టాలీవుడ్ యంగ్ హీరో సందీప్ కిషన్ నటించిన ఫాంటసీ థ్రిల్లర్ మూవీ ఊరు పేరు భైరవకోన. ఈ చిత్రానికి బాక్సాఫీస్ వద్ద మిక్స్‌డ్‌ టాక్‌ను సొంతం చేసుకుంది.  ఈ చిత్రానికి ఆనంద్ దర్శకత్వం వహించారు. ఫిబ్రవరి 16వ థియేటర్లలో సందడి చేసిన ఈ మూవీ..  నెల రోజులు కాకముందే సడన్‌గా ఓటీటీకి వచ్చేసింది. మహాశివరాత్రి సందర్భంగా మార్చి 8 నుంచి అమెజాన్ ప్రైమ్‌లో స్ట్రీమింగ్‌ అవుతోంది.  థియేటర్లలో పెద్దగా ఆకట్టుకోలేని ఈ చిత్రం.. ఓటీటీలో మాత్రం దూసుకెళ్తోంది. అభిమానుల నుంచి విశేషమైన ఆదరణ దక్కింతుకుంటోంది. ఓటీటికి వచ్చిన ఒక్క రోజులోనే నంబర్‌వన్‌ స్థానంలో ట్రెండ్‌ అవుతోంది. తెలుగులో మాత్రమే స్ట్రీమింగ్‍కు వచ్చినా.. 24 గంటల్లోనే  ఇండియా వ్యాప్తంగా టాప్‌లో ట్రెండ్ అవుతోంది. కాగా.. బాక్సాఫీస్ వద్ద ఈ సినిమాకు రూ.27 కోట్ల వరకు గ్రాస్ కలెక్షన్లు వచ్చాయి. ఈ చిత్రంలో సందీప్ కిషన్ సరసన హర్ష బొల్లమ్మ హీరోయిన్‍గా నటించారు. కావ్య థాపర్, వెన్నెల కిశోర్, వైవా హర్ష, రవిశంకర్ ప్రధాన పాత్రల్లో నటించారు. ఈ మూవీకి శేఖర్ చంద్ర సంగీతం అందించగా.. ఏకే ఎంటర్‌టైన్మెంట్స్ బ్యానర్‌పై రాజేశ్ దండా, బాలాజీ గుత్తా ఈ మూవీని నిర్మించారు.  The magic has now reached every home in the country 💫 Magical Entertainer #OoruPeruBhairavakona is entertaining every household and Trending #1 in India on @PrimeVideoIN ❤️‍🔥 - https://t.co/sDCJn9vPA7@sundeepkishan’s much-anticipated, A @Dir_Vi_Anand Fantasy@VarshaBollamma… pic.twitter.com/KV2bzeVgxe — AK Entertainments (@AKentsOfficial) March 9, 2024

ఈసారి శివరాత్రి శుక్రవారం పడింది. దీంతో ఈసారి థియేటర్లలో 'గామి', 'భీమా' లాంటి స్ట్రెయిట్ తెలుగు సినిమాలతో పాటు 'ప్రేమలు' అనే డబ్బింగ్ బొమ్మ కూడా థియేటర్లలోకి వచ్చేసింది. ఇదే టైంలో ఓటీటీల్లోనూ పలు మూవీస్ రిలీజైపోయాయి. 'హనుమాన్' కూడా స్ట్రీమింగ్ అయిపోతుందన్నారు కానీ దీనిపై ఎలాంటి ప్రకటన లేదు. మరోవైపు ఓ రెండు హారర్, థ్రిల్లర్ మూవీస్ మాత్రం ఓటీటీల్లోకి వచ్చేశాయి. ఇంతకీ అవేంటి? ఎందులో స్ట్రీమింగ్ అవుతున్నాయి. (ఇదీ చదవండి: 'ప్రేమలు' సినిమా రివ్యూ) సందీప్ కిషన్ హీరోగా నటించిన హారర్ సినిమా 'ఊరి పేరు భైరవకోన'. చాలా కాలం షూటింగ్ జరుపుకొని, వాయిదాలు పడుతూ వచ్చిన ఈ చిత్రం.. ఫిబ్రవరి 16న థియేటర్లలో రిలీజైంది. పాజిటివ్ టాక్ తెచ్చుకుంది కానీ ఉన్నంతలో డీసెంట్ వసూళ్లు సాధించింది. ఇప్పుడు ఇది కేవలం 21 రోజుల వ్యవధిలోనే ఓటీటీలోకి వచ్చేసింది. ఎలాంటి ప్రకటన లేకుండా అమెజాన్ ప్రైమ్‌లో స్ట్రీమింగ్ అవుతోంది. జీ5 అన్నారు కానీ ప్రైమ్‌లోకి వచ్చి చిన్న షాక్ ఇచ్చింది. విజయ్ సేతుపతి, కత్రినా కైఫ్ హీరోహీరోయిన్లుగా నటించిన థ్రిల్లర్ మూవీ 'మేరీ క్రిస్‌మస్'. ఈ ఏడాది సంక్రాంతికి థియేటర్లలోకి వచ్చిన ఈ సినిమా హిందీ-తమిళంలో మాత్రమే రిలీజైంది. నెట్‌ఫ్లిక్స్‌లోనూ ఇప్పుడు ఇదే భాషల్లో స్ట్రీమింగ్ అయిపోతోంది. మరోవైపు ఫిబ్రవరిలో రిలీజైన మలయాళ హిట్ బొమ్మ 'అన్వేషిప్పిన్ కండేతుమ్' అనే ఇన్వెస్టిగేషన్ థ్రిల్లర్ కూడా నెట్‌ఫ్లిక్స్‌లోనే అందుబాటులోకి వచ్చేసింది. ఇది మాత్రం తెలుగు డబ్బింగ్‌తో స్ట్రీమింగ్ అవుతోంది. శివరాత్రికి రిలీజైన వాటిలో ఈ మూడు మాత్రమే ఆసక్తికరంగా కనిపిస్తున్నాయి. టైమ్ ఉంటే వీటిపై ఓ లుక్కేయండి. (ఇదీ చదవండి: హీరో బాలకృష్ణ నిజ స్వరూపాన్ని బయటపెట్టిన తమిళ స్టార్ డైరెక్టర్)

హిట్ సినిమా అనుకున్న టైమ్ కంటే ముందే ఓటీటీలోకి రానుందా? అంటే అవుననే టాక్ గట్టిగా వినిపిస్తోంది. తెలుగు ప్రేక్షకులకు సర్‌ప్రైజ్ ఇవ్వాలని అనుకుంటున్నారట. ఇందులో భాగంగానే రిలీజ్ ప్లాన్ మారిందని సమాచారం. ఒకవేళ ఇదే నిజమైతే మాత్రం ఓటీటీ ప్రేమికులకు పండగే. ఇంతకీ ఏంటా సినిమా? ఎప్పుడు వచ్చే అవకాశముంది? (ఇదీ చదవండి: డైరెక్ట్‌గా ఓటీటీలోకి స్టార్ హీరోయిన్ కొత్త సినిమా.. స్ట్రీమింగ్ అప్పుడే) తెలుగు సినిమాలకు ఫిబ్రవరి నెల.. డ్రై సీజన్ లాంటిది. ఎందుకంటే సంక్రాంతి సీజన్ ముగిసి కొన్నిరోజులే అయ్యింటుంది. అలానే పిల్లలకు పరీక్షల కాలం దగ్గర పడుతుంది కాబట్టి పేరెంట్స్ బయటకు వచ్చేది తక్కువే. దీంతో స్టార్ హీరోలు ఎవరూ ఫిబ్రవరిలో తమ చిత్రాల్ని ప్లాన్ చేసుకోరు. అలా మీడియం రేంజ్ చిత్రాలు వస్తుంటాయి. ఈసారి అలా వచ్చి హిట్ అయిన సినిమా 'ఊరిపేరు భైరవకోన'. సందీప్ కిషన్, వర్ష బొల్ల‍మ్మ నటించిన ఓ సోషియో ఫాంటసీ థ్రిల్లర్ మూవీ హిట్ టాక్ తెచ్చుకుంది. ఇకపోతే ఈ చిత్ర డిజిటల్ హక్కుల్ని జీ5 సంస్థ దక్కించుకుంది. నాలుగు వారాల ఒప్పందం ప్రకారం మార్చి 15 తర్వాత అలా వచ్చే అవకాశముందని అనుకున్నారు. కానీ ఈ వారం చివర్లో అంటే మార్చి 8 లేదా 9వ తేదీన సర్‌ప్రైజ్ స్ట్రీమింగ్ ఉండొచ్చని తెలుస్తోంది. అలానే ఈ వీకెండ్‌లోనే 'హనుమాన్' కూడా ఇదే ఓటీటీలో స్ట్రీమింగ్ ఉందని అంటున్నారు. వీటిపై క్లారిటీ రావాల్సి ఉంది. (ఇదీ చదవండి: సడన్ గా ఓటీటీలోకి కన్నడ హిట్ సినిమా.. అందులోనే స్ట్రీమింగ్)

