రోషన్ కనకాల, సాక్షి మడోల్కర్‌ జంటగా వచ్చిన తాజా చిత్రం మోగ్లీ 2025. సందీప్ రాజ్ డైరెక్షన్‌లో వచ్చిన డిసెంబర్ 13న ప్రేక్షకుల ముందుకొచ్చింది. తొలి రోజే నుంచే ఈ మూవీ పాజిటివ్ టాక్‌ తెచ్చుకుంటోంది. ఈ చిత్రాన్ని పీపుల్ మీడియా ఫ్యాక్టరీ బ్యానర్‌లో టీజీ విశ్వప్రసాద్, కృతి ప్రసాద్ నిర్మించారు.తొలి రోజే మౌగ్లీ కలెక్షన్ల పరంగా అదరగొట్టేసింది. ప్రపంచవ్యాప్తంగా మొదటి రోజే రూ.1.22 కోట్లకు పైగా వసూళ్లు సాధించింది. ఈ విషయాన్ని మూవీ నిర్మాణ సంస్థ పీపుల్ మీడియా ఫ్యాక్టరీ వెల్లడించింది. ప్రీమియర్స్‌తో కలిసి ఈ మొత్తం కలెక్షన్స్ సాధించిందని తెలిపింది. వైల్డ్ బ్లాక్‌బస్టర్‌ అంటూ పోస్టర్‌ను షేర్ చేసింది.అయితే మౌగ్లీ ముందు అనుకున్న ప్రకారం ఈనెల 12నే థియేటర్లలో రిలీజ్ కావాల్సి ఉంది. కానీ ఊహించని విధంగా బాలయ్య నటించిన అఖండ-2 బాక్సాఫీస్ బరిలో నిలిచింది. దీంతో ఒక్క రోజు ఆలస్యంగా మోగ్లీ ప్రేక్షకుల ముందుకొచ్చింది. ఈనెల 13న థియేటర్లలో రిలీజైంది. కాగా.. ఈ చిత్రంలో బండి సరోజ్ కుమార్, హర్ష చెముడు కీలక పాత్రలు పోషించారు.#Mowgli gets off to a phenomenal start at the box office 🏇❤️Wild Blockbuster #Mowgli2025 grosses ₹1.22 crore worldwide on Day 1, including premieres ❤️‍🔥❤️‍🔥🎟️ https://t.co/HHe863GdbEA @SandeepRaaaj CinemaA @Kaalabhairava7 musical 🎵🌟ing @RoshanKanakala, @SakkshiM09 &… pic.twitter.com/WfhjIIEMgY— People Media Factory (@peoplemediafcy) December 14, 2025

టాలీవుడ్ స్టార్ యాంకర్ సుమ కనకాల తనయుడు రోషన్ హీరోగా వచ్చిన తాజా చిత్రం మౌగ్లీ. కలర్‌ ఫోటో ఫేమ్ సందీప్ రాజ్‌ దర్శకత్వంలో వచ్చిన ఈ సినిమా బాక్సాఫీస్ వద్ద పాజిటివ్‌ టాక్‌ తెచ్చుకుంటోంది. అఖండ-2 రావడంతో ఒక రోజు ఆలస్యంగా థియేటర్లలోకి వచ్చిన ఈ సినిమాను పీపుల్ మీడియా ఫ్యాక్టరీ బ్యానర్‌లో టీజీ విశ్వప్రసాద్, కృతి ప్రసాద్‌ నిర్మించారు.అయితే ఈ మూవీని యాంకర్ సుమ తన కుమారుడితో కలిసి వీక్షించింది. తెరపై కొడుకు నటనను చూసి తీవ్ర భావోద్వేగానికి గురైంది. థియేటర్లోనే తన కుమారుడు రోషన్‌ను హత్తుకుని కన్నీళ్లు పెట్టుకుంది. దీనికి సంబంధించిన వీడియో సోషల్ మీడియాలో వైరల్‌గా మారింది. ఇది చూసిన నెటిజన్స్‌ అమ్మ ప్రేమ అంటే ఇదేనంటూ కామెంట్స్ చేస్తున్నారు. కాగా.. ఈ చిత్రంలో సాక్షి మడోల్కర్ హీరోయిన్‌గా నటించింది. టాలీవుడ్ నటులు బండి సరోజ్ కుమార్, హర్ష చెముడు కీలక పాత్రలో మెప్పించారు.మోగ్లీ కథేంటంటే..తన ప్రేమకోసం మోగ్లీ ఏం చేయడానికైనా రెడీగా ఉంటాడు. మరి... మోగ్లీ ప్రేమ కథకు వచ్చిన అడ్డంకులు ఏంటి? క్రిస్టోఫర్‌ నోలన్‌ (ఈ సినిమాలో బండి సరోజ్‌ కుమార్‌పాత్ర పేరు) నుంచి మోగ్లీకి ఎలాంటి సవాళ్లు ఎదురయ్యాయి? అనే అంశాలతో తెరకెక్కించిన కథే మౌగ్లీ. కొడుకు @RoshanKanakala విజయం చూసి తల్లి @ItsSumaKanakala ఆనందంతో కన్నీళ్లు పెట్టుకున్నారు.. #Mowgli 👋 pic.twitter.com/qUcMowK03Z— Milagro Movies (@MilagroMovies) December 13, 2025

టాలీవుడ్‌ స్టార్‌ యాంకర్‌ సుమ కొడుకు రోషన్‌ కనకాల హీరోగా నటించిన రెండో చిత్రం ‘మోగ్లీ’. జాతీయ అవార్డు గ్రహీత సందీప్ రాజ్ దర్శకత్వం వహించిన ఈ చిత్రాన్ని పీపుల్ మీడియా ఫ్యాక్టరీ బ్యానర్‌పై టిజి విశ్వ ప్రసాద్, కృతి ప్రసాద్ నిర్మించారు. సాక్షి మడోల్కర్‌ హీరోయిన్‌గా నటించగా.. బండి సరోజ్‌ కుమార్‌ కీలక పాత్రలు పోషించారు. నేడు (డిసెంబర్‌ 13) ఈ చిత్రం ప్రేక్షకుల ముందుకు వచ్చి..మరి ఈ చిత్రం ఎలా ఉందో రివ్యూలో చూద్దాం.మోగ్లీ (రోషన్‌ కనకాల) ఓ అనాథ. పార్వతీపురం గ్రామానికి సమీపంలో ఉన్న అడవిలో ఉంటూ.. ఎప్పటికైనా పోలీసు కావాలనే ఆశతో బతికేస్తుంటాడు. బతుకుదెరువు కోసం తన ప్రాణ స్నేహితుడు బంటి(వైవా హర్ష)తో కలిసి సినిమా షూటింగ్స్‌కి జూనియర్‌ ఆర్టిస్టులను అందిస్తూ..రిస్కీ సీన్లకు హీరో డూప్‌గా నటిస్తుంటాడు. అలా ఓ సినిమా షూటింగ్‌లో సైడ్‌ డ్యాన్సర్‌గా వచ్చిన జాస్మిత్‌(సాక్షి మడోల్కర్‌)తో ప్రేమలో పడతాడు. ఆమెకు వినికిడి లోపంతో పాటు మాటలు కూడా రావు. జాస్మిత్‌ కూడా మోగ్లీని ఇష్టపడుతుంది. అదే సమయంలో ఎస్సై క్రిప్టోఫర్‌ నోలన్‌(బండి సరోజ్‌ కుమార్‌).. జాస్మిత్‌పై మోజు పడతాడు. ఆమెను వాడుకోవాలని చూస్తాడు. అమ్మాయిల పిచ్చి ఉన్న ఎస్సై నోలన్‌ బారీ నుంచి జాస్మిత్‌ని మోగ్లీ ఎలా కాపాడుకున్నాడు? నోలన్‌ నుంచి మోగ్లీకి ఎదురైన సవాళ్లు ఏంటి? కర్మ సిద్ధాంతానికి ఈ కథకి ఉన్న సంబంధం ఏంటి అనేది తెలియాలంటే సినిమా చూడాల్సిందే.ఎలా ఉందంటే.. సందీప్ రాజ్ గతంలో తెరకెక్కించిన కలర్‌ ఫోటో సినిమా మాదిరే.. ఇది కూడా ప్యూర్ అండ్ ఇన్నోసెన్స్ లవ్‌స్టోరీ. సినిమా షూటింగ్‌ నేపథ్యంలో కథనం సాగుతుంది. అయితే కర్మ సిద్దాంతం టాపిక్‌ని ఈ ప్రేమకథకి యాడ్‌ చేయడం కొత్త ప్రయత్నం. ఇదొక్కటి తప్పితే.. మిగతా స్టోరీ అంతా రొటీనే. హీరో తొలి చూపులోనే హీరోయిన్‌తో ప్రేమలో పడడం.. విలన్‌ ఆమెపై మోజు పడడం.. చివరకు హీరో అతన్ని అంతం చేయడం.. ఇలా గతంలో చాలా ప్రేమ కథలు వచ్చాయి. మోగ్లీ కథనం కూడా అలాగే సాగుతుంది. సినిమా చూస్తున్నంత సేపు సందీప్‌ తెరకెక్కించిన కలర్‌ఫోటోతో పాటు జయం, వాన..లాంటి సినిమాలు గుర్తుకు వస్తుంటాయి. టేకింగ్‌ మాత్రం కొత్తగా అనిపిస్తుంది. బండి సరోజ్‌ కుమార్‌ పాత్రను భయంకరంగా చూపిస్తూ కథను ప్రారంభించాడు దర్శకుడు. ఎస్సై నోలన్‌కు అమ్మాయిలంటే పిచ్చి అనేది ఒకే ఒక సీన్‌తో చూపించాడు. ఆ తర్వాత మోగ్లీగా హీరోగా పరిచయ సన్నివేశాలు కొత్తగా ఉంటాయి. అతని నేపథ్యం కాస్త ఎమోషనల్‌కు గురి చేస్తుంది. హీరో హీరోయిన్లు ఇద్దరు ప్రేమలో పడినప్పటి నుంచి కథనం కాస్త ఆసక్తికరంగా సాగుతుంది. సినీ నిర్మాత..హీరోయిన్‌పై మోజు పడడంతో కథ మరో మలుపు తిరుగుతుంది. కానీ ఈ క్రమంలో వచ్చే సన్నివేశాలు మాత్రం సాగదీతగా అనిపిస్తాయి. ఇంటర్వెల్‌కి ముందు వచ్చే ఓ ట్విస్టు ఆకట్టుకుంటుంది. ఇక ద్వితియార్థం ప్రారంభంలో కథనం పరుగులు పెట్టినా.. కాసేపటికే మళ్లీ సాగదీత సన్నివేశాలతో నెమ్మదిగా సాగుతుంది. పోలీసు స్టేషన్‌ సీన్‌ ఒక్కటి బాగుంటుంది కానీ దాన్ని కూడా మరీ సాగదీసినట్లుగా అనిపిస్తుంది. క్లైమాక్స్‌లో కర్మ సిద్దాంతాన్ని జోడిస్తూ.. సాగే సన్నివేశాలు బాగుంటాయి. ఎవరెలా చేశారంటే.. మోగ్లీ పాత్రకి రోషన్‌ న్యాయం చేశాడు. యాక్షన్‌ సీన్లతో పాటు ఎమోషనల్‌ సన్నివేశాల్లో చక్కగా నటించాడు. తొలి సినిమాతో పోలిస్తే..ఇందులో నటన పరంగా చాలా మెచ్యూరిటీ కనిపించింది. సినిమా కోసం ఆయన పడిన కష్టమంతా తెరపై కనిపించింది. ఇక చెవిటి, మూగ అమ్మాయి జాస్మిత్‌లాగా సాక్షి మడోల్కర్‌ బాగా చేసింది. ఇక విలన్‌గా బండి సరోజ్‌ కుమార్‌ ఇరగదీశాడు. హీరో రేంజ్‌లో ఆయన పాత్రకు ఎలివేషన్స్‌ ఉన్నాయి. వైవా హర్ష నవ్వించడంతో పాటు కొన్ని చోట్ల ఎమోషనల్‌కు గురి చేశాడు. మిగిలిన నటీనటులు తమ పాత్ర పరిధిమేర నటించారు. సాంకేతికంగా సినిమా పర్వాలేదు. కాలభైరవ సంగీతం బాగుంది. తనదైన బీజీఎంతో కొన్ని సీన్లను ప్రాణం పోశాడు. పాటలు ఓకే. సినిమాటోగ్రఫీ బాగుంది. ఎడిటింగ్‌ పర్వాలేదు. నిర్మాణ విలువలు సినిమా స్థాయికి తగ్గట్లు ఉన్నతంగా ఉన్నాయి.

