సరిపోదా శనివారం అంటూ ఇటీవలే సినీ ప్రియులను అలరించిన టాలీవుడ్ హీరో నాని. వివేక్ ఆత్రేయ డైరెక్షన్‌లో వచ్చిన ఈ చిత్రం థియేటర్లలో సందడి చేస్తోంది. అంతలోనే మరో కొత్త మూవీని ప్రకటించారు. ఈ సినిమా నాని కెరీర్‌లో 32వ చిత్రంగా నిలవనుంది. శైలేష్‌ కొలను దర్శకత్వంలో ఈ మూవీని తెరకెక్కించనున్నారు. ఆ వివరాలేంటో ఓ లుక్కేయండి.గతంలో టాలీవుడ్‌లో హిట్‌ సిరీస్‌లో వచ్చిన రెండు చిత్రాలు సూపర్ హిట్‌గా నిలిచాయి. ఈ రెండు సినిమాలకు శైలేష్ కొలను దర్శకత్వం వహించారు. హిట్ పేరుతో వచ్చిన మూవీలో విశ్వక్‌ సేన్‌ హీరోగా నటించారు. ఆ తర్వాత హిట్‌-2లో లీడ్‌ రోల్‌లో అడివి శేష్‌ కనిపించారు. ఈ సిరీస్‌లో వస్తోన్న మూడో చిత్రం హిట్‌-3. ఇందులో టాలీవుడ్‌ నేచురల్‌ స్టార్‌ నాని హీరోగా నటిస్తున్నారు. తాజాగా దీనికి సంబంధించిన గ్లింప్స్‌ రిలీజ్‌ చేశారు మేకర్స్.కాగా.. ఈ చిత్రంలో అర్జున్‌ సర్కార్ పాత్రలో నాని కనిపించనున్నారు. ఈ మూవీని వచ్చే ఏడాది సమ్మర్‌లో మే 1న థియేటర్లలో రిలీజ్ చేయనున్నట్లు వెల్లడించారు. ఈ చిత్రానికి మిక్కీ జే మేయర్ సంగీతమందించనున్నారు. ఈ మూవీని వాల్ పోస్టర్ సినిమా, యూనానిమస్ ప్రొడక్షన్స్ బ్యానర్లపై నిర్మిస్తున్నారు.

టాలీవుడ్ యంగ్ డైరెక్టర్ శైలేష్ కొలను ప్రస్తుతం విక్టరీ వెంకటేశ్‌తో సైంధవ్‌ చిత్రాన్ని తెరకెక్కిస్తున్నారు. హిట్ మూవీ సిరీస్‌తో హిట్స్ కొట్టిన శైలేష్‌.. హిట్‌-3 కూడా నానితో తీసేందుకు ప్లానింగ్ చేస్తున్నాడు. అయితే తాజాగా హిట్‌ మూవీ డైరెక్టర్ చేసిన ట్వీట్ సోషల్ మీడియాలో తెగ వైరలవుతోంది.  కాగా.. విశ్వక్ సేన్‌తో తీసిన హిట్ పార్ట్-2, అడివి శేష్‌తో తీసిన హిట్-2 సూపర్ హిట్‌గా నిలిచిన సంగతి తెలిసిందే.  (ఇది చదవండి: నాగార్జున బ్లాక్ బస్టర్‌ మూవీ.. సైడ్‌ ఆర్టిస్ట్‌గా టాలీవుడ్ స్టార్ డైరెక్టర్!) హిట్-2 సినిమాలో కనిపించిన డాగ్ చనిపోయిందని సోషల్ మీడియా వేదికగా తెలిపారు. ఆ చిత్రంలో హీరోను కాపాడే ఓ సీన్‌లో డాగ్ కనిపించింది. మూవీ ప్రమోషన్స్‌లోనూ డాగ్‌ కనిపించింది. ఒకరోజు ముందే శైలేష్ తన ఇన్‌స్టా స్టోరీస్‌లో ఈ విషయాన్ని తెలిపారు. డాగ్ మ్యాక్స్‌కు జ్వరం వచ్చిందని అందరూ తన కోసం ప్రార్థించడని కోరారు. అంతలోనే ఈ విషాదం నెలకొంది. మ్యాక్స్ మరణించిన విషయాన్ని షేర్ చేస్తూ ఎమోషనల్ అయ్యారు. శైలేష్ తన ట్వీట్‌లో రాస్తూ..'బాధాతప్త హృదయంతో నేను ఈ వార్తను మీకు చెబుతున్నా. మాకు ఎంతో ప్రియమైన మాక్స్ ఇప్పుడే చనిపోయాడు. తాను గత పది రోజులుగా తీవ్రమైన టిక్ ఫీవర్‌తో బాధపడుతూ పోరాటం చేశాడు. నా జీవితంలో నేను కలుసుకున్న అత్యంత సున్నితమైన సోల్‌మేట్స్‌లో తాను  ఒకరు. మీ అందరి ప్రార్థనలకు ధన్యవాదాలు. ఆఫీసర్ మాక్స్ నిన్ను మిస్ అవుతున్నాం. మీరు లేకుండా హిట్‌-2 సినిమాను ఊహించుకోలేం.' అంటూ ఎమోషనల్ పోస్ట్ చేశారు.   View this post on Instagram A post shared by Sailesh Kolanu (@saileshkolanu) (ఇది చదవండి: మీరు అలా మాట్లాడుతుంటే సిగ్గేస్తోంది సార్: సీఎం తీరుపై సింగర్ ఫైర్) With a shattered heart I bring this news to you guys. Our beloved Max just passed away. She was suffering for the last ten days with a severe tick fever and fought really hard. Despite being a ferocious breed, she is one of the most gentle souls I have ever met in my life. Thanks… pic.twitter.com/UF6o2TCK1k — Sailesh Kolanu (@KolanuSailesh) July 13, 2023

ఒకప్పుడు తెలుగు చిత్ర పరిశ్రమలో తెలుగమ్మాయిల ఉనికి అంకెల్లో ఉండేది. ఇప్పుడు సంఖ్యలోకి మారింది. అన్ని అడ్డంకులూ దాటుకొని వరుస విజయాలతో దూసుకుపోతూ సినీ ప్రపంచంలో తమ స్థానాన్ని పదిలం చేసుకుంటున్నారు. అలాంటి ఓ అమ్మాయే నటి కోమలి.  యాక్టర్‌గా మారిన డాక్టర్‌ తను. వైజాగ్‌లో పుట్టి, బళ్లారిలో డెంటల్‌ సర్జరీ కోర్సు పూర్తి చేసింది. ‘నేను సీతాదేవి’ అనే తెలుగు చిత్రంతో 2016లోనే టాలీవుడ్‌లోకి అడుగు పెట్టింది కోమలి. తర్వాత ‘అనుకున్నది ఒక్కటి అయినది ఒక్కటి’, ‘నెపోలియన్‌’, ‘సెబాస్టియన్‌ పిసి524’,  ‘రౌడీ బాయ్స్‌’ సినిమాల్లోనూ చేసింది. కానీ పెద్దగా గుర్తింపు రాలేదు. ‘హిట్‌– 2’ చిత్రం కోమలి సినీ జర్నీ స్పీడ్‌ను పెంచింది. ఆ సినిమా మంచి విజయం సాధించటంతో సహాయ ప్రాతల నుంచి ప్రధాన పాత్రల అవకాశాలు ఆమె దరి చేరాయి.  ఆ ఉత్సాహంతోనే ‘లూజర్‌’, ‘లూజర్‌–2’ సిరీస్‌లలో నటించి వెబ్‌ దునియాలోనూ వేగం పెంచింది.ప్రస్తుతం ఫ్రైమ్‌ వీడియోలో స్ట్రీమ్‌ అవుతోన్న  ‘మోడర్న్‌ లవ్‌ హైదరాబాద్‌’ అనే ఆంథాలజీ సిరీస్‌తో అలరిస్తోంది.  కోమలి హీరోయిన్‌గా నటించిన ‘శశివదనే ’ సినిమా త్వరలోనే విడుదల కానుంది..  నన్ను అందరూ స్టార్‌లా కాకుండా ఓ మంచి నటిగా గుర్తించుకోవాలన్నదే  నా లక్ష్యం! – కోమలి ప్రసాద్‌

