ప్రముఖ నటి ఇంట్లో భారీ దొంగతనం జరిగింది. ఏకంగా 110 గ్రాములు ఆభరణాలతో పాటు డబ్బులు కూడా దొంగలు ఎత్తుకెళ్లిపోయారు. ఇప్పుడు ఈ విషయం ఇండస్ట్రీలో చర్చనీయాంశంగా మారిపోయింది. సదరు పోలీసులకు ఫిర్యాదు చేసి, చోరీ గురించి అసలు నిజాలు బయటపెట్టింది. ఇంతకీ అసలేం జరిగింది? ఎంత మొత్తం దోపీడికి గురైంది?మరాఠీ నటి శ్వేత షిండే.. ప్రస్తుతం సీరియల్స్, సినిమాలు చేస్తూ బిజీగా ఉంది. నిర్మాతగానూ పలు సీరియల్స్ తీస్తోంది. మహారాష్ట్రలోని సతారాలో తల్లితో కలిసి ఈమె నివాసముంటోంది. అయితే జూన్ 3న ఎవరూ ఇంట్లో లేని సమయంలో దొంగలు పడ్డారు. 110 గ్రాములు ఆభరణాలతో పాటు డబ్బు కూడా దొంగతనం చేసినట్లు వార్తలొచ్చాయి. ఈ సమయంలో పనిలో భాగంగా శ్వేత, ముంబై వెళ్లినట్లు తెలుస్తోంది.(ఇదీ చదవండి: Pihu Review: ఓటీటీలోనే బెస్ట్ చైల్డ్ మూవీ.. కానీ చూస్తే భయపడతారు!)దొంగతనం జరిగిన తర్వాత సమీప పోలీస్ స్టేషన్‌కి వెళ్లి శ్వేత షిండే ఫిర్యాదు చేసింది. 10 గ్రాముల బంగారంతో పాటు చాలా డబ్బు దొంగతనానికి గురైందని పేర్కొంది. అయితే డబ్బులు మొత్తం ఎంతనేది క్లారిటీ లేదు. ఏదేమైనా ప్రముఖ నటి ఇంట్లోనే దొంగలు పడటం అనేది చాలామంది అవాక్కయ్యేలా చేసింది.శ్వేత వ్యక్తిగత విషయానికొస్తే.. 2007లో సందీప్ భన్సాలీ అనే వ్యక్తిని పెళ్లి చేసుకుంది. వీళ్లకు ఓ కూతురు కూడా ఉంది. 2016లో నిర్మాతగా మారి అప్పటినుంచి యాక్టింగ్ కాస్త పక్కనబెట్టి పలు సీరియల్స్, సినిమాలు తీస్తోంది. అలాంటిది ఇప్పుడు ఈమె ఇంట్లో చోరీ జరగడంతో ఈమె వార్తల్లో నిలిచింది.(ఇదీ చదవండి: పెళ్లి చేసుకున్న 45 ఏళ్ల కమెడియన్.. వీడియో వైరల్)

Baipan Bhari Deva on OTT: ప్రస్తుతం సినీ ఇండస్ట్రీలో ఓటీటీల హవా నడుస్తోంది. చిన్న సినిమాలు సైతం ఓటీటీల్లో అదరగొట్టేస్తున్నాయి. థియేటర్స్‌లో పెద్దగా ఆదరణ లభించని చిత్రాలకు సైతం.. ఓటీటీకి వచ్చేసరికి ప్రేక్షకుల నుంచి ఊహించని రెస్పాన్స్ వస్తోంది. అయితే తాజాగా తక్కువ బడ్జెట్‌తో తెరకెక్కించిన చిత్రం.. థియేట్రికల్‌ రిలీజ్‌లోనే హిట్ టాక్‌ను సొంతం చేసుకుంది. కేవలం రూ.5 కోట్ల బడ్జెట్‌తో తెరకెక్కించిన ఈ బైపన్ భారీ దేవ మూవీ దాదాపు రూ.90 కోట్లకు పైగా వసూళ్లు సాధించింది.  మరాఠీ భాషలో తెరకెక్కిన బైపన్ భారీ దేవ చిత్రం బాక్సాఫీస్ వద్ద అత్యధిక వసూళ్లు చేసిన చిత్రంగా రెండో స్థానంలో నిలిచింది.  బాక్సాఫీస్ వద్ద సూపర్‌ హిట్‌గా నిలిచిన ఈ చిత్రం ఓటీటీలో సందడి చేస్తోంది. ఒకటి కాదు.. ఏకంగా రెండు ఓటీటీల్లో స్ట్రీమింగ్ అవుతోంది. గతేడాది జూన్ 30న విడుదలైన ఈ సినిమా.. తాజాగా ఓటీటీలోకి రావడంతో ప్రేక్షకుల్లో ఆసక్తి నెలకొంది. ప్రముఖ ఓటీటీ డిస్నీప్లస్ హాట్ స్టార్ వేదికగా స్ట్రీమింగ్ అవుతుండగా.. మరొకటి హులు యాప్‌లో అందుబాటులో ఉంది. హాట్ స్టార్‌లో మరాఠీతోపాటు హిందీ భాషలోనూ స్ట్రీమింగ్ అవుతోంది. తెలుగు ప్రేక్షకులు మాత్రం సబ్ టైటిల్స్‌లో మాత్రమే చూసే వెసులుబాటు ఉంది. ఈ సినిమాను ప్రస్తుతం హిందీ, మరాఠీ భాషల్లోనే స్ట్రీమింగ్ చేస్తున్నారు. ఈ చిత్రం మరో ఓటీటీ హులు యాప్‌లో కేవలం అమెరికాలో మాత్రమే ఉంది. అక్కడ ఉన్న వారికి మాత్రమే బైపన్ భారీ దేవ చిత్రాన్ని వీక్షించే అవకాశం ఉంది.  కాగా.. బైపన్ భారీ దేవ అంటే స్త్రీతత్వం కఠినమైనది అనే అర్థం వస్తుంది. ఈ చిత్రంలో రోహిణి హట్టంగడి, వందనా గుప్తే, సుకన్య కులకర్ణి, శిల్పా నవల్కర్, సుచిత్ర బాండేకర్, దీపా పరాబ్ ప్రధాన పాత్రలు పోషించారు. బైపన్ భారీ దేవ చిత్రానికి కేదార్ షిండే దర్శకత్వం వహించారు. అలాగే జీ స్టూడియోస్, ఎమ్‌వీబీ మీడియా సంయుక్తంగా నిర్మించాయి. ఈ మూవీ ఆరుగురు అక్కాచెల్లెళ్లకు సంబంధించిన విభిన్నమైన కథాంశంతో తెరకెక్కించారు.  

