సాక్షి, చెన్నై: కేంద్రంలో, తమిళనాట అధికార పార్టీలైన బీజేపీ, డీఎంకేలపై తమిళగ వెట్రి కళగం (టీవీకే) అధ్యక్షుడు, ప్రముఖ తమిళ హీరో విజయ్‌ వాగ్బాణాలు ఎక్కుపెట్టారు. ‘‘మతం, భాష అంటూ ప్రజల్ని చీల్చి రాజకీయం చేసే శక్తులు, ద్రవిడ నమూనా అంటూ రాష్ట్రాన్ని దోచుకుంటున్న అవినీతిపరులే మా పార్టీకి ప్రధాన శత్రువులు’’ అని ప్రకటించారు. 2026 తమిళనాడు అసెంబ్లీ ఎన్నికల్లో టీవీకేను భారీ మెజారిటీతో గెలిపించాలని ప్రజలను కోరారు. తమతో కలిసి వచ్చే వారిని అధికారంలో భాగస్వాములను చేస్తామని ప్రకటించారు. ఆయన 8 నెలల క్రితం సొంత పార్టీ ఏర్పాటు చేయడం తెలిసిందే. టీవీకే తొలి మహానాడు విల్లుపురం జిల్లా వీ సాలై గ్రామంలో ఆదివారం జరిగింది. సభకు అభిమానులు, కార్యకర్తలు అసంఖ్యాకంగా పోటెత్తారు. ఈ సందర్భంగా విజయ్‌ ఆవేశపూరితంగా సుదీర్ఘ ప్రసంగం చేశారు. ‘‘ద్రవిడ సిద్ధాంతకర్త ఈవీఆర్‌ పెరియార్, కర్మ యోగి కామరాజ్, రాజ్యాంగ నిర్మాత అంబేడ్కర్, వీర నారీ వేలూ నాచియార్‌ ఆదర్శంగా టీవీకే సాగుతుంది. లౌకిక, సామాజిక, న్యాయ సిద్ధాంతాలతో పార్టీని నడుపుతాం. అందరం సమానమని చాటే సరికొత్త రాజకీయాలను తమిళనాడులో చూస్తారు’’ అని అన్నారు. ‘‘నన్ను విమర్శించిన వాళ్ల పేర్లను ప్రస్తావించబోను. వాళ్లలా అమర్యాదకరంగా మాట్లాడబోను. సంస్కారయుత రాజకీ యాలు చేస్తా’’ అని చెప్పారు. ఎంజీఆర్, ఎన్టీఆరే స్ఫూర్తి తమిళనాడులో ఎంజీఆర్, ఆంధ్రప్రదేశ్‌లో ఎన్టీఆర్‌ సినీ రంగం నుంచి రాజకీయంగా చరిత్ర సృష్టించారని విజయ్‌ గుర్తు చేశారు. ‘‘ఆ దిశగా తమిళనాడులో మరో కొత్త అధ్యాయం లిఖిస్తాం. శాస్త్రసాంకేతి రంగాల్లో మాత్రమే మార్పు రావాలా? రాజకీయాలూ మారాలి. కానీ నన్ను ఈ స్థాయికి తెచ్చిన ప్రజలకు ఏదోఒకటి చేయాలనే అన్నింటికీ సిద్ధపడి రాజకీయాల్లోకి అడుగుపెట్టా. అత్యున్నత స్థాయిలో కొనసాగుతున్న సినిమా కెరీర్‌ను వదిలి వచ్చా’’. అన్నారు. నీట్‌ పరీక్ష విధానాన్ని విజయ్‌ తీవ్రంగా తప్పుబట్టారు. తన చెల్లెలి మరణం ఎంతగా బాధించిందో ‘నీట్‌’ కారణంగా అరియలూర్‌లో ఆత్మహత్య చేసుకున్న అమ్మాయి ఉదంతమూ అంతే బాధించిందన్నారు.అశేష జనవాహిని మహానాడుకు నిర్వాహకులే ఊహించని రీతిలో జనసందోహం పోటెత్తింది. సభ సాయంత్రం నాలుగింటికి కాగా ఉదయం నుంచే వేలాదిగా అభిమానుల రాక మొదలైంది. దాంతో సభను ముందుగానే ప్రారంభించారు. రాత్రి ఏడింటికి సభ ముగిసినా రాత్రి 9 దాకా జనం వస్తూనే ఉన్నారు. దాంతో చెన్నై–తిరుచ్చి జాతీయ రహదారిపై ట్రాఫిక్‌ పూర్తిగా నిలిచిపోయింంది.

సాక్షి ప్రతినిధి, శ్రీకాకుళం: టీడీపీ పొలిట్‌ బ్యూరో సభ్యులు, టీడీపీ మాజీ రాష్ట్ర అధ్యక్షుడు కిమిడి కళా వెంకటరావుకు పెద్ద ఝలక్కే తగిలింది. స్థానిక నియోజకవర్గంలోనే కాదు అధిష్టానం వద్ద కూడా ఆయనకు విలువ లేదని తేలిపోయింది. కళా తన మాట నెగ్గించుకోవడానికి చేసిన యత్నాలు ఫలించలేదా? కళా వెంకటరావు మాటలను అధిష్టానం పెడచెవిన పెట్టిందా? ఆయన వైఖరిని తేలికగా తీసుకుందా? అంటే అవుననే సమాధానాలు వస్తున్నాయి. నియోజకవర్గంలో తనకు ప్రత్యర్థిగా ఎదుగుతున్న కలిశెట్టి అప్పలనాయుడును తొక్కి పెట్టాలని, పార్టీలో ఆయనకు ఎలాంటి స్థానం లేదని, నియోజకవర్గంలో అంతా తానేనని కిమిడి కళా వెంకటరావు చూపించిన దూకుడుకు అధిష్టానమే చెక్‌ పెట్టింది. ఎచ్చెర్ల నియోజకవర్గంలో తన ప్రాబల్యానికి అడ్డు తగులుతున్నారని, చాపకింద నీరులా తనకు పోటీ గా తయారవుతున్నారని, అడుగడుగునా తన హవాను తగ్గించడమే కాకుండా టీడీపీ కేడర్‌ను తనవైపు లాక్కుంటారన్న ఉద్దేశంతో కలిశెట్టి అప్పలనాయుడుపై కిమిడి కళా వెంకటరావు ఉక్కుపాదం మోపుతున్న విషయం తెలిసిందే. ఎప్పటికప్పుడు కలిశెట్టిని ఇబ్బంది పెట్టేలా వ్యవహరిస్తున్నారు. చివరికి కలిశెట్టి అప్పలనాయుడ్ని పార్టీ నుంచి సస్పెన్షన్‌ చేస్తూ జిల్లా నాయకత్వం నుంచి ప్రకటన కూడా జారీ చేయించారు. అయితే కలిశెట్టి మాత్రం వెనక్కి తగ్గలేదు. తనను సస్పెండ్‌ చేసినప్పటికీ ఆ ప్రకటన చెల్లదంటూ పార్టీ కార్యక్రమాలు చేపడుతూనే ఉన్నా రు. నియోజకవర్గ టీడీపీలో కళాకు దీటుగా ముందుకెళ్తున్నారు. చెప్పాలంటే కళా కంటే తన వెంటే కేడర్‌ ఉండేలా కలిశెట్టి రాజకీయాలు చేస్తున్నారు. అయితే కళా వెంకటరావు తన రాజకీయ చాతుర్యంతో కలిశెట్టి అప్పలనాయుడుకు పార్టీ కార్యక్రమాల్లో గౌర వం లేకుండా చేస్తున్నారు. పార్టీ నిర్వహించే సభలు, సమావేశాల్లో కలిశెట్టిని దూరంగా ఉంచుతున్నారు. ఇటీవల విజయనగరంలో జరిగిన పార్టీ మినీ మహా నాడులో కలిశెట్టిని వేదికపైకి రానివ్వలేదు సరికదా నోటికొచ్చినట్టు మండిపడ్డారు. పార్టీ నుంచి సస్పెండైన వ్యక్తిని ఎలా వేదికపైకి పిలుస్తారని.. ఆహ్వానం పలికిన కనకల మురళీమోహన్‌పై తీవ్రస్థాయిలో విరుచుకుపడ్డారు. దీంతో పార్టీలో కళా చెప్పినదే వేదమన్నట్టుగా మినీ మహానాడు సాగింది. ఎందు‘కళా’.. జిల్లా స్థాయిలో తన హవా చూపించిన కళా వెంకటరావు...రాజమహేంద్రవరంలో రాష్ట్ర పార్టీ నిర్వహించిన మహానాడులో చూపించలేకపోయారు. తనకు ప్రత్యర్థి, పార్టీ నాయకత్వంతో సస్పెన్షన్‌కు గురైన కలిశెట్టి అప్పలనాయుడును మాత్రం అధినేత చంద్రబాబు నాయుడు దగ్గరకు తీసుకున్నారు. ఒకచోట కూర్చొని కలిశెట్టితో మాట్లాడారు. హోటల్‌లో ఏర్పాటు చేసిన విందులో కలిశెట్టిని చంద్రబాబు ఏకంగా సత్కరించారు. దీంతో ఎచ్చెర్ల నియోజకవర్గ టీడీపీ శ్రేణులు సందేహంలో పడ్డాయి. సస్పెండ్‌ చేసిన వ్యక్తిని మినీ మహానాడుకు పిలవడమేంటని కళా అడ్డుకుంటే.. అదే వ్యక్తిని ఏకంగా అధినేత చంద్రబాబు సత్కరించడం చూస్తే టీడీపీలో సస్పెన్షన్‌ ప్రకటనకు విలువ లేదా? లేదంటే కళా వెంకటరావు ప్రాబల్యాన్ని తగ్గించాలని చేసే ఎత్తుగడా? అన్న చర్చ మొదలైంది. అక్కడ జరిగిన పరిణామాలు చూస్తుంటే కళా రాజకీయ వ్యూహాలు, అనుసరిస్తున్న వైఖరి, జారీ చేస్తున్న హకుంను చంద్రబాబు పట్టించుకోకుండా కలిశెట్టిని సత్కరించారనే అభిప్రాయాన్ని టీడీపీ శ్రేణులు వ్యక్తం చేస్తున్నాయి. ఈ పరిణామంతో టీడీపీలోనే గందరగోళ పరిస్థితి ఏర్పడింది. అధిష్టానం వ్యూహమేంటో తెలియడం లేదని, తాము ఎవరివైపు ఉండాలో తెలియని సందిగ్ధం నెలకొందని, చివరికీ పార్టీ ఎవరికీ పెద్ద పీట వేస్తుందో అంతు చిక్కడం లేదని, అంతవరకు తాము ఎవరి వెంట తిరగాలో తెలియని పరిస్థితి ఏర్పడిందని ఎచ్చెర్ల టీడీపీ శ్రేణులు అంతర్మధనంలో పడ్డాయి.

సాక్షి, కాకినాడ: చంద్రబాబు జీవితం మొత్తం వెన్నుపోట్లు, మోసాలేనని బాబు విమర్శించారు. ఎన్టీఆర్‌ మరణానికి బాబే కారణమని, అధికారం కోసం మళ్లీ కోతల రాయుడు సిద్ధమయ్యాడని మండిపడ్డారు. చంద్రబాబు చెప్పేవన్నీ నంగనాచి కబుర్లేనని దుయ్యబట్టారు.  ‘ఎన్టీఆర్‌కు నైతిక విలువలు లేవని చెప్పిన వ్యక్తి చంద్రబాబు. మళ్లీ కొత్త అబద్ధాల పుట్టతో తయారయ్యాడు. కర్ణాటక కాంగ్రెస్‌ మేనిఫెస్టోను చంద్రబాబు కాపీ కొట్టారు. చంద్రబాబు తొలి సంతకానికే దిక్కులేదు. ఆయన తప్పుడు హామీలను ప్రజలు నమ్మే పరిస్థితి లేదు. వెంటిలేటర్‌పై ఉన్న టీడీపీని లేపేందుకే ఎల్లో మీడియా ప్రయత్నం’ అని కన్నబాబు పేర్కొన్నారు. బాబు, లోకేష్‌ను పిచ్చాసుపత్రిలో చేర్పించాలి టీడీపీ మహానాడు అట్టర్‌ఫ్లాప్‌ అయిందని మంత్రి కొట్టు సత్యనారాయణ ఎద్దేవా చేశారు. మహానాడు అనే కంటే కులసభ అంటే బాగుంటుందని సెటైర్లు వేశారు. చంద్రబాబు హామీలు పిట్టల దొర మాటల్లా ఉన్నాయని విమర్శించారు. 14 ఏళ్లు సీఎంగా ఉండి చంద్రబాబు ఏం ఒరగబెట్టారని ప్రశ్నించారు. బాబూ కొడుకులకు అధికారం అనే పిచ్చి బాగా ఎక్కిపోయిందని.. బాబు, లోకేష్‌ను పిచ్చాసుపత్రిలో చేర్పించాలని అన్నారు. చదవండి: ‘పొత్తులు లేకుండా ఎన్నికలకు వెళ్లలేని పిరికిపంద చంద్రబాబు’

కోనసీమ: రాజమహేంద్రవరంలో తెలుగుదేశం మహానాడు జరుగుతున్న సమయంలో కొత్తపేట నియోజకవర్గంలో టీడీపీకి చెందిన సుమారు వందమంది కార్యకర్తలు ఆ పార్టీకి గుడ్‌బై చెప్పారు. వెనుకబడిన వర్గాల(బీసీ)కు చెందిన వీరు వైఎస్సార్‌ సీపీ తీర్థం తీసుకున్నారు. కొత్తపేట పంచాయతీ పరిధిలోని చినగూళ్లపాలెం గ్రామం నుంచి కేతా శ్రీను ఆధ్వర్యంలో, కొత్తపాలెం కాలనీ నుంచి రాయుడు శ్రీనివాస్‌ ఆధ్వర్యంలో గోపాలపురం తరలివెళ్లి ఎమ్మెల్యే, ప్రభుత్వ విప్‌ చిర్ల జగ్గిరెడ్డి సమక్షంలో వైఎస్సార్‌ సీపీలో చేరారు. వారికి జగ్గిరెడ్డి పార్టీ కండువాలు కప్పి సాదరంగా స్వాగతం పలికారు. వారు మాట్లాడుతూ రాష్ట్రంలో సీఎం జగన్‌మోహన్‌రెడ్డి అమలు చేస్తున్న ప్రజా సంక్షేమ పథకాల పట్ల ఆకర్షితులం కావడంతో పాటు ఎమ్మెల్యే చిర్ల జగ్గిరెడ్డి పలు సమస్యలు పరిష్కరించడం, అనారోగ్య బాధితుల పట్ల స్పందిస్తున్న తీరు తమకు నచ్చి వైఎస్సార్‌ సీపీలో చేరామన్నారు. ఎమ్మెల్యే జగ్గిరెడ్డి మాట్లాడుతూ మీరు ఏ నమ్మకంతో వచ్చారో అందుకు అనుగుణంగానే పనిచేస్తానని అన్నారు. కొత్తపేట పీఏసీఎస్‌ పర్సన్‌ దంగేటి సుబ్రహ్మణ్యం (డీఎస్‌), పంచాయతీ సభ్యుడు బొక్కా లోకేష్‌, పార్టీ బీసీ విభాగం నాయకులు రాయుడు కృష్ణ పాల్గొన్నారు.