‘‘ఫలానా జానర్‌లోనే సినిమాలు చేయాలని అనుకోవడం లేదు. నటుడిగా అన్ని రకాల జానర్‌ సినిమాలూ చేయాలనుకుంటున్నాను’’ అని రోషన్‌ కనకాల చెప్పారు. రోషన్‌ కనకాల, సాక్షి మడోల్కర్‌ హీరో హీరోయిన్లుగా నటించిన చిత్రం ‘మోగ్లీ 2025’. హర్ష చెముడు, బండి సరోజ్‌ కుమార్‌ కీలకపాత్రల్లో నటించారు. సందీప్‌ రాజ్‌ దర్శకత్వంలో టీజీ విశ్వప్రసాద్, కృతీ ప్రసాద్‌ నిర్మించిన ఈ చిత్రం నేడు విడుదలవుతోంది.ఈ సందర్భంగా శుక్రవారం జరిగిన విలేకరుల సమావేశంలో రోషన్‌ కనకాల మాట్లాడుతూ– ‘‘మోగ్లీ 2025’ హానెస్ట్‌ లవ్‌స్టోరీ ఫిల్మ్‌. ప్రేక్షకులు ఏ మాత్రం బోర్‌ ఫీల్‌ కాకుండా సందీప్‌ రాజ్‌ రేసీ స్క్రీన్‌ప్లే డిజైన్‌ చేశారు. తన ప్రేమకోసం మోగ్లీ ఏం చేయడానికైనా రెడీగా ఉంటాడు. మరి... మోగ్లీ ప్రేమ కథకు వచ్చిన అడ్డంకులు ఏంటి? క్రిస్టోఫర్‌ నోలన్‌ (ఈ సినిమాలో బండి సరోజ్‌ కుమార్‌పాత్ర పేరు) నుంచి మోగ్లీకి ఎలాంటి సవాళ్లు ఎదురయ్యాయి? అనే అంశాలతో ఈ సినిమా కథ ముందుకు వెళుతుంది.మోగ్లీ క్యారెక్టర్, ఈ సినిమా ప్రేక్షకులందరికీ కనెక్ట్‌ అవుతుంది. ఈ కథలో కామెడీ, యాక్షన్‌... ఇలా అన్ని రకాల ఎమోషన్స్‌ ఉంటాయి. ఇంటర్వెల్, ప్రీ ఇంటర్వెల్‌ ఎంగేజింగ్‌గా ఉంటాయి. ప్రీ క్లైమాక్స్, క్లైమాక్స్‌ కూడా అద్భుతంగా ఉంటాయి. ప్రస్తుతం ఒక రొమాంటిక్‌ లవ్‌స్టోరీ, ఒక ఇంటెన్స్‌ లవ్‌స్టోరీ సినిమాలు కమిట్‌ అయ్యాను’’ అని అన్నారు. ఇంకా మాట్లాడుతూ– ‘‘నటన పరంగా మా అమ్మ (వ్యాఖ్యాత–నటి సుమ కనకాల), నాన్న (నటుడు రాజీవ్‌ కనకాల)ల సలహాలను అవసరమైనప్పుడు తీసుకుంటుంటాను’’ అని తెలిపారు.

టాలీవుడ్‌ యంగ్‌ హీరో రోషన్‌ కనకాల, సాక్షి మడోల్కర్‌ జంటగా నటిస్తున్న చిత్రం ‘మోగ్లీ’... డిసెంబర్‌ 13న ఈ చిత్రం విడుదల కానుంది. దర్శకుడు, నటుడు బండి సరోజ్‌కుమార్‌ ఈ మూవీలో కీలక పాత్రలో నటిస్తున్నటం విశేషం. పీపుల్‌ మీడియా ఫ్యాక్టరీపై కలర్‌ ఫోటో దర్శకుడు సందీప్‌ రాజ్‌ తెరకెక్కించారు. కొన్ని గంటల్లో ఈ మూవీ థియేటర్స్‌లోకి రానున్న సందర్భంలో తాజాగా మోగ్లీ ఫైట్‌ సీన్‌ మేకింగ్‌ వీడియో రిలీజ్‌ చేశారు. బండి సరోజ్‌కుమార్‌, బండి సరోజ్‌, హర్ష చెముడు వంటి వారు తమ అభిప్రాయాన్ని పంచుకున్నారు. ఈ ప్రాజెక్ట్‌కు కాలభైరవ సంగీతం అందించారు.

‘‘మోగ్లీ 2025’ సినిమాలో రోషన్‌ ను చూస్తుంటే, ‘చిరుత’ సినిమాలో చరణ్‌ని చూసినట్లు నాకు అనిపించింది. రోషన్‌కి ఆల్‌ ది బెస్ట్‌. ‘కలర్‌ఫోటో’ వంటి హిట్‌ ఫిల్మ్‌ తర్వాత ‘మోగ్లీ 2025’ సినిమా తీయడానికి ఐదు సంవత్సరాలు పట్టిందని సందీప్‌ బాధపడుతున్నాడు. కానీ, సమయం గడిచిపోతుంది. సినిమాలు నిలిచిపోతాయి. ‘కలర్‌ఫోటో’లానే ‘మోగ్లీ 2025’ సినిమా కూడా నిలిచిపోతుందని ఆశిస్తున్నాను’’ అని అన్నారు హీరో రానా. రోషన్‌ కనకాల, సాక్షి మడోల్కర్‌ జంటగా, హర్ష చెముడు, బండి సరోజ్‌ కుమార్‌ కీలక పాత్రల్లో నటించిన సినిమా ‘మోగ్లీ 2025’(Mowgli Movie). సందీప్‌ రాజ్‌ దర్శకత్వంలో టీజీ విశ్వ ప్రసాద్, కృతీప్రసాద్‌ నిర్మించిన ఈ చిత్రం ఈ నెల 13న థియేటర్స్‌లో రిలీజ్‌ కానుంది. ఈ సందర్భంగా హైదరాబాద్‌లో జరిగిన ఈ సినిమా ప్రీ రిలీజ్‌ వేడుకకు ముఖ్య అతిథిగా హాజరైన రానా ఈ సినిమా టికెట్‌ను కొనుగోలు చేయగా, మరో అతిథిగా హాజరైన దర్శక–నిర్మాత మారుతి ‘మోగ్లీ 2025’ సినిమాలోని హీరో ఇంట్రడక్షన్‌ సాంగ్‌ను రిలీజ్‌ చేశారు. రోషన్‌ మాట్లాడుతూ–‘‘ప్రతి మనిషిలో ఏదో ఒక యుద్ధం జరుగుతూనే ఉంటుంది. ప్రేమ కోసం ఈ మోగ్లీ చేసిన యుద్ధాన్ని సపోర్ట్‌ చేయాలని కోరుకుంటున్నాను’’ అని చెప్పారు. ‘‘అమెరికా షెడ్యూల్‌లో మాకు కేటాయించిన థియేటర్స్‌ మళ్లీ మాకు దొరకవు కనుక, మరొక రిలీజ్‌ డేట్‌ లేకపోవడం వల్ల ఓ పెద్ద సినిమాతో పాటు వస్తున్నాం’’అని తెలిపారు టీజీ విశ్వప్రసాద్‌. ‘‘మా సినిమా దారి తప్పదు. ఒక్క శాతం కూడా మిస్‌ కాదు’’అని సందీప్‌ రాజ్‌ అన్నారు. నటులు బండి సరోజ్‌ కుమార్, హర్ష మాట్లాడారు.

గతవారం థియేటర్లలోకి రావాల్సిన 'అఖండ 2' సినిమా అకస్మాత్తుగా వాయిదా పడింది. దీనికి కారణం నిర్మాతల చేసిన కోట్ల రూపాయల అప్పు. ఎట్టకేలకు దాన్ని సెటిల్ చేసుకున్నారు. ఈ క్రమంలోనే ఈ శుక్రవారం (డిసెంబరు 12) మూవీని రిలీజ్ చేస్తున్నట్లు ప్రకటించారు. అయితే ఇలా జరగడంతో ఈ వారం థియేటర్లలోకి వద్దామనుకున్నా చిత్రాల పరిస్థితి తారుమారైంది. కొన్ని మూవీస్ వాయిదా పడ్డాయి.(ఇదీ చదవండి: ఏఎన్నార్ టైటిల్‌తో త్రివిక్రమ్-వెంకీ కొత్త సినిమా.. 'ఆ' సెంటిమెంట్)కానీ కార్తీ 'అన్నగారు వస్తారు'.. తెలుగు, తమిళంలో ఈ శుక్రవారమే రిలీజ్ కానుంది. ఇందులో ఎలాంటి మార్పు లేదు. మరోవైపు యాంకర్ సుమ కొడుకు లేటెస్ట్ మూవీ 'మోగ్లీ' విడుదల విషయంలో మాత్రం ప్లాన్ మారింది. లెక్క ప్రకారం శుక్రవారమే రావాల్సి ఉంది. కానీ అదే రోజున ప్రీమియర్లు పడతాయని, శనివారం (డిసెంబరు 13) రెగ్యులర్ రిలీజ్ ఉంటుందని నిర్మాణ సంస్థ క్లారిటీ ఇచ్చింది. అంటే 'అఖండ 2' ఎఫెక్ట్ వల్ల ఓ రోజు ఆలస్యంగా 'మోగ్లీ' థియేటర్లలోకి రానున్నాడు.'కలర్ ఫోటో' తీసిన సందీప్ రాజ్.. 'మోగ్లీ'కి దర్శకత్వం వహించాడు. సుమ కొడుకు రోషన్ హీరోగా నటించాడు. సాక్షి అనే అ‍మ్మాయి హీరోయిన్‌గా పరిచయమవుతోంది. బండి సరోజ్ కుమార్ విలన్‌గా చేస్తున్నాడు. పీపుల్స్ మీడియా ఫ్యాక్టరీ నిర్మించింది. సాధారణంగా అయితే కాస్త బజ్ ఉండేది. మరి 'అఖండ 2'తో పోటీలో ఉంది కాబట్టి ఫలితం ఏమవుతుందో చూడాలి?(ఇదీ చదవండి: ఓటీటీలోకి తమిళ రొమాంటిక్ కామెడీ సినిమా.. తెలుగులోనూ స్ట్రీమింగ్)The "LION" roars, and #Mowgli steps back to welcome the Jungle King 🦁#Mowgli2025 GRAND RELEASE WORLDWIDE on 13th DEC 2025 ❤‍🔥Premieres from DEC 12th 💥A @SandeepRaaaj CinemaA @Kaalabhairava7 musical 🎵🌟ing @RoshanKanakala @SakkshiM09 & @publicstar_bsk… pic.twitter.com/xSjflXnPbl— People Media Factory (@peoplemediafcy) December 10, 2025

