బెంగళూరు: కర్ణాటక ప్రభుత్వం అవినీతికి పాల్పడుతోందని ఆరోపిస్తూ '40 శాతం కమీషన్ సర్కార్‌' పేరుతో పేసీఎం పోస్టర్లను కాంగ్రెస్ ప్రచురించిన విషయం తెలిసిందే. సీఎం బసవరాజ్ బొమ్మై ఫోటో, క్యూఆర్‌ కోడ్‌తో ఉన్న ఈ ఫోటోలు గోడలపై కన్పించడం తీవ్ర చర్చనీయాంశమైంది. అయితే ఓ పోస్టర్‌లో కాంగ్రెస్ తన ఫోటోను వాడుకుందని కన్నడ నటుడు అఖిల్ అయ్యర్‌ ఆరోపించాడు. తన అనుమతి లేకుండా తనకు సంబంధం లేని వ్యవహారంలో తన చిత్రాన్ని వాడటంపై అభ్యంతరం తెలిపాడు.  ట్విట్టర్ వేదికగా ఈ పోస్టర్‌ను షేర్ చేసి, దీనిపై న్యాయపరమైన చర్యలు తీసుకుంటానని కాంగ్రెస్‌ను హెచ్చరించాడు అఖిల్. దయచేసి ఈ విషయాన్ని పరిశీలించాలని రాహుల్ గాంధీ, సిద్ధరామయ్యతో పాటు కర్ణాటక కాంగ్రెస్‌ను ట్యాగ్ చేశాడు. I am appalled to see that my face is being used illegally and without my consent for "40% Sarkara" - an @INCIndia campaign that i have nothing to do with. I will be taking legal action against this.@RahulGandhi @siddaramaiah @INCKarnataka request you to please look into this pic.twitter.com/y7LZ9wRXW9 — Akhil Iyer (@akhiliy) September 23, 2022 'అవినీతి ఆకలితో ఉన్న ఈ 40శాతం కమీషన్ సర్కార్ 54,000 మంది విద్యార్థుల కెరీర్‌ను దోచుకుంది. ఇంకా మీలో చలనం రాదా?' అని కాంగ్రెస్ ఓ పోస్టర్‌ను రూపొందించింది. ఇందులో నటుడు అఖిల్ ఫోటోను ఉపయోగించింది. దీనిపైనే ఆయన అభ్యంతరం తెలిపాడు. చదవండి: బీజేపీకి వెన్నుపోటు పొడిచాడు: అమిత్‌షా

సాక్షి, న్యూఢిల్లీ:  దేశవ్యాప్తంగా సంచలనం సృష్టించిన దిశ కేసు నిందితుల ఎన్‌కౌంటర్‌ బూటకమని జస్టిస్‌ సిర్పూర్కర్‌ కమిషన్‌ తేల్చిచెప్పింది. నిందితులు పోలీసుల నుంచి తుపాకీలు లాక్కుని కాల్పులు జరిపారన్నది నమ్మశక్యంగా లేదని స్పష్టం చేసింది. నిందితులపై పోలీసులు ఉద్దేశపూర్వకంగానే కాల్పులు జరిపినట్టుగానే ఉందని పేర్కొంది. ఈ వ్యవహారంతో సంబంధమున్న పది మంది పోలీసులపై హత్యానేరం కింద విచారణ చేయాలని తమ నివేదికలో సిఫార్సు చేసింది. కమిషన్‌ జనవరి 28నే సీల్డు కవర్‌లో 387 పేజీల సుదీర్ఘ నివేదికను సుప్రీంకోర్టుకు అందజేయగా.. కోర్టు ఆదేశాల మేరకు కమిషన్‌ సెక్రటేరియట్‌ శుక్రవారం ఈ నివేదికను బహిర్గతం చేసింది. కమిషన్‌ తమ నివేదికలో ఎన్‌కౌంటర్‌ ఘటనకు సంబంధించిన అంశాలతోపాటు 15 సాధారణ సిఫార్సులు కూడా చేసింది. సత్వర న్యాయం పేరిట పోలీసులు చట్టాన్ని చేతుల్లోకి తీసుకోరాదని స్పష్టం చేసింది. నివేదికలో కమిషన్‌ పేర్కొన్న అంశాలివీ..   ‘‘పోలీసులపై దాడి కట్టుకథ!  పోలీసు అధికారి సైదుపల్లి అరవింద్‌ గౌడ్‌ను జొల్లు శివ కర్రతో.. మరో పోలీసు అధికారి కె.వెంకటేశ్వర్లును జొల్లు నవీన్‌ రాళ్లతో కొట్టారని పోలీసుల రిపోర్టులో ఉంది. గాయాలైన పోలీసులను షాద్‌నగర్‌ సీహెచ్‌సీకి, అక్కడి నుంచి కేర్‌ ఆస్పత్రికి తరలించినట్టు ఉంది. కానీ పోలీసు సిబ్బంది మెడికల్‌ రికార్డులో, మెడికో లీగల్‌ సర్టిఫికెట్‌లో వేర్వేరుగా గాయాల వివరాలున్నాయి. ఒక డాక్యుమెంట్‌లో వారిని కేర్‌ ఆస్పత్రికి రిఫర్‌ చేసినట్టు ఉంటే.. మరోదానిలో ఉస్మానియా ఆస్పత్రికి రిఫర్‌ చేసినట్టు ఉంది. కేర్‌ ఆస్పత్రిలో చికిత్స విషయానికొస్తే.. ఒరిజినల్‌ రికార్డులన్నీ సిట్‌కు ఇచ్చారు. కానీ కమిషన్‌ ముందు వాటిని ప్రవేశపెట్టలేదు. ఎక్స్‌రే, సీటీ స్కాన్‌ కూడా ప్రవేశపెట్టలేదు. నుదుటికి గాయమైన పోలీసుకు సంబంధించి ఒకచోట కుడివైపు అని, మరోచోట ఎడమవైపు అని రాశారు.       ఈ ఘటనలో ఇద్దరు పోలీసులకు గాయాలయ్యాయనేది, వారికి ఆస్పత్రిలో చికిత్స అందించారనేది అబద్ధం. నిందితులు పోలీసుల నుంచి తుపాకీలు అపహరించారనేది కట్టుకథ, నమ్మశక్యం కానిది. తుపాకీలను అపహరించారనడానికి ఆధారాలను రూపొందించారు. ఇద్దరు అధికారుల నుంచి తుపాకీలు అపహరించారని ఒకసారి.. ఒక అధికారి నుంచే అపహరించారని పోలీసుల తరఫు సాక్షి వేర్వేరుగా చెప్పారు.  నిందితులు కాల్పులు జరిపే అవకాశమే లేదు  పోలీసుల నుంచి నిందితులు తుపాకీ అపహరించారనే అంశంలోనూ అనుమానాలు ఉన్నాయి. పోలీసు బెల్టుకు ఉండే పౌచ్‌ బటన్‌ తీసి 9ఎంఎం పిస్టల్‌ ఎలా అపహరించగలిగారు? నిందితులకు ఆయుధాల నిర్వహణ తెలుసనే దానికి ఎలాంటి ఆధారాలు లేవు. విచారణ సమయంలో సదరు పిస్టల్‌ను ఎలా నిర్వహిస్తారనేది అధికారులు చూపారు. ఆ ప్రక్రియ చాలా క్లిష్టంగా ఉంది. తుపాకీలను ఉపయోగించడం తెలియని వ్యక్తి అంత సులభంగా వాడటం చాలా కష్టం. నిందితులు వాటిని వాడటం సాధ్యం కాదు. తుపాకీలో మేగజీన్‌ (బుల్లెట్లు ఉండే చాంబర్‌) లోడ్‌ పొజిషన్‌లో ఉందని అధికారులు చెప్తున్నారు. తుపాకీ కాల్చాలంటే పైభాగాన ఉన్న స్లయిడ్‌ను లాగడం ద్వారా చాంబర్‌లోకి బుల్లెట్‌ క్యాట్రిడ్జ్‌ వెళ్లేలా చేయాలి. సేఫ్టీ స్విచ్‌ ఎక్కడ అనేది సూచించే ఆధారాలు రికార్డుల్లో లేవు. శిక్షణ లేని వ్యక్తి సేఫ్టీ స్విచ్‌ను గుర్తించి తుపాకీ కాల్చడం సాధ్యం కాదని బాలిస్టిక్‌ నిపుణులు చెప్తున్నారు. నిందితులు ఆయుధాలు లాక్కొని వెంటనే కాల్పులు ప్రారంభించారన్న పోలీసుల ఆరోపణలు ఊహకు కూడా అందడం లేదు.       పోలీసులు ఎదురుకాల్పులు ప్రారంభించారా? ఆత్మరక్షణ కోసమా? నిందితులను పట్టుకోవడానికి ప్రతీకార కాల్పులు ప్రారంభించారా అనేది అస్పష్టంగా ఉంది. ఏ ఉద్దేశంతో కాల్పులు జరిపారనేది తేలలేదు. కాల్పులు నిజంగానే జరిగాయని చెప్తుండటంపై అనుమానం తలెత్తుతోంది. మృతి చెందిన నలుగురి మొండెం, తలపై తుపాకీ గాయాలున్నాయి. అవి పరిశీలిస్తే పోలీసులు స్పష్టమైన లక్ష్యంతో ఉన్నట్టుగా విశ్వసించాల్సి వస్తోంది.  ఎన్నో అంశాల్లో వ్యత్యాసాలు..  ఘటన ప్రాంతానికి సంబంధించి కొన్ని వీడియో ఫుటేజీలు కమిటీకి అందాయి. అవి ఒక ఆర్డర్‌లో లేవు. పైగా నిడివి తక్కువగా ఉన్న క్లిప్పింగ్‌లు. అవి ప్రాథమిక ఫుటేజీ నుంచి సేకరించినట్టుగా ఉన్నాయి. కమిషన్‌ ముందు పూర్తి ఫుటేజీ ఎందుకు ప్రవేశపెట్టలేదో రాష్ట్ర ప్రభుత్వం వివరణ ఇవ్వలేదు. సెక్షన్‌ 161 సీఆర్‌పీసీ కింద ఒకే సాక్షి వాంగ్మూలాన్ని పదేపదే ఎందుకు సేకరించారో కూడా చెప్పలేదు. మృతదేహాలను తరలించిన బస్సుకు సంబంధించి పలు లాగ్‌బుక్స్‌ ఉన్న అంశంపైనా సమాధానం లేదు. గాయపడిన పోలీసులకు సంబంధించి ఆస్పత్రిలో రికార్డు లేకపోవడం, ఖాళీ అయిన బుల్లెట్‌ క్యాట్రిడ్జ్‌లు అన్నీ తిరిగి సేకరించకలేకపోవడం, ఘటనాస్థలం నుంచి కాల్చి న బుల్లెట్లనూ సేకరించలేకపోవడం వంటివాటిని కేవలం దర్యాప్తులో లోపాలుగా చెప్పలేం. మృతదేహాలు, ఇతర వస్తువుల స్థానాల్లో కీలక తేడాలు, విచారణ నివేదికలు, క్రైం సీన్‌ పంచనామాల్లో వ్యత్యాసాలు చూస్తుంటే పోలీసుల వాదన నమ్మశక్యం కాదని నిర్ధారణ అవుతోంది.  కస్టడీ అనుమతిలోనూ చట్ట ఉల్లంఘన  జ్యుడీషియల్‌ మేజిస్ట్రేట్‌ నిందితులను పోలీసు కస్టడీకి అనుమతించే సమయంలోనూ తీవ్రమైన చట్ట ఉల్లంఘన జరిగినట్టు తేలింది. ఎలాంటి పత్రాలను పరిశీలించకుండానే ఓ నిర్ణయానికి వచ్చినట్టు తెలుస్తోంది. మేజిస్ట్రేట్‌ ముందు ప్రొసీడింగ్స్‌ సమయంలో పబ్లిక్‌ ప్రాసిక్యూటర్‌గానీ, పోలీసు అధికారిగానీ లేరు. ఏసీపీ వి.సురేందర్‌ స్థానంలో ఓ కానిస్టేబుల్‌ ఉన్నట్టు ఆరోపణలున్నాయి. ఈ సందర్భంగా అజ్మల్‌ కసబ్‌ కేసులో సుప్రీంకోర్టు చేసిన సూచనలను గుర్తుంచుకోవాలి. బెయిల్‌ కోసం దరఖాస్తు/పోలీసు రిమాండ్‌ను వ్యతిరేకించడం/జ్యుడీషియల్‌ కస్టడీని వ్యతిరేకించడం వంటి అంశాల్లో నిందితులకు న్యాయ సలహా అవసరం.  ఘటన నాటికి ముగ్గురూ మైనర్లే..  జొల్లు శివ, జొల్లు నవీన్, చింతకుంట చెన్నకేశవులు ముగ్గురూ మైనర్లు.. పాఠశాల రికార్డులను పరిశీలించినప్పటికీ పోలీసులు వారి వయసును నమోదు చేయలేదు. మరణించే నాటికి ముగ్గురు మైనర్లేనని వారి బంధువులు కూడా పేర్కొన్నారు. ఆధార్‌ కార్డుల్లోనూ వారి పుట్టిన సంవత్సరం 2001గా నమోదై ఉంది. ఆధార్‌కార్డు పుట్టినతేదీకి అధికారిక రుజువు కాదు. ఈ నేపథ్యంలో పాఠశాల అడ్మిషన్‌ రిజిస్టర్‌లో నమోదు చేసిన విధంగా పుట్టినతేదీ ధ్రువీకరణ పత్రం ప్రాథమిక పత్రంగా ఉండాల్సింది.’’ నిందితులను చంపే ఉద్దేశంతోనే..  రికార్డుల్లోని అన్ని అంశాలను పరిశీలించిన అనంతరం.. నిందితులు 6.12.2019 నాటి ఘటనలో ఆయుధాలను లాక్కోవడం, కస్టడీ నుంచి తప్పించుకొనే ప్రయత్నం చేయడం, పోలీసులపై దాడి, కాల్పులు జరపడం వంటివి చేయలేదని నిర్ధారించాం. రెండో విషయం ఏమిటంటే నిందితులు 9ఎంఎం పిస్టల్‌తో కాల్చడమనే సందర్భమే తలెత్తలేదు. నిందితులంతా బుల్లెట్ల గాయాల కారణంగానే మరణించారు. వారిపై ఉద్దేశపూర్వకంగా కాల్పులు జరిపిన పోలీసు అధికారుల చర్యలను సమర్థించడానికి వీల్లేదు.  షేక్‌ లాల్‌ మదర్, మహమ్మద్‌ సిరాజుద్దీన్, కొచ్చెర్ల రవిలను 302 ఐపీసీ కింద విచారణ చేయాలి. ఈ అధికారులు ఐపీసీ సెక్షన్‌ 76, సెక్షన్‌ 300 ఐపీసీ (3) నుంచి మినహాయింపు పొందలేరు. ఎందుకంటే వారు నిందితులపై కావాలనే కాల్పులు జరిపారనే వాదన నమ్మదగినది. దీని ప్రకారం.. వి.సురేందర్, కె.నర్సింహారెడ్డి, షేక్‌ లాల్‌ మదర్, మహమ్మద్‌ సిరాజుద్దీన్, కొచ్చెర్ల రవి, కె.వెంకటేశ్వర్లు, ఎస్‌.అరవింద్‌ గౌడ్, డి.జానకిరామ్, ఆర్‌.బాలు రాథోడ్, డి.శ్రీకాంత్‌.. ఈ పది మందినీ కూడా ‘సెక్షన్‌ 302 రెడ్‌ విత్‌ 34 ఐపీసీ, 201 రెడ్‌ విత్‌ 302 ఐపీసీ, 34 ఐపీసీ’ల కింద విచారించాలి. వేర్వేరు చర్యలు చేసినప్పటికీ నిందితులను చంపాలనే ఉద్దేశంతోనే వారు ఉన్నారు.  ఆ పది మంది పోలీసులు కూడా నలుగురు నిందితులను సురక్షితంగా ఉంచే బాధ్యత కలిగిన వారే. ఏవైనా చర్యలు లేదా లోపాలు ద్వారా ఆ బాధ్యతలో విఫలమైతే.. నిందితుల మృతి పట్ల ఉమ్మడి ఉద్దేశం ఉన్నట్టుగానే భావించాలి. అంతేకాదు ఎన్‌కౌంటర్‌ తర్వాత రికార్డులు తారుమారు చేయడంలో వారి ప్రవర్తన, నిందితుల గురించి తప్పుడు సమాచారం ఇచ్చిన తీరు చూస్తే వారి ఉమ్మడి ఉద్దేశం స్పష్టమవుతోంది.  మాబ్‌ లించింగ్‌ (మూక దాడి) ఆమోదయోగ్యం కాదు. అదే విధంగా తక్షణ న్యాయం వంటి ఆలోచన కూడా ఆమోదయోగ్యం కాదు. ఏ సమయంలోనైనా చట్టం నియమాలు బలంగా ఉండాలి. నేరానికి శిక్ష అనేది చట్టం ఏర్పాటు చేసిన విధానం ద్వారానే ఉండాలి. పోలీసులకు బాడీ కెమెరాలు పెట్టాలి  విచారణ సమయంలో గమనించిన అంశాల మేరకు పలు సాధారణ సిఫార్సులు చేయాల ని నిర్ణయించినట్టు కమిషన్‌ నివేదికలో పే ర్కొంది. ఈ మేరకు 15 సిఫార్సులు చేసింది.   ∙మహిళలు, చిన్నారులపై దాడులకు సంబంధించి వెంటనే ఎఫ్‌ఐఆర్‌ రిజిస్టర్‌ చేయాలి. ∙ శాంతిభద్రతల నుంచి దర్యాప్తు విభాగాన్ని వేరు చేయాలి. ∙అరెస్టు సమయంలో రాజ్యాంగ, చట్టపరమైన అంశాలను తప్పనిసరిగా పాటించాలి. ∙దర్యాప్తు మొత్తం వీడియో రికార్డు చేయాలి. ∙ పోలీసుల శరీరానికి కెమెరాలు పెట్టాలి.  ∙ అన్ని కేసుల్లోనూ సీసీ టీవీ ఫుటేజీని తప్పనిసరిగా సేకరించాలి. ∙సాక్షుల వాంగ్మూలాలను ఆడియో, వీడియో రికార్డు చేయాలి. ∙క్రైం సీన్‌పై ఫోరెన్సిక్‌ నిపుణులకు పూర్తి బాధ్యత అప్పగించాలి. ∙అన్ని ఫోరెన్సిక్‌ ఆధారాలను వరుస క్రమంలో భద్రపర్చాలి. ∙ జ్యుడీషియల్‌ మేజిస్ట్రేట్‌ బాధ్యతలను ఎగ్జిక్యూటివ్‌ మేజిస్ట్రేట్‌ నిర్వహించడాన్ని నివారించాలి. ∙పోలీసు కస్టడీకి దరఖాస్తు చేసిన ప్రతీసారి నిందితుడిని హాజరుపర్చేలా మేజిస్ట్రేట్‌ ఆదేశించడాన్ని తప్పనిసరి చేయాలి. ∙పోలీసుల కస్టడీ పిటిషన్‌పై నిందితులకు నోటీసులు జారీ చేయాలి. ∙ సెక్షన్‌ 176(1–ఏ) కోడ్‌ ఆఫ్‌ క్రిమినల్‌ ప్రొసీజర్, 1973 కింద మేజిస్టీరియల్‌ విచారణ చేయాలి. ∙దర్యాప్తునకు సంబంధించిన పోలీసులు మీడియా సమావేశాలు నిర్వహించాలి. ∙అసత్య సాక్ష్యాలకు సంబంధించి చర్యలను సరళీకృతం చేయాలి.    ఇది కూడా చదవండి: దిశ కేసు హైకోర్టుకు బదిలీ

