లాస్ ఏంజెలెస్: రియాలిటీ టీవీ స్టార్ కైలీ జెన్నర్ నివాసంలోకి చొచ్చుకెళ్లేందుకు ప్రయత్నించిన 19 ఏళ్ల యువకుడిని పోలీసులు అరెస్ట్ చేశారు. జెన్నర్ కుటుంబ సభ్యులతో కలిసి లాస్ ఏంజెలెస్ లోని కాలాబాసాస్ ఉన్న తన ఇంట్లో క్రిస్మస్ పండుగ సంబరాలు జరుపుకుంటుండగా ఈ ఘటన చోటుచేసుకుంది. జెన్నర్ భవంతిలోని సెక్యురిటీ గేటు నుంచి లోపలికి చొచ్చుకు వచ్చేందుకు ప్రయత్నిస్తుండగా అతడిని అదుపులోకి తీసుకున్నారు.
 
 ఇటీవల కాలంలో దాదాపు పదిసార్లు జెన్నర్ భవంతి సమీపంలో అతడు తచ్చాడినట్టు గుర్తించారు. నిందితుడిని కస్టడీలోకి తీసుకున్న పోలీసులు అతడిని మానసిక సంబంధ పరీక్షలు నిర్వహించారు. తర్వాత బెయిల్ పై అతడిని విడుదల చేశారు. అయితే నిందితుడి వివరాలు, అతడు ఎందుకు జెన్నర్ భవంతి ఉన్నాడనేది వెల్లడికాలేదు.