యాంకర్ సుమ కొడుకు రోషన్ ఇదివరకే 'బబుల్ గమ్' అనే సినిమా చేశాడు. ఇది బాక్సాఫీస్ దగ్గర ఘోరంగా ఫెయిలైంది. ఈ క్రమంలో కాస్త గ్యాప్ తీసుకుని రెండో మూవీతో వస్తున్నాడు. అదే 'మోగ్లీ'. ఈ నెల 12న థియేటర్లలో రిలీజ్ కానుంది. 'కలర్ ఫోటో'తో మెప్పించిన సందీప్ రాజ్ దీనికి దర్శకత్వం వహించాడు. వచ్చే వారమే మూవీ రాబోతున్న నేపథ్యంలో తాజాగా ట్రైలర్ విడుదల చేశారు.(ఇదీ చదవండి: నువ్వు ఇంటికెళ్లిపో.. తనూజ, సుమన్ శెట్టి ఇలా షాకిచ్చారేంటి?)టైటిల్‌కి తగ్గట్లే అడవి నేపథ్యంగా సాగే సన్నివేశాలు, కామెడీ ఆకట్టుకునేలా ఉన్నాయి. గతంలో పలు బోల్డ్ చిత్రాలతో మెప్పించిన బండి సరోజ్ ఇందులో విలన్‌గా చేస్తున్నాడు. సాక్షి అనే అమ్మాయి హీరోయిన్‌గా పరిచయమవుతోంది. పీపుల్ మీడియా ఫ్యాక్టరీ సంస్థ ఈ చిత్రాన్ని నిర్మించింది. (ఇదీ చదవండి: పక్క ఇల్లు కూల్చేయడం కరెక్ట్ కాదు.. పూనమ్ పోస్ట్ ఎవరి గురించి?)

యాంకర్ సుమ కుమారుడు రోషన్‌ కనకాల హీరోగా వస్తోన్న తాజా చిత్రం మోగ్లీ 2025(Mowgli Teaser). ఈ సినిమాకు కలర్ ఫోటో ఫేమ్ సందీప్ రాజ్ దర్శకత్వం వహిస్తున్నారు. బబుల్‌ గమ్‌ మూవీ టాలీవుడ్ ఎంట్రీ ఇచ్చిన రోషన్.. ఈ సినిమాతో హిట్‌ కొట్టేందుకు ట్రై చేస్తున్నాడు. ఈ చిత్రంలో సాక్షి సాగర్ హీరోయిన్‌గా కనిపించనుంది. తాజాగా ఈ మూవీ టీజర్‌ను మేకర్స్ విడుదల చేశారు.ఈ టీజర్‌ను జూనియర్ ఎన్టీఆర్ చేతుల మీదుగా రిలీజ్ చేశారు. తాజాగా రిలీజైన టీజర్ చూస్తే ఈ కథ అంతా ఫారెస్ట్ బ్యాక్‌డ్రాప్‌లో ప్రేమకథ చిత్రంగా తెరకెక్కించినట్లు తెలుస్తోంది. టీజర్‌లో సన్నివేశాలు, డైలాగ్స్‌ చూస్తే ఈ కథేంటో ప్రేక్షకులకు అర్థమవుతోంది. కాగా.. ఈ చిత్రాన్ని టీజీ విశ్వప్రసాద్, కృతి ప్రసాద్‌ సంయుక్తంగా నిర్మిస్తున్నారు. ఇప్పటికే షూటింగ్ పూర్తయిన డిసెంబరు 12న థియేటర్లలో సందడి చేయనుంది. ఈ మూవీకి కాలభైరవ సంగీతమందించారు.

యాంకర్ సుమ తనయుడు రోషన్‌ (Roshan Kanakala) హీరోగా వస్తోన్న తాజా చిత్రం 'మోగ్లీ' (Mowgli). ఇప్పటికే ఈ మూవీ నుంచి గ్లింప్స్ రిలీజ్‌ చేయగా ఆడియన్స్‌ను విపరీతంగా ఆకట్టుకుంది. బబుల్‌గమ్‌ మూవీతో టాలీవుడ్ ఎంట్రీ ఇచ్చిన రోషన్.. ప్రస్తుతం సందీప్‌ రాజ్‌తో జతకట్టారు. ఈ చిత్రంలో రోషన్ సరసన సాక్షి మడోల్కర్ హీరోయిన్‌గా కనిపించనుంది.తాజాగా ఈ మూవీ నుంచి లవ్‌ అండ్ రొమాంటిక్‌ సాంగ్‌ను రిలీజ్ చేశారు. సయ్యారే అంటూ సాగే పాటను విడుదల చేశారు. ఈ పాటకు చంద్రబోస్ లిరిక్స్ అందించగా.. కాల భైరవ, ఐశ్వర్య దరూరి ఆలపించారు. ఈ సినిమాకు కాల భైరవ సంగీతమందిస్తున్నారు. ఈ చిత్రాన్ని ఫారెస్ట్‌ నేపథ్యంలో సాగే రొమాంటిక్ యాక్షన్ డ్రామాగా ప్రేక్షకుల ముందుకు తీసుకొస్తున్నారు. ఈ సినిమాను పీపుల్ మీడియా ఫ్యాక్టరీ బ్యానర్‌పై టీజీ విశ్వ ప్రసాద్, కృతి ప్రసాద్ నిర్మిస్తున్నారు. ఈ చిత్రంలో బండి సరోజ్ కుమార్, హర్ష చెముడు కీలక పాత్రలు పోషించారు. కాగా.. మోగ్లీ డిసెంబర్ 12న థియేటర్లలో సందడి చేయనుంది.

రోషన్‌ కనకాల, సాక్షి మడోల్కర్‌ హీరో హీరోయిన్లుగా నటిస్తున్న తాజా చిత్రం ‘మోగ్లీ 2025’. ఫారెస్ట్‌ బ్యాక్‌డ్రాప్‌లో సాగే ఈ రొమాంటిక్‌ యాక్షన్‌ డ్రామాకు సందీప్‌ రాజ్‌ దర్శకత్వం వహిస్తున్నారు. టీజీ విశ్వప్రసాద్, కృతీప్రసాద్‌ నిర్మిస్తున్న ఈ చిత్రం షూటింగ్‌ తుది దశకు చేరుకుంది.ఈ సినిమాను డిసెంబరు 12న రిలీజ్‌ చేయనున్నట్లగా మేకర్స్‌ ప్రకటించారు. ‘‘ఓ ఎమోషనల్‌ క్యారెక్టర్‌లో రోషన్‌ నటించాడు. హీరో, హీరోయిన్ల కెమిస్ట్రీ, బండి సరోజ్‌ విలనిజమ్‌ ఈ సినిమాకు మేజర్‌ హైలైట్స్‌గా ఉంటాయి’’ అని చిత్రబృందం పేర్కొంది.

రోషన్‌ (Roshan Kanakala) హీరోగా నటిస్తున్న చిత్రం 'మోగ్లీ' (Mowgli).. తాజాగా ఈ చిత్రం నుంచి గ్లింప్స్‌ విడుదలైంది. రాజీవ్‌ కనకాల- సుమ వారసుడిగా చిత్రపరిశ్రమలో ఎంట్రీ ఇచ్చిన రోషన్‌ 'మోగ్లీ' ప్రేమకథతో వస్తున్నాడు. తాజాగా విడుదలైన గ్లింప్స్‌ నాని వాయిస్‌తో మొదలౌతుంది. 25 సంవత్సరాలు నిండని ఓ కుర్రాడు 30 మందిని తిండి, నిద్ర లేకుండా పరిగెత్తించాడంటూ నాని వాయిస్‌తో డైలాగ్‌ ప్రారంభమౌతుంది. వాడు గ్యాంగ్ స్టర్ కాదు, క్రిమినల్ కాదంటూనే వాడి కథేంటో తెలుసుకోవాలంటే మోగ్లీ చూడాలని చెప్పాడు. ఇందులో హీరోయిన్‌గా సాక్షి సాగర్‌ నటించారు. కలర్‌ఫోటో సినిమా దర్శకుడు సందీప్‌ రాజ్‌ ఈ చిత్రాన్ని తెరకెక్కిస్తున్నారు.

యాంకర్ సుమ కనకాల తనయుడు రోషన్ కనకాల నటిస్తోన్న రెండో చిత్రం మోగ్లీ. ఈ సినిమాకు కలర్ ఫోటో ఫేమ్ సందీప్ రాజ్ దర్శకత్వం వహిస్తున్నారు. ఇప్పటికే రిలీజైన ఫస్ట్ లుక్ పోస్టర్స్ విపరీతంగా ఆకట్టుకున్నాయి. ఈ సినిమాతో సాక్షి సాగర్ మడోల్కర్ హీరోయిన్‌గా ఆరంగేట్రం చేస్తోంది. బబుల్‌గమ్‌తో టాలీవుడ్ ఎంట్రీ ఇచ్చిన రోషన్ ఈ మూవీపై భారీ ఆశలు పెట్టుకున్నారు.ఆగస్ట్‌ 28న ఈ మూవీ నుంచి ఓ స్పెషల్‌ సర్‌ప్రైజ్‌ను రిలీజ్‌ చేయబోతున్నట్లు డైరెక్టర్ సందీప్‌ రాజ్ రివీల్ చేశారు. ‘1850 రోజుల తర్వాత నా రెండో సినిమా మీ ముందుకు వస్తోంది.. ‘మోగ్లీ’ పేరుతో పాటు స్పెల్లింగ్‌ను గుర్తు పెట్టుకోండి’ అంటూ సందీప్‌ తన ఇన్‌స్టాగ్రామ్‌ ఖాతాలో రాసుకొచ్చాడు. కాగా.. ఈ సినిమాకు కాల భైరవ సంగీతం అందిస్తున్నారు. ఈ చిత్రాన్ని పీపుల్స్‌ మీడియా ఫ్యాక్టరీ బ్యానర్‌పై టీజీ విశ్వప్రసాద్‌ నిర్మించనున్నాడు. ఈ వినాయక చవితికి మోగ్లీ సందడి చేయనుంది. View this post on Instagram A post shared by Sandeep Raj (@sandeepraaaj)

టాలీవుడ్ స్టార్ యాంకర్ సుమ కనకాల తనయుడు రోషన్ కనకాల హీరోగా ఎంట్రీ ఇచ్చిన సంగతి తెలిసిందే. గతేడాది బబుల్‌గమ్‌ మూవీతో టాలీవుడ్‌ హీరోగా అరంగేట్రం చేశారు. బాక్సాఫీస్ వద్ద ఈ సినిమాకు మిక్స్‌డ్‌ టాక్‌ను సొంతం చేసుకుంది.అయితే తాజాగా మరో చిత్రానికి రెడీ అయ్యారు రోషన్. కలర్‌ ఫోటో ఫేమ్ సందీప్ రాజ్‌ డైరెక్షన్‌లో నటించనున్నారు. తాజాగా ఈ మూవీకి సంబంధించిన ఫస్ట్‌ లుక్ పోస్టర్‌ను మేకర్స్ రిలీజ్ చేశారు. పీపుల్ మీడియా ఫ్యాక్టరీపై నిర్మిస్తున్న ఈ చిత్రానికి మోగ్లీ అనే టైటిల్ ఫిక్స్ చేశారు. తాజాగా విడుదలైన పోస్టర్ చూస్తే రోషల్ వైల్డ్ లుక్‌ను తలపిస్తోంది. ఈ మూవీలో బాలీవుడ్ భామ సాక్షిసాగర్ హీరోయిన్‌గా కనిపించనుంది. ఈ మూవీని లవ్ స్టోరీగానే తెరకెక్కించనున్నట్లు తెలుస్తోంది. 𝐓𝐇𝐄 𝐋𝐎𝐔𝐃𝐄𝐒𝐓 𝐖𝐀𝐑 𝐎𝐅 𝐀 𝐒𝐈𝐋𝐄𝐍𝐓 𝐋𝐎𝐕𝐄 𝐒𝐓𝐎𝐑𝐘 ❤‍🔥#Mowgli ’s Wild Adventure Begins 💥💥Stay tuned for more exciting updates!#Mowgli2025A @SandeepRaaaj directorial.🌟ing @RoshanKanakala & #SakshiMhadolkarA @Kaalabhairava7 musical 🎵… pic.twitter.com/vxtDMvAqU4— People Media Factory (@peoplemediafcy) December 19, 2024