సంక్రాంతి తర్వాత థియేటర్ల దగ్గర చెప్పుకోదగ్గ సౌండ్ అయితే లేదు. వచ్చిన ఒకటి రెండు సినిమాలు కూడా బాగుంది అనిపించుకున్నాయి. కానీ జనాలు థియేటర్లకు వెళ్లి చూడటానికి పెద్దగా ఇంట్రెస్ట్ చూపించట్లేదు. అలా అని ఓటీటీలో కొత్త మూవీస్ ఏమన్నా ఉంటాయా అంటే లేదు. ఇలాంటి టైంలో ఓ హిట్ చిత్రం ఓటీటీ రిలీజ్ కానుందని మాట ఇప్పుడు మూవీ లవర్స్‌కి ఆసక్తి రేపుతోంది. (ఇదీ చదవండి: లండన్‌లో ప్రభాస్ కొత్త ఇల్లు.. నెలకు అన్ని లక్షల అద్దె?) యంగ్ హీరో సందీప్ కిషన్ నటించిన హారర్ మూవీ 'ఊరు పేరు భైరవకోన'. ఫాంటసీ కాన్సెప్ట్‌తో తీసిన ఈ చిత్రం చాలారోజులు షూటింగ్ జరుపుకొని ఫిబ్రవరి 16న థియేటర్లలోకి వచ్చింది. పాజిటివ్ టాక్ తెచ్చుకుంది. కలెక్షన్స్ మాత్రం స్టడీగానే ఉన్నాయి. సోమవారం వరకు అంటే దాదాపు 10 రోజుల్లో రూ.25.11 కోట్లకి పైగా వసూళ్లు వచ్చినట్లు స్వయంగా హీరోనే ట్వీట్ చేశాడు. 'ఊరు పేరు భైరవకోన' సినిమా డిజిటల్ హక్కుల్ని జీ5 సంస్థ దక్కించుకుందని తెలుస్తోంది. అలానే థియేటర్లలోకి వచ్చిన నాలుగు వారాల తర్వాత అంటే మార్చి 15న అలా ఓటీటీలోకి రావొచ్చని అంటున్నారు. దీనికంటే ముందు 'హనుమాన్' కూడా ఇదే ఓటీటీలో స్ట్రీమింగ్ కానుంది. ఈ విషయాలపై కొన్నిరోజుల్లో క్లారిటీ వచ్చేస్తుంది. అప్పటివరకు వెయిట్ అండ్ సీ. (ఇదీ చదవండి: ఈ వారం ఓటీటీల్లోకి ఏకంగా 32 సినిమాలు.. అవేంటో తెలుసా?) Thank You All For Your Love ♥️ Indebted Forever … and Promise to put my heart & soul to only keep Getting Better ♥️ Thank you Dear @Dir_Vi_Anand @AnilSunkara1 garu & @RajeshDanda_ for this Big Breath of Energy 🤗#OoruPeruBhairavaKona @VarshaBollamma @KavyaThapar pic.twitter.com/kxHw4qTpGo — Sundeep Kishan (@sundeepkishan) February 26, 2024

టాలెంట్‌తో కాదు, ఈ మ‌ధ్య కొంద‌రు తెలివి త‌క్కువ ప‌నులు చేసి ఫేమ‌స్ అవుతున్నారు. అడ్డ‌దారుల్లో వెళ్తే ఈజీగా క్లిక్ అవ్వొచ్చ‌ని భావిస్తున్నారు. కానీ దీనివ‌ల్ల విమ‌ర్శ‌లపాల‌వ‌డం త‌ప్ప ఏమీ ఉండ‌ద‌ని తెలుసుకోలేక‌పోతున్నారు. సోష‌ల్ మీడియా పుణ్య‌మా అని క్లిక్ అయిన మీమ‌ర్స్‌, యూట్యూబ‌ర్స్‌ను కూడా ఇటీవ‌ల‌ సినిమా ఈవెంట్స్‌కు పిలుస్తున్నారు. దీనివ‌ల్ల చిత్ర‌యూనిట్‌కు కొత్త త‌ల‌నొప్పులు వ‌చ్చిప‌డుతున్నాయి. మంచి ప్ర‌శ్న‌లు వేయ‌కుండా అడ్డ‌దిడ్డ‌మైన క్వ‌శ్చ‌న్స్ అడిగి న‌టీన‌టుల‌ను విసిగిస్తున్నారు. ఇద్ద‌రు హీరోయిన్స్‌తో.. అభ్యంత‌ర‌క‌ర ప్ర‌శ్న‌ల‌తో హీరోహీరోయిన్స్‌ను అసౌక‌ర్యానికి గురి చేస్తున్నారు. తాజాగా హీరో సందీప్ కిష‌న్‌కు సైతం ఇలాంటి ప‌రిస్థితే ఎదురైంది. ఊరుపేరు భైర‌వ‌కోన సినిమా ప్ర‌మోష‌న్స్‌లో ఓ మీమ‌ర్‌ మైక్ అందుకుని పిచ్చి ప్ర‌శ్న‌లు అడిగాడు. ఇద్ద‌రు హీరోయిన్స్‌తో ఎలా ఉంది? ఎలా ఎంజాయ్ చేశావ్‌.. అంటూ రెచ్చిపోయాడు. ఆక‌తాయి హ‌ద్దులు దాటుతున్నా సందీప్ కిష‌న్‌ మాత్రం స్మూత్‌గా హ్యాండిల్ చేశాడు. డ‌బుల్ మీనింగ్ ప్ర‌శ్న‌లు వ‌ద్ద‌ని హెచ్చ‌రించాడు.   వ‌ద్ద‌ని చెప్పినా కంటిన్యూ చేస్తున్నావ్.. ఇలాంటి పిచ్చి ప్ర‌శ్న‌లు వేయ‌కు.. స్టేజీపై ఆడ‌వాళ్లు ఉన్నారు.. నేను వ‌ద్ద‌ని చెప్పినా కంటిన్యూ చేస్తున్నావ్. ఇది క‌రెక్ట్ కాదు అని చుర‌క‌లు అంటించాడు. దీంతో అత‌డు 'స‌రే, మిమ్మ‌ల్ని ఫాలో అవుతాను. మంచి మాట‌లు చెప్పారు' అంటూ వెట‌కారంగా న‌వ్వాడు. 'నువ్వు ఫాలో అవ్వు, అవ‌క‌పో కానీ.. ఇలాంటివి మాత్రం వ‌ద్దు' అని బుద్ధి చెప్పాడు. ఇది చూసిన నెటిజ‌న్లు టెంప‌ర్ లూజ్ అవ్వ‌కుండా సందీప్ చాలా బాగా ఆన్స‌ర్ ఇచ్చాడ‌ని, త‌న మెచ్యూరిటీని మెచ్చుకోవాల్సిందేన‌ని కామెంట్లు చేస్తున్నారు. Confirmation from memers: The person who asked double meaning questions isn't a memer. He's a random YouTuber who came to the event for interaction. As soon as he asked those questions, he was sent out by the management. pic.twitter.com/obaHPExbU4 — Movies4u (@Movies4uOfficl) February 23, 2024 చ‌ద‌వండి: మా సంసారంలో అల్ల‌క‌ల్లోల‌మ‌య్యే గొడ‌వ‌లే లేవు.. మా అనుబంధ‌మే వేరు!