టెక్‌ దిగ్గజ కంపెనీల మీద గత కొన్నిరోజులుగా సంచలన ఆరోపణలు వినిపిస్తున్నాయి. యూజర్ల డాటాకు భద్రత కరువైందని, ప్రైవసీకి భంగం కలిగిస్తున్నాయని, నైతిక విలువల్ని పట్టించుకోవట్లేదని ఆరోపణలు వెల్లువెత్తుతున్నాయి. ఈ తరుణంలో యాప్‌ మార్కెట్‌, డెవలపర్స్‌ నుంచి గూగుల్‌ అడ్డగోలు కమిషన్‌ వసూలు చేస్తుందనే ఆరోపణల మీద దర్యాప్తులు నడుస్తున్నాయి.  ఇవేకాకుండా గూగుల్‌ క్లౌడ్‌ మార్కెట్‌ప్లేస్‌ నుంచి సాఫ్ట్‌వేర్‌ను ఇతరుల నుంచి కొన్నప్పుడు కూడా గూగుల్‌ కొంత పర్సంటేజ్‌ తీసుకుంటూ వస్తోంది. అయితే ఇది అడ్డగోలుగా ఉంటోందనే విమర్శ ఉంది.   ఈ పరిణామాల నేపథ్యంలో గూగుల్‌ సంచలన నిర్ణయం తీసుకుంది.  గూగుల్‌ క్లౌడ్‌ ఫ్లాట్‌ఫామ్‌ పర్సంటేజ్‌ను ఒక్కసారిగా 20 శాతం నుంచి 3 శాతానికి తగ్గించుకుంటున్నట్లు వెల్లడించింది.  దీంతో మధ్యవర్తులకు భారీగా ఊరట లభించనుంది. ‘‘పోటీ ప్రపంచంలో ఆరోగ్యవంతమైన వాతావరణం కోసం, మిగతా కంపెనీలకూ అవకాశం ఇస్తూ పోటీతత్వాన్ని ప్రొత్సహించే క్రమంలోనే ఈ నిర్ణయం తీసుకుంటున్నామ’’ని గూగుల్‌ ప్రకటించుకుంది ఈ ఏడాది మొదట్లో..  డెవలపర్స్‌ వార్షికాదాయంలో మొదటి 1 మిలియన్‌ డాలర్లు(దాదాపు ఏడుకోట్ల రూపాయలకు పైనే) నుంచి సగం ఫీజు మాత్రమే  యాప్‌ స్టోర్‌ సేవల కోసం వసూలు చేస్తామని గూగుల్‌ నిర్ణయించింది.  అయితే గూగుల్‌ కంటే ముందే యాపిల్‌.. కిందటి ఏడాది నవంబర్‌లో పైనిర్ణయం తీసుకోవడం గమనార్హం.  ఇక వరుస విమర్శల నేపథ్యంలో జులై 1వ తేదీ నుంచి యాప్‌ స్టోర్‌ ఫీజులను 30 నుంచి 15 శాతానికి తగ్గించినట్లు ప్రకటించింది గూగుల్‌.  చదవండి: తెలుగు బిగ్‌బాస్‌ 5 విజేత అతడే అంటున్న గూగుల్‌!

సాక్షి, ముంబై: కొత్త కొత్త ప్లాన్లు, మార్పులతో వినియోగదారులను ఆకట్టుకుంటున్న రిలయన్స్ జియో మరో సరికొత్త అవకాశాన్ని అందుబాటులోకి తీసుకొచ్చింది. ముఖ్యంగా కరోనా వైరస్  మహమ్మారి కష్టాల్లో  ఉన్న జియో వినియోగదారులు ఇతరులకు రీచార్జ్ చేయడం ద్వారా కమిషన్ పొందేలా జియోపోస్ లైట్ పేరుతో ఒక యాప్  ప్రారంభించింది. ఈ యాప్ ద్వారా జియో వినియోగదారులు తమకు తెలిసిన ఇతర జియో కస్టమర్లకు ప్రీపెయిడ్ రీచార్జీలను చేయవచ్చు. ఇలా చేసిన ప్రతి రీఛార్జ్ ద్వారా 4.16శాతం కమీషన్ సంపాదించవచ్చు.  ఈ యాప్ ను డైరెక్టుగా గూగుల్ ప్లేస్టోర్ నుంచి  ఉచితంగా డౌన్ లోడ్ చేసుకోవచ్చు. రిజిస్ట్రేషన్ చేసుకోవడం కూడా చాలా సులభం. పైగా ఎలాంటి పత్రాలు సమర్పించాల్సిన పని లేదు. ఇప్పటికే మైజియో యాప్, జియో వెబ్సైట్ ను ఉపయోగించి ఇతర జియో కస్టమర్లకు రీచార్జ్  చేసే అవకాః ఉన్నప్పటికీ, ఆ రీచార్జ్ లపై కమిషన్ చెల్లించదు. తాజా యాప్ ద్వారా వినియోగదారులు కమిషన్ పొందవచ్చు.  అంతేకాదు ఇందులో పాస్ బుక్ ఫీచర్ ఉంటుంది. దీని ద్వారా వినియోగదారులు గత 20 రోజుల్లో నిర్వహించిన లావాదేవీలు, వచ్చిన కమీషన్ ను చెక్ చేసుకోవచ్చు.  (కరోనా : భారత సంతతి వైద్యురాలు కీలక నిర్ణయం) రిజిస్ట్రేషన్ ఎలా?  జియోపోస్ లైట్ యాప్ ను ఇన్ స్టాల్ చేసుకొని... సంబంధిత అనుమతులు పూర్తయినాక, జియో నెంబరు నమోదు చేయాలి. ఇలా  రిజిస్ట్రేషన్ ప్రక్రియ పూర్తి అయిన తర్వాత వాలెట్ లో రూ .500, రూ .1000, రూ .2000 లాంటి ఆప్షన్లతో డబ్బును నింపమని యాప్ అడుగుతుంది. అలాగే రీఛార్జ్ ప్రణాళికలను చూపుతుంది. దీన్ని ఎంచుకొని రీచార్జ్ చేసినప్పుడు 4.16 శాతం కమీషన్ పొందవచ్చు. అయితే ఆండ్రాయిడ్ ఫోన్లకు మాత్రమే ఈ సదుపాయం అందుబాటులో ఉంది.  ప్రస్తుతం ఐఓఎస్ వెర్షన్ కు ఈ సదుపాయం లేదు.  (వొడాఫోన్ ఐడియా కస్టమర్లకు గుడ్ న్యూస్) కాగా కోవిడ్-19 కరోనా వైరస్, లాక్డౌన్ ఇబ్బందుల మధ్య  వినియోగదారులకు జియో, ఎయిర్టెల్, వొడాఫోన్ ఐడియా సంస్థలు పలు సౌలభ్యాలను అందుబాటులోకి తీసుకొచ్చాయి. అదనపు డేటా ప్రయోజనాలు, ఏటీఎం, ఎస్ఎంఎస్ ద్వారా రీచార్జ్ చేసుకునే అవకాశాన్ని కల్పించాయి. అలాగే జియోపోస్ లైట్ మాదిరిగానే, వొడాఫోన్ ఐడియా కూడా “రీఛార్జ్ ఫర్ గుడ్” ను ప్రారంభించింది. ఇందులో ప్రతీ రీఛార్జికి 6 శాతం కమీషన్  అందిస్తున్న సంగతి తెలిసిందే.

