లగ్జరీ కార్స్‌ మేకర్‌ లాంబోర్గినీపై రేమండ్స్ చైర్‌పర్సన్, మేనేజింగ్ డైరెక్టర్ గౌతమ్ సింఘానియా మండిపడ్డారు. ముంబైలో లాంబోర్గినీ రివల్టో కారును టెస్ట్ డ్రైవ్‌కు తీసుకెళ్లగా నడిరోడ్డులో ఆగిపోయిందని, దీనిపై ఫిర్యాదు చేసినా లంబోర్గినీ ఇండియా, ఆసియా అధిపతులు స్పందించలేదని ఆగ్రహం వ్యక్తం చేశారు."(లాంబోర్గినీ)ఇండియా హెడ్ శరద్ అగర్వాల్, ఆసియా హెడ్ ఫ్రాన్సిస్కో స్కార్డొని అహంకారాన్ని చూసి నేను ఆశ్చర్యపోయాను. కస్టమర్ సమస్యలు ఏమిటో తెలుసుకునేందుకు కూడా ఎవరూ స్పందించలేదు" అని సింఘానియా లింక్డ్‌ఇన్‌లో పోస్ట్‌ చేశారు. ఈ లగ్జరీ కారు డెలివరీ అయిన 15 రోజులకే సమస్యలు వచ్చినట్లు పేర్కొన్నారు.విలాసవంతమైన జీవనం గడిపే గౌతమ్ సింఘానియా ప్రత్యేకమైన లగ్జరీ కార్స్‌ కలెక్షన్‌కు ప్రసిద్ధి చెందారు . ఫార్ములా వన్ రేసర్‌ను నడపడానికి ఆయనొకసారి ఫ్రాన్స్‌కు కూడా వెళ్లారు. సొగసైన ఫెరారీ 458 నుండి ఆడి క్యూ7, ఎల్‌పీ570 సూపర్‌లెగ్గేరా, నిస్సాన్ స్కైలైన్ జీటీ-ఆర్‌, లాంబోర్ఘిని గల్లార్డో వంటి ఖరీదైన కార్లెన్నో ఆయన కలెక్షన్‌లో ఉన్నాయి.ఇదీ చదవండి: ఎలక్ట్రిక్‌ బైక్‌లపై రూ.20,000 డిస్కౌంట్‌అత్యంత ఖరీదైన లాంబోర్ఘిని రివల్టో కారు ప్రారంభ ధరే రూ.8.89 కోట్లు (ఎక్స్‌షోరూం). ఈ కారుపై గౌతమ్ సింఘానియా పెట్టిన పోస్టుకు యూజర్లు కూడా స్పందించారు. లాంబోర్ఘిని కస్టమర్లను విస్మరించడాన్ని తప్పుపడుతూ విమర్శలు చేశారు.

ఇటీవల కాలంలో భార్యకు వేధింపులు, ఇటు తల్లిదండ్రుల్ని వేధింపులకు గురిచేసిన రేమాండ్‌ గ్రూప్‌ చీఫ్‌ మేనేజింగ్‌ డైరెక్టర్‌ గౌతమ్‌ సింఘానియా వార్తల్లోకెక్కారు. తాజాగా ఐటీ శాఖకు రూ.328 కోట్ల భారీ మొత్తంలో జరిమానా చెల్లించి చర్చాంశనీయంగా మారారు.  అంబానీతో పోటీ పడి ప్రపంచంలోనే రెండో విలాసవంతమైన భవనం, సౌత్‌ ముంబైలో రిలయన్స్‌ అధినేత ముఖేష్‌ అంబానీ ఇల్లు ఆంటిలియా (రూ.12వేల కోట్లు). ముఖేష్‌ అంబానీతో పోటీ పడ్డ గౌతమ్‌ సింఘానియా అదే ప్రాంతంలో రూ.6 వేల కోట్లతో రెండో అతి పెద్ద ఇల్లు (జేకే హౌస్‌)ను నిర్మించారు. అయితే ఆ ఇంటిని మ్యూజియంలా తీర్చిదిద్దాలనే ఉద్దేశంతో అడ్డంగా దొరికిపోయారు. చివరికి వందల కోట్లలో భారీ మొత్తంలో పన్ను చెల్లించాల్సి వచ్చింది. ఇంతకి ఆయన ఏం చేసినట్లు.   సింఘానియా 2018 - 2021 వరకు విదేశాల నుంచి సుమారు 142 కార్లను భారత్‌కు దిగుమతి చేసుకున్నారు. ఆ కార్లన్నీ ఈ జేకే హౌస్‌లోనే ఉంచారు. అప్పుడప్పుడు ఆ కార్లతో ముంబై రోడ్లపై చక్కెర్లు కొడుతూ హల్‌చల్‌ చేసేవారు. గౌతమ్‌ సింఘానియాపై డీఆర్‌ఐ కన్ను  గౌతమ్‌ సింఘానియా వ్యవహారంపై భారత గూఢచార సంస్థ డైరెక్టరేట్ ఆఫ్ రెవెన్యూ ఇంటెలిజెన్స్ (డీఆర్‌ఐ) విభాగం అధికారులు ఓ కన్నేశారు. ఆయన ఏ కారు డ్రైవింగ్‌ చేస్తున్నా వాటి ఆధారాల్ని సేకరించారు. ఏ దేశం నుంచి ఏ కారును ఎంత మొత్తం కొనుగోలు చేశారో ఆరా తీశారు.   తీగ లాగితే డొంక కదిలినట్లు గౌతమ్‌ సింఘానియా మొత్తం కార్ల కొనుగోలు భాగోతం తెరపైకి వచ్చింది. వెంటనే అధికారులు ఆయన నివాసం జేకే హౌస్‌లో సోదాలు నిర్వహించారు. డీఆర్‌ఐ అధికారుల సోదాల్లో విదేశాల్లో కార్లును భారీ మొత్తంలో కొనుగోలు చేసి.. వాటిని ధరల్ని తగ్గిస్తూ తప్పుడు ఇన్‌వాయిస్‌లు తయారు చేసినట్లు పలు ఆధారాల్ని స్వాధీనం చేసుకున్నారు. అందుకు ఊతం ఇచ్చేలా గౌతమ్‌ సింఘానియా ఆయా కార్ల కంపెనీలతో జరిపిన ఈమెయిల్స్‌, చాటింగ్‌లు ఉన్నట్లు గుర్తించారు.     142 కార్లను కొన్నారు.. ఆపై  డీఆర్‌ఐ అంతర్గతంగా జరిపిన విచారణలో రేమాండ్‌ సీఎండీ మొత్తం 142 కార్లను విదేశాల్లో కొనుగోలు చేసి వాటిని భారత్‌కు దిగుమతి చేసుకున్నారు. వాటిల్లో 138 వింటేజ్‌ వెహికల్స్‌, నాలుగు రిసెర్చ్‌ అండ్‌ డెవలప్మెంట్‌ వాహనాలు ఉన్నాయి. దిగుమతి చేసుకున్న మొత్తం 142 కార్లలో వింటేజ్‌ కార్లకు 251.5 శాతం దిగుమతి సుంకం వర్తిస్తుంది.  వాటికి ఆయన కస్టమ్స్‌ డ్యూటీ చెల్లించకుండా తప్పించుకు తిరుగుతున్నారని డీఆర్‌ఐ నిర్ధారణకు వచ్చారు. ఫలితంగా ఖజానాకు రూ.229.72 కోట్ల ఆదాయం నష్టపోయినట్లు తెలిపారు. ఇక రేమాండ్‌ సీఎండీ యూఏఈ, హాంగ్‌ కాంగ్‌, అమెరికాలో ఏ మాత్రం విలువలేని నామమాత్రపు కంపెనీలు, మధ్యస్థ కంపెనీల నుంచి కార్లను దిగుమతి చేసుకున్నట్లు ఆరోపించారు.   నిబంధనలకు విరుద్దంగా వ్యవహరించినందుకు గాను సింఘానియాకు రూ.328 కోట్ల జరిమానా విధించారు. ఆ మొత్తంలో 15 శాతం వడ్డీ చెల్లించాలని గత ఏడాది జనవరిలో నోటీసులు పంపారు. తాజాగా, ఆ నోటీసులకు అనుగుణంగా రేమాండ్‌ సీఎండీ గౌతమ్‌ సింఘానియా రూ.328 కోట్లు జరిమానా చెల్లించారు.