యంగ్‌ హీరో అడివి శేష్‌ ప్రధాన పాత్రలో నటించిన చిత్రం 'హిట్‌-2'. శైలేష్ కొలను దర్శకత్వం వహించిన ఈ సినిమా బాక్సాఫీస్‌ వద్ద ఘన విజయాన్ని సొంతం చేసుకుంది. శేష్‌ కెరీర్‌లోనే అతిపెద్ద హిట్‌గా నిలిచింది. తాజాగా ఈ సినిమా ఓటీటీలో రిలీజ్‌కు సిద్ధమైంది. ఇప్పటికే ప్రముఖ ఓటీటీ ప్లాట్‌ఫామ్‌ అమెజాన్‌ ప్రైమ్‌లో అందుబాటులో ఉన్నా రూ. 129 చెల్లించాల్సి ఉంది. కానీ జనవరి 6 తర్వాత నుంచి మాత్రం ఉచితంగా అందుబాటులోకి రానుంది. ఈ మేరకు అఫీషియల్‌ అనౌన్స్‌మెంట్‌ కూడా వచ్చేసింది. థియేట్రికల్ రిలీజ్‌ అయిన నెల రోజుల తర్వాత హిట్‌-2 స్ట్రీమింగ్‌కు రెడీ అయ్యింది. ఈ క్రైమ్ ఇన్వెస్టిగేషన్ థ్రిల్లర్‌లో మీనాక్షి చౌదరి హీరోయిన్‌గా నటించగా, ఇందులో రావు రమేష్, కోమలీ ప్రసాద్, సుహాస్, తనికెళ్ల భరణి కీలక పాత్రల్లో కనిపించారు.    in the mood for some thrilling investigation!#HIT2onPrime, Jan 6@AdiviSesh @NameisNani @Kolanusailesh @Meenakshiioffl @tprashantii @walpostercinema pic.twitter.com/KRm2Va0gHk — prime video IN (@PrimeVideoIN) January 5, 2023

హిట్‌ యూనివర్స్‌లో వచ్చిన హిట్‌ 2 ఎంత పెద్ద హిట్‌ అయ్యిందో ప్రత్యేకంగా చెప్పనవసరం లేదు. అడివి శేష్‌, మీనాక్షి చౌదరి జంటగా నటించిన ఈ సినిమాకు శైలేష్‌ కొలను దర్శకత్వం వహించాడు. కోమలీ ప్రసాద్‌, ఆదర్శ్‌, రావు రమేశ్‌, సుహాస్‌ ముఖ్య పాత్రల్లో నటించారు. హీరో నాని సమర్పణలో ప్రశాంతి తిపిర్నేని నిర్మించిన ఈ ఇన్వెస్టిగేటివ్‌ క్రైమ్‌ థ్రిల్లర్‌ మూవీ డిసెంబర్‌ 2న విడుదలైంది. పెట్టిన టైటిల్‌కు పూర్తి న్యాయం చేసి బాక్సాఫీస్‌ దగ్గర బంపర్‌ హిట్‌గా నిలిచిందీ సినిమా. ఇక క్లైమాక్స్‌లోనే హిట్‌ 3 ఉంటుందని, అందులో నాని హీరోగా నటించనున్నాడని ప్రకటించిన విషయం తెలిసిందే! తాజాగా హిట్‌ 2 మూవీ ఓటీటీలోకి రాబోతున్నట్లు తెలుస్తోంది. అమెజాన్‌ ప్రైమ్‌ వీడియో ఈ సినిమా ఓటీటీ హక్కులను భారీ ధరకు చేజిక్కించుకున్న విషయం తెలిసిందే! సరిగ్గా నెల రోజుల తర్వాత ప్రైమ్‌ దీన్ని ఓటీటీ ఆడియన్స్‌కు అందుబాటులోకి తెచ్చేందుకు ప్రయత్నిస్తోందట. అదే కనుక జరిగితే హిట్‌ 2 జనవరి 2 నుంచి అందుబాటులోకి రానుంది. చదవండి: ఒ​కే ఫ్రేమ్‌లో అల్లు అర్జున్‌, చరణ్‌ ఫ్యామిలీ

యంగ్‌ అండ్‌ టాలెంటెడ్‌ హీరో అడివి శేష్‌ నటించిన తాజా చిత్రం ‘హిట్‌ 2’. ఇటీవలే ఈ చిత్రం ప్రేక్షకుల ముందుకొచ్చింది. మీనాక్షి చౌద‌రి హీరోయిన్‌గా నటించింది. శైలేష్ కొల‌ను ద‌ర్శ‌క‌త్వంలో నాని స‌మ‌ర్ప‌కుడిగా వాల్ పోస్ట‌ర్ సినిమా బ్యాన‌ర్‌పై ప్ర‌శాంతి త్రిపిర్‌నేని నిర్మించిన ఈ చిత్రం డిసెంబర్‌ 2న ప్రేక్షకులను పలకరించింది.నాని నిర్మాతగా వ్యవహరించిన ‘హిట్‌’ ఎంతటి ఘన విజయం సాధించిందో తెలిసిందే. అందులో భాగంగా ఇప్పుడు హిట్ సెకండ్ కేస్ పార్ట్‌ 2తో ప్రేక్షకుల ముందుకు వచ్చాడు. (ఇది చదవండి: HIT 2 Review: ‘హిట్ 2’ రివ్యూ) అయితే తాజాగా ఓ నెటిజన్ ట్వీట్ సోషల్ మీడియాలో తెగ వైరలవుతోంది. అడివి శేష్ రెమ్యునరేషన్‌పై నెటిజన్ ఆశ్చర్యానికి గురయ్యారు. గూగుల్‌లో అడివి శేష్ రెమ్యునరేషన్ అని సెర్చ్ చేస్తే 450 మిలియన్ డాలర్లు చూపిస్తోందని నెటిజన్ ట్వీట్ చేశారు. దీనికి హీరో అడివి శేష్ సైతం రియాక్ట్ అయ్యారు. ఇంతకీ ఆ ట్వీట్‌లో ఏముందో ఒకసారి చూద్దాం.  నెటిజన్ ట్వీట్ చేస్తూ..' అన్నా ఎందన్నా ఇది? గూగుల్‌లో తప్పుడు సమాచారం వస్తోందని నాకు తెలుసు. అయినా ఉత్సాహంతో అడివి శేష్ రెమ్యునరేషన్ అని సెర్చ్‌ చేశా. అందులో 450 మిలియన్ డాలర్లు అని వచ్చింది. ఒక్కసారిగా నా నరాలు కట్ అయిపోయాయి అన్నా.' అంటూ పోస్ట్ చేశారు. దీనికి స్పందించిన హీరో అడివి శేష్ అభిమానికి రిప్లై ఇచ్చారు. మాకు కూడా ఆ 450 మిలియన్ డాలర్లు ఎక్కడుందో చెప్తే సినిమాలకు బ్రేక్ ఇవ్వడానికి రెడీగా ఉన్నా.' అంటూ ట్వీట్ చేశారు.  Maaku kooda aa $450M ekkadundho chepthe break ivvadaaniki ready ga unnaam. 🐶 https://t.co/27YvTzR1yx — Adivi Sesh (@AdiviSesh) December 7, 2022

