Select Your Preferred Category to see your Personalized Content

రాయదుర్గం: రైతు సంక్షేమమే ధ్యేయంగా రాష్ట్ర ప్రభుత్వం పాలన సాగిస్తోంది. ఆర్బీకేల ద్వారా గ్రామస్థాయిలోనే రైతుల చెంతకు వ్యవసాయ సేవలను తీసుకొచ్చింది. విత్తనం మొదలు పంట దిగుబడుల మార్కెటింగ్‌ వరకు సాయమందిస్తోంది. మరో వైపు వ్యవసాయం చేసే పరిస్థితులు లేక భూములు బీడు పెట్టుకున్న రైతులను ఆదుకునేందుకు చర్యలు చేపట్టింది. ఉమ్మడి జిల్లాలో బీడు భూములు కలిగిన రైతులకు ఇంధన రంగం ద్వారా శాశ్వత ఉపాధి మార్గం చూపేందుకు ముందుకొచ్చింది. అనంతపురం, శ్రీసత్యసాయి జిల్లాల్లో జేఎస్‌డబ్ల్యూ నియో ఎనర్జీ లిమిటెడ్‌ సంస్థ ఆధ్వర్యంలో రూ.12,065 కోట్ల వ్యయంతో 3,350 మెగావాట్ల సోలార్‌ ప్రాజెక్ట్‌ల ఏర్పాటుకు ముఖ్యమంత్రి వైఎస్‌ జగన్‌మోహన్‌రెడ్డి గ్రీన్‌సిగ్నల్‌ ఇచ్చారు. ఈ మేరకు మంత్రి మండలి కూడా ఆమోదం తెలిపింది. ఈ ప్రాజెక్టులు ఏర్పాటైతే ప్రత్యక్షంగా 3,300 మంది, పరోక్షంగా మరో పది వేల మందికి ఉపాధి లభించనుంది. నెడ్‌క్యాప్‌ ఆధ్వర్యంలో భూసేకరణ.. సోలార్‌ పవర్‌ ప్రాజెక్టుల ఏర్పాటుకు అవసరమయ్యే భూములను నెడ్‌క్యాప్‌ సంస్థ ఆధ్వర్యంలో రాష్ట్ర ప్రభుత్వం సేకరిస్తోంది. నెడ్‌క్యాప్‌, రెవెన్యూ అధికారులు సంయుక్తంగా గ్రామసభలు నిర్వహించి, రైతులకు అవగాహన కల్పించారు. రాయదుర్గం నియోజకవర్గంలోని డీ హీరేహాళ్‌, బొమ్మనహాళ్‌, కణేకల్లు, రాయదుర్గం మండలాల్లో ఇప్పటికే 15 వేల ఎకరాలు గుర్తించారు. అందులో 6,750 ఎకరాలకు రైతుల నుంచి అంగీకారం తీసుకున్నారు. ప్రస్తుతం డీ హీరేహాళ్‌, బొమ్మనహాళ్‌ మండలాల్లో 850 మెగావాట్ల సోలార్‌ ప్లాంట్ల ఏర్పాటుకు ప్రభుత్వం నుంచి అనుమతులు లభించాయి. అదనంగా మరో 2,250 మెగావాట్ల సోలార్‌ ప్లాంట్ల ఏర్పాటు కోసం ఇన్వెస్టర్లను ఒప్పించేలా ప్రయత్నాలు సాగిస్తున్నారు. ఇదిలా ఉండగా రాప్తాడులో 1,050 మెగావాట్లు, శ్రీసత్యసాయి జిల్లా ధర్మవరం నియోజకవర్గం ముదిగుబ్బలో 1,050 మెగావాట్ల సోలార్‌ ప్లాంట్ల ఏర్పాటుకు కావాల్సిన భూసేకరణ ప్రక్రియను నెడ్‌క్యాప్‌ ప్రతినిధులు ముమ్మరం చేశారు. 30 ఏళ్ల లీజుతో సుస్థిర ఆదాయం.. సోలార్‌ పవర్‌ ప్రాజెక్ట్‌ ఏర్పాటైతే బీడు భూములకు మహర్దశ కలగనుంది. రైతుల అంగీకారం మేరకు 30 ఏళ్ల పాటు లీజు అగ్రిమెంట్‌తో నెడ్‌క్యాప్‌ ఒప్పందం చేసుకోనుంది. సాధారణంగా రైతు గుత్త (కౌలు)కు ఇస్తే ఎకరా రూ.5వేల నుంచి రూ.8 వేలకు మించదు. అలాంటిది ఎకరాకు రూ.25 వేల చొప్పున లీజు ధర నిర్ణయిస్తే, రైతు సంక్షేమం దృష్ట్యా మరో రూ.5 వేలు పెంచి ఇచ్చేలా రాష్ట్ర ప్రభుత్వం సంస్థ ప్రతినిధులను ఒప్పించింది. సోలార్‌ ప్లాంట్‌ ప్రతీకాత్మక చిత్రం   ఈ నేపథ్యంలో ఎకరాకు రూ.30 వేల చొప్పున రైతు ఖాతాకు నేరుగా జమ కానుంది. పంట పండినా ఇంత మొత్తం చూడటం సాధ్యం కాదని అన్నదాతలు అంటున్నారు. పైసా పెట్టుబడి లేకుండా రెండింతల సుస్థిర ఆదాయం లభిస్తుండడంతో చాలామంది రైతులు భూములు ఇవ్వడానికి స్వచ్ఛందంగా ముందుకొస్తున్నారు. మౌలిక వసతులు మెరుగు.. సోలర్‌ పరిశ్రమల ద్వారా వచ్చే ఆదాయంలో రెండు శాతం సీనరేజ్‌ నిధులను సమీప గ్రామాల్లో తాగునీరు, రోడ్లు, ఇతర మౌలిక సదుపాయాల కల్పన కోసం రాష్ట్ర ప్రభుత్వం ఖర్చు చేయనుంది. తద్వారా రైతు, కూలీల జీవనోపాధికి తోడు గ్రామాల రూపురేఖలు మారనున్నాయి. వలస మాటే లేకుండా సొంతూళ్లలోనే వేలాది మంది నిరుద్యోగులు, కూలీలకు ఉపాధి లభించనుంది. దీంతో అన్ని వర్గాల ప్రజలు సంతోషం వ్యక్తం చేస్తున్నారు. సీఎం జగన్‌కు కృతజ్ఞతలు తెలియజేస్తున్నారు. రాయదుర్గం రూపురేఖలు మారుస్తాం రాయదుర్గం ప్రాంతాన్ని పారిశ్రామిక హబ్‌గా తీర్చిదిద్ది రూపురేఖలు మార్చుతాం. పేదరికం శాశ్వతంగా దూరం చేసేలా కృషి చేస్తాం. ఇప్పటికే జాజరకల్లు వద్ద రూ.533 కోట్ల వ్యయంతో ఇథనాల్‌ ఇంధన తయారీ పరిశ్రమ ఏర్పాటుకు ఆమోదం లభించింది. తాజాగా సోలర్‌ ప్రాజెక్ట్‌ ఏర్పాటుకు మంత్రి వర్గం ఆమోదం తెలిపింది. 3వేలకు పైగా మెగావాట్ల సోలర్‌ ప్లాంట్లు ఏర్పాటు చేసేలా ఇన్వెస్టర్లను ఒప్పిస్తాం. రైతులు భూములిచ్చేందుకు ముందుకొచ్చి ఈ గొప్ప అవకాశాన్ని సద్వినియోగం చేసుకోవాలి. సోలార్‌ ప్లాంట్లలో స్థానికులకే ఎక్కువ శాతం ఉద్యోగ అవకాశాలు దక్కేలా కృషి చేస్తాం. – మెట్టు గోవిందరెడ్డి, ఏపీఐఐసీ చైర్మన్‌ రైతులు ముందుకు రావాలి బీడు భూములు, వర్షాధారంగా అరకొరగా పంట పండే రైతులు ఈ మార్గాన్ని ఎంపిక చేసుకోవడం ఉత్తమం. ఐదు ఎకరాలున్న రైతు కూడా పైసా పెట్టుబడి లేకుండా ఏడాదికి రూ.1.50 లక్షలు పొందవచ్చు. భూములు ఇవ్వడానికి రైతులు స్వచ్ఛందంగా ముందుకు రావాలి. దీనివల్ల ప్రయోజనం తెలిశాకే అంగీకారం పొందవచ్చు. – రాణీ సుస్మిత, ఆర్డీఓ, కళ్యాణదుర్గం