ప్రస్తుతం థియేటర్లలో పెద్ద సినిమాలేం లేవు. ఈ శుక్రవారం రిలీజైన 'ఊరిపేరు భైరవకోన' చిత్రానికి తొలుత యావరేజ్ టాక్ వచ్చింది. దీంతో వసూళ్లు ఏముంటాయిలే అని అందరూ అనుకున్నారు. కానీ టాక్‌తో సంబంధం లేకుండా కళ్లు చెదిరే కలెక్షన్స్ వస్తున్నాయి. ఈ మూవీకి వస్తున్న వసూళ్లు చూసి అందరూ ఆశ్చర్యపోతున్నారు. ఇంతకీ రెండు రోజుల్లో ఎన్ని కోట్లు వచ్చాయో తెలుసా? (ఇదీ చదవండి: అందుకే ఇంత లావయ్యాను.. చిన్నప్పుడు ఆ భయం ఉండేది: వైవా హర్ష) తెలుగు రాష్ట్రాల్లో సంక్రాంతికి దాదాపు నాలుగు సినిమాలు థియేటర్లలోకి వచ్చాయి. వీటిలో 'హనుమాన్' హిట్ టాక్‌తోపాటు రూ.300 కోట్లకు పైగా వసూళ్లు సాధించగా.. 'గుంటూరు కారం', 'నా సామి రంగ' పాసైపోయాయి. 'సైంధవ్'కి పెద్ద దెబ్బ పడింది. గతవారం రవితేజ 'ఈగల్' వచ్చింది కానీ రెండు మూడు రోజుల్లోనే సైలెంట్ అయిపోయింది. ఈ శుక్రవారం థియేటర్లలోకి వచ్చిన 'ఊరిపేరు భైరవకోన' చిత్రానికి మిక్స్‌డ్ టాక్ వచ్చింది. దీంతో కలెక్షన్స్ పెద్దగా ఏం ఉండవులే అని అందరూ అనుకున్నారు. కానీ తొలిరోజు రూ.6.03 కోట్లు రాగా.. రెండో రోజు ఏకంగా రూ 7 కోట్లు వరకు వచ్చాయి. తద్వారా రెండు రోజుల్లో రూ.13.10 కోట్ల గ్రాస్ వసూళ్లు వచ్చినట్లు పోస్టర్ రిలీజ్ చేశారు. వీకెండ్ వరకు ఈ జోష్ కొనసాగేలా ఉంది. సోమవారం నుంచి ఏం జరుగుతుందనేది మాత్రం చూడాలి. (ఇదీ చదవండి: మెగా హీరో మూవీకి చిక్కులు.. షూటింగ్‌కి ముందే నోటీసులు) The magic of #OoruPeruBhairavakona is spreading at the worldwide box office❤️‍🔥 Grosses1️⃣3️⃣.1️⃣0️⃣Cr in 2 Days 🔥 Enjoy this Sunday at the cinemas with the Magical Entertainer ❤️ - https://t.co/OV3enwDhNJ@sundeepkishan’s much-anticipated, A @Dir_Vi_Anand Fantasy… pic.twitter.com/0M2IekIiud — AK Entertainments (@AKentsOfficial) February 18, 2024

టైటిల్‌: ఊరు పేరు భైరవకోన నటీనటులు: సందీప్‌ కిషన్‌, వర్ష బొల్లమ్మ, కావ్య థాపర్‌, వెన్నెల కిశోర్‌, రవి శంకర్‌ తదితరులు నిర్మాణ సంస్థ: హాస్య మూవీస్ బ్యానర్‌ నిర్మాత: రాజేష్‌ దండా సమర్పణ: అనిల్‌ సుంకర దర్శకత్వం: విఐ ఆనంద్‌ సంగీతం: శేఖర్ చంద్ర సినిమాటోగ్రఫీ: రాజ్‌ తోట ఎడిటింగ్‌: చోటా కె ప్రసాద్‌ విడుదల తేది: ఫిబ్రవరి 16, 2024 కథేంటంటే.. బసవ లింగం అలియాస్‌ బసవ (సందీప్‌ కిషన్‌) ఓ స్టంట్‌ మాస్టర్‌. యాక్షన్‌ సీన్లలో హీరోలకు డూప్‌గా పని చేస్తుంటాడు. ఓ సారి అతని స్నేహితుడు జాన్‌(వైవా హర్ష)తో కలిసి పెళ్లి ఇంట్లో వధువు నగల్ని దొంగిలించి అనుకోకుండా భైరవ కోన అనే గ్రామంలోకి ప్రవేశిస్తారు. వీరిద్దరితో పాటు మరో దొంగ అగ్రహారం గీత(కావ్య థాపర్‌) కూడా ఆ గ్రామంలోకి వెళ్తుంది. అక్కడ వీరికి విచిత్రమైన పరిస్థితుల ఏర్పడుతాయి. బసవ కొట్టేసిన బంగారాన్ని రాజప్ప(రవి శంకర్‌) దొంగిలిస్తాడు. దాన్ని తిరిగి తెచ్చుకునేందుకు  బసవ ఏం చేశాడు? స్టంట్‌ మాస్టర్‌ అయిన బసవ ఎందుకు దొంగగా మారాడు?  అసలు రాజప్ప  ఎవరు?  భైరవకోనలో ఉన్న పెద్దమ్మ(వడివుక్కరసి), డాక్టర్‌ నారప్ప(వెన్నెల కిశోర్‌) ఏం చేశారు.  గిరిజన యువతి భూమి(వర్ష బొల్లమ్మ), బసవకు మధ్య ఉన్న సంబంధం ఏంటి?  గరుడ పురాణంలో మాయమైన నాలుగు పేజీలకు ఈ భైరవ కోనకు ఉన్న సంబంధం ఏంటి? చివరకు ఆ ఊరి నుంచి బసవ గ్యాంగ్‌ ఎలా బయటపడింది అనేది తెలియాలంటే సినిమా చూడాల్సిందే.  ఎలా ఉందంటే..  'ఎక్కడికి పోతావు చిన్నవాడా', 'ఒక్క క్షణం' లాంటి హారర్‌ చిత్రాలతో విజయాలు అందుకున్నాడు దర్శకుడు వీఐ ఆనంద్‌. ఇలాంటి డైరెక్టర్‌ నుంచి ఫాంటసీ థ్రిల్లర్‌ వస్తుందంటే అంచనాలు ఏర్పడడం సాధారణం. ఇక ట్రైలర్‌ విడుదలయ్యాక ఊరిపేరు భైరవకోన’పై ఆ అంచనాలు మరింత పెరిగాయి. అయితే ట్రైలర్‌ చూసినంత  ఆనంద్‌ గత సినిమాల మాదిరే ఇది కూడా నవ్విస్తూనే కొన్ని చోట్ల భయపెడుతుంది.  మంచి ప్రేమ కథతో పాటు తండ్రి కూతుళ్ల సెంటిమెంట్‌తో మిస్టీరియస్‌ థ్రిల్లర్‌గా సినిమాను తీర్చిదిద్దారు. అయితే సినిమాలోని ప్రధానమైన అంశాలను ప్రేక్షకులను కనెక్ట్‌ అయ్యేలా చేయడంలో దర్శకుడు కొంతవరకు మాత్రమే సఫలం అయ్యాడు. హీరో హీరోయిన్ల ప్రేమ కథను మరింతగా బలంగా రాసుకొని ఉంటే బాగుండేది. అలాగే  ఎమోషనల్‌గా కూడా ప్రేక్షకులను కనెక్ట్‌ చేయలేకపోయాడు.  అలా అని ఈ చిత్రంలో ఎంగేజింగ్ కంటెంట్ లేదని చెప్పలేం.  కడుపుబ్బా నవ్వించడంతో పాటు భయపెట్టే సీన్స్ కూడా చాలానే ఉన్నాయి.  సినిమ చూస్తున్నంతసేపు కొత్త ప్రపంచలోకి వెళ్తాం. కానీ అక్కడ జరిగే సంఘటనలు మాత్రం వాస్తవికతకు చాలా దూరంగా ఉంటాయి. ఎంత ఫాంటసీ జానార్ అయినా..తెరపై చూస్తే కొంచెం అయినా నమ్మేలా ఉండాలి. భైరవకోనలో అది మిస్‌ అయింది. అలాగే కథ సీరియస్‌ మూడ్‌లోకి వెళ్లగానే మళ్లీ దానికి కామెడీ టచ్‌ ఇవ్వడం కూడా.. దెయ్యాలనే బురిడీ కొట్టించడం లాంటి సీన్స్‌ కాస్త సిల్లీగా అనిపిస్తుంది.  కార్తీక పౌర్ణమికి ఒక రోజు ముందు అటూ భైరవకోన ఊరిని పరిచయం చేస్తూ కథను ప్రారంభించాడు దర్శకుడు. ఆ తర్వాత మూడు నెలలు వెనక్కి వెళ్లి.. హీరోని పరిచయం చేశాడు. ఆ తర్వాత కథనం సాదా సీదాగా సాగుతుంది. హీరో గ్యాంగ్‌ ఎప్పుడైతే బైరవకోన గ్రామంలోకి ప్రవేశిస్తుందో..అప్పటి నుంచి కథనం ఆసక్తికరంగా సాగుతుంది. అక్కడ వైవా హర్ష, వెన్నెల కిశోర్‌ మధ్య వచ్చే సీన్స్‌ నవ్వులు పూయిస్తాయి.  ఇక పెద్దమ్మ, రాజప్ప క్యారెక్టర్ల ఎంట్రీతో బైరవకోణలో ఏదో జరుగబోతుందనే క్యూరియాసిటీ ప్రేక్షకుల్లో కలుగుతుంది. ఇంటర్వెల్‌ సీన్‌ ద్వితియార్థంపై ఆసక్తిని పెంచుతుంది. సెకండాఫ్‌ ప్రారంభంలో ఇంట్రెస్టింగ్‌ సాగినా.. కథలోని ఒక్కో ట్విస్ట్‌ రివీల్‌ అవుతున్నకొద్ది ఆ ఆసక్తి తగ్గిపోతుంది.  మధ్యలో వచ్చే లవ్‌ ట్రాక్‌ కూడా అంతగా ఆకట్టుకోదు. క్లైమాక్స్‌ కూడా సింపుల్‌గా ఉంటుంది.  ఎవరెలా చేశారంటే.. బసవ పాత్రలో సందీప్‌ కిషన్‌ ఒదిగిపోయాడు. యాక్షన్‌ సీన్స్‌లో చక్కగా నటించాడు. భూమిగా వర్ష బొల్లమ్మ తనదైన నటనతో ఆకట్టుకుంది. అయితే ఆమె పాత్రకు బలమైన సన్నివేశాలు మాత్రం లేవు. కావ్య థాపర్‌ కీలక పాత్ర పోషించి మెప్పించింది. తెరపై అందంగానూ కనిపించింది. వెన్నెల కిశోర్‌, వైవా హర్షల కామెడీ సినిమాకు ప్లస్‌ అయింది. బ్రహ్మాజీ కనిపించేంది కాసేపే అయినా.. నవ్విస్తాడు. రవిశంకర్‌, జయప్రకాశ్‌తో పాటు మిగిలిన నటీనటులు తమ తమ పాత్రల పరిధిమేర నటించారు.  సాంకేతికపరంగా సినిమా బాగుంది. శేఖర్‌ చంద్ర సంగీతం సినిమాకు ప్లస్‌ అయింది. ‘నిజమే నే చెబుతున్నా..’సాంగ్‌తో పాటు అన్నీ పాటలు ఆకట్టుకునేలా ఉన్నాయి. బీజీఎం బాగుంది. సినిమాటోగ్రఫీ బాగుంది. విజువల్స్‌ ఎఫెక్ట్స్‌ పర్వాలేదు. నిర్మాణ విలువలు సినిమా స్థాయికి తగ్గట్లు ఉన్నతంగా ఉన్నాయి. 