మరాఠీ నటి స్వానంది టికేకర్ త్వరలోనే పెళ్లి పీటలెక్కనుంది. తాజాగా ఇండియన్ ఐడల్- 12 కంటెస్టెంట్ ఆశిష్ కులకర్ణితో ఎంగేజ్‌మెంట్‌ చేసుకుంది. ఆదివారం జరిగిన ఈ వేడుకలో వారి సన్నిహితులు, కుటుంబ సభ్యులు పాల్గొన్నారు. నిశ్చితార్థానికి సంబంధించిన ఫోటోలను నటి తన ఇన్‌స్టాలో పంచుకుంది. ప్రస్తుతం ఈ ఫోటోలు సోషల్ మీడియాలో వైరల్‌గా మారాయి.   స్వానంది తన ఇన్‌స్టాలో రాస్తూ..' మేము నిశ్చితార్థం చేసుకున్నాం. ఇక నుంచి నువ్వే నా ఏకైక ఇల్లు' అంటూ క్యాప్షన్ కూడా ఇచ్చింది. కాగా.. స్వానంది ప్రముఖ నటుడు ఉదయ్ టికేకర్, ప్రసిద్ధ సింగర్ ఆరతి అంకాలికర్ కుమార్తె. సింగర్‌తో నిశ్చితార్థం జరిగిన తర్వాత స్వానంది తన పెళ్లి గురించి మాట్లాడింది.  (ఇది చదవండి: ఇంటర్వ్యూల కోసమే చీప్ ట్రిక్స్.. ఎందుకు కొడతానన్న స్టార్‌ నటుడు!)  స్వానంది మాట్లాడుతూ..' మా పెళ్లి త్వరలోనే జరగబోతోంది. ప్రస్తుతం నేను చాలా సంతోషంగా ఉన్నా. ప్రస్తుతానికి ఇది మాత్రమే చెప్పగలను. నేను జీవితంలో ఒక నూతన అధ్యాయం కోసం ఎదురు చూస్తున్నా. ఆశిష్, నేను మా సన్నిహితులు, స్నేహితులు, కుటుంబ సభ్యులతో ఈ ప్రత్యేక సందర్భాన్ని ఆస్వాదిస్తున్నా.' అంటూ చెప్పుకొచ్చింది.  కాగా..  ఇండియన్ ఐడల్ -12 తర్వాత ఆశిశ్‌కు గుర్తింపు వచ్చింది.  కాగా.. స్వానంది టికేకర్ మరాఠీ సీరియల్స్‌తో గుర్తింపు తెచ్చుకుంది. దిల్ దోస్తీ దునియాదారి, దిల్ దోస్తీ దొబారా, అస్సా మహేర్ నాకో గా బాయి పాత్రలకు ఫేమ్ వచ్చింది. అంతే కాకుండా ఏక్ శూన్య తీన్, డోంట్ వర్రీ బి హ్యాపీ అనే చిత్రాల్లో నటించింది. ఇండియన్ ఐడల్ మరాఠీ షోకు హోస్ట్‌గా చేసింది. View this post on Instagram A post shared by A D I N A T H P A ‘त’ K A R (@adinath.patkar) (ఇది చదవండి: 'ఓపెన్‌హైమర్' సినిమాలో ఆ సీన్‌ తొలగించండి: సమాచార మంత్రిత్వ శాఖ) View this post on Instagram A post shared by Ashish Kulkarni (@ashishkulkarni.music)

ప్రభాస్‌తో ఔెం రౌత్​ తెరక్కించిన 'ఆదిపురుష్​'. రామాయణం ఆధారంగా ప్రేక్షకుల ముందుకు వచ్చింది. ఈ సినిమాలో రాముడు, సీత, లక్ష్మణుడు, హనుమంతుడు, రావణడి పాత్రలన్ని కూడా పాపులర్‌ అయిన నటులే పోషించారు. కానీ రామ-రావణ యుద్ధానికి కారణమైన రావణుడి సోదరి శూర్పణఖ పాత్రలో నటించిన  తేజస్విని పండిట్ ప్రస్తుతం సోషల్ మీడియాలో ట్రెండింగ్‌లో ఉంది.  (ఇదీ చదవండి: Niharika Reaction: అందరినీ వేడుకుంటున్నా.. అర్థం చేసుకోండి: నిహారిక) ఆమె చేసింది రాక్షసి పాత్రే అయినా.. అందాల రాక్షసిగా  ఆకట్టుకుంది ఈ బ్యూటీ. 2004లో ఎంట్రీ ఇచ్చి మరాఠిలో స్టార్ హీరోయిన్‌గా వెలుగు వెలిగిన ఈ బ్యూటీకి ప్రస్థుతం అక్కడ పెద్దగా అవకాశాలు లేవనే చెప్పవచ్చు. పలు సినిమాల్లో గ్లామరస్ పాత్రల్లోనూ ఆకట్టుకుంది. పలు ఫిల్మ్‌ఫేర్ అవార్డులను కూడా సొంతం చేసుకుంది. కానీ టాలెంట్‌ ఉన్నా కూడా ఆమెకు అంతగా గుర్తింపు రాలేదనే చెప్పవచ్చు. (ఇదీ చదవండి: ఆయనంటే భక్తి.. అందుకే మా అబ్బాయికి ఈ పేరు పెట్టాం: కాజల్‌) అయితే తేజస్విని పండిట్ వ్యక్తిగత జీవితం విషయానికొస్తే తన చిన్ననాటి స్నేహితుడైనా భూషణ్ బోప్చేను 2012లో వివాహం చేసుకుంది. వారి వివాహ బంధం ఎక్కువ కాలం కొనసాగలేదు. వారిద్దరూ విడాకులు తీసుకున్నారు. తాజాగా అమె కుటుంబ విషయాల గురించి తెలుపుతూ.. ఒకానొక సమయంలో తినడానికి కూడా తిండి లేదని ఎమోషనల్ అయింది. తన ఇంట్లో కరెంట్ కూడా ఉండేది కాదు... కానీ అప్పులు మాత్రం ఇంటి నిండా ఉండేవి అని తెలిపింది. ఇప్పుడు ఆ జీవితాన్ని తలుచుకుంటే ఇప్పటికీ కన్నీళ్లు వస్తాయని పేర్కొంది. సోషల్ మీడియాలో ఎప్పుడూ యాక్టివ్‌గా ఉండే తేజస్విని పండిట్.. తనకు సంబంధించిన గ్లామర్ ఫోటోలను తన ఇన్‌స్టాగ్రామ్‌లో పోస్ట్ చేస్తుంటుంది. అక్కడ తనకు ఓక మిలియన్‌కు పైగానే ఫాలోవర్స్‌ ఉన్నారు. View this post on Instagram A post shared by Tejaswwini (@tejaswini_pandit)

సినిమా ఫీల్డ్ అంటేనే గ్లామర్‌తో నిండిన ప్రపంచం. అవకాశాలు రావాలంటే అంత ఈజీ కాదు. ఇప్పుడున్న పరిస్థితుల్లో పోటీ కూడా అలానే ఉంటోంది. కాస్త గ్లామర్ ఒలకబోస్తేనే చూసేవారు కష్టమైపోయారు. అలాంటి ఈ ఫీల్డ్‌లో నగ్న ఫోటో షూట్‌లకు సైతం నటీమణులు వెనుకకాడడం లేదు. అలానే గతంలో ఓ సంఘటనను గుర్తు చేసుకున్న ఓ నటి తీవ్ర భావోద్వేగానికి గురైంది. ఆమె ఫ్రెండ్‌ చేసిన పనికి ఎమోషనలైంది. అసలేం జరిగిందంటే..  బాలీవుడ్‌లో షాహిద్ కపూర్ నటించిన అర్జున్ రెడ్డి సినిమాలో పని మనిషిగా నటించిన మరాఠీ నటి వనితా ఖరత్. ఆమె చేసిన నగ్న ఫోటోషూట్ అప్పట్లో సంచలనం సృష్టించింది. ఆమె చేసిన పనికి పలువురు విమర్శించారు కూడా. అయితే తనకు విమర్శల కంటే ప్రశంసలే ఎక్కువగా వచ్చాయని ఆమె వెల్లడించింది. ఇదే ఫోటోలను చూసిన ఆమె ఫ్రెండ్‌ చాలా అసభ్యంగా ప్రవర్తించాడట. ఆమె ఫోటోలను తన గదిలో గోడకు తగిలించుకుంటానని అడిగాడట. ఆ సమయంలో ఆమె చాలా ఎమోషనల్ అయినట్లు వెల్లడించింది. నగ్న ఫోటో షూట్ కోసం ఎలాంటి స్లీవ్ లెస్ డ్రెస్సులు వేసుకోలేదని తెలిపింది. ఈ విషయాన్ని ఆమె ఓ యూట్యూబ్‌ ఛానెల్‌కిచ్చిన ఇంటర్వ్యూలో వెల్లడించింది. తనకు దర్శకుడు అనురాగ్ కశ్యప్ అంటే ఇష్టమని.. ఆయనతో కలిసి పని చేయాలని ఆసక్తిగా ఉన్నట్లు మనసులో మాట బయటపెట్టింది.  View this post on Instagram A post shared by Vanita Kharat (@vanitakharat19) View this post on Instagram A post shared by Vanita Kharat (@vanitakharat19)