‘‘కష్టపడి ప్రిపేర్‌ అయ్యే బ్యాచ్‌లో శేష్‌ ఉంటాడు. నేను కాపీ కొట్టి పాస్‌ అయ్యే బ్యాచ్‌లో ఉంటాను. నేను మ్యాజిక్‌ని నమ్ముతాను. శేష్‌ లాజిక్‌ను నమ్ముతాడు. అందుకే ఇలా హిట్స్‌ సాధిస్తున్నాడు. మంచి చిత్రాలు తీస్తే చూస్తాం అని ప్రేక్షకులు మరోసారి నిరూపించినందుకు థ్యాంక్స్‌. అర్జున్‌ సర్కార్‌ సైనింగ్‌ ఆఫ్‌ (హిట్‌ 3ని ఉద్దేశించి).. మళ్లీ కలుద్దాం.. గట్టిగా కలుద్దాం’’ అని హీరో నాని అన్నారు. అడివి శేష్, మీనాక్షి చౌదరి జంటగా శైలేష్‌ కొలను దర్శకత్వం వహించిన చిత్రం ‘హిట్‌ 2’. హీరో నాని సమర్పణలో ప్రశాంతి తిపిర్నేని నిర్మించిన ఈ సినిమా ఈ నెల 2న రిలీజైంది. ఈ సందర్భంగా విజయోత్సవంలో అడివి శేష్‌ మాట్లాడుతూ – ‘‘హిట్‌ 2’ రిలీజ్‌ తర్వాత మహేశ్‌బాబుగారు ఫోన్‌ చేసి, ‘నిన్ను చూసి గర్వపడుతున్నాను.. అన్నలా అండగా ఉంటాను’ అంటే కంట్లో నీళ్లు తిరిగాయి’’ అన్నారు. ‘‘మల్టీప్లెక్స్‌ల్లోనే కాదు.. సింగిల్‌ స్క్రీన్‌ థియేటర్స్‌లోనూ ప్రేక్షకులు ఎంజాయ్‌ చేస్తున్నారు’’ అన్నారు శైలేష్‌ కొలను. సంగీత దర్శకురాలు ఎంఎం శ్రీలేఖ, నటి కోమలీ ప్రసాద్‌ మాట్లాడారు.

యంగ్‌ హీరో అడివి శేష్‌ ప్రస్తుతం హిట్‌-2 సక్సెస్‌ను ఎంజాయ్‌ చేస్తున్నారు. శైలేస్‌ కొలను దర్శకత్వంలో నటించిన ఈ సినిమా బాక్సాఫీస్‌ వద్ద సూపర్‌ హిట్‌ టాక్‌ను సొంతం చేసుకుంది. తొలిరోజు నుంచే మంచి వసూళ్లు రాబట్టిన ఈ చిత్రం​ శేష్‌ కెరీర్‌లోనే బెస్ట్‌ ఓపెనింగ్స్‌ను రాబట్టింది.సీక్వెల్‌పై హై ఎక్స్‌పెక్టేష‌న్స్ ఉండ‌టం, పెద్ద సినిమాలు లేకుండా సోలోగా రిలీజ్‌ కావడంతో హిట్‌-2 కలెక్షన్ల పరంగానూ సూపర్‌ హిట్టయ్యింది. ఇక ఈ సక్సెస్‌లో భాగంగా శేష్‌ అభిమానులతో ట్విట్టర్‌లో చిట్‌చాట్‌ సెషన్‌ నిర్వహించారు. ఆస్క్‌మి ఎనీథింగ్‌ అంటూ ఫ్యాన్స్‌తో ముచ్చటించాడు. ఇందులో భాగంగా అభిమానులు అడిగిన పలు ప్రశ్నలకు సమాధానాలు ఇచ్చాడు. అయితే ఓ లేడీ ఫ్యాన్‌ మాత్రం డైరెక్ట్‌గా డేటింగ్‌ ప్రపోజల్‌ చేసింది. మనం ఎప్పుడు డేట్‌కు వెళదాం అంటూ ఓ ఫ్యాన్‌ ట్వీట్‌ చేయగా అడివి శేష్‌ స్పందించాడు. ఇదిగో ఇప్పుడే వ‌చ్చేస్తున్నా.. మ‌నం ఇద్ద‌రం క‌లిసి హిట్ 2 సినిమా చూద్దామా అంటూ ఆన్సర్‌ ఇచ్చాడు. డేట్‌కి అడగ్గానే ఏమాత్రం తడబాటులేకుండా శేష్‌ ఇచ్చిన రిప్లై ఆసక్తిగా మారింది.  Idhigo occhestunna. Do you want to watch #HIT2 ? 🙃#AskSesh https://t.co/2LCxbtlIAa — Adivi Sesh (@AdiviSesh) December 3, 2022

యంగ్‌ హీరో అడివి శేష్‌ ప్రధాన పాత్రలో నటించిన చిత్రం హిట్‌ 2. శైలేష్‌ కొలను దర్శకత్వం వహించిన ఈ సినిమా పాజిటివ్‌ టాక్‌తో దూసుకుపోతోంది. ఈ క్రమంలో హిట్‌ సక్సెస్‌ను ఎంజాయ్‌ చేస్తున్న అడివి శేష్‌ ట్విటర్‌లో అభిమానులతో ముచ్చటించాడు. ఈ సందర్భంగా ఓ అమ్మాయి మనం డేట్‌కెప్పుడు వెళ్దాం అని అడగ్గా ఇదిగో వచ్చేస్తున్నా. కలిసి హిట్‌ 2 చూసేద్దామా? అని సరదాగా బదులిచ్చాడు. 'హిట్‌ యూనివర్స్‌లోకి మహేశ్‌బాబులాంటి పెద్ద స్టార్‌ను ఇన్వాల్వ్‌ చేయండి అన్న.. నెక్స్ట్‌ లెవల్‌కు వెళ్లిపోద్ది. ఎప్పటినుంచో నువ్వు ఎంచుకునే థ్రిల్లింగ్‌ స్టోరీలలో మహేశ్‌బాబుని చూడాలని కోరిక.. సస్పెన్స్‌ థ్రిల్లర్‌ లైన్‌ రాసి మహేశ్‌ అన్నతో చేయండి అన్న..' అని ఓ అభిమాని ట్వీట్‌ చేశాడు. దీనికి శేష్‌ స్పందిస్తూ.. 'ఈరోజు ఉదయమే ఆయన ఫోన్‌ చేసి చాలాసేపు మాట్లాడారు. నా విషయంలో గర్వంగా ఉన్నట్లు చెప్పారు. అప్పుడు నా కళ్లల్లో నీళ్లు తిరిగాయి. సోదరుడిగా తన వెన్నంటే ఉంటానని మాటిచ్చాను. ఆయనకు హిట్‌ 2 ఎప్పుడెప్పుడు చూపించాలా? అని ఆతృతగా ఎదురు చూస్తున్నాను' అని ట్వీట్‌​ చేశాడు. Don’t know. Suit avuthundho ledho Aalochinchaali. But Mahesh sir called me this morning and spoke for a long time about how PROUD he is of me. I got tears in my eyes. And l promised I will always be there as his brother. Can’t wait to show him #HIT2 #AskSesh https://t.co/9KWUUPs0S8 — Adivi Sesh (@AdiviSesh) December 3, 2022 Don’t know but us Telugu Heroes have love from Kashmir to Kanyakumari all the way to Kansas. So what’s the problem? #HIT2 #AskSesh https://t.co/fj77zCaKQE — Adivi Sesh (@AdiviSesh) December 3, 2022 Idhigo occhestunna. Do you want to watch #HIT2 ? 🙃#AskSesh https://t.co/2LCxbtlIAa — Adivi Sesh (@AdiviSesh) December 3, 2022 చదవండి: బాలయ్య వీరసింహారెడ్డి వచ్చేది ఆరోజే! ఆ అమ్మాయి భార్యగా రావాలనుకుంటాడు, చివరికి

