మలయాళ హీరోయిన్‌ పార్వతి నాయర్‌పై కేసు నమోదైంది. దొంగతనం నెపంతో తనపై దాడి చేసిందని ఆమె పనిమనిషి సుభాష్‌ చంద్రబోస్‌ పోలీసులకు ఫిర్యాదు చేశాడు. దీంతో పార్వతితోపాటు మరో నలుగురిపై పోలీసులు కేసు నమోదు చేశారు.అసలేం జరిగిందంటే?సుభాష్‌ చంద్రబోస్‌ అనే వ్యక్తి కేజేఆర్‌ స్టూడియోలో హెల్పర్‌గా పని చేసేవాడు. 2022 నుంచి పార్వతి నాయర్‌ ఇంట్లో పనిమనిషిగా చేరాడు. అదే ఏడాది అక్టోబర్‌లో చెన్నైలోని పార్వతి నాయర్‌ ఇంట్లో దొంగతనం జరిగింది. రూ.9 లక్షల విలువైన రెండు వాచీలు, రూ.1.5 లక్షలు విలువైన ఐఫోన్‌, రూ.2 లక్షల విలువైన ల్యాప్‌టాప్‌ చోరీకి గురైంది. తన పనిమనిషి సుభాషే ఈ దొంగతనం చేశాడని పార్వతి ఆరోపించడంతో పోలీసులు కేసు నమోదు చేసుకుని సుభాష్‌ను అరెస్ట్‌ చేశారు. తర్వాత కొద్దిరోజులకు అతడిని విడుదల చేశారు.స్టూడియోలో రభసతర్వాత సుభాష్‌.. తిరిగి కేజేఆర్‌ స్టూడియోలో పనిలో చేరాడు. అయితే స్టూడియోలోనే ఉన్న పార్వతి తనను కొట్టిందని ఆరోపించాడు. ఆమెతోపాటు ఉన్న మరో నలుగురు వ్యక్తులు తనను తీవ్రంగా దుర్భాషలాడారని చెన్నైలోని తేనాంపేట పోలీస్‌ స్టేషన్‌లో ఫిర్యాదు చేశాడు. పోలీసులు ఎటువంటి చర్యలు తీసుకోకపోవడంతో సైదాపేట్‌ 19 ఎమ్‌ఎమ్‌ కోర్టును ఆశ్రయించాడు. న్యాయస్థానం ఆదేశాల మేరకు పోలీసులు పార్వతితో పాటు మరో నలుగురిపై కేసు నమోదు చేసి విచారిస్తున్నారు.సినిమా..కాగా మలయాళ కుటుంబానికి చెందిన పార్వతి సొంతభాషలోనే కాకుండా కన్నడ, తమిళ భాషల్లోనూ అనేక సినిమాలు చేసింది. పాప్పిన్స్‌, స్టోరీ కాతే, డి కంపెనీ, యాంగ్రీ బేబీస్‌ ఇన్‌ లవ్‌, ఉత్తమ విలన్‌, వాస్కోడిగామ, కొడిత్త ఇదంగళై నిరప్పుగ, 83, ధూమం, గోట్‌.. తదితర చిత్రాల్లో నటించింది.చదవండి: 'దేవర'ఈవెంట్‌ రద్దుకు కారణం ఇదే.. ఆర్గనైజర్ల వివరణ

తమిళసినిమా: సంచలన నటిగా ముద్ర వేసుకున్న పార్వతి నాయర్‌ బహుభాష నటిగా రాణిస్తున్నారు. తమిళంలో ఉత్తమ విలన్, మాలై నేరత్తు మైకం, ఎంకిట్ట మోదాదే, నిమిర్‌ తదితర చిత్రాల్లో నటించింది. ఈ అమ్మడు ఇటీవల ఓ కార్యక్రమంలో మాట్లాడుతూ.. ఏ రంగానికి చెందిన వారికైనా అదృష్టం చాలా ముఖ్యమని చెప్పింది. అయితే అది జీవితంలో ఒకసారి మాత్రమే తలుపు తడుతుందని, వెంటనే దానిని సద్వినియోగం చేసుకోవాలని తెలిపింది. తాను మాత్రం దానిని మిస్‌ చేసుకున్నానని చెప్పింది. తెలుగు చిత్రం అర్జున్‌రెడ్డిలో కథానాయకిగా తాను నటించాల్సి ఉందని, అయితే అందులో లిప్‌లాక్‌ సన్నివేశాలు, రొమాన్స్‌ సన్నివేశాలు ఎక్కువగా ఉండడంతో తాను నిరాకరించినట్లు పేర్కొంది. చదవండి: ఈ గల్లీబాయ్‌ పేరు అంతర్జాతీయ స్టేజ్‌పై వినిపించింది: రాహుల్‌ ఎమోషనల్‌ నిజానికి ఆ అవకాశాన్ని వదులుకోకూడదని చిత్రం చూసిన తరువాత చాలా బాధపడ్డానని చెప్పింది. వాస్తవానికి అర్జున్‌రెడ్డి ఒక అందమైన చిత్రమని తెలిపింది. ఆ చిత్రాన్ని నిరాకరించి పెద్ద తప్పు చేశాననే అభిప్రాయాన్ని వ్యక్తం చేసింది. ఇకపోతే జీవితంలో తనకు కలిగిన మరో అద్భుత అవకాశం ఉత్తమవిలన్‌ కమలహాసన్‌తో కలిసి నటించానని పేర్కొంది. ఆ అనుభవాన్ని తాను జీవితాంతం మరిచిపోలేనని చెప్పింది. కమలహాసన్‌ సరసన నటించాను అన్న విషయాన్ని ఇప్పుడు తలచుకున్నా నమ్మసక్యంగా లేదని చెప్పింది. కాగా ఒకే తరహా కథా పాత్రలు మళ్లీ మళ్లీ చేయడం తనకు ఇష్టం ఉండదని పార్వతి నాయర్‌ పేర్కొంది. 

తమిళసినిమా: నటి పార్వతీనాయర్‌ తన ఇంట్లో పని చేసే సుభాష్‌ చంద్రబోస్‌ అనే వ్యక్తి చోరీకి పాల్పడినట్లు ఇటీవల స్థానిక నుంగంపాక్కం పోలీస్‌స్టేషన్‌లో ఫిర్యాదు చేసిన విషయం తెలిసిందే. దీంతో ఆ వ్యక్తి నటి పార్వతి నాయర్‌పై పలు ఆరోపణలు చేస్తూ మీడియా ముందుకు వచ్చాడు. అనంతరం ఆమె మేకప్‌ మాన్‌ షెల్డన్‌ జార్జ్‌ కూడా పార్వతి నాయర్‌ పరువుకు భంగం కలిగేలా ఒక వీడియోను విడుదల చేశాడు. ఈ విషయాలను నటి పార్వతి నాయర్‌ తీవ్రంగా ఖండించారు. ఆమె శుక్రవారం మీడియాకు విడుదల చేసిన ప్రకటనలో పేర్కొంటూ ఇంటి పనిమనిషి సుభాష్‌ చంద్రబోస్, మేకప్‌ మాన్‌ షెల్డన్‌ జార్జ్‌ దురుద్దేశంతో తనపై అసత్య ప్రచారం చేస్తున్నారని ఆరోపించారు. సుభాష్‌ చంద్రబోస్‌ అనే వ్యక్తి తన వద్ద పార్ట్‌ టైంగా పనిచేసేవాడని, అతను తన కుక్కల సంరక్షణ బాధ్యతను నిర్వహించేవాడని చెప్పారు. తాను తన ఇంట్లో వస్తువులు పోయినప్పుడు పోలీసులకు ఫిర్యాదు చేసే ముందే పనిమనిషి సుభాష్‌ చంద్రబోస్‌ని అడిగానన్నారు. అందుకు అతను సూటిగా సమాధానం చెప్పకుండా తప్పించుకున్నాడన్నారు. దీంతో తాను పోలీసులకు ఫిర్యాదు చేయాల్సి వచ్చిందని స్పష్టం చేశారు. అలాగే కొట్టినట్టు, దుర్భాషలాడినట్లు చేసిన ఆరోపణలు నిజం లేదన్నారు. తన వద్ద మెకప్‌మెన్‌గా పని చేసిన షెల్డన్‌ జార్జ్‌ తనపై దుష్ప్రచారం చేస్తున్నాడని ఆరోపించారు. 2022వ మే తొమ్మిదో తారీఖున చిత్ర షూటింగ్‌లో జరిగిన సంఘటన వక్రీకరించి, వీడియోలో చిత్రీకరించాడని, అది తాను వ్యక్తిగత హక్కులకు భంగం కలిగించే చర్యని పేర్కొన్నారు. దీంతో వారిద్దరిపై తగిన చర్యలు తీసుకోవాలని స్థానిక ఎగ్మోర్‌ హైకోర్టులో పిటిషన్‌ దాఖలు చేసినట్లు తెలిపారు. అలాగే జాతీయ మహిళా కమిషన్‌ కార్యాలయంలో ఫిర్యాదు చేసినట్లు చెప్పారు. తనకు చట్టంపైనా, న్యాయస్థానంపైనా నమ్మకం ఉందన్నారు. అందుకే ఈ వ్యవహారంలో చట్టపరంగా పోరాటం చేస్తానని నటి పార్వతి నాయర్‌ పేర్కొన్నారు.