ప్రముఖ సినీ హీరోయిన్ తనకు ఎదురైన చేదు అనుభవాన్ని వెల్లడించింది. మరాఠి హీరోయిన్ తేజస్విని పండిట్ వేధింపులకు గురైన విషయాన్ని ఇటీవల ఓ ఇంటర్వ్యూలో వివరించింది. తాను అద్దెకు ఉంటున్న ఇంటి యాజమాని లైంగిక వేధింపులకు పాల్పడ్డాడని తెలిపింది. తేజస్విని నటి జ్యోతి చందేకర్ కుమార్తె.  హౌస్‌ రెంట్ ఇవ్వడానికి కార్పొరేటర్‌ ఇంటికి వెళ్తే.. తనతో గడిపేందుకు డైరెక్ట్‌గా రమ్మని పిలిచాడని తేజస్విని తెలిపింది. అయితే అప్పుడప్పుడే ఇండస్ట్రీలో అవకాశాల కోసం ఎదురుచూస్తున్న తాను వెంటనే అపార్ట్‌మెంట్ ఖాళీ చేసి వచ్చానని పేర్కొంది.   తేజస్విని మాట్లాడుతూ.. '2009-10 ప్రాంతంలో నేను సింహగడ్ రోడ్‌లో (పుణెలో) అద్దె అపార్ట్‌మెంట్‌లో ఉండేవాళ్లం. అప్పట్లో నా సినిమాలు ఒకటి రెండు మాత్రమే విడుదలయ్యాయి. అపార్ట్‌మెంట్‌ ఓ కార్పొరేటర్‌కు చెందినది. నేను అద్దె చెల్లించడానికి అతని కార్యాలయానికి వెళ్లా. అతను నాకు నేరుగా ఆఫర్ ఇచ్చాడు. అక్కడే టేబుల్ మీద ఒక గ్లాసు నీరు ఉంది. నేను వెంటనే తీసుకుని అతని ముఖం మీద విసిరా. నేను అలాంటి పనులు చేయడానికి ఈ వృత్తిలోకి ప్రవేశించలేదు. నా వృత్తి కారణంగా, నా ఆర్థిక స్థితి బలహీనంగా ఉన్నందున ఇలా ప్రవర్తించారు. ఈ సంఘటన నాకు ఓ అనుభవం లాంటిది' అని అన్నారు. కాగా.. 2004లో కేదార్ షిండే అగా బాయి అరేచాతో తేజస్విని సినీ ఇండస్ట్రీలో అరంగేట్రం చేసింది.

సినిమా- క్రికెట్‌ది విడదీయరాని బంధం. సినీతారలు క్రికెటర్స్‌ను లవ్వాడటం, కొన్ని జంటలు పెళ్లిదాకా రాకుండానే బ్రేకప్‌ కావడం, మరికొన్ని మాత్రం వివాహంతో బంధాన్ని పదిలం చేసుకోవడం చాలానే చూశాం. అయితే కొందరు వారి ప్రేమను ఫ్రెండ్‌షిప్‌ ముసుగులో దాచేస్తే.. మరికొందరి నిజమైన స్నేహాన్ని జనాలు ప్రేమే అని భ్రమపడతారు. ఇలా సినీతారలు- క్రికెటర్లకు సంబంధించి ఎన్నో వార్తలు నిత్యం నెట్టింట చక్కర్లు కొడుతూనే ఉంటాయి. అలా మరాఠీ నటి సయాలీ సంజీవ్‌, క్రికెటర్‌ రుతురాజ్‌ గైక్వాడ్‌ మధ్య ఏదో ఉందంటూ పుకార్లు షికార్లు చేస్తున్నాయి. తాజాగా దీనిపై సయాలీ సంజీవ్‌ స్పందించింది. 'మా మధ్య ఏం లేదు.. ఈ రూమర్స్‌ వల్ల మా స్నేహం దెబ్బతింది. కనీసం మంచి స్నేహితులుగా కూడా మాట్లాడుకోవట్లేదు. అక్కడ ప్రేమాదోమా ఏమీ లేదు. అయినా మమ్మల్ని ఎందుకు లింక్‌ చేస్తున్నారో అర్థం కావట్లేదు. దీని వల్ల మా వ్యక్తిగత జీవితాల్లో కూడా కొన్ని ఇబ్బందులు ఎదురవుతున్నాయి, అది పుకార్లు పుట్టించేవాళ్లకు ఎందుకర్థమవట్లేదు? అతడు మంచి ఆటగాడు, దాని గురించి మేం మాట్లాడుకునేవాళ్లం.. కానీ తర్వాత అది కూడా మానేశాం. నిజానికి మా భాగస్వాములను ఎంచుకున్నాకైనా జనాలు మాది స్నేహమని తెలుసుకుంటారులే అనుకున్నా.. కానీ ఈ పుకార్లు ఇలా వ్యాప్తి చెందుతూనే ఉంటే ఎన్నటికైనా ఇబ్బందేనని గ్రహించాం. ఇంట్లోవాళ్లకు కూడా సమస్యేనని అర్థం చేసుకున్నాం. అతడు ఏదైనా విజయం సాధించినప్పుడు కంగ్రాట్స్‌ చెప్దామనిపించినా ఆ పని చేయలేకపోతున్నా. అతనిది కూడా అదే పరిస్థితి అని చెప్పుకొచ్చింది' సయాలీ సంజీవ్‌. చదవండి: నాన్న లేడు, పాత ఇల్లు కొన్న కమెడియన్‌

సాక్షి, ముబై: కొల్హాపూర్‌ జిల్లాలో జరిగిన రోడ్డు ప్రమాదంలో మరాఠీ టెలివిజన్‌ నటి దుర్మరణం చెందారు. కళ్యాణి కురాలే జాదవ్‌ అనే 32 ఏళ్ల నటి శనివారం రాత్రి తన టూవీలర్‌పై ఇంటికి వెళ్లుండగా కాంక్రీట్‌ మిశ్చర్‌ ట్రాక్టర్‌ను ఢీకొట్టింది. సాంగ్లీ-కొల్హాపూర్ హైవేపై హలోండి కూడలి సమీపంలో ఈ ప్రమాదం జరిగింది. ఈ ఘటనలో తీవ్రంగా గాయపడిన కళ్యాణిని ఆసుపత్రికి తీసుకెళ్లగా అప్పటికే ఆమె మరణించినట్లు వైద్యులు ప్రకటించారు. సమాచారం అందుకున్న పోలీసులు సంఘటన స్థలానికి చేరుకున్నారు. ప్రమాదానికి కారణమైన ట్రాక్టర్‌ డ్రవర్‌ను అరెస్ట్‌ చేసి, అతనిపై కేసు మోదు చేసినట్లు పోలీసులు తెలిపారు. దీనిపై దర్యాప్తు చేస్తున్నట్లు పేర్కొన్నారు.  కాగా కళ్యాణి తుజ్హత్‌ జీవ్‌ రంగా, దఖంచ రాజా జ్యోతిబా వంటి మరాఠీ టీవీ సీరియల్స్‌లో నటించి గుర్తింపు సాధించారు. జాదవ్‌ కొల్హాపూర్‌ నగరంలోని రాజారంపురి ప్రాంతంలో నివాసముంటోంది. ఇటీవలే ఆమె హలోండిలో రెస్టారెంట్‌ ప్రారంభించారు. శనివారం రాత్రి రెస్టారెంట్‌ మూసివేసి ఇంటికి వెళ్తున్న సమయంలో ఆమె ద్విచక్ర వాహనాన్ని ట్రాక్టర్‌ ఢీకొట్టినట్లు షిరోలి పోలీస్‌ అధికారి సాగర్‌ పాటిల్‌ తెలిపారు. 