సాక్షి, గుంటూరు: గత ఎన్నికల్లో 600 అబద్ధపు హామీలతో ప్రజలను మభ్యపెట్టిన చంద్రబాబు మళ్లీ అదే సూత్రాన్ని అమలు చేస్తున్నారు. నాలుగేళ్లుగా కన్నెత్తి చూడని ప్రాజెక్టులు హఠాత్తుగా ఆయనకు ఇప్పుడు గుర్తుకొచ్చాయి. ఇందులో భాగమే నేడు పేరేచర్ల–కొండమోడు రహదారి విస్తరణ ప్రాజెక్టు శంకుస్థాపన.  పేరేచర్ల–కొండమోడు మార్గాన్ని ‘నాలుగు వరుసల రోడ్డుగా మారుస్తాం.. 50 కిలోమీటర్లు పొడవునా 22.5 మీటర్లు వెడల్పుతో తీర్చిదిద్దుతాం’ అంటూ గతంలో సీఎం హామీ ఇచ్చారు. ఇప్పటి వరకు ఒక్క అంగుళం కూడా ముందుకు కదల్లేదు.  ఈ రహదారి విస్తరణకు గతంలో సర్వేలు చేపట్టారు. మేడికొండూరులో నాలుగు నుంచి ఐదు కిలో మీటర్లు, సత్తెనపల్లిలో 11 కిలోమీటర్ల మేర బైపాస్‌ నిర్మాణానికి ప్రతిపాదించారు.  ఈ మేరకు రూ.512 కోట్లతో గతంలో  టెండర్లు పిలిచినా ఒక్క కాంట్రాక్టర్‌ కూడా ముందుకు రాలేదు.   కప్పం కట్టలేక కాంట్రాక్టర్ల వెనుకంజ.. రూ. 500 కోట్లకుపైగా నిధులతో చేపట్టనున్న ప్రాజెక్టుకు కాంట్రాక్టర్లు ఆసక్తి చూపడం లేదంటే ఆశ్చర్యం కలగక మానదు. ఈ ప్రాజెక్టు కాంట్రాక్టు దక్కించుకున్న వారు అధికార పార్టీ కీలక నేత తనయుడికి భారీగా కమీషన్ల ఇవ్వాల్సి రావడంతో ఒక్క కాంట్రాక్టర్‌ కూడా ముందుకు రాలేదు. నడికుడి– శ్రీకాళహస్తి రైల్వేలైన్‌ నిర్మాణ పనులు చేపడుతున్న కాంట్రాక్టర్‌ను కమీషన్‌ల కోసం ముఖ్యనేత తనయుడు వేధించిన తీరును చూసి మిగిలిన కాంట్రాక్టర్లు వెనక్కి తగ్గినట్లు తెలిసింది.   ప్రభుత్వ నిర్లక్ష్యానికి నిండు ప్రాణాలు బలి టీడీపీ ప్రభుత్వం అధికారంలోకి వచ్చినప్పటి నుంచి పేరేచర్ల–కొండమోడు రోడ్డు విస్తరణకు నోచుకోకపోవడంతో నాలుగున్నరేళ్లలో అనేక మంది ప్రాణాలు కోల్పోయారు. మరి కొంత మంది వికలాంగులయ్యారు. ఈ రహదారి నిత్యం ప్రమాదాలకు నిలయంగా మారడమే దీనికి కారణం. మేడికొండూరు భీమినేనివారిపాలెం వద్ద గత ఏడాది మే 5వ తేదీన జరిగిన రోడ్డు ప్రమాదంలో ఆరుగురు మృత్యువాత పడ్డారు. ఈ ఏడాది ఆగస్టు 27న సత్తెనపల్లి మండలం ధూళిపాళ్ల వద్ద ద్విచక్ర వాహనాన్ని ఆర్టీసీ బస్సు ఢీ కొట్టిన ఘటనలో ముగ్గురు మృతి చెందారు. ఇలా అనేక మంది ప్రభుత్వ నిర్లక్ష్యానికి బలయ్యారు. ఈ రోడ్డు ప్రమాదాలపై ప్రతిపక్ష నేత వైఎస్‌ జగన్‌మోహన్‌రెడ్డి ప్రజా సంకల్ప యాత్రలో నిలదీసినప్పటికీ పాలకుల్లో చలనం రాలేదు.   


 రాష్ట్ర బీసీ కమిషన్‌ చైర్మన్‌ జస్టిస్‌ కేఎల్‌ మంజునాథ    ∙
 పలు గ్రామాల్లో పర్యటన
 రంగంపేట : స్థానిక సమస్యలు, కులాల వారీగా అభిప్రాయాలు తెలపాలని రాష్ట్ర బీసీ కమిషన్‌ చైర్మన్‌ జస్టిస్‌ కేఎల్‌ మంజునాథ కోరారు. చైర్మన్‌ మంజునాథ, సభ్యులు ఆచార్య వెంకటేశ్వర సుబ్రమణ్యం, ఆచార్య మల్లెల పూర్ణచంద్రరావు, ఆచార్య శ్రీమంతుల సత్యనారాయణలు గురువారం జిల్లాలోని పలు గ్రామాలను సందర్శించి ఆయా పంచాయతీ కార్యాలయాల వద్ద సమావేశాలు నిర్వహించారు. స్థానిక సమస్యలు, భౌగోళిక పరిస్థితులపై వివరాలు అడిగి తెలుసుకున్నారు. రంగంపేట మండలం పాత కోటపాడులో ఆయా కులాల నుంచి వినతులు స్వీకరించారు. అన్ని తరగతులలోను ప్రథమ శ్రేణి మార్కులు వచ్చినా ఉద్యోగావకాశాలు లేవని ఎంబీఏ పట్టభద్రుడు గవరసాని వీరబాబు ఆవేదన వ్యక్తం చేశాడు. ఎన్నిసార్లు బీసీ రుణాల కోసం దరఖాస్తు చేసినా  ఒక్క రూపాయి కూడా ఇవ్వలేదని తెల్లమేకల దుర్గాప్రసాద్‌ యాదవ్‌ ఆవేదన వ్యక్తం చేశారు. జేసీ –1 రాధాకృష్ణ, ఆర్డీవో విశ్వేశ్వరరావు, సర్పంచ్‌ బత్తిన వీరయమ్మ, ఎంపీటీసీ సభ్యుడు ఐతి మురళీకృష్ణ తదితరులు పాల్గొన్నారు. 
 వెనుకబడిన తరగతుల అధ్యయనం కోసమే 
 రావులపాలెం : మంజునాథ కమిషన్‌ కేవలం కాపులను బీసీల్లో చేర్చేందుకు వేసిన కమిషన్‌ కాదని రాష్ట్రంలోని అన్ని వెనుకబడిన కులాల స్థితిగతులను అధ్యయం చేయడం కోసమేనని జస్టిస్‌ మంజునాథ స్పష్టం చేశారు. గురువా రం క్షేత్ర పర్యటనలో భాగంగా రావులపాలెం మండలం ఈతకోట గ్రామా నికి వచ్చిన ముగ్గురు సభ్యులతో కూడిన మంజునాథ బృందం ప్రజలతో ముఖాముఖి చర్చ నిర్వహించింది. కులాల మధ్య ఉన్న సఖ్యత, సమస్యలు అడిగి తెలుసుకున్నారు. గ్రామానికి చెందిన సరోజిని అనే కాపు సామాజిక వర్గానికి చెందిన మహిళ మాట్లాడుతూ తన తండ్రి మద్యానికి బానిస కావడంతో తమ కుటుంబ ఆర్థికంగా చితికిపోయిందని  తాను ఉన్నత విద్యను అభ్యసించలేకపోయానని ఆవేదన వ్యక్తం చేసింది. దీంతో మంజునాథ మాట్లాడుతూ తండ్రి ఎన్నో ఏళ్ళుగా మద్యానికి బానిసైతే ఎందుకు వ్యతిరేకించి మానిపించలేకపోయావని ప్రశ్నించారు. ప్రయత్నించి విఫలం అయ్యానని ఆమె చెప్పడంతో ఏ సమస్య అయినా వ్యక్తిగా పరిష్కరించుకోలేనప్పుడు సంఘటితంగా పోరాడాలని సూచించారు. సోషల్‌ వెల్ఫేర్‌ డీడీ చినబాబు, సర్పంచ్‌ మాసాబత్తుల సుమతి, తహసీల్దార్‌ ఉదయభాస్కర్, సీఐ పెద్దిరాజు తదితరులు పాల్గొన్నారు. డీఎస్పీ లంక అంకయ్య ఆధ్వర్యంలో బందోబస్తు నిర్వహించారు. 
 గురజనాపల్లిలో  క్షేత్రస్థాయి పరిశీలన
 కరప : గురజనాపల్లి గ్రామంలో జస్టిస్‌ మంజునాథ, సభ్యులు పర్యటించి క్షేత్రస్థాయి పరిశీలన జరిపారు. మంజునాథ మాట్లాడుతూ గ్రామ జనాభా ఎంత, సాగు విస్తీర్ణం ఎంత, ఎన్నికులాలు ఉన్నాయి. కులాలవారీగా వారి సామాజిక స్థితిగతులు, అక్షరాస్యత, నిరక్షరాస్యత, చదుకున్నవారు ఏఏ డిగ్రీలు చదివారు, వారి పరిస్థితుల అంశాలను వివరించాలని కోరారు. కరప సర్పంచ్‌ పంపన కన్నారావు, కార్యదర్శి సీహెచ్‌ ఇందిరలు గ్రామం వివరాలు తెలిపారు. మాజీ సర్పంచ్‌ పెంటపాటి సత్తిబాబు, పబ్బినీడి కృష్ణలు మాట్లాడుతూ గ్రామంలో ఎక్కువగా ఉప్పు కార్మికులుంటారని, వీరికి ఆరు నెలలు పనులుంటే, ఆరు నెలలు ఖాళీగా ఉంటారన్నారని, వివిధ ఆరోగ్య సమస్యలు ఎదుర్కొంటున్నారని వివరించారు. ఉపాధి పథకం ద్వారా ఎంతమంది ఉపాధి పొందుతున్నదీ అడిగి తెలుసుకున్నారు. వివిధ కులాలవారు తమ సమస్యలను, బాధలను కమిషన్‌కు వివరించారు. ఉప్పు కార్మికులను దగ్గరకు పిలిపించి వారి ఆరోగ్య సమస్యలు అడిగితెలుసుకున్నారు. ఆర్డీవో ఎల్‌.రఘుబాబు, తహసీల్దార్‌ బూసి శ్రీదేవి, ఇన్‌చార్జి ఎంపీడీవో, భీమశంకరరావు, 
 కులాలవారీగా సమీక్ష
 పెద్దాపురం : సామాజిక వెనుకబాటుపై స్పందించి అన్ని కులాలకు న్యాయం చేయాలని బీసీ కమిషన్‌ చైర్మన్‌ మంజునాథకు పెద్దాపురం మండలం కట్టమూరు గ్రామస్తులు విజ్ఞప్తి చేశారు. కట్టమూరులో కులాల వారీగా జస్టిస్‌ మంజునాథ సమీక్ష జరిపారు. గ్రామానికి చెందిన రంగనాథం శ్రీనివాస్, జెడ్పీటీసీ సభ్యుడు సుందరపల్లి శివనాగరాజు, మాదిరెడ్డి సత్తిబాబు, పెంటా విజయ్‌కుమార్, ఎంపీటీసీ సభ్యుడు గంగాధరం, సర్పంచ్‌ దిమ్మల పుష్పరత్నంలు తమ తమ కులాలు వెనుకబడి ఉన్నాయని, అన్ని కులాల్లో కూడా సామాన్య  కుటుంబాలు ఉన్నాయన్నారు. వీటిని దృష్టిలో ఉంచుకుని సామాజిక వెనుకబాటును గుర్తుంచుకుని రిజర్వేషన్లు కల్పించాలని విజ్ఞప్తి చేశారు. ఆర్డీవో విశ్వేశ్వరరావు, తహసీల్దార్‌ వరహాలయ్య, ఎంపీడీవో వసంతమాధవి, ఈవోపీఆర్డీ హిమమహేశ్వరి, వివిధ శాఖల అధికారులు పాల్గొన్నారు.
 ముద్రగడ దూత స్వామి వినతిపత్రం అందజేత
 గ్రామానికి వచ్చిన బీసీ కమిషన్‌ చైర్మన్‌ మంజునాథకు కాపు జేఏసీ ఆధ్వర్యంలో మాజీ మంత్రి, కాపు ఉద్యమ నేత ముద్రగడ పద్మనాభం అనుచరుడు, కాపు నాయకులు గౌతు స్వామి ఆధ్వర్యంలో జేఏసీ నియోజకవర్గ కన్వీనర్‌ మలకల చంటిబాబు, పట్టణ కన్వీనర్‌ జిగిని రాజుబాబుల ఆధ్వర్యంలో వినతిపత్రం అందజేశారు. కాపులను బీసీల్లో చేర్చాలని, కాపు కులస్తులు చాలా కుటుంబాలు ఇప్పటికీ వెనుకబాటుతనంలో ఉన్నాయన్నారు. కమిషన్‌ వాటిని గుర్తించాలని వారు కోరారు.  
  