తమిళసినిమా: సినీ తారలు అప్పుడప్పుడు మీడియాపై ఫైర్‌ అవుతుంటారు. వారి వ్యక్తిగత విషయాల్లోకి తొంగి చూసినప్పుడో, తమ ఇమేజ్‌ను డామేజ్‌ చేసే చర్యలకు పాల్పడినప్పుడో అలా రియాక్ట్‌ అవుతూ ఉంటారు. ఈ మధ్యనే నటి రష్మిక మందన్నా కొన్ని మీడియా సంస్థల ధోరణిపై ఆవేదనను వ్యక్తం చేసింది. తాజాగా నటి పార్వతి నాయర్‌ ఏకంగా హెచ్చరికలే చేసింది. తమిళంలో ఎన్నై అరిందాల్, నిమిర్నిందు నిల్, ఉత్తమ విలన్, సీత క్కాతి తదితర త్రాల్లో ముఖ్య పాత్ర పోషింన మలయాళి నటి పార్వతి నాయర్‌. చెన్నై నుంగంబాక్కంలో నివసిస్తున్న ఈమె ఇటీవల తన ఇంట్లో రూ.9 లక్షల విలువైన రెండు వాచీలు, లాప్‌ టాప్, సెల్‌ ఫోన్‌ వంటి వస్తువులు చోరీకి గురైనట్లు, తన ఇంట్లో పని చేసే వ్యక్తి కూడా కనిపించకుండా పోయాడని నుంగంబాక్కం పోలీస్‌ స్టేషన్లో ఫిర్యాదు చేసింది. కేసు నమోదు చేసుకున్న పోలీసులు దర్యాప్తు చేపట్టారు. ఈ వార్త మీడియా ప్రసారం చేసింది. ఈక్రమంలో ఆమె ఇంట్లో పని చేసి మానేసిన చంద్రబోస్‌ అనే వ్యక్తి ఇటీవల మీడియా ముందుకు వచ్చి పార్వతి నాయర్‌పై తీవ్ర విమర్శలు చేశాడు. ఆమె ఇంట్లో రాత్రి వరకు మగ స్నేహితులతో మందు పార్టీలు చేసుకునేదని ఆరోపించారు. ఈ విషయాన్ని తాను గమనించడంతో అవవనిస్తే, కించపరిచే విధంగా ప్రవర్తించిందని విమర్శించారు. ఈ వార్తా పలు చానళ్లలో ప్రసారమైంది. దీంతో ఆగ్రహానికి గురైన నటి పార్వతి నాయర్‌ మీడియా తన గురించి తప్పుడు ప్రచారం చేస్త తన ఇమేజ్‌ డామేజ్‌ చేసే చర్యలకు పాల్పడుతోందని ఆగ్రహం వ్యక్తం చేసింది. ఇష్టానుసారం వార్తలు ప్రసారం చేసే వారిపై తగిన చర్యలు తీసుకుంటానంటూ హెచ్చరిస్తూ శనివారం మీడియాకు ఓ ప్రకటన విడుదల చేసింది. అందులో తనకు కళంకం ఆపాదించే చర్యలకు పాల్పడే కొన్ని మీడియా సంస్థలపై పరువు నష్టం దావా వేస్తానని హెచ్చరించింది. pic.twitter.com/J2hoP0CY67 — Parvati (@paro_nair) November 12, 2022