సాక్షి, అమరావతి:  రాయదుర్గం సోలార్‌ పార్క్‌ కోసం రైతుల నుంచి భూములను సేకరించడం లేదని, ప్రభుత్వం కేవలం లీజు అగ్రిమెంట్‌ మాత్రమే చేసుకుంటోందని ఆంధ్రప్రదేశ్‌ నూతన పునరుద్ధరణీయ ఇంధన వనరుల అభివృద్ధి సంస్థ (ఎన్‌ఆర్‌ఈడీసీఏపీ) స్పష్టం చేసింది. దీనికి సంబంధించి కొన్ని పత్రికల్లో వచ్చిన వార్తల్లో నిజం లేదని స్పష్టం చేస్తూ నెడ్‌క్యాప్‌ ఆదివారం ఒక ప్రకటన విడుదల చేసింది.   - రైతులకు ఆ భూములపై పూర్తి హక్కులుంటాయి. ఎకరానికి ఏటా ఇచ్చే లీజును ప్రభుత్వం రూ.25 వేల నుంచి రూ.30 వేలకు పెంచి రైతులకు సోలార్‌ పార్కు ద్వారా అధిక ఆదాయం సమకూరేలా చేసింది. రైతులకు ఇంత అధిక ఆదాయం వచ్చేలా చేస్తుంటే ప్రతిపక్షం రైతులకు ద్రోహం చేసేలా వ్యవహరించడం బాధ్యతారాహిత్యం.   - రైతుల ఆదాయం పెంచేలా ప్రభుత్వం పాలసీ తెచ్చింది. రైతుల నుంచి లీజుకు తీసుకునే భూమికి ఏడాదికి ఎకరానికి రూ.30 వేలు చెల్లించడమే కాకుండా ప్రతి రెండేళ్లకు ఐదు శాతం పెంచుతుంది. భూములను లీజుకు తీసుకోవడంలో నెడ్‌క్యాప్‌ నోడల్‌ ఏజెన్సీగా వ్యవహరిస్తుంది. రైతులు పూర్తిగా అంగీకారం తెలిపాకే లీజుకు తీసుకుంటోంది.  రాష్ట్రంలో నాలుగు సోలార్‌ పార్కులను అభివృద్ధి చేసేందుకు ఆంధ్రప్రదేశ్‌ సోలార్‌ పవర్‌ కార్పొరేషన్‌ లిమిటెడ్‌ (ఏపీఎస్పీసీఎల్‌) జాయింట్‌ వెంచర్‌ కంపెనీ ఏర్పాటైంది.  - నెడ్‌క్యాప్‌ అనుభవం లేని సంస్థ అనడంలో అర్థంలేదు. నెడ్‌క్యాప్‌ పూర్తిగా రాష్ట్ర ప్రభుత్వానికి చెందిన సంస్థ. దీర్ఘకాలంగా పునరుత్పాదక ఇంధన వనరుల ప్రాజెక్టుల్లో పనిచేస్తోంది.  