 ఇరుపక్షాల పెదవి విరుపు
 కాపు ఉద్యమాన్ని అణిచివేసినట్టే విచారణ
 కూడా అర్ధాంతరంగా ముగించేశారు
 కాపు నేతల వాదనలకు ప్రతిగా మా వాదనలు వినరేం : బీసీల ఆగ్రహం
 జాబితాలో పేరేలేని కాపు కార్పొరేషన్‌ చైర్మన్‌కు అవకాశంపై విమర్శలు
  
 సాక్షి ప్రతినిధి, కాకినాడ : కాపులకు బీసీ రిజర్వేషన్ల కోసం ఏర్పాటైన మంజునాథ కమిషన్‌ విచారణ అర్థాంతరంగా ముగియడం వెనుక సర్కార్‌ కుట్ర దాగి ఉందని కాపులు అనుమానాన్ని వ్యక్తం చేయగా...తమ వాదనకు అడ్డుకట్ట వేశారని బీసీలు అసంతృప్తి వ్యక్తం చేశారు. తమ అభిప్రాయాలను, తమ వాదనలను పూర్తిగా కమిషన్‌ దృష్టికి తీసుకువెళ్లలేకపోయామనే ఆవేదన ఇరువర్గాల్లో కనిపించింది. కాపు నేతల వాదనలపై ప్రతి వాదనలను వినిపించకుండా కట్టడి చేయడాన్ని బీసీలు తప్పుపడుతున్నారు. రాష్ట్రం లోని 13 జిల్లాల్లో బీసీ, కాపుల మధ్య వాగ్వాదా లు, పరస్పర దూషణల మధ్య కమిషన్‌ విచారణ జరగ్గా ఈ జిల్లాకు వచ్చేసరికి అందుకు భిన్నంగా అర్ధాంతరంగా ముగించడంపై ఇరుపక్షాలూ అసంతృప్తి వ్యక్తం చేస్తున్నాయి. ప్రభుత్వం మొదటి నుంచీ కాపు ఉద్యమాన్ని ఉక్కుపాదంతో అణచివేస్తున్నట్టే కమిషన్‌ విచారణ కూడా అర్ధాంతరంగా ముగించి కాపుల గొంతును నొక్కేశారని ధ్వజమెత్తారు.
 సుదీర్ఘ జాబితాపై కమిషన్‌ అభ్యంతరం...
 మంజునాథ కమిషన్‌ విచారణలో వాదనలు వినిపించే వారి జాబితా పరిమితంగా ఉండాలనుకున్నారు. అందుకు అనుగుణంగానే విచారణకు ఇరుపక్షాల నుంచి 175 మంది వంతున విచారణ జరుగుతున్న కాకినాడ రంగరాయ వైద్యకలాశాల ఆడిటోరియానికి అనుమతించాలని నిర్ణయించారు. విచారణ ఉదయం 10 గంటలకు ప్రారంభం కాగానే తొలుత వాదనలు వినిపించే అవకాశాన్ని బీసీలకు కల్పించారు. బీసీలలో ప్రధానమైన శెట్టిబలిజ సామాజిక వర్గంతోపాటు ఉపకులాల నుంచి ఒకరిద్దరు వంతున సుమారు 15 మంది నేతలు వాదనలు వినిపించారు. కాపు జేఏసీ నేతలు  కాపుల నుంచి ఒక జాబితాను జస్టిస్‌ మంజునాథకు అందజేశారు. ఇంత మంది వాదనలు వినిపించడం అసాధ్యమన్న కమిషన్‌కు ఎంత మందిని అనుమతిస్తే అంత మందే మాట్లాడతారని కాపు జేఏసీ నేతలు విన్నవించారు.
 ప్రతివాదనలకు నో...
 ఉదయం నుంచి భోజన విరామ సమయం వరకు బీసీల్లో ఉపకులాల వారీగా వాదనలు వినిపించే అవకాశం కల్పించారు. మధ్యాహ్నం భోజన విరామం తరువాత కాపు జేఏసీ నేతలు తమ వాదనలు వినిపిస్తుండగా ప్రతి వాదనకు అవకాశం కల్పించాలని బీసీ నేతలు మంజునాథను కోరగా అందుకు ఆయన తిరస్కరించారు. కమిషన్‌ ఆదేశాలతో ఎస్పీ రవిప్రకాష్, అదనపు ఎస్పీ దామోదర్‌ జోక్యం చేసుకున్నా తమకు అన్యాయం జరుగుతోందని బీసీలు విచారణను బహిష్కరించాల్సి వచ్చింది. ఆ సందర్భంలో ప్రతి వాదనలు వినిపించే అవకాశం కల్పిస్తే రాద్ధాంతం జరుగుతుందనే ముందుచూపుతోనే కమిషన్‌ ససేమిరా అని ఉంటుందనే అభిప్రాయం సర్వత్రా వ్యక్తమవుతోంది. 
 జాబితాలో పేరే లేని చలమశెట్టిని ఎందుకు అవకాశం ఇచ్చినట్టో...?
 అటు బీసీలు, ఇటు కాపుల నుంచి వాదనలు వినిపించేందుకు చాలా మంది ప్రయత్నించినా పరిమిత సంఖ్యలో ఓ వైపు అనుమతిసూ్త...జిల్లాతో సంబంధం లేని కాపు కార్పొరేషన్‌ చైర్మన్‌ చలమలశెట్టి రామానుజయకు మరోవైపు మాట్లాడే అవకాశం ఏ ప్రాతిపదికన ఇవ్వాల్సి వచ్చిందో అర్థం కావడం లేదని పలువురు తప్పుపడుతున్నారు. ఎక్కడో గుంటూరు జిల్లాకు చెందిన రామానుజయ ఇంత దూరం జిల్లాకు రావడమే కాకుండా నేరుగా విచారణలో కమిషన్‌ ఎదుట సీఎం చంద్రబాబు బాకా ఊదే ప్రయత్నం చేసి భంగపడ్డారు. కాపుల ఇబ్బందులను కమిషన్‌ దృష్టికి తీసుకువెళ్లేందుకు కాపు జేఏసీ నేతలు ఇచ్చిన జాబితాలో కనీసం నలుగురైదుగురు కూడా మాట్లాడకుండానే జాబితాలో అసలు పేరే లేని రామానుజయకు అవకాశం ఇవ్వడంలో ఆంతర్యమేమిటనే ప్రశ్న∙కాపు నేతల నుంచి వినిపిస్తోంది. ఏ జిల్లాకు ఆ జిల్లాకు వెళ్లి కమిషన్‌ విచారణ చేపట్టినప్పుడు సొంత జిల్లాలో రామానుజయ ఏమి చేశారని, ఇంత దూరం రావడం వెనుక సర్కార్‌ ప్రమేయం లేకపోలేదనే అనుమానాన్ని కాపు జేఏసీ నేతలు వ్యక్తం చేస్తున్నారు. పేద కాపులకు మంచి జరిగే రీతిలో రామానుజయ మాట్లాడి ఉంటే ఆయన రాకలో చిత్తశుద్ధి ఉందని నమ్మే వారమంటున్నారు. ఆ దిశగా ఆయన ఒక ముక్కైనా మాట్లాడకుండా సర్కారు డప్పు వాగించడమేమిటని ప్రశ్నిస్తున్నారు. ప్రభుత్వంతో నియమితమైన కార్పొరేషన్‌కు చైర్మన్‌ హోదాలో ఉండి కమిషన్‌ విచారణను అర్ధాంతరంగా ముగిసేలా కుట్రపూరితంగా వ్యవహరించారని కాపు జేఏసీ నేతలు మండిపడుతున్నారు. ఇదే విషయాన్ని కమిషన్‌ విచారణ ముగిసిన అనంతరం ఎన్‌ఎఫ్‌సీఎల్‌ రోడ్డులోని కాపు కల్యాణ మండపంలో ముద్రగడ పద్మనాభం తదితర నేతలు సమావేశమై ఇదే అనుమానాన్ని వ్యక్తం చేయడం గమనార్హం.
 ముద్రగడ సొంతజిల్లా కావడమే అర్ధాంతర
 ముగింపునకు కారణమా...?
 కాపు ఉద్యమ నేత ముద్రగడ పద్మనాభం సొంత జిల్లా కావడంతో ఇక్కడ కమిషన్‌ విచారణ సజావుగా సాగకూడదనే సర్కార్‌ పెద్దలు పక్కా ప్లా¯ŒS ప్రకారమే ఇదంతా సృష్టించినట్టుగా ఉందని ఆక్షేపిస్తున్నారు. లేదంటే కమిషన్‌ వాదనలు ఆలకించే సందర్భంలో బీసీలు, కాపుల మధ్య ఎటువంటి వివాదం తలెత్తకపోవడాన్ని వారు ఈ సందర్బంగా ఉదహరిస్తున్నారు. విచారణ సందర్భంగా మిగిలిన జిల్లాల్లో కాపు, బీసీ వర్గాల మధ్య రచ్చరచ్చయిన సందర్భాలు ఉన్నాయి. జిల్లాలో రెండు సామాజిక వర్గాల మధ్య సున్నితమైన అంశం కావడంతో పోలీసులు ముందస్తుగా భారీ బందోబస్తు ఏర్పాటు చేశారు. తీరా ఆ రెండు సామాజిక వర్గాల మధ్య విచారణ సందర్భంగా స్వల్ప పొరపొచ్చాలు తలెత్తినా, రామానుజయ సీఎంకు భజన చేయడంతో తలెత్తిన వివాదం చివరకు కమిషన్‌ విచారణను సగంలోనే ముగిసేందుకు దారితీయడం విస్మయాన్ని కలిగించింది. బీసీలున్నంతలో తమ వాదనలు వినిపించే అవకాశం లభించగా భోజన విరామం అనంతరం తమకు పూర్తిస్థాయిలో అవకాశం దక్కలేదని కాపులు ఆవేదన చెందుతున్నారు. మొత్తంమీద కమిషన్‌ విచారణ సగంలోనే ముగిసిపోవడంపై ఇరుపక్షాలు పెదవి విరుస్తున్నాయి.
  


 రాజ్యాంగబద్ధంగానే కులాల మార్పు, చేర్పులు
 రాష్ట్ర బీసీ కమిషన్‌ చైర్మన్‌ జస్టిస్‌ మంజునాథ
 బీసీల్లో కాపుల చేర్పుపై కాకినాడలో ప్రజాభిప్రాయసేకరణ
  
 కాపులను బీసీ జాబితాలో చేర్చే విషయమై ప్రజాభిప్రాయాన్ని సేకరించేందుకు జస్టిస్‌ మంజునాథ కమిషన్‌ బుధవారం కాకినాడ రంగరాయ మెడికల్‌ కళాశాల ఆడిటోరియంలో నిర్వహించిన విచారణను అర్ధాంతరంగా ముగించాల్సి వచ్చింది. కమిషన్‌కు తమ వాదనలు, ఆవేదనలు వినిపించేందుకు జిల్లా నలుమూలల నుంచీ బీసీ సామాజికవర్గాల వారు, కాపు సామాజిక వర్గాల వారు పెద్ద సంఖ్యలో కాకినాడకు తరలి వచ్చారు. తమ వాదనలను పూర్తిగా వినిపించకుండా ఆటంకం కల్పించారని బీసీ ప్రతినిధులు కమిషన్‌ ముందు నుంచి బయటకు వచ్చి ఆందోళనకు దిగారు. కాగా కాపు కార్పొరేషన్‌ చైర్మన్‌ రామానుజయ సీఎంకు బాకా ఊదడానికే వచ్చారని ఆ సామాజిక వర్గీయులు విరుచుకుపడ్డారు. కమిషన్‌ ప్రజాభిప్రాయ సేకరణ సందర్భంగా ఆర్‌ఎంసీ కళాశాల పరిసరాలు, నగరంలో ముఖ్యకూడళ్లలో భారీ ఎత్తున పోలీసులను మోహరించారు.  
  