యంగ్‌ హీరో సందీప్‌ కిషన్‌ ఖాతాలో హిట్‌ పడి చాలా కాలం అయింది. తాను హీరోగా నటించిన పాన్‌ ఇండియా ఫిల్మ్‌ ‘మైఖేల్‌’, కీలక పాత్రలో నటించిన చిత్రం ‘కెప్టెన్‌ మిల్లర్‌’..రెండూ బాక్సాఫీస్‌ వద్ద ఆశించిన స్థాయిలో విజయం సాధించలేదు. దీంతో ఈ సారి ఎలాగైన హిట్‌ కొట్టాలనే కసితో  ఫాంటసీ థ్రిల్లర్‌ ‘ఊరు పేరు భైరవకోన’తో ప్రేక్షకుల ముందుకు వచ్చాడు.  వీఐ ఆనంద్‌ దర్శకత్వం వహించిన ఈ చిత్రంలో కావ్య థాపర్, వర్ష బొల్లమ్మ హీరోయిన్లుగా నటించారు.  అనిల్‌ సుంకర సమర్పణలో రాజేశ్‌ దండా ఈ మూవీని నిర్మించారు.  ఇప్పటికే విడుదలైన పాటలు, టీజర్‌ సినిమాపై అంచనాలు పెంచాయి. ఇక విడుదలకు రెండు రోజుల ముందు అంటే ఫిబ్రవరి 14న వేసిన పెయిడ్‌ ప్రీమియర్స్‌కి కూడా ప్రేక్షకుల నుంచి మంచి రెస్పాన్స్‌  రావడంతో పాటు సినిమాపై మరింత హైప్‌ని క్రియేట్‌ చేశాయి. భారీ అంచనాల మధ్య నేడు(ఫిబ్రవరి 16) ఈ చిత్రం ప్రేక్షకుల ముందుకు వచింది.  ఇప్పటికే ఓవర్సీస్‌తో పాటు పలు చోట్ల ఫస్ట్‌డే ఫస్ట్‌ షో పడిపోయింది. సినిమా చూసిన ప్రేక్షకులు సోషల్‌ మీడియా వేదికగా తమ అభిప్రాయాన్ని తెలియజేస్తున్నారు. ‘ఊరి పేరు భైరవకోన’ ఎలా ఉంది? సందీప్‌ ఖాతాలో హిట్‌ పడిందా లేదా? తదితర అంశాలను ఎక్స్‌ (ట్విటర్‌) వేదికగా చర్చిస్తున్నారు. అవేంటో చదివేయండి. ఇది కేవలం నెటిజన్ల అభిప్రాయం మాత్రమే. ఇందులో పేర్కొన్న అంశాలకు ‘సాక్షి’తో బాధ్యత వహించదు.  ఎక్స్‌లో ‘ఊరి పేరు భైరవకోన’కు మిశ్రమ స్పందన వస్తోంది. సినిమా బాగుందని కొంతమంది కామెంట్‌ చేస్తే.. యావరేజ్‌ ఫిల్మ్‌ అని మరికొంత మంది అంటున్నారు.  #OoruPeruBhairavaKona A Subpar Fantasy Thriller that only works in a few parts! The first half holds interest with a unique concept despite a dull narration style. However, the second half goes off-track after a while and into a predictable mode. Pre-Interval sequence stands… — Venky Reviews (@venkyreviews) February 16, 2024 సూపర్‌ ఫాంటసీ థ్రిల్లర్‌ ‘ఊరు పేరు భైరవ కోన’లో కొన్ని సన్నివేశాలు మాత్రమే ఆకట్టుకున్నాయి. ఫస్టాఫ్‌ నెమ్మదిగా సాగినప్పటికీ.. కథ ఆకట్టుకునేలా ఉంటుంది. సెకండాఫ్‌ కొంత సమయం తర్వాత   ట్రాక్ నుండి బయటపడి ఊహాజనిత మోడ్‌లోకి వెళుతుంది. ప్రీ-ఇంటర్వెల్ సీక్వెన్స్ ప్రత్యేకంగా నిలుస్తుంది. కథనం సీరియస్‌గా సాగుతున్న సమయంలో దర్శకుడు కామెడీ చొప్పించే ప్రయత్నం చేశాడు. అది వర్కౌట్‌ కాలేదు. సంగీతం బాగుంది. ఎడిటింగ్‌ పర్వాలేదు అంటూ ఓ నెటిజన్‌ 2.25-2.5/5 రేటింగ్‌ ఇచ్చాడు.  #OoruPeruBhairavaKona 3.25/5 Good triller with all elements Dont know why reviews are about this@sundeepkishan nails every bit especially in emotional scenes Heroines are good in their role And #VIAnand is jem for these unique story tellings and direction — Richi (@ruthvikrichi007) February 15, 2024 గుడ్‌ థ్రిల్లర్‌ ఫిల్మ్‌ ఇది. అన్ని అంశాలను కలిపి తీశారు. రివ్యూలు నెగెటివ్‌గా ఎందుకు ఇస్తున్నారో తెలియడం లేదు. సందీప్‌ కిషన్‌ అద్భుతంగా నటిచాడు. హీరోయిన్లు ఇద్దరు తమ పాత్రకు న్యాయం చేశారు. వీఐ ఆనంద్‌ జెమ్‌. యూనిక్‌ స్టోరీతో ప్రేక్షకులను అలరించారంటూ మరో నెటిజన్‌ 3.25/5 రేటింగ్‌ ఇచ్చాడు.  First half was super quick #OoruPeruBhairavaKona and thanos snap recalling moment was thrilling. @sundeepkishan ‘s confidence on screen was amazing. Amazing film. Loved watching it. Thanks for not disappointing. pic.twitter.com/kORVWfHYgj — Kotesh (@koteshtn) February 16, 2024 #OoruPeruBhairavaKona ipude chudatame jarigindi. First half is too good Kaani second half as usual recent movies laage undi but the twist reveal at the end mathram"prathi scene prathi shot Mind pothundi lopala" @sundeepkishan "Blockbuster Hit" kottesav Anna. pic.twitter.com/iGPCM6zg9b — AitheyEnti (@Tweetagnito) February 15, 2024 #OoruPeruBhairavaKona first half starts well and pre interval is good but second half below avg 🙏🏻 #OoruPeruBhairavaKonaReview My Rating: 2.25/5 ⭐️⭐️ https://t.co/K5JiRRfzHM — Daniel Sekhar (@rk_mahanti) February 15, 2024 #OoruPeruBhairavaKona is such a remarkable film. A ‘masala fantasy’ venture that exudes spirituality as well as redemption. Absolutely enjoyed the experience… The songs are lovely. @sundeepkishan loved the way you portrayed Basava, especially during the climax portion. That was… — Anuj Radia (@AnujRadia) February 15, 2024 #OoruPeruBhairavaKona is well written and executed movie by @Dir_Vi_Anand The interval is a blast. The story,music,visuals and comedy are the major strengths of the film.Congratulations @sundeepkishan anna for blockbuster. And @VarshaBollamma just stole the show. pic.twitter.com/En76MD7q81 — M.Rithesh Reddy (@RitheshReddy4) February 15, 2024