అడివి శేష్‌ హీరోగా నటించిన తాజా చిత్రం​ హిట్‌-2 శుక్రవారం(నిన్న)ప్రేక్షకుల ముందుకు వచ్చిన సంగతి తెలిసిందే. శైలేష్‌ దర్శకత్వం వహించిన ఈ సినిమాను నాని స‌మ్ప‌ర‌ణ‌లో వాల్ పోస్ట‌ర్ సినిమా బ్యాన‌ర్‌పై ప్ర‌శాంతి త్రిపిర్‌నేని  నిర్మించారు. క్రైమ్ థ్రిల్లర్ సస్పెన్స్ మూవీగా తెరకెక్కిన ఈ సినిమాలో మీనాక్షి చౌదరి హీరోయిన్‌గా నటించింది. హిట్‌కి సీక్వెల్‌గా వస్తుండటంతో ముందుగానే ఈ సినిమాపై మాంచి బజ్‌ క్రియేట్‌ అయ్యింది. ఇక ట్రైలర్‌, పాటలు సినిమాపై మరింత అంచనాలను పెంచేసింది. దీనికి తగ్గట్లే తొలిరోజే వసూల్ల పరంగా దూసుకెళ్తుందీ చిత్రం. ఓటీటీలో హిట్ 2 చిత్రానికి భారీగా బిజెనెస్ జరిగిందని తెలుస్తోంది. ప్రముఖ ఓటీటీ సంస్థ అమెజాన్ ప్రైమ్ వీడియో ఈ సినిమా డిజిటల్‌ హక్కులను భారీ ధరకు కొనుగోలు చేసినట్లు సమాచారం. ఈ సినిమా హక్కుల కోసం డిస్నీ ప్లస్ హాట్ స్టార్‌ కూడా తీవ్రంగా పోటీ పడగా.. చివరకు ప్రైమ్ వీడియోకే భారీ ధరకు స్ట్రీమింగ్‌ రైట్స్‌ దక్కాయట. వచ్చే నెలలో ఈ చిత్రం ఓటీటీలో విడుదల ‍కానుంది.   

అడివి శేష్‌ ప్రధాన పాత్రలో నటించిన చిత్రం హిట్‌ 2. నేచురల్‌ స్టార్‌ నాని సమర్పణలో ప్రశాంతి తిపిర్నేని నిర్మించిన ఈ క్రైమ్‌ థ్రిల్లర్‌ మూవీకి శైలేష్‌ కొలను దర్శకత్వం వహించాడు. భారీ అంచనాల మధ్య నేడు(డిసెంబర్‌ 2న) థియేటర్లలో రిలీజైన ఈ మూవీ హిట్‌ టాక్‌ సొంతం చేసుకుంది. ఇకపోతే హిట్‌ సిరీస్‌ను మొత్తం ఎనిమిది భాగాలుగా తీసుకురావాలని మేకర్స్‌ ప్లాన్‌ చేస్తున్నారు. హిట్‌ 2లోనే మూడో పార్ట్‌ గురించి చెప్పేశారు. మూడో భాగంలో నాని హీరోగా అడివి శేష్‌ కీలక పాత్రలో నటిస్తాడని వెల్లడించారు. ఇకపోతే హిట్‌ సిరీస్‌లో సమంతను మెయిన్‌ లీడ్‌గా తీసుకుంటే ఎలా ఉంటుంది? అని ఓ జర్నలిస్ట్‌ ప్రశ్నించాడు. దీనికి అడివి శేష్‌ స్పందిస్తూ.. ఐడియా అదిరిపోయింది, మరి ఏమంటావ్‌ సామ్‌ అంటూ సమంతను ట్యాగ్‌ చేశాడు. దీనికి సామ్‌ స్పందిస్తూ.. ఓ రౌడీ పోలీస్‌.. ఆలోచన బాగుంది. ముందుగా సూపర్‌ హిట్‌ అందుకున్నందుకు అడివి శేష్‌కు శుభాకాంక్షలు అని ట్వీట్‌ చేసింది. ప్రస్తుతం ఈ ట్వీట్‌ వైరల్‌గా మారింది. ఆలోచన బాగుందన్న సామ్‌ మరి హిట్‌ యూనివర్స్‌లో భాగమవుతుందా? లేదా? చూడాలి! A badass cop … sounds like fun 😈 Congratulations on your super HIT🫶🏻 @AdiviSesh .. always cheering for you 🤗 https://t.co/qugCUzPGrb — Samantha (@Samanthaprabhu2) December 2, 2022 చదవండి: జూబ్లీహిల్స్‌లో ప్రభాస్‌కు 84 ఎకరాలు? టికెట్‌ టు ఫినాలే విజేత అతడే