 బోట్‌క్లబ్‌ (కాకినాడ సిటీ) : అన్ని కులాల వారికీ సమన్యాయం చేయడమే తమ లక్ష్యమని రాష్ట్ర బీసీ కమిషన్‌ చైర్మన్‌ జస్టిస్‌ కేఎల్‌ మంజునాథ పేర్కొన్నారు. కాపులను బీసీల్లో చేర్చాలనే అంశం, వెనుకబడిన వివిధ కులాల వారి గ్రూపుల మార్పుపై ఆయన నేతృత్వంలో ముగ్గురు సభ్యులతో కూడిన బీసీ కమిషన్‌ బుధవారం కాకినాడ రంగరాయ వైద్యకలాశాల ఆడిటోరియంలో ప్రజాభిప్రాయ సేకరణ నిర్వహించారు. ఈ సందర్భంగా జస్టిస్‌ మంజునాథ మాట్లాడుతూ అన్ని కులాల వారికి న్యాయం చేయాలనే ఉద్దేశంతో అన్ని జిల్లాల్లో ప్రజాభిప్రాయ సేకరణ  జరిపామన్నారు. ఇప్పటికే 12 జిల్లాల్లో నిర్వహించగా తూర్పు గోదావరి జిల్లా 13వది అన్నారు. 1994 నుంచి అనేక కులాల వారు బీసీల్లో చేర్పు కోసం , గ్రూపుల మార్పు కోసం దరఖాస్తులు పెట్టుకున్నారని చెప్పారు. కమ్మకులం తప్ప అన్ని అగ్రకులాలూ బీసీ స్టేటస్‌ కోసం దరఖాస్తు చేసుకున్నాయన్నారు. అన్ని కులాల వారి ఆర్థిక, సామాజిక  తదితర స్థితిగతులు తెలుసుకొనేందుకు సమగ్ర పల్స్‌ సర్వే చేయాలని కమిషన్‌ ప్రభుత్వాన్ని కోరిందన్నారు. ఈ సర్వేలో అందరూ పాల్గొని ఉంటారని కమిషన్‌ భావిస్తోందన్నారు. ఈ సర్వే అన్ని జిల్లాల్లో చేపట్టి ఆరు రకాల ప్రశ్నావళిని కమిషన్‌ వెబ్‌సైట్‌లో పెట్టామన్నారు. మార్పులు కోరిన కులాలు, చేర్పులు కోరిన కులాలకు సంబంధించి చర్యలు తీసుకోవడానికి ప్రజాభిప్రాయం చాలా ముఖ్యమైనదిగా కమిషన్‌ భావిస్తోందన్నారు. ఏ కులాన్నైనా బీసీల్లో చేర్చాలంటే నిబంధనలకు లోబడే నిర్ణయాలు తీసుకోవాల్సి ఉంటుందన్నారు. రాజ్యాంగం ప్రకారం రిజర్వేషన్లు 50 శాతం మించరాదనేది నిబంధన అన్నారు. దీనికి బీసీ కమిషన్‌ కట్టుబడి ఉంటుందన్నారు. బీసీల్లో గ్రూపుల మార్పు లేదా బీసీల్లో చేర్పు కోరుతున్న వారు దానికి గల అన్ని అర్హతలతో పాటు పూర్తి సమాచారాన్ని కమిషన్‌కు ఇవ్వాలన్నారు. 
 మాదే కులమో మాకే తెలియదు..
 తోలు బొమ్మల వారు ఏ కులానికి చెందిన వారో ప్రభుత్వం చెప్పటం లేదని ఆ సామాజికవర్గానికి చెందిన బాలకృష్ణ  వాపోయారు. తమని బీసీలో చేర్చాలని కోరగా రాష్ట్రంలో అన్ని తోలు బొమ్మలాట వర్గాల వారు ఒకే కులం పేరుతో ముందుకు వస్తే కమిషన్‌ పరిశీలిస్తుందని జస్టిస్‌ మంజునాథ చెప్పారు. యాదవులను బీసీ ‘డి’ నుంచి బీసీ ‘ఎ’కు మార్చాలని ఆ కులానికి చెందిన కుండల సాయికుమార్‌ కోరారు. కొప్పుల వెలమ సామాజికవర్గానికి చెందిన నాగిరెడ్డి భాస్కర్‌ కూలి పనులతో జీవిస్తున్న తమని బీసీ ‘డి’ నుంచి ‘ఎ’కు మార్చాలని కోరారు. శాలివాహన కులానికి చెందిన వీరభద్రరావు మాట్లాడుతూ కుమ్మర్లుగా పిలిచే తాము స్టీల్‌ సామగ్రి వచ్చాక కుల వృత్తికి దూరమయ్యామని తమ కులాన్ని బీసీ నుంచి ఎస్టీలోకి మార్చాలని కోరారు. భోజన విరామం అనంతరం కాపు కులాలను బీసీల్లో చేర్చాలని కాపు జేఏసీ నాయకులు ఆకుల రామకృష్ణ కోరారు. కాపులు దుర్భరమైన, భద్రత లేని వృత్తులు నిర్వహించడంతో పాటు కూలి, పాచిపనులు కూడా వెళుతూ జీవనాన్ని గడుపుతున్నారని వివరించారు. ఈ స్థితి గతులను పరిగణనలోనికి తీసుకొని న్యాయం చేకూర్చాలని కోరారు. కాపు నాయకులు మాట్లాడాక తమకు ప్రతిసారి అవకాశం ఇవ్వాలని కొందరు బీసీ ప్రతినిధులు కోరగా చైర్మన్‌నిరాకరించారు. మొదట వారు చెప్పింది వినాలని, తర్వాత అవకాశం కల్పిస్తామని చెప్పారు. ఈ దశలో బీసీ నాయకులు వాదోపవాదాల నడుమ ప్రజాభిప్రాయ సేకరణ నుంచి బయటకు వెళ్లిపోయారు. అనంతరం జస్టిస్‌ మంజునాథ అర్ధాంతరంగా ప్రజాభిప్రాయసేకరణను ముగించారు. ఎమ్మెల్సీ పిల్లి సుభాష్‌ చంద్రబోస్‌ సామాజికంగా, విద్యాపరంగా వెనుకబడిన నిజమైన వెనుక బడిన తరగతులు వారి హక్కులను పరిరక్షించాలని కోరుతూ కమిషన్‌కు వినతిపత్రం సమర్పించారు.  ప్రజాభిప్రాయ సేకరణలో కమిషన్‌ సభ్యులు ప్రొఫెసర్‌ వేంకటేశ్వరరావు, ప్రొఫెసర్‌ మల్లెల పూర్ణచంద్రరరావు, ప్రొఫెసర్‌ శ్రీమంతుల సత్యనారాయణ, కలెక్టర్‌ హెచ్‌ అరుణ్‌కుమార్, జాయింట్‌ కలెక్టర్‌ –2  రాధాకృష్ణమూర్తి, బీసీ కార్పొరేషన్‌ ఈడీ ఎం జ్యోతి, కాపు ఉద్యమ జేఏసీ నాయకులు వాసిరెడ్డి ఏసుదాసు,  కల్వకొలను తాతాజీ, ఆకుల రామకృష్ణ, ప్రూటీ కుమార్, సంగిశెట్టి అశోక్,  బీసీ నాయకులు చెల్లుబోయిన వేణుగోపాలకృష్ణ, పాటి శివకుమార్, మాజీ మేయర్‌ పోలసపల్లి సరోజ,  వివిధ కుల సంఘాల నాయకులు పాల్గొన్నారు.
 కుట్రలో భాగంగానే రామానుజయ హాజరు : కాపునేతలు
 కుట్రలో భాగంగానే కాపు కార్పొరేషన్‌ చైర్మన్‌ రామానుజయ ప్రజాభిప్రాయ సేకరణకు హాజరయ్యారని కాపు నేతలు మిండగుదిటి మోహన్, పేపకాయల రామకృష్ణ, వాసిరెడ్డి ఏసుదాసు వాపోయారు. ప్రజాభిప్రాయ సేకరణ అర్ధాంతరంగా ముగిశాక వారు విలేకరులతో మాట్లాడుతూ బీసీలు మాట్లాడుతున్నంత సేపు తాము ఏమీ మాట్లాడలేదని, తాము మాట్లాడుతుంటే బీసీలు కావాలనే రభస చేశారని, కాపు కార్పొరేషన్‌ చైర్మన్‌ పేరు  తాము ఇచ్చిన  జాబితాలో లేకున్నా  అతనితో ఎలా మాట్లాడించారని వాపోయారు. కాగా  కాపు కల్యాణమండపంలో కాపు ఉద్యమ నేత ముద్రగడ పద్మనాభం మాట్లాడుతూ ఇది ప్రభుత్వ ప్రచార వేదికలా రామానుజయ మాట్లాడారని విమర్శించారు. ప్రజాభిప్రాయసేకరణ ప్రభుత్వ పథకాల ప్రచారం విడ్డూరంగా ఉందన్నారు. నిజంగా ప్రభుత్వానికి చిత్తశుద్ధి ఉంటే  వేర్వేరుగా విచారణ చేపట్టాలన్నారు.
  


 - ప్రశాంతంగా విజ్ఞాపనలు అందజేయాలి
 - రాష్ట్ర బీసీ కమిషన్‌ చైర్మన్‌ జస్టిస్‌ మంజునాథ
 - రెవెన్యూ, పోలీసు అధికారులతో సమీక్ష
 కాకినాడ సిటీ : వెనుకబడిన తరగతుల్లో కొన్ని కులాలను చేర్చడానికి, అలాగే బీసీ కులాల గ్రూపుల మార్పు అంశాలపై ఆయా కులాల నుంచి విజ్ఞాపనలు స్వీకరిస్తామని రాష్ట్ర బీసీ కమిషన్‌ చైర్మన్‌ జస్టిస్‌ కేఎల్‌ మంజునాథ తెలిపారు. ప్రతి ఒక్కరూ సంయమనం పాటించి, ప్రశాంతంగా తమ విజ్ఞాపనలు అందజేయాలని కోరారు. జిల్లాలో రెండు రోజుల పర్యటన నిమిత్తం ఆయన, కమిషన్‌ సభ్యులు మంగళవారం రాత్రి కాకినాడ చేరుకున్నారు. ప్రజల నుంచి విజ్ఞాపనల స్వీకరణకు సంబంధించి చేసిన ఏర్పాట్లపై కలెక్టర్‌ హెచ్‌.అరుణ్‌కుమార్, జిల్లా ఎస్‌పీ ఎం.రవిప్రకాష్, రాజమహేంద్రవరం అర్బన్‌ ఎస్‌పీ బి.రాజకుమారి, ఇతర అధికారులతో ఆర్‌అండ్‌బీ అతిథి గృహంలో సమీక్షించారు. జిల్లాలోని వివిధ కులాల సామాజిక, ఆర్థిక పరిస్థితులు, వ్యవసాయం, పశుగణాభివృద్ధి, ఆక్వా రంగాల్లో అభివృద్ధిని జస్టిస్‌ మంజునాథ తెలుసుకున్నారు. జిల్లాలోని వివిధ కులాలు, వారి ఆర్థిక స్థితిగతులపై కూడా సమీక్షించారు. జిల్లాలో సాధికారత సర్వేలో వివిధ కులాల వివరాలను సేకరించామని, ఈ సర్వే 88 శాతం పూర్తయిందని చైర్మన్‌కు కలెక్టర్‌ వివరించారు. విజ్ఞాపనల స్వీకరణకు చేసిన ఏర్పాట్లను ఎస్‌పీ రవిప్రకాష్‌ వివరించారు. జస్టిస్‌ మంజునాథ మాట్లాడుతూ రంగరాయ వైద్య కళాశాల ఆడిటోరియంలో వివిధ కులాల ప్రజలు, ఆయా కులాల నాయకుల నుంచి బుధవారం విజ్ఞాపనలు స్వీకరిస్తామని తెలిపారు. 23వ తేదీన జిల్లాలోని పలు గ్రామాల్లో వివిధ కులాల సామాజిక, ఆర్థిక పరిస్థితులను పరిశీలిస్తామన్నారు. సమావేశంలో కమిషన్‌ సభ్యులు ప్రొఫెసర్‌ వెంకటేశ్వర సుబ్రహ్మణ్యం, ప్రొఫెసర్‌ మల్లెల పూర్ణచంద్రరావు, ప్రొఫెసర్‌ శ్రీమంతుల సత్యనారాయణ, జాయింట్‌ కలెక్టర్‌ ఎస్‌.సత్యనారాయణ, జేసీ-2 జె.రాధాకృష్ణమూర్తి, డీఆర్‌ఓ బీఎల్‌ చెన్నకేశవరావు పాల్గొన్నారు.