 ‘‘ఊరు పేరు భైరవకోన’ సినిమాకి దాదాపు వంద ప్రీమియర్‌ షోలు పడ్డాయి. థియేటర్స్‌కి వచ్చిన ప్రతి ప్రేక్షకుడికి థ్యాంక్స్‌. మా మూవీ పాటలు, ట్రైలర్, ప్రీమియర్‌కు మీరు (ప్రేక్షకులు) ఇచ్చిన స్పందన, మా మీద మీరు పెట్టుకున్న నమ్మకానికి రుణపడి ఉన్నాం’’ అన్నారు సందీప్‌ కిషన్‌. వీఐ ఆనంద్‌ దర్శకత్వంలో సందీప్‌ కిషన్‌ హీరోగా, కావ్యా థాపర్, వర్ష బొల్లమ్మ హీరోయిన్లుగా నటించిన చిత్రం ‘ఊరు పేరు భైరవకోన’. అనిల్‌ సుంకర సమర్పణలో రాజేశ్‌ దండా నిర్మించారు. ఈ సినిమా నేడు రిలీజజ్‌ అవుతోంది. ఈ సందర్భంగా గురువారం నిర్వహించిన బ్లాక్‌ బస్టర్‌ ప్రీమియర్స్‌ సక్సెస్‌ ప్రెస్‌మీట్‌లో అనిల్‌ సుంకర మాట్లాడుతూ–‘‘మా సినిమా ప్రీమియర్సే కోటి రూపాయల వసూళ్లు సాధించడం ఆనందాన్నిచ్చింది’’ అన్నారు. ‘‘ఈ రోజు రిలీజవుతున్న మా సినిమాని అందరూ చూడాలి’’ అన్నారు వీఐ ఆనంద్, రాజేశ్‌ దండా.

‘‘సూపర్‌ నేచురల్‌ ఫ్యాంటసీ జోనర్‌లో ‘ఊరు పేరు భైరవకోన’ సినిమా రూపొందింది. మనిషి చనిపోయిన తర్వాత 11 రోజులు ఆత్మ తాలూకు ప్రయాణం ఎలా ఉంటుందన్నది గరుడ పురాణంలో చదివాను. ఆ స్ఫూర్తితో ఈ చిత్రకథ రాశాను. యువతరంతో పాటు కుటుంబ ప్రేక్షకులు కూడా చాలా ఎంజాయ్‌ చేస్తారు’’ అని డైరెక్టర్‌ వీఐ ఆనంద్‌ అన్నారు. సందీప్‌ కిషన్‌ హీరోగా నటించిన చిత్రం ‘ఊరు పేరు భైరవకోన’. అనిల్‌ సుంకర సమర్పణలో రాజేశ్‌ దండా నిర్మించిన ఈ సినిమా ఈ 16న రిలీజవుతోంది. ఈ సందర్భంగా చిత్ర దర్శకుడు వీఐ ఆనంద్‌ పంచుకున్న విశేషాలు.   ► సందీప్‌ కిషన్‌కి రెండు ఐడియాలు చెబితే  ‘ఊరు పేరు భైరవకోన’ కథకు ఎగ్జయిట్‌ అయ్యాడు. నాకు కూడా ఈ కథ చేస్తే చాలా కొత్తగా ఉంటుంది, ఒక ట్రెండ్‌ సెట్‌ చేసేలా ఉంటుందని ఫిక్స్‌ అయ్యాం. రాజేశ్‌ దండా ఈ కథ వినగానే ఎగ్జయిట్‌ అయ్యారు. సందీప్, నా మంచి కోరే అనిల్‌ సుంకరగారు కూడా ఈప్రాజెక్ట్‌లోకి రావడంతో ఈ సినిమాప్రారంభమైంది. బిగ్‌ స్క్రీన్‌పై విజువల్, సౌండ్‌ పరంగా ఆడియన్స్‌కి గొప్ప అనుభవాన్ని ఇచ్చే సినిమా ఇది. ► ఈ చిత్రకథలో కర్మ సిద్ధాంతం, గరుడపురాణం, శివదండం.. వంటి నేపథ్యాలు ఉన్నాయి కాబట్టి ‘ఊరు పేరు భైరవకోన’ యాప్ట్‌ అనిపించి ఆ టైటిల్‌ ఫిక్స్‌ చేశాం. ‘టైగర్‌’ టైమ్‌లో ఉన్న ఫైర్, ప్యాషన్‌ సందీప్‌లో ఇప్పుడూ ఉన్నాయి. ప్రతి సినిమాని తొలి సినిమాలానే చేస్తున్నాడు. నా కెరీర్‌లోనే బిగ్గెస్ట్‌ ఓపెనింగ్స్‌తో వస్తున్న సినిమా ఇది. ► నేను గతంలో అల్లు అర్జున్‌తో ఓ సినిమాతో పాటు, గీతా ఆర్ట్స్‌లో ఓ మూవీ చేయాల్సింది. కొన్ని కారణాల వల్ల పట్టాలెక్కలేదు. ప్రస్తుతం హీరో నిఖిల్‌తో ఓ సినిమా చర్చల్లో ఉంది. అలాగే ఓ పెద్ద హీరోకి యాక్షన్‌ కథ రాస్తున్నాను. 

సందీప్‌ కిషన్‌ హీరోగా నటించిన ఫ్యాంటసీ అడ్వెంచరస్‌ మూవీ ‘ఊరు పేరు భైరవకోన’. ఈ చిత్రంలో కావ్యా థాపర్, వర్ష బొల్లమ్మ కథానాయికలుగా నటించారు. వీఐ ఆనంద్‌ దర్శకత్వంలో అనిల్‌ సుంకర సమర్పణలో రాజేశ్‌ దండా నిర్మించిన ఈ చిత్రం ఈ నెల 16న విడుదల కానుంది. ఈ సందర్భంగా ఆదివారం జరిగిన ఈ సినిమా ప్రెస్‌మీట్‌లో సందీప్‌ కిషన్‌ మాట్లాడుతూ– ‘‘ఇది నాకు స్పెషల్‌ మూవీ.రెండున్నర సంత్సరాలుగా ఈ సినిమా కోసం కష్టపడుతూనే ఉన్నాం. ఫ్యాంటసీ, సూపర్‌ నేచురల్‌ ఎలిమెంట్స్‌ ఉన్న మంచి కమర్షియల్‌ సినిమా ఇది’’ అన్నారు. ‘‘ఊరు పేరు భైరవకోన’ చిత్రం అద్భుతమైన జర్నీ. ఈ సినిమాలోని ప్రతి మూమెంట్‌ మాకు ఓ కొత్త అనుభవం. ఫ్యాంటసీ ఎలిమెంట్స్‌తో పాటు కథలో మంచి లవ్‌స్టోరీ కూడా ఉంది’’ అన్నారు వీఐ ఆనంద్‌. ‘‘ఈ సినిమాతో సందీప్‌ నెక్ట్స్‌ లెవల్‌కి వెళ్తాడు’’ అన్నారు అనిల్‌ సుంకర. ‘‘ప్రేక్షకులకు గొప్ప అనుభూతిని ఇచ్చే చిత్రం ఇది. సాంగ్స్, ఆర్‌ఆర్‌ ప్రేక్షకులను మెప్పిస్తాయి’’ అన్నారు సంగీత దర్శకుడు శేఖర్‌ చంద్ర.

