ప్రస్తుతం అన్ని ఇండస్ట్రీలలో బయోపిక్‌ల సీజన్‌ నడుస్తోంది. మహానటి ఘనవిజయం సాధించటంతో సౌత్‌లోనూ ఈ హవా కనిపిస్తోంది. ఇదే బాటలో మరో చారిత్రక వీరుడి కథను వెండితెర మీద ఆవిష్కరించేందుకు రెడీ అవుతున్నారు. మన్యం వీరుడిగా బ్రిటీష్ పాలకులను గడగడలాడిం‍చిన అల్లూరి సీతారామరాజు జీవితకథను మరోసారి వెండితెర మీద ఆవిష్కరించేందుకు రెడీ అవుతున్నారు. గంగపుత్రులు లాంటి అవార్డ్‌విన్నింగ్‌ సినిమాతో పాటు రొమాంటిక్‌ క్రైమ్‌ కథ లాంటి కమర్షియల్ సక్సెస్‌ను అందించిన పి.సునీల్ కుమార్‌ రెడ్డి దర్శకత్వంలో అల్లూరి బయోపిక్‌ తెరకెక్కనుంది. సీతారామరాజు అనే టైటిల్‌తో రూపొందుతున్న ఈ సినిమాను రిసాలి ఫిల్మ్‌ అకాడమీ బ్యానర్‌పై నిర్మిస్తున్నారు. సూపర్‌ స్టార్ కృష్ణ అద్భుతమైన నటనతో అల్లూరి పాత్రకు ప్రాణం పోసిన తరువాత ఎవరు ఆ పాత్రలో కనిపించే సాహసం చేయలేదు. మరి ఇప్పుడు సునీల్‌ కుమార్‌ రెడ్డి సీతారామరాజులో అల్లూరి గా ఎవరు కనిపిస్తారో చూడాలి. ప్రస్తుతం ప్రీ ప్రొడక్షన్‌ కార్యక్రమాలు జరుపుకుంటున్న ఈసినిమాకు సంబంధించి పూర్తి వివరాలు త్వరలోనే వెల్లడించనున్నారు. సినిమాను మార్చిలో ప్రారంభించి ఆగస్టులో రిలీజ్ చేసేలా ప్లాన్‌ చేస్తున్నట్టుగా తెలుస్తోంది.


  ప్రేమకథ నేపథ్యంలో క్రైమ్, కామెడీ సమాహారంతో రూపొందుతున్న చిత్రం ‘పారా హుషార్’. విజయ్, నేహాదేశ్ పాండే జంటగా ధృవ్ టాండేల్ నిర్మిస్తున్న ఈ చిత్రానికి సునీల్ నిమ్మల దర్శకుడు. నిర్మాత మాట్లాడుతూ- ‘‘వైవిధ్యమైన కథాకథనాలతో ఈ చిత్రాన్ని రూపొందిస్తున్నాం. మంచి మ్యూజికల్ మూవీగా దర్శకుడు తెరకెక్కిస్తున్నారు. అన్ని వర్గాల వారినీ ఆకట్టుకునే సినిమా ఇది. ’’ అని తెలిపారు. ఈ చిత్రానికి సంగీతం: కిరణ్ వెన్న, పాటలు: కాసర్ల శ్యామ్, కెమెరా: డి.వెంకటరాజు.