దిగ్గజ పారిశ్రామికవేత్త, రేమండ్స్‌ ఛైర్మన్‌, మేనేజింగ్‌ డైరెక్టర్‌(సీఎండీ) గౌతమ్‌ సింఘానియా తన భార్య నవాజ్‌ మోదీ నుంచి విడిపోయినట్లు ప్రకటించిన సంగతి తెలిసిందే. అయితే తాజాగా ఈ విడాకుల కేసులో ఊహించని పరిణామం చోటు చేసుకున్నట్లు తెలుస్తోంది.  సరిగ్గా నెల రోజుల క్రితం గౌతమ్‌ సింఘానియా తన భార్య నవాజ్‌ మోదీ సింఘానియాల 32 ఏళ్ల వివాహ బంధానికి స్వస్తి పలుకుతున్నట్లు తెలిపారు.  ఇక నుంచి తాము వేర్వేరు దారుల్లో ప్రయణిస్తున్నట్లు చెప్పారు. ఈ ప్రకటన తర్వాత ఇచ్చిన వరుస ఇంటర్వ్యూల్లో గౌతమ్‌ సింఘానియా నుంచి ఎదురైన వేధింపులు, జరిపిన దాడుల గురించి సంచలన విషయాల్ని బయట పెడ్తూ వచ్చారు.  విడాకులు వ్యవహారం సాఫీగా జరిగేలా గౌతమ్ సింఘానియాకు చెందిన రూ.11,620 కోట్ల విలువైన ఆస్తిలో 75 శాతం వాటాను కుమార్తెలు నిహారిక, నిషాతో పాటు తన కోసం కొంత మొత్తాన్ని ఇవ్వాలని డిమాండ్ చేసిన విషయాన్ని సైతం నవాజ్‌ మోదీ ఇంటర్వ్యూలో వెల్లడించారు.  ‘నువ్వు ఏం చేయాలనుకుంటున్నావో అది చేసుకో’ దీనిపై స్పందించిన గౌతమ్‌ సింఘానియా ‘నువ్వు ఏం చేయాలనుకుంటున్నావో అది చేసుకో’ అని అన్నారన్న విషయాన్ని లేవనెత్తారు. ఈ వ్యవహారం ఆ సంస్థను ఉక్కిరి బిక్కిరి చేశాయి.  కంపెనీ షేర్లు కుప్పకూలిపోవడంతో పాటు ఇన్వెస్టర్లలలో కంపెనీపై నమ్మకం సన్నగిల్లింది.  ఈ తరుణంలో సెబీ నిబంధనలకు అనుగుణంగా స్టాక్‌ మార్కెట్‌లోని ఇనిస్టిట్యూషనల్‌ ఇన్వెస్టర్లకు సలహాలు ఇచ్చే ప్రాక్సీ అడ్వైజరీ సంస్థ ఎల్‌ఐఏఎస్‌ రంగంలోకి దిగింది. సీఎండీ గౌతమ్ సింఘానియాపై వచ్చిన దాడి ఆరోపణలపై దర్యాప్తు ప్రారంభించాలని రేమండ్ స్వతంత్ర డైరెక్టర్లను కోరింది.   గౌతమ్‌ సింఘానియా ఒప్పుకున్నారా?   ఈ వరుస పరిణామాల నేపథ్యంలో విడుదల గౌతమ్‌ సింఘానియా - నవాజ్‌ మోదీ సింఘానియాల విడుకులపై పలు నివేదికలు వెలుగులోకి వచ్చాయి. గౌతమ్‌ సింఘానియా నుంచి నవాజ్‌ మోదీ సింఘానియా ఆశిస్తున్న 75 శాతం కాకుండా.. చట్టపరంగా ఎంత ఇవ్వాలో అంత ఇచ్చేందుకు గౌతమ్‌ ఒప్పుకున్నారని, ఆమొత్తాన్ని తీసుకునేందుకు నవాజ్‌ మోదీ అంగీకరించారని నివేదికలు హైలెట్‌ చేశాయి. ప్రస్తుతం అవి చర్చల దశలో ఉన్నాయని చెప్పాయి.  బెర్జిస్‌ దేశాయ్‌ నియామకం దీనిపై రేమాండ్‌ బోర్డు స్పందించింది. గౌతమ్‌ సింఘానియా, అతని భార్య నవాజ్‌ మోదీ సింఘానికి మధ్య కొనసాగుతున్న వివాదానికి సంబంధించి బోర్డుకు సలహా ఇవ్వడానికి సీనియర్ స్వతంత్ర న్యాయవాది బెర్జిస్ దేశాయ్‌ను నియమించినట్లు తెలిపింది. ఈ విషయం తమ పరిధికి వెలుపల ఉందని బోర్డు స్పష్టం చేసింది. అయితే పరిణామాలను పర్యవేక్షించడంలో, బోర్డుకి సమాచారం ఇవ్వడంలో దేశాయ్ పాత్ర ఉందని రేమాండ్‌ బోర్డు అంగీకరించింది.  లాభాల్లో రేమాండ్‌ షేర్లు  కాగా రేమాండ్‌ యాజమాన్యం వ్యక్తిగత వివాదం కారణంగా ఆ కంపెనీ స్టాక్స్‌ క్షీణిస్తూ వచ్చాయి. అయితే గత వారం చివరి ట్రేడింగ్ రోజున కంపెనీ షేర్లు 4 శాతానికి పైగా పెరిగి రూ.1,563 వద్ద ముగిసింది. తాజా నివేదికలతో ఈరోజు స్టాక్‌ మార్కెట్‌లో రేమాండ్‌ షేర్లు 1.4శాతం పెరిగాయి. ఒక్కో షేర్‌ విలువ రూ.1,578.80కి చేరాయి. 