 - నేడు మంజునాథ కమిషన్‌ విచారణ
 - కాపులకు బీసీ రిజర్వేషన్లపై ఇరువర్గాల నుంచి అభిప్రాయ సేకరణ
 - బల ప్రదర్శనకు సిద్ధమవుతున్న సామాజిక వర్గాలు
 - సెక‌్షన్‌-30 అమలు.. ప్రదర్శనలపై నిషేధం
 - కాకినాడలో అడుగడుగునా పోలీసు చెక్‌పోస్టులు
 - డ్రోన్, వీడియో కెమెరాల చిత్రీకరణ
 సాక్షి ప్రతినిధి, కాకినాడ : కాపులకు బీసీ రిజర్వేషన్లు ఇచ్చే అంశంపై ఏర్పాటైన జస్టిస్‌ మంజునాథ కమిషన్‌ బుధవారం విచారణ జరపనున్న నేపథ్యంలో.. జిల్లావ్యాప్తంగా ఉత్కంఠ పరిస్థితులు నెలకొన్నాయి. విచారణకు వేదిక కానున్న కాకినాడ రంగరాయ వైద్య కళాశాల ఆడిటోరియంవద్ద కట్టుదిట్టమైన భద్రత ఏర్పాట్లు చేశారు. ఉదయం 10.30 గంటల నుంచి కాపు, బీసీ వర్గాల నుంచి, అభిప్రాయాలను, వినతులను కమిషన్‌ స్వీకరించనుంది. దీంతో తమతమ వాదనలు వినిపించేందుకు, అభిప్రాయాలు తెలిపేందుకు ఇటు కాపులు, అటు బీసీలు అధిక సంఖ్యలో కాకినాడకు తరలివచ్చేందుకు ఏర్పాట్లు చేసుకున్నారు. కాపు ఉద్యమ నేత ముద్రగడ పద్మనాభంతోపాటు కాపు జేఏసీ నేతలు వీవై దాసు, నల్లా విష్ణు, ఆకుల రామకృష్ణ.. మరోవైపు బీసీల నుంచి కుడుపూడి సూర్యనారాయణరావు, కుడుపూడి చిట్టబ్బాయి తదితర నేతలు కమిషన్‌ ముందు వాదనలు వినిపించేందుకు, వినతులు ఇచ్చేందుకు సిద్ధమయ్యారు. రాష్ట్రవ్యాప్తంగా కాపు ఉద్యమాన్ని నడిపిస్తున్న కీలక నేత, మాజీ మంత్రి ముద్రగడ పద్మనాభం సొంత జిల్లా కావడంతో.. జిల్లాలో పరిణామాలను చంద్రబాబు సర్కార్‌ సహజంగానే నిశితంగా పరిశీలిస్తోంది. ఇది సున్నితమైన వ్యవహారం కావడంతో రెవెన్యూ, పోలీసు యంత్రాంగాలు పరిస్థితిని ఎప్పటికప్పుడు సమీక్షిస్తున్నాయి. మరోపక్క కమిషన్‌ చైర్మన్‌ జస్టిస్‌ మంజునాథతోపాటు సభ్యులు ప్రొఫెసర్‌ వెంకటేశ్వర సుబ్రహ్మణ్యం, ప్రొఫెసర్‌ మల్లెల పూర్ణచంద్రరావు, ప్రొఫెసర్‌ శ్రీమంతుల సత్యనారాయణ, సభ్య కార్యదర్శి ఎ.కృష్ణమోహన్, ప్రత్యేకాధికారి సి.రమేష్‌కుమార్, సీనియర్‌ అకౌంటెంట్‌ అనురాధ మంగళవారమే కాకినాడ చేరుకున్నారు. అధికారులతో సమీక్ష అనంతరం పరిస్థితులను అధ్యయనం చేస్తున్నారు.
 కట్టుదిట్టమైన ఏర్పాట్లు
 తమకు బీసీ రిజర్వేషన్లు కల్పిస్తామన్న చంద్రబాబు ఆ మాట నిలబెట్టుకోవాలని కాపు సామాజికవర్గం చాలాకాలంగా ఉద్యమిస్తుండగా.. కాపులను బీసీల్లో కలపడాన్ని బీసీ సామాజికవర్గాలు తీవ్రంగా వ్యతిరేకిస్తున్నాయి. ఈ పరిస్థితుల్లో కమిషన్‌ విచారణ జరుగుతున్న నేపథ్యంలో.. ఎక్కడా ఎటువంటి కవ్వింపు చర్యలూ చోటుచేసుకుండా పోలీసు శాఖ ముందస్తు జాగ్రత్తలు తీసుకుంటోంది. ఇప్పటికే ఏలూరు రేంజ్‌ డీఐజీ రామకృష్ణ జిల్లాలో మకాం వేసి, జిల్లా ఎస్పీ రవిప్రకాష్, అదనపు ఎస్పీ దామోదర్‌ తదితర పోలీసు అధికారులతో కాకినాడలో పరిస్థితిని సమీక్షించారు. ఇప్పటికే జిల్లా అంతటా సెక‌్షన్‌-30 అమలు చేస్తున్నారు. అవసరమైతే బుధవారం మరీ ఇబ్బందికర పరిణామాలు తలెత్తినచోట 144 సెక‌్షన్‌ అమలు చేయాలని యోచిస్తున్నారు. ఇప్పటికే అమలాపురం, తుని, పిఠాపురం, కాకినాడ, రాజమహేంద్రవరం, రామచంద్రపురం తదితర ప్రాంతాల్లో రెండు సామాజిక వర్గాల నుంచి రౌడీ షీటర్లను అదుపులోకి తీసుకున్నారు. ర్యాలీల పేరుతో అల్లర్లకు దిగుతారేమోనన్న అనుమానంతో ముందస్తుగా 149 సెక‌్షన్‌ ప్రకారం పెద్ద సంఖ్యలో నోటీసులు కూడా జారీ చేశారు. ఊరేగింపులు, ఇతర ఆందోళనలను నిషేధించారు.
 మద్యం దుకాణాలపైనా ఆంక్షలు
 కాకినాడకు వచ్చే ప్రధాన రోడ్ల పక్కన ఉండే మద్యం దుకాణాలను కూడా మూసివేసేందుకు జిల్లా పోలీసులు చర్యలు చేపట్టారు. రోడ్ల చెంత జిల్లాలో దాదాపు 40 కీలక ప్రదేశాల్లో పోలీసు చెక్‌పోస్టులు ఏర్పాటు చేశారు. వాహనాలను తనిఖీ చేసి పంపించనున్నారు. ఆకాశంలో డ్రోన్‌ కెమెరాలతో.. నేలపై వీడియో కెమెరాలతో ప్రతి కదలికను చిత్రీకరించేందుకు ఏర్పాట్లు చేశారు. బాడీ కెమెరాతో కూడా మఫ్టీలో ఉన్న పోలీసులు జనంలో సంచరించేలా బాధ్యతలు అప్పగించారు. కాకినాడలోని పలు ప్రాంతాల్లో సుమారు 1,715 మంది పోలీసులను వినియోగిస్తుండగా, జిల్లా అంతటా పోలీసులను ఉన్నతాధికారులు అప్రమత్తం చేశారు. ఆడిటోరియంలోకి వెళ్లే ముందు మద్యం తాగినవారిని కనుగొనేందుకు బ్రీత్‌ ఎనలైజర్లు కూడా ఏర్పాటు చేశారు.
 చెరి 175 మందికే అనుమతి
 ఒక్కో వర్గం నుంచి 175 మందిని మాత్రమే వాదనలు వినిపించేందుకు కమిషన్‌ ముందుకు అనుమతిస్తారు. వారు బయటకు వచ్చాక మరో 175 మందిని వాదనలు వినిపించేందుకు అనుమతించనున్నారు.


 కోటగుమ్మం (రాజమహేంద్రవరం సిటీ) : అర్హత లేని కులాలను బీసీ జాబితాలో ఎలా చేరుస్తారని రాష్ట్ర బీసీ సంక్షేమ సంఘం ప్రధాన కార్యదర్శి పోతిన వెంకట మహేష్‌ ప్రశ్నించారు. అధ్యయనం చేసేందుకు బుధవారం కాకినాడ వస్తున్న మంజునాథ కమిషన్‌ను వ్యతిరేకిస్తూ బీసీ సంక్షేమ సంఘం మహిళా విభాగం రాష్ట్ర ప్రధాన కార్యదర్శి బర్ల సీతారత్నం ఆధ్వర్యంలో ‘మంజునాథ కమిషన్‌ గో బ్యాక్‌’ అంటూ నిరసన ర్యాలీ నిర్వహించారు. స్థానిక కంబాల చెరువు నుంచి దేవీచౌక్, గోకవరం బస్టాండ్‌ మీదుగా సబ్‌ కలెక్టర్‌ కార్యాలయం వరకూ నోటికి నల్ల గుడ్డలు కట్టుకుని ర్యాలీ నిర్వహించారు. గోకవరం బస్టాండ్‌ సమీపంలోని అంబేడ్కర్‌ విగ్రహానికి క్షీరాభిషేకం చేశారు. అనంతరం సబ్‌ కలెక్టర్‌ కార్యాలయం చేరుకుని బైఠాయించారు. వెంకట మహేష్‌ మాట్లాడుతూ రిజర్వేషన్ల శాతాన్ని పెంచకుండా బీసీ జాబితాలో చేర్చడాన్ని తమ సంఘం పూర్తిగా వ్యతిరేకిస్తుందన్నారు. రాజకీయ ప్రయోజనాల కోసం అర్హత లేని కులాలను బీసీ జాబితాలో చేర్చే ప్రయత్నాలను విరమించుకోవాలని కోరారు. రాష్ట్ర జనాభాలో 55 శాతం కంటే పైగా ఉన్న బీసీలకు 25 శాతం రిజర్వేషన్లు మాత్రమే అమలు చేస్తున్నారని, దానిని 50 శాతానికి పెంచాలని ఎప్పటి నుంచో పోరాటాలు చేస్తున్నా ప్రభుత్వాలు పట్టించుకోవడం లేదని, ప్రస్తుతం ఉన్న రిజర్వేషన్లకే ఎసరు పెడుతున్నారన్నారు. ఒక కమిషన్‌ ఏర్పాటు చేసి బీసీలు, కాపుల మధ్య చిచ్చు పెట్టి రాష్ట్ర ప్రభుత్వం తమాషా చేస్తోందన్నారు. రాష్ట్ర బీసీ విద్యార్థి ఫెడరేషన్‌ అధ్యక్షుడు లద్దిక మల్లేష్, బీసీ యువజన విభాగం జిల్లా అధ్యక్షుడు దాస్యం ప్రసాద్, నాయకులు రాయుడు రాకేష్, బండారు రాజేశ్వరరావు, గెడ్డం నాగరాజు, విత్తనాల శివ వెంకటేష్, విష్ణు, సాయిరాంసింగ్, ప్రశాంత్, కోటి తదితరులు పాల్గొన్నారు.