సాధారణంగా ప్రతి ఒక్కరి జీవితంలో పుట్టినరోజు చాలా స్పెషల్‌. తమ పుట్టినరోజుని ఎంతో సంతోషంగా జరుకుంటారు. ఇక సెలబ్రిటీల విషయానికి వస్తే స్టార్‌ హోటల్స్‌, రిసార్ట్స్‌,పబ్స్‌లో బర్త్‌డేను సెలబ్రేట్‌ చేసుకుంటారు. అయితే ఇందుకు విభిన్నంగా ఓ హీరోయిన్‌ మాత్రం తన పుట్టినరోజుని స్మశానవాటికలో జరుపుకుంది. వివరాల్లోకి వెళితే.. ప్రముఖ నటి ఆర్యా ఘారే మంగళవారం తన పుట్టినరోజు వేడులను స్నేహితులతో కలిసి స్మశానంలో జరుపుకంది. స్మశానవాటికలోనే కేక్‌ కట్‌ చేసింది. దీనికి సంబంధించిన ఫోటోలు ప్రస్తుతం నెట్టింట చక్కర్లు కొడుతున్నాయి. అయితే ఇలా బర్త్‌డేను స్మశనాంలో జరుపుకోవడంపై నటి ఆర్యా ఘారే స్పందిస్తూ.. మూఢనమ్మకాలపై వ్యతిరేక ప్రచారంలో భాగంగా ఇలా పుట్టినరోజును జరుపుకున్నట్లు తెలిపింది. కాగా ఈ బర్త్‌డే వేడుకలకు ఆమె తల్లి కూడా హాజరుకావడం విశేషం. ఇక సినిమాల విషయానికి వస్తే డ్యూల్ బంద్, భిర్గీత్, అబా, బ్యాక్ టూ స్కూల్ వంటి చిత్రాలతో హిందీ, మరాఠీ చిత్ర పరిశ్రమల్లో ఆర్య ఘారే తనకంటూ ప్రత్యేక గుర్తింపును సంపాదించుకుంది. 

Marathi Actress  Ketaki Chitale Got Bail Over Post Against Sharad Pawar: నేషనలిస్ట్‌ కాంగ్రెస్‌ పార్టీ (ఎన్సీపీ) అధినేత శరద్‌ పవార్‌ను అవమానకర రీతిలో ప్రస్తావించిందన్న ఆరోపణలో అరెస్టయిన 29 ఏళ్ల మరాఠీ నటి కేతకి చితాలేకు తాజాగా బెయిల్‌ మంజూరైంది. సోషల్‌ మీడియా ఫేస్‌బుక్‌లో శరద్‌పై అభ్యంతకర పోస్టులు చేసిందన్న కారణంగా కేతకిని మే 14న థానే పోలీసులు అరెస్ట్‌ చేసిన విషయం తెలిసిందే. అరెస్టయిన దాదాపు నెల రోజుల తర్వాత మహారాష్ట్ర థానే జిల్లాలోని కోర్టు బుధవారం (జూన్ 22) బెయిల్‌ జారీ చేసింది. రూ. 20 వేల పూచీకత్తుపై ఆమెకు బెయిల్‌ ఇచ్చారు జిల్లా న్యాయమూర్తి హెచ్ఎం పట్వర్దన్‌.  ఇప్పుడు కేతకి థానే సెంట్రల్‌ జైల నుంచి ఇంటికి వెళ్లవచ్చని ఆమె తరఫు న్యాయవాది పేర్కొన్నారు. కేతకిపై ఐపీసీ సెక్షన్‌ 505 (2) (ప్రజలను రెచ్చగొట్టే ప్రకటనలు చేయడం), 500 (పరువు నష్టం), 501 (పరువు నష్టం కలిగించే విషయాన్ని ముద్రించడం, ప్రస్తావించడం), 153 ఏ మతం, జాతి, స్థలం ఆధారంగా వివిధ సమూహాల మధ్య శత్రుత్వాన్ని ప్రోత్సహించడం వంటి కేసులు నమోదయ్యాయి. శరద్ పవార్‌పై అనుచిత పోస్టులు పెట్టిందన్న ఆరోపణలతో నటి కేతకి చితాలే ప్రస్తుతం సుమారు 20కుపైగా ఫిర్యాదులను ఎదుర్కొంటోంది. ఈ కేసు విషయమై పోలీసుల అదుపులో ఉన్నప్పుడు కేతకి చితాలేపై సిరా చుక్కలు చల్లి నిరసన తెలియజేశారు.  చదవండి: కమెడియన్‌ లైంగిక వేధింపులు.. 50 ఏళ్ల తర్వాత తీర్పు.. ప్రతి ఒక్కరూ బాధ్యతగా తీసుకోవాలి: సల్మాన్‌ ఖాన్‌

ముంబై: మహారాష్ట్ర సీనియర్‌ నేత, ఎన్సీపీ అధినేత శరద్‌ పవార్‌పై సోషల్‌ మీడియాలో అనుచిత పోస్ట్‌ షేరింగ్‌ చేసిన వ్యవహారంలో నటికి ఊరట దొరకడం లేదు. బెయిల్‌ దొరికినా.. మరాఠీ నటి  కేతకి చిటలే(29) ఇంకా జైల్లోనే ఉన్నారు. అందుకు కారణం.. ఆమెపై ఏకంగా 20 దాకా కేసులు నమోదు కావడం. మరాఠీ టీవీ, సినీ నటి కేతకి చిటలే.. పవార్‌ను కించపరిచేలా ఉన్న పోస్ట్‌ ఎవరో సోషల్‌ మీడియాలో పోస్ట్‌ చేయగా.. ఆ పోస్ట్‌ను నటి కేతకి షేర్‌ చేశారు. దీనిపై ఎన్సీపీ నేతలు కొందరు అభ్యంతరం వ్యక్తం చేశారు. ఆమెపై చర్యలు తీసుకోవాలని థానే పోలీసులను డిమాండ్‌ చేశారు. దీంతో కేసు నమోదు చేసుకున్న థానే పోలీసులు.. మే 14వ తేదీన ఆమెను అరెస్ట్‌ చేసి జైలుకు తరలించారు. మధ్యలో బెయిల్‌ కోసం దరఖాస్తు చేసుకున్నా.. ఈ నేరాన్ని తీవ్రంగా పరిగణించింది కోర్టు. ఇది జరిగి నెల కావొస్తోంది.  అయితే.. థానే కోర్టు తాజాగా ఆమెకు బెయిల్‌ మంజూరు చేసింది. అయినా ఆమె ఇంకా జైల్లోనే ఉంది. అనుచిత పోస్ట్‌ షేరింగ్‌ విషయంలో ఆమెపై 20 కేసులు నమోదు అయ్యాయని, అందుకే ఆమె రిలీజ్‌ కుదరదని జైళ్ల శాఖ తెలిపింది.  మరోవైపు బెయిల్‌ కోసం ఆమె బాంబే హైకోర్టులో పిటిషన్‌ దాఖలు చేయగా.. వచ్చే వారం పిటిషన్‌ విచారణకు రానుంది. అదే విధంగా ఆయా కేసుల్లో విచారణపై స్టే విధించాలంటూ మరో పిటిషన్‌ను వేయగా.. ఆ పిటిషన్‌పై విచారణ పెండింగ్‌లో ఉంది. మరోవైపు.. కేతకి చిటలేతో పాటు పవార్‌ వ్యతిరేక పోస్టును ట్విటర్‌లో షేర్‌ చేసిన నిఖిల్‌ భర్మే(23) అనే ఫార్మసీ స్టూడెంట్‌ సైతం అరెస్ట్‌ అయ్యాడు. నిఖిల్‌పై సైతం ఆరు కేసులు నమోదుకాగా, నెలపైనే జైల్లో ఉన్నాడు. మరాఠీలో ఉన్న సదరు పోస్ట్‌లో నేరుగా ఎన్సీపీ ఛీఫ్‌ పేరును ప్రస్తావించకపోయినా.. ఆయన ఇంటి పేరును, వయసును ప్రస్తావించారు. ‘‘బ్రహ్మణులను ద్వేషిస్తున్న నీ కోసం నరకం ఎదురు చూస్తోందంటూ’’ పవార్‌ను ఉద్దేశిస్తూ ఆ పోస్టులో రాశారు. 