కొద్ది రోజుల క్రితం రేమండ్‌ ఛైర్మన్‌, మేనేజింగ్ డైరెక్టర్‌ గౌతమ్‌ సింఘానియా తన భార్య నవాజ్‌ మోదీతో వైవాహిక బంధానికి ముగింపు పలుకుతున్నట్లు గౌతమ్‌ సింఘానియా ప్రకటించారు.  అయితే ఈవిడాకుల ప్రకటనే ఆ సంస్థ కొంపముంచుతున్నట్లు తెలుస్తోంది. గౌతమ్‌ సింఘానియా డివోర్స్‌ ప్రకటన తర్వాత దేశీయ స్టాక్‌ మార్కెట్‌లోని రేమండ్‌ షేర్ల విలువ పడిపోతూ వస్తుంది. 12వ రోజైన గురువారం మధ్యాహ్నం 12.35 గంటల సమయానికి రేమండ్‌ షేర్లు 2 శాతం నష్టపోయాయి. ఇక, గత ఐదు రోజులుగా రేమండ్‌ షేర్ వ్యాల్యూ 10.6శాతం పడిపోగా.. 12 రోజుల ట్రేడింగ్‌లో 14 శాతం తగ్గింది. దీంతో కంపెనీ చరిత్రలోనే తొలిసారి అత్యధిక నష్టాల పరంపరగా నమోదైంది. ఆందోళనలో మదుపర్లు రేమండ్‌ షేర్‌ పతనంతో ఆ కంపెనీ మార్కెట్ క్యాపిటలైజేషన్ రూ.10,000 కోట్ల దిగువకు పడిపోయే ప్రమాదం ఉందని అంచనా. కేవలం 12 సెషన్లలో రేమండ్ మార్కెట్ క్యాపిటలైజేషన్ రూ.2,500 కోట్లు పడిపోవడం గౌతం సింఘానియా, నవాజ్ మోడీల మధ్య కొనసాగుతున్న వివాదం కంపెనీ షేర్ హోల్డర్లను ఆందోళనకు గురి చేస్తున్నట్లు సమాచారం. సింఘానియా, నవాజ్‌ మోదీల మధ్య సెటిల్ మెంట్ యుద్ధం కోర్టుకు వెళితే రేమండ్ షేర్ హోల్డర్లు నష్టపోయే అవకాశం ఉందని పలువురు ప్రాక్సీ అడ్వైజరీ సంస్థ నిపుణులు సూచిస్తున్నారు. రేమాండ్‌ బిజినెస్‌పై భరోసా గౌతమ్‌ మోడీ సింఘానియా - నవాజ్‌ మోదీ సింఘానియాల వివాదంపై రేమాండ్‌లోని పెట్టుబడిదారులు, నాన్‌ ఎగ్జిక్యూటీవ్‌ డైరెక్టర్లు గౌతమ్‌ - నవాజ్‌లు విడిపోతే రేమండ్‌ మార్కెట్‌ వ్యాల్యూమీద, ఆస్తుల మీద తీవ్ర ప్రతికూల ప్రభావం చూపుతుందేమోనన్న ఆందోళన వ్యక్తం చేస్తున్నారు. ఈ నేపథ్యంలో గౌతమ్‌ సింఘానియా కంపెనీ బోర్డ్‌కు, ఉద్యోగులకు ఓ లేఖ రాశారు. అందులో వ్యక్తిగత సమస్యలు ఉన్నప్పటికీ రేమాండ్‌ వ్యాపారం నిర్విరామంగా కొనసాగుతుందని భరోసా ఇచ్చారు.  దర్యాప్తు చేయాలని ఐఐఏఎస్‌ ఆదేశాలు  సీఎండీ గౌతమ్ సింఘానియాపై వచ్చిన దాడి ఆరోపణలపై దర్యాప్తు ప్రారంభించాలని రేమండ్ స్వతంత్ర డైరెక్టర్లను ప్రాక్సీ అడ్వైజరీ సంస్థ ఇన్ స్టిట్యూషనల్ ఇన్వెస్టర్ అడ్వైజరీ సర్వీసెస్ (ఐఐఏఎస్) కోరింది. మీ మౌనం సంస్థకే ప్రమాదం  ‘‘ఒక బోర్డ్‌ ఆఫ్‌ డైరెక్టర్‌గా ఉన్న నవాజ్‌ మోదీ సింఘానియా మీపై ఆరోపణలు చేస్తే మీరు మౌనంగా ఉన్నారు. గత కొన్ని రోజులుగా స్టాక్ ధర గణనీయంగా క్షీణించడంతో ఇన్వెస్టర్లు ఆందోళన చెందుతున్నారు. మీ మౌనాన్ని తప్పుగా అర్థం చేసుకోవచ్చు. సంస్థకు నష్టం చేకూరవచ్చు’’ అని ఐఐఏఎస్‌ రేమండ్ స్వతంత్ర డైరెక్టర్లకు రాసిన బహిరంగ లేఖలో పేర్కొంది. ఇది నా వ్యక్తి గతం మరోవైపు గౌతమ్ సింఘానియా మాత్రం ఈ విషయంపై స్పందించడం లేదు. ఉద్యోగులు, బోర్డు సభ్యులకు పంపిన అంతర్గత ఇమెయిల్లో తన వ్యక్తిగత జీవితంలో కొనసాగుతున్న సవాళ్లు రేమండ్ కార్యకలాపాలపై ఎటువంటి ప్రభావాన్ని చూపలేదని చెప్పారు. తన వ్యక్తిగత జీవితానికి సంబంధించిన విషయాలపై మీడియాలో వార్తలు వస్తున్నందున, తన కుటుంబ గౌరవాన్ని కాపాడుకోవడం తనకు ముఖ్యమని, దీనిపై వ్యాఖ్యానించకూడదని నిర్ణయించుకున్నానని చెప్పడానికి మీకు లేఖ రాస్తున్నానని ఆయన లేఖలో వెల్లడించారు.

భార్యతో నవాజ్‌ మోడీతో విడాకులు ప్రకటించినప్పటినుంచి మౌనంగా ఉన్నరేమాండ్‌ ఛైర్మన్, మేనేజింగ్ డైరెక్టర్‌ గౌతమ్ సింఘానియా ఎట్టకేలకు స్పందించారు. వ్యక్తిగత జీవితంలో ఇబ్బందులు ఎదురైనా కంపెనీ బిజినెస్‌ యథావిధిగా కొనసాగుతుందని ప్రకటించారు. కంపెనీని సజావుగా నడిపించేందుకు తాను పూర్తిగా కట్టుబడి ఉన్నానని వెల్లడించారు. ఈ మేరకు ఉద్యోగులు, బోర్డు సభ్యులకు హామీ ఇస్తూ  ఈమెయిల్‌ సమాచారం అందించారు  రేమాండ్‌ బాస్‌.. వక్తిగత అంశాలకు సంబంధించి మీడియాలో  పలు నివేదికలు వస్తున్నాయని, అయితే వాటిపై తాను వ్యాఖ్యానించకూడదని నిర్ణయించుకున్నానని తెలిపారు.   కుటుంబ గౌరవాన్ని కాపాడుకోవడం తనకు చాలా ముఖ్యమని పేర్కొన్నారు. ఇటీవల రేమాండ్‌ షేర్లు భారీగా  నష్టపోయిన నేపథ్యంలోనే గౌతమ్‌ ప్రకటన రావడం గమనార్హం. విడాకులు, భార్య నవాజ్‌ మోడీ, తండ్రి, రేమాండ్స్‌  గ్రూపు ఫౌండర్‌, విజయ్‌పత్‌  ఆరోపణల తరువాత రేమండ్ స్టాక్ 12 శాతం పడిపోయింది. కాగా ఈ దీపావళి మునుపటి దీపావళిలా ఉండబోదు. 32ఏళ్ల బంధానికి స్వస్థి అంటూ నవాజ్‌ మోడీతో విడిపోతున్నట్లు సింఘానియా ట్విటర్‌ ద్వారా ప్రకటించిన సంగతి తెలిసిందే. 