సాక్షి, తాడేపల్లి: టీడీపీ అధినేత చంద్రబాబుపై మాజీ మంత్రి కొడాలి నాని సీరియస్‌ కామెంట్స్‌ చేశారు. ఎన్టీఆర్‌ శత జయంతి వేడుకలు నిర్వహించే అర్హత చంద్రబాబు లేదని అన్నారు. ఎన్టీఆర్‌ శత జయంతి వేడుకల పేరుతో చంద్రబాబును పొగిడించుకుంటున్నారని విమర్శలు చేశారు నాని.  కాగా, కొడాలి నాని సోమవారం మీడియాతో మాట్లాడుతూ.. ‘చంద్రబాబును పొగిడించుకోవడానికే మహానాడు పెట్టారు. చంద్రబాబు.. ఇంద్రుడు చంద్రుడు అని పొగుడుతున్నారు. మహానాడు వేదిక మీద బాలకృష్ణ బొమ్మ ఎందుకు పెట్టలేదు. ఎమ్మెల్యేగా కూడా గెలవని నారా లోకేష్‌ బొమ్మ ఎలా పెడతారు. ఎన్టీఆర్‌ పేరుతో నాలుగు ఓట్ల కోసమే ఈ తపనంతా. ప్రశ్నిస్తానంటూ జనసేన పవన్‌ కల్యాణ్‌.. చంద్రబాబుకు ఓటేయించారు.  టీడీపీ మేనిఫెస్టోలో చెప్పిన ఏ ఒక్క హామీలు చంద్రబాబు నిర్వహించలేదు. అదే వైఎస్సార్‌ 2004లో ఇచ్చిన ప్రతీ హామీ నిర్వహించారు. మేనిఫెస్టోలో ఇచ్చినవే కాకుండా ఇవ్వని పథకాలు కూడా అమలు చేశారు. 2019లో రైతుల రుణాలు మాఫీ చేస్తామని చంద్రబాబు మాట తప్పారు. డ్వాక్రా రుణాలు మాఫీ అని చెప్పి మాఫీ చేయలేదు. చంద్రబాబు ఐదేళ్లలో పెన్షన్లకు రూ.22వేల కోట్లు ఖర్చు చేశారు. అదే సమయంలో ముఖ్యమంత్రి వైఎస్‌ జగన్‌మోహన్‌రెడ్డి రూ.97వేల కోట్లు ఖర్చు చేస్తున్నారు. సెంటు స్థలం ఇస్తే సమాధికి సరిపోదు అంటున్నారు. 14ఏళ్లు అధికారంలో ఉండి చంద్రబాబు పేదలకు ఎందుకు ఇళ్లు ఇవ్వలేదు.  బీసీలకు చట్టం తెస్తానని చంద్రబాబు మోసపూరిత హామీ ఇచ్చారు. చంద్రబాబు వెనుక బీసీలెవరూ లేరు. చంద్రబాబు వెంట ఉన్నది.. రామోజీ, రాధాకృష్ణ, బీఆర్‌ నాయుడు, పవన్‌ కల్యాణ్‌. వీళ్లెవరూ బీసీలు కాదు.. అధికారం ఇస్తే బాబుతో పాటు వీళ్లే బాగుపడతారు. చంద్రబాబుకు అధికారం ఇస్తే తన సామాజికవర్గానికే మంత్రి పదవులు ఇస్తారు. చంద్రబాబును ఆల్‌ఫ్రీ బాబు అని వైఎస్సార్‌ ఆనాడే చెప్పారు. చంద్రబాబు దొంగ, 420, ఔరంగజేబు అని ఎన్టీఆర్‌ ఆనాడే అన్నారు. చంద్రబాబు ఫీజు రీయింబర్స్‌మెంట్‌ ఎంత ఇచ్చాడు?. రాష్ట్రంలో చంద్రబాబు ఎవరికైనా ఉద్యోగం ఇచ్చాడా?. టీడీపీ హయాంలో లోకేష్‌కు తప్ప రాష్ట్రంలో ఒక్కరికీ ఉద్యోగం రాలేదు’ అంటూ సీరియస్‌ కామెం‍ట్స్‌ చేశారు.  ఇది కూడా చదవండి: విభజన సమస్యలు పరిష్కరించండి: సీఎం వైఎస్‌ జగన్‌

రాజమహేంద్రవరం నుంచి సాక్షి ప్రతినిధి/సాక్షి, రాజమహేంద్రవరం:  తెలుగుదేశం పార్టీ మహానాడు ఆసాంతం జగన్నామస్మరణతో మార్మోగిపోయింది. ఉదయం సమావేశం ప్రారంభమైంది మొదలు రాత్రి ముగిసే వరకు ప్రతి నిమిషం సీఎం పేరు తలుచుకోకుండా ఏ నాయకుడూ తన ప్రసంగాన్ని ముగించలేదు. తిట్లు, శాపనార్థాలు, ఆక్రోశాలు, ఆగ్రహావేశాలు, విమర్శలు, ఆరోపణలతో విరుచుకుపడ్డారు. ఆ పార్టీ అధ్యక్షుడు చంద్రబాబు సహా నేతలంతా ఇదే ఒరవడి కొనసాగించారు. అసలు మహానాడు నిర్వహిస్తోంది సీఎం జగన్‌ను తిట్టడానికే అన్నట్లు వ్యవహరించారు. పార్టీ ప్రధాన కార్యదర్శి నివేదిక పేరుతో వర్ల రామయ్య పార్టీ కార్యక్రమాల గురించి చెప్పడం కంటే జగన్‌ను తిట్టడానికే ఎక్కువ ప్రాధాన్యత ఇచ్చారు. రెండు తీర్మానాలు మినహా మిగిలిన ఏపీకి చెందిన తీర్మానాలన్నీ సీఎం జగన్‌ను లక్ష్యంగా చేసుకుని పెట్టినవే కావడం గమనార్హం.   ఎన్టీఆర్‌ కుటుంబానికి అవమానం   మరోవైపు ఎన్టీఆర్‌ శత జయంతి వేడుకల పేరుతో నిర్వహిస్తున్న మహానాడులో ఆయన కుటుంబీకుల ఎవరికీ ప్రాధాన్యం లేకుండా పోయింది. చంద్రబాబు, లోకేశ్‌లకే అత్యంత ప్రాధాన్యం ఉండేలా కార్యక్రమాలు రూపొందించారు. ప్రధాన బ్యానర్‌లో నందమూరి బాలకృష్ణ ఫొటో ముద్రించక పోవడంపై పలువురు నేతలు చర్చించుకున్నారు. ప్రకటనలు, కరపత్రాలు.. అన్నింటా చంద్రబాబు, లోకేశ్‌కే ప్రాధాన్యం కనిపించింది. తద్వారా టీడీపీలో ఎన్టీఆర్‌ కుటుంబ సభ్యులకు ప్రాధాన్యం ఉండదనే రీతిలో మహానాడు నిర్వహించారు. కాగా, మహానాడుకు జన స్పందన కరువైంది. ఆశించిన మేరకు జనం రాకపోవడంతో సభ వెలవెలబోయింది.  చంద్రబాబు ప్రసంగిస్తున్న సమయంలో గ్యాలరీల్లో జనం లేకపోవడంతో ఖాళీ కుర్చీలు దర్శనమిచ్చాయి.  ‘పార్టీ లేదు.. బొక్కా లేదు..’ ప్రస్తావన    మహానాడు ప్రాంగణంలో ఆ పార్టీకి చెందిన నాయకుడు ఆకుల వెంకటేశ్వరరావు కలక­లం సృష్టించారు. గతంలో తిరుపతి ఉప ఎన్నిక సందర్భంగా ఒక హోటల్‌లో పార్టీ రాష్ట్ర అధ్యక్షుడు అచ్చెన్నాయుడు, వెంకటేశ్వరరావు మధ్య జరిగిన సంభాషణలో ‘పార్టీ లేదు.. బొక్కా లేద’ని అచ్చెన్నాయుడు వ్యాఖ్యానించిన విషయాన్ని పలువురు గుర్తు చేసుకున్నారు. అదే వెంకటేశ్వరరావు.. మహానాడుకు హాజరై కార్యకర్తల మధ్య నుంచి లోకేశ్‌ను పిలిచి తిట్టడం చర్చనీయాంశమైంది. కొందరు కార్యకర్తలు ఆయన్ను అడ్డుకునే ప్రయత్నం చేయగా.. ‘నా జీవితం నాశనమైంది. మీవి కూడా అలా కాకుండా చూసుకోండి’ అని ఆవేదన వ్యక్తం చేశాడు. తన 400 గజాల భూమిని కేఎల్‌ నారాయణ ఆక్రమించాడని, న్యాయం చేయమని అడిగితే లోకేశ్‌ పట్టించుకోలేదన్నాడు.   

సాక్షి, విశాఖపట్నం: రాజమండ్రిలో మహా డ్రామా జరుగుతుందని మంత్రి బొత్స సత్యనారాయణ విమర్శించారు. ఎన్టీఆర్‌ చావుకు, ఆయన ఆత్మక్షోభకు కారణం చంద్రబాబేనని దుయ్యబట్టారు. శనివారం ఆయన మీడియాతో మాట్లాడుతూ.. ఎన్టీఆర్‌ పెట్టిన ఒక్క పథకమైనా చంద్రబాబు కొనసాగించారా అని ప్రశ్నించారు. ఏ సంక్షేమ పథకాన్నైనా ప్రజలకు అందించారా అని నిలదీశారు.  14 ఏళ్లుగా సీఎంగా ఉండి ప్రజలను నిరు పేదలుగా మార్చారని మండిపడ్డారు. మహానేత వైఎస్సార్‌ ఎన్నో సంక్షేమ పథకాలు తెచ్చారని, చంద్రబాబు పేరు చెబితే ఒక్క సంక్షేమ పథకమైనా గుర్తొస్తుందా అని విమర్శించారు. సీఎం జగన్‌ను తిట్టడం తప్ప చంద్రబాబు చేస్తుందేంటని మండిపడ్డారు. మంత్రి ఏమన్నారంటే, ఆయన మాటల్లోనే ►చంద్రబాబునాయుడూ ఇక నీ డ్రామాలు కట్టిపెట్టి వాస్తవాల్లోకి రా.. ► సినిమాల్లో ఎన్టీఆర్ నటుడు అయితే చంద్రబాబు రాజకీయాల్లో మహానటుడు ►చంద్రబాబు ఏది చేసినా అన్నీ పబ్లిసిటీ కోసం..పత్రికల కోసం మాత్రమే.  ► ఊకదంపుడు ఉపన్యాసాలు వద్దు..ఏదైనా నేరుగా మాట్లాడు చంద్రబాబు ►నువ్వు అధికారంలో ఉన్న కాలంలో చెప్పుకోడానికి ఏదైనా ఉంటే చెప్పు ► ఎన్టీఆర్, వైఎస్సార్‌ లాంటి వారి పేరు చెబితే అనేక పథకాలు ప్రజల గుండెల్లో ఉండిపోయాయి.  ►అలాంటిది నీ పేరు చెప్తే గుర్తుండే ఒక కార్యక్రమం చెప్పగలవా..? ► గంటలు గంటలు ఊకదంపుడు ఉపన్యాసాలు చెప్పుకుని వెళితే లాభం లేదు. ►ఎంతసేపూ జగన్‌ గారిని ఆడిపోసుకోవడం తప్ప చంద్రబాబు చేస్తుంది ఏమీ లేదు.  ►జగన్‌ ధనవంతుడు అయ్యాడట..పేదలు నిరుపేదలు అయ్యారట.. ► ప్రజలు నిరుపేదలుగా కావడానికి కారణం నువ్వు కాదా చంద్రబాబు.  ► సామాన్యులు ఇంకా అథోపాతాళానికి వెళ్లింది..కరువు వచ్చి ప్రజలు అల్లాడింది నీ హయాంలో కాదా..? ► బడుగు బలహీన వర్గాలు నీ వద్దకు వస్తే నువ్వు ఎంత హేళనగా మాట్లాడావో నీకు మళ్లీ చెప్పాలా..?  ►నాయీ బ్రాహ్మణుల తోకలు కత్తిరిస్తాను అన్నది నువ్వు కాదా... ►ఎవరైనా ఎస్సీల్లో పుట్టాలనుకుంటారా అన్నది నువ్వు కాదా.? ఏపీ జీఎస్‌డీపీలో మొదటి స్థానంలో ఉన్నది నిజం కాదా..? ►చంద్రబాబు పరిపాలనలో జీఎస్‌డీపీ 6.3 శాతంగా ఉండేది.  ►జగన్‌ అధికారంలోకి వచ్చాక జీఎస్‌డీపీ 7.5 శాతానికి పెరిగింది. ►ఇది రాష్ట్ర అభివృద్ధి కాదా..? సామాన్యుడి ఆర్ధిక పరిస్థితి మెరుగుపడటం కాదా..? ►బాబు హయాంలో రాష్ట్రం 22 వ స్థానంలో ఉంటే ఈ రోజు జీఎస్‌డీపీలో ఏపీ మొదటి స్థానంలో ఉంది.  ►ఎందుకు అన్నీ అబద్దాలు మాట్లాడతావు చంద్రబాబు..ప్రజలు వాస్తవాలు తెలియని అమాయకులు అనుకుంటున్నావా..? ►నువ్వున్నప్పుడు వ్యవసాయం మైనస్‌ గ్రోత్‌లో ఉండటం అబద్దమా..? ► రండి.. నువ్వు..నీ ఆర్ధిక మంత్రి ఇది నిజం కాదని చెప్పే ధైర్యం ఉందా..?  ►వైఎస్‌ జగన్‌ అధికారంలోకి వచ్చిన తర్వాత వ్యవసాయ రంగంలో 8 శాతం వృద్ధి నమోదైంది.  ►ఆ రోజు చంద్రబాబును ఎరువులు అడిగిన రైతులు లేరు. పంటలను కొనుగోలు చేయండి అని అడిగివారే లేరు ►కారణం ఆయన కాలం అంతా కరువు కాటకాల మయం. ► వ్యవసాయం దండగ అన్న వ్యక్తి పాలనలో రైతులు, రైతు కూలీలు ఈ రాష్ట్రం విడిచి పారిపోయారు.  ► జగన్‌రు ముఖ్యమంత్రి అయిన తరవాత పుష్కలంగా వర్షాలు పడ్డాయి.. పంటలు కళకళలాడుతున్నాయి.  ►ప్రభుత్వం వ్యవసాయ దారునికి ఇస్తున్న ప్రోత్సాహంతో వ్యవసాయం పుంజుకుంది.  ►రైతు బరోసా కేంద్రాల నుంచి అనే సంక్షేమ కార్యక్రమాలు, రైతులకు అండగా నిలుస్తున్నాయి.  చదవండి: ఎన్టీఆర్‌ కుటుంబాన్ని ముక్కలు చేసేందుకు శకుని వేషం వేసింది ఎవరు? అధికారంలోకి వచ్చాక ఏం చేశామన్నది ముఖ్యం ►అబద్దాలు చెప్పి అధికారంలోకి రావడం ముఖ్యం కాదు.  ►అధికారంలోకి వచ్చిన తర్వాత ఆ రాష్ట్రానికి, ప్రజలకు ఏం చేశామన్నది ముఖ్యం ►ప్రజల నమ్మకం ఏ రకంగా నిలబెట్టుకున్నామన్నది ముఖ్యం.  ►వైఎస్సార్‌ స్పూర్తితో జగన్‌ ఈ రాజకీయాల్లో అడుగుపెట్టి, ప్రజలకు ఇచ్చిన ప్రతి మాటనూ నిలబెట్టుకున్నారు.  ►ప్రతి ప్రయోజనం రాష్ట్రంలోని ప్రతి ఒక్కరికీ అందేటట్లు పరిపాలన చేయబట్టే వ్యవసాయం విరాజిల్లుతోంది.  ►అది వ్యవసాయ దారుని ఆత్మస్థైర్యాన్ని పెంచడం కాదా..? నీ హయాంలో ప్రభుత్వ విద్యార్థులకు స్టేట్‌ ర్యాంక్స్‌ వచ్చాయా..? ► అదికారంలో ఉన్నప్పుడు విద్యారంగానికి ఎంత ఖర్చు పెట్టావు చంద్రబాబు..? ►ఎప్పుడైనా ప్రైవేటు స్కూళ్లకు ధీటుగా ప్రభుత్వ పాఠశాలలను తీర్చిదిద్దాలనే ఆలోచనైనా చేశావా..?  ►ఎప్పుడైనా ప్రభుత్వ స్కూళ్లలో చదువుకున్న పిల్లల ఫలితాలు రాష్ట్ర స్థాయిలో ప్రైవేటు విద్యార్థులకు ధీటుగా వచ్చాయా..? ఇప్పుడు వచ్చాయి.. ► నీ హయాంలో విద్యారంగంపై కేవలం రూ.19వేల కోట్లు ఖర్చు చేస్తే ఇప్పుడు మేం రూ.40 వేల కోట్ల వరకూ ఖర్చు చేస్తున్నాం.  ►విద్యా, వైద్యం, వ్యవసాయం, సంక్షేమం అనేవి రాష్ట్ర ప్రభుత్వ ప్రధాన లక్ష్యాలు ►విద్యపై పెట్టే ఖర్చు దేశానికి పెట్టబడి అని మా ముఖ్యమంత్రి శ్రీ వైఎస్‌ జగన్‌ గారు భావించారు.  ►విద్య అంటే మొదటి స్థానంలో ఉన్న కేరళ రాష్ట్రం పేరు చెప్పేవారు.  ►ఇవాళ మన విద్యా రంగంలోని సంస్కరణలను దేశమంతా చెప్పుకుంటోంది. ► రేపు స్కూళ్లు తెరిచే లోపు డిజిటల్‌ విద్యా బోధనకు సర్వం సిద్ధం చేస్తున్నాం.  ►మన విద్యార్థి గ్లోబల్‌ కాంపిటీషన్లో ఉండాలంటే ఇంగ్లీషు మీడియం విద్య అవసరమని భావించి ప్రవేశపెట్టాం.  ►చంద్రబాబు హయాంలో రాష్ట్రం విద్యారంగంలో 24 స్థానంలో ఉంటే..జగన్‌ గారి హయాంలో 7వ స్థానానికి చేరాం. మొదటి స్థానానికి వెళ్లాలని ప్రయత్నం చేస్తున్నాం.  జిల్లాకో మెడికల్‌ కాలేజీ ఆలోచన ఎప్పుడైనా వచ్చిందా బాబూ..? ► ఎంతసేపూ జగన్‌ను ఆడిపోసుకోవడం తప్ప చంద్రబాబు తానేం చేశాడో చెప్పడం లేదు.  ►జిల్లాకో మెడికల్‌ కాలేజీ తీసుకురావాలనే ఆలోచన చంద్రబాబుకు ఎప్పుడైనా వచ్చిందా..?  ►ఇప్పుడు జగన్‌ 17 మెడికల్‌ కాలేజీలు నిర్మిస్తున్నారు.  ►రాష్ట్రంలో ప్రజలు ఆనందంగా ఆరోగ్యంగా ఉండాలని భావించి వైద్య రంగంపై ప్రత్యేక దృష్టి పెట్టాం.  ►ఈజ్‌ ఆఫ్‌ డూయింగ్‌ బిజినెస్‌ తీసుకుంటే దేశంలోనే మన రాష్ట్రం గత మూడేళ్లుగా నంబర్‌ 1 స్థానంలో ఉంది.  ►సచివాలయ వ్యవస్థలో లక్షా 40 వేల మందిని ఒకే సారి రిక్రూట్‌చేశాం.  ► పరిపాలనను ప్రతి గుమ్మం ముందుకు తీసుకెళ్లాం.  ►అవినీతి లేకుండా డీబీటీ, నాన్‌ డీబీటీ ద్వారా రూ.3 లక్షల కోట్ల వరకూ నేరుగా లబ్ధిదారుల ఖాతాల్లోకి వెళ్లింది.  ►నీ హయాంలో ఈ డబ్బంతా ఏమైంది..? ఈ డబ్బంతా పెత్తందార్లకు దోచిపెట్టలేదా..?  ►నిత్యం అబద్దాలు చెప్తే జనం నమ్ముతారు అనుకోవద్దు.  రాష్ట్రం ఇప్పుడే పుట్టిన పసిబిడ్డ అన్నావ్‌..మరి ఏం చేశావ్‌..?: ► నాకు పేద ప్రజల అండ, రాష్ట్ర ప్రజల ఆశీస్సులు ఉంటే చాలని జగన్  అంటున్నారు.  ►మీ అండతోనే మళ్లీ నేను సేవ చేసే అవకాశంలోకి వస్తానని ధైర్యంగా చెప్తున్నాడు.  ►నువ్వు ఎప్పుడైనా ఇలా చెప్పావా చంద్రబాబు..? ఇప్పుడు మళ్లీ వస్తే ఏదో రిపేరు చేస్తాడట. ►గతంలో ఆంధ్రా ఇప్పుడే పుట్టిన పసిపాప...నాకు అనుభవం ఉంది అంటే ప్రజలు అవకాశం ఇచ్చారు కదా.. ► అప్పుడు ఏం చేశావ్‌..నీ తాబేదార్లు, నీ సామాజిక వర్గీయులకే దోచిపెట్టావు ►జన్మభూమి కమిటీలు పెట్టి దోచుకున్నది మర్చిపోయావా చంద్రబాబూ ► ఆనాడు పింఛన్‌ రావాలంటే ఎవరు చచ్చిపోతారా అని వేచిచూడాల్సిన పరిస్థితిని మర్చిపోయావా..?  ► చంద్రబాబు తానేదో బ్రహ్మవాక్కు చెప్తున్నట్లు..దాన్నంతా రాష్ట్ర ప్రజలంతా నమ్ముతున్న ఫీలవుతున్నాడు.  ► మీరు ఎన్ని  మాట్లాడిన ఎన్ని చేసినా ఈ రాష్ట్రాన్ని ప్రతి రంగంలో కూడా 2018–19లో దానికంటే మిన్నగా తీర్చిదిద్దుతాం.  ►అట్టడుగున ఉన్న రాష్ట్రాన్ని మళ్లీ అందరూ ఏపీ వైపు చూసేటట్లు చేస్తాం.  ►పేదవానికి ఎటువంటి అవినీతి లేకుండా సంక్షేమ ఫలాలు అందాలనేది ఈ ప్రభుత్వం విధానం.  ►ఎవరెన్ని అన్నా ఇదే విదానాన్ని కొనసాగిస్తాం..దానితోనే రాబోయే కాలంలో ప్రజల్ని మెప్పిస్తాం.  ►మళ్లీ సీఎం జగన్‌ అధికారంలోకి రావడం ఖాయం.. ఖాయం.. ►చంద్రబాబు చెప్పే మాయమాటలు నమ్మెద్దు.  ప్రశ్నలు–సమాధానాలు ► రోజుకో డ్రామా సీబీఐ ఆడుతుందా..? మేము ఆడుతున్నామా..?  ► ఒకే సారి కాగితాలన్నీ పెట్టొచ్చుగా..రోజుకోకటి పెట్టడం ఎందుకు..?  ►చంద్రబాబు ఎన్ని చేసుకున్నా ప్రజలు నమ్మే దశలో లేరు.  ►జగన్‌ రెండు అంశాల్లో ప్రజలు నమ్మారు. తన తండ్రిలా జగన్‌ గారు చెప్పిన మాట నిలబెట్టుకుంటాడని నమ్మారు.  ►రెండోది ఆయన కొత్త వ్యక్తి.. ఈయనకు అధికారం ఇస్తే ఏం చేస్తాడో చూద్దాం అని అధికారం ఇచ్చారు.  ►సీఎం చెప్పింది చేశాడు.. జనం నమ్మింది సార్ధకత చేశాడు.  ► చంద్రబాబు చెప్పింది ఎపుడైనా చేశాడా..? మ్యానిఫెస్టో ఇది అని ఎప్పుడైనా చూపాడా..?  ►మ్యానిఫెస్టో నా ఖురాన్, భగవద్గీత, బైబిల్‌ అని జగన్‌  అంటున్నారు.  ►చంద్రబాబుకు అలా చెప్పే ధైర్యం ఉందా..?  ► విశాఖ రాజధాని ఎప్పుడో వచ్చేసింది..వ్యక్తులు రావడమే మిగిలింది.. అమరావతి ఏమన్నా దేవేంద్రుని నిలయమా..?: ►అమరావతి అనేది ఏమైనా బ్రహ్మపదార్ధమా.? దేవేంద్రుని నిలయమా..?  ► సామాన్యుడు, పేదవాడు ఉండటానికి వీళ్లేదా..?  ► ఊరంటే ఒకే సామాజిక వర్గం ఉండాలని రాజ్యాంగంలో ఏమైనా రాసి ఉందా..?  ► ఊరంటే అన్ని కులాలు, మతాలు, వర్గాలు కలిస్తేనే ఊరు ►అక్కడ ఇళ్ల స్థలాలు లేవు కాబట్టి వారికి ఇక్కడ ఇళ్లు కట్టించి ఇస్తున్నాం చదవండి: టీడీపీ మహానాడులో లోకేష్‌కు షాకిచ్చిన కార్యకర్త