బుల్లితెరపై ఎంతమంది యాంకర్లు వచ్చినా సుమ స్థానం సుమదే! షోలు, ఈవెంట్లు, సినిమా ఫంక్షన్స్‌తో అనునిత్యం బిజీగా ఉంటుంది. అటు రాజీవ్‌ కనకాల కూడా పవర్‌ఫుల్‌ పాత్రలతో సినీ ఇండస్ట్రీలో మంచి పేరు తెచ్చుకున్నాడు. వీరి తనయుడు రోషన్‌ కూడా గ్లామర్‌ ఇండస్ట్రీనే నమ్ముకున్నాడు. ఇప్పటికే అతడు బబుల్‌గమ్‌ అనే సినిమాలో హీరోగా నటించాడు. ఫస్ట్‌ సినిమాకే మంచి పేరుఇది తనకు ఫస్ట్‌ సినిమా అయినప్పటికీ ఎటువంటి తత్తరపాటు లేకుండా చాలా చక్కగా యాక్ట్‌ చేశాడని పేరు తెచ్చుకున్నాడు. ఇప్పుడతడు రెండో సినిమా చేస్తున్నాడు. వినాయక చవితి సందర్భంగా ఈ సినిమా ప్రకటించారు. కలర్‌ ఫోటో డైరెక్టర్‌ సందీప్‌ రాజ్‌ ఈ మూవీకి దర్శకుడిగా వ్యవహరిస్తున్నాడు. ఇంతకీ సినిమా టైటిల్‌ మోగ్లీ. ఈమేరకు ఫస్ట్‌ లుక్‌ కూడా రిలీజ్‌ చేశారు.మోగ్లీ..ఇందులో రోషన్‌ కండలు తిరిగిన దేహాన్ని చూపిస్తూ అడవి మధ్యలో గుర్రంతో కనిపించాడు. ఫస్ట్‌ లుక్‌, టైటిల్‌ చూస్తుంటే ఈ కథ అటవీ నేపథ్యంలోనే సాగనుందని తెలుస్తోంది. కాలభైరవ సంగీతం అందిస్తున్న ఈ చిత్రాన్ని పీపుల్స్‌ మీడియా ఫ్యాక్టరీ బ్యానర్‌పై టీజీ విశ్వప్రసాద్‌ నిర్మించనున్నాడు. ఈ మూవీ వచ్చే ఏడాది వేసవిలో విడుదల కానుంది.రోషన్‌ను చిన్నప్పుడు..మోగ్లీ పోస్టర్‌ను యాంకర్‌ సుమ ఇన్‌స్టాగ్రామ్‌లో షేర్‌ చేస్తూ.. రాజీవ్‌.. రోషన్‌ను చిన్నప్పుడు మోగ్లీ అని పిలిచేవాడు. ఇప్పుడదే పేరుతో అతడు సినిమా చేయడం నిజంగానే మ్యాజిక్‌ కదా! అని రాసుకొచ్చింది. View this post on Instagram A post shared by Suma Kanakala (@kanakalasuma) చదవండి: ఆ ఆనవాయితీ రిపీట్‌! తనే ఎలిమినేట్‌ కానుందా?

టైటిల్: బబుల్ గమ్ నటీనటులు: రోషన్ కనకాల, మానస చౌదరి, హర్ష వర్ధన్, అను హాసన్ తదితరులు నిర్మాత: మహేశ్వరి మూవీస్, పీపుల్స్ మీడియా ఫ్యాక్టరీ డైరెక్టర్: రవికాంత్ పేరేపు మ్యూజిక్: శ్రీ చరణ్ పాకాల సినిమాటోగ్రఫీ: సురేష్ రగుతు విడుదల తేదీ: 2023 డిసెంబర్ 29 నిడివి: 2h 27m సుమ పేరు చెప్పగానే గలగలా మాట్లాడే యంకర్ గుర్తొస్తుంది. ఎంతోమంది హీరోల సినిమాల ఇంటర్వ్యూస్, ప్రీ రిలీజ్ ఈవెంట్స్‌కి హోస్టింగ్ చేసింది. గత కొన్నేళ్లుగా ఇండస్ట్రీలో ఉంది. ఇప్పుడు తన కొడుకుని హీరోగా లాంచ్ చేసింది. 'బబుల్ గమ్' పేరుతో తీసిన సినిమా సుమ కొడుకు రోషన్ హీరోగా నటించాడు. తాజాగా థియేటర్స్‌లోకి వచ్చిన ఈ సినిమా ఎలా ఉంది? సుమ కొడుకు హీరోగా ఎలా చేశాడు? హిట్టు కొట్టాడా? లేదా? అనేది రివ్యూలో చూద్దాం. కథేంటి? ఆది(రోషన్ కనకాల) పక్కా హైదరాబాదీ కుర్రాడు. డీజే కావాలనేది గోల్. ఓరోజు పబ్‌లో అనుకోకుండా జాన్వీ(మానస చౌదరి)ని చూస్తాడు. నచ్చేస్తుంది. దీంతో ఆమెని ఫాలో అయిపోతుంటాడు. మరోవైపు జాన్వీ పెద్దింటి అమ్మాయి. లవ్-రిలేషన్స్ అంటే పెద్దగా పడవు. అబ్బాయిల్ని ఆటబొమ్మల్లా చూస్తుంది. ఇలాంటి అమ్మాయి అనుకోని పరిస్థితుల్లో ఆదితో లవ్‌లో పడుతుంది. కాకపోతే కొన్ని ప్రాబ్లమ్స్ వస్తాయి. మరి ఇలాంటి భిన్న మనస్తత్వాలు ఉన్న ఇద్దరూ చివరకు ఒక్కటయ్యారా? లేదా? అనేదే 'బబుల్ గమ్' స్టోరీ. ఎలా ఉంది?  ఓ అమ్మాయి, అబ్బాయి.. ఇద్దరి మధ్య ప్రేమ.. ముద్దులు, హగ్గులు.. కొన్నాళ్లకు గొడవలు.. ఇలా లవ్ స్టోరీలన్నీ దాదాపు ఒకే ఫార్మాట్‌లో ఉంటాయి. అయితే సినిమా ఎలా తీసినా సరే ఫైనల్‌గా ఎంటర్‌టైన్ చేసిందా లేదా అనేది ఇక్కడ పాయింట్. ఈ విషయంలో 'బబుల్ గమ్' పాసైపోయింది. యాంకర్ సుమ కొడుకు.. ఈ సినిమాలో హీరో కావడంతో చాలామంది దృష్టి దీనిపై పడింది. ట్రైలర్ వచ్చినప్పుడే ఇది యూత్‌కి నచ్చే, ప్రస్తుత ట్రెండ్‌కి తగ్గ సినిమా అని అర్థమైపోయింది.  ఫస్టాప్ విషయానికొస్తే.. కేవలం చెడ్డీతో బైక్‌పై హీరో అరుస్తూ, ఏడుస్తూ హైదరాబాద్ రోడ్‌పై వెళ్లే సీన్‌తో సినిమా ఓపెన్ అవుతుంది. ఇక్కడి నుంచి కథ ఆరు నెలల వెనక్కి వెళ్తుంది. పక్కా హైదరాబాదీ కుర్రాడిగా ఆదిత్య(రోషన్ కనకాల) ఎం‍ట్రీ.. ఓ డీజే దగ్గర అసిస్టెంట్‌గా పనిచేస్తుంటాడు. ఎప్పటికైనా పెద్ద డీజే కావాలని కలలు కనడం. ఎప్పుడూ తిట్టే తండ్రి, ఏం చేసినా సరే సపోర్ట్ చేసే తల్లి.. ఓ ఇద్దరు ఫ్రెండ్స్.. అనుకోకుండా ఓసారి జాన్వీ(మానస చౌదరి)ని చూడటం, ఆమెతో అనుకోని విధంగా ప్రేమలో పడటం.. ఇలా పెద్దగా మెరుపుల్లేకుండానే ఫస్టాప్ అలా అలా వెళ్లిపోతుంది. ఓ డిఫరెంట్ సీన్‌తో ఇంటర్వెల్ బ్యాంగ్ పడుతుంది. దీంతో స్టోరీపై కాస్త ఇంట్రెస్ట్ పెరుగుతుంది. అయితే అసలు కథంతా సెకండాఫ్‌లోనే చూపిస్తారు. అప్పటివరకు ప్రేమకథగా ఉన్నది కాస్త రివేంజ్ డ్రామాగా మారుతుంది. ఫస్టాప్ అంతా సరదసరదాగా ఉన్న హీరోహీరోయిన్.. సెకండాఫ్‌లో సీరియస్ డ్రామా పండిస్తారు. ఇక క్లైమాక్స్ అయిపోయిన తర్వాత కాస్త కన్ఫ్యూజన్‌గా ఉన్నప్పటికీ.. రెగ్యులర్ రొటీన్ లవ్ స్టోరీలతో పోలిస్తే కాస్త డిఫరెంట్ అనిపిస్తుంది.  'బబుల్ గమ్' అని టైటిల్ కి తగ్గట్లే ఫస్టాప్ అంతా సాగదీసి వదిలిన డైరెక్టర్.. సెకండాఫ్ మాత్రం మంచిగా తీశాడు. దీంతో ఓ ఫీల్ గుడ్ మూవీ చూసినట్లు అనిపిస్తుంది. అయితే కొత్త యాక్టర్స్‌తో ఇలాంటి రొమాంటిక్ ఎంటర్‌టైనర్ కమ్ డ్రామా తీస్తున్నప్పుడు కాస్త రిస్క్ ఎక్కువే. అయితే డైరెక్టర్ ఈ విషయంలో పాస్ అయిపోయాడు. అలానే లస్ట్ తప్ప పెద్దగా ఎమోషన్ లేకుండా సాగిపోయే లవ్ ట్రాక్.. అక్కడక్కడ బూతు డైలాగ్స్ కాస్త ఇబ్బందిగా అనిపిస్తాయి.  ఎవరెలా చేశారు? హీరోగా చేసిన రోషన్ కనకాలకు ఇది తొలి సినిమా అయినప్పటికీ ఆకట్టుకున్నాడు. హైదరాబాదీ కుర్రాడి పాత్రలో ఒదిగిపోయాడు. లుక్స్, యాక్టింగ్, డైలాగ్ డెలివరీ.. ఇలా అన్నీ బాగున్నాయి. ఫస్ట్ మూవీకే ఈ మాత్రం ఔట్‌పుట్ ఇచ్చాడంటే.. మంచి ఫ్యూచర్ ఉన్నట్లే. హీరోయిన్ మానస చౌదరి కూడా బాగుంది. రొమాంటిక్స్ సీన్స్‌లో రెచ్చిపోయింది. మిగతా సన్నివేశాల్లో మాత్రం పర్వాలేదనిపించింది. ఇక హీరో తండ్రి క్యారెక్టర్ చేసిన చైతు జొన్నలగడ్డ.. మంచి కామెడీ టైమింగ్‌తో ఎంటర్‌టైన్ చేశాడు. హర్షవర్థన్, అనుహాసన్ లాంటి సీనియర్స్ ఉన్నప్పటికీ పెద్దగా సీన్స్ పడలేదు.  టెక్నికల్ విషయాలకొస్తే.. 'క్షణం', 'కృష్ణ అండ్ హిజ్ లీలా' సినిమాలతో దర్శకుడిగా మెప్పించిన రవికాంత్ పేరేపు.. 'బబుల్ గమ్' సినిమా విషయంలో కాస్త క్లారిటీ మిస్సయ్యాడు. కానీ కొత్తోళ్లు అయిన రోషన్, మానస దగ్గర నుంచి యాక్టింగ్ బాగానే రాబట్టుకున్నాడు. ఇందులో మాత్రం సూపర్ సక్సెస్ అయ్యాడు. 'జిలేబీ' పాట బాగుంది. బ్యాక్ గ్రౌండ్ మ్యూజిక్ బాగానే ఉన్నప్పటికీ కొన్ని సీన్స్‌లో మ్యూజిక్ డామినేట్ చేసినట్లు అనిపించింది. సురేశ్ రగుతు సినిమాటోగ్రఫీ చాలా రిచ్‌గా ఉంది. నిర్మాణ విలువలు అయితే టాప్ నాచ్ ఉన్నాయని చెప్పొచ్చు. చివరగా ఒక్క మాటలో చెప్పాలంటే యూత్‌ఫుల్ ప్రేమకథని చూడాలనుకుంటే 'బబుల్ గమ్' ట్రై చేయొచ్చు. - చందు డొంకాన, సాక్షి వెబ్ డెస్క్