రేమండ్‌ అధినేత గౌతమ్‌ సింఘానియా ఆయన సతీమణి నవాజ్‌ మోదీ సింఘానియా విడాకుల వ్యవహారం రోజుకో మలుపు తిరుగుతుంది. తాజాగా గౌతమ్‌ సింఘానియా వ్యక్తిత్వం గురించి నవాజ్‌ మోదీ మాట్లాడిన ఆడియో ఫైల్‌ ఒకటి సోషల్‌ మీడియాలో వైరల్‌గా మారింది. ఇంతకీ ఆ ఆడియో ఫైల్‌లో నవాజ్‌ మోడీ ఏం మాట్లాడారు? గౌతమ్‌ సింఘానియా - నవాజ్‌ మోదీలది ప్రేమ వివాహం. ‘‘అయితే తనని పెళ్లి చేసుకోవడానికి ఇష్టపడితే తిరుమల వస్తానని గౌతమ్‌ సింఘానియా మొక్కుకున్నాడు. అనుకున్నట్లే మా పెళ్లి జరిగింది. ఆ తర్వాత ఓ రోజు శ్రీవారి దర్శనం కోసం తిరుపతి వెళ్లాం. అక్కడ సైకోలా వ్యవహరించాడు. గుక్కెడు నీళ్ళు ఇవ్వకుండా తిరుపతి మెట్లు ఎక్కించాడు’’ అంటూ నవాజ్‌ మోదీ తన భర్త గౌతమ్‌ సింఘానియా గురించి మాట్లాడింది.   ‘‘ఆ సమయంలో ఎన్ని మెట్లు ఉంటాయో తెలీదు. కానీ తిండి, నీళ్లు తాగకుండా మెట్లెక్కాను. దాదాపు రెండు మూడు సార్లు స్పృహ తప్పి పడిపోయాను. స్పృహ కోల్పోయిన పైకి లేపి మరీ నడిపించాడు. అలా శ్రీవారిని దర్శించుకున్నాం’’ అని ఆమె ఆడియో క్లిప్‌లో చెప్పింది.  ఆడియో క్లిప్‌లో నవాజ్ మోదీ.. సింఘానియా దైవ భక్తి గురించి మాట్లాడారు. ‘‘అతను వెంకటేశ్వర స్వామికి పరమ భక్తుడు. కానీ ఇతర దేవుళ్లకి మాత్రం కాదు. ఎందుకంటే? తిరుమల శ్రీవారు అపరకుబేరులు కదా అంటూ ఆమె మాట్లాడిన ఆడియో ఫైల్‌ వెలుగులోకి రావడం బిజినెస్‌ వర్గాల్లో హాట్‌ టాపిగ్గా మారింది.

కుటుంబ తగాదాలలో ఎక్కువగా వార్తల్లో నిలిచిన వ్యాపారం కుటుంబం రేమాండ్‌ గ్రూపు.  భారతీయ వస్త్ర పరిశ్రమలో రేమాండ్‌ అనే బ్రాండ్‌ను, దానికొక ఇమేజ్‌ను తీసుకొచ్చిన వ్యక్తి  రేమండ్ వ్యవస్థాపకుడు, సంస్థ మాజీ ఛైర్మన్, దేశీయ కుబేరుల్లో ఒకరు విజయపత్ సింఘానియా.  గార్మెంట్ అండ్‌  టెక్స్‌టైల్ పరిశ్రమలో తనదైన ముద్ర వేసుకుని లక్షలాదిమంది భారతీయులకు చేరువయ్యారు.  "ది కంప్లీట్ మ్యాన్", "ఫీల్స్ లైక్ హెవెన్..ఫీల్స్ లైక్ రేమాండ్‌"   ట్యాగ్‌లైన్‌లతొ అద్బుతమైన  దుస్తులను అందించిన ఘనత ఆయనదే. రూ.1200 కోట్ల సామ్రాజ్యం ప్రఖ్యాత ఏవియేటర్, సర్క్యూట్ రేసింగ్ లవర్‌ , సాహస క్రీడల ప్రేమికుడు  విలాసవంతమైన జీవితాన్ని గడిపిన విజయ్‌పథ్‌  కొడుకు గౌతం సింఘానియా  విబేధాలతో ఆయన జీవితం దుర్భరంగా మారిపోయింది.  ఇంటి నుండి గెంటేయడంతో  నానా  కష్టాలు పడుతున్నారు. ఒకపుడు  12వేల కోట్ల రూపాయల నెట్‌వర్త్‌తో అంబానీలకు (రేమండ్ గ్రూప్ యజమానిగా ఉన్నప్పుడు  ముఖేష్‌ అంబానీ చాలా చిన్నవాడు) మించిన ధనవంతుడిగా, దిగ్గజ పారిశ్రామికవేత్తగా ఒక వెలుగు వెలిగిన  ఆయన 85 ఏళ్ల వయసులో అద్దె ఇంట్లో  జీవితాన్ని గడుపుతున్నారు. మానవ సంబంధాలు, కుటుంబంలోని  కుటుంబ వివాదాల దుష్పరిణామాలకు  రేమండ్‌ వ్యవహారం, ఒక రిమైండర్‌.. ఒక హెచ్చరిక లాంటిది . 1900లో వాడియా మిల్లు నుండి ప్రారంభమై రేమండ్‌ అతి తక్కువ కాలంలోనే  కొత్త శిఖరాలకు చేరింది. దేశంలోని అత్యంత  ప్రతిష్టాత్మక దుస్తుల కంపెనీలలో ఒకటిగా గుర్తింపు పొందింది. విమానయానంలో అతని విజయాలు అంతర్జాతీయ ప్రశంసలు పొందాయి. ప్రపంచ రికార్డులను నెలకొల్పాయి.  ఫెడరేషన్ ఏరోనాటిక్ ఇంటర్నేషనల్ గోల్డ్ మెడల్ ఆఫ్ హానర్ , లైఫ్ టైమ్ అచీవ్‌మెంట్ కోసం టెన్జింగ్ నార్గే నేషనల్ అడ్వెంచర్ అవార్డు వంటి ప్రతిష్టాత్మక అవార్డులను అందుకున్నారు.  విజయ్‌పత్‌  పెద్ద కుమారుడు మధుపతి, కుటుంబానికి దూరంగా సింగపూర్‌లో స్థిరపడ్డాడు. రేమాండ్‌ వ్యాపార వ్యవహరాలను చూసుకుంటున్న రెండో కొడుకు గౌతమ్‌తో మధ్య ఆస్తి వివాదం కోర్టు కెక్కింది. సంబంధాలు దెబ్బతిన్నాయి.  అనూహ్యంగా విజయపత్ సింఘానియాను చైర్‌పర్సన్-ఎమిరిటస్  పదవినుంచి  తొలగించడం పరిశ్రమ వర్గాలను దిగ్భ్రాంతికి గురి చేసింది. ఈ వివాదం ఇలా కొనసాగుతుండగానే గౌతమ్‌ భార్య నవాజ్‌మోడీతో విడాకుల వ్యవహారం రచ్చకెక్కింది. తన ప్రియమైన బిడ్డలు, గోప్యత అంటూ గౌతమ్‌ మౌనంగా తెరవెనుక ఉండిపోతుండగా, అతని భార్య నవాజ్‌మాత్రం తనను హింసించాడని ఆరోపించింది. గ్రూపు బోర్డులో ఉన్న తనకు గౌతమ్‌ ఆస్తిలో 75 శాతం భరణం కావాలని డిమాండ్‌ చేస్తోంది.  2015  ఫిబ్రవరి 15  నా జీవితంలో అత్యంత దురదృష్టకరమైన రోజు. నాజీవితాన్ని  శాశ్వతంగా మార్చేసే లేఖంపై సంతకం చేసిన రోజు. నా జీవితంలో చేసిన అత్యంత మూర్ఖపు తప్పు  - విజయ్‌పత్‌  సింఘానియా  రేమాండ్‌  కుప్పకూలుతోంది.. నా గుండె బద్దలవుతోంది ఇది ఇలా ఉంటే  ఈ వ్యవహారంపై తొలిసారి స్పందించిన విజయపత్ సింఘానియా సొంత కొడుకు గౌతమ్‌కు బదులుగా నవాజ్‌కు , ఆమె ఇద్దరు ఆడపిల్లలకు మద్దతుగా నిలవడం విశేషం. తన కుమారుడు గౌతమ్ కంపెనీని నాశనం చేస్తున్నాడని, ఇది చూసి తన గుండె బద్దలవుతోందంటూ తీవ్ర ఆవేదన వ్యక్తం చేశాడు. ఏళ్ల తరబడి కష్టించి నిర్మించిన  సామ్రాజ్యాన్ని  కూల్చివేయడం బాధకలిగిస్తోందన్నారు. అలాగే   హిందూ వివాహ చట్టం ప్రకారం, భర్త సంపదలో సగం స్వయంచాలకంగా విడిపోయిన భార్యకు వెళ్తుంది.  మరి నవాజ్‌ 75 శాతం కోసం ఎందుకు  పోరాడుతోందని అనేది తనకు అర్థం కాలేదని కానీ ? గౌతమ్   లొంగడని వ్యాఖ్యానించారు. విడాకుల వివాదంతో భారీ నష్టం రేమండ్ గ్రూప్  మార్కెట్ క్యాప్ ప్రస్తుతం రూ.10,985.33 కోట్లుగా ఉంది.  ఇటీవలి కాలంలో రూ 11 వేల కోట్ల కంటే దిగువకు పడిపోవడం ఇదే తొలిసారి. రేమండ్ 64 సంవత్సరాలుగా స్టాక్ ఎక్స్ఛేంజీలలో లిస్ట్  కావడంతో పాటు చాలా స్ట్రాంగ్‌ స్టాక్‌గా ఉంది. సింఘానియా-మోడీ విడాకుల కథ స్టాక్ ధరను భారీగా  దెబ్బతీసింది.నవంబర్ 23 నాటికి రేమండ్ స్టాక్ దాదాపు 5.15 శాతం నష్టపోయింది. ఫలితంగా  గత 7 సెషన్లలో దాని మార్కెట్ క్యాప్‌లో దాదాపు  రూ. 1,600 కోట్ల  మేర నష్టపోయింది.  