అమరావతి: నెడ్‌కాప్‌ (న్యూ అండ్‌ రెన్యూవబుల్‌ ఎనర్జీ- NREDCAP) చైర్మన్‌గా కె.కన్నప్పరాజు నియమితులయ్యారు. రెండేళ్లపాటు చైర్మన్‌ పదవిలో కొనసాగనున్నారు. ఈ మేరకు ఆంధ్రప్రదేశ్‌ ప్రభుత్వం బుధవారం ఉత్తర్వులు జారీ చేసింది. ఇటీవల 137 కార్పొరేషన్‌, నామినేటెడ్‌ పదవుల భర్తీని ఏపీ చేపట్టింది. అందులో కేకే రాజును కూడా నియమించగా తాజాగా ఉత్తర్వులు జారీ అయ్యాయి. నెడ్‌కాప్‌ చైర్మన్‌గా త్వరలోనే ఆయన బాధ్యతలు చేపట్టనున్నారు. కేకే రాజుగా గుర్తింపు పొందిన కన్నప్పరాజు విశాఖపట్టణం జిల్లాకి చెందిన వైఎస్సార్‌ కాంగ్రెస్‌ పార్టీ సీనియర్‌ నాయకుడు.


 చిత్తూరు(జిల్లాపరిషత్), న్యూస్‌లైన్: రాష్ట్ర విభజన నేపథ్యంలో కొత్త గా ఏర్పడుతున్న సీమాంధ్రలో విద్యుత్ అవసరాలు తీరాలంటే సౌరవిద్యుత్ వైపు మళ్లాల్సిందే. దీనికి సంబంధించి ఆంధ్రప్రదేశ్ సంప్రదాయేతర ఇంధన వనరుల సంస్థ(నెడ్‌క్యాప్), మినీస్ట్రీ ఆఫ్ న్యూఅండ్ రెన్యూవబుల్ ఎనర్జీ, భారత ప్రభుత్వ సహకారంతో పట్టణ ప్రాంతాల్లోని సంస్థలు, హోటళ్లు, ఆస్పత్రులకు ఉపయోగపడేలా పథకాన్ని రూపొందించింది.
 