సాక్షి, అమరావతి: చంపిన చేతుల్తోనే దండేసి దండంపెట్టడం చంద్రబాబుకే చెల్లిందని రాష్ట్ర గృహనిర్మాణ శాఖ మంత్రి జోగి రమేశ్‌ ధ్వజమెత్తారు. తాడేపల్లి వైఎస్‌ఆర్‌సీపీ కేంద్ర కార్యాలయంలో ఆయన మీడియాతో మాట్లాడుతూ.. మహానాడు పేరిట ఈరోజు రాజమండ్రిలో చంద్రబాబు వెకిలిచేష్టలు చూశాం. పిచ్చిప్రేలాపల్ని విన్నాం. మహానాడు వేదికపై ఒకపక్క ఎన్టీరామారావు విగ్రహం పెట్టి ఆయన చిత్రపటానికి దండ వేసి చంద్రబాబు దండం పెట్టారు. పాపం, ఈ రోజు ఎన్టీరామారావు ఆత్మ రాజమండ్రి మహానాడు చుట్టూ తిరుగుతూ ఉంటుంది’’ అని ఎద్దేవా చేశారు. ‘‘ఈ సందర్భంగా ఎన్టీరామారావు దేవుడ్ని ఒక వరం కోరుకుంటారు. అదేమంటే,  ‘నిండు నూరేళ్లు జీవించాల్సిన నన్ను వెన్నుపోటు పొడిచి నన్ను సమాధి చేసిన చంద్రబాబు.. నాకు దండ వేయడమేంటి..? నాకు దండం పెట్టడమేంటి..? అని.. నాకు గానీ దేవుడు మరలా ప్రాణం పోస్తే.. నన్ను కిరాతకంగా వెన్నుపోటు పొడిచి, నా నడ్డివిరిచి, నా పార్టీని లాక్కొని మానసికంగా తీవ్రంగా క్షోభపెట్టి సమాధి చేసిన చంద్రబాబును ఆ వేదిక మీదనే కొట్టికొట్టి చంపి సమాధి చేస్తాను.. అందుకు నాకు అవకాశం ఇవ్వాలని ఆయన కోరుకుంటాడు.  చంద్రబాబు ఆయన తోక నాయకులు కలసి ఎంత దిగజారిపోయారు..? రాజకీయాల్లో ఒక వ్యక్తిని రాళ్లతో, కర్రలతో, చెప్పులతో కొట్టడమేంటి..? ఆ వ్యక్తిని మానసికంగా, శారీరకంగా పతనం చేసి చంపడమేంటి..? మరలా అదే వ్యక్తి శతజయంతి ఉత్సవాల పేరిట మీరు చంపిన వ్యక్తిని.. మీ చేతులతో నిలువునా వెన్నుపోటు పొడిచి పొట్టనబెట్టుకున్న నాయకుడికే మీరు చేతులెత్తి దండం పెట్టి దండలేయాల్సిన దౌర్భాగ్యం మీకు పట్టిందా..?  మరీ ఇంత దుర్మార్గమా..? అని అడుగుతున్నాను.  ఎన్టీరామారావు పేరు, ఆయన ఫొటోలేకుండా వేదికమీద కూర్చోలేని నాయకులు వీళ్లు’’ అంటూ మంత్రి మండిపడ్డారు.  చదవండి: టీడీపీ మహానాడులో లోకేష్‌కు షాకిచ్చిన కార్యకర్త నూరేళ్ళు బతకాల్సిన నాయకుడిని సమాధి చేసి.. నూరేళ్ళు బతకాల్సిన నాయకుడ్ని 28 ఏళ్ళ క్రితమే సమాధి చేసేసి, ఆయన ఆయుర్థాయాన్ని తగ్గించి, చివరి దశలో అవమానించి, పదవి లాక్కుని, వెన్నుపోటు పొడిచి, ఒకరకంగా హత్య చేసిన తర్వాత, ఈరోజు శత పురుషుడ్ని - శక పురుషుడ్ని.. స్మరించుకుంటూ డ్రామాలు ఆడటం బహుశా ప్రపంచ చరిత్రలో ఏ పార్టీకి సాధ్యం కాదు.  ఇప్పుడు రాజమండ్రిలో నడుస్తున్నది ఒక డ్రామా- ఒక రికార్డింగ్ డ్యాన్స్ మాత్రమే తప్ప ఇందులో ప్రజా ప్రయోజనం లేదు.  - ప్రజలకు ఏం చేశారన్నది మహానాడు ఎజెండాలోనే లేదు.  - టీడీపీ మహానాడు తీర్మానాలు అంటూ 153 పేజీల మెటీరియల్ పబ్లిష్ చేశారు. చంద్రబాబు అనే చెవిటివాడి చెవిలో శ్రీకృష్ణుడు అనే ఎన్టీఆర్ శంఖం ఊదుతున్నట్టుగా మొదటి పేజీ పబ్లిష్ చేశారు.  - ఘనంగా ఎన్టీఆర్ శతజయంతి ఉత్సవాలు, ఎన్టీఆర్ కు ముందు-తర్వాత అంటూ తెలుగువారి చరిత్ర అని రాశారు, బాగుంది.  - చంద్రబాబు ముందు-తర్వాత అనే తెలుగువారి చరిత్ర చాప్టర్ మాత్రం లేదు.  - 153 పేజీల ముసాయిదా తీర్మానాల పుస్తకంలో మేము మా పరిపాలనలో ఈ మంచి చేశాం అని లేదు.  - చంద్రబాబు పేరు చెబితే.. ఈ పథకం గుర్తుకు వస్తుందని ఒక్క వాక్యం కూడా లేదు.  - 14 ఏళ్లు సీఎంగా చేసిన చంద్రబాబు వల్ల, ఒక పేద ఇంటికి పలానా మంచి జరిగిందని ఒక్క చాప్టర్ కూడా రాయలేకపోయారు. -పైగా, 2014-19 మధ్య రైతు రుణాలన్నీ మాఫీ చేసేసినట్టు, కౌలు రైతులకు కూడా రుణ మాఫీ జరిగినట్టు, పంటల బీమా ఏటా ఇచ్చినట్టు, ఇవ్వని సున్నా వడ్డీ రుణాలు ఇచ్చినట్టు, పూర్తి చేయని ప్రాజెక్టులను పూర్తి చేసేసినట్టు, పాడి పరిశ్రమ కూడా వర్థిల్లినట్టు.. రాశారు.  - నిజానికి 5 ఏళ్ళ చంద్రబాబు పాలనలో సగటును ఏడాదికి 300 మండలాల్ని కరువు మండలాలుగా ప్రకటించారు.  - అంటే రాష్ట్రంలో ఉన్న మండలాల్లో సగం.. 5 ఏళ్ళూ కరవే.  పేదల ఇళ్ళనూ అవమానించారు - ఇక, పథకాలకు సంబంధించి అమ్మ ఒడి కన్నా గొప్ప పథకాన్ని తాము ఇచ్చినట్టు, డ్వాక్రా మహిళలకు రుణాలన్నీ రద్దు చేసినట్టు, బెల్టు షాపులు లేవన్నట్టు, మద్యం ధరల్ని నియంత్రించినట్టు అందులో రాశారు.  - టీడీపీ హయాంలో ఒక్క సెంటు భూమిని కూడా ఇళ్ళ నిర్మాణానికి ఇవ్వకపోయినా, ఇచ్చేశాం అని రాశారు.  - తాను పడుకోవడానికి కూడా ఇళ్ళు సరిపోవని అచ్చెన్నాయుడు అంటే.. తన టాయిలెట్ కూడా ఇంతకంటే పెద్దదిగా ఉంటుందని లోకేశ్ అంటే.. ఈ ఇళ్ళను సమాధులతో పోల్చాడు చంద్రబాబు నాయుడు. - దిశ యాప్ వల్ల మహిళలకు కలుగుతున్న రక్షణను పక్కన పెట్టి, అలాంటి యాప్ లేకపోవడం వల్లే చంద్రబాబు- పాలన బాగుందని చెప్పారు.  - టీడీపీ హయాంలో మొత్తంగా ఇచ్చిన ప్రభుత్వ ఉద్యోగాలు, 5 ఏళ్ళలో కలిపి 30 వేలు. జగన్ గారి ప్రభుత్వంలో ఇచ్చిన శాశ్వత ప్రభుత్వ ఉద్యోగాలు 2 లక్షలు.  -టీడీపీ పాలనలో పరిశ్రమలు రాలేదు, పెట్టుబడులు లేవు.. అని తెలిసినా 6 లక్షల ఉద్యోగాలు ఇచ్చామని ఖాతా రాసుకున్నారు.  - ఇప్పుడు మరోసారి బీసీలకు డిక్లరేషన్ అని కొత్త వాగ్దానాలతో కొత్త డ్రామా మొదలు పెట్టారు.  - ఎస్సీ, ఎస్టీ, బీసీ, మైనార్టీలకు నేరుగా వారి చేతికి మీరు ఏమి అందించారు అన్న ప్రశ్నకు సమాధానం చెప్పకుండా... రూ. 2.10 లక్షల కోట్ల డీబీటీ ద్వారా జగన్ గారి పాలనలో అందిన ప్రయోజనాలతో పోలికే లేకుండా, ఎస్సీలకు న్యాయం చేసేశామని పద్దు రాసుకున్నారు.  - ఇలా మొత్తంగా చూస్తే.. పూర్తిగా డ్రామా తప్ప, పచ్చి అబద్ధాలు తప్ప.. ఈ మహనాడులో ప్రజలకు పనికొచ్చే అంశాలు ఏమీ లేవు.  చతికిలపడిన సైకిల్‌ అది తెలుగుదేశం పార్టీ ఇంకా జనాల్లో బతికే ఉందనే భ్రమల్లో చంద్రబాబు బతుకుతున్నాడు. 2019 ఎన్నికల్లోనే ఆపార్టీకి జనం సమాధి కట్టారని ఆయన తెలుసుకోవాలి. మరలా సైకిల్‌కు పూర్వవైభవం తెస్తానని బాబు రంకెలేయడం పనికిమాలిన కార్యక్రమమే.. ఆ సైకిల్‌ ఎప్పుడో చతికిలపడిందని .. పార్టీలేదు.. బొక్కా లేదంటూ స్వయంగా ఆపార్టీ సీనియర్‌ నాయకుడు అచ్చెన్న చెప్పిన సంగతిని అందరూ గుర్తెరగాలి. బాబు చెబుతున్నట్లు ఇప్పుడు ఎలక్ట్రిక్‌ సైకిల్‌ తెస్తాడంట. అది ఎక్కితే మహానాడు వేదిక నుంచి నేరుగా గోదాట్లోకి పోవడమేనని బాబు తెలుసుకోవాలి.  మేనిఫెస్టో అంటే విలువలేని నేత బాబు మేనిఫెస్టో అంటే చంద్రబాబుకు అసలు విలువుందా..? 2014కు ముందు 600 పైచిలుకు హామీలతో ప్రవేశపెట్టిన మేనిఫెస్టోలో ఒక్కటంటే ఒక్క హామీనైనా అమలు చేసి మాట నిలబెట్టుకున్నాడా..? అని నిలదీస్తున్నాను. బీసీలకు మేలు చేశానని బద్మాష్‌ బాబు శుద్ధ అబద్ధాలు ఆడుతున్నాడు. ఆదరణ, ఇతర పథకాల పేరుతో బీసీలను అడ్డం పెట్టుకుని అగ్రవర్ణాలే బాగుపడ్డారు గానీ బీసీల్ని బానిసలుగా చూసిన బాబు వాళ్ల మేలు కోసం ఏరోజూ పాటుపడలేదు. అధికారంలో ఉన్నప్పుడు బీసీల్ని పట్టించుకోని బాబు, ఎన్నికల సమయం వచ్చేసరికే బీసీల జపం చేయడం రివాజుగానే వస్తుందని నేను మరోమారు గుర్తు చేస్తున్నాను. రకరకాల మాయమాటలతో మళ్లీ బీసీల్ని బురిడీ కొట్టించడానికి బాబు ప్రయత్నం చేస్తున్నాడు. ఆయన ఎన్ని ఎత్తుగడలేసినా బీసీ సోదరులు మాత్రం టీడీపీ పక్షాన ఉండరన్నది యదార్థం. ఎందుకంటే, బీసీల తోకలు కత్తిరిస్తానన్నది ఈ మహానుభావుడేనన్న విషయం ప్రతీ ఒక్క బీసీ సోదరుడు గుర్తుకుతెచ్చుకోవాలని మనవి చేస్తున్నాను.  బీసీలే బాబును తరిమితరిమి కొడతారు ఈరోజు రాష్ట్రంలోని బీసీవర్గాలన్నీ సంఘటితమయ్యాయి. ఇన్నాళ్లకు తమను ఆదరించే నాయకుడు వచ్చాడని.. అన్నివర్గాల పెద్దన్నగా జగన్‌ గారు నిలిచారని బీసీసోదరులు నమ్మారు. కనుకనే, వైఎస్‌ఆర్‌సీపీ ఇటీవల జరిపిన జయహో బీసీ మహాసభ విజయవంతంతో చంద్రబాబు వెన్నులో వణుకుపుట్టింది. చంద్రబాబు పిచ్చి పరాకాష్టకు చేరింది. అందుకనే, పర్యటనల్లో బీసీ తమ్ముళ్లూ అంటూ రంకేలేస్తున్నాడు. ఎన్నికల సమయానికి ఓట్ల అవసరం వచ్చేసరికి ఆయన ఇప్పుడు బీసీల జపం చేస్తున్నారు. రాబోయే కాలంలో బీసీ కాలనీలకు వెళ్లి ఆత్మగౌరవం, సామాజికన్యాయం అనే పదాలు బాబు మాట్లాడితే.. ఆయన్ను బీసీలే చెప్పులు, రాళ్లు విసిరి తరిమితరిమి కొడతారని హెచ్చరిస్తున్నాను.  బీసీలకు పెద్దన్న మా జగన్‌ గారు ఈరోజు మా గౌరవ ముఖ్యమంత్రి వైఎస్‌ జగన్‌ గారి పాలనలో బీసీలు ఆత్మగౌరవంతో తల ఎత్తుకుని తిరుగుతున్నారు. బీసీలకు బాద్‌షాగా జగన్‌ గారు మాకు పదవులు, పనుల్లో పెద్దపీట వేయడం మూలానా మేమంతా సమాజంలో అత్యున్నతమైన జీవనశైలితో బతుకుతున్నాం. రాజకీయ, ఆర్థిక, సామాజికంగా ప్రతీ అంశంలో ఎస్సీ, ఎస్టీ, బీసీ, మైనార్టీ వర్గాల సంక్షేమం కోసం తపనపడుతున్న మా జగన్‌గారు మా అందరికీ మనసున్న ముఖ్యమంత్రి.  చదవండి: వివేకా కేసు: చంద్రబాబు దుర్మార్గం ఏ స్థాయికి చేరిందంటే..  ఆ పేదలే బాబుకు, టీడీపీకి రాజకీయంగా పాతరేస్తారు 2014 నుంచి 2019 వరకు చంద్రబాబు హయాంలో ఏనాడైనా ఎక్కడైనా పేదలకు సెంటు స్థలమిచ్చాడా..? టిడ్కో ఇళ్ల పేరుతో పేదల దగ్గర డబ్బులు వసూలు చేయడం నిజం కాదా.? వీటికి సమాధానం చెప్పే దమ్మూధైర్యం బాబుకు ఉందా..? అని నిలదీస్తున్నాను. రాష్ట్రంలో 30 లక్షల మందికి పైగా నిరుపేద వర్గాల మహిళాసోదరీమణుల పేరుతో ప్రభుత్వం ఇళ్లపట్టాలిచ్చి.. వారికి నిలువ నీడను ప్రసాదిస్తే,  ఈ చంద్రబాబు, అచ్చెన్నాయుడు ఇష్టానుసారంగా నోరు పారేసుకుంటున్నారు. ప్రభుత్వమిచ్చే ఇళ్ళ స్ఠలాల భూములను సమాధులతో పోలుస్తారా..? అందుకే, నేను ఇప్పుడు ఒక విషయం చెబుతున్నాను. ఈరోజు పేదవర్గాల కుటుంబాలకు ప్రభుత్వం నిర్మించి ఇచ్చే ఇళ్ల పునాదుల్లోనే చంద్రబాబుకు, ఆయన పార్టీ టీడీపీకి సమాధి ఖాయమని హెచ్చరిస్తున్నాను. తమకు ఇళ్లు రాకుండా ఇన్నాళ్లూ రకరకాల కారణాలతో జాప్యం చేసిన చంద్రబాబు కుట్ర కుతంత్రాలన్నీ ఎస్సీ, ఎస్టీ, బీసీ, మైనార్టీ వర్గాలంతా తెలుసుకున్నారు. రేపటి ఎన్నికల్లో వారంతా కలసి చంద్రబాబు, ఆయన పార్టీ టీడీపీపై కసిదీర్చుకునేందుకు సిద్ధంగా ఉన్నారు.  బాబును నమ్మితే నట్టేటా మునిగినట్టే.. బాబుకు నిలువెల్లా విషమే ఉంటుంది. ఆయన నయవంచన రాజకీయం ఇక చెల్లదు. చంద్రబాబును నమ్ముకుంటే ఎవరైనా నట్టేటా మునిగినట్టే. ఆయన్ను నమ్ముకున్న నాయకులు గానీ, కార్యకర్తలు గానీ ఎన్టీఆర్‌ గారు మాదిరిగానే పైలోకాలుకు వెళ్లడం ఖాయం అని హెచ్చరిస్తున్నాను.  చంద్రబాబు అనే వ్యక్తి ఒక రియల్‌ఎస్టేట్‌ బ్రోకర్‌. అమరావతి రాజధాని పేరిట 33 వేల ఎకరాలకు ఒక వలయం పెట్టి పెత్తందారీ రాజ్యానికి చంద్రబాబు కాపలా ఉండి రియల్‌ ఎస్టేట్‌ బ్రోకర్‌గా పనిచేస్తున్నాడు.  - పేదలకు ప్రభుత్వం ఇళ్ల స్థలాలు ఇస్తుంటే చంద్రబాబు అహంకార మనస్తత్త్వాన్ని రాష్ట్ర ప్రజలంతా గమనించారు. న్యాయస్థానాలు పేదల పక్షాన ఉన్నాయి కాబట్టి.. మా పక్షాన వైఎస్‌ జగన్‌మోహన్‌రెడ్డి వంటి ధీరోధాత్తుడు నిలబడ్డారు కాబట్టి  ఎస్సీ, ఎస్టీ, బీసీ, మైనార్టీవర్గాలైన పేదలే విజయం సాధించారు. నిన్న పండుగ వాతావరణంలో లబ్ధిదారులకు ఇళ్ల పట్టాల్ని పంపిణీ చేశాం. ఈరోజు ఎస్సీ, ఎస్టీ, బీసీ, మైనార్టీవర్గాలైన పేదలంతా వైఎస్‌ఆర్‌సీపీకి అండగా ఉండి ఎన్నికలు ఎప్పుడొచ్చినా 175 కి 175 స్థానాల్లో గెలిపించేందుకు సిద్ధంగా ఉన్నారు.