 మంజునాథ కమిషన్‌ పర్యటన నేపథ్యంలో ఏర్పాట్లు
 1,715 మందితో పోలీసు బందోబస్తు
 కాకినాడ క్రైం: మంజునాథ కమిషన్‌ ఆ«ధ్వర్యంలో బుధవారం రంగరాయ మెడికల్‌ కళాశాల ఆడిటోరియంలో నిర్వహించే ప్రజాభిప్రాయ సేకరణను పురస్కరించుకుని కాకినాడలో ట్రాఫిక్‌ ఆంక్షలు విధించినట్టు ట్రాఫిక్‌ డీఎస్పీ కేవీ సత్యనారాయణ తెలిపారు. మంగళవారం కాకినాడ టూటౌన్‌ ట్రాఫిక్‌ పోలీస్‌స్టేషన్‌లో నిర్వహించిన విలేకర్ల సమావేశంలో ఆయన మాట్లాడారు.  ప్రజాభిప్రాయ సేకరణలో పాల్గొనేందుకు వచ్చే పలు సామాజిక వర్గాలకు చెందిన ప్రతినిధులు నిర్దేశించిన రూట్లలో వచ్చి, పార్కింగ్‌ స్థలాల్లో వాహనాలు నిలపాలని కోరారు. జిల్లాలో సెక‌్షన్‌ 30 అమల్లో ఉన్న నేపథ్యంలో గుంపులు, ర్యాలీలు చేపట్ట వద్దన్నారు.  బుధవారం ఉదయం 8 నుంచి సాయంత్రం 6 గంటల వరకు ట్రాఫిక్‌ ఆంక్షలు అమల్లో ఉంటాయని తెలిపారు. పదో తరగతి విద్యార్థులు ప్రయాణించే వాహనాలకు ఎలాంటి ట్రాఫిక్‌ ఆంక్షలు వర్తించవని స్పష్టం చేశారు. 
 వాహనాలు వెళ్లాల్సిన మార్గాలు
 1. విశాఖపట్నం, తుని నుంచి కాకినాడకు వచ్చే భారీ వాహనాలు అచ్చంపేట సెంటర్‌ నుంచి ఏడీబీ రోడ్డు బీచ్‌ రోడ్డు మీదుగా వాకలపూడి, పోర్టు నుంచి జగన్నాథపురం బ్రిడ్జి నుంచి వెళ్లాలి.
 2. విశాఖ, తుని నుంచి కాకినాడ ఆర్టీసీ బస్టాండ్‌కు వచ్చే బస్సులు సర్పవరం జంక‌్షన్‌ నుంచి గంగరాజు నగర్, ఆర్టీసీ ఆఫీసు సెంటర్‌ నుంచి డీమార్టు, లక్ష్మి హాస్పిటల్స్, మదర్‌థెరిస్సా విగ్రహం, వైఎస్సార్‌ విగ్రహం సెంటర్‌ నుంచి ఆర్టీసీ కాంప్లెక్స్‌కు చేరుకోవాలి.
 3. కాకినాడ ఆర్టీసీ కాంప్లెక్సు నుంచి తుని, విశాఖ వెళ్లే ఆర్టీసీ బస్సులు వైఎస్సార్‌ విగ్రహం సెంటర్‌ నుంచి మదర్‌థెరిస్సా సెంటర్, లక్ష్మీ హాస్పిటల్స్, ఆర్టీవో ఆఫీస్‌ సెంటర్, నాగమల్లితోట మీదుగా సర్పవరం సెంటర్‌ నుంచి వెళ్లాలి, 
 4. ఆర్టీసీ కాంప్లెక్సు నుంచి రాజమహేంద్రవరం, అమలాపురం, విజయవాడ వైపు వెళ్లే ఆర్టీసీ బస్సులు వైఎస్సార్‌ బొమ్మ సెంటర్, వైఎస్సార్‌ బ్రిడ్జిపై నుంచి కల్పనా సెంటర్‌ మీదుగా మెయిన్‌రోడ్డు, బాలాజీచెరువు నుంచి ప్రభుత్వ ఆస్పత్రి మీదుగా వెళ్లాలి. 
 5.  రాజమహేంద్రవరం, అమలాపురం, విజయవాడ, జగ్గంపేట నుంచి కాకినాడకు వచ్చే ఆర్టీసీ బస్సులు   కల్పనా సెంటర్‌, వైఎస్సార్‌ బ్రిడ్జి మీదుగా ఆర్టీసీ బస్టాండ్‌కు వెళ్లాలి.
 6. రావులపాలెం, అమలాపురం నుంచి వచ్చే భారీ వాహనాలు, లారీలన్నీ అన్నమ్మఘాటీ జగన్నాథపురం, కొత్త వంతెన మీదుగా కమర్షియల్‌ రోడ్డు సెంటర్‌ నుంచి బీచ్‌రోడ్డు మీదుగా వాకలపూడి, అచ్చంపేట నుంచి వెళ్లాలి.
 వాహనాల పార్కింగ్‌ స్థలాలు
 మంజునాథ కమిషన్‌ ప్రజాభిప్రాయ సేకరణలో పాల్గొనేందుకు వచ్చే వాహనాలను పార్కింగ్‌ చేసుకునేందుకు ఈ కింది విధంగా స్థలాలను కేటాయించారు. 
 1. తుని వైపు నుంచి కాకినాడకు వచ్చే భారీ వాహనాలు సర్పవరం సెంటర్‌, ఆశ్రమ పబ్లిక్‌ స్కూల్‌ నుంచి ద్వారంపూడి భాస్కరరెడ్డి కల్యాణ మండపం ఎదురుగా గల ఖాళీ స్థలం, జేఎన్‌టీయూకే కళాశాల ఆడిటోరియం గ్రౌండ్‌లో పార్కింగ్‌ చేసుకోవాలి. 
 2. తుని వైపు నుంచి కాకినాడకు వచ్చే చిన్న వాహనాలు, మోటార్‌ సైకిళ్లు, ఆటోలు, చిన్నకారులను ఎగ్జిబిషన్‌ గ్రౌండ్‌లోను, ప్రభుత్వ ఐటీఐ గ్రౌండ్‌లో పార్కింగ్‌ చేసుకోవాలి.
 3. రాజమహేంద్రవరం, రావులపాలెం, అమలాపురం నుంచి వచ్చే భారీ వాహనాలన్నీ పీఆర్‌ కళాశాల గ్రౌండ్, మెక్లారిన్‌ హైస్కూలు గ్రౌండ్‌లో పార్కింగ్‌ చేసుకోవాలి.
 4. రాజమహేంద్రవరం, రావులపాలెం, అమలాపురం నుంచి వచ్చే చిన్న వాహనాలు మెటార్‌ సైకిళ్లు, చిన్నకారులు, ఆటోలు పోలీస్‌ గ్రౌండ్‌లో పార్కింగ్‌ చేసుకునేందుకు ఏర్పాట్లు చేశారు. 
 1,715 మందితో పోలీసు బందోబస్తు
 ప్రశాంత వాతావరణంలో ప్రజాభిప్రాయ సేకరణ జరిగేందుకు జిల్లా ఎస్పీ ఎం.రవిప్రకాశ్‌ చర్యలు చేపట్టారు.  రంగరాయ మెడికల్‌ కళాశాల ఆడిటోరియం వద్ద పటిష్ట పోలీసు బందోబస్తు ఏర్పాటుకు చర్యలు తీసుకుంటున్నారు. ఆడిటోరియం కెపాసిటీ 350 మంది ఉండేందుకు అవకాశం ఉండటంతో 175 మంది చొప్పున రెండు సామాజిక వర్గాల వారి ప్రతినిధులను పంపేందుకు పోలీసులు ఏర్పాట్లు చేశారు. అందరినీ ఒకేసారి ఆడిటోరియంలోకి పంపకుండా ప్రత్యేక చర్యలు తీసుకున్నారు. ఆడిటోరియం వద్ద, లోపల, సిటీ పరిధి, ముఖ్యమైన కూడళ్ల వద్ద ఇద్దరు ఏఎస్పీలతో 1,715 మందితో పటిష్ట పోలీసు బందోబస్తు ఏర్పాటు చేశారు.  ఇద్దరు ఏఎస్పీలు, 14 మంది డీఎస్పీలు, 36 మంది సర్కిల్‌ ఇన్‌స్పెక్టర్లు, 170 మంది ఎస్సైలు, 335 మంది ఏఎస్సైలు, హెచ్‌సీలు, 900 మంది కానిస్టేబుళ్లు, 200 మంది మహిళా పోలీసు కానిస్టేబుళ్లు, 60 మంది హోమ్‌గార్డులతో బందోబస్తు ఏర్పాటు చేసినట్టు ట్రాఫిక్‌ డీఎస్పీ సత్యనారాయణ వెల్లడించారు. 
 ప్రత్యేక నిఘా నీడలో... 
 ఏలూరు రేంజ్‌ డీఐజీ రామకృష్ణ ఆధ్వర్యంలో జిల్లా ఎస్పీ ఎం.రవిప్రకాశ్‌ ప్రత్యేక ఏర్పాటు చేశారు. బాడీ వార్న్‌ కెమెరాలను వినియోగించేందుకు చర్యలు చేపట్టారు. మంజునాథ కమిషన్‌ సభ్యులు నిర్వహించే ప్రజాభిప్రాయ సేకరణ ఆడిటోరియంలోకి వెళ్లే సామాజిక వర్గాల ప్రతినిధులను సమగ్రంగా పరిశీలించిన తర్వాతే లోపలి అనుమతించేందుకు ఏర్పాట్లు చేశారు. ప్రవేశద్వారం వద్ద బ్రీత్‌ ఎనలైజర్‌లను సిద్ధం చేశారు. మద్యం తాగొచ్చి గలాటా సృష్టించకుండా, కార్యక్రమం సజావుగా కొనసాగేందుకు బ్రీత్‌ ఎనలైజర్లతో తనిఖీలు చేపట్టనున్నారు.  


 కాకినాడ సిటీ : జస్టిస్‌ మంజునాథ కమిషన్‌ ఎదుట ఆయా సంఘాలు శాంతియుతంగా వారి వాదనలు వినిపించాలని జిల్లా అదనపు ఎస్పీ దామోదర్‌ కోరారు. కలెక్టరేట్‌ విధాన గౌతమి సమావేశ హాలులో కాపు, బీసీ నాయకులతో అధికారులు సోమవారం ప్రత్యేక సమావేశం నిర్వహించారు. దామోదర్‌ మాట్లాడుతూ సమన్వయంతో వ్యవహరించి విచారణకు సహకరించాలని విజ్ఞప్తి చేశారు. కమిషన్‌ ముందు ప్రతి ఒక్కరూ మాట్లాడేందుకు అవకాశం ఉంటుందన్నారు. సెక‌్షన్‌-30 అమలులో ఉన్నందున ఎక్కడా ర్యాలీలు, ధర్నాలు చేయకూడదని, బ్యానర్లు కూడా కట్టకూడదని స్పష్టం చేశారు. అల్లర్లు, గొడవలకు తావు లేకుండా శాంతియుతంగా వ్యవహరించాలని చెప్పారు. కమిషన్‌ విచారణ జరిగే రంగరాయ వైద్య కళాశాల ఆడిటోరియం లోపలికి పరిమిత సంఖ్యలో అనుమతించి, వారు బయటకు వచ్చాక మరికొంతమందిని లోపలకు పంపుతామన్నారు. విచారణ జరిగే ఆవరణలో హాలు బయట టెంట్‌ వేసి వేచి ఉండే అవకాశం కల్పిస్తామన్నారు. పిఠాపురంవైపు నుంచి వచ్చే కాపు వర్గాలకు ఐటీఐ పక్కన ఉన్న ఎగ్జిబిషన్‌ గ్రౌండ్‌లోనూ, బీసీ వర్గాలకు జేఎన్‌టీయూకే ఆవరణలోను వాహనాల పార్కింగ్‌ ఏర్పాటు చేశామన్నారు. అలాగే జగన్నాథపురం, ఇంద్రపాలెం వైపు నుంచి వచ్చే కాపు వర్గాలకు పీఆర్‌ కళాశాల ఆవరణలోను, బీసీ వర్గాలకు మెక్లారిన్‌ హైస్కూల్‌ ఆవరణలోను పార్కింగ్‌ సౌకర్యం కల్పించామని అదనపు ఎస్పీ చెప్పారు. ఈ సమావేశంలో కాపు నాయకులు వీవై దాసు, నల్లా విష్ణు, ఆకుల రామకృష్ణ, సంగిశెట్టి అశోక్; బీసీ నాయకులు చొల్లంగి వేణుగోపాల్, పంపన రామకృష్ణ, కుడుపూడి సూర్యనారాయణ, కుండల సాయికుమార్‌ తదితరులు పాల్గొన్నారు.
 అమలాపురం టౌన్‌ : కాకినాడలో మంజునాథ కమిషన్‌ బీసీలు, కాపుల నుంచి బుధవారం ప్రజాభిప్రాయ సేకరణ, వినతుల స్వీకరణ నిర్వహిస్తున్న క్రమంలో కోనసీమ నుంచి ఆయా సామాజిక వర్గాల వారు భారీ తరలి వెళ్లేందుకు సన్నహాలు చేస్తున్నారు. ఈ క్రమంలో సామాజిక వర్గాల మధ్య వైషమ్యాలు తలెత్తకుండా, కాకినాడకు శాంతి భద్రతలకు విఘాతం కలగకుండా ప్రశాంత వాతావరణంలో వెళ్లాలని పోలీసులు సూచిస్తూనే ముందు జాగ్రత్తగా అమలాపురంలో ఆయా సామాజిక వర్గాలకు చెందిన దాదాపు 500 మంది ప్రతినిధులకు నోటీసులు జారీ చేశారు. జిల్లాలో సెక‌్షన్‌ 30 అమలులో ఉందని, దానికి వ్యతిరేకంగా ఏ సంఘటనలోనైనా మీరు ప్రత్యక్షంగా గానీ, పరోక్షంగా గాని పాల్గొని శాంతి భద్రతకు భంగం కలిగేలా ప్రవర్తిస్తే  చట్టరీత్యా చర్యలు తీసుకుంటామని పోలీసులు ఆ నోటీసులో హెచ్చరించారు. సీఐ వైఆర్‌కే శ్రీనివాస్‌ నుంచి పట్టణంలో 500 మంది బీసీ, కాపు ప్రతనిధులకు ఒకే రోజు అందడంతో చర్చనీయాంశమైంది. ఇప్పటికే డీఎస్పీ లంక అంకయ్య,  సీఐ శ్రీనివాస్‌లు పట్టణంలోని బీసీ, కాపు నేతల ఇళ్లకు స్వయంగా వెళ్లి మంజునాథ కమిషన్‌ వద్ద శాంతియుతంగా వ్యవహరించాలని, నినాదాలు, ర్యాలీలతో వెళ్లవద్దని, భావోద్వేగాలకు, ఆవేశకావేశాలకు తావు లేకుండా ప్రశాంత, ఆత్మీయ వాతావరణంలో కమిషన్‌ను కలవాలని కోరారు. అమలాపురంలో బీసీ నేతలు కుడుపూడి చిట్టబ్బాయి, కుడుపూడి సూర్యనారాయణరావు, కాపు నేతలు నల్లా విష్ణుమూర్తి, కల్వకొలను తాతాజీ, నల్లా పవన్, మిండగుదటి మోహన్, మెట్ల రమణబాబు తదితర నేతల ఇళ్లకు పోలీసు అధికారులు వెళ్లి బుధవారం కాకినాడ వెళ్లేటప్పుడు రంగరాయ మెడికల్‌ కళాశాలలో బీసీ కమిషన్‌ను కలిసినప్పుడు అనుసరించాల్సిన పద్ధతులను వివరించారు.   


 ఇప్పటికైనా వాస్తవాలు బయట పడేనా? 
 రాజమహేంద్రవరం క్రైం :  పుష్కరాల్లో జరిగిన తొక్కిసలాట ఘటనపై ప్రభుత్వం నియమించిన ఏక సభ్య కమిషన్‌ సి.వై.సోమయాజులు నేతృత్వంలో శుక్రవారం రాజమహేంద్రవరం ఆర్‌ అండ్‌ బీ గెస్ట్‌హౌస్‌లో విచారణ జరపనుంది. ఇప్పటికే అనేక సార్లు విచారణ జరిపిన కమిషన్‌ నాలుగోసారి 390 జీఓ విడుదల చేసింది. ఈ జీవో కాలపరిమితి ఈ నెల 29 వరకు  ఉంది. మానవ హక్కుల కమిషన్‌కు మొదటిసారిగా ఇచ్చిన నివేదికలో కలెక్టర్, ముఖ్యమంత్రి పుష్కర ఘాట్‌ లో ఉండడం వల్లే తొక్కిసలాట జరిగిందని నివేదిక ఇచ్చినప్పటికీ, అనంతరం భక్తుల తొందరపాటే తొక్కిసలాటకు కారణమని మాట మార్చారు. అయితే అధారాలు సమర్పించడంతో దాటవేత ధోరణి అవలంబించారు. 
 స్వామి భక్తే కొంప ముంచింది
 పుష్కరాల సందర్భంగా వీఐపీలకు ప్రత్యేక ఘాట్‌ కేటాయించినప్పటికీ టెలిఫిల్మ్‌ చిత్రీకరణకు వీలుగా ముఖ్యమంత్రి పుష్కర ఘాట్‌లోనే కుటుంబ సమేతంగా  స్నానం చేశారు. మూడు గంటల పాటు నిరీక్షించిన లక్షలాది పుష్కర యాత్రికులను ఒక్కసారిగా ఘాట్‌లోకి అనుమతించడంతో ఈ తొక్కిసలాట చోటు చేసుకుంది. ఈ సంఘటనలో 29 మంది మృత్యువాత పడగా, 51 మంది గాయాలపాలైయ్యారు. ముఖ్యమంత్రి మెప్పుపొందడానికి అధికారులు తాపత్రయ పడి వీఐపీల వద్దే ఉండిసామాన్య యాత్రికులను, వారి రక్షణను నిర్లక్ష్యం చేశారు. 
 బారికేడ్లు తొలగించి వీఐపీలకు అనుమతి
 పుష్కర ఘాట్‌లో స్నానం చేసేందుకు లక్షలాది మంది వస్తారని  ముందుగానే అంచనాలు ఉన్నప్పటికీ అందుకు తగ్గట్టు ఘాట్ల గేట్లు వెడల్పు చేడయంలో అధికారులు విఫలమయ్యారు. గేటు లోపల వైపు ఏడు మెట్లు కూడా తొక్కిసలాట చోటు చేసుకొని భక్తులు మృతి చెండానికి ప్రధాన కారణంగా చెప్పుకోవచ్చును. అలాగే పుష్కర ఘాట్‌లో ఏర్పాటు చేసి బారీకేడ్లు వీఐపీల కార్లు వచ్చేందుకువీలుగా బారికేడ్లు తొలగించారు. అందువలన యాత్రికులు గేటు వద్ద గుంపులు, గుంపులుగా రావడంతో తోపులాట చోటు చేసుకొని ఈ దుర్ఘటన జరగడానికి కారణమైంది.ఇప్పటికైనా అధికారులు ఆధారాలు సమర్పిస్తే బాధితులకు న్యాయం జరుగుతుంది లేకుంటే నిజం మరుగున పడే ప్రమాదం ఉంది. 


