ముంబై: వీడియో లింక్‌లో సాంకేతిక సమస్య తలెత్తడంతో ముంబై దాడుల కేసులో అప్రూవర్‌గా మారిన డేవిడ్ కోల్మన్ హెడ్లీ నుంచి వాంగ్మూలం తీసుకోవడాన్ని ప్రత్యేక కోర్టు గురువారానికి వాయిదా వేసింది.  రెండు రోజులుగా వీడియో లింక్ ద్వారా ముంబై కోర్టు ముందు వాంగ్మూలం ఇస్తుండడం  తెలిసిందే. బుధవారం వీడియో లింక్‌లో సాంకేతిక సమస్య తలెత్తంగా విచారణ గంట పాటు వాయిదావేశారు. సమస్య పరిష్కారం కాకపోవడంతో గురువారానికి వాయిదా వేశారు. కాగా, కట్టుకథలను ప్రచారం చేస్తూ.. పాక్ ప్రతిష్టను దెబ్బతీయడానికి భారత్ ప్రయత్నిస్తోందని ముంబై దాడులప్పుడు పాక్ హోంమంత్రిగా ఉన్న రెహ్మాన్ మాలిక్ ఆరోపించారు.


 ముంబై/రావల్పిండి: పాకిస్తానీ-అమెరికన్ లష్కరే ఉగ్రవాది డేవిడ్ కోల్మన్ హెడ్లీ 26/11 ముంబై దాడులకు అబూ జుందాల్‌తో కలసి కుట్ర చేశాడని బాంబే  కోర్టు తెలిపింది. ఈ కేసులో.. డిసెంబర్ 10లోగా హెడ్లీని వీడియో కాన్ఫరెన్స్ ద్వారా విచారణకు ప్రవేశపెట్టాలని ఆదేశించింది. ముంబై దాడుల  విచారణను పాక్ ఉగ్రవాద నిరోధక కోర్టు.. సాక్షుల గైర్హాజరుతో మళ్లీ  వాయిదా వేసింది.
  
  ఉగ్రవాదంపై సదస్సును నిర్వహించండి
  పారిస్, బీరుట్‌లలో ఉగ్రదాడుల నేపథ్యంలో  ఉగ్రవాదంపై సదస్సును అత్యవసరంగా నిర్వహించి తదుపరి చర్యలపై చర్చించాలని ఐక్యరాజ్యసమితి భద్రతా మండలిని భారత్ కోరింది.