సాక్షి, తాడేపల్లి: మహానాడు చంద్రబాబు ఆత్మస్తుతి, పరనిందలాగే జరుగుతోందని మాజీ మంత్రి పేర్ని నాని విమర్శించారు. వయసు మీద పడిన చంద్రబాబుకు ఏం మాట్లాడుతున్నారో అర్థం కావటం లేదని, కార్యకర్తలకు సుత్తి కబుర్లు చెబుతున్నాడని దుయ్యబట్టారు. సైకిల్‌ గుర్తు ఎన్టీఆర్‌ సృష్టి అని, ఎన్టీఆర్‌ పార్టీ పెట్టినప్పుడు చంద్రబాబు హస్తం గుర్తు కింద ఉన్నాడని గుర్తు చేశారు. వైఎస్‌ జగన్‌ ధనిక సీఎం అంటూ తప్పుడు ప్రచారం చేస్తున్నారని, జగన్‌పై బురద జల్లేందుకు ప్రయత్నిస్తున్నారని ఆగ్రహం వ్యక్తం చేశారు. ఎన్టీఆర్‌ దగ్గర దొంగలించిన సైకిల్‌ సైకిల్‌ గుర్తు ఎన్టీఆర్‌ సృష్టి అని బాబు చెబుతున్నాడు. దాంట్లో పేదవాడికి గుర్తుగా పూరిల్లు. రైతుకు గుర్తుగా నాగలి. యంత్రానికి గుర్తుగా చక్రం ఉందని బాబు ఈరోజు చెప్పినట్లు అది వందకు వందశాతం నిజమే. చంద్రబాబు జీవితంలో చెప్పిన ఏకైక నిజం ఇదే. మరి, టీడీపీ గుర్తును ఎన్టీఆర్‌ సృష్టించినప్పుడు చంద్రబాబు ఎక్కడున్నాడు..? హస్తం గుర్తు కింద కాంగ్రెస్‌ జెండా చుట్టుకుని ఉన్నాడు. అప్పట్లో రామారావును పొడిచేస్తానంటూ ప్రగల్భాలు పలికి సవాళ్లు విసురుకుంటూ కాంగ్రెస్‌ గూట్లో ఉన్నాడు.  లక్ష్మీపార్వతి గారిని అడ్డంపెట్టుకుని  రామోజీరావుతో కలిసి కుట్రలు, కుతంత్రాలు పన్నిన చంద్రబాబు తన స్వహస్తాలతో ఎన్టీఆర్‌ను వెన్నుపోటు పొడిచాడు. ఈక్రమంలోనే ఎన్టీఆర్‌ స్థాపించిన టీడీపీ పార్టీని, ఆయన సృష్టించిన పార్టీ సైకిల్‌ గుర్తును లాగేసుకున్న నీచుడు ఈ చంద్రబాబు. వెన్నుపోటు పొడిచిన చేతులతోనే ఎన్టీఆర్‌ చిత్రపటానికి దండవేసి దండం పెట్టడానికి కూడా సిగ్గుపడకుండా ఉన్న చరిత్ర చంద్రబాబుకే చెల్లింది.  చంద్రబాబు ఆస్తి రూ.1000 కోట్లు.. రాష్ట్రంలో ధనిక ముఖ్యమంత్రి జగన్‌ గారు అంటూ చంద్రబాబు తప్పుడు మాట మాట్లాడుతున్నారు. జగన్‌గారు డిక్లేర్‌ చేసిన ఆయన కుటుంబ ఆస్తి రూ.510 కోట్లు కాగా, ఈ దొంగ మాటలు మాట్లాడే చంద్రబాబు కుటుంబ సభ్యుల ఆస్తి మొత్తం రూ.1000(వెయ్యి) కోట్లు ఉంది. ఇదేదో మేం గాల్లో చెబుతున్న లెక్కలు కాదు. ఆయన ఎన్నికల డిక్లరేషన్, ఆయన కుటుంబ సభ్యుల ఐటీ రిటర్న్‌ల అధికారిక లెక్కలనే చెబుతున్నాం. బాబు, ఆయన భార్య, కొడుకు, కోడలు, మనువడి పేర్లతో ఉన్న ఆస్తులన్నీ కలిపి అంతస్థాయిలో ఉంటే.. ఈరోజు జగన్‌గారిపై తప్పుడు మాటలు మాట్లాడి బురదజల్లే రాజకీయం బాబుకు తగదని మేం హితవు చెబుతున్నాం.  రెండెకరాల నుంచి రూ.1000 కోట్లు ఎలా గడించావు చంద్రబాబు ఒక విషయంపై నిజాయితీగా మాట్లాడాలి. అదేమంటే,  కర్జూరనాయుడు గారు, అమ్మణ్ణమ్మ కలిసి బాబుకు ఇచ్చిన ఆస్తి ఎంత..? మేం ఈ సందర్భంలో కిస్‌మిస్‌ నాయుడు గురించి మాట్లడటం లేదు. బాబు తల్లిదండ్రులు ఇచ్చిన ఆస్తి ఎంత..? కేవలం రెండు ఎకరాల ఆస్తితో బయల్దేరి ఈరోజు రూ.1000 కోట్లదాకా ఎదిగావు కదా..? మరి, నువ్వేదో పక్కా నిఖార్సైన నీతిమంతుడైన రాజకీయనేతగా చెప్పుకుంటావా బాబూ..? అసలు, నువ్వు ఏం వ్యాపారం చేశావు.? 1992లో హెరిటేజ్‌ కంపెనీ రిజిస్ట్రర్‌ చేసి 1995–96లో హెరిటేజ్‌ ఫ్యాక్టరీ నిర్మాణం చేసేవరకు కూడా నువ్వేం వ్యాపారాలు చేశావు చంద్రబాబు..? సమాధానం చెప్పు.  హెరిటేజ్‌ కంపెనీ అనేదాన్ని నువ్వు ముఖ్యమంత్రి అయ్యేముందు ఏర్పాటు చేసి.. దాంట్లో పార్టనర్లుగా ఉన్న మోహన్‌బాబు లాంటి అనేకమందిని బయటకు సాగనంపావు కదా..? ఫ్యాక్టరీ ఏర్పాటు సమయంలో ముందుకు సాగని హెరిటేజ్‌ కంపెనీ బాబు ముఖ్యమంత్రి అయ్యాకనే ఎందుకు పరిగెత్తింది అనే విషయాన్ని ఆయన చెప్పగలడా..? ఈరోజు వేరేవాళ్లకు హెరిటేజ్‌ను ఎందుకు అంటగట్టాడు.. ఆయన ఇంట్లో వాళ్లు జీతాల కింద ఎంత తీసుకుంటున్నారు..? ఇందులో రహస్యమేంటి..? బాబు తప్పుడు పనులు, ప్రభుత్వ డైరీలను నిర్వీర్యం చేయడం అందరికీ తెలుసు కదా..? ఇవన్నీ బాబు దాస్తే దాగేవి కాదు.   రూ.2.10 లక్షల కోట్లు డీబీటీ ద్వారా ఇస్తే.. అవినీతికి తావెక్కడ..? చంద్రబాబు నోటివెంట వచ్చే ప్రతీ మాట అబద్ధమే. ఈ రాష్ట్రంలో రూ.2 లక్షల కోట్లు అవినీతి జరిగిందని ఆయన చెప్పడానికి నోరెలా వస్తుంది..? అసలు, రూ.2లక్షల చిల్లరగా ఉన్న ఈ రాష్ట్ర బడ్జెట్‌లో జీతాలకింద, అప్పులకు చెల్లిస్తున్న వడ్డీలు చంద్రబాబుకు తెలియవా..?.  గౌరవ ముఖ్యమంత్రి శ్రీ వైఎస్‌ జగన్‌గారు నవరత్నాల కింద ఎస్సీ, ఎస్టీ, బీసీ, మైనార్టీ, అగ్రవర్ణ పేదలకు పథకాల ద్వారా డీబీటీ కింద పైసా లంచం లేకుండా నేరుగా ఇప్పటి వరకు జమ చేసిన మొత్తం అక్షరాలా రూ.2.10 లక్షల కోట్లు కాగా, ఎక్కడ అవినీతి జరిగిందని ఈరోజు చంద్రబాబు రంకెలేస్తున్నాడు..? ఆయన నోట్లో నుంచి మాటల్ని నిరూపించుకునే దమ్ముందా..? అని బాబును అడుగుతున్నాను. తప్పుడు మాటలతో, అసత్యప్రచారాన్ని పదిమార్లు చెబితే ప్రజల్ని నమ్మించవచ్చనే చంద్రబాబు దొంగ తెలివితేటలను ప్రజలంతా గమనిస్తూనే ఉన్నారు.  ఆషాడభూతి, నయవంచక శకుని వేషధారి చంద్రబాబే ఓట్లు అవసరం రాగానే జనం దగ్గర వేషాలేసే సంస్కృతి ఒక్క చంద్రబాబుకే ఉందనేది జగమెరిగిన సత్యం. ఎన్టీ రామారావు గారి దగ్గర ఆషాడభూతి వేషం వేసిందే చంద్రబాబు. ఆయనకు వెన్నుపోటు పొడిచి నయవంచకుడి వేషం వేసింది ఇదే చంద్రబాబు కాదా..? ఎన్టీఆర్‌ కుటుంబంలో చిచ్చుపెట్టి ముక్కలు ముక్కలు చేసిన శకుని పాత్రధారి ఎవరు..? చంద్రబాబే కదా..? రాజకీయాల్లో అందర్నీ వాడుకుని వదిలేసే తప్పుడు రాజకీయనేత వేషం కూడా చంద్రబాబుదే. ఎన్నికలు రాగానే ఓట్ల కోసం ప్రజల ముందు నక్కవినయాలు ప్రదర్శించే గుంటనక్క ఈ చంద్రబాబు. ఎండమావుల్లాంటి ఆశల్ని ఎరవేసి ఎన్నికల ముందు కార్యకర్తలే దేవుళ్లని.. ఎన్నికల తర్వాత వాళ్ల మొఖం చూడని తప్పుడు నాయకుడు చంద్రబాబు అని ఎవర్ని అడిగినా చెబుతారు.  14 ఏళ్లు సీఎంగా ఉండి ఎంతమంది పేదల్ని కోటీశ్వరుల్ని చేశావ్ అధికారమే పరమావధిగా ప్రజల్ని మోసం చేయడమే లక్ష్యంగా పనిచేయడం చంద్రబాబుకు వెన్నతో పెట్టిన విద్య అని చెప్పుకోవచ్చు. 2024 ఎన్నికల్లో బాబుకు అధికారం ఇస్తే పేదల్ని కోటీశ్వరులుగా మారుస్తానంటూ ఈరోజు కొత్తపలుకులు పలుకుతున్నాడు. ఈ సందర్భంగా నేనొక ప్రశ్న వేస్తున్నాను. బాబు సమాధానమివ్వాలి. 1996 నుంచి 2004 దాకా బాబు అధికారంలో ఉన్నప్పుడు.. 2014 నుంచి 2019 వరకు ముఖ్యమంత్రిగా ఉన్నప్పుడు ఈ రాష్ట్రంలో ఎంతమంది పేదవారిని కోటీశ్వరులుగా మార్చారో.. సమాధానం చెప్పండి..? అని నిలదీస్తున్నాను. సాంకేతికంగా బాబు పెద్ద తురుంఖాన్‌ అని చెబుతున్నాడు కదా..? మరి, ఎంతమంది నిరుపేదల్ని ఆయన అధికారంలో ఉన్నప్పుడు కోటీశ్వరుల్ని చేశాడో జాబితా ప్రింట్‌ తీసి చూపించమని అడుగుతున్నాను.  చదవండి: టీడీపీ చేస్తోంది మహానాడు కాదు.. మాయనాడు: ఆర్కే రోజా మళ్లీ అధికారం కోరడానికి సిగ్గులేదా బాబూ..? నువ్వు అధికారంలో ఉన్నప్పుడు చేయలేని పనిని రేపు అధికారం ఇస్తే చేస్తాననే మాట అనడానికి సిగ్గులేదా బాబూ..? మరి, నీహయాంలో పేదలు పేదలుగానే మిగిలారు తప్ప వాళ్లేవరూ కోటీశ్వరులు కాలేదు కదా..? అలాంటప్పుడు ఇంకా నీకు 2024లో పేదవర్గాల ఓటర్లు టీడీపీకి ఓట్లేసి నిన్ను ఎందుకు గెలిపించాలని నిలదీస్తున్నాను. అసలు బాబును ఎందుకు నమ్మాలి..? పేదల గురించి ఏ ఒక్క క్షణం ఆలోచించని ఆయన్ను రాజకీయాల్లో నుంచే పక్కనబెట్టాలని పేదవర్గాలు ఆలోచన చేయడంలో తప్పేం లేదుకదా..? అని చెబుతున్నాను.  బాబు బతుకంతా తప్పుడు లెక్కలే మాట్లాడితే.. సంపద సృష్టించాను అని బాబు అంటాడు. ఇప్పటివరకు ఈ రాష్ట్రంలో బాబు సృష్టించిన సంపద ఎంత..? ఇచ్చాపురం నుంచి తడ దాకా అటు కర్నూలు నుంచి ఇటు బందరు దాకా బాబు అధికారంలో ఉన్నప్పుడు సృష్టించిన సంపద ఏంటని అడుగుతున్నాను. సమాధానం చెప్పగలరా..? 2014 నుంచి 2019 వరకు రాష్ట్ర ఆర్థిక పరిమితికి మించి రూ.26వేల కోట్లు మీ తప్పుడు లెక్కలతో అప్పులు చేసిన మాట వాస్తవం కాదా..? ఈ సత్యాన్ని మీ మంత్రి యనమల అప్పట్లో పబ్లిక్‌గానే చెప్పినసంగతి మరిచి పోయారా..? అని గుర్తుచేస్తున్నాను. జగన్‌ గారు సీఎం కాగానే, ప్రభుత్వ ఖజానాలో కేవలం రూ.100 కోట్లు మాత్రమే ఉన్నాయంటూ.. జీతాలిచ్చే పరిస్థితి కూడా లేదంటూ అప్పట్లో మీ రామోజీరావు తన ఈనాడు పత్రికలో రాసుకున్నది నిజం కాదా..? ఇదేకదా బాబు సృష్టించిన తప్పుడు సంపద అని వివరిస్తున్నాను.  చంద్రబాబు 2019లో అధికారంలో నుంచి దిగేటప్పటికీ కాంట్రాక్టర్‌లకు బిల్లుల కింద చెల్లించాల్సినవి సుమారు రూ.40 వేల కోట్లు పైగానే ఉన్నాయి. ఆరోగ్యశ్రీ కింద రూ.650 కోట్లు చెల్లించాల్సిన పరిస్థితి. రైతుల దగ్గర్నుంచి విత్తన సేకరణకు గానీ, వారికి అందించే ఇన్‌ఫుట్‌ సబ్సిడీ గానీ, ధాన్యం కొనుగోలు చేసిన దానికి రైతులకు చెల్లించాల్సినవి, వారికి ఉచితంగా అందించే పవర్‌ సబ్సిడీ .. ఇవన్నీ కలిపితే మొత్తం వేల కోట్లు బకాయిలు పెట్టి చంద్రబాబు దిగిపోయాడు. ఇది అనేక తప్పుడు విధానాలతో తప్పుడు పనులు చేసిన చంద్రబాబు బకాయిల బాగోతం. మరి ఆయన సృష్టించిన సంపద ఎక్కడ..? అని అడుగుతున్నాం. సమాధానం చెప్పే దమ్ముందా బాబూ..? జగన్‌ గారు ముఖ్యమంత్రి కాగానే ఆయనకు కనిపించిన బాబు తప్పుల అప్పుల కుప్పంతా రామోజీరావునే స్వయంగా వారి ఈనాడు పత్రికలో రాసుకున్నారు.  బాబుమార్కు పథకం ఒక్కటైనా ఉందా..? పద్నాలుగేళ్ల ముఖ్యమంత్రిగా ఉండి ప్రజలు గుర్తుంచుకోదగ్గ ఏ ఒక్క పథకాన్నైనా చంద్రబాబు అమలు చేశాడా..? అని ప్రశ్నిస్తున్నాను. బాబుకు- ఎన్టీఆర్, వైఎస్‌ఆర్, జగన్‌గారి పాలనలకు నక్కకు నాకలోకానికి ఉన్నంత తేడా ఉంటుంది. కిలో రూ.2 బియ్యం పథకం ఎన్టీఆర్‌ తెస్తే.. ఆరోగ్యశ్రీ, ఫీజురీయింబర్స్‌మెంట్, ఉచిత విద్యుత్, 108 అంబులెన్స్‌లను  డ్వాక్రామహిళలకే పావలావడ్డీకే రుణాలు, శాచురేషన్‌ విధానంలో పింఛన్లు, ముస్లీంలకు 4శాతం రిజర్వేషన్‌ ప్రవేశపెట్టింది మహానేత వైఎస్‌ రాజశేఖరెడ్డి కాగా, అమ్మ ఒడి, 31 లక్షల మందికి ఇళ్లపట్టాలు, సచివాలయ వ్యవస్థ, రైతుభరోసాకేంద్రాలు తదితర నవరత్నాల పథకాలతో ఈరోజు జనరంజక పాలన అందజేస్తున్న జగన్‌గారు ప్రజలకు గుర్తుకువస్తుంటే.. బాబు పథకాల్లో ఏ ఒక్కటైనా జనానికి గుర్తుందా..? అని ప్రశ్నిస్తున్నాను. కాపులకు రిజర్వేషన్, మత్య్సకారులు, బోయ, రజకుల్ని ఎస్సీల్లో చేరుస్తాననే అబద్ధపు హామిలిచ్చి మొండిచేయి చూపిన నీచుడు ఈ చంద్రబాబు.     చదవండి: ‘సిగ్గు శరంలేని వ్యక్తి ఎవరైనా ఉన్నారంటే అది చంద్రబాబే’   తప్పుదోవలో సీబీఐ విచారణ: సీబీఐలో పనిచేస్తున్న కీలకమైన అధికారులు కొందరు రహస్య వ్యక్తుల ద్వారా ప్రేరేపించబడి ఉద్దేశపూర్వకంగా తప్పుదోవలో విచారణ చేస్తున్నారని మేం ముందునుంచి చెబుతూనే వస్తున్నాం. ఇవాళ హైకోర్టు బెంచి మీద నుంచి జడ్జి గారు కూడా ఇవే సీబీఐని ప్రశ్నించారు. సీబీఐ అధికారి ఎవరైతే ఉన్నారో.. ఆయన గుడ్డలూడదీసేలా జడ్జిగారు ప్రశ్నించిన సంగతి అందరం చూశాం కదా..? సీబీఐ ఏవిధంగా తప్పుడు దర్యాప్తు చేస్తున్నారో.. ఉద్దేశపూర్వకంగా ఎంపీ అవినాశ్‌ గారిని, జగన్‌ గారిని టార్గెట్‌ చేసి బురదజల్లే కుట్రగా సమాజానికి అర్ధమయ్యేటట్లు ఈరోజు హైకోర్టు చెప్పింది. సీబీఐలో ఉన్న ఒక కీలక అధికారి, వ్యవస్థల్ని మేనేజ్‌ చేయడంలో సిద్ధహస్తుడైన చంద్రబాబు ఎత్తుగడల్లో భాగంగానే ఆయనతో చేతులు కలిపి జగన్‌ గారిపై రాజకీయంగా కక్షసాధింపు తీర్చుకుంటున్నారనే అనుమానాలు కలుగుతున్నాయి. ఇదే సంగతిని సమాజానికి కూడా మేం తెలియజేస్తున్నాం.   నౌ ఆర్‌ నెవర్‌ బాబుకు అధికారం రాదు చంద్రబాబు ఎన్ని పిల్లిమొగలేసినా ఆయనకు ఇక ఈ రాష్ట్ర ముఖ్యమంత్రిగా అధికారం అనేది రాదు రాదు. ఇది రాసిపెట్టుకోవాల్సిన వాస్తవం. 2019 ఎన్నికలతోనే ప్రజలు ఆయన రాజకీయ సమాధిని పేర్చారు. కనుక, ఆయన భ్రమల్లో బతకడమే గానీ ఎన్ని ఆసనాలు వేసినా... అధికారంలోకి రావడం కలేనని బాబు ఒప్పుకోవాల్సిందే.