టైటిల్‌: హిట్ 2: ద సెకండ్ కేసు నటీనటులు: అడివి శేష్‌, మీనాక్షి చౌదరి, కోమలి ప్రసాద్‌, రావు రమేశ్‌, పోసాని కృష్ణమురళి, తనికెళ్ల భరణి, శ్రీనాథ్‌ మాగంటి తదితరులు నిర్మాణ సంస్థ: వాల్ పోస్టర్ సినిమా  నిర్మాతలు: నాని,  ప్రశాంతి త్రిపిర్‌నేని దర్శకత్వం: శైలేష్ కొలను  నేపథ్య సంగీతం: జాన్ స్టీవార్ట్ ఏడూరి స్వరాలు : ఎం.ఎం. శ్రీలేఖ, సురేష్ బొబ్బిలి సినిమాటోగ్రఫీ:  ఎస్.మణికందన్ ఎడిటర్: . గ్యారీ బి.హెచ్ విడుదల తేది: డిసెంబర్‌ 2, 2022 నాని నిర్మాతగా వ్యవహరించిన ‘హిట్‌’ ఎంతటి ఘన విజయం సాధించిందో తెలిసిందే. విశ్వక్‌ సేన్‌ హీరోగా నటించిన ఆ సినిమా సూపర్‌ హిట్‌ కావడంతో.. ఆ ఫ్రాంచైజీలో వరుస సినిమాలు తీయాలని నాని నిర్ణయించుకున్నాడు. అందులో భాగంగా ఇప్పుడు హిట్ సెకండ్ కేస్ పార్ట్‌ 2తో ప్రేక్షకుల ముందుకు వచ్చాడు. ఇందులో అడివి శేష్ హీరోగా నటించాడు.  ఇప్పటికే విడుదలైన పాటలు, టీజర్‌, ట్రైలర్‌ సినిమాపై ఆసక్తిని పెంచాయి. దానికి తోడు ప్రమోషన్స్‌ కూడా గ్రాండ్‌గా చేయడంతో ‘హిట్‌ 2’పై ఆసక్తి పెరిగింది. భారీ అంచనాల మధ్య నేడు(డిసెంబర్‌ 2) ప్రేక్షకుల ముందుకు వచ్చిన ఈ చిత్రం ఎలా ఉందో రివ్యూలో చూద్దాం.  హిట్‌-2 కథేంటంటే.. కేడీ అలియాస్‌ కృష్ణదేవ్‌  వైజాగ్‌ ఎస్పీ. మర్డర్‌ కేసులను ఈజీగా సాల్వ్‌ చేస్తుంటాడు. ఆర్య(మీనాక్షి చౌదరి) అతని ప్రియురాలు. వీరిద్దరు సహజీవనం కొనసాగిస్తుంటారు. ఓ రోజు నగరంలో సంజన అనే అమ్మాయి హత్యకు గురవుతుంది. తల, మొండెం, కాళ్లు, చేతులు వేరు వేరుగా చేసి అతి కిరాతంగా చంపేస్తాడు ఓ సీరియల్‌ కిల్లర్‌. అయితే అక్కడ ఉన్న వాటిలో తల మాత్రమే సంజనాది అని, మిగతా భాగాలన్ని మరో ముగ్గురు అమ్మాయిలవి అని ఫోరెన్సిక్‌ టెస్ట్‌లో తెలుస్తుంది. ఈ కేసును కేడీ ఎలా చేధించాడు? ఆయనకు ఎదురైన సమస్యలేంటి?  సీరియల్‌ కిల్లర్‌ ఆర్యని కూడా చంపేందుకు ఎందుకు ప్రయత్నించాడు? వరుసగా యువతులనే చంపడానికి కారణమేంటి? విచారణ క్రమంలో రామ్‌దాస్‌ (హర్షవర్థన్‌) గురించి తెలుసుకున్నది ఏంటి?  చివరకు ఆ సిరియల్‌ కిల్లర్‌ని ఎలా పట్టుకున్నారు? అనేదే మిగతా కథ.  ఎలా ఉందంటే.. క్రైమ్, సస్పెన్స్ థ్రిల్లర్ చిత్రాలను తెరకెక్కించడం కత్తిమీద సాము లాంటింది. ఒక్కసారి ట్విస్ట్‌ తెలిస్తే.. సినిమాపై ఆసక్తి పోతుంది. అలా అని ట్విస్ట్‌ చెప్పకుండా ఉంటే ఎంగేజ్‌ చేద్దామంటే.. కథనం ఆసక్తికరంగా సాగాలి. ప్రేక్షకుడికి క్యూరియాసిటీని పెంచాలి. అద్భుతమైన స్క్రీన్‌ప్లే ఉండాలి.  అలా అయితే ఆ సినిమా విజయం సాధిస్తుంది. హిట్‌ విషయంలో దర్శకుడు కైలాష్‌  అదే పని చేశాడు. హత్య చేసింది ఎవరనేది చివరివరకు చెప్పకుండా సస్పెన్స్‌ కొనసాగించాడు.   కానీ హిట్‌ 2లో హత్య చేసింది సీరియల్‌ కిల్లర్‌ అనే ముందే చెప్పారు.  అతను ఎవరు?  ఎందుకు అమ్మాయిలనే చంపుతున్నారనేది సస్పెన్స్‌గా పెట్టారు. ఫస్టాఫ్‌ అంతా  సింపుల్‌గా కొనసాగుతుంది. కేడీ, ఆర్యల రొమాన్స్‌.. మధ్యలో కేసు విచారణ.. ఈక్రమంలో కొత్త కొత్త విషయాలు తెలుసుకోవడంతో ఫస్టాఫ్‌ ముగుస్తుంది. ఇంటర్వెల్‌ ట్విస్ట్‌ కూడా సింపుల్‌గా ఉంటుంది. సెకండాఫ్‌ నుంచి కథ పరుగులు తీస్తుంది. సీరియల్‌ కిల్లర్‌ గురించి ఆరా తీయడం.. ఈ క్రమంలో అతని ఫ్లాష్‌బ్యాక్‌ తెలియడం.. చివరకు మంచి వాడు అనుకున్న వ్యక్తే కిల్లర్‌ అని తెలియడం..ఇలా సెకండాఫ్‌ సాగుతుంది. ఈ మధ్య కాలంలో సినిమాలతో పాటు వెబ్‌ సీరీస్‌లు కూడా ఎక్కువగా సస్పెన్స్ థ్రిల్లర్ జానర్‌లోనే తెరకెక్కుతున్నాయి. అందుకే హిట్‌-2 ప్రేక్షకులను పెద్దగా సస్పెన్స్‌కు గురి చేయదు.  కేడీ పాత్రలో అడివి శేష్‌ ఒదిగిపోయాడు. ఆయనకు థ్రిల్లర్‌ జానర్స్‌ కొట్టిన పిండి కాబట్టి.. ఈజీగా నటించేశాడు. రొమాన్స్‌ సీన్లలో కూడా బాగా నటించాడు. ఇక ఆర్య పాత్రకి మీనాక్షి చౌదరి న్యాయం చేసింది. మిగితా పాత్రల విషయానికి వస్తే.. పోలీస్ ఆఫీసర్‌గా శ్రీనాథ్ మాగంటి మరో మంచి పాత్రలో ఆకట్టుకొన్నాడు. పాత్ర నిడివి తక్కువైనా కీలక  సన్నివేశాల్లో తన ప్రజెన్స్‌ను చూపించుకొన్నాడు. వర్షగా కోమలి ప్రసాద్ సినిమా చివరి వరకు మెప్పిస్తుంది. ప్రత్యేక పాత్రలో కలర్‌ ఫోటో హీరో సుహాన్‌ సర్‌ప్రైజ్‌ చేశాడు., శ్రీకాంత్ అయ్యంగార్, తణికెళ్ల భరణితో పాటు మిగిలిన నటీనటులంతా తమ పాత్రల పరిధిమేర నటించారు. నేపథ్య సంగీతం బాగుంది. కెమెరామెన్‌, ఎడిటర్‌ల పనితీరు పర్వాలేదు. నిర్మాణ విలువలు సినిమా స్థాయికి తగ్గట్లుగా ఉన్నాయి. 