‘‘పాత్ర నిడివి కాదు... నా పాత్ర ప్రాముఖ్యతను బట్టి కథలు ఓకే చేయడానికి ఆసక్తి చూపిస్తాను. ఇప్పటి వరకు నేను చేసిన పాత్రలన్నీ అలా ఎంచుకున్నవే’’ అన్నారు వర్షా బొల్లమ్మ. సందీప్‌ కిషన్‌ హీరోగా నటించిన చిత్రం ‘ఊరు పేరు భైరవకోన’. ఈ చిత్రంలో కావ్యా థాపర్, వర్షా బొల్లమ్మ హీరోయిన్లు. వీఐ ఆనంద్‌ దర్శకత్వంలో అనిల్‌ సుంకర సమర్పణలో రాజేశ్‌ దండా నిర్మించిన ఈ చిత్రం ఈ నెల 16న విడుదల కానుంది. ఈ సందర్భంగా వర్ష బొల్లమ్మ మాట్లాడుతూ– ‘‘ఊరు పేరు భైరవకోన’ సినిమాలో నేను ట్రైబల్‌ అమ్మాయి భూమి పాత్రలో కనిపిస్తాను. తన ఊర్లో చదువుకున్న అమ్మాయి ఒక్క భూమి మాత్రమే. అందంగా, అమయాకంగా కనిపించే ఈ పాత్రలో స్ట్రెంత్, పవర్‌ ఉన్నాయి. ఈ సినిమాలో ఉన్న సందేశం కూడా నా పాత్రతోనే వస్తుంది. నా రియల్‌ లైఫ్‌ క్యారెక్టర్‌కు భూమి పాత్ర కాస్త దగ్గరగా అనిపించింది. వీఐ ఆనంద్‌గారు ఈ సినిమా కథ చెప్పినప్పుడు అలా ఎలా ఆలోచించి కథలు రెడీ చేస్తారు? అనుకున్నాను. కథ అంత బాగా అనిపించింది. ప్రస్తుతం తమిళ, తెలుగు, మలయాళంలో సినిమాలు చేస్తున్నాను. తెలుగులో ఓ కొత్త ప్రాజెక్ట్‌ సైన్‌ చేశాను. ఇక హీరో బెల్లంకొండ గణేశ్‌తో నేను ప్రేమలో ఉన్నానన్న వార్తల్లో ఏ మాత్రం నిజం లేదు’’ అని చెప్పుకొచ్చారు.

ఇంటి ఫుడ్‌ అంటే ఎవరికి ఇష్టం ఉండదు చెప్పండి.. కమ్మని భోజనాన్ని అమ్మ ప్రేమగా వడ్డిస్తుంటే కడుపునిండా తినాలనిపిస్తుంది. బయట రెస్టారెంట్లలో, వీధి పక్కన ఫుడ్‌ స్టాల్స్‌లో భోజనం దొరుకుతుంది కానీ ఆ ప్రేమ దొరకదు. ఓసోస్‌.. అదంతా ఒకప్పుడు.. ఈ మహిళ రాకతో అంతా మారిపోయింది. సాయికుమారి అనే మహిళ హైదరాబాద్‌లో కొంతకాలం క్రితం ఓ ఫుడ్‌స్టాల్‌ తెరిచింది. సంపాదన మామూలుగా లేదు రుచికరమైన వెజ్‌, నాన్‌వెజ్‌ వంటల్ని జనాలకు అందిస్తోంది. అంతేనా, వాటికి తోడు కన్నా, నాన్నా, చిన్నా అంటూ ప్రేమగా భోజనం వడ్డిస్తుంది. అంత ఆప్యాయత కురిపిస్తూ భోజనం వడ్డించే ఈవిడ నెలకు రెండున్నర లక్షల పైనే సంపాదిస్తోందట. సోషల్‌ మీడియాలో తన రీల్స్‌ కూడా తెగ పాపులర్‌ అవుతుంటాయి. దీంతో ఊరు పేరు భైరవ కోన టీమ్‌ వెంటనే అక్కడికి వెళ్లిపోయి ఆమె చేతి వంట రుచిచూసింది. సందీప్‌ కిషన్‌, వర్ష బొల్లమ్మ, కావ్య థాపర్‌ అక్కడి భోజనాన్ని తిని ఆస్వాదించారు. ఫేమస్‌ ఫుడ్‌ స్టాల్‌లో హీరోహీరోయిన్ల భోజనం ఇందుకు సంబంధించిన వీడియో సోషల్‌ మీడియాలో వైరల్‌గా మారింది. ఇకపోతే సందీప్‌ కిషన్‌ ప్రధాన పాత్రలో నటిస్తున్న మూవీ ‘ఊరు పేరు భైరవకోన’. వీఐ ఆనంద్‌ దర్శకత్వం వహిస్తున్న ఈ మూవీలో వర్షా బొల్లమ్మ, కావ్యా థాపర్‌ హీరోయిన్లుగా నటిస్తున్నారు. అనిల్‌ సుంకర సమర్పణలో ఏకే ఎంటర్‌టైన్మెంట్స్‌పై రాజేశ్‌ దండా నిర్మిస్తున్నారు.  Spreading smiles & savoring flavours ❤️ Team #OoruPeruBhairavaKona had a delightful visit to meet the viral lady "Sai Kumari", renowned for her charming food selling skills👌🏻 - https://t.co/wiHExfBtaJ@sundeepkishan’s much-anticipated, A @Dir_Vi_Anand Fantasy 💥… pic.twitter.com/yDn2ArfIjA — BA Raju's Team (@baraju_SuperHit) January 20, 2024 చదవండి: అమ్మ అప్పుడు ఏడ్చేసింది.. నేను నచ్చజెప్పినా..

‘‘ప్రేక్షకులకు అద్భుతమైన సినిమాటిక్‌ అనుభూతి ఇవ్వాలని దాదాపు రెండున్నరేళ్లు ‘ఊరు పేరు భైరవకోన’ సినిమా కోసం ఒక బాధ్యతతో పని చేశాం. ఈ చిత్రం పెద్ద విజయం సాధించడం మా యూనిట్‌కి చాలా అవసరం. ఆ బాధ్యతని, అవసరాన్ని గుర్తు చేసుకుంటూ పని చేశాం’’ అని సందీప్‌ కిషన్‌ అన్నారు. వీఐ ఆనంద్‌ దర్శకత్వంలో సందీప్‌ కిషన్‌ హీరోగా, వర్ష బొల్లమ్మ, కావ్య థాపర్‌ హీరోయిన్లుగా నటించిన చిత్రం ‘ఊరు పేరు భైరవకోన’. అనిల్‌ సుంకర సమర్పణలో రాజేశ్‌ దండా నిర్మించిన ఈ సినిమా ఫిబ్రవరి 9న విడుదల కానుంది. (చదవండి: రవితేజ సినిమాతో క్లాష్‌.. వెనక్కి తగ్గలేమని చెప్పిన సందీప్‌ కిషన్‌) హైదరాబాద్‌లో నిర్వహించిన వేడుకలో ఈ చిత్రం ట్రైలర్‌ని రిలీజ్‌ చేశారు. ఈ సందర్భంగా సందీప్‌ కిషన్‌ మాట్లాడుతూ– ‘‘ఊరు పేరు భైరవకోన’ కమర్షియల్లీ ఫుల్‌ ప్యాకేజ్డ్‌ ఎంటర్‌టైనర్‌’’ అన్నారు. ‘‘ఈ సినిమా నా కెరీర్‌లో ఓ సవాల్‌. ప్రేక్షకులకు కొత్త అనుభూతినిస్తుంది’’ అన్నారు వీఐ ఆనంద్‌. ‘‘ఈ మూవీలో ప్రేమకథ, కామెడీ, ఫ్యాంటసీ, యాక్షన్‌.. ఇలా అన్ని అంశాలున్నాయి. సినిమాపై చాలా నమ్మకంగా ఉన్నాం’’ అన్నారు రాజేశ్‌ దండా. ‘‘గొప్ప థియేట్రికల్‌ అనుభూతినిచ్చే మూవీ ఇది. థియేటర్స్‌లోనే ఈ సినిమా చూడండి’’ అన్నారు వర్ష, కావ్య. ఈ చిత్రానికి సహనిర్మాత: బాలాజీ గుత్తా, సంగీతం: శేఖర్‌ చంద్ర, కెమెరా: రాజ్‌ తోట.

