలిం సిటీ ఓ అరుదైన కలయికకు వేదిక అయ్యింది. టాలీవుడ్ సూపర్ స్టార్ మహేష్ బాబును బాలీవుడ్ బాద్షా షారూక్ ఖాన్ కలిశారు. మహేష్ రామోజీ ఫిలిం సిటీలో వేసిన భారీ సెట్లో జరిగే బ్రహోత్సవం సినిమా షూటింగ్లో పాల్గొంటున్నాడు. కొద్ది రోజులుగా షారూఖ్ కూడా దిల్వాలే సినిమా కోసం ఫిలింసిటీలో ఉన్నారు.
 
 గత రెండు మూడు రోజులుగా షూటింగ్ బిజీ లేకపోవటంతో ఫ్రీగా ఉన్న షారూఖ్ బ్రహ్మోత్సవం సెట్ లో మహేష్ ను కలిశారు. షారూఖ్  సడన్ విజిట్తో యూనిట్ సభ్యులంతా థ్రిల్ అయ్యారు. మహేష్ కూడా తన ఆనందాన్ని ట్విట్టర్ ద్వారా అభిమానులతో పంచుకున్నారు. 'ఈ రోజు బ్రహ్మోత్సవం సెట్ లో షారూఖ్ ను కలవడం ఆనందంగా ఉంది. మన యూనిట్ సభ్యులంతా థ్రిల్ అయ్యారు. థ్యాంక్స్ సర్' అంటూ ట్వీట్ చేశాడు మహేష్.