రేమండ్‌ అధినేత, బిలియనీర్‌ గౌతమ్‌ సింఘానియా భార్యతో, విభేదాలు, విడాకులు అంశం వార్తలకెక్కింది  మొదలు రేమాండ్‌ సంపద భారీగా  కుప్పకూలింది. దాదాపు 1500కోట్ల రూపాయలను  సంస్థ కోల్పోయింది.  32 ఏళ్ల తమ  వైవాహిక జీవితానికి స్వస్తి అంటూ తన భార్య నవాజ్ సింఘానియాతో విడిపోతున్నట్లు సింఘానియా ప్రకటించిన సంగతి తెలిసిందే.  భౌతిక దాడికి పాల్పడ్డారని బోర్డు మీటింగ్స్‌లో మాట్లాడనీయలేదని నవాజ్‌ మోడీ ఆరోపణల నేపథ్యంలో వివాదం నడుస్తోంది. అటు ఇద్దరు కుమార్తెల ప్రయోజనాలు, కుటుంబ గౌరవం నేపథ్యంలో తన గోప్యతను గౌరవించాలంటూ సింఘానియా మౌనం పాటిస్తుండటం గమనార్హం. ప్రపంచంలోనే అతిపెద్ద సూట్ ఫాబ్రిక్ ఉత్పత్తిదారులలో ఒకటైన రేమండ్ లిమిటెడ్  ఛైర్మన్ గౌతమ్ సింఘానియా వివాదం నేపథ్యంలో పెట్టుబడిదారులలో ఆందోళన నెలకొంది. దీంతో వరుసగా ఏడో రోజు కూడా భారీ అమ్మకాలు వెల్లువెత్తాయి. బుధవారం నాడు షేర్లు 4.4శాతం కుప్పకూలాయి. నవంబర్ 13 నుండి షేరు మొత్తంగా  12శాతం పతనమైంది.  నవాజ్‌ మోడీ కూడా బోర్డు సభ్యురాలు కాబట్టి ఇది కార్పొరేట్‌ గవర్నెన్స్‌ సమస్య అనీ,  ఇది కంపెనీపై ఎలాంటి ప్రభావం చూపుతుందో తెలియదని  ICICI సెక్యూరిటీస్ లిమిటెడ్ విశ్లేషకుడు వరుణ్ సింగ్ అన్నారు.  రూ.11,658 కోట్ల నెట్‌వర్త్‌ మరోవైపు సెటిల్‌మెంట్‌లో భాగంగా నవాజ్‌ మోడీ  1.4 బిలియన్‌ డాలర్ల సంపదలో 75శాతం  ఇవ్వాలని కోరినట్టు తెలుస్తోంది.అయితే దీనిపై ఆ రేమండ్ గ్రూప్ ప్రతినిధి  ఇంకా అధికారికంగా  స్పందించలేదు.  రేమండ్ లిమిటెడ్ మార్కెట్ క్యాపిటలైజేషన్ రూ.11,658 కోట్లు.  రేమండ్‌ వ్యాపారంలో ఎక్కువ భాగం రియల్ ఎస్టేట్‌ వాటానే ఎక్కువ. దక్షిణ ముంబైలోని జేకే హౌస్ ఆస్తి అత్యంత విలువైందిగా అంచనా. దీని విలువ దాదాపు రూ. 6,000 కోట్లు ఉంటుందని సమాచారం. దీంతోపాటు లంబోర్ఘిని గల్లార్డో LP570 సూపర్‌లెగ్గేరా, లంబోర్ఘిని ముర్సిలాగో, లోటస్ ఎలిస్ కన్వర్టిబుల్, నిస్సాన్ స్కైలైన్ GTR, హోండా S2000, ఫెరారీ 458 ఇటాలియా, ఆడి క్యూ7 లగ్జరీ  కార్లు కూడా సింఘానియా సొంతం. 