 రాజమహేంద్రవరం కేంద్రంగా పెద్దనోట్ల మార్పిడి వ్యాపారం
 30 శాతం కమీషన్లు ఇస్తామంటూ బేరసారాలు
 ఇతర రాష్ట్రాలS నుంచి వస్తున్న నల్ల కుబేరులు
 ఏటీఎంలో నగదు నింపే సిబ్బందే సూత్రధారులు
 బ్యాంకు అధికారుల పాత్రపైనా పోలీసుల అనుమానం
 రైలులో దొరికిన ఓ ఆసామి టీటీలకు రూ.లక్ష రూ.2 వేల నోట్లు ఇచ్చిన వైనం
 అదేమిటంటే సరిపోదా అంటూ మరో లక్ష కట్ట విసిరిన నిందితుడు
 రెండు రోజుల కిందట సామర్లకోట రైల్వే స్టేషన్లో  రూ.15 లక్షల 2 వేల నోట్లతో ఒకరు 
 శనివారం రూ.50 లక్షల రూ.1000 నోట్లతో రాజమహేంద్రవరంలో మరొకరు
 సాక్షి, రాజమహేంద్రవరం / సామర్లకోట : రోజువారీ అవసరాలకు కూడా నగదు లేక సామాన్య, మధ్య తరగతి ప్రజలు బ్యాంకుల చుట్టూ ప్రదక్షిణలు చేస్తూ రోజుల తరబడి వేచి చూస్తున్నా నాలుగు వేలు కూడా లభించడం లేదు. అలాంటిది కొందరు బ్యాంకు అధికారులు, ఏటీఎంలలో నగదు నింపే సంస్థ సిబ్బంది కమీషన్‌  వ్యాపారులతో కుమ్మక్కై నగదును బయటికి తరలించేస్తున్నారు. ఏటీఎంలలో ‘సైంటిఫిక్‌ సెక్యూరిటీ మేనేజ్‌మెంట్‌ సర్వీసెస్‌’ అనే సంస్థ నగదును నింపుతుంటుంది. ఈ కంపెనీకి చెందిన మేనేజర్‌ దాసరి శ్రీనివాసు జిల్లాలోని ఏటీఎం కేంద్రాల్లో నగదు నింపే సమయంలో తన అనుచరుల ద్వారా కొంత నగదును పక్కదారి మళ్లిస్తున్న ఘటన ఇటీవల బయటపడింది, ఇటీవల దాసరి శ్రీనివాసు సామర్లకోటలో టికెట్‌ లేకుండా రైల్వే ఏసీ బోగీలో ఎక్కారు. జీఆర్పీ పోలీసులు ప్రశ్నించగా వారిపై లక్ష రూపాయల రూ.2000 నోట్ల కట్టను విసిరేశాడు. ఇదేమిటని ప్రశ్నిస్తుండగానే మరో కట్టను విసిరాడు. అతని ప్రవర్తనపై అనుమానం రావడంతో జీఆర్పీ పోలీసులు తనిఖీ చేయగా రూ.15 లక్షలు దొరికాయి. అవన్నీ రూ.రెండు వేల నోట్లు. జీఆర్పీ పోలీసులు అతన్ని విశాఖ పోలీసులకు అప్పగించగా వారు తమదైన శైలిలో విచారించడంతో రాష్ట్ర వ్యాప్తంగా రూ.కోటి విలువైన రూ.రెండువేల నోట్లు దారిమళ్లించినట్లు ఒప్పకున్నాడు. తాజాగా శనివారం రాజమహేద్రవరం రైల్వే స్టేషన్లలో చెన్నైకు చెందిన మది అలిగన్‌  అనే వ్యక్తి అనుమానాస్పదంగా తిరుగుతుండడంతో జీఆర్పీ పోలీసులు విచారించారు. అతని వద్ద రూ.50 లక్షల విలువైన రూ.1000 నోట్లు లభించాయి. పోలీసులు అతన్ని విచారిస్తున్నారు.
 జోరుగా కమీషన్‌  వ్యాపారం...
 జిల్లాలో రాజమహేద్రవరం కేంద్రంగా పెద్దనోట్ల మార్పిడి కమీషన్‌  వ్యాపారం జరుగుతోందన్న ప్రచారం పక్షం రోజులుగా సాగుతోంది. ఈ నేపథ్యంలో దాసరి శ్రీనివాసు వ్యవహారం, శనివారం రాజమహేద్రవరం రైల్వే స్టేషన్‌ లో రూ.50 లక్షల పెద్దనోట్లతో తమిళనాడుకు చెందిన వ్యక్తి పట్టుబడడంతో ఆరోపణలు బలపడుతున్నాయి. ఉభయ గోదావరి జిల్లాలో వ్యాపారం, వైద్యంపరంగా రాజమహేంద్రవరం ముఖ్య కేంద్రంగా బాసిల్లుతోంది. నగరంలో కొందరు ప్రముఖులు, రాజకీయ నేతలు పెద్దనోట్ల మార్పిడిని వ్యాపారంగా మలుచుకున్నారని ఆరోపణలు వెల్లువెత్తుతున్నాయి. డిమాండ్‌ను బట్టి 30 నుంచి 40 శాతం కమీషన్‌  తీసుకుంటున్నారని సమాచారం. బ్యాంకుల్లో డిపాజిట్‌ చేస్తే 30 శాతం పన్ను దానిపై 200 శాతం జరిమానాతో రూ.లక్షకు రూ.10 వేలు కూడా రాదు.40 శాతం కమీషన్‌  పోయినా రూ.లక్షకు రూ.60 వేలు మిగులుతాయన్న ఆలోచనతో చాలా మంది నోట్లను మార్చుకునేందుకు వీరిని ఆశ్రయిస్తున్నారు. ఓ రాజకీయ నేత ఈ కమీషన్‌ వ్యాపారంలో తనమునకలై ఉన్నారన్న ఆరోపణలున్నాయి. ఈ మధ్య ఓ వైద్యుడు తన వద్ద ఉన్న రూ. 50 లక్షలు మార్చుకునేందుకు ప్రయత్నించగా కమీషన్‌  ఎక్కువగా ఉండడంతో ప్రస్తుతానికి ఆగినట్లు సమాచారం.
 బ్యాంకు అధికారులపై పోలీసులు నిఘా..
 ఏటీఎం కేంద్రాల్లో నగదు నింపుతున్నా ఆ వివరాలు ఎప్పటికప్పడు సంబంధిత బ్యాంకు అధికారులకు తెలుస్తుంటుంది. బ్యాంకు అధికారులు పాత్ర లేకుండా ఏటీఎంలలో నగదు నింపే సంస్థ సిబ్బంది నగదును దారి మళ్లించలేరని పోలీసులు భావిస్తున్నారు. రూ.450 కోట్లు పక్కదారి పట్టినట్లు  శుక్రవారం ఆర్బీఐ ఫిర్యాదు చేయడంతో సీబీఐ ఇటువైపు దృష్టి పెట్టింది. ఈ నేపథ్యంలో జిల్లాలో కమీషన్‌ వ్యాపారం జోరందుకోవడంతో పోలీసులు బ్యాంకు అధికారుల పాత్రపై దర్యాప్తు చేస్తున్నట్లు సమాచారం. ఆయా బ్యాంకుల అధికారులు, సిబ్బంది కదలికలపైనా పోలీసు శాఖ నిఘా పెట్టింది. 
  


 – సమర్థవంతమైన పాలనతోనే ప్రజల్లో నమ్మకం
 – జాతీయ ఎస్సీ కమిషన్‌ సభ్యురాలు పీఎం కమలమ్మ
 కర్నూలు(అర్బన్‌): షెడ్యూల్డు కులాల ప్రజల హక్కుల పరిరక్షణే కమిషన్‌ ధ్యేయమని జాతీయ ఎస్సీ కమిషన్‌ సభ్యురాలు పీఎం కమలమ్మ అన్నారు. స్థానిక జిల్లా పరిషత్‌ సమావేశ భవనంలో ఎస్సీ సంఘాల నుంచి వినతి పత్రాలు స్వీకరించిన అనంతరం మధ్నాహం జిల్లా అధికారులతో అట్రాసిటీ కేసులు, భూసమస్యలు, ఎస్సీ సబ్‌ ప్లాన్‌ నిధుల వ్యయం తదితర అంశాలపై ఆమె సమీక్ష నిర్వహించారు. జిల్లా కలెక్టర్‌ సీహెచ్‌ విజయమోహన్, జాయింట్‌ కలెక్టర్‌ సీ హరికిరణ్, ఎస్పీ ఆకె రవికష్ణ పాల్గొన్నారు. ఈ సందర్భంగా కమలమ్మ మాట్లాడుతూ వర్తమాన, భవిష్యత్‌ కాలాలకు అనుగుణంగా డా.బీఆర్‌ అంబేడ్కర్‌ భారత రాజ్యాంగాన్ని రచించారని, అందులోనే ఆర్టికల్‌ 338 ప్రకారం జాతీయ కమిషన్‌ను ఏర్పాటుకు అవకాశం కల్పించారన్నారు. ప్రభుత్వం అమలు చేస్తున్న సంక్షేమ పథకాలు, జీఓలు, చట్టాలను జిల్లా అధికారులు సమర్థవంతంగా అమలు చేసినప్పుడే ప్రజల్లో ప్రభుత్వం పట్ల నమ్మకం ఏర్పడుతుందన్నారు. జిల్లా యూనిట్‌గా జిల్లా అధికారులు మాత్రం పనిచేస్తే సరిపోదని, క్షేత్ర స్థాయిలో ఉన్న అధికారులు కూడా విధులు సక్రమంగా నిర్వహిస్తే ప్రజల ఇబ్బందులను తొలగించిన వారవుతారన్నారు. ఉద్యోగానికి కొంత మానవత్వాన్ని కూడా జోడిస్తే పాలన సజావుగా సాగుతుందన్నారు.
 వినతులపై పూర్తి స్థాయి పరిశీలన ...
 వివిధ సమస్యలపై తమకు 200కు పైగా వినతి పత్రాలు అందాయని, వాటన్నింటిని పూర్తి స్థాయిలో పరిశీలించి చర్యలు చేపడతామన్నారు. ఇక్కడే పరిష్కారమయ్యే వాటిని మినహాయించి మిగిలినవాటిపై పరిశీలన జరిపి 15రోజుల్లో న్యాయం చేస్తామన్నారు. ఈ నేపథ్యంలోనే జిల్లాలో 2010 నుంచి 2016 వరకు నమోదైన అట్రాసిటీ కేసులు, వాటిలో చార్జిషీట్‌ ఓపెన్‌ చేసినవి, రిజక్ట్‌ అయినవి తదితర వివరాలను ఎస్సీ, ఎస్టీ సెల్‌ డీఎస్పీలు మురళీధర్, వినోదర్‌కుమార్‌ ద్వారా తెలుసుకున్నారు. ఇటీవల జంట హత్యలు జరిగిన ఉప్పలూరు ఘటనపై ఆరా తీశారు. బాధితులకు పరిహారం, చేపట్టిన చర్యలపై ప్రశ్నించారు. ఇప్పటికే బాధిత కుటుంబాలకు పరిహారం మంజూరు చేశామని జేసీ హరికిరణ్‌ సమాధానమిచ్చారు.
 సబ్‌ప్లాన్‌ నిధుల దుర్వినియోగం ...
 దేవనకొండ మండలంలో సబ్‌ప్లాన్‌ నిధులతో ఎస్సీ కాలనీల్లో అభివద్ధి పనులు చేపట్టకుండా ఇతర కాలనీల్లో పనులు చేపడుతున్నారని విజిలెన్స్‌ అండ్‌ మానిటరింగ్‌ కమిటీ సభ్యులు సమావేశం దష్టికి తీసుకువచ్చారు. విషయంపై కమిషన్‌ సభ్యురాలు కమలమ్మ అసహనం వ్యక్తం చేశారు. పూర్తి స్థాయి విచారణ జరపాలని ఆదేశించారు. ఎస్సీ కార్పొరేషన్‌ ఆధ్వర్యంలో నాన్‌ బ్యాకింగ్‌ పథకం కింద 2014–15 ఆర్థిక సంవత్సరానికి సంబంధించి పెండింగ్‌లో ఉన్న ఆర్థిక సహాయాన్ని వెంటనే లబిధదారులకు అందించాలని ఈడీ వీర ఓబులును ఆదేశించారు.