ముంబై: నేషనలిస్ట్‌ కాంగ్రెస్‌ పార్టీ అధినేత శరద్‌ పవార్‌పై అనుచిత పోస్ట్‌ షేర్‌ చేసినందుకు నటిపై కేసు నమోదు అయ్యింది.  మరాఠీ టీవీ, సినీ నటి కేతకి చిటలే మీద శనివారం థానే పోలీసులు కేసు నమోదు చేశారు. పవార్‌ను కించపరిచేలా ఉన్న పోస్ట్‌ ఎవరో ఫేస్‌బుక్‌లో పోస్ట్‌ చేయగా.. శుక్రవారం ఆ పోస్ట్‌ను నటి కేతకి షేర్‌ చేశారు. దీనిపై ఎన్సీపీ నేతలు కొందరు అభ్యంతరం వ్యక్తం చేశారు. ఆమె చర్యలు తీసుకోవాలని థానే పోలీసులను డిమాండ్‌ చేశారు.  దీంతో.. ఆమెపై కేసు నమోదు అయ్యింది. మరాఠీలో ఉన్న సదరు పోస్ట్‌లో నేరుగా ఎన్సీపీ ఛీఫ్‌ పేరును ప్రస్తావించకపోయినా.. ఆయన ఇంటి పేరును, వయసును ప్రస్తావించారు. ‘‘బ్రహ్మణులను ద్వేషిస్తున్న నీ కోసం నరకం ఎదురు చూస్తోందంటూ’’ పవార్‌ను ఉద్దేశిస్తూ ఆ పోస్టులో రాశారు. ఈ పోస్ట్‌ను నటి చిటలే పోస్ట్‌చేయడంతో ఐపీసీ పలు సెక్షన్ల కింద కేసు నమోదు చేశారు థానేలోని కాల్వా పోలీసులు. ఇదిలా ఉండగా.. ఈ పోస్ట్‌ వెనుక బీజేపీ, ఆర్సెస్‌ ‍ ప్రమేయం ఉందని ఎన్సీపీ ఆరోపిస్తోంది. కాంగ్రెస్‌, శివ సేనతో ఎస్పీపీ జట్టుకట్టడం బీజేపీకి సహించడం లేదని, ఈ క్రమంలోనే తమ పార్టీ, అధినేత శరద్‌ పవార్‌పై అభ్యంతర ప్రచారం సోషల్‌ మీడియాలో చేస్తోందని అంటున్నారు. చదవండి: గుడ్‌ బై.. గుడ్‌ లక్‌.. కాంగ్రెస్‌కు షాకిచ్చిన పీసీసీ మాజీ చీఫ్‌ 

ఆన్‌స్క్రీన్‌ మీద జంటగా కనిపించే తారలు నిజజీవితంలోనూ ఒక్కటైన సందర్భాలు చాలానే ఉన్నాయి. రీల్‌ లైఫ్‌లో హిట్‌ పెయిర్‌ అనిపించుకున్న మరాఠీ జంట రియల్‌ లైఫ్‌లోనే జత కట్టేందుకు రెడీ అయింది. 'తుజ్యత్‌ జీవ్‌ రంగ్ల' అనే సీరియల్‌లో హీరోహీరోయిన్‌గా నటించిన హార్దిక్‌ జోషి, అక్షయ డియోధర్‌ త్వరలో పెళ్లి పీటలెక్కనున్నారు. ఈ మేరకు మే 3న నిశ్చితార్థం కూడా చేసుకున్నారు. అతి కొద్దిమంది బంధుమిత్రుల మధ్య ఈ ఎంగేజ్‌మెంట్‌ జరిగింది. ఈ విషయాన్ని అక్షయ 'ఎట్టకేలకు మా ఎంగేజ్‌మెంట్‌ జరిగిపోయింది' అన్న క్యాప్షన్‌ ఇస్తూ ఇన్‌స్టాగ్రామ్‌లో పలు ఫొటోలు, వీడియోలు షేర్‌ చేసింది. అందులోని ఓ వీడియోలో అక్షయను తన మోకాలిపై కూర్చోబెట్టుకుని ఆమె వేలికి రింగ్‌ తొడిగి ప్రపోజ్‌ చేశాడు హార్దిక్‌. అనంతరం అక్షయ అతడి వేలికి ఉంగరం తొడిగి కాబోయే భర్తను హత్తుకుంది. ప్రస్తుతం వీరి ఎంగేజ్‌మెంట్‌కు సంబంధించిన ఫొటోలు, వీడియోలు నెట్టింట వైరల్‌గా మారాయి. కాబోయే దంపతులకు అభిమానులు శుభాకాంక్షలు తెలుపుతున్నారు. View this post on Instagram A post shared by Akshaya Mahesh (@akshayaddr) View this post on Instagram A post shared by Akshaya Mahesh (@akshayaddr) View this post on Instagram A post shared by Akshaya Mahesh (@akshayaddr) View this post on Instagram A post shared by Akshaya Mahesh (@akshayaddr) View this post on Instagram A post shared by HARDEEK JOSHI (@hardeek_joshi) View this post on Instagram A post shared by Madhuri Kobal (@madhurikhese_makeupartist) చదవండి: సినీప్రియులకు ఆహా గుడ్‌న్యూస్‌, మేలో ఏకంగా 40కి పైగా సినిమాలు!