సందీప్‌కిషన్‌ హీరోగా వీఐ ఆనంద్‌ దర్శకత్వంలో తెరకెక్కుతున్న చిత్రం 'ఊరు పేరు భైరవకోన'.  ఒక్క క్షణం, ఎక్కడికి పోతావు చిన్నవాడా, డిస్కో రాజా వంటి చిత్రాలకు వీఐ ఆనంద్‌ దర్శకత్వం వహించాడు.తాజాగా విడుదలైన ఊరు పేరు భైరవకోన చిత్రం ట్రైలర్‌ ఎంతగానో ఆకట్టుకుంటుంది. ఫాంటసీ థ్రిల్లర్‌గా తెరకెక్కిన ఈ సినిమా ఫిబ్రవరి 9న విడుదల కానుంది. గరుడ పురాణంలో కనిపించకుండా పోయిన ఆ నాలుగు పేజీలే ఈ భైరవకోన అనే డైలాగుతో ట్రైలర్‌ మెప్పించింది. దీంతో సినిమాపై భారీ అంచనాలు నెలకొన్నాయి.  సంక్రాంతి రేసు నుంచి తప్పుకున్న 'ఈగల్‌' చిత్రం కూడా ఫిబ్రవరి 9న విడుదల అవుతుంది. దీంతో రవితేజ చిత్రంతో వస్తున్న క్లాష్‌ గురించి సందీప్‌కిషన్‌ తాజాగా ఒక ఇంటర్వ్యూలో వివరణ ఇచ్చాడు. 'ఊరు పేరు భైరవకోన' చిత్రాన్ని వాస్తవంగా సంక్రాంతికే విడుదల చేయాలని అనుకున్నాం. ఆ తేదీలలో చాలా సినిమాలు ఉండటం చూసి వెనక్కు తగ్గాం. దీంతో ఫిబ్రవరి 9న  వెళ్దాం అనుకున్నాం. అప్పటికే ఫిబ్రవరి 9న 'టిల్లు స్క్వేర్‌' రేసులో ఉంది. ఆ సమయంలో ఆ చిత్ర యూనిట్‌తో మాట్లాడుకుని మేము రిలీజ్‌ డేట్‌ ఫిక్స్‌ చేశాం. ఇలాంటి పరిస్థితుల్లో మళ్లీ రిలీజ్‌ డేట్‌ మార్చుకునే అవకాశం కూడా లేదు. ఈ సినిమా వివషయంలో ఇప్పటికే చాలా సమయం తీసుకున్నాం. రవితేజతో డైరెక్టర్‌  వి.ఐ.ఆనంద్‌ కూడా పని చేశారు. అయన్ను ఎవరైనా అభిమానిస్తారు. 'ఈగల్‌' నిర్మాణ సంస్థ పీపుల్‌ మీడియా ఫ్యాక్టరీతో మా చిత్ర నిర్మాతకు మంచి స్నేహమే ఉంది. 'ఈగల్‌' రిలీజ్‌ విషయంలో  మాకు ఎలాంటి కాల్స్ రాలేదు. వాళ్లు మాతో టచ్‌లోకి రాలేదు. వారి నుంచి ఫోన్‌ వచ్చింటే స్పందించేవాళ్లమే.. ఎన్ని జరిగినా  ఫిబ్రవరి 9వ తేదీనే రావాలని ఫిక్స్‌ అయ్యాం. మరోసారి విడుదల తేదీ మారిస్తే మాకు ఎన్నో సమస్యలున్నాయి. సంక్రాంతి రేసులో ఎక్కువ చిత్రాలు ఉండటంతో ఈగల్‌ తప్పుకోవాలని తెలుగు ఫిల్మ్‌ ఛాంబర్‌ ఆఫ్‌ కామర్స్‌ ఒక సమావేశం పెట్టి కోరింది. అందుకుగాను ఈగల్‌ చిత్రానికి సింగిల్‌ రిలీజ్‌ డేట్‌ ఇస్తామని చెప్పింది. అప్పటకే ఫిబ్రవరి 9న విడుదలకు రెడీగా ఉన్న  'టిల్లు స్క్వేర్‌' వాయిదా వేసుకుంది. కానీ ఆ సమయంలో 'ఊరు పేరు భైరవకోన' చిత్రం టీమ్‌తో చర్చలు జరిగినట్లు లేదని తెలుస్తోంది. దీంతో ఊరు పేరు భైరవకోన,ఈగల్‌ రెండు చిత్రాలు ఒకే రోజు విడుదల కానున్నాయి. వీఐ ఆనంద్‌ డైరెక్షన్‌లో ఇప్పటికే టైగర్‌ చిత్రంలో సందీప్‌కిషన్‌ నటించాడు. సందీప్‌ సరసన కావ్య థాపర్‌, వర్ష బొల్లమ్మ కనిపించనున్నారు. రాజేశ్‌ దండా నిర్మాత. అనిల్‌ సుంకర సమర్పకులు.

యంగ్‌ హీరో సందీప్‌ కిషన్‌ ప్రధాన పాత్రలో నటిస్తున్న  ఫ్యాంటసీ అడ్వెంచరస్‌ మూవీ ‘ఊరు పేరు భైరవకోన’. వీఐ ఆనంద్‌ దర్శకత్వం వహిస్తున్న ఈచిత్రంలో  వర్షా బొల్లమ్మ, కావ్యా థాపర్‌ హీరోయిన్లుగా నటిస్తున్నారు. అనిల్‌ సుంకర సమర్పణలో ఏకే ఎంటర్‌టైన్మెంట్స్‌పై రాజేశ్‌ దండా నిర్మిస్తున్నారు.  తాజాగా ఈ సినిమా ట్రైలర్‌ విడుదలైంది.  ల‌వ్ ఫీల్ తో, రొమాంటిక్ యాంగిల్‌తో ట్రైలర్‌ని ప్రారంభించారు. ఆ తర్వాత కథంతా భైర‌వ‌కోన అనే ఫాంట‌సీ ప్ర‌పంచంలోకి క‌థ మ‌ళ్లుతుంది. ‘గరుడ పురాణంలో మాయమైన ఆ నాలుగు పేజీలే ఈ భైరవకోన’.. ‘భగవంతుడి ఆధీనంలో కూడా లేనిది కర్మ సిద్ధాంతం’, ‘లిఖించబడిందే జరుగుతుంది.. రక్త పాతం జరుగనియ్‌’ వంటి ఆసక్తికర డైలాగ్స్‌తో ట్రైలర్‌ ఆద్యంతం ఆకట్టుకునేలా సాగింది. అతీంద్రియ శక్తులు సృష్టించే అవరోధాలు.. వాటిని దాటుకుంటూ వెళ్లి.. తనకు కావాల్సిన దానిని హీరో దక్కించుకోవడమే ప్రధానాంశంగా ఈ సినిమాను తెరకెక్కించినట్లు ట్రైలర్‌ చూస్తే అర్థమవుతుంది.  దైవశక్తి.. క్షుద్రశక్తి తో పాటు వైపు కర్మ సిద్ధాంతాన్ని బేస్‌ చేసుకొని ఈ కథ అల్లుకున్నట్లు ట్రైలర్‌ ద్వారా తెలుస్తుంది.  ఫిబ్రవరి 9న ఈ చిత్రం విడుదల కానుంది. 

హీరో సందీప్‌ కిషన్, దర్శకుడు వీఐ ఆనంద్‌ కాంబినేషన్‌లో రూపొందుతున్న ఫ్యాంటసీ అడ్వెంచరస్‌ మూవీ ‘ఊరు పేరు భైరవకోన’. ఈ చిత్రంలో వర్షా బొల్లమ్మ, కావ్యా థాపర్‌ హీరోయిన్లుగా నటిస్తున్నారు. అనిల్‌ సుంకర సమర్పణలో ఏకే ఎంటర్‌టైన్మెంట్స్‌పై రాజేశ్‌ దండా నిర్మిస్తున్నారు. చివరి దశకు చేరుకున్న ఈ సినిమా చిత్రీకరణ హైదరాబాద్‌లో జరుగుతోంది. కాగా ఈ చిత్రాన్ని ఫిబ్రవరి 9న విడుదల చేయనున్నట్లు గురువారం చిత్ర యూనిట్‌ ప్రకటించింది. ‘‘ఊరు పేరు భైరవకోన’లో సూపర్‌ నేచురల్‌ ఎలిమెంట్స్‌ ఉన్నాయి. ఈ చిత్రం ప్రేక్షకులను అలరిస్తుంది’’ అని యూనిట్‌ పేర్కొంది. ఈ సినిమాకు సంగీతం: శేఖర్‌ చంద్ర. 