వ్యాపార ప్రపంచంలో వివాదాలకు కేరాఫ్‌ అడ్రస్‌గా నిలిచే రేమండ్ సీఎండీ గౌతమ్ సింఘానియా తన భార్య నవాజ్‌ మోడీ సింఘానియాతో విడిపోయినట్లు ప్రకటించిన విషయం తెలిసిందే.  అయితే, గౌతమ్‌ సింఘానియా ప్రకటన చేసిన కొన్ని గంటలకే నవాజ్‌ మోడీ తన అత్తమామలతో కలిసి దీపావళి సెలబ్రేషన్స్‌లో పాల్గొన్న వీడియోలు వైరల్‌గా మారాయి. ఈ సందర్భంగా ఆమె తన అత్తమామలకు ‘అన్ని సమయాల్లో వారి అపరిమితమైన మద్దతు, ప్రేమ, దయ, సహాయానికి’ ధన్యవాదాలు తెలిపే వీడియోను షేర్ చేశారు.  వీడియోలో, 53 ఏళ్ల నవాజ్ సోఫాలో కూర్చుని మరికొంత మంది కుటుంబ సభ్యులతో కలిసి పూజలో పాల్గొంటున్నట్లు మనం వీడియోలో చూడొచ్చు. పూజ సమయంలో ఆమె ఒక వాకింగ్ స్టిక్ సహాయంతో హోమం చుట్టూ ప్రదక్షిణ చేస్తూ కనిపిస్తున్నారు. నవాజ్‌ మోడీ ఇన్‌స్ట్రాగ్రామ్‌లో షేర్‌ చేసిన వీడియోల్ని నిశితంగా పరిశీలిస్తే.. గౌతమ్‌ సింఘానియాపై ఆమె చేసిన ఆరోపణలకు మరింత బలం చేకూరుస్తున్నాయి.  కాలర్‌ బోన్‌ విరిగేలా కొట్టి తాజాగా తన భర్త గౌతమ్‌ సింఘానియా మహరాష్ట్ర థానే జిల్లాలో జేకే గ్రామ్‌లోని ఓ ప్రాపర్టీలో నిర్వహించిన దీపావళికి హాజరు కానివ్వకుండా అడ్డుకున్నారని తెలిపారు. గత నెలలో ముంబైలో విలాసవంతమైన ప్రాంతంగా పేరొందిన బ్రీచ్‌ క్యాండీ ప్రాంతానికి చెందిన ఓ ఇంట్లో గౌతమ్‌ సింఘానియా తనపై దాడి చేశారని ఆరోపించారు. ఈ దాడిలో కాలర్ బోన్ విరిగిందన్నారు.   అయితే పూజ సమయంలో నవాజ్‌ మోడీ వాకింగ్ స్టిక్ సహాయంతో హోమం చుట్టూ ప్రదక్షిణ చేసిన వీడియోలు సోషల్‌ మీడియాలో ప్రత్యక్షమవ్వడం ఆమె చేసిన ఆరోపణలు నిజమనేలా ఉన్నాయని వ్యాపార వర్గాల్లో గుసగుసలు వినిపిస్తున్నాయి   View this post on Instagram A post shared by Nawaz Modi Singhania (@nawazbodyartmumbai)

రేమండ్  సీఎండీ  గౌతమ్ సింఘానియా తన భార్య  నవాజ్‌  మోడీతో విడిపోయినట్లు ప్రకటించడం బిజినెస్‌ వర్గాల్లో సంచలనంగా మారింది. అయితే 53 ఏళ్ల ఫిట్‌నెస్ కోచ్ నవాజ్‌మోడీ  ఆరోపణలు కలకలం రేపుతున్నాయి.  ఇటీవల  భర్త గౌతమ్‌ సింఘానియా నిర్వహించిన దీపావళి పార్టీకి హాజరయ్యేందుకు తనను అనుమతించలేదని  చెబుతున్న వీడియో ఒకటి ఇంటర్‌నెట్‌లో వైరల్‌గా మారింది.  ఈ వీడియోలో భర్త నుంచి తనకు  ఆహ్వానం ఉన్నప్పటికీ  దీపావళి పార్టీకి రాకుండా ఒక 'బలవంతుడు' తనను గేటు వద్ద అడ్డుకున్నాడని గౌతమ్ సింఘానియా భార్య ఆరోపించారు. గత వారం తన భర్త  నిర్వహించిన దీపావళి పార్టీకి  హాజరవకుండా ఆపారనీ, దాదాపు  మూడు గంటలకు పైగా లోపలికి వెళ్లకుండా  గేటు వెలుపల వేచి ఉండేలా చేశారని ఆరోపించారు.  ఇది ఇలా ఉండగా  గత నెలలో, నవాజ్ మోడీపై  గౌతమ్‌  బ్రీచ్ క్యాండీ ఇంట్లో దాడి చేయడంతో కాలర్ బోన్ విరిగిపోయిందనీ, ఆ తర్వాత ఆమెను ఆసుపత్రిలో చేర్పించారని, దీనిపై ఎలాంటి కేసు నమోదు  కాలేదని   ఫ్రీ ప్రెస్ జర్నల్ కథనం ప్రకారం తెలుస్తోంది. కాగా గతంలో కన్నతండ్రి విజయ్ సింఘానియా  గౌతమ్‌ సింఘానియాపై ఆరోపణలు చేశారు. తనకు నిలువ నీడ లేకుండా చేసేందుకు తన కొడుకు గౌతమ్ దుర్మార్గంగా ప్రవర్తిస్తున్నాడంటూ విజయ్ సింఘానియా  బాంబే హైకోర్టును ఆశ్రయించారు. ముంబైలో తాను నిర్మించిన 37 అంతస్తుల డూప్లెక్స్ ఫ్లాట్ 'జేకే హౌస్' నుంచి తనను బయటకు గెంటేసి, దానిని సొంతం చేసుకోవాలని తన కుమారుడు చూస్తున్నాడంటూ ఆరోపించారు. అయితే తన తండ్రి ఆరోపణల్లో ఎలాంటి వాస్తవం లేదని  గౌతమ్ సింఘానియా కొట్టి పారేశాడు.  తన తండ్రి ఆస్తులకు కేవలం తాను మాత్రమే చట్టపరమైన వారసుడినని పేర్కొన్నారు. అయితే, ఈ సమస్యను కుటుంబసభ్యులు సామరస్యంగా,స్నేహాపూర్వకంగా పరిష్కరించుకోవాలని కోర్టు సూచించింది. అంతేకాదు విజయపత్ సింఘానియాను  చైర్‌పర్సన్-ఎమిరిటస్ పదవినుంచి  రేమండ్ లిమిటెడ్ షాకింగ్ తొలగించడం దిగ్భ్రాంతికి గురి చేసింది. ఈ ఆస్తి వివాదం మధ్య దక్షిణ ముంబైలోని గ్రాండ్ పార్డి సొసైటీలో అద్దె ఇంట్లో నివసిస్తున్నారు.  (విడిపోతున్నాం..ఈ దీపావళి గతంలోలా ఉండదు: బిలియనీర్‌ షాకింగ్‌ ప్రకటన) It seems after dumping his father years back, now *Gautam Singhania* has locked out his wife *Nawaz Modi Singhania* from a company event. This was last night outside the Raymond House in Thane.#gautamsinghania#nawazmodisinghania pic.twitter.com/AHHwlKrSWd — The Cheshire Cat (@C90284166) November 13, 2023