అమ్మాయి, అబ్బాయి కలిసి కనిపిస్తే చాలు తప్పుగా అర్థం చేసుకునే రోజులివి. అలాంటిది ఇండస్ట్రీలోని నటీనటులు తరచూ కలిసి కనిపించారంటే చాలు సమ్‌థింగ్‌ సమ్‌థింగ్‌ అంటూ కథనాలు అల్లేస్తారు ఈ క్రమంలో భాగ్యశ్రీ లిమాయే నటుడు భూషణ్‌ ప్రదాన్‌తో డేటింగ్‌లో ఉందంటూ పుకార్లు షికార్లు చేశాయి. తాజాగా ఈ రూమర్స్‌పై మండిపడింది భాగ్యశ్రీ. 'ఇదంతా తప్పుడు ప్రచారం. చాలాకాలం క్రితమే దీనిపై క్లారిటీ ఇచ్చాను కూడా! మరాఠీ ఇండస్ట్రీలో నాకు కొద్దిమంది మాత్రమే స్నేహితులున్నారు. అందులో కొందరు సెలబ్రిటీల ఫ్రెండ్స్‌తో కూడా నేను చిల్‌ అవుతుంటాను. నా క్లోజ్‌ ఫ్రెండ్స్‌లో యాక్టర్స్‌ కూడా ఉన్నారు. వారితోనే నేను అప్పుడప్పుడు బయటకు వెళ్తుంటాను. అందులో భూషణ్‌ ఒకరు. అతడితో కలిసి బయట కనిపించిన పాపానికి నాకు అతడికి ముడిపెడుతున్నారు. ఎందుకు మాకిద్దరికీ ముడిపెడతున్నారో నాకిప్పటికీ అర్థం కావట్లేదు. కానీ ఇలాంటి వార్తలు విన్నప్పుడు మాత్రం మేము సీరియస్‌గా తీసుకోకుండా గట్టిగా నవ్వేస్తాం. అంతెందుకు, ఆ వార్తల క్లిప్పింగ్‌లు కూడా షేర్‌ చేసుకుంటాం' అని చెప్పుకొచ్చింది. తన జీవితంలో చాలామంది ప్రత్యేక వ్యక్తులు ఉన్నారన్న భాగ్యశ్రీ ప్రస్తుతం తాను సింగిల్‌గా ఉందా? లేదా ప్రేమలో ఉందా? అన్న విషయాన్ని మాత్రం చెప్పనంది. చదవండి: మళ్లీ ప్రేమలో పడ్డ హీరో, సహజీవనం కూడా?!

Dil To Pagal Hai Telugu Movie: 'శ్యామ్‌ సింగరాయ్‌’ ఫేమ్‌ రవితేజ్‌ హీరోగా, మిస్‌ మహారాష్ట్ర అనిత షిండే జంటగా సతీష్‌ దర్శకత్వంలో తెరకెక్కుతున్న చిత్రం ‘దిల్‌ తో పాగల్‌ హై’. ఎస్‌ఎమ్‌ఆర్‌ ఎస్టేట్స్‌ అండ్‌ డెవలపర్స్‌ సమర్పణలో గీతా ఫిలిమ్స్‌ పతాకంపై ఎస్‌. సోమరాజు నిర్మిస్తున్న ఈ సినిమా హైదరాబాద్‌లో ప్రారంభమైంది. ముహూర్తపు సన్నివేశానికి ఎగ్జిక్యూటివ్‌ ప్రొడ్యూసర్‌ జైపాల్‌రెడ్డి కెమెరా స్విచాన్‌ చేయగా, నిర్మాత ప్రసన్న కుమార్‌ క్లాప్‌ ఇచ్చారు. ‘‘జనవరి 15 తర్వాత మా సినిమా రెగ్యులర్‌ షూటింగ్‌ ప్రారంభిస్తాం.. మేలో సినిమా విడుదల చేస్తాం’’ అన్నారు సతీష్‌. ‘‘దిల్‌ తో పాగల్‌ హై’ విడుదల తర్వాత ఆరునెలలకో సినిమా నిర్మిస్తా’’ అన్నారు సోమరాజు. ‘‘ఈ కథ విన్నప్పుడు నా కళ్లలో నీళ్లు వచ్చాయి’’ అన్నారు రవి. 

రంగుల ప్రపంచంలో.. ఎవరు ఏం కావాలన్నది పరిశ్రమే నిర్ణయిస్తుందంటారు. ఈ మాట సోనల్‌ పవార్‌ జీవితంలో అచ్చంగా నిజం.. గ్రేట్‌ సింగర్‌గా ఎదగాలనుకున్న ఆమెను.. బిజీ యాక్ట్రెస్‌గా మార్చింది ఇండస్ట్రీ. ప్రస్తుతం తనలో దాగిన నటనకు మెరుగులు దిద్దుతూ వరుస సీరియల్స్, సిరీస్‌తో దూసుకుపోతోంది..  సొంత ఊరు డెహ్రడూన్‌. చిన్నప్పుడే సింగర్‌ కావాలని ఫిక్స్‌ అయిపోయింది. స్కూల్లో ప్రేయర్‌ బెల్‌ కొట్టినా.. ఫ్రెండ్స్‌కు బోర్‌ కొట్టినా తన పాటే వినబడేది. పలు సంగీత పోటీల్లో పాల్గొని విజేతగా నిలిచింది. అదే స్ఫూర్తితో ప్రసిద్ధ రియాలిటీ షో ‘సరిగమప’ లోనూ పాల్గొంది. విజేతగా నిలవకపోయినా, వెంటనే ఓ సినిమాలో పాడే చాన్స్‌ కొట్టేసింది.  దురదృష్టవశాత్తు ఆ సినిమా రిలీజ్‌ కాలేదు.  అవకాశాల కోసం ఆమె ప్రయత్నమూ ఆగలేదు. షోలో వచ్చిన పాపులారిటీ నెమ్మది నెమ్మదిగా తగ్గి, సింగర్‌గా స్థిరపడకపోవడంతో డిప్రెషన్‌లోకి వెళ్లింది.   ఒకరోజు తను పాడిన పాట.. టీవీలో రిపీట్‌ ఎపిసోడ్‌లో వినబడుతోంది. అప్పుడే ఆమె ఓ విషయాన్ని గమనించింది. అక్కడికి వచ్చిన అతిథుల్లో కొంతమంది నటీమణులు కూడా ఉండటం. వారికి సింగర్స్‌ కంటే ఎక్కువ ప్రాధాన్యం ఇవ్వడం.   రిపీట్‌ ఎపిసోడ్‌ ఇచ్చిన ప్రేరణతో నటిగా మారింది. అదృష్టం ఆమె తలుపు తట్టినట్లు కొద్దిరోజుల్లోనే స్టార్‌ ప్లస్‌లో ప్రసారమమ్యే ‘కసౌటీ జిందగీ కీ’ సీరియల్‌లో అవకాశం లభించింది.  సింగర్‌గా కాకపోయినా, నటిగా మంచి సక్సస్‌ సాధించింది. వెబ్‌ దునియాలోకి అడుగుపెట్టి ‘గందీ బాత్‌’, ‘మాయ–2’, ‘క్యాండీ’ సిరీస్‌లతో అలరిస్తోంది.   చదవండి: పాకిస్తానీ క్రికెటర్‌ మొహిసిన్‌ ఖాన్‌ వివాహ బంధం.. అలా.. ముగిసింది!