సినిమాలన్నాక హిట్, ఫ్లాప్ సాధారణ విషయం.  ఈ రోజు ఫెయిల్ అయిన హీరో.. మరో సినిమాతో కమ్ బ్యాక్ ఇవ్వొచ్చు. దర్శకులు, నిర్మాతల విషయంలో ఇలానే జరగొచ్చు. అయితే ఈ ఏడాది నిర్మాత అనిల్ సుంకర మాత్రం స్టార్ హీరోల సినిమాల దెబ్బకు చాలా దారుణమైన నష్టాల్ని చూశారు. ఇక ఆయన తీస్తున్న మరో సినిమా ఉందా? లేదా?  అనే రూమర్స్ ఉన్నాయి. ఇలాంటి సమయంలో ఈ ప్రొడ్యూసర్ షాకింగ్ ట్వీట్ చేశారు. నిర్మాత అనిల్ సుంకర.. ఈ ఏడాది పలు సినిమాలు రిలీజ్ చేశారు. అయితే ఎన్నో కోట్లు ఖర్చు పెట్టిన తీసిన ఏజెంట్, భోళా శంకర్ చిత్రాలు ఈయనకు చాలా నష్టాన్ని మిగిల్చాయి. వీటి నుంచి కోలుకోవడానికి మరికొన్నాళ్ల సమయం పడుతుంది. ఇలాంటి టైంలో ఈయన నిర్మిస్తున్న 'ఊరు పేరు భైరవకోన' మూవీ ఆగిపోయిందనే రూమర్స్ వచ్చాయి. వీటిపై స్పందిస్తూ ట్వీట్‌తో క్లారిటీ ఇచ్చారు. (ఇదీ చదవండి: హీరోయిన్‌గా ఛాన్స్ కొట్టేసిన 'బిగ్‌బాస్' రతిక) 'మేం ఖరీదైన తప్పులు చేశాం. అవి రిపీట్ కాకూడదని ప్రయత్నిస్తున్నాయి. అలానే సినిమాకు వీఎఫ్ఎక్స్ క్వాలిటీ కోసం కావాల్సిన సమయం కేటాయిస్తున్నాం. ఇక వీఎఫ్ఎక్స్ వర్క్ పూర్తి కాగానే 'ఊరుపేరు భైరవకోన' రిలీజ్ డేట్ ప్రకటిస్తాం. ఈ సినిమా మంచి విజయం సాధిస్తుందని పూర్తి నమ్మకం ఉంది. రెండో పాట త్వరలో రిలీజ్ చేస్తాం' అని నిర్మాత అనిల్ సుంకర ట్వీట్ చేశారు. ఈ ట్వీట్‌లో భాగంగా ఖరీదైన తప్పులు అన్నది ఏజెంట్, భోళా శంకర్ గురించే. ఇకపోతే సందీప్ కిషన్ హీరోగా నటిస్తున్న 'ఊరుపేరు భైరవకోన' చిత్రం.. 2021 సెప్టెంబరులో లాంచ్ అయింది. ఓ ఎనిమిది నెలల ముందు పాట.. ఐదు నెలల క్రితం టీజర్ రిలీజ్ చేశారు. ఆ తర్వాత సైలెంట్ అయిపోయారు. అందుకే ఈ సినిమా ఆగిపోయిందా అనే రూమర్స్ వచ్చాయి. సో అదన్నమాట విషయం. (ఇదీ చదవండి: ఈ వారం ఓటీటీల్లో ఏకంగా 40 సినిమాలు రిలీజ్) We made some costly mistakes and trying not to repeat any more. Quality of VFX is always proportional to the time we can give. And for a movie like #OoruPeruBhairavakona , we want to announce the date as soon as VFX is complete. We are confident that the movie will reach the high… https://t.co/6f3Ui32u5T — Anil Sunkara (@AnilSunkara1) October 15, 2023

సందీప్‌ కిషన్, వర్ష బొల్లమ్మ జంటగా వీఐ ఆనంద్‌ దర్శకత్వం వహించిన తాజా చిత్రం ‘ఊరు పేరు భైరవకోన’. ఈ చిత్రం కోసం సంగీతదర్శకుడు శేఖర్‌ చంద్ర  స్వరపరచగా, సిధ్‌ శ్రీరామ్‌పాడిన ‘నిజమే నే చెబుతున్నా..’పాట మార్చిలో విడుదలైంది. ‘‘ఈపాట లిరికల్‌ వీడియోకు శ్రోతల నుంచి మంచి రెస్పాన్స్‌ లభిస్తోంది. యూట్యూబ్‌లో ఈ పాట భారీ హిట్‌ సాధించింది. ఇప్పటికే సుమారు 30 మిలియన్ల వ్యూస్‌ క్రాస్‌ అయింది. ఈపాట ఇప్పటికే 3 కోట్ల వ్యూస్‌ సాధించింది. ‘బాగుంటుంది నువ్వు నవ్వితే’, ‘ప్రియతమా ప్రియతమా, ‘మనసు దారి తప్పెనే’... వంటిపాటల తర్వాత సిధ్‌ శ్రీరామ్, నా కాంబినేషన్‌లో వచ్చిన ఈపాట హిట్‌ కావడం హ్యాపీగా ఉంది. సందీప్‌ కిషన్, వీఐ ఆనంద్, గీత రచయిత శ్రీమణిలకు థ్యాంక్స్‌’’ అని అన్నారు.

టాలీవుడ్‌లో సంగీత దర్శకుడు శేఖర్‌ చంద్ర, సింగర్‌ సిద్‌ శ్రీరామ్‌లది హిట్‌ కాంబినేషన్‌. వీరిద్దరి కలయికలో వచ్చిన ‘బాగుంటుంది నువ్వు నవ్వితే’ , ‘ప్రియతమా ప్రియతమా’ , 'మనసు దారి తప్పేనే' పాటలు యూట్యూబ్‌లో మిలియన్ల కొద్ది వ్యూస్‌ రాబట్టి రికార్డులు సృష్టించాయి. తాజాగా వీరి కాంబోలో వచ్చిన నాలుగో పాట ‘నిజమే నే చెబుతున్నా’ కూడా యూట్యూబ్‌ని షేక్‌ చేస్తుంది. సందీప్ కిషన్ నటిస్తున్న 'ఊరు పేరు బైరవకోన'సినిమాలోని పాట అది. ఇప్పటికే ఈ సాంగ్‌కి 30 మిలియన్స్‌కి పైగా వ్యూస్‌ వచ్చాయి. ఇన్‌స్టా రీల్స్‌లో ట్రెండింగ్‌లో ఉంది.  ఈ సందర్భంగా శేఖర్ చంద్ర మాట్లాడుతూ..‘నిజమే చెబుతున్నా’  సాంగ్ ఇంత సక్సెస్ అవ్వడం చాలా సంతోషంగా ఉంది. ఈ సాంగ్ ని ఓన్  చేసుకుంటూ రీల్స్ చేస్తున్న అందరికీ థాంక్స్. రిలీజయ్యక చాలా మెస్సేజెస్ వచ్చాయి. ఇంకా వస్తూనే ఉన్నాయి. ఈ సందర్భంగా దర్శకుడు వి ఐ ఆనంద్ గారికి స్పెషల్ థాంక్స్. ఆయనతో నాకు ఇది రెండో సినిమా. మా కాంబోలో ఇంకా మరిన్ని మంచి పాటలు వస్తాయి. అలాగే హీరో సందీప్ కిషన్ కి , నిర్మాతలకు థాంక్స్.  సిద్ శ్రీరామ్ పాడిన తీరు అందరినీ ఆకట్టుకుంటుంది. మా కాంబోలో మరిన్ని సాంగ్స్ రానున్నాయి.ఈ పాటకు శ్రీమణి  మంచి సాహిత్యం అందించారు. ఈ సందర్భంగా శ్రీమణి కి కూడా థాంక్స్ చెప్తున్నా. ఈ సాంగ్ మూవీ రిలీజయ్యాక ఇంకా ఎక్కువ రీచ్ అవుతుందని నమ్ముతున్నాను.’ అన్నారు.