సాక్షి, అమరావతి: టీడీపీ చేస్తోంది మహానాడు కాదు.. మాయనాడని మంత్రి ఆర్కే రోజా ఎద్దేవా చేశారు. ఎన్టీఆర్‌పై చెప్పులేసినందుకు క్షమాపణ కోరుతూ తీర్మానం చెయ్యాలన్నారు. చంద్రబాబు మేనిఫెస్టోలు ఎన్ని ప్రకటించిన ప్రజలు నమ్మరని.. గత మేనిఫెస్టోలో ఎన్ని హామీలు అమలు చేశారో ముందు చెప్పాలన్నారు. సీఎం జగన్‌పై విమర్శలు చేయడానికే మహానాడు పెట్టినట్టున్నారని వ్యాఖ్యానించారు. 175 నియోజకవర్గాల్లో ఎక్కడికైనా అచ్చెన్నాయుడు వస్తే పేదల ఇళ్లు ఎలా కడుతున్నారో చూపిస్తామని స్పష్టం చేశారు. మహానాడు ప్రసంగంతో చంద్రబాబు అసహనం బయటపడిందన్నారు. అమ్మ ఒడి లాంటి ఒక్క పథకమైన చంద్రబాబు పేద పిల్లల కోసం తీసుకొచ్చాడా అంటూ మండిపడ్డారు. ఎన్టీఆర్ కుటుంబం ఫోటో ఒక్కటైన మహానాడు ప్రకటనలో ఉందా అని ప్రశ్నించారు. చదవండి: ‘సిగ్గు శరంలేని వ్యక్తి ఎవరైనా ఉన్నారంటే అది చంద్రబాబే’