తమిళ నటి పార్వతి నాయర్‌పై సంచలన ఆరోపణలు చేశారు ఆమె పనిమనిషి సుభాశ్. తనపై లైంగిక వేధింపుల కేసు పెడతానని పార్వతి నాయర్ బెదిరించినట్లు ఆరోపించారు. ఆమె ఇంట్లో చోరీ జరగడంతో తనను మానసిక వేధింపులకు గురి చేస్తోందని సుభాశ్ పోలీసులకు తెలిపారు. అంతే కాకుండా తనను రెండుసార్లు చెంపదెబ్బ కొట్టి, ముఖంపై ఉమ్మి వేసిందని వివరించారు.  ఆమె తనను కావాలనే దొంగతనం కేసులో ఇరికించారని అతను ఆరోపిస్తున్నారు. రాత్రిపూట ఆమె ఇంటికి గుర్తు తెలియని వ్యక్తులు రావడం చూసినందుకే నటి తనను మానసికంగా వేధిస్తోందని వాపోయారు. (చదవండి: ఓటీటీలో కార్తీ బ్లాక్ బ‌స్ట‌ర్ 'సర్దార్'.. స్ట్రీమింగ్ ఆ రోజు నుంచే..!) అసలేమైందంటే: 2022 అక్టోబర్‌లో చెన్నైలోని నుంగంబాక్కంలో పార్వతి ఇంట్లో రూ.9 లక్షల విలువైన రెండు వాచీలు, రూ.1.5 లక్షల విలువైన ఐఫోన్, రూ.2 లక్షల విలువైన ల్యాప్‌టాప్ చోరీకి గురైనట్లు పోలీసుల సమాచారం. పార్వతి నాయర్ తన ఇంట్లో చోరీ పాల్పడినట్లు పనిమనిషి సుభాష్‌పై పోలీసులకు ఫిర్యాదు చేసింది. నటి ఫిర్యాదు మేరకు కేసు నమోదు చేసుకున్న పోలీసులు అతని ఇంటికి వెళ్లి ప్రాథమిక దర్యాప్తు చేపట్టారు. కాగా.. పార్వతి నాయర్‌ తమిళంలో యెన్నై అరిందాల్, నిమిర్ చిత్రాల్లో నటించింది.  

నటి, మోడల్‌ పార్వతీ నాయర్‌కు సోషల్‌ మీడియాలో బాగానే క్రేజ్‌ ఉంది. ఎప్పటికప్పుడు తన హాట్‌ ఫోటో షూట్‌లతో కుర్రాల మతులు పోగొడుతుంది ఈ మలమాళీ ముద్దుగుమ్మ. తాజాగా మాల్దీవులకు వెళ్లిన భామ అక్కడి అందాలను ఆస్వాదిస్తూ ఎప్పటికప్పుడు ఫోటోలను అభిమానులతో పంచుకుంటుంది. ఈ నేపథ్యంలో జిమ్‌ ట్రైనర్‌ మైఖేల్‌తో కలిసి పార్వతీ చేసిన రొమాంటిక్‌ స్టంట్‌ వీడియో ప్రస్తుతం సోషల్‌ మీడియాలో వైరల్‌గా మారింది. ఇందులో మైఖేల్‌తో కలిసి ఓ వీడియో తీస్తుండగా, అతను సడెన్‌గా పార్వతిని గాల్లోకి పైకెత్తాడు. దీంతో షాక్‌ అయిన నటి..ఇది సడెన్‌ సర్‌ప్రైజ్‌ అంటూ ఆ వీడియోను షేర్‌ చేసింది. ట్రైనర్‌ మైఖేల్‌ సైతం ఈ వీడియోను షేర్‌ చేస్తూ..సడెన్‌గా ఆమెను లిఫ్ట్‌ చేయగానే పార్వతీ చాలా షాకింగ్‌కి గురయ్యిందని చెప్పుకొచ్చాడు. కాగా గత కొన్ని రోజులుగా పలువురు సెలబ్రిటీలు హాలీడే ట్రిప్‌ పేరుతో మాల్దీవులకు వెళ్తున్న సంగతి తెలిసిందే. ప్రస్తుతం భారత్‌లో కరోనా విజృంభిస్తున్నా ఏమాత్రం భాద్యత లేకుండా సెలబ్రిటీలు ఇలా విహారయాత్రలకు వెళ్లడంపై నెటిజన్లు ఫైర్‌ అవుతున్నారు.  