‘‘నటన పరంగా అమ్మానాన్న (సుమ, రాజీవ్‌ కనకాల) సలహాలు తీసుకుంటాను. ‘బబుల్‌గమ్‌’ మూవీని వారు చూశారు.. బాగా నచ్చింది. ఆ టైమ్‌లో నేను అక్కడ లేను. కొన్ని సన్నివేశాలు చూస్తున్నప్పుడు నాన్న ఎమోషన్‌ అయి, ఏడ్చారని అమ్మ చెప్పింది. నాన్నని అడిగితే ‘బాగా చేశావ్‌’ అన్నారు. ఆయన్నుంచి ప్రశంస రావడం ఆనందంగా అనిపించింది’’ అని రోషన్‌ కనకాల అన్నారు. రవికాంత్‌ పేరేపు దర్శకత్వంలో రోషన్‌ కనకాల, మానసా చౌదరి జంటగా నటించిన చిత్రం ‘బబుల్‌గమ్‌’. పీపుల్‌ మీడియా ఫ్యాక్టరీతో కలిసి మహేశ్వరి మూవీస్‌ నిర్మించిన ఈ సినిమా నేడు విడుదలవుతోంది.ఈ సందర్భంగా రోషన్‌ కనకాల మాట్లాడుతూ– ‘‘నా బాల్యం అంతా దాదాపుగా తాతగారి (దేవదాస్‌ కనకాల) నటనా శిక్షణ కేంద్రంలో గడిచింది. నాకు చిన్నప్పటి నుంచి నటనంటే ఇష్టం. అది తెలియని ఒక థ్రిల్‌ ఇస్తుంది. నటుడు కావాలనే నా కల ‘బబుల్‌గమ్‌’తో నెరవేరడం ఆనందంగా ఉంది. న్యూ ఏజ్‌ కంటెంట్‌తో వస్తున్న ఈ సినిమా అలరిస్తుందనే నమ్మకం ఉంది. సినిమా షూటింగ్‌కి వెళ్లే నెల రోజుల ముందే వర్క్‌ షాప్‌ నిర్వహించడం మాకు ప్లస్‌ అయింది. ఈ మూవీలో ఓ సీన్‌  కోసం దాదాపు మూడు గంటలు పాటు షర్టు లేకుండా తిరిగాను. మొదట్లో  సిగ్గుపడ్డా... ఆ తర్వాత పోయింది (నవ్వుతూ). మా అమ్మానాన్నలకు పరిశ్రమలో చాలా మంచి పేరుంది. నేను హీరోగా వస్తుండటం బాధ్యతగా అనిపిస్తోంది. ఫలానా జోనర్‌ మూవీ చేయాలనే ఆలోచన నాకు లేదు. ప్రేక్షకులను అలరించే మంచి సినిమాలు చేయడం ఇష్టం’’ అన్నారు.

నా బాల్యం అంతా తాతగారి(దేవదాస్‌ కనకాల) యాక్టింగ్ ఇన్స్టిట్యూట్ లోనే గడిచింది. ఆ ప్రభావం నాపై పడింది. చిన్నప్పటి నుంచే యాక్టింగ్‌పై ఇష్టం పెరిగింది. సినిమాని ముందుకు తీసుకెళ్ళే కథానాయకుడిగా చేయలనే కోరిక ఎప్పటినుంచో ఉండేది. బబుల్‌గమ్ చిత్రంతో ఆ కోరిక నెరవేరింది. ఇకపై నటుడిగానే నా జీవితాన్ని కొనసాగిస్తాను’అని యంగ్‌ హీరో రోషన్ కనకాల అన్నారు. టాలెంటెడ్ డైరెక్టర్ రవికాంత్ పేరేపు దర్శకత్వంలో రోషన్ కనకాల హీరోగా పరిచయం అవుతున్న చిత్రం 'బబుల్‌గమ్'. మానస చౌదరి హీరోయిన్ గా నటిస్తోంది. పీపుల్ మీడియా ఫ్యాక్టరీతో కలిసి మహేశ్వరి మూవీస్ నిర్మిస్తున్న ఈ సినిమా డిసెంబర్ 29న విడుదల కానుంది. ఈ నేపథ్యంలో రోషన్‌ మీడియాతో ముచ్చటించారు. ఆ విశేషాలు..  ► చిన్నప్పటి నుంచి నటుడు కావాలనేది నా కోరిక. హీరోగా సినిమా చేయాలని చాలా రోజుల ఎదురుచూశాను. అలా దర్శకుడు రవికాంత్ ని కలవడం, ఆయనకి నాతో సినిమా చేయాలని అనిపించడంతో ఈ ప్రయాణం మొదలైయింది. ►నటన పరంగా తాతగారి(దేవదాస్‌ కనకాల)దగ్గర రెండు నెలల పాటు శిక్షణ తీసుకున్నాను. ఆ తర్వాత లాస్‌ ఏంజలెస్‌లో ఒక కోర్సు చేశాను.  పాండిచ్చేరి లో ఒక కోర్స్ చేశాను. అలాగే నాన్నతో చర్చించి కొన్ని ప్రాక్టీస్ చేస్తుంటాను. ►బబుల్‌గమ్‌ సెట్‌పైకి వచ్చినప్పుడు నాకు న్యూ కమ్మర్ లా అనిపించలేదు. ఎందుకంటే షూటింగ్‌కి నెల ముందే మేము వర్క్‌ షాప్‌ చేసుకున్నాం. స్క్రిప్ట్ ని రిహార్సల్ చేసుకున్నాం. ఒక సీన్ లో ఎలా చేయాలి, ఎలాంటి ఎమోషన్ కన్వే అవ్వాలి, ఎలాంటి కాస్ట్యూమ్ ఉండాలి.. ఇవన్నీ ముందు అనుకున్నాం. ఆ ప్రిపరేషన్ చాలా హెల్ప్ అయ్యింది.  ► అమ్మానాన్నలకు(యాంకర్‌ సుమ, రాజీవ్‌ కనకాల)పరిశ్రమలో మంచి పేరుంది.ఆ ప్లెజర్‌ నాపై ఉంది.నటన పరంగా వారి నుంచి సలహాలు సూచనలు తీసుకుంటాను. ఏవైనా సందేహాలు వున్నా అడుగుతుంటాను. అమ్మా నాన్న సినిమా చూశారు. అయితే అప్పుడు అక్కడ నేను లేను. నాన్న కొన్ని సీన్స్ లో ఏడ్చారని అమ్మ చెప్పింది. నాన్నని అడిగితే ‘బాగా చేశావ్’ అన్నారు. నాన్న సహజంగా ఒప్పుకోరు. ఆయన నుంచి అలాంటి కాంప్లిమెంట్ రావడం ఆనందంగా అనిపించింది. అమ్మకు కూడా చాలా నచ్చింది. ► ఈ సినిమాలోని ఇజ్జత్ పాట లాంచ్ చేయడానికి చిరంజీవి గారిని కలిశాం. ఆ సమయంలో వారి జీవితంలో ఎదురైన అనుభవాలు గురించి చెప్పారు. అలాగే బిగ్ బాస్ కి వెళ్ళినపుడు నాగార్జున గారితో వీడియో చేశాం. మొదట ఆడియో రికార్డ్ కాలేదు. ఆయన్ని అడిగితే .. మరోసారి చేశారు. అది చాలా గొప్పగా అనిపించింది. ► ఈ సినిమాలో షర్ట్‌లెస్‌ సీన్‌ ఉంటుంది. దాదాపు మూడు గంటలు పాటు షర్టు లేకుండా సిటీ అంతా తిరిగాను. ఒక పాయింట్ లో నా సిగ్గు అంతా పోయింది( నవ్వుతూ). నా దృష్టి అంతా ఆ సీన్, అందులోని ఎమోషన్ పైనే పెట్టాను. ఆ సీన్ షూటింగ్ ఎప్పటికీ మర్చిపోలేని అనుభువం. చాలా విషయాలు నేర్చుకున్నాను.  ► ఈ సినిమా కోసం శ్రీచరణ్ చాలా కొత్త సౌండ్ ని క్రియేట్ చేశాడు, పాటలన్నీ ఇప్పటికే హిట్ అయ్యాయి. ఇంటర్వెల్ బ్లాక్ ఇచ్చిన మ్యూజిక్ గూస్ బంప్స్ వస్తాయి. సినిమా మొత్తం చాలా అద్భుతమైన మ్యూజిక్ ఇచ్చాడు.ఇందులో ఒక పాట పాడాను. అయితే దీనికి కోసం ప్రత్యేక శిక్షణ ఏమీ తీసుకోలేదు. దర్శకుడు, సంగీత దర్శకుడు కోరడంతో అది అలా జరిగిపోయింది. ► నాకు ప్రత్యేకమైన జోనర్ అంటూ ఏమీ లేదు. మంచి సినిమా ఏదైనా ఇష్టం. ప్రేక్షకులని ఎంగేజ్ చేసే ప్రతి సినిమా ఇష్టం.కథలు వింటున్నాను. ప్రస్తుతం నా దృష్టి 'బబుల్‌గమ్’ విడుదలపైనే ఉంది.