Gautam Singhania ప్రముఖ వ్యాపారవేత్త, బిలియనీర్ గౌతమ్ సింఘానియా సోమవారం భార్య నవాజ్ నుండి విడిపోతున్నట్లు ప్రకటించారు. పండగవేళ తన జీవితంలో ఒక ముఖ్యమైన వార్తను సోషల్‌ మీడియాద్వారాపంచుకున్నారు. ఈ దీపావళి గతంలో లాగా ఉండబోదు అని రేమండ్ లిమిటెడ్ సీఎండీ సింఘానియా ట్విటర్‌లో  పోస్ట్‌లో తెలిపారు. ముంబైలో కొత్త రియల్‌ ఎస్టేట్‌ ప్రాజెక్టులను అలా ప్రకటించారో లేదో ఇలా విడాకుల విషయాన్ని ప్రకటించడం బిజినెస్‌ వర్గాలను విస్మయ పర్చింది.  దంపతులుగా ముప్పయి రెండేళ్లు ఎంతో నిబద్ధతగా పరస్పరం  విశ్వాసంగా జీవించాం.  తల్లిదండ్రులుగా మారాం. ఒకరికొకరు తోడూ నీడగా ఒక బలమైన అండగా నిలబడ్డాం. ఫలితంగా మరో రెండు అందమైన జీవితాలు  జతకలిశాయి  ఇపుడిక వేరు వేరు మార్గాల్లో జీవించాలని  నిర్ణయించుకున్నాం అంటూ తన పోస్ట్‌లో చెప్పుకొచ్చారు. ఇటీవలి కొన్ని దురదృష్టకర సంఘటలు, కొంతమంది వ్యక్తుల వల్ల  చాలా నిరాధారమైన పుకార్లు వ్యాపించాయి. ఈ క్రమంలో వజ్రాల్లాంటి  పిల్లలు నిహారిక, నిసా కోసం ఏం చేయాలో అది చేస్తామని కూడా  సింఘానియా వెల్లడించారు. తమ వ్యక్తిగత నిర్ణయాన్ని గౌరవించి, తమ గోప్యతకు ప్రాధాన్యత ఇవ్వాల్సిందిగా  కోరారు. టెక్స్‌టైల్స్-టు-రియల్ ఎస్టేట్  దిగ్గజం సింఘానియా ఎనిమిదేళ్ల పరిచయం తర్వాత  న్యాయవాది నాడార్‌ మోడీ కుమార్తె నవాజ్‌ మోడీని 1999లో  వివాహం చేసుకున్నారు.  కాగా రేమండ్‌ గ్రూపు బలమైన వృద్ధిని సాధించిందనీ, 5 వేల కోట్ల రూపాయలతో ముంబై మెట్రోపాలిటన్ ప్రాంతంలో 3 కొత్త రియల్ ఎస్టేట్ ప్రాజెక్ట్‌లను సింఘానియా  సోమవారం ట్విటర్‌ ద్వారా ప్రకటించారు. దుస్తుల బ్రాండ్‌ రేమండ్ గ్రూప్‌ను జయపత్ సింఘానియా నెలకొల్పగా, అతని కుమారుడు, గౌతమ్ సింఘానియా ఈ  గ్రూపును మరిన్ని రంగాలకు  విస్తరించారు. pic.twitter.com/kW853q7Kc0 — Gautam Singhania (@SinghaniaGautam) November 13, 2023

భారతీయ సంపన్నుల జాబితాలో ఒకరుగా ఉన్న రేమండ్ గ్రూప్ మేనేజింగ్ డైరెక్టర్ 'గౌతమ్ సింఘానియా' (Gautam Singhania) గత కొన్ని రోజులకు ముందు రూ. 4 కోట్లు విలువైన 'మసెరటి ఎమ్‌సీ20' కూపే కొనుగోలు చేశారు. అయితే ఈ కారు మీద ఇప్పుడు సంచలన వ్యాఖ్యలు చేస్తూ ట్వీట్ చేసాడు. దీని గురించి మరిన్ని వివరాలు ఈ కథనంలో తెలుసుకుందాం.  బహుశా నా జీవితంలో నేను నడిపిన చెత్త కారు మసెరటి ఎమ్‌సీ20. మసెరటి కారును కొనుగోలు చేసే ఎవరైనా ఒకటికి రెండుసార్లు ఆలోచించాలి అంటూ గౌతమ్ సింఘానియా ట్వీట్ చేశారు. ఇది సోషల్ మీడియాలో తెగ వైరల్ అవుతోంది. చాలా మంది నెటిజన్లు తమదైన రీతిలో కామెంట్స్ కూడా చేస్తున్నారు. నిజానికి మనదేశంలో చాలా మంది ప్రముఖులు ఇష్టపడి కొనుగోలు చేసే కార్లలో మసెరటి బ్రాండ్ ఒకటి. ఇది 3.0 లీటర్ ట్విన్-టర్బోచార్జ్డ్ పెట్రోల్ ఇంజన్‌ కలిగి 630 హార్స్ పవర్, 730 ఎన్ఎమ్ టార్క్ అందిస్తుంది. ఇంజిన్ 8-స్పీడ్ డ్యూయల్-క్లచ్ ఆటోమేటిక్ ట్రాన్స్‌మిషన్‌తో లభిస్తుంది. దీని టాప్ స్పీడ్ గంటకు 325 కిమీ. ఇదీ చదవండి: అకౌంట్‌లో డబ్బు లేకున్నా రూ. 80000 విత్‌డ్రా చేసుకోవచ్చు వేగంలో కూడా అద్భుతమైన పనితీరుని కనపరిచే ఈ కారుని ఎందుకు గౌతమ్ సింఘానియా ఇలా అన్నారు, బహుశా ఈయన వద్ద ఉన్న ఇతర కార్ల కంటే బహుశా ఇదే తక్కువ పనితీరుని కనపరించిందా, లేదా ఇంకేమైనా కారణం ఉందా అనేది తెలియాల్సి ఉంది. ఇప్పటికే ఇతని వద్ద రూ. 6.37 కోట్ల విలువైన ఫెరారీ 296 జీటీబీ సూపర్‌కార్‌, లంబోర్ఘిని, పోర్స్చే, ఆస్టన్ మార్టిన్, రోల్స్ రాయిస్ వంటి హై ఎండ్ మోడల్ కార్లు ఎన్నో ఉన్నాయి. ఇదీ చదవండి: ఇలాంటి మోసాలు జరుగుతున్నాయ్! ఆదమరిస్తే అకౌంట్‌లో డబ్బు మాయం! The MC20 @Maserati_HQ has probably been the worst car i have driven in my life. Anybody buying a Maserati car should think twice.@aSuperCarDriver @ibvsupercarclub @fmsupercarclub@autovivendi @thedriversunion @prestigecarclub@freedomsupercar @mrchensta #SuperCarClubGarage… — Gautam Singhania (@SinghaniaGautam) August 15, 2023

భారతదేశంలోని సంపన్న వ్యక్తులలో ఒకరైన రేమండ్ గ్రూప్ మేనేజింగ్ డైరెక్టర్ 'గౌతమ్ సింఘానియా' (Gautam Singhania) ఇటీవల ఖరీదైన స్పోర్ట్స్ కారుని కొనుగోలు చేసాడు. దీనికి సంబంధించిన ఫోటోలు, వీడియో సోషల్ మీడియాలో వైరల్ అవుతోంది. దీని గురించి మరిన్ని వివరాలు ఈ కథనంలో తెలుసుకుందాం. మన దేశంలో అత్యంత ఖరీదైన కార్లను కలిగి ఉన్న ప్రముఖుల జాబితాలో గౌతమ్ సింఘానియా ఒకరు. ఇప్పటికే ఈయన వద్ద రూ. 6.37 కోట్ల విలువైన ఫెరారీ 296 జీటీబీ సూపర్‌కార్‌, లంబోర్ఘిని, పోర్స్చే, ఆస్టన్ మార్టిన్, రోల్స్ రాయిస్ వంటి హై ఎండ్ మోడల్ కార్లు ఎన్నో ఉన్నాయి. కాగా ఇప్పుడు రూ. 4 కోట్ల విలువైన మసెరటి ఎమ్‌సీ20 కూపే సొంతం చేసుకున్నాడు. ఒక యూట్యూబ్ ఛానల్ అప్‌లోడ్ చేసిన వీడియోలో గౌతమ్ సింఘానియా తన సరికొత్త మసెరటి ఎమ్‌సీ20 డ్రైవ్ చేస్తూ ముంబై వీధుల్లో కనిపించినట్లు తెలిసింది. దాని వెనుక టొయోటా ఫార్చ్యూనర్‌లో గార్డ్‌లు రావడం కూడా గమనించవచ్చు. మసెరటి ఎమ్‌సీ20.. మసెరటి ఎమ్‌సీ20 సూపర్ కారు 2020లో గ్లోబల్ అరంగేట్రం చేసింది. కాగా డెలివరీలు 2023 ప్రధమార్ధంలో మొదలయ్యాయి. సింఘానియా ఈ కారు డెలివరీని ముంబైలోని మసెరటి అధికారిక డీలర్‌షిప్ నుంచి పొందారు. ఇది 3.0 లీటర్ ట్విన్-టర్బోచార్జ్డ్ పెట్రోల్ ఇంజన్‌ కలిగి 630 హార్స్ పవర్, 730 ఎన్ఎమ్ టార్క్ అందిస్తుంది. ఇంజిన్ 8-స్పీడ్ డ్యూయల్-క్లచ్ ఆటోమేటిక్ ట్రాన్స్‌మిషన్‌తో లభిస్తుంది.