Marathi Actress Ishwari Deshpande Dies In A Car Accident: ప్రియుడితో కలిసి హాలీడే ట్రిప్‌కు వెళ్లిన నటి ఈశ్వరి దేశ్‌ పాండే కారు ప్రమాదంలో మృతి చెందింది. పోలీసులు తెలిపిన వివరాల ప్రకారం.. మరాఠీ నటి ఈశ్వరి ప్రియుడితో కలిసి సెప్టెంబర్‌ 15న గోవా హాలీడే ట్రిప్‌కు వెళ్లింది. సోమవారం తెల్లవారుజామున వీరు ప్రయాణిస్తున్న కారు అర్పారో గ్రామానికి సమీపంలోని బాగా-కలాంగుట్‌ వంతెనపై అదుపుతప్పి లోయలోకి పడిపోయింది. చదవండి : Shilpa Shetty: జైలు నుంచి వచ్చిన భర్త.. శిల్పా ప్రయాణం ఎటువైపు? కారు సెంట్రల్‌ లాక్‌ చేసి ఉండటంతో ఇద్దరూ కారులోంచి బయటకు రాలేకపోయారు. ఈ ప్రమాదంలో ఈశ్వరి(25)తో పాటు ఆమె ప్రియుడు శుభమ్ డెడ్జ్ (28) ప్రాణాలు కోల్పోయారు.  చిన్నప్పటి నుంచి నటిగా రాణించాలని కలలు కన్న ఈశ్వరి దేశ్‌ పాండే హిందీ, మరాఠీ చిత్రాల్లో నటించారు. ప్రస్తుతం ఆమె చేసిన సినిమాలు విడుదలకు సిద్ధంగా ఉన్నాయి. ఇక శుభమ్‌తో ఈశ్వరికి చాన్నాళ్లుగా పరిచయం ఉంది. వీరి స్నేహం ఇటీవలె ప్రేమగా మారింది. ఈ నేపథ్యంలో వచ్చే నెలలో వీరి నిశ్చితార్థానికి కుటుంబసభ్యులు ఏర్పాట్లు చేస్తున్నారు. ఈ క్రమంలో కారు ప్రమాదం రెండు కుటుంబాల్లో తీరని విషాదం నింపింది. ట్రిప్‌కి వెళ్లి సంతోషంగా తిరిగి వస్తారనుకుంటే శవమై తేలడం బంధువులను, స్నేహితులను షాక్‌కి గురిచేస్తుంది. ఘటనపై కేసు నమోదు చేసుకున్న పోలీసులు మృతదేహాలను వారి కుటుంబాలకు అప్పగించారు.  Tamannaah: 'అనారోగ్యం.. అందుకే ప్రతిరోజు ఆ జ్యూస్‌ తాగుతా'

రుచా ఇనామ్‌దార్‌.. కథక్‌ కళాకారిణిగా, మోడల్‌గా, థియేటర్‌ ఆర్టిస్ట్‌గా సుపరిచితమైన పేరు. ఇప్పుడు వెబ్‌స్టార్‌గానూ ఖ్యాతినార్జిస్తోంది. ఆమె గురించి...  పుట్టింది, పెరిగింది, చదివింది అంతా ముంబైలోనే. తల్లి రుటా ఇనామ్‌దార్‌ డాక్టర్‌. ఆ స్ఫూర్తితో రుచా కూడా మెడిసిన్‌  చదివింది. ఏసీపీఎమ్‌ (అన్నాసాహెబ్‌ చూడామణ్‌ పాటిల్‌ మెమోరియల్‌) డెంటల్‌ కాలేజ్‌లో కోర్సు పూర్తి చేసింది. చిన్నప్పటి నుంచి డాన్స్‌ అంటే ఉన్న ఇష్టంతో కథక్, లాటిన్‌ అమెరికన్‌ జానపద నృత్యాల్లో శిక్షణ తీసుకుంది. సుమారు అరవైకి పైగా వాణిజ్య ప్రకటనల్లో బాలీవుడ్‌ ప్రముఖుల సరసన కనిపించింది.  2014లో ‘చిల్డ్రన్‌ ఆఫ్‌ వార్‌ ’ సినిమాతో బాలీవుడ్‌లోకి ఎంట్రీ ఇచ్చింది. ఆ తర్వాత ‘అండర్‌ ది సేమ్‌ సన్‌’, ‘భక్తి’, ‘భిఖారీ’, ‘ వెడ్డింగ్‌ చా షినేమా’ సినిమాల్లోనూ నటిచింది. నటన మీద ఆసక్తితో  మరాఠీ, హిందీ థియేటర్‌లో పనిచేసింది. సుమారు అరవైకి పైగా వాణిజ్య ప్రకటనల్లో బాలీవుడ్‌ ప్రముఖుల సరసన కనిపించింది. 2014లో ‘చిల్డ్రన్‌ ఆఫ్‌ వార్‌ ’ సినిమాతో బాలీవుడ్‌లోకి ఎంట్రీ ఇచ్చింది. ఆ తర్వాత ‘అండర్‌ ది సేమ్‌ సన్‌’, ‘భక్తి’, ‘భిఖారీ’, ‘వెడ్డింగ్‌ చా షినేమా’ సినిమాల్లోనూ నటిచింది. ప్రస్తుతం హాట్‌స్టార్‌లో ప్రసారమవుతోన్న ‘క్రిమినల్‌ జస్టిస్‌’తో వెబ్‌ వీక్షకులను అలరిస్తోంది. ఇందులో తను కనబర్చిన అద్భుతమైన నటనకు ‘బెస్ట్‌ పాపులర్‌ యాక్టర్‌ ఇన్‌ సపోర్టింగ్‌ రోల్‌’ అవార్డునూ అందుకుంది.   ‘టైమ్‌ దొరికితే అది చేయాలి, ఇది చేయాలి అని చాలా మంది అనుకుంటూ ఉంటారు. నేను ఫోటోగ్రఫీ నేర్చుకోవాలని అనుకునేదాన్ని. లాక్‌ డౌన్‌లో సెమీ ఫోటోగ్రఫీ ఆన్‌లైన్‌ కోర్సు పూర్తి చేశా. త్వరలోనే  పెద్ద ఫోటోగ్రాఫర్‌గా కూడా నన్ను చూడొచ్చు!’   – రుచా ఇనామ్‌దార్‌ చదవండి: అందం.. అదితిరావు హైదరి సొంతం

పుణె: మరాఠీ నటి సోనాలీ కులకర్ణి ఇంట్లోకి గుర్తు తెలియని వ్యక్తి ఆయుధాలతో చొరబడి హల్‌చల్‌ చేశాడు. మహారాష్ట్రలోని పుణెలో పింప్రి చించ్‌వాద్‌లో నివాసముంటున్న సోనాలీ ఇంట్లోకి మంగళవారం నాడు ఓ వ్యక్తి చొరబడ్డాడు. ఒక ఫేక్‌ గన్‌, కత్తితో టెర్రస్‌ పై నుంచి ఇంట్లోకి ప్రవేశించాడు. అతడిని చూసిన పని మనిషి భయంతో బిగుసుకుపోగా, తన వెనక పోలీసులు ఉన్నారని, కాబట్టి చప్పుడు చేయకుండా తను ఎక్కడ దాక్కోవాలో చెప్పమని ఆదేశించాడు. ఇంతలో నటి తండ్రి మనోహర్‌ ఆ దుండగుడిని పట్టుకునేందుకు ప్రయత్నించాడు. ఈ క్రమంలో అతడు కత్తితో దాడి చేయడంతో మనోహర్‌కు గాయాలయ్యాయి. అనంతరం అతడు వెంటనే అక్కడి నుంచి పారిపోయేందుకు ప్రయత్నించాడు. కానీ, అప్పటికే అప్రమత్తమైన కాలనీవాసులు అతడిని చేజిక్కించుకుని పోలీసులకు అప్పజెప్పారు. అయితే సదరు వ్యక్తి సోనాలి అభిమాని అయి ఉంటాడని పోలీసులు అనుమానిస్తున్నారు. ప్రస్తుతం ఈ ఘటనపై లోతైన దర్యాప్తు జరుపుతున్నట్లు వెల్లడించారు. చదవండి: బాయ్‌ఫ్రెండ్‌ ఫోటో చూసి ఇరా ఖాన్‌ ఏమందంటే.. విడాకులు రాకముందే.. కోటీశ్వరుల క్యూ