‘‘మంచి మ్యూజిక్‌ ఇవ్వడానికి ఖరీదైన మ్యూజిక్‌ పరికరాలు అవసరం లేదు. ‘క్షణం’, ‘మేజర్‌’లో కొన్ని సీన్లకు మేం ఫోన్‌లో రికార్డ్‌ చేసిన వాయిస్‌నే వాడాం. ఇక ఇప్పుడు యూ ట్యూబ్‌ వ్యూస్, ఇన్‌స్టా రీల్‌ వ్యూస్‌తో మ్యూజిక్‌ డైరెక్టర్స్‌ను జడ్జ్‌ చేయడం కాస్త బాధగా ఉంది. అందుకే  ఇప్పుడు నేను సినిమాలు తగ్గించుకున్నాను. ఇండిపెండెంట్‌ మ్యూజిక్, ఆల్బమ్స్‌పై ఎక్కువ దృష్టి పెడుతున్నాను’’ అని అన్నారు సంగీత దర్శకుడు శ్రీచరణ్‌ పాకాల. రోషన్‌ కనకాల, మానస జంటగా రవికాంత్‌ పేరేపు దర్శకత్వంలో రూ΄÷ందిన సినిమా ‘బబుల్‌గమ్‌’. పీపుల్‌ మీడియా ఫ్యాక్టరీతో కలిసి మహేశ్వరీ మూవీస్‌ నిర్మించిన ఈ చిత్రం ఈ నెల 29న విడుదల కానుంది. ఈ సందర్భంగా ఈ చిత్రం మ్యూజిక్‌ డైరెక్టర్‌ శ్రీచరణ్‌ పాకాల మాట్లాడుతూ– ‘‘గడిచిన పదేళ్లలో నేను చేయాల్సింది చేశాను. ఇక నన్ను కొత్తగా ఆవిష్కరించుకోవడానికి ప్రయత్నం చేస్తున్నా. ‘బబుల్‌గమ్‌’తో ఈ ప్రయత్నం మొదలైంది. ఈ సినిమాలో హీరోది డీజే రోల్‌. నా ఫ్రెండ్స్‌లో ఎక్కువమంది డీజేలు ఉండటంవల్ల ఎలక్ట్రానిక్‌ మ్యూజిక్‌పై అవగాహన ఉంది. ట్యూన్‌ కంటే లిరిక్స్‌ ముఖ్యమని నమ్ముతాను. ‘బబుల్‌గమ్‌’ చూశాను. రోషన్‌ మంచి నటుడు, డ్యాన్సర్‌. డబ్బింగ్‌ కూడా బాగా చెప్పాడు. ప్రస్తుతం ‘సత్యభామ’, ‘గూఢచారి 2’ సినిమాలకు సంగీతం అందిస్తున్నాను’’ అన్నారు. ఇంకా మాట్లాడుతూ– ‘‘ప్రతి రంగంలోనూ సాంకేతిక విప్లవం వచ్చింది. ఏఐ (ఆర్టిఫిషియల్‌ ఇంటెలిజెన్స్‌) వల్ల మ్యూజిక్‌ కం΄ోజర్స్‌కు ప్రమాదం ఉండొచ్చు. కానీ ‘ఏఐ’ని అప్లై చేయడానికీ హ్యూమన్‌ టచ్‌ కావాలి. సప్తస్వరాలు ఏడే. సౌండింగ్‌ ఎలా ఇస్తున్నామన్నదే ముఖ్యం. ‘గూఢచారి’ వల్ల కాదు.. ‘కృష్ణ అండ్‌ హీజ్‌ లీల’ సినిమాలోని మ్యూజిక్‌ నచ్చి నాకు చాన్స్‌లు ఇచ్చినట్లుగా కొందరు నాతో చెప్పారు. నాకదో హ్యాపీ సర్‌ప్రైజ్‌’’ అని చెప్పుకొచ్చారు.

యాంకర్‌ సుమ తనయుడు రోషన్‌ కనకాల హీరోగా నటిస్తున్న చిత్రం బబుల్‌గమ్‌. మానస చౌదరి కథానాయికగా నటిస్తోంది. క్షణం ఫేమ్‌ రవికాంత్‌ పేరేపు దర్శకత్వం వహించిన ఈ మూవీకి శ్రీచరణ్‌ పాకాల సంగీతం అందించాడు. ఈ సినిమా డిసెంబర్‌ 29న విడుదల కానుంది. ఆదివారం(డిసెంబర్‌ 24న) బబుల్‌గమ్‌ ప్రీరిలీజ్‌ ఈవెంట్‌ జరగ్గా దీనికి యాంకర్‌ సుమ హోస్ట్‌గా వ్యవహరించింది. ఇక ఈ వేదికపై తనకు ఎదురైన చేదు అనుభవాల గురించి చెప్పుకొచ్చాడు హీరో రోషన్‌. వీడు హీరో ఏంట్రా అని కామెంట్స్‌ తనను నమ్మి.. నచ్చింది చేయడానికి అవకాశమిచ్చినందుకు ధన్యవాదాలు తెలుపుతూ తల్లిదండ్రులు సుమ-రాజీవ్‌ పాదాలకు నమస్కరించాడు రోషన్‌. తర్వాత అతడు మాట్లాడుతూ.. 'మా నానమ్మ, అత్త కూడా ఈ సినిమా చూసుంటే బాగుండు. వారి ఆశీర్వాదాలు నాకు ఎల్లప్పుడూ ఉంటాయి. ఓ ముఖ్యమైన విషయం గురించి మాట్లాడాలి. చాలామంది చాలాసార్లు నా వెనకాల మాట్లాడింది విన్నాను. నా గురించి అనుకుంది చదివాను. వీడు ఇంత నల్లగా ఉన్నాడు.. వీడు హీరో ఏంట్రా? వీడు హీరో మెటీరియల్‌ కాదని చులకనగా మాట్లాడారు. నేను ఇలాగే పుట్టా.. ఇలాగే ఉంటా.. ఒక మనిషికి నలుపు, తెలుపు అందం కాదు బ్రదర్‌.. ఒక మనిషి సక్సెస్‌ను డిసైడ్‌ చేసేది తన హార్డ్‌వర్క్‌, టాలెంట్‌, క్రమశిక్షణ మాత్రమే! బబుల్‌గమ్‌ ప్రీరిలీజ్‌ ఈవెంట్‌ ఫోటోల కోసం ఇక్కడ క్లిక్‌ చేయండి రాసిపెట్టుకోండి.. ఓ రోజు వస్తది! మనందరి నసీబులో ఏం రాసి పెట్టుందో ఎవరికీ తెలియదు. కానీ నచ్చినట్లు మార్చుకుంటాం. కావాల్సింది లాక్కుని తెచ్చుకుంటాం. అది ఏదైనా సరే.. ఓ రోజు వస్తది.. వద్దనుకున్నా వినబడ్తా.. చెవులు మూస్కున్నా వినబడ్తాను. రాసిపెట్టుకోండి' అని ఎమోషనలయ్యాడు. తనయుడి మాటలు విని భావోద్వేగానికి లోనైంది సుమ. రోషన్‌ మాటలు తన గుండెను తాకాయన్న సుమ.. కళ్లముందే కొడుకు తన చేదు అనుభవాలను చెప్తుంటే కన్నీళ్లు ఆపుకోవడానికి ప్రయత్నించింది. . చదవండి: ధనుష్‌ మూడో సినిమా! సౌందర్య రజనీకాంత్‌ కామెంట్స్‌ వైరల్‌..

'బబుల్‌గమ్‌' సినిమాతో వెండితెరపై కనిపించనున్నాడు యాంకర్‌ సుమ కుమారుడు రోషన్‌ కనకాల. ఈ సినిమాలో ఆయనకు జోడీగా  మానస చౌదరి నటిస్తుంది. రవికాంత్‌ పేరేపు ఈ చిత్రాన్ని తెరకెక్కిస్తున్నారు. అడివి శేష్‌తో ‘క్షణం’ సినిమాతో హిట్‌ కొట్టిన డైరెక్టర్‌ రవికాంత్‌.. దీంతో బబుల్‌గమ్‌ చిత్రంపై ప్రేక్షకుల్లో మంచి బజ్‌ క్రియేట్‌ అయింది.  పీపుల్‌ మీడియా ఫ్యాక్టరీ, మహేశ్వరి మూవీస్‌ సంస్థలు సంయుక్తంగా ఈ చిత్రాన్ని నిర్మిస్తున్నాయి. ఇప్పటికే ఈ సినిమా ట్రైలర్‌ యూత్‌ను ఆకట్టుకునేలా ఉంది. తాజాగా ఈ చిత్రం నుంచి రొమాంటిక్‌ సాంగ్‌ను మేకర్స్‌ విడుదల చేశారు. ప్రేమకథను ప్రధానమైన కాన్సెప్ట్‌గా మంచి రిలేషన్‌షిప్‌ డ్రామాగా ‘బబుల్‌గమ్‌’ చిత్రాన్ని తెరకెక్కించినట్లు డైరెక్టర్‌ తెలిపాడు. ఈ చిత్రంలో ఆది పాత్రలో రోషన్, జాన్వీ పాత్రలో తెలుగు అమ్మాయి మానస నటించడం విషేశం అని ఆయన చెప్పాడు. కొత్తవారితో చేయాల్సిన సినిమా ఇది అని రోషన్‌ హీరోగా పరిచయమవుతున్నాడని తెలిసి, ఈ కథను చెప్పాను అన్నాడు. కాలేజీ చదువు పూర్తి చేసుకున్న తర్వాత యువకుల కెరీర్‌లో కొంత కన్‌ఫ్యూజన్‌ ఉంటుంది. దానిని ఈ సినిమాలో చూపించామని ఆయన తెలిపాడు.  'బబుల్‌గమ్‌' సినిమా డిసెంబర్‌ 29న విడుదల కానుంది. ఈ నేపథ్యంలో 'జస్ట్ ఈజీ పీసీ' రొమాంటిక్‌ సాంగ్‌ లిరికల్‌ వీడియోను చిత్ర యూనిట్‌ విడుదల చేసింది.  శ్రీ చరణ్‌ ఈ చిత్రానికి చక్కటి సంగీతం అందించాడు.

రోషన్‌ కనకాల, మానసా చౌదరి జంటగా రవికాంత్‌ పేరేపు దర్శకత్వంలో రూపొందిన చిత్రం ‘బబుల్‌గమ్‌’. పీపుల్‌ మీడియా ఫ్యాక్టరీతో కలిసి మహేశ్వరి మూవీస్‌ నిర్మించిన ఈ చిత్రం ఈ నెల 29న రిలీజ్‌ కానుంది. ఈ సందర్భంగా శనివారం విలేకర్ల సమావేశంలో రవికాంత్‌ పేరేపు చెప్పిన విశేషాలు.  ∙ప్రేమకథ ప్రధానంగా సాగే రిలేషన్‌షిప్‌ డ్రామా ‘బబుల్‌గమ్‌’. ఈ చిత్రంలో ఆది పాత్రలో రోషన్, జాన్వీ పాత్రలో తెలుగు అమ్మాయి మానస నటించారు. కొత్తవారితో చేయాల్సిన సినిమా ఇది. రోషన్‌ హీరోగా పరిచయమవుతున్నాడని తెలిసి, ఈ కథ చె΄్పాను. కాలేజీ చదువు పూర్తి చేసుకున్న తర్వాత యువకుల కెరీర్‌లో కొంత కన్‌ఫ్యూజన్‌ ఉంటుంది. మనకు ఇష్టమైనది చేయాలా? సంపాదన కోసం ఏ ఉద్యోగమైనా చేయాలా? అనే అయోమయంలో ఉంటారు. అలాంటి ఓ కన్‌ఫ్యూజన్‌లో ఉన్న ఓ కుర్రాడు ప్రేమలో పడితే ఏం జరుగుతుంది? అన్నదే ఈ సినిమా కథాంశం. రోషన్‌కు ఇది తొలి సినిమా అయినా అతని తల్లిదండ్రులు సుమ, రాజీవ్‌ కనకాల ఈ సినిమాలో జోక్యం చేసుకోలేదు. ‘ప్రేమ బబుల్‌గమ్‌ లాంటిది. మొదట్లో తీయగా ఉంటుంది. ఆ తర్వాత చప్పగా ఉంటుంది. ఆ నెక్ట్స్‌ అతుక్కుంటే వదలదు’ అనే డైలాగ్‌ ఉంటుంది. కథానుసారం ఈ సినిమాకు ‘బబుల్‌గమ్‌’ టైటిల్‌ పెట్టాం. ఇక నా ‘క్షణం’, ‘కృష్ణ అండ్‌ హిజ్‌ లీల’ ఇప్పుడు ‘బబుల్‌గమ్‌’ సినిమాలకు శ్రీ చరణ్‌ సంగీతం ఇచ్చాడు. మేమిద్దరం ఒకే ఊరివాళ్లం కాబట్టి కంఫర్ట్‌ కుదిరింది. ‘బబుల్‌గమ్‌’ ట్రైలర్‌ను చిరంజీవిగారికి చూపించాం. ఈ సినిమాలోని ‘ఇజ్జత్‌..’ సాంగ్‌ ఆయనకు బాగా నచ్చింది. ‘క్షణం’ మంచి విజయం సాధించింది. ఎందుకో కానీ ఆ సినిమా సక్సెస్‌ క్రెడిట్‌ నాకు అంతగా రాలేదు. దర్శకత్వంలో అడివి శేష్‌ ఇన్‌వాల్వ్‌మెంట్‌ ఉందనే ప్రచారం జరిగింది. నిజానికి ‘అడివి’ శేష్, శ్రీచరణ్‌ పాకాల ‘క్షణం’ క్రెడిట్‌ నాకే ఇస్తారు. ఓ అవుట్‌సైడర్‌గా ఇండస్ట్రీ పరిస్థితులను పూర్తిగా అర్థం చేసుకోవడానికి నాకు కొంత టైమ్‌ పట్టింది. ఇకపై దర్శకుడిగా స్పీడ్‌గా సినిమాలు చేస్తాను.