 
 
 ఆస్తి కేసులో వ్యాపారదిగ్గజం
 
 చర్చలకు తనయుడు గౌతమ్‌ సిద్ధం
 
 కుదరదంటూ విజయ్‌ మొండిపట్టు?
 
 
  
 ముంబై: కోట్లకు పడగనెత్తి దేశంలో బిలీనియర్‌ జాబితాలో ఒకరిగా వెలుగొందిన విశ్రాంత వ్యాపారదిగ్గజం విజయ్‌పథ్‌ సింఘానియా ఇంటిపోరు కోర్టుకెక్కటం తెలిసిందే. వారసుడు, రేమండ్ సంస్థల చైర్మన్ అండ్ మేనేజింగ్ డైరక్టర్ గౌతమ్‌ సింఘానియా తండ్రి నుంచి ఆస్తులు మొత్తం లాగేసుకుని రోడ్డు మీద పడేయటం, ఓ అద్దె కొంపలో దుర్భర జీవితాన్ని గడుపుతున్న ఆయన తన వాటా, భరణం కోసం కోర్టుకెక్కటంతో వ్యవహారం వెలుగుచూసింది. అయితే ఇలాంటి వాళ్లు ప్రతీ ఇంట్లో ఉంటారని.. అందుకే పిల్లలను గుడ్డిగా నమ్మకండంటూ విజయ్‌ తల్లిదండ్రులందరికీ ఓ విజ్ఞప్తి చేస్తున్నారు.   
  
 పుత్ర ప్రేమతో గౌతమ్‌ కు ఆస్తిలో వాటా ఇవ్వటం, వ్యాపార రహస్యాలను చెప్పటం, చివరకు విశ్రాంతి తీసుకోండి అన్న కొడుకు మాటను సలహాగా భావించి బిజినెస్‌ మొత్తం అప్పజెప్పటం, ఆపై ఓ అద్దె కొంపలో కాలం వెళ్లదీస్తుండటం.. కొడుకు చేతిలో మోసపోయానని తెలుసుకోవటానికి ఈ బిజినెస్ టైకూన్‌ కు ఎక్కువ సమయం పట్టలేదు. "79 ఏళ్ల ఈ వయసులో నేను కోర్టుకు ఎక్కాల్సి వస్తుందని అస్సలు ఊహించలేదు. తలదాచుకునేందుకు ఆశ్రయం కూడా లేకపోవటంతోనే నా కుటుంబంపై పోరాటానికి సిద్ధమయ్యా. ఆస్తి మొత్తం రాసిచ్చాక నా కొడుకు నన్ను ఇంటి నుంచి గెంటేశాడు. అంతేకాదు కంపెనీ డబ్బును సొంత అవసరాలకు వాడుకున్నా ఓపికపట్టా" అని ఆయన చెబుతున్నారు. 
  
 "తల్లిదండ్రులకు చేసే విన్నపం ఒక్కటే. మీ పిల్లల్ని ప్రేమించండి. కానీ, అస్సలు నమ్మకండి. ప్రతీ పది మంది పిల్లలో ఆరుగురు మంచోళ్లు ఉండొచ్చు. ఒకరు మిమల్ని అమితంగా ఇష్టపడేవాళ్లు ఉండొచ్చు. కానీ, ఒక్కరైనా మోసం చేసేవాళ్లు ఉంటారు. జాగ్రత్తగా ఉండండి. మీరు బతికి ఉన్నప్పుడు మీ ఆస్తి వాళ్ల పేరిట రాయకండి" అని విజయ్‌ విజ్ఞప్తి చేస్తున్నారు. మరోవైపు విజయ్‌ అనవసరంగా కుటుంబాన్ని కోర్టుకు లాగారని ఆరోపిస్తున్నారు తనయుడు గౌతమ్‌‌. సమస్యను సామరస్యంగా పరిష్కరించుకుందామని చెప్పినప్పటికీ తండ్రి వినటం లేదంటూ ఆయన తెలిపారు. 
  
 మలబార్ హిల్‌లోని 36 అంతస్తుల జేకే హౌస్ భవంతిలో తనకు రావాల్సిన డూప్లెక్స్‌ను ఇప్పించాలని విజయ్‌ బాంబే హైకోర్టులో పిటిషన్ వేసిన విషయం తెలిసిందే. చర్చల ద్వారానే సమస్యను పరిష్కరించుకోవాలని సూచించటంతోపాటు 18వ తేదీలోపు వివరణ ఇవ్వాలని రేమండ్ కంపెనీని జస్టిస్‌ గిరీష్‌ కులకర్ణి ఆదేశించారు. దీంతో గౌతమ్‌ తండ్రి వద్దకు మధ్యవర్తిలతో రాయబారం నడుపుతున్నట్లు తెలుస్తోంది. అయితే తన హక్కుల కోసమే పోరాడుతాను తప్ప జీవితంలో తిరిగి కొడుకు మొహం చూసే ప్రసక్తే లేదని విజయ్‌పథ్‌ ఖరాఖండిగా చెబుతున్నారు. 
  
                            జేకే హౌజ్‌ తో మొదలైన సింఘానియా ప్రస్థానం తర్వాత రేమండ్ లిమిటెడ్‌ సంస్థల అధిపతిగా బాధ్యతలు స్వీకరించాక పూలపాన్పు మీదే కొనసాగింది. వస్త్ర రంగంలో సవాళ్లను సలువుగా అధిగమించి ప్రతీనోట్లో రేమండ్‌ అనే బ్రాండ్ పేరును నానేలా ఆయన చేశారు. కేంద్ర ప్రభుత్వం నుంచి ప్రతిష్టాత్మక పద్మ భూషణ్‌ పురస్కారంతోపాటు వ్యాపారవేత్తగా అరుదైన గౌరవాలు ఎన్నో అందుకున్నారు. 


 గౌత మ్ సంగానియా
 
 సాక్షి,తిరుమల: రేమాండ్స్ కార్పొరేట్ కంపెనీ అధినేత గౌతమ్ సింగానియా సోమవారం తిరుమల శ్రీవేంకటేశ్వరస్వామివారిని దర్శించుకున్నారు. ఉదయం ఆయన సతీసమేతంగా సుపథం మార్గం నుంచి ఆలయానికి వచ్చారు. ఆలయ అధికారులు ఆయనకు శ్రీవారి దర్శనం కల్పించి, అనంతరం లడ్డూ ప్రసాదాలు అందజేశారు.