 మహిళలపై నేరాలకు అడ్డూ అదుపు లేకుండా పోతోంది. మహారాష్ట్రలోని ఔరంగాబాద్ జిల్లాలోని పైఠాన్ ప్రాంతంలో ఓ మరాఠీ సినీ నటిపై ఐదుగురు వ్యక్తులు సామూహిక అత్యాచారం చేశారు. వారిలో ఒకరిని పోలీసులు అరెస్టు చేశారు. ముంబై శివారు ప్రాంతానికి చెందిన ఈ నటి సినిమా షూటింగ్ కోసం పైఠాన్ జిల్లాకు వెళ్లింది. రెండు నెలల పాటు అక్కడే ఉన్న ఆమె.. ఆదివారం నాడు తన డబ్బు తీసుకోడానికి ఔరంగాబాద్కు వచ్చింది. దర్శకుడి స్నేహితుడి వద్దకు తన పారితోషికం కోసం వెళ్లగా, అతడు ఆమెను అక్కడి నుంచి దాదాపు 60 కిలోమీటర్ల దూరంలో ఉన్న పైఠాన్ వద్దకు తీసుకెళ్లి, అక్కడ మరో నలుగురితో కలిసి సామూహిక అత్యాచారం చేశారని ఔరంగాబాద్ క్రైం బ్రాంచి ఇన్స్పెక్టర్ కంచన్ కుమార్ చెప్పారు.
 
 ఆమె ఫిర్యాదులో పేర్కొన్న వివరాల ప్రకారం.. ఆనంద్ మఘాడే అనే డైరెక్టర్ తన స్నేహితుడైన గోవింద్ చిట్లాంగేకు.. సినిమా కోసం ఓ హీరోయిన్ కావాలని  చెప్పాడు. దాంతో ముంబైకి చెందిన ఆ అమ్మాయిని ఎంపిక చేసి, రెండు నెలల పాటు షూటింగ్ చేశారు. అయితే ఆమెకు డబ్బులు మాత్రం ఇవ్వలేదు. తన డబ్బుల గురించి గోవింద్ చిట్లాంగేను సంప్రదించగా, అతడు ఆమెను నిర్జన ప్రదేశానికి తీసుకెళ్లి అక్కడ మరో నలుగురితో కలిసి సామూహిక అత్యాచారం చేసినట్లు ఇన్స్పెక్టర్ చెప్పారు. చిట్లాంగేను ఇప్పటికే అరెస్టు చేయగా.. మిగిలిన నలుగురు నిందితులు పరారీలో ఉన్నారు.


 ముంబై: అలనాటి మరాఠీ సినీ నటి నయనతార(64) అనారోగ్యంతో ఆదివారం రాత్రి కన్నుమూశారు. ఆమె ఠాణలో నివాసముంటున్నారు. కొంత కాలంగా మధుమేహ సమస్యతో బాధపడుతున్నారు. ఆదివారం ఆస్వస్థతకు గురికావడంతో ఆమెను ముంబైలోని నాయర్ ఆస్పత్రిలో చేర్పించారు. చికిత్స పొందుతూ కొద్ది సేపటికే చనిపోయినట్లు వైద్యులు వెల్లడించారు.
 
 నాటక రంగం నుంచి సినిమా రంగంలోకి ప్రవేశించిన నయనతార 'బాళా గావు కషి అంగాయి', 'అశి హీ బన్వా బన్వీ', 'ధాంగడ్‌ధింగా' తదితర ప్రముఖ మరాఠీ చిత్రాలలో ఆమె నటించారు.
 **


 ముంబై: మరాఠీ రంగస్థలంపై తనదైన ముద్రవేసిన ప్రముఖ నటి స్మితా తల్వాల్కర్ బుధవారం ఉద యం మృతిచెందారు. ఒవేరియన్ క్యాన్సర్‌తో కొంతకాలంగా బాధపడుతున్న ఆమె ఉదయం 2.30 గంటల ప్రాంతంలో నగరంలోని జస్లోక్ ఆస్పత్రిలో తుదిశ్వాస విడిచారు. సమస్యను ముందుగానే గుర్తించకపోవడంతో చివరిదశలో ఆస్పత్రికి తీసుకొచ్చారని, బతికించేందుకు ఎంతగా ప్రయత్నించినా ఫలితం లేకపోయిందని ఆస్పత్రివర్గాలు వెల్లడిం చాయి.
 
 స్మితా మరణం మరాఠీ చిత్ర పరిశ్రమకు తీరని లోటని, వారి కుటుంబ సభ్యులకు ప్రగాఢ సానుభూతి తెలియజేస్తున్నట్లు ప్రధాని నరేంద్ర మోడీ, సమాచార ప్రచారశాఖ మంత్రి ప్రకాశ్ జవదేకర్ ఓ ప్రకటనలో తెలిపారు. బుల్లితెరపై న్యూస్ రీడర్‌గా కెరీర్‌ను ప్రారంభించిన స్మితా రంగస్థలంపైనే కాకుండా అనేక మరాఠీ చిత్రాల్లో కూడా నటించి జాతీయ అవార్డునుసైతం సాధిం చారు. ‘తూ సౌభాగ్యవతీ హో’, ‘గడ్‌బాద్ ఘోటా లా’ వంటి చిత్రాల్లో ఆమె నటన విమర్శల ప్రశంసలందుకుఉంది.


 థానే: కుటుంబ కలహాలతో కారణంగా ఎవరికీ కనిపించకుండా పోయి.. అదృశ్యమైనట్టు  హీరోయిన్లు మీడియాలో సంచలనం రేపుతున్నారు. ఇటీవల కాలంలో టాలీవుడ్ తార అంజలీ కూడా కొద్ది రోజులు ఆదృశ్యమైన సంఘటన అటు తమిళ చిత్ర పరిశ్రమలోనూ, టాలీవుడ్ లోనూ సంచలనం రేపిన సంగతి తెలిసిందే. అయితే అలాంటి సంఘటనే మరాఠీ చిత్ర పరిశ్రమలో చోటు చేసుకుంది. 
  
 పది రోజుల క్రితం ఓ స్టేజ్ షో కోసం వెళుతూ నవీ ముంబైలో అదృష్యమైన మరాఠీ నటి అల్కా పునేశ్వర్ ను పోలీసులు చెన్నైలో పట్టుకున్నారు.  డిసెంబర్ 28 తేది నుంచి కనిపించకుండా పోయిన అల్కా తన బాయ్ ఫ్రెండ్ తో చెన్నైలో ఉంటోందని పోలీసులు తెలిపారు. డిసెంబర్ 27 తేదిన స్టేజ్ షో కోసం ఇంటి నుంచి బయలుదేరిన అల్కా.. తన బాయ్ ఫ్రెండ్ సహాయంతో యాక్సిడెంట్ డ్రామా ఆడిందని పోలీసులు తెలిపారు. 
  
 పూణేకు సమీపంలోని ఖోపోలీ వద్ద 700 అడుగుల లోతైన లోయలో అల్కా కారును పోలీసులు కనుగొన్నారు. ఈ కేసులో తన స్నేహితుడిని, కారు  డ్రైవర్ ను అదుపులోకి తీసుకుని ప్రశ్నించడంతో అల్కా అసలు సంగతి బయటకు వచ్చిందని కోప్రి పోలీసులు వెల్లడించారు. ఆతర్వాత ఈ డ్రామా వ్యవహారాన్ని నడిపిందే తామేనని ఇద్దరు ఒప్పుకున్నట్టు పోలీసులు తెలిపారు. అల్కా కేసును ఆమె మొబైల్ ఫోన్ కాల్ లిస్ట్ ఆధారంగా విజయవంతంగా ఛేదించామన్నారు.