ప్రముఖ యాంకర్‌ సుమ కనకాల తనయుడు రోషన్‌ కనకాల హీరోగా పరిచయం అవుతున్న సినిమా ‘బబుల్‌గమ్‌’. మానసా చౌదరి హీరోయిన్‌గా నటించారు. రవికాంత్‌ పేరేపు దర్శకత్వంలో మహేశ్వరి  మూవీస్, పీపుల్‌ మీడియా ఫ్యాక్టరీ నిర్మించిన ఈ చిత్రం ఈ నెల 29న విడుదల కానుంది. ఈ సందర్భంగా శుక్రవారం జరిగిన ఈ సినిమా ట్రైలర్‌ లాంచ్‌ ఈవెంట్‌లో హీరో రానా, దర్శకుడు కె. రాఘవేంద్ర రావు, దర్శకుడు అనిల్‌ రావిపూడి ముఖ్య అతిథులుగా పాల్గొన్నారు. ట్రైలర్‌ లాంచ్‌ అనంతరం రాఘవేంద్ర రావు మాట్లాడుతూ– ‘‘ఈ సినిమా ట్రైలర్‌ చూస్తుంటే సూపర్‌హిట్‌ కళ కనిపిస్తోంది. రోషన్, మానసల కెమిస్ట్రీ బాగుంది’’ అన్నారు. ‘‘రోషన్‌కు ప్రేక్షకుల అభిమానం దక్కాలని కోరుకుంటున్నాను’’ అన్నారు రానా. ‘‘యూత్‌కు కావాల్సిన అంశాలు ఉన్న చిత్రమిది. రోషన్‌ యూనిక్‌గా ఉన్నాడు’’ అన్నారు అనిల్‌ రావిపూడి. ‘‘జీవితంలో ఏదో ఒక సందర్భంలో పగ తీర్చుకోవాలనిపిస్తుంటుంది. ఈ సినిమాలో ఆది (రోషన్‌ పాత్ర పేరు) పాత్ర మాటల్లో చెప్పాలంటే ‘ఒక రోజు వస్తది.. ఆ రోజు చెవులు మూసుకున్నా వినపడతా.. కళ్లు మూసుకున్నా కనపడతా..’. రానా అన్న మా అందరికీ స్ఫూర్తి. రాఘవేంద్రరావు, అనిల్‌గార్లు ఈ వేడుకకు రావడం హ్యాపీగాగా ఉంది’’ అన్నారు రోషన్‌. ‘‘ట్రైలర్‌ కంటే సినిమా ఇరవై రెట్లు హై ఇస్తుంది’’ అన్నారు రవికాంత్‌ పేరేపు. ‘‘బబుల్‌గమ్‌’ ట్రైలర్‌ యూత్‌ఫుల్‌గా ఉంది. ఈ మధ్య ‘బేబీ’ చిత్రం ఎంత పెద్ద విజయం సాధించిందో తెలిసిందే. ఈ సినిమా కూడా అంత పెద్ద హిట్టవుతుందని ఆశిస్తున్నాను’’ అన్నారు నిర్మాత వివేక్‌ కూచిభొట్ల. సంగీత దర్శకుడు శ్రీచరణ్‌ పాకాల పాల్గొన్నారు.

'బబుల్‌గమ్‌' సినిమాతో వెండితెరపై కనిపించనున్నాడు యాంకర్‌ సుమ కుమారుడు రోషన్‌ కనకాల. ఈ సినిమాలో ఆయనకు జోడీగా  మానస చౌదరి నటిస్తుంది. రవికాంత్‌ పేరెపు ఈ చిత్రాన్ని తెరకెక్కిస్తున్నారు. పీపుల్‌ మీడియా ఫ్యాక్టరీ, మహేశ్వరి మూవీస్‌ సంస్థలు సంయుక్తంగా ఈ చిత్రాన్ని నిర్మిస్తున్నాయి. తాజాగా ఈ సినిమా ట్రైలర్‌ను మేకర్స్‌ విడుదల చేశారు. ట్రైలర్‌తో మంచి ఇంపాక్ట్‌ చూపించాడు రోషన్‌ కనకాల. ప్రధానంగా యూత్‌ను టార్గెట్‌ చేసినట్లు ట్రైలర్‌తో అర్థమౌతుంది. ప్రియురాలి వల్లే ప్రియుడికి అవమానం ఎదురైతే ఆ యువకుడి భావోద్వేగాలు ఎలా ఉంటాయో పర్‌ఫెక్ట్‌గా చూపించాడు రోషన్‌. అలాంటి సమయం ఎదురైతే జీవితంలో ఆ యువకుడు ఎలా సక్సెస్‌ అయ్యాడు..? అదే విధంగా ఆమెపై ఎలా రివెంజ్‌ తీర్చుకున్నాడు..? అనే ఆసక్తికర అంశాలతో ట్రైలర్‌ ఉంది. ఇందులో బ్యాక్‌గ్రౌండ్‌ మ్యూజిక్‌ ప్రేక్షకులను మెప్పిస్తుంది. పాటలకు కూడా శ్రీచరణ్‌ పాకాల అందించిన సంగీతం యువతను మెప్పిస్తుంది. మొదటి సినిమాతోనే రోషన్‌ నటన సూపర్‌ అనిపించేలా ఉంది. యూత్‌ను ఆకట్టుకునేలా ఉన్న ఈ ట్రైలర్‌ను చూసేయండి.  డిసెంబర్‌ 29న బబుల్‌గమ్‌ విడుదల కానుంది.

నటుడు రాజీవ్‌ కనకాల-యాంకర్‌ సుమ దంపతుల తనయుడు రోషన్‌ కనకాల వెండితెరపై పూర్తి స్థాయిలో ఎంటర్‌టైన్‌మెంట్‌ ఇచ్చేందుకు రెడీ అయ్యాడు. బబుల్‌గమ్‌ సినిమాతో హీరోగా తెలుగు ప్రేక్షకులను పలకరించబోతున్నాడు. రవికాంత్‌ పేరేపు దర్శకత్వం వహించిన ఈ చిత్రం డిసెంబర్‌ 29న విడుదల కానుంది. ఇప్పటికే తాను పోలీసులకు దొరికిపోయినట్లు ఓ ప్రాంక్‌ వీడియో చేసి సినిమా ప్రమోషన్స్‌ మొదలుపెట్టాడీ యంగ్‌ హీరో. చిన్నప్పటి నుంచే కోరిక.. తాజాగా ఓ ఇంటర్వ్యూలో ఆసక్తికర విషయాలు పంచుకున్నాడు. 'చిన్నప్పటి నుంచి తెలియకుండానే యాక్టింగ్‌పై ఆసక్తి ఏర్పడింది. బాల్యంలో ఉన్నప్పుడు అమ్మతో కలిసి ఓ వాణిజ్య ప్రకటనలో నటించినప్పుడు చాలా సంతోషమేసింది. అలా చిన్నప్పుడే నటుడినవ్వాలని నా మనసులో బలంగా అనుకున్నాను. యాక్టింగ్‌ కోర్సు కూడా నేర్చుకున్నాను. ఒక మనసు సినిమాలో చిన్న పాత్ర చేశాను. నిర్మలా కాన్వెంట్‌ ఆడిషన్స్‌కు వెళ్లి సెలక్ట్‌ అయ్యాక అందులో ఓ పాత్ర చేశాను. బబుల్‌గమ్‌ సినిమా కూడా ఆడిషన్స్‌ జరిగాకే హీరోగా సెలక్ట్‌ చేశారు. విడాకులు తీసుకుంటున్నారా? అని అడిగా అమ్మానాన్న విడాకులు తీసుకుంటున్నారని అప్పట్లో వార్తలు వచ్చాయి. అవి చదుతున్నప్పుడు అమ్మానాన్న జాలీగా కలిసి కబుర్లు చెప్పుకుంటూ భోజనం చేస్తున్నారు. అసలేం జరుగుతుందో అర్థం కాక.. ఏంటి? మీరు విడాకులు తీసుకుంటున్నారా? అని అడిగేశాను. దానికి వాళ్లు.. ఛీఛీ, ఏం మాట్లాడుతున్నావ్‌రా.. అలాంటిదేం లేదని చెప్పారు. రెండుమూడుసార్లు ఈ విడాకుల వార్తలు చూసినప్పుడు అంతా గందరగోళంగా అనిపించేది. తర్వాత ఊరికే పుకార్లు రాస్తున్నారని అర్థమైంది. పేరెంట్స్‌ మధ్య గొడవలు? నిజంగా అలాంటిదేమైనా ఉంటే ఇంట్లో ఉండే మాకు తెలుస్తుందిగా.. నాకు తెలియకుండా బయటవాళ్లకు ఈ వార్తలు వెళ్లడమేంటి? అనుకున్నాను. ఆ వార్తల్లో ఒక్క శాతం కూడా నిజం లేదు. భార్యాభర్తల మధ్య గొడవలుంటాయి. కానీ అమ్మానాన్న మధ్య అలాంటి పెద్ద గొడవలు ఏం జరగలేదు. పొద్దున త్వరగా నిద్ర లేకపోతే అమ్మ నాన్నపై అరుస్తుంటుంది. అలాంటి చిన్నచిన్న  సరదా గొడవలే ఉంటాయి' అని చెప్పుకొచ్చాడు రోషన్‌ కనకాల. చదవండి: శివాజీ బ్యాచ్‌ని ఉతికారేసిన నాగార్జున.. ఆ విషయమే కారణమా?

‘‘బబుల్‌గమ్‌’ సినిమాలోని ‘ఇజ్జత్‌..’పాట చాలా హుషారుగా అనిపించింది. శ్రీచరణ్‌ పాకాల చక్కని సంగీతం అందించారు. ‘ఇజ్జత్‌..’ అనే ర్యాప్‌ సాంగ్‌లో రోషన్‌తో కలసి డ్యాన్స్ చేయాలనిపించింది.  ప్రతి క్లబ్, పబ్, యూత్‌ వేడుకల్లో ఈ పాట మార్మోగుతుంది’’ అని హీరో చిరంజీవి అన్నారు. రోషన్‌ కనకాల, మానస చౌదరి జంటగా రవికాంత్‌ పేరేపు దర్శకత్వం వహించిన చిత్రం ‘బబుల్‌గమ్‌’.  మహేశ్వరి మూవీస్, పీపుల్‌ మీడియా ఫ్యాక్టరీపై నిర్మించిన ఈ సినిమా డిసెంబర్‌ 29న రిలీజ్‌ కానుంది. శ్రీచరణ్‌ పాకాల సంగీతం అందించిన ఈ చిత్రంలోని ‘ఇజ్జత్‌..’  పాటను చిరంజీవి రిలీజ్‌ చేసి, సినిమా విజయం సాధించాలని ఆకాంక్షించారు. ఈ పాటకి ఎం.ఎస్‌. హరి సాహిత్యం అందించగా, రోషన్‌ కనకాల, ఎం.ఎస్‌. హరి పాడారు.