బాదుడే బాదుడు కార్యక్రమం పేరుతో పొందూరు మండలం దళ్లవలసకు టీడీపీ అధ్యక్షుడు నారా చంద్రబాబునాయుడు హాజరైన దృశ్యమిది. పార్టీకి మంచి ఊపు వచ్చిందని.. జనాలంతా టీడీపీవైపే ఉన్నారంటూ చంద్రబాబు హడావుడి చేసిన సందర్భమిది. కానీ, అప్పట్లో ఆ సభకు జనాల్లేక కుర్చీలు వెలవెలబోయాయి. ప్రాంగణమంతా ఖాళీ కుర్చీలతో దర్శనమిచ్చింది. సాక్షాత్తు చంద్రబాబు హాజరైన సభకొచ్చిన దుస్థితి ఇది. సాక్షి ప్రతినిధి, శ్రీకాకుళం : అటు చంద్రబాబు హాజరైన సభ, ఇటు టీడీపీ జిల్లా కేడర్‌ అంతా ప్రతిష్టాత్మకంగా తీసుకున్న మినీ మహానాడు సభ చూస్తే టీడీపీకి అంత సీన్‌ లేదని స్పష్టమవుతోంది. తమకు వాపు తప్ప బలం లేదనే విషయం టీడీపీ కేడర్‌కు, ఆ పార్టీ శ్రేణులకు బోధపడుతోంది. బయట ఎంత హంగామా, హడావుడి చేసినా.. జనాల్లోనే కాదు టీడీపీ సానుభూతి పరుల్లో కూడా ఆదరణ లేదని విషయం అర్థమయ్యేలా గత ఏడాది చంద్రబాబు సభ, ఈ ఏడాది మినీ మహానాడు సభ తేటతెల్లం చేసింది. నమ్మినోళ్లను మోసగించడమే తప్ప చేసేందేమీ లేకపోవడం వల్ల ఈ పరిస్థితి దాపురించిందనే వాదన జిల్లా వ్యాప్తంగా వినిపిస్తోంది. ఎందుకీ పరిస్థితి..? ఓట్లేసిన ప్రజల్నే కాదు పార్టీని నమ్ముకుని పనిచేసే నాయకులకు కూడా విలువ లేకపోవడంతోనే టీడీపీకి ఈ దుస్థితి అని ఆ పార్టీ శ్రేణులే పెదవి విరుస్తున్నాయి. అధికారంలో ఉన్నంత సేపు ప్రజల్ని మోసగించాం, కష్టపడి పనిచేసే కేడర్‌ను నియంతృత్వ పోకడతో ఇబ్బంది పెడుతున్నాం, ఇక సభలకు, సమావేశాలకు జనాలు, పార్టీ శ్రేణులు ఎందుకొస్తారు, ఎవరు తీసుకొస్తారనే వాదన ఆ పార్టీలోనే మొదలైంది. వాస్తవంగా టీడీపీ మినీ మహానాడును భారీ జన సమీకరణతో నిర్వహించాలని జిల్లా నాయకత్వం భావించింది. అందుకు తగ్గ సన్నాహాక సమావేశాలు కూడా నిర్వహించుకుంది. ఎవరెవరు ఎక్కడెక్కడ నుంచి ఎంతమందిని తీసుకురావాలి అనేదానిపై ప్లాన్‌ చేసుకున్నారు. కానీ, వారి వ్యూహాలు బెడిసికొట్టాయి. ప్రజలే కాదు టీడీపీ సానుభూతి పరులు కూడా ఆసక్తి చూపలేదు. మినీ మహానాడుకు ముఖం చాటేశారు. ప్రజల నుంచి స్పందన లేకపోవడం వల్లే ఈ పరిస్థితి ఏర్పడిందని టీడీపీ శ్రేణులు విశ్లేషించుకుంటున్నాయి. ఎన్ని ఏర్పాట్లు చేసినా, ఎంత హడావుడి చేసినా స్పందన లేకపోవడం చూసి ఇంతవరకు తమకున్నది వాపే తప్ప బలుపు కాదనే విషయం స్పష్టమవుతోందని పలువురు చర్చించుకున్న పరిస్థితి కన్పించింది. గొండు, మామిడిలకు అవమానం శ్రీకాకుళం, పాతపట్నం, ఎచ్చెర్ల నియోజకవర్గాల నుంచి టికెట్‌ రేసులో ఉన్న గొండు శంకర్‌, మామిడి గోవిందరావు, కలిశెట్టి అప్పలనాయుడే ప్రస్తుతం పార్టీలో యాక్టివ్‌గా పనిచేస్తున్నారు. తమకు టిక్కెట్‌ వస్తుందన్న ఆశతో భారీగా ఖర్చు పెట్టి కార్యక్రమాలు నిర్వహిస్తున్నారు. కానీ, పార్టీ అధిష్టానం గానీ, జిల్లా నాయకత్వం గానీ గుర్తించడం లేదు. అయినప్పటికీ ఏదో ఒక రోజున పార్టీ గుర్తించక మానదా అని లక్షలు ఖర్చు పెట్టి, పార్టీ ఫండ్‌ కింద లక్షలాది రూపాయలిచ్చి ప్రజల్లో ఉంటున్నారు. ఎంతో కొంతమందిని తమవైపు తిప్పుకుని పార్టీ కార్యక్రమాలను నిర్వహిస్తున్నారు. వీరిని కూడా జిల్లా నాయకత్వంతో పాటు అధిష్టానం తరచూ అవమానాలకు గురి చేస్తోంది. కరివేపాకులా గొండు శంకర్‌ను శ్రీకాకుళం నియోజకవర్గంలో తీసిపారేస్తుండగా, పాతపట్నంలో యూజ్‌ అండ్‌ త్రో మాదిరిగా పార్టీ కోసం ఖర్చు పెట్టించుకుని మామిడి గోవిందరావును వదిలేస్తున్నారు. ఇక, ఎచ్చెర్లలో కలిశెట్టి అప్పలనాయుడు పరిస్థితి చెప్పనక్కర్లేదు. కాకపోతే, కాశీకి వెళ్లడం వలన కలిశెట్టి అప్పలనాయుడు బుధవారం మినీ మహానాడుకు హాజరు కాలేదు. అదే ఆయనకు అదృష్టమని చెప్పాలి. లేదంటే తీవ్ర అవమానానికి గురయ్యేవారేమో!. వేదికపైకి పిలవరా..? టీడీపీ కార్యాలయంలో నిర్వహించిన మినీ మహానాడుకు అశోక్‌ గజపతిరాజు, యనమల రామకృష్ణుడు తదితర కీలక నేతలు రావడంతో తమ బలం చూపించి, అధిష్టానం మెప్పు పొందుదామని భావించిన గొండు శంకర్‌కు, మామిడి గోవిందరావుకు తీవ్ర అవమానమే ఎదురైంది. కార్యక్రమం కోసం భారీగా ప్లెక్సీలను దారి పొడవునా ఏర్పాటు చేశారు. అంతేకాకుండా తమ బలం చూపుకునేందుకు శాయశక్తులా ప్రయత్నించి తమ వెంట వచ్చిన జనాన్ని తీసుకొచ్చారు. కానీ, జిల్లా నాయకత్వం వీరిని కనీసం గుర్తించలేదు. పెద్ద ఎత్తున డబ్బులు ఖర్చు పెట్టి, కార్లతో శ్రేణులను తీసుకొచ్చిన గొండు శంకర్‌ను, మామిడి గోవిందరావును వేదికపైకి పిలవలేదు. కిందనే కూర్చోమని హుకుం జారీ చేశారు. దీంతో గొండు శంకర్‌, మామిడి గోవింద వెంట వచ్చిన టీడీపీ శ్రేణులు ఒక్కసారి షాక్‌కు గురయ్యారు. పార్టీ కోసం కష్టపడుతున్న నాయకులను వాడుకుని వదిలేస్తారా? అని ఒక్కసారిగా వారి అనుచరులు అంతా అక్కడి నుంచి వెళ్లిపోయారు. వచ్చిన కొద్దిపాటి కార్యకర్తలు కూడా వెళ్లిపోవడంతో మినీ మహానాడు సభా ప్రాంగణమంతా ఖాళీ కుర్చీలతో బోసిపోయింది. గొండు శంకర్‌కు, మామిడి గోవిందరావుకే కాకుండా టీడీపీకి అవమానకరంగా సభ సాగింది. టీడీపీ శక్తియుక్తులన్నీ ఉపయోగించి, జిల్లా పార్టీ కార్యాలయంలో నిర్వహించిన టీడీపీ మినీ మహానాడు సభ ఇది. టీడీపీ పెద్దలంతా హాజరైన సభకు భారీగా జన సమీకరణ చేశారు. జనం అదే ట్రీట్‌మెంట్‌ ఇచ్చారు. అధికారంలో ఉండగా మేలు చేయని పార్టీ...మళ్లీ ఏదో చేస్తుందని ఎలా నమ్మగలమంటూ ప్రజలే కాదు ఆ పార్టీ శ్రేణులు కూడా మొఖం చాటేశాయి. దీంతో కుర్చీలన్నీ ఖాళీగా వెలవెలబోయాయి. జనం లేక చాలాసేపు సభను ప్రారంభించలేని పరిస్థితిని టీడీపీ ఎదుర్కొంది.

సాక్షి, కృష్ణా జిల్లా: నా చిన్నప్పటి నుంచి గుడివాడలో నన్ను ఓడిస్తానని చంద్రబాబు సవాళ్లు విసురుతూనే ఉన్నాడని మాజీ మంత్రి కొడాలి నాని ఎద్దేవా చేశారు. చంద్రబాబు, లోకేష్‌ కలిసొచ్చినా తనను ఏమీ చేయలేరని అన్నారు. సొంత కొడుకునే గెలిపించలేని అసమర్థుడు చంద్రబాబు అన్నారు. తాను పుట్టిన సొంత నియోజకవర్గంలోనే పార్టీని గెలిపించలేని పనికిమాలిన నాయకుడు చంద్రబాబు అంటూ కొడాలి నాని ఫైర్‌ అయ్యారు. ఈ మేరకు సాక్షి టీవీతో మాజీ మంత్రి కొడాలి నాని మాట్లాడుతూ.. 'ఎన్టీఆర్‌కు, టీడీపీకి సంబంధం లేదని ఎన్నికల సంఘానికి చంద్రబాబు లేఖ రాసిన విషయం వాస్తవం కాదా?. ఎన్టీఆర్ నుంచి పార్టీ గుర్తును లాక్కుని వెన్నుపోటు పొడిచిన వ్యక్తి చంద్రబాబు. ఎన్టీఆర్ ఏ పార్టీకి చెందిన వ్యక్తి కాదు.. ప్రజా నాయకుడు. బొమ్ములూరులో ఎన్టీఆర్ విగ్రహాన్ని పెట్టింది నేనే. విగ్రహం శిలాఫలకంపై నాపేరు వాళ్లకి కనిపించలేదా. ఎన్టీఆర్ విగ్రహాన్ని ఎవరైనా ఎక్కడైనా పెట్టుకోవచ్చు. ఎన్టీఆర్ విగ్రహానికి గోల్డ్ రంగు ఉంటుంది. ఎన్టీఆర్ విగ్రహానికి ఏ రంగు లైనా వేసుకోవచ్చు' అని కొడాలి నాని పేర్కొన్నారు.  చిన్న కర్మ చేసిన తర్వాత పెద్ద కర్మ గుడివాడలో రేపటి టీడీపీ మినీ మహానాడు రద్దుపై కొడాలి నాని సెటైర్స్‌ వేశారు. 'చంద్రబాబుకు ప్రకృతి కూడా సహకరించదు. ఎవరైనా చిన్న కర్మ చేసిన తర్వాత పెద్ద కర్మ చేస్తారు. మహానాడు తర్వాత మినీ మహానాడు చేయడం చంద్రబాబు తెలివి తక్కువ తనానికి నిదర్శనం. చంద్రబాబు సాంప్రదాయాలు పాటించడం తెలుసుకోవాలని కొడాలి నాని సూచించారు. చదవండి: (Kodali Nani: దత్త పుత్రుడిని, సొంత పుత్రుడిని తుక్కుతుక్కుగా ఓడించాం)

టీడీపీ నేత, మాజీ ఎమ్మెల్యే దామచర్ల జనార్దన్‌కు సొంత పార్టీలోనే అసమ్మతి సెగ తగులుతోంది. మహానాడు వేదికగా అన్నదమ్ముల మధ్య ఫ్లెక్సీల వివాదం జనార్దన్‌ను అప్రతిష్టపాలు చేయగా.. తాజాగా కొత్తపట్నం మండలంలోని మత్స్యకార నేతలు ఆయన తీరుపై భగ్గుమంటున్నారు.  అటు ప్రజలు, ఇటు పార్టీ నాయకులు వ్యతిరేకంగా మారిపోవడంతో పాటు సొంతింటిలోనే అసమ్మతి కుంపటితో దామచర్ల తలపట్టుకుంటున్నారు. కేడర్‌ చేజారిపోకుండా నానా తంటాలు పడుతున్నారు.   సాక్షి ప్రతినిధి, ఒంగోలు: మాజీ ఎమ్మెల్యే జనార్దన్‌ పరిస్థితి ముందు చూస్తే నుయ్యి.. వెనుక చూస్తే గొయ్యి అన్న చందంగా మారింది. మహానాడు వేదికగా  సోదరుడితో గొడవలు బహిర్గతమై అందరిలో నవ్వుల పాలైన మాజీ ఎమ్మెల్యే దామచర్ల ఇప్పుడు చివరకు ద్వితీయ శ్రేణి నాయకుల ఛీత్కారాలకు గురవుతున్నారు. అసలే అంతంత మాత్రంగా పార్టీ పరిస్థితి ఉన్న నేపథ్యంలో ఒక వైపు సొంతింటి సెగ, మరో వైపు పార్టీలో అసమ్మతిరాగం దామచర్ల రాజకీయ భవిష్యత్తును అగమ్య గోచరంగా మార్చింది. మహానాడు ఫ్లెక్సీల ఏర్పాటులో అన్నదమ్ముల మధ్య ఏర్పడిన వివాదాలు పార్టీ పరువు తీశాయంటూ ఓవైపు టీడీపీ అధిష్టానం దామచర్లపై గుర్రుగా ఉన్నట్లు పార్టీ వర్గాలు చెప్పుకుంటున్నాయి. ఈసారి టికెట్టు తనకే కావాలంటూ సోదరుడు సత్య కేడర్‌ను తనవైపు తిప్పుకునే ప్రయత్నాల్లో ఉన్న విషయం తెలిసిందే. ఈ నేపథ్యంలో పార్టీ కేడర్‌ జారిపోకుండా నానా తంటాలు పడుతున్న మాజీ ఎమ్మెల్యే దామచర్లకు పార్టీ నేతల్లో పెళ్లుబుకుతున్న అసమ్మతి రాగం కొత్త తలనొప్పులు తెచ్చిపెడుతోంది. మహానాడుతో వాపును చూసి బలుపు అనుకుంటున్న దామచర్ల సొంత పార్టీ నేతల్లో నమ్మకాన్ని కోల్పోతున్న పరిస్థితిపై ఆ పార్టీలో తీవ్ర స్థాయిలో చర్చ జరుగుతోంది. దీన్ని కప్పిపుచ్చుకునేందుకు దామచర్ల కుట్ర రాజకీయాలకు తెరతీస్తున్నారు. అవి కూడా బెడిసి కొడుతుండటంతో భంగపాటుకు గురవుతున్నారు. కులాల మధ్య వైషమ్యాలు సృష్టించి తద్వారా లబ్ధిపొందాలని చేస్తున్న ప్రయత్నాలు అతనికి తీవ్ర తలనొప్పి తెచ్చి పెడుతుండటంతో పార్టీ అధిష్టానం వద్ద పట్టుకోల్పోతున్నారనే చర్చ సాగుతోంది.   మహానాడు సందర్భంగా ఫ్లెక్సీలు పీకేస్తున్నారంటూ లేని పోని ఆరోపణలు చేసి భంగపడిన దామచర్ల గడప గడపకు మన ప్రభుత్వం కార్యక్రమానికి భారీ స్థాయిలో ప్రజల నుంచి స్పందన వస్తుండటంతో ఇక తన పనైపోయిందని గ్రహించి కుట్ర రాజకీయాలకు తెగబడ్డారు. అల్లూరు గ్రామంలో గడప గడపకు మన ప్రభుత్వం కార్యక్రమంలో గొడవలు సృష్టించి ప్రజల నుంచి వైఎస్సార్‌ సీపీకి, బాలినేనికి వ్యతిరేకత వస్తుందని చూపించే కుట్రకు తెర తీశారు. టీడీపీకి చెందిన నాయకులను గడప గడపకు మన ప్రభుత్వం కార్యక్రమం వద్దకు పంపి ఓ మహిళను అడ్డుపెట్టుకుని దిగజారుడు రాజకీయాలకు దిగారు. దీన్ని బాలినేని దీటుగా తిప్పికొట్టడంతో టీడీపీ నేతలు తోకముడిచారు. ఏదో ఒక విధంగా కుయుక్తులు పన్ని ప్రజల్లో తన పట్ల నమ్మకాన్ని పెంచుకోవాలని చేస్తున్న ప్రయత్నాలన్నీ వరుసగా బెడిసికొడుతుండటంతో ఏం చేయాలో పాలుపోక తలపట్టుకున్నాడు. తాజాగా కొత్తపట్నం మండలం మడనూరులో మత్స్యకారుల వర్గానికి చెందిన ఓ సీనియర్‌ టీడీపీ నేతకు తెలియకుండా ఓ శుభకార్యానికి హాజరవడంతో ఆ పార్టీలో అసమ్మతి ఒక్కసారిగా భగ్గుమంది. తమకు తెలియకుండా గ్రామంలోకి ఎలా వస్తారంటూ టీడీపీ నాయకులు, కార్యకర్తలు దామచర్ల వద్దకు వెళ్లకుండా ఆగిపోయారు. ఈ వ్యవహారం బెడిసి కొట్టిందని గ్రహించిన దామచర్ల సదరు నాయకుని ఇంటికి వెళ్లేందుకు యత్నించగా కనీసం ఇంట్లోకి కూడా రాకుండా అడ్డుకుని తీవ్రస్థాయిలో వాగ్వాదానికి దిగడంతో చేసేది లేక అక్కడి నుంచి జారుకున్నారు. దామచర్ల నిర్వాకంపై సదరు నేత మత్స్యకార వర్గానికి చెందిన వారితో అసమ్మతి కుంపటి రాజేస్తుండటంతో ఈ విషయం పార్టీలో తీవ్ర చర్చనీయాంశమైంది. ద్వితీయ శ్రేణి నాయకులు అనేక మంది ఏకమై దామచర్లపై పార్టీ అధిష్టానానికి ఫిర్యాదు చేసే వరకు పరిస్థితి వెళుతుందనే ప్రచారం సాగుతోంది.  ఒకవైపు ఒంగోలు నగర శివారులోని యరజర్ల వద్ద రాష్ట్రంలో ఎక్కడా లేని విధంగా నిరుపేదలకు 25 వేల ఇళ్లపట్టాలు ఇచ్చేందుకు మాజీ మంత్రి బాలినేని ప్రభుత్వ భూమిని సిద్ధం చేయగా, కోర్టు ద్వారా దాన్ని దామచర్ల ఆపించారని తెలుసుకున్న నిరుపేదలు అతనిని తీవ్రస్థాయిలో ఛీత్కరించుకున్నారు. అటు ప్రజలు, ఇటు పార్టీ నాయకులు వ్యతిరేకంగా మారిపోవడంతో పాటు సొంతిటిలోనే అసమ్మతి కుంపటి రాజుకుంది. అయ్యే జనార్దనా... ఏమిటి నీ పరిస్థితి అంటూ.. సొంత  పార్టీ నాయకులే నవ్వుకుంటున్న విచిత్ర పరిస్థితి నెలకొంది.  