‘‘నువ్వు అలాంటి పాత్రలు చేయొద్దు, ఇలాంటి కథలు ఎంచుకోవద్దు.. అంటూ కొందరు చెప్పిన సలహాలు పాటించి బోల్తా పడ్డాను (ఫ్లాప్‌ సినిమాలను ఉద్దేశిస్తూ). కానీ, నన్ను నేను నమ్ముకుని స్వతహాగా కథలు ఎంచుకుని చేస్తున్నప్పుడు బోల్తా పడలేదు (హిట్‌ సినిమాలను ఉద్దేశిస్తూ)’’ అని హీరో అడివి శేష్‌ అన్నారు. శైలేష్‌ కొలను దర్శకత్వంలో తెరకెక్కిన చిత్రం ‘హిట్‌ 2’. అడివి శేష్, మీనాక్షి చౌదరి జంటగా నటించారు. హీరో నాని సమర్పణలో ప్రశాంతి తిపిర్నేని నిర్మించిన ఈ సినిమా నేడు విడుదలవుతోంది. ఈ సందర్భంగా అడివి శేష్‌ చెప్పిన విశేషాలు. ► నేను కథ వినేటప్పుడు ఓ ప్రేక్షకునిగా ఆలోచిస్తాను. ఎక్కడైనా బోర్‌ కొడుతుంటే మొహమాటం లేకుండా చెప్పేస్తాను. ‘హిట్‌ ది ఫస్ట్‌ కేస్‌’లో విశ్వక్‌ సేన్‌ నటించాడు. ‘హిట్‌ ది సెకండ్‌ కేస్‌’లో నన్ను చేయమని శైలేష్‌ అడిగినప్పుడు.. ‘నేనే ఎందుకు చేయాలి’ అన్నాను. కృష్ణదాస్‌ అనే పోలీసాఫీసర్‌ పాత్రకి మీరు కరెక్టుగా సరిపోతారని చెప్పాడు. ‘ఈ విషయం విశ్వక్‌ సేన్‌కి తెలుసా?’ అని శైలేష్‌ని అడిగితే.. ‘తెలుసు’ అన్నాడు. అప్పుడు ‘హిట్‌ 2’ కథ వినేందుకు ఒప్పుకున్నాను. పైగా నానీగారు కూడా ఫోన్‌ చేసి కథ వినమన్నారు. స్క్రిప్ట్‌ వినగానే నచ్చింది. నా గత ఐదు చిత్రాల్లో నాలుగింటి స్క్రిప్ట్‌లో ఇన్‌వాల్వ్‌ అయ్యాను. కానీ, ‘హిట్‌ ది సెకండ్‌ కేస్‌’ స్క్రిప్ట్‌లో మాత్రం ఇన్‌వాల్వ్‌ కాలేదు. శైలేష్‌ బాగా రాశాడు. నేను ఒక నటుడిగా మాత్రమే పని చేశాను.   ► సమాజంలోని చాలా ముఖ్యమైన అంశాలను, కొందరు కిల్లర్స్‌గా ఎందుకు మారుతున్నారు? అనే విషయాలను ఈ సినిమాలో చర్చించాం. ‘మేజర్‌’ సినిమా బయోపిక్‌ కావడం, పైగా ఆర్మీ నేపథ్యంలో ఉండటంతో చాలా ఒత్తిడి ఉండేది. కానీ, ‘హిట్‌ 2’కి ఎలాంటి ఒత్తిడి లేదు. ప్రీమియర్‌ చూసినవారందరూ చాలా బాగుందని చెప్పడం హ్యాపీ. ఈ చిత్రాన్ని హిందీ, కన్నడలో డబ్‌ చేస్తున్నాం. ఈ నెల 13న హిందీలో విడుదలవుతుంది.   ► థ్రిల్లర్‌ నేపథ్యంలో నేను నటించిన ‘క్షణం’ చిత్రంతో నాకు మంచి పేరు వచ్చింది. అలాగే ‘గూఢచారి’ కమర్షియల్‌ సక్సెస్‌ ఇచ్చింది. నా ఫేవరెట్‌ టాప్‌ టెన్‌ చిత్రాల్లో చిరంజీవిగారి ‘ఖైదీ’, కార్తీగారి ‘ఖైదీ’ ఉన్నాయి. ‘హిట్‌ 2’ చిత్రం కమల్‌హాసన్‌గారి ‘విక్రమ్‌’లా హిట్‌ కావాలనుంది.   ‘హిట్‌’ ఫ్రాంచైజీలో లాస్ట్‌ చిత్రం పాన్‌ ఇండియా స్థాయిలో ఉంటుంది. నేను ముద్దు సన్నివేశాల్లో నటించినప్పుడు అమ్మ తిట్టింది. ఫైట్స్, డ్యాన్స్‌లా అది కూడా నటనలో భాగమని అమ్మకి చెప్పాను. నాకు ఓ మంచి కామెడీ సినిమా చేయాలనుంది. ‘హిట్‌ 3’లో నేను కూడా ఉంటాను. ఆస్కార్‌ అవార్డు పొందిన ఓ హాలీవుడ్‌ మూవీని రీమేక్‌ చేయనున్నాం. అందులో నా పాత్ర రఫ్‌గా ఉంటుంది.    ► నేను అమెరికాలో ఉన్నప్పుడు గంటన్నర ప్రయాణం చేసి మరీ వెళ్లి మహేశ్‌బాబుగారి ‘మురారి’ సినిమా చూశాను. నేను అభిమానించిన హీరోలు మహేశ్‌బాబు (‘మేజర్‌’ సినిమా నిర్మాత), నానీ (హిట్‌ 2) గార్లతో పని చేయడం చాలా సంతోషంగా ఉంది. నాలోని నిజాయతీ, నా ప్యాషన్‌ని మహేశ్, నానీగార్లు నమ్మారు కాబట్టే నాతో సినిమాలు నిర్మించారు. 

‘‘హిట్‌ 2’ చిత్రం థ్రిల్లర్‌ జానర్‌ అయినప్పటికీ కుటుంబ ప్రేక్షకులు కూడా కనెక్ట్‌ అయ్యేలా కథ రెడీ చేశాను. ఇందులో ప్రేమకథ కూడా కావాలని పెట్టింది కాదు. ఓ కేసును పోలీసాఫీసర్‌ టేకప్‌ చేస్తే ఆయన వ్యక్తిగత జీవితంలో ఎలాంటి పరిస్థితులు ఉంటాయి? అనేది చూపించాం’’ అన్నారు డైరెక్టర్‌ శైలేష్‌ కొలను. అడివి శేష్, మీనాక్షి చౌదరి జంటగా తెరకెక్కిన చిత్రం ‘హిట్‌ 2’. హీరో నాని సమర్పణలో ప్రశాంతి తిపిర్నేని నిర్మించిన ఈ సినిమా డిసెంబర్‌ 2న రిలీజ్‌ కానుంది. ఈ సందర్భంగా డైరెక్టర్‌ శైలేష్‌ కొలను చెప్పిన విశేషాలు. ► నేను సిడ్నీ నుంచి వచ్చినప్పుడు నానీగారితో సినిమా తీయాలనుకున్నాను. ఆయనకు ‘హిట్‌’ కథ చెబితే, ‘నేను నటించను కానీ నిర్మిస్తా’ అన్నారు. అలా విశ్వక్‌ సేన్‌తో ‘హిట్‌ ది ఫస్ట్‌ కేస్‌’ తీశాం. ‘హిట్‌ ది సెకండ్‌ కేస్‌’కి అడివి శేష్‌ అయితే బాగుంటుందనుకున్నాను. నానీగారికి చెప్పగానే ఓకే అన్నారు. సినిమా గురించి మా ఇద్దరి ఆలోచనలు ఒకేలా ఉంటాయి. అడివి శేష్‌కి ‘హిట్‌ ది సెకండ్‌ కేస్‌’ కథ చెప్పినప్పుడు స్వతహాగా తను కూడా రైటర్‌ కావడంతో ఎన్నో ప్రశ్నలు అడిగారు. ఐదారు సిట్టింగ్స్‌ తర్వాతే ఓకే చెప్పారు. ∙‘హిట్‌’ ఫ్రాంచైజీని కొత్తగా ప్లాన్‌ చేశాం. ఒక్కో భాగంలో ఒక ఆఫీసర్‌ను పరిచయం చేస్తూ.. చివరకు అందరు ఆఫీసర్లను కలిపి ఓ సినిమా చేద్దామని ఫిక్స్‌ అయ్యాను. ► నా సినిమాలు ఎప్పుడూ వాస్తవానికి దగ్గరగా ఉంటాయి. ఇందుకు ఎంతో పరిశోధన చేస్తాను.  ‘హిట్‌ ఫస్ట్‌ కేస్‌’ సమయంలో దిశ ఘటన జరిగింది. సెకండ్‌ కేస్‌ సమయంలో మళ్లీ ఇలాంటి (శ్రద్ధా వాకర్‌) ఘటన జరిగింది. అలాంటి క్రిమినల్స్‌ సమాజంలో ఉన్నారు. క్రిమినల్స్‌ ఎందుకు ఇలా మారతారు? అనే చర్చ మా సినిమాలో ఉంటుంది. ‘హిట్‌’ సీజన్‌ క్రియేట్‌ చేయమని రాజమౌళిగారు ఇచ్చిన సలహా మాకు నచ్చింది. ఇందుకు నానీగారు, ప్రశాంతిగారు ఓకే అంటే నేను ప్రతి ఏడాది ఇక హిట్‌ సినిమానే తీయాల్సి వస్తుంది(నవ్వుతూ). ► ‘హిట్‌ సెకండ్‌ కేస్‌’ తెలుగులో రిలీజయ్యాక హిందీలో డబ్‌ చేస్తాం. హిట్‌ ఫ్రాంచైజీ కాకుండా నా దగ్గర మూడు బౌండ్‌ స్క్రిప్ట్‌లు రెడీగా ఉన్నాయి.