View this post on Instagram A post shared by Parvati Nair (@paro_nair) చదవండి : అ‍ల్లు అర్జున్‌ను దారుణంగా అవమానించిన దిల్‌ రాజు! అయినా ఇప్పుడు ట్రిప్పులు ఏంటి : శృతి హాసన్‌ ‌  


 తమిళసినిమా :  మలయాళంలో ఘన విజయం సాధించిన ‘మగేషిండె ప్రదీగారం‘ చిత్రం ఇప్పుడు తమిళంలో ప్రియదర్శన్‌ దర్శకత్వంలో, ఉదయనిధి స్టాలిన్‌ హీరోగా రీమేక్‌ అవుతోంది. ఈ చిత్రాన్ని ‘మూన్‌ షూట్‌’ ఎంటర్‌టెయిన్‌మెంట్‌ అనే కొత్త చిత్ర నిర్మాణ సంస్థ నిర్మిస్తోంది. రెండు జాతీయ పురస్కారాలు, ఐదు రాష్ట్ర అవార్డులు, రెండు ఫిలింఫేర్‌లతోపాటు పలు ప్రైవేటు టీవీ సంస్థల అవార్డులను పొందిన ‘మగేషిండె ప్రదీగారం‘ చిత్రానికి తమిళంలో ఇంకా పేరు ఖరారు కాలేదు.
 
 ఇందులో ఉదయనిధి స్టాలిన్‌ సరసన పార్వతి నాయర్, ప్రముఖ మలయాళ నటీమణి నమితా ప్రమోద్‌లు నాయకిలుగా నటిస్తుండగా, వీరితోపాటు సముద్రఖని, ఎంఎస్‌.భాస్కర్, కరుణాకరన్‌ తదితరులు నటించనున్నారు. ఈ చిత్రానికి సముద్రఖని డైలాగ్‌లు రాస్తుండగా, టర్‌బుకా శివ సంగీతం సమకూరుస్తున్నారు. ఏకాంబరం స్క్రీన్‌ప్లే అందిస్తున్న ఈ చిత్ర పూజా కార్యక్రమం చెన్నైలో ‘ఫోర్‌ ఫ్రేమ్స్‌’ కార్యాలయంలో మంగళవారం జరిగింది. ఈ నెల 19వ తేదీ నుంచి కుట్రాళం, తెన్‌కాశి ప్రాంతాల్లో షూటింగ్‌ నిర్వహించనున్నారు.
 
 దర్శకుడు ప్రియదర్శన్, ఉదయనిధి స్టాలిన్‌ కలిసి నటిస్తున్న తొలి చిత్రం ఇది. కాగా, ఇప్పటికే కుట్రాళంలో పొన్‌రామ్‌ దర్శకత్వంలో శివకార్తికేయన్‌ నటిస్తున్న చిత్ర షూటింగ్‌ జరుగుతోంది. కొన్ని రోజులుగా శివకార్తికేయన్‌ అక్కడ బస చేసి నటిస్తున్నారు. ఇప్పుడు ఆయన బాటలోనే ఉదయనిధి కూడా కొత్త చిత్రం షూటింగ్‌ కోసం అక్కడికి చేరుకోవడం విశేషం. దీంతో ఒకేసారి ఇద్దరు యువ హీరోల చిత్రాల షూటింగ్‌లు జరుగుతండడంతో కుట్రాళంలో తారల కళ సంతరించుకుంది. షూటింగ్‌ చూడడానికి పెద్ద సంఖ్యలో పర్యాటకులు చేరుకుంటున్నట్లు సమాచారం.