రాజకీయ నేతలు తాము అద్దాల మేడలో కూర్చున్నామనే వాస్తవాన్ని సదా గుర్తుంచుకుని మరీ రాజకీయాలు చేయాలి. ఎదుటివారి మీద తాము ఒక రాయి వేయాలని చూస్తే... అంతకు పదింతల రాళ్లు తమ అద్దాల మేడపై పడతాయి. మొన్నటి మహానాడులో చంద్రబాబు అబద్ధాల డోసు అమాంతంగా పెంచారు. విడ్డూరం ఏమిటంటే, సంక్షేమ పథకాల గురించి చంద్రబాబు మాట్లాడటం. సాధికారత, పారదర్శకతలను ప్రస్తావించడం. వ్యవసాయం గురించి వల్లించడం. విద్య, వైద్య రంగాల గురించి నీతులు చెప్పడం. తాము సంక్షేమానికి ఏకంగా 51 శాతం నిధులు కేటాయించామనీ, వైఎస్సార్‌సీపీ ప్రభుత్వం కేవలం 41 శాతమే నిధులు సమకూర్చిందనీ కాకిలెక్కలతో కనికట్టు చేసేందుకు పడరాని పాట్లు పడ్డారు. కానీ వైఎస్సార్‌సీపీ ప్రభుత్వం అమలు చేస్తున్న సంక్షేమ పథకాలు, అభివృద్ధి కార్యక్రమాలకు ఏ ప్రచారమూ అవసరం లేదు. గ్రామాల్లోకి వెళితే మార్పు కళ్ల ఎదుటే కనిపిస్తోంది. ప్రజల అన్ని అవసరాలూ తీర్చే విధంగా గ్రామీణ వ్యవస్థ స్వరూపం సమూలంగా మారిపోతోంది. ఈ అభివృద్ధికి ప్రజలే బ్రాండ్‌ అంబాసిడర్లు. సీఎంగా ఉన్న 14 ఏళ్లలో చంద్రబాబు సంక్షేమ పథకాలను విస్మ రించి, సామాజిక న్యాయాన్ని నట్టేట్లో ముంచి, పేదోడి సొంతింటి  కలను కల్లలు చేసి, వ్యవసాయం దండగని ప్రకటించేసి, విద్య, వైద్య రంగాలను భ్రష్టుపట్టించి మరీ కార్పొరేట్‌ దోపిడీకి బాటలు పరచి, జన్మభూమి కమిటీల పేరిట టీడీపీ తమ్ముళ్ల దోపిడీకి రాజముద్ర వేశా రని తెలుగు నాట చిన్న పిల్లాడిని అడిగినా చెబుతారు. అలాంటి చంద్ర బాబు మహానాడులో కుల, మత, రాజకీయాలకు అతీతంగా సంక్షేమ పాలన అందిస్తున్న ముఖ్యమంత్రి వైఎస్‌ జగన్‌మోహన్‌రెడ్డి పరిపాలన మీద  నిస్సిగ్గుగా బురద జల్లేందుకు యత్నించి నవ్వుల పాలయ్యారు.   సొంత ఇల్లు అన్నది పేదోడి కలే కాదు, ఆత్మగౌరవానికి ప్రతీక అనే వాస్తవాన్ని చంద్రబాబు తాను సీఎంగా ఉన్నన్నాళ్లూ గుర్తించ లేదు.  టిడ్కో కింద జీ+3 తరహాలో ఇళ్లు నిర్మిస్తామని చెప్పి పేదల నుంచి 300 చదరపు అడుగుల ఒక్కో ఇంటికి రూ. 2.65 లక్షల రుణాన్ని వాయిదాల పద్ధతిలో చెల్లించాలన్నారు. పేదలు వడ్డీతో సహా ఇంటి అప్పు తీర్చాలంటే 20 ఏళ్ల సమయం పడుతుందన్నది పట్టించు కోలేదు. కానీ ముఖ్యమంత్రి వైఎస్‌ జగన్‌ అవే టిడ్కో ఇళ్లను పేదలకు కేవలం ఒక్క రూపాయికే పూర్తి హక్కులతో ఇస్తున్నారు. వైసీపీ ప్రభుత్వం కడుతోంది ఇళ్లు కాదు, ఏకంగా 17 వేల ఊళ్లు! పేదలం దరికీ ఇళ్ల పథకం కింద ఏకంగా 31 లక్షల కుటుంబాలకు ఇంటి స్థలాలు కేటాయించి ఇళ్ల నిర్మాణాన్ని చేపట్టింది. అమరావతిలో పేద లకు ఇళ్ల స్థలాలు ఇవ్వాలని వైఎస్సార్‌సీపీ ప్రభుత్వం నిర్ణయిస్తే టీడీపీ నేతలు కోర్టుకు వెళ్లి స్టే తెచ్చారు. పేదలకు ఇళ్ల స్థలాలు ఇస్తే అమరా వతిలో ‘సామాజిక సమతౌల్యం’ దెబ్బతింటుందని నిస్సిగ్గుగా టీడీపీ వాదించింది. పేదలు, దళితులు, బలహీనవర్గాలు అమరావతికి అవ తలే ఉండాలని చెబుతూ పెత్తందారీ పోకడలను ప్రదర్శించడం 40 ఇయర్స్‌ ఇండస్ట్రీ చంద్రబాబుకే చెల్లింది.  మహానాడు వేదిక మీద చంద్రబాబు నోటినుంచి జాలువారిన మరో రెండు పదాలు – సామాజిక న్యాయం, సాధికారత. సీఎం హోదాలో ఉండి కూడా ‘ఎస్సీలుగా పుట్టాలని ఎవరైనా కోరుకుంటారా’ అని ప్రశ్నించి రాజ్యాంగ స్ఫూర్తినే అపహాస్యం చేయడం చంద్రబాబుకే చెల్లింది. నాయీ బ్రాహ్మణులను తూలనాడుతూ ‘తోక కత్తిరిస్తా’ అన్నా... మత్స్యకారులపై మండిపడుతూ ‘తోలు తీస్తా’ అని గెంటివేయించినా అది చంద్రబాబే అని ప్రత్యేకంగా చెప్పాల్సిన పని లేదు. ‘బీసీలు న్యాయమూర్తులుగా పనికిరారు’ అని సీఎం హోదాలో ఏకంగా లేఖ రాయడం ద్వారా, తాను ఎంతటి బీసీ వ్యతిరేకో వెల్ల డించారు. ‘కోడలు కొడుకును కంటాను అంటే అత్త వద్దంటుందా’ అని వివక్షాపూరితమైన వ్యాఖ్యలతో మహిళలను హేళన చేశారు. మహిళా తహశీల్దార్‌ వనజాక్షి జుట్టు పట్టుకుని దాడి చేసిన తమ పార్టీ ఎమ్మెల్యేకు కొమ్ముకాశారు. అటువంటి చంద్రబాబు సామాజిక న్యాయం, సాధికారత అంశాల్లో ముఖ్యమంత్రి జగన్‌మోహన్‌రెడ్డిని విమర్శించడం రాజకీయ వైచిత్రి కాక మరేమిటి! వైఎస్‌ జగన్‌ ఆంధ్రప్రదేశ్‌లో సామాజిక విప్లవాన్ని తీసుకు రావడమే కాదు... ఆ దిశగా దేశానికి దిశానిర్దేశం చేశారు. మంత్రి వర్గంలో ఏకంగా 70 శాతం పదవులను ఎస్సీ, ఎస్టీ, బీసీ, మైనార్టీలకు కేటాయించడం దేశంలోనే రికార్డు. ఐదు ఉప ముఖ్యమంత్రి పదవుల్లో నాలుగు ఎస్సీ, ఎస్టీ, బీసీ, మైనార్టీ వర్గాలకే కేటాయించారు. పెద్దల సభకు 50 శాతం మంది బీసీలను పంపిన ఘనత వైఎస్సార్‌సీపీకే దక్కుతుంది. గ్రామ స్థాయి నుంచి రాష్ట్రస్థాయి వరకు అన్ని పదవుల్లో బడుగు, బలహీన వర్గాలకు కనీసం 50 శాతం కేటాయించడమే కాదు.. నామినేటెడ్‌ పదవులు, నామినేటెడ్‌ పనుల్లో ఆ వర్గాలకు 50 శాతం రిజర్వ్‌ చేస్తూ చట్టం చేయడం ద్వారా చరిత్ర సృష్టించారు. అనుభవజ్ఞుడిని అని ప్రజల్ని మభ్యపెట్టేందుకు యత్నించే చంద్ర బాబు తాను సీఎంగా ఉన్నకాలంలో తీసుకువచ్చిన పరిపాలనా సంస్కరణ ఏమైనా ఉందా అని భూతద్దం పెట్టి వెతికినా ఒక్కటీ కనిపించదు. అందుకు భిన్నంగా వినూత్న సంస్కరణలతో పరిపాల నను ప్రజల గడప వద్దకు తీసుకువెళ్లిన జగన్‌మోహన్‌రెడ్డి అంటే ఆయనకు కంటగింపుగానే ఉంటుంది. వైఎస్సార్‌సీపీ ప్రభుత్వం 15,400 గ్రామ, వార్డు సచివాలయాలను ఏర్పాటు చేయడంతోపాటు వలంటీర్‌ వ్యవస్థ ద్వారా మొత్తం పరిపాలనా యంత్రాంగాన్ని ప్రజల ముంగి టకు తీసుకువచ్చింది. ప్రభుత్వం అంటే ఎక్కడో రాజధానిలో బ్యూరోక్రాట్‌ వ్యవస్థ గుప్పిట్లో ఉంటుందన్న భ్రమలను తొలగిం చింది. ఇంతటి విప్లవాత్మక వ్యవస్థను ఎన్నో రాష్ట్రాలు ఆదర్శంగా తీసుకుని అమలు చేసేందుకు సన్నద్ధమవుతున్నాయి. ప్రజల్ని మనుషులుగా కాకుండా ఓటర్లుగా చూడటం చంద్ర బాబు నైజం. తమకు ఓటు వేస్తేనే... ఇంటిపై టీడీపీ జెండా కడితేనే... ప్రభుత్వ పథకాలు అందిస్తామన్న దుర్నీతిని టీడీపీ ప్రభుత్వం నిస్సిగ్గుగా పాటించింది. అందుకోసం ఏకంగా జన్మభూమి కమిటీలు అనే రాజ్యాంగేతర వ్యవస్థను ఏర్పాటు చేయడం చంద్రబాబు ప్రభుత్వ దుర్మార్గానికి నిదర్శనం. జన్మభూమి కమిటీ సభ్యులకు లంచాలు ఇస్తేనే... దాంతో వారు సిఫార్సు చేస్తేనే ఏ ప్రభుత్వ పథకమైనా అందుతుంది. లేకుంటే అర్హులు అయినప్పటికీ జాబితాలో పేర్లు ఉండవు. అటువంటి చంద్రబాబు నుంచి పారదర్శకతను ఆశించడం నేతి బీరలో నెయ్యి కోసం వెతికిన చందంగానే ఉంటుంది. అందుకే  పారదర్శకంగా అర్హులు అందరికీ వైఎస్‌ జగన్‌మోహన్‌రెడ్డి ప్రభుత్వం సంక్షేమ పథకాలను అమలు చేస్తుంటే ఆయన సమ్మతిం చలేకపోతున్నారు. పైగా గ్రామ, వార్డు సచివాలయాల్లో అర్హుల జాబితాను ప్రదర్శిస్తుండటం... అర్హులు ఎవరికైనా పథకాలు అందక పోతే వెంటనే సరిచేసి వారికి కూడా అందిస్తుండటమన్నది మింగుడు పడటం లేదు. అందుకే కిందపడ్డా తనదే పైచేయి అని నమ్మించేందుకు వైఎస్సార్‌సీపీ ప్రభుత్వంలో పారదర్శకత లేదంటూ అవాస్తవిక ఆరోప ణలతో ఎదురుదాడికి దిగారు. కానీ ప్రజలు వివేకవంతులు. చంద్ర బాబు కువిమర్శలను ఏమాత్రం పట్టించుకోవడం లేదన్నది వాస్తవం. ఎందుకంటే మూడేళ్లలో వైఎస్సార్‌సీపీ ప్రభుత్వం 100 శాతం పార దర్శకతతో... నేరుగా నగదు బదిలీ పథకాల(డీబీటీ) ద్వారా ఏకంగా రూ. 1.41 లక్షల కోట్లు లబ్ధిదారులకు పంపిణీ చేసింది. పరోక్ష నగదు బదిలీ(నాన్‌–డీబీటీ) పథకాల రూపంలో రూ. 43,682.65 కోట్లు ప్రయోజనం కలిగించింది.  మొత్తం మీద రాష్ట్రంలో అర్హులైన ‘9.58 కోట్లమంది’ లబ్ధిదారులకు రూ.1.41 లక్షల కోట్ల లబ్ధి చేకూరింది. చాలామంది లబ్ధిదారులు ఒకటి కంటే ఎక్కువ పథకాలకు అర్హులు కావడంతో లబ్ధిదారుల సంఖ్య గణనీయంగా పెరిగింది. అలా ప్రభుత్వం అందించిన ఆర్థిక సహాయంతో లబ్ధిదారుల కొనుగోలు శక్తి పెరిగింది. వారి జీవన ప్రమాణాలు మెరుగుపడుతున్నాయి.   చంద్రబాబు ప్రభుత్వం చేసిన మరో దుర్మార్గం – విద్యా వ్యవస్థను పూర్తిగా కార్పొరేటీకరించడం. కార్పొరేట్‌ విద్యా సంస్థలు ఫీజుల దోపిడీకి పాల్పడుతున్నాసరే నిమ్మకు నీరెత్తినట్టు ఉండటం. అటు వంటి చంద్రబాబు విద్యా రంగం గురించి మాట్లాడుతుండటం దయ్యాలు వేదాలు వల్లించడమే. వైఎస్సార్‌సీపీ ప్రభుత్వం రాష్ట్రంలో విద్యా వ్యవస్థలో సమూల సంస్కరణలు తీసుకువస్తోంది. నాడు–నేడు కార్యక్రమం కింద పాఠశాలలు, జూనియర్‌ కాలేజీలు, ఫౌండేషన్‌ స్కూల్స్‌ (అంగన్‌వాడీ కేంద్రాలు), గురుకుల పాఠశాలలు కలిపి ఏకంగా 61వేల విద్యా సంస్థల రూపురేఖలను సమూలంగా మార్చి వేస్తోంది. ప్రభుత్వ విద్యా సంస్థల్లో ఈ మూడేళ్లలోనే కొత్తగా 6 లక్షల మందికి పైగా విద్యార్థులు చేరడం వైఎస్సార్‌సీపీ విధానానికి ప్రజలు తెలిపిన ఆమోదమే. తల్లులు తమ పిల్లల్ని బడులకు పంపేందుకు జగనన్న అమ్మ ఒడి పథకం కింద రెండు దశల్లో రూ.13 వేల కోట్లు పంపిణీ చేశారు. మూడో దశ కింద రూ. 6,500 కోట్లు పంపిణీకి సిద్ధమవుతున్నారు. మధ్యాహ్న భోజన పథకాన్ని సంస్క రించి జగనన్న గోరుముద్ద పథకం కింద పౌష్టికాహారాన్ని అందిస్తు న్నారు. జగనన్న విద్యా కానుక కింద మూడు జతల యూనిఫాం, షూ, బెల్డ్, బ్యాగ్, పాఠ్యపుస్తకాలు, నోటు పుస్తకాల కిట్‌ ఇస్తున్నారు. 100 శాతం ఫీజు రీఎంబర్స్‌మెంట్‌తో జగనన్న విద్యా దీవెన పథకంతో పాటు హాస్టల్‌ విద్యార్థులకు ఏటా రూ. 20 వేల చొప్పున జగనన్న వసతి దీవెన పథకాలు అందిస్తున్నారు. ఉపాధి అవకాశాలు కలిగించేలా డిగ్రీ, ఇంజినీరింగ్‌  కోర్సుల్లో ఇంటర్న్‌షిప్‌ ప్రవేశపెట్టారు. ఆ విధా నాన్ని ఏకంగా యూజీసీ కూడా అనుసరించడం ముఖ్యమంత్రి వైఎస్‌ జగన్‌మోహన్‌రెడ్డి దార్శనికతకు నిదర్శనం. అన్నింటికంటే మించీ... పోటీ ప్రపంచంలో ప్రభుత్వ విద్యార్థులు నెగ్గుకు వచ్చేలా ప్రభుత్వ పాఠశాలల్లో ఇంగ్లిష్‌ మీడియం ప్రవేశపెట్టడం జగన్‌ ఘనత అయితే... దాన్ని వ్యతిరేకిస్తూ కోర్టుల్లో కేసులు వేయడం టీడీపీ దిగజారుడు రాజకీయాలను తేటతెల్లం చేస్తోంది.  చంద్రబాబు వేటుకు నిర్వీర్యమైన మరో వ్యవస్థ ప్రభుత్వ వైద్య రంగం. ప్రభుత్వ వైద్య రంగం శిథిలాల మీద కార్పొరేట్‌ వైద్య సామ్రాజ్యాన్ని నిర్మించిన శిల్పి చంద్రబాబే. ప్రభుత్వ ఆసుపత్రుల్లో ఏనాడూ ఒక డాక్టర్‌ను నియమించడంగానీ, మౌలిక వసతులు సమకూర్చడంగానీ, తగినన్ని మందులు సరఫరా చేయడంగానీ చేయనే లేదన్నది చేదు నిజం. కానీ వైఎస్సార్‌సీపీ ప్రభుత్వం నాడు–నేడు కింద రూ.16 వేల కోట్లు వెచ్చిస్తూ ప్రభుత్వ వైద్య వ్యవస్థ రూపురేఖలను సమూలంగా మార్చివేస్తోంది. కొత్తగా 16 వైద్య కళాశాలలు నిర్మిస్తోంది. ప్రస్తుతం ఉన్న 11 వైద్య కళాశాలలు, బోధనాసుపత్రుల్లో వసతులు మెరుగుపరుస్తోంది. వైఎస్సార్‌ విలేజ్‌ క్లినిక్‌ల ఏర్పాటు చేస్తుండటంతోపాటు... పీహెచ్‌సీ, సీహెచ్‌సీ, ఏరియా, జిల్లా ఆసుపత్రుల్లో మౌలిక వసతులను మెరుగుపరుస్తోంది. గిరిజన ప్రాంతాల్లో అయిదు మల్టీ సూపర్‌ స్పెషాలిటీ ఆసుపత్రులతో పాటు ఇతర సూపర్‌ స్పెషాలిటీ ఆసుపత్రులను నిర్మిస్తోంది.  ఏకంగా దండగ అని సూత్రీకరించి చంద్రబాబు పూర్తిగా విస్మరించిన రంగం వ్యవసాయం. వ్యవసాయ రుణాల మాఫీ అని నమ్మించి అధికారంలోకి వచ్చిన తరువాత హామీని గాలికొదిలేసిన చరిత్ర ఆయన సొంతం. అటువంటి చంద్రబాబు ప్రస్తుతం రైతుల కోసం మొసలి కన్నీరు కారుస్తూ వైఎస్సార్‌సీపీ ప్రభుత్వాన్ని విమర్శిస్తుండటం విడ్డూరం. నకిలీ విత్తనాలు, ఎరువుల కొరత, మద్దతు ధర లేక టీడీపీ ప్రభుత్వంలో అన్నదాత అన్ని విధాలుగా నష్టపోయారన్నది కఠోర సత్యం. అందుకు భిన్నంగా వ్యవసాయాన్ని పండుగ చేస్తున్న ముఖ్యమంత్రి వైఎస్‌ జగన్‌మోహన్‌రెడ్డిపై నిస్సిగ్గుగా చంద్రబాబు విమర్శలు చేస్తుండటం ఆయన రాజకీయ దిగజారుడుతనం కాక మరేమిటి? వైఎస్సార్‌సీపీ ప్రభుత్వం వ్యవసాయ రంగంలో విప్లవాత్మక సంస్కరణలు తీసుకువస్తూ 10,778 వైఎస్సార్‌ రైతు భరోసా కేంద్రాలను నెలకొల్పింది. విత్తు నుంచి విపణి వరకు అన్నీ రైతులకు అందుబాటులోకి తెచ్చింది. విత్తనాలు, ఎరువులు, పురుగుమందులు అన్నీ అందిస్తోంది. ఈ–పంట నమోదు చేస్తోంది. పంటలను కొనుగోలు చేస్తోంది. రైతు భరోసా కేంద్రాలు ఎన్నో రాష్ట్రాలకు ఆదర్శంగా నిలుస్తుండటంతోపాటు అంతర్జాతీ యంగానూ ప్రశంసలు పొందుతూ అవార్డులు గెలుచుకుంటున్నాయి. వైఎస్సార్‌సీపీ ప్రభుత్వం  రైతులను, కంపెనీలను ఒకే వేదిక మీదకు తీసుకువస్తూ ఇ–ఫార్మ్‌ మార్కెట్‌ విధానాన్ని తెచ్చింది. వైఎస్సార్‌ రైతు భరోసా కింద రైతులకు ఏటా రూ.13,500 చొప్పున ఆర్థిక సహాయం అందిస్తోంది. మూడేళ్లలో 50.10 లక్షలమంది రైతు కుటుంబాలకు రూ.23,875 కోట్ల పెట్టుబడి సహాయం అందించింది.  వైఎస్సార్‌సీపీ ప్రభుత్వం అమలు చేస్తున్న సంక్షేమ పథకాలు, అభివృద్ధి కార్యక్రమాలకు ఏ మీడియా ప్రచారం అవసరం లేదు. గ్రామాల్లోకి వెళితే మార్పు ప్రజల కళ్ల ఎదుటే కనిపిస్తోంది. ప్రజల అన్ని అవసరాలూ తీర్చే విధంగా గ్రామీణ వ్యవస్థ స్వరూపం సమూలంగా మారిపోతోంది. ఏ గ్రామానికి వెళ్లినా రైతు భరోసా కేంద్రం కనిపిస్తోంది. గ్రామ సచివాలయంలో ఏకంగా 745 సేవలు అందుతున్నాయి. సకల వసతులతో తీర్చిదిద్దిన ప్రభుత్వ పాఠశాలు విద్యార్థులతో కళకళలాడుతున్నాయి. ఫౌండేషన్‌ స్కూల్స్‌గా రూపాం తరం చెందిన అంగన్‌వాడీ కేంద్రాల్లో చిన్నారులు ఆటపాటలతో విద్యను నేర్చుకుంటున్నారు. ఆ సమీపంలోనే వైఎస్సార్‌ విలేజ్‌ క్లినిక్‌లు ప్రజల ఆరోగ్య అవసరాలను తీరుస్తున్నాయి. ప్రాథమిక ఆరోగ్య కేంద్రాల్లో వైద్యులు, నర్సింగ్‌ సిబ్బంది ప్రజలకు అందు బాటులో ఉంటూ వైద్యం చేస్తున్నారు. అక్కడే మందులు ఉచితంగా ఇస్తున్నారు. మండలానికి ఒక్కోటి చొప్పున 108, 104 వాహనాలతో పాటు వైఎస్సార్‌ తల్లీబిడ్డ ఎక్స్‌ప్రెస్‌ వాహనాలు అందుబాటులో ఉంటున్నాయి. ప్రజలకు ముఖ్యమైన విద్య, వైద్య, వ్యవసాయ అవసరాలన్నీ గ్రామాల్లోనే తీరుతున్నాయి. గ్రామీణ వ్యవస్థ సుభిక్షంగా ఉంది. పట్టణాల అవసరాలు తీరుస్తూ, పారిశ్రామిక రంగానికి ముడిసరుకు అందిస్తూ ఆర్థిక వ్యవస్థకు ఆలంబనగా నిలుస్తోంది. గ్రామాలే దేశానికి పట్టుగొమ్మలన్న మహాత్ముని మాటను వైఎస్‌ జగన్‌మోహన్‌ రెడ్డి నేతృత్వంలోని ఆంధ్రప్రదేశ్‌ ప్రభుత్వం నిజం చేసి చూపిస్తోంది. ఈ అభివృద్ధి, సంక్షేమ కార్యక్రమాలకు ప్రజలే బ్రాండ్‌ అంబాసిడర్లు.  – వడ్డాది శ్రీనివాస్, సాక్షి, అమరావతి 