‘‘హిట్‌ 2’ ట్రైలర్‌ బాగా నచ్చింది. అందులోని నేపథ్య సంగీతం ఇంకా బాగుంది.. మంచి ఎనర్జీ ఇచ్చింది. ట్రైలర్‌ చూడగానే సినిమా చూడాలనే ఉత్సుకత కలిగింది’’ అని ప్రముఖ డైరెక్టర్‌ ఎస్‌ఎస్‌ రాజమౌళి అన్నారు. అడివి శేష్, మీనాక్షి చౌదరి జంటగా శైలేష్‌ కొలను దర్శకత్వంలో తెరకెక్కిన చిత్రం ‘హిట్‌ 2’. హీరో నాని సమర్పణలో ప్రశాంతి తిపిర్నేని నిర్మించిన ఈ సినిమా డిసెంబర్‌ 2న విడుదల కానుంది. ఈ సందర్భంగా నిర్వహించిన ప్రీ రిలీజ్‌ వేడుకలో ముఖ్య అతిథిగా పాల్గొన్న ఎస్‌ఎస్‌ రాజమౌళి మాట్లాడుతూ–‘‘హిట్‌’ అనే అద్భుతమైన ఫ్రాంచైజీని సృష్టించిన నాని, ప్రశాంతి, శైలేష్‌లను అభినందిస్తున్నాను. థ్రిల్లర్‌ జానర్‌లో శైలేష్‌ బాగా తీశాడు.. ఈ చిత్రం హిట్‌ అవుతుందనడంలో ఎలాంటి సందేహం అక్కర్లేదు. ‘హిట్‌ 3, 4, 5’ సినిమాలు వస్తాయి.. అయితే ప్రతి ఏడాది ఒక సీజన్‌లో ‘హిట్‌’ ఫ్రాంచైజీ రావాలి.. ఈ సీజన్‌ ‘హిట్‌’ది అని జనాలకు అర్థం కావాలి. ప్రతి ఏడాది ఒకే నెల ఒకే తేదీన ఈ చిత్రాలు విడుదలవుతుండాలి. సాంకేతిక విలువలు బాగున్నాయి. నటీనటులు ఫెంటాస్టిక్‌గా చేశారు. తెలుగు ఇండస్ట్రీ నుంచి వస్తున్న మంచి ప్రొడక్ట్‌ ఇది.. మేమంతా గర్వపడుతున్నాం’’ అన్నారు. నాని మాట్లాడుతూ–‘‘హిట్‌’ ఫ్రాంచైజీలో 3,4,5,6,7 సినిమాలు ఉంటాయి. 7వ పార్ట్‌లో యూనివర్సల్‌గా అందరి హీరోలను కలుపుతానని, ఓ పెద్ద సమస్య పరిష్కారం కోసం వాళ్లని తీసుకొస్తానని శైలేష్‌ చెప్పాడు. ఓ నిర్మాతగా కంటే ప్రేక్షకునిగా ఆ మూవీ చూసేందుకు చాలా ఎగై్జటింగ్‌గా ఉన్నాను’’ అన్నారు. ఈ వేడుకలో హీరోలు అడివి శేష్, విశ్వక్‌ సేన్, నిర్మాత శోభు యార్లగడ్డ,  మీనాక్షి చౌదరి, సంగీత దర్శకులు ఎంఎం శ్రీలేఖ, సురేశ్‌ బొబ్బిలి,  డైరెక్టర్‌ ప్రశాంత్‌ వర్మ తదితరులు మాట్లాడారు.

ఏదో ఒక సినిమా చూద్దాం అనుకోవట్లేదు జనాలు. కంటెంట్‌, దానికి తోడు ఎంటర్‌టైన్‌మెంట్‌ ఉంటేనే థియేటర్‌కు వచ్చి సినిమా చూస్తామంటున్నారు. కానీ థియేటర్లలో రిలీజైన నెల రోజుల్లోపే ఓటీటీలోకి సినిమాలు వస్తుండటంతో కొందరు థియేటర్లలో సినిమాలు చూడటం తగ్గించేశారు. అయితే హీరోల ఫ్యాన్స్‌ మాత్రం ఏదేమైనా థియేటర్‌ ఎక్స్‌పీరియన్సే వేరని థియేటర్లకు పరుగులు తీస్తున్నారు. మరి ఈ వారం అటు థియేటర్‌, ఇటు ఓటీటీలో రిలీజవుతున్న సినిమాలేంటో చూద్దాం.. డిసెంబర్‌ 2న థియేటర్‌లో రిలీజయ్యే సినిమాలు.. ► హిట్‌ 2 ► మట్టి కుస్తీ ► జల్లికట్టు బసవ ► నేనెవరు ► యాక్షన్‌ హీరో (హిందీ) ► ఏక్‌ దమ్‌ కడక్‌ (మరాఠీ) ఓటీటీలో రిలీజయ్యే సినిమాలు, సిరీస్‌లు.. హాట్‌స్టార్‌ ► విల్లో(వెబ్‌ సిరీస్‌) - నవంబర్‌ 30 ► రిపీట్‌ - డిసెంబర్‌ 1 ► ఫ్రెడ్డీ - డిసెంబర్‌ 2 ► డైరీ ఆఫ్‌ ఎ వింపీకిడ్‌: రోడ్రిక్స్‌ రూల్స్‌ - డిసెంబర్‌ 2 ► మాన్‌స్టర్‌ - డిసెంబర్‌ 2 అమెజాన్‌ ప్రైమ్‌ వీడియో ► క్రష్డ్‌ (రెండో సీజన్‌) - డిసెంబర్‌ 2 ► వదంతి (వెబ్‌ సిరీస్‌) - డిసెంబర్‌ 2 ► కాంతార (తుళు) - డిసెంబర్‌ 2 జీ5 ► ఇండియన్‌ లాక్‌డౌన్‌ - డిసెంబర్‌ 2 ► మాన్‌సూన్‌ రాగా (కన్నడ) - డిసెంబర్‌ 2 నెట్‌ఫ్లిక్స్‌ ► క్రైమ్‌ సీన్‌ టెక్సాస్‌ కిల్లింగ్‌ ఫీల్డ్స్‌ (వెబ్‌ సిరీస్‌) - నవంబర్‌ 29 ► మై నేమ్‌ ఈజ్‌ వెండెట్టా - నవంబర్‌ 30 ► ట్రోల్‌ - డిసెంబర్‌ 1 ► జంగిల్‌లాండ్‌ - డిసెంబర్‌ 1 ► గుడ్‌బై - డిసెంబర్‌ 2 చదవండి: నరాలు కట్టయ్యాయా శివ.. పిచ్చిపిచ్చిగా వాగుతున్నావ్‌ రేవంత్‌ తప్పులు బయటపెట్టిన ఫైమా, దెబ్బకు నోరుమూసిన సింగర్‌