యాంకర్‌ సుమ తనయుడు రోషన్‌ కనకాల పోలీసులకు దొరికాడు. ఓ పార్టీకి తన స్నేహితులతో కలిసి కారులో వెళ్తున్న ఇతడిని పోలీసులు అడ్డుకున్నారు. ఇంతకీ ఏం జరిగిందనుకుంటున్నారా? మరేం లేదు ప్రాంక్‌.. ఈ మధ్య రచ్చ చేయడం, చివర్లో అది తూచ్‌, ఉత్తుత్తే అనేయడం ఫ్యాషన్‌ అయిపోయింది. సినిమా వాళ్లయితే ఒక్కొక్కరు ఒక్కోలా తమ చిత్రాలకు పబ్లిసిటీ చేసుకుంటున్నారు. యాంకర్‌ సుమ తనయుడు రోషన్‌ కూడా ఇదే అనుసరించాడు. వెరైటీ స్టంట్‌.. 'బబుల్‌గమ్‌' సినిమాతో రోషన్‌ హీరోగా పరిచయం అవుతున్నాడు. మానస చౌదరి హీరోయిన్‌గా నటించిన ఈ సినిమాకు రవిక్రాంత్‌ దర్శకత్వం వహించాడు. ఆ మూవీ కోసం తాజాగా కొత్త రీతిలో ప్రమోషన్‌ చేశారు.. పోలీసులకు దొరికిపోయినట్లు ఓ స్కిట్‌ వేశారు. అందులో భాగంగా తన ఫ్రెండ్స్‌తో కలిసి జాలీగా కారులో వెళ్తున్న రోషన్‌ను ఎన్నికల విధుల్లో ఉన్న పోలీసులు అడ్డుకున్నారు. అసలే ఎన్నికల సమయంలో మద్యం, డబ్బు ఏరులై పారుతుంది. కారు డిక్కీలో సూట్‌కేసులు.. వాటిని నియంత్రిచడం కోసం కార్లు, ఇతర వాహనాలను పోలీసులు చెక్‌ చేస్తూ ఉంటారు. అలా ఎలక్షన్‌ డ్యూటీలో ఉన్న పోలీసులు రోషన్‌ కారును అడ్డుకున్నారు. ఎక్కడికి వెళ్తున్నారు? అని అడిగితే రోషన్‌ స్నేహితులు తలతిక్క సమాధానాలు చెప్పారు. చివరకు కారు డిక్కీ ఓపెన్‌ చేయించగా అందులో సూట్‌కేసులు కనిపించాయి. అవి తెరవడానికి తటపటాయించడమే కాకుండా పోలీసులతోనే డీల్‌ కుదుర్చుకోవాలని చూశారు. కానీ పోలీసులు వినకుండా సూట్‌కేసులు ఓపెన్‌ చేయాల్సిందేనని పట్టుపట్టారు. అప్పుడు సుమ.. ఇప్పుడు ఆమె తనయుడు.. చేసేదేం లేక సూట్‌కేసులు ఓపెన్‌ చేయగా వాటిలో స్వీట్లు ఉండటం చూసి పోలీసులు షాకవుతారు. అక్కడ జిలేబీలు, బబుల్‌ గమ్స్‌ ఉన్నాయి. అంటే మీకీపాటికే అర్థమై ఉంటుంది. ఇది బబుల్‌ గమ్‌ సినిమా కోసం చేసిన ప్రమోషనల్‌ స్టంట్‌ అని! ఇది చూసిన జనాలు.. మరీ ఇలాంటి స్టంట్లు అవసరమా? అని కామెంట్లు చేస్తున్నారు. అప్పుడేమో అల్లరి నరేశ్‌ ఉగ్రం రిలీజ్‌ సమయంలో యాంకర్‌ సుమను అరెస్ట్‌ చేసినట్లు నమ్మించి సినిమాకు కావాల్సినంత హైప్‌ తెచ్చుకున్నారు. ఇప్పుడేమో సుమ కుమారుడు పోలీసులకు దొరికినట్లు నమ్మించే ప్రయత్నం చేశాడు.  చదవండి: నెలసరి ఆలస్యం.. బిగ్‌బాస్‌ హౌస్‌లో కంటెస్టెంట్‌కు ప్రెగ్నెన్సీ టెస్ట్‌

టాలీవుడ్ స్టార్స్ సినిమాల వేడుకల్లో తన మాటలతోనే అందరినీ కట్టిపేడుస్తుంది సుమ కనకాల. కేరళలోని పాలక్కాడ్‌లో జన్మించిన ఆమె రాజీవ్‌ను పెళ్లి చేసుకుని తెలుగింటి కోడలు అయిపోయింది. 48 ఏళ్ల వయసులో దాదాపు రెండున్నర దశాబ్దాలుగా వ్యాఖ్యాతగా తనదైన టాలెంట్‌తో ప్రేక్షకులను కట్టిపడేస్తూ ఇండస్ట్రీలో కొనసాగుతున్నారామే.. అలా ట్రెండ్‌లో ఉన్నప్పుడే తన కుమారుడిని సినిమాల్లోకి ఎంట్రీ ఇప్పించాలని అడుగులు వేస్తున్నట్లు తెలుస్తోంది. అందులో భాగంగానే రోషన్ కనకాల  'బబుల్‌గమ్‌' చిత్రంతో హీరోగా రాబోతున్నాడు. ఈ క్రమంలో సుమ ఒక ఇంటర్వ్యూలో పలు ఆసక్తికరమైన విషయాలను పంచుకుంది. సమాజంలో చాలామంది మహిళలు తన భర్త చనిపోయాక ఎలాగైనా పిల్లలను పోషించుకోవాలని పని కోసం అనేకపాట్లు పడుతుంటారు. కొందరైతే ఇళ్లల్లో పనులు అయినా చేసేందుకు వెనుకాడరు. వారికి కనీసం బ్యాంక్, డబ్బులు దాచుకోవాలి, ఇన్సూరెన్స్‌లు.. ఇలాంటివి ఏమి తెలియవు. వారి భర్త ఇన్సూరెన్స్ చేసి ఉంటే అతను చనిపోయాక ఎంతో కొంత డబ్బులు వచ్చేవి. కానీ వాళ్లకు ఇవి తెలీదు. కాబట్టి మనకు తెలిసినంత వరకు చుట్టూ ఉన్నవారిలో కొందరికైనా వీటి గురించి చెప్పాలని సుమ తెలిపింది. (ఇదీ చదవండి: పవన్‌ కల్యాణ్‌ సీఎం కావాలని నేను ఎప్పటికీ కోరుకోను ఎందుకంటే: రేణు దేశాయ్‌) ఈ క్రమంలోనే తన కుటుంబం గురించి ఇలా చెప్పుకొచ్చింది. ' నాకు సంబంధించిన ఇన్సూరెన్స్‌ల విషయాల గురించి పిల్లలకు అంతా చెప్పాను. ఏదైనా కారణాలచేత హాఠాత్తుగా నేను చనిపోతే ఇన్యూరున్స్‌ ద్వారా ఎవరకి ఎంత వస్తుంది..?  ఎక్కడెక్కడి నుంచి ఎంత డబ్బు అందుతుంది..? అనే విషయాలన్నీ నా పిల్లలను ఒకరోజు కూర్చోబెట్టి చెప్పాను. కానీ ఆ సమయంలో ఎందుకు మమ్మీ ఇలాంటి మాటలు మాట్లాడుతావు..? అని పిల్లలు తిరిగి ప్రశ్నించారు. ఏదేమైనా మనం పిల్లలకు రియాల్టీ చెప్పాలి. ఈ క్షణం అనేది పక్కన పెడితే రేపు ఏం జరుగుతుందో ఎవరికీ తెలియదు. ఇలాంటి విషయాలు పిల్లలు ధైర్యంగా షేర్‌ చేయాల్సిన బాధ్యత మనమీదే ఉంది. దీంతో ఆమె వ్యాఖ్యలు సోషల్‌ మీడియాలో వైరల్‌ అవుతున్నాయి. సుమ చెప్పింది నిజమే కదా అంటూ కొందరు వాటిని షేర్‌ కూడా చేస్తున్నారు. 

కొన్నేళ్ల ముందు తెలుగు సినిమాల్లో శృంగారం, ముద్దు సన్నివేశాలు ఉంటే వామ్మో అనేవారు. కానీ ఇప్పుడు పరిస్థితి పూర్తిగా మారిపోయింది. అదసలు పెద్ద విషయమే కాదన్నట్లుగా చూస్తున్నారు. దీంతో చాలా సినిమాల్లో రొమాన్స్ డోస్ పెరిగింది. సుమ కొడుకు హీరోగా లాంచ్ అవుతున్న మూవీ టీజర్ రిలీజ్ చేయగా.. రొమాంటిక్ మూవీ అని అందరికీ అర్థమైపోయింది. (ఇదీ చదవండి: చిరంజీవి క్లాసిక్ హిట్ సినిమా.. ఇప్పుడు కొత్త గొడవ?) టీజర్ ఎలా ఉంది? సుమ కొడుకు హీరోగా ఎలా చేశాడు? ఇలాంటి విషయాలన్నీ పక్కనబెడితే.. ఈ టీజర్‌లో కిస్ సీన్ ఉంది. దానిపై స్వయంగా రాజీవ్ కనకాల మాట్లాడటం అవాక్కయ్యేలా చేసింది. హైదరాబాద్‌లో మంగళవారం టీజర్ లాంచ్ ఈవెంట్ జరిగింది. కొడుకు సినిమానే కాబట్టి రాజీవ్ కనకాల వచ్చారు. 'రోషన్ చాలా బాగా చేశావ్. సినిమాలో కూడా బాగా చేసుంటావని అనుకుంటున్నాను. టీజర్‌లో చివరాఖరి షాట్ చూసి..' అని రాజీవ్ కనకాల మాట్లాడటం ఆపేసి నవ్వుతూ ఉండిపోయాడు. ఇక వెంటనే దగ్గరకొచ్చిన సుమ.. 'కొన్ని మాట్లాడకుండా ఉంటేనే బెటర్ రాజా, పద' అని రాజీవ్ కనకాల నుంచి లాక్కుని వెళ్లిపోయింది. ఆ తర్వాత మళ్లీ మాట్లాడిన రాజీవ్.. 'సరే అలాగే.. జనరల్‌గా వాళ్లకు అనిపించింది నేను చెప్పాను. అవునా కాదా?' అని అనేసరికి అందరూ అరిచారు. 'ఇంకా మనం ఏమేం చూడటానికి మిగిలుందో? ఇది టీజర్ మాత్రమే' అని పక్కనే ఉన్న సుమ అంది. ఇదంతా ఫన్నీగానే సాగినప్పటికీ.. కొందరికి మాత్రం కొడుకు గురించి తల్లిదండ్రులు అలా మాట్లాడటం ఎబ్బెట్టుగా అనిపించింది. (ఇదీ చదవండి: రాజమౌళి బర్త్‌డే స్పెషల్.. ఈ డైరెక్టర్ ఆస్తి ఎంతో తెలుసా?)