 వీటికి ప్రభుత్వం రాయితీతో సోలార్ విద్యుత్ తయారు చేసుకునేందుకు అవకాశం కల్పిస్తుంది. ఇలా చిన్న సోలార్ విద్యుత్ యూనిట్ల నుంచి తయారైన విద్యుత్‌ను ప్రభుత్వ గ్రిడ్‌కు అనుసంధానించి నిరంతర విద్యుత్ సరఫరా అయ్యేలా పథకాన్ని రూపొందిం చింది. దీనికి సంబంధించి నెట్ మీట రింగ్ విధానాన్ని ప్రవేశపెట్టింది.
 
 ప్రభుత్వానికే విద్యుత్ సరఫరా
 వివిధ గృహాలు, ఆస్పత్రులు, సంస్థలు ఏర్పాటు చేసుకునే సోలార్ ప్యానల్స్(సౌర పలకలు) యూనిట్ల ద్వారా ఉత్ప త్తి అయ్యే విద్యుత్‌ను బ్యాటరీల్లో నిల్వ ఉంచకుండా ప్రభుత్వ విద్యుత్ గ్రిడ్ లైన్లకు వెళ్తుంది. అక్కడి నుంచి తిరిగి వినియోగదారుడికి విద్యుత్ సరఫరా అవుతుంది. ఈ మధ్యలో ఎంత విద్యుత్ ఉత్పత్తి చేశారు, ఎంత వాడుకున్నారు, విద్యుత్ మిగులు ఎంత అనే వివరాలను యూనిట్లలో లెక్క వేసేందుకు ఒక మీట రు ఉంటుంది.
 
 ఈ పద్ధతినే నెట్ మీట రింగ్ అంటారు. వినియోగదారుడు వాడుకున్న విద్యుత్‌ను యూనిట్లలో లెక్కించి మిగులు విద్యుత్ ఉంటే ప్రతి ఆరు నెలలకు ఒకసారి వినియోగదారుడికి డబ్బులు చెల్లిస్తారు. ఇలా సోలార్ యూనిట్ల నుంచి కొనుగోలు చేసిన విద్యుత్‌ను వాణిజ్య అవసరాలకు ప్రభుత్వం ఉపయోగించుకుంటుంది. ఒకవేళ సోలార్ ద్వారా గృహ యజమానులు, సంస్థలు ఉత్పత్తి చేసుకున్న విద్యుత్‌ను పూర్తిగా వారే వాడుకుని ఇంకా అదనంగా ప్రభుత్వ విద్యుత్‌ను వాడుకుంటే ఆ మొత్తానికి మాత్రమే విద్యుత్ బిల్లు చెల్లించాల్సి ఉంటుంది.
 
 ప్రభుత్వ ప్రోత్సాహకం 30 నుంచి 50శాతం
  సోలార్ రూఫ్‌టాప్ ప్యానల్స్ ఏర్పాటు చేసుకోవటానికి కేంద్ర నూతన పునరుద్ధరణీయ ఇంధన వనరుల మంత్రిత్వ శాఖ (ఎంఎన్‌ఆర్‌ఈ) సహకారంతో ఆంధ్రప్రదేశ్ నెడ్‌క్యాప్ సంస్థ రాయితీ అందజేస్తుందని జిల్లా మేనేజర్ బీ.జగదీశ్వరరెడ్డి తెలిపారు. ప్రధానంగా ఒకటి నుంచి మూడు కేవీ (కిలోవాట్) సామర్ధ్యం గల యూనిట్లకు 50 శాతం రాయి తీ ఇస్తున్నట్టు పేర్కొన్నారు.
 
 దీనిలో ప్ర దానంగా కేంద్రం ప్రభుత్వం 30 శాతం, రాష్ట్ర ప్రభుత్వం 20 శాతం రాయితీ భరిస్తాయన్నారు. ఈ రాయితీ పోను ప్రతి కేవీ విద్యుత్ తయారీకి అవసరమైన సోలార్ ప్యానళ్లను, ఇతర పరికరాలను రూ. 63 వేలకే అందజేస్తారన్నారు. దీనిని ఏర్పాటు చేసుకోవడం ద్వారా ప్రతి నెలా బిల్లింగులో ఆదాతో పాటు మూడేళ్ల తర్వాత పెట్టిన పెట్టుబడి పూర్తి గా వినియోగదారులకు మిగిలిపోతుం దని తెలిపారు. అలాగే ప్రకృతిలో లభిం చే సాంప్రదాయ వనరులను ఆదా చేయటంతో పాటు పర్యావరణాన్ని పరిరక్షించేందుకు అవకాశం ఉంటుందని పేర్కొన్నారు.