పాన్‌ ఇండియా సినిమాలపై యంగ్‌ హీరో అడివి శేష్‌ ఆసక్తికర వ్యాఖ్యలు చేశారు. పాన్‌ ఇండియా సినిమా అనేది కథలో ఉండాలి కానీ.. ఇమేజ్‌ ఉంది కదా అని పాన్‌ ఇండియా మూవీ చేయకూడదన్నారు. తాను ఎప్పటికీ ఇక్కడే (తెలుగు) నుంచే  ఇండియన్‌ సినిమా చేస్తానని చెప్పారు. శైలేష్‌ కొలను దర్శకత్వం వహించిన ‘హిట్‌’కి సీక్వెల్‌గా తెరకెక్కిన చిత్రం ‘హిట్‌ 2’. అడివి శేష్, మీనాక్షి చౌదరి జంటగా నటించారు. హీరో నాని సమర్పణలో ప్రశాంతి తిపిర్నేని నిర్మించిన ఈ సినిమా డిసెంబర్‌ 2న విడుదలకానుంది. ఈ సినిమా ట్రైలర్‌ విడుదల కార్యక్రమంలో అడివి శేష్‌ మాట్లాడుతూ– ‘‘హిట్‌’ సిరీస్‌లో రెండో పార్ట్‌ చాలా కీలకం. ‘హిట్‌ 3’లోనూ నేను ఉన్నాను. ‘హిట్‌ 2’ని పాన్‌ ఇండియా వైడ్‌గా రిలీజ్‌ చేయాలని ఉత్తరాది ప్రేక్షకులు అడుగుతున్నారు.. నానీగారితో మాట్లాడి పాన్‌ ఇండియన్‌ రేంజ్‌లో విడుదల చేయాలని ఫిక్స్‌ అయ్యాం. అన్నపూర్ణ బ్యానర్‌లో నేను చేయబోతున్న రెండు సినిమాలు పాన్‌ ఇండియా స్థాయిలో ఉంటాయి. ‘హిట్‌ 2’ హిందీ వెర్షన్‌ కాస్త ఆలస్యంగా రిలీజవుతుంది’’ అన్నారు. ‘‘చెడు మీద మంచి ఎలా గెలుస్తుందనేది ఈ సినిమాలో చూపించాం. ‘హిట్‌ 3’ని భారీగా ప్లాన్‌ చేస్తున్నాం’’ అన్నారు డైరెక్టర్‌ శైలేష్‌ కొలను. నటీనటులు మీనాక్షి చౌదరి, పావని, శ్రీనాథ్‌ మాగంటి తదితరులు మాట్లాడారు.    

టాలీవుడ్ యంగ్ అండ్ ప్రామిసింగ్ హీరో అడివి శేష్ హీరోగా నటిస్తున్న తాజా చిత్రం హిట్‌-2. డైరెక్టర్ శైలేష్ కొల‌ను ద‌ర్శ‌క‌త్వంలో రూపొందుతున్న ఈ సినిమాను న్యాచురల్ స్టార్ నాని స‌మ్ప‌ర‌ణ‌లో వాల్ పోస్ట‌ర్ సినిమా బ్యాన‌ర్‌పై ప్ర‌శాంతి త్రిపిర్‌నేని నిర్మిస్తున్నారు. మీనాక్షి చౌద‌రి ఇందులో అడివి శేష్ జోడీగా న‌టించింది. డిసెంబర్‌2న ఈ సినిమా విడుదల కానుంది. ఇప్పటికే రిలీజ్‌ అయిన టీజర్‌ సినిమాపై మరింత క్యూరియాసిటీని పెంచింది. తాజాగా ఈ సినిమా ట్రైలర్‌ను విడుదల చేశారు. ‘‘సాధారణంగా ఈ క్రిమినల్స్‌ తెలివి తక్కువ వాళ్లు. కోడి బుర్రలు. ఐదు నిమిషాలు చాలు వీళ్లని పట్టుకోవడానికి’’ అంటూ శేష్‌ చెప్పే డైలాగ్‌తో ట్రైలర్‌ ప్రారంభం అవుతుంది. సంజన  అనే ఒక యువతి హత్య కేసు పోలీస్ ఆఫీసర్ రోల్‌లో శేష్‌ ఎలా పరిష్కరించాడన్నది ట్రైలర్‌లోని ప్రతి సీన్‌ ఉత్కంఠకు గురి చేసేలా ఉంది.  రావు ర‌మేష్‌, శ్రీనాథ్‌ మాగంటి, కోమ‌లి ప్రసాద్ త‌దిత‌రులు ఇత‌ర కీల‌క పాత్ర‌ల్లో న‌టించారు.  

యంగ్‌ అండ్‌ టాలెంటెడ్‌ హీరో అడివి శేష్‌ నటిస్తున్న తాజా చిత్రం ‘హిట్‌ 2’. మీనాక్షి చౌద‌రి హీరోయిన్‌గా నటిస్తోంది.  శైలేష్ కొల‌ను ద‌ర్శ‌క‌త్వంలో నాని స‌మ‌ర్ప‌కుడిగా వాల్ పోస్ట‌ర్ సినిమా బ్యాన‌ర్‌పై ప్ర‌శాంతి త్రిపిర్‌నేని నిర్మించిన ఈ చిత్రం డిసెంబర్‌ 2న ప్రేక్షకుల ముందుకు రాబోతుంది. ఈ సినిమా ప్రమోషన్స్‌లో భాగంగా ఇటీవల టీజర్‌ని విడుదల చేయగా.. ప్రేక్షకులను నుంచి మంచి స్పందన లభించింది.  అతి త‌క్కువ వ్య‌వ‌ధిలోనే యూ ట్యూబ్ స‌హా అన్నీ సోష‌ల్ మీడియా మాధ్య‌మాల్లో ‘హిట్ 2’ టీజ‌ర్ హ‌ల్ చ‌ల్ చేస్తూ ట్రెండ్ అయ్యింది. ఈ టీజ‌ర్‌తో సినిమాపై ఉన్న అంచ‌నాలు రెట్టింపు అయ్యాయి.  అయితే యూ ట్యూబ్ ‘హిట్ 2’ టీజ‌ర్‌ను తొల‌గించి అంద‌రికీ షాకిచ్చింది. ట్రెండింగ్ లిస్టు నుంచి తొల‌గించింది. టీజ‌ర్ చూడ‌టానికి వ‌యోప‌రిమితి ఉండాలంటూ ఆంక్ష‌లు విధించింది. టీజ‌ర్‌పై యూ ట్యూబ్ యాక్ష‌న్ తీసుకునే లోపు 9 మిలియ‌న్ వ్యూస్ వ‌చ్చాయి.  దీనిపై హీరో అడివి శేష్ వివ‌ర‌ణ ఇస్తూ ఓ వీడియోను విడుద‌ల చేశారు. అస‌లేం జ‌రిగింద‌నే విష‌యాన్ని వివరిస్తూనే టీజ‌ర్‌ను చూడాల‌నుకుంటే ఏం చేయాలో కూడా చెప్పారు. ఇలాంటిది ముందే జ‌రుగుతుంద‌ని టీమ్ ముందుగానే ఊహించింది. అయితే అంతా స‌వ్యంగానే జ‌రుగుతుంద‌ని యూనిట్ భావిస్తోంది. యూ ట్యూబ్ నిర్ణ‌యాన్ని చిత్ర యూనిట్ స్వాగ‌తించింది. అదే స‌మ‌యంలో అడివి శేష్ త‌న వీడియోలో రేపు విడుద‌ల‌వుతున్న ఉరికే ఉరికే సాంగ్‌ను చూసి ఎంజాయ్ చేయాల‌ని కోరారు.  #HIT2 Teaser got REMOVED from YouTube Trending 😑 But no worries #UrikeUrike Song out tomorrow ❤️ 😡@KolanuSailesh pic.twitter.com/vCYRu3HIHu — Adivi Sesh (@AdiviSesh) November 9, 2022