 నటుడు, దర్శకుడు పార్తిబన్ కు సెన్సార్‌బోర్డు షాక్‌ ఇచ్చింది. ఇప్పుడు సెన్సార్‌ అనేది చాలా మందికి తలనొప్పిగా మారింది. అందుకు కారణం వినోదపు పన్ను రాయితీలే. సెన్సార్‌ బోర్డు యూ/ఏ సర్టిఫికెట్‌ అందించిన చిత్రాలకు వినోదపు పన్ను రాయితీలు వర్తించవు. యూ సర్టిఫికెట్‌లు కోసం చిత్ర దర్శక నిర్మాతలు ఆశించేది అందుకే. ఇటీవల సూర్య నటించిన ఎస్‌–3 చిత్రానికీ యూ/ఏ సర్టిఫికెట్‌ ఇవ్వడంతో ఆ చిత్ర నిర్మాత రివైజింగ్‌ కమిటీకి వెళ్లాలని నిర్ణయించుకున్నట్లు సమాచారం. పార్తిబన్  తాజాగా స్వీయ దర్శకత్వంలో ముఖ్య పాత్ర పోషించిన చిత్రం కోడిట్ట ఇడంగళై నిరప్పుగా.
 నటుడు శాంతను భాగ్యరాజ్, నటి పార్వతినాయర్‌ జంటగా నటించిన ఈ చిత్రాన్ని ఈ నెల 23నే విడుదల చేయడానికి సన్నాహాలు చేశారు. అయితే సెన్సార్‌ కార్యక్రమాలు పూర్తి కాకపోవడంతో విడుదల తేదీని ఈ నెల 30కి వాయిదా వేసినట్లు సమాచారం. కోడిట్ట ఇడంగళై నిరప్పుగా చిత్రానికి సెన్సార్‌ యూ/ ఏ సర్టిఫికెట్‌ ఇవ్వడంతో పార్తిబన్ తో సహా చిత్ర యూనిట్‌ షాక్‌కు గురైంది. అయితే ఈ విషయంలో రివైజింగ్‌ కమిటీకి వెళ్లాలని భావించినా, అలాంటి నిర్ణయంతో చిత్ర విడుదల మరింత ఆలస్యం అవుతుందన్న భావనతో చిత్రానికి యూ/ ఏ సర్టిఫికెట్‌తోనే విడుదల చేయడానికి సిద్ధం అవుతున్నట్లు కోలీవుడ్‌ వర్గాల సమాచారం.


 ఎప్పుడెప్పుడా అని ఆసక్తిగా ఎదురు చూస్తు న్న భారీ చిత్రాల్లో ఎన్నై అరిందాల్ ఒకటి.  ఇంతకు ముందు అజిత్‌తో ఆరంభం వంటి సంచలన విజయం సాధించిన చిత్రాన్ని నిర్మించిన ఏఎం రత్నం తన శ్రీసాయి రాం పిక్చర్స్ పతాకంపై నిర్మిస్తున్న తాజా భారీ చిత్రం ఎన్నై అరిందాల్. గౌతమ్ మీనన్ దర్శకత్వం వహించిన ఈ చిత్రంలో త్రిష, అనుష్క హీరోయిన్లుగా నటించారు. పార్వతీ నాయర్ కీలక పాత్ర పోషించిన ఈ చిత్రంలో అరుణ్ విజయ్ ముఖ్య పాత్రలో నటిస్తున్నారు. హరీష్ జయరాజ్ అంది స్తున్న ఈ చిత్రంలో పాటలు సూపర్ హిట్ అయ్యా యి. ఇక సంక్రాంతికి ఈ చిత్రం విడుదల అవుతుం దని సర్వత్రా భావించారు. అయితే, నిర్మాణానంతర కార్యక్రమాల్లో జాప్యం నెలకొనడంతో చిత్రం విడుదల వాయిదా పడింది. తాజాగా, అన్ని కార్యక్రమాల్ని పూర్తి చేసుకుని ఎన్నై అరిందాల్ రేసు సెన్సార్‌కు వెళ్లనుంది. ఈనెల 29న తెరపైకి తీసుకురానున్నట్టు చిత్ర నిర్మాత ఏఎం రత్నం అధికారికంగా వెల్లడించారు.