సాక్షి, అమరావతి: మహానాడు దేనికోసం నిర్వహించారో అర్థం కాలేదని.. ప్రభుత్వంపై బురద చల్లేందుకే మహానాడు జరిగినట్టుందని ప్రభుత్వ సలహాదారు సజ్జల రామకృష్ణారెడ్డి మండిపడ్డారు. బుధవారం ఆయన మీడియా సమావేశంలో మాట్లాడుతూ  సీఎం జగన్‌ దావోస్‌ పర్యటనపై టీడీపీ విష ప్రచారం చేసిందని దుయ్యబట్టారు. బీసీ మంత్రుల బస్సు యాత్రను చూసి ఓర్వలేకపోయారన్నారు. మహానాడులో అన్నీ అబద్ధాలే చెప్పారని ధ్వజమెత్తారు. చదవండి: నారా లోకేశ్‌ టీమ్‌పై పోలీసు స్టేషన్‌లో ఫిర్యాదు ‘‘ఏదో ఎన్నికల్లో గెలిచినట్టు మహానాడులో హడావుడి చేశారు. ప్రభుత్వంపై పడి ఏడవడం చంద్రబాబుకు అలవాటుగా మారింది. మహానాడులో ఆ ఏడుపు మరీ ఎక్కువైంది. ఏపీ సీఎం హోదాలో జగన్‌ దావోస్‌ సదస్సులో పాల్గొన్నారు. దావోస్‌ ఒప్పందాలపై ఎల్లో మీడియా విషం చిమ్ముతోంది. చంద్రబాబువి చిల్లర రాజకీయాలు. సీఎం జగన్‌ హుందాగా వ్యవహరించే వ్యక్తి. చంద్రబాబులా జగన్‌ ప్రగల్భాలు పలికే వ్యక్తి కాదు. ప్రజలకు మేలు చేకూర్చే పథకం ఒక్కటైనా బాబు తెచ్చారా?. ప్రభుత్వాన్ని ప్రశ్నించేందుకు ఎలాంటి అవకాశం లేకపోవడంతోనే ఈ ఏడుపు’’ అని సజ్జల రామకృష్ణారెడ్డి ఎద్దేవా చేశారు.  

సాక్షి,సీటీఆర్‌ఐ (కాకినాడ): బీసీలంటే తెలుగుదేశం పార్టీకి ఎందుకంత ద్వేషమని రాష్ట్ర వెనుకబడిన తరగతుల సంక్షేమం, సమాచార, పౌర సంబంధాల శాఖ మంత్రి చెల్లుబోయిన శ్రీనివాస వేణుగోపాలకృష్ణ ప్రశ్నించారు. రాజమహేంద్రవరం మంజీర కన్వెన్షన్‌లో మంగళవారం జరిగిన ‘పేదల సంక్షేమ సమ్మేళనం’లో ఆయన పాల్గొన్నారు. అనంతరం మీడియాతో మాట్లాడారు. బీసీ, ఎస్సీ, ఎస్టీ, మైనారిటీలకు రాష్ట్ర ప్రభుత్వం అన్నింటా పెద్ద పీట వేయడాన్ని ప్రజల్లోకి తీసుకువెళ్లేందుకు మంత్రులు నిర్వహించిన ‘సామాజిక న్యాయభేరి’ బస్సు యాత్రను అవహేళన చేసేలా నారా లోకేశ్‌ మాట్లాడారని, ఆ మాటలను వెంటనే ఉపసంహరించుకోవాలని మంత్రి వేణు అన్నారు. రాష్ట్రంలోని ఎస్సీ, ఎస్టీ, బీసీ, మైనార్టీలకు క్షమాపణ చెప్పాలని డిమాండ్‌ చేశారు. మహానాడును బూతుల వేదికగా మార్చారన్నారు. ఎంత ఎక్కువగా తిడితే అంత చంద్రబాబు దృష్టిలో పడవచ్చని ఆ పార్టీ నాయకులు భావించారన్నారు. నారా లోకేశ్‌ ఒక అడుగు ముందుకేసి సామాజిక న్యాయభేరిలో పాల్గొన్న బీసీలను అవహేళన చేసేలా మాట్లాడటం చాలా దారుణమన్నారు. ముఖ్యమంత్రి వైఎస్‌ జగన్‌మోహన్‌రెడ్డి పాలనలోనే బీసీలకు మంత్రి పదవులు, నామినేటేడ్‌ పోస్టులు దక్కాయని చెప్పారు. బీసీలు రాజ్యాధికారం దిశగా అడుగులు వేయడం లోకేశ్‌కు ఇష్టం లేదన్నారు. టీడీపీకి ఏనాడో బీసీలు దూరం అయ్యారని మంత్రి అన్నారు. చదవండి: Complaint Against Nara Lokesh: నారా లోకేశ్‌కు బిగ్‌ షాక్‌.. పోలీసులను ఆశ్రయించిన మాజీ టీడీపీ నేత

పార్వతీపురం టౌన్‌: తెలుగుదేశం పార్టీ నిర్వహిస్తు న్నది మహానాడు కాదు.. ఏడుపు నాడు అని వైఎస్సార్‌సీపీ విజయనగరం జిల్లా అధ్యక్షుడు, జెడ్పీ చైర్మన్‌ మజ్జి శ్రీనివాసరావు విమర్శించారు. రాష్ట్రంలో సీఎం జగన్‌మోహన్‌రెడ్డి సాగిస్తున్న అభివృద్ధి, సంక్షేమ పాలనను చూసి ఓర్వలేక టీడీపీ అధినేత చంద్రబాబునాయుడు మహానాడు పేరుతో ప్రజలను తప్పు దోవపట్టిస్తున్నారని ఆరోపించారు. పార్వతీపురం మన్యం జిల్లా కేంద్రంలో ఎమ్మెల్యే అలజంగి జోగారావు క్యాంప్‌ కార్యాలయంలో ఆదివారం ఏర్పాటు చేసిన మీడియా సమావేశంలో ఆయన మాట్లాడారు. రెండు రోజులు ఒంగోలులో టీడీపీ నిర్వహించిన మహానాడు ఆద్యంతం సీఎంను, ఆయన కుటుంబా న్ని దూషించడమే లక్ష్యంగా సాగిందన్నారు. చంద్రబాబు తన 14 ఏళ్ల పాలనలో చేసిన అభివృద్ధిని, బీసీలకు కల్పించిన ప్రయోజనాలను, భవిష్యత్తులో ఏమి చేస్తారో చెప్పకుండా ప్రభుత్వంపై బురదజల్లడ మే పనిగా పెట్టుకోవడం విచారకరమన్నారు. రాష్ట్ర చరిత్రలో ఇదివరకు ఎవరూ చేయని విధంగా మంత్రివర్గంలో బీసీ, ఎస్సీ, ఎస్టీ, వెనుకబడిన వర్గాలకు 70 శాతం పదవులు కేటాయించిన ఘనత సీఎం జగన్‌మోహన్‌ రెడ్డిదని పేర్కొన్నారు. ఆయా వర్గాల్లోని లబ్ధిదారులకు 95 శాతం మేర సంక్షేమ పథకాలు అందజేస్తున్నట్టు వివరించారు. రాష్ట్రంలో నిర్వహిస్తున్న సామాజిక న్యాయ భేరి బస్సుయాత్రకు ఆయా వర్గాల నుంచి వస్తున్న విశేష స్పందనను చూసి ప్రతిపక్ష నాయకుడు చంద్రబాబునాయుడికి భయం పట్టుకుందన్నారు. టీడీపీ నాయకులు, కార్యకర్తలకు మానసిక స్థైర్యం కల్పించేందుకు నానా తంటాలు పడుతున్నారన్నారు. అదే ఆనాడు వై.ఎస్‌.జగన్‌మోహన్‌రెడ్డి ప్రతిపక్షంలో ఉన్నప్పుడు 2017లో నిర్వహించిన ప్లీనరీ సమావేశంలో తాము అధికారంలోకి వస్తే నవరత్నాల కార్యక్రమం కింద ఏమీ చేస్తామో చెప్పి అధికారంలోకి వచ్చిన తర్వాత 95 శాతం చేసి చూపించారన్నారు. తమ నాయకుడికి, ప్రతిపక్ష నాయకుడికి ఉన్న వ్యత్యాసాన్ని ప్రజలు గుర్తించాలన్నారు. సమావేశంలో మున్సిపల్‌ చైర్‌పర్సన్‌ బి.గౌరీశ్వరి, పార్టీ పట్టణ అధ్యక్షుడు కొండపల్లి బాలకృష్ణ తదితరులు పాల్గొన్నారు. (చదవండి: సమ్మర్‌ స్టడీస్‌.. ఇంట్లోనే చదవండి ఇలా!)

ఏఎన్‌యూ (గుంటూరు): టీడీపీ నిర్వహించిన మహానాడులో ప్రజా సంక్షేమం, అభివృద్ధిని గాలికొదిలేసి చంద్రబాబు, లోకేశ్‌ తదితర నాయకులంతా మైండ్‌లేని మాటలే మాట్లాడారని ప్రభుత్వ సలహాదారు సజ్జల రామకృష్ణారెడ్డి ఎద్దేవా చేశారు. కేవలం ప్రభుత్వాన్ని, వైఎస్సార్‌సీపీని తిట్టడానికే మహానాడు పెట్టుకున్నట్లున్నారని పేర్కొన్నారు. సామాజిక న్యాయభేరి బస్సు యాత్ర చేస్తున్న మంత్రుల బృందం శనివారం మధ్యాహ్నం ఆచార్య నాగార్జున యూనివర్సిటీలో కొద్దిసేపు బస చేసింది. బృందాన్ని కలిసేందుకు వచ్చిన సజ్జల రామకృష్ణారెడ్డి మీడియాతో మాట్లాడుతూ.. రాష్ట్ర ప్రజలకు టీడీపీ ఏం చేస్తుందో మహానాడు వేదికగా చెబుతారేమోనని చూశామని, కానీ అది ఎక్కడా కనిపించలేదని న్నారు. ఏ అజెండా లేని పార్టీ టీడీపీ అని మహానాడు వేదికగా మరోసారి నిరూపించుకున్నారన్నారు. 2017లో వైఎస్సార్‌సీపీ ప్లీనరీ నిర్వహించామని, ప్రజలకు ఏం చేస్తామనే విషయాన్ని వైఎస్‌ జగన్‌ స్పష్టంగా చెప్పారని అన్నారు. అలా చెప్పే ధైర్యం, అంకితభావం టీడీపీకి లేవనేది మహానాడులో స్పష్టమైందన్నారు. కనీసం ఎమ్మెల్యేగా గెలవలేని లోకేశ్‌ వైఎస్సార్‌సీపీపై వ్యాఖ్యలు చేయడం విడ్డూరమన్నారు. బాలకృష్ణవి ఘాటు వ్యాఖ్యలు కాదని.. పిచ్చి వ్యాఖ్యలని ఎద్దేవా చేశారు.