Sana Khan
-
తొలిసారి కుమారుడి ముఖం చూపించిన హీరోయిన్, ఎవరో గుర్తుపట్టారా? (ఫోటోలు)
-
ఈమె తెలుగు హీరోయిన్.. ఎవరో గుర్తుపట్టండి చూద్దాం?
సినిమా ఇండస్ట్రీలో హిట్ ఫ్లాప్తో సంబంధం లేకుండా హీరోయిన్ల కెరీర్ సాగుతూ ఉంటుంది. అలాంటిది నటిగా మంచి స్థితిలో ఉన్నప్పుడే ఈమె పూర్తిగా యాక్టింగ్ పక్కనబెట్టేసింది. ఆ వెంటనే పెళ్లి చేసుకుని సెటిలైపోయింది. ప్రస్తుతం కొడుకుతో జీవితాన్ని ఆస్వాదిస్తోంది. ఇంతకీ ఈమె ఎవరో గుర్తుపట్టారా? లేదా మమ్మల్నే చెప్పేయమంటారా? పైన ఫొటోలో కనిపిస్తున్న ఆమె పేరు సనా ఖాన్. అవును మీరు ఊహించింది కరెక్టే. కల్యాణ్ రామ 'కత్తి', నాగ్ 'గగనం', 'మిస్టర్ నూకయ్య' తదితర చిత్రాల్లో హీరోయిన్గా నటించింది ఈమెనే. తండ్రి మలయాళీ, తల్లిది ముంబయి. అలా ముంబయిలో పుట్టి పెరిగిన ఈ బ్యూటీ.. 2005లో బాలీవుడ్లో నటిగా కెరీర్ స్టార్ట్ చేసింది. (ఇదీ చదవండి: శ్రీదేవి మృతిపై అసలు నిజాలు బయటపెట్టిన బోనీ కపూర్!) హిందీ తర్వాత తమిళ, తెలుగు, కన్నడ, మలయాళ భాషల్లో నటించింది. దాదాపు 14 ఏళ్లపాటు నటించింది. ఇక 2019లో కొరియోగ్రాఫర్ మెల్విన్ లూయిస్తో రిలేషన్ మొదలుపెట్టింది. ఏడాది తిరగకుండానే విడిపోయింది. ఇది జరిగిన కొద్దిరోజులకు యాక్టింగ్ వదిలేస్తున్నట్లు ప్రకటించి షాకిచ్చింది. కట్ చేస్తే 2020 నవంబరులో ఇస్లామిక్ స్కాలర్ మఫ్టీ అనాస్ సయ్యద్ అనే వ్యక్తిని పెళ్లి చేసుకుంది. ప్రస్తుతం వీళ్ల బంధానికి గుర్తుగా ఈ ఏడాది జులైలో అబ్బాయి పుట్టాడు. రీసెంట్గా భర్త, కొడుకుతో కలిసి మక్కా వెళ్లిన సనాఖాన్ అందుకు సంబంధించిన ఫొటోని ఇన్ స్టాలో పోస్ట్ చేసింది. ఈమెని తొలుత గుర్తుపట్టలేకపోయిన నెటిజన్స్.. గుర్తొచ్చిన తర్వాత ఈమెనా అని కామెంట్ చేస్తున్నారు. (ఇదీ చదవండి: 'బిగ్బాస్' ఎలిమినేషన్ తర్వాత రతిక ఫస్ట్ రియాక్షన్) View this post on Instagram A post shared by Saiyad Sana Khan (@sanakhaan21) -
పండంటి మగబిడ్డకు జన్మనిచ్చిన హీరోయిన్.. పోస్ట్ వైరల్
హీరోయిన్ సనా ఖాన్ తల్లి అయింది. బుధవారం ఉదయం ఆమె ఓ పండంటి మగ బిడ్డకు జన్మనిచ్చింది. ఈ విషయాన్ని సోషల్ మీడియా వేదికగా అభిమానులతో పంచుకుంది. 2005లో బాలీవుడ్లోకి అడుగుపెట్టిన వరుస సినిమాలతో అప్పట్లో మంచి గుర్తింపు తెచ్చుకుంది. కల్యాణ్ రామ్ హీరోగా నటించిన ‘కత్తి’ మూవీతో టాలీవుడ్ ఎంట్రీ ఇచ్చింది. ఆ తర్వాత కన్నడ, తమిళ, మలయాళ భాషల్లో నటించింది. మంచు మనోజ్ నటించిన ‘మిస్టర్ నూకయ్య’లోనూ హీరోయిన్గా నటించింది. (చదవండి: సేమ్ టు సేమ్..‘సలార్’ టీజర్లో ఇది గమనించారా?) కెరీర్ పీక్స్లో ఉన్న సమయంలోనే సినిమాలకు గుడ్బై చెప్పి, 2020లో అనాస్ సయ్యద్ని పెళ్లి చేసుకుంది. ఆ తర్వాత చిత్రపరిశ్రమకు పూర్తిగా దూరమయింది. కానీ సోషల్ మీడియా ద్వారా మాత్రం ఎప్పుడు అభిమానులతో టచ్లోనే ఉంటుంది.తాజాగా కొడుకు పుట్టిన విషయాన్ని తెలియజేస్తూ ‘మీరందరూ మాపై చూపుతున్న ప్రేమకు ధన్యవాదాలు. మీ దీవెనలు మా బిడ్డకు కూడా కావాలి’అని ఆమె కోరింది.దీంతో పలువురు సినీ ప్రముఖులు, అభిమానులు ఆమెకు శుభాకాంక్షలు తెలుపుతున్నారు. View this post on Instagram A post shared by Saiyad Sana Khan (@sanakhaan21) -
‘కత్తి’ హీరోయిన్ మరోసారి వార్తల్లోకి, అటు భర్తతో మాల్దీవుల్లో హల్చల్
సాక్షి, హైదరాబాద్: కత్తి మూవీ హీరోయిన్, హిందీ బిగ్బాస్ మాజీ కంటెస్టెంట్ సనాఖాన్ మరోసారి వార్తల్లో నిలిచింది. పాఠశాల స్వాతంత్ర్య దినోత్సవ కార్యక్రమంలో పాల్గొన్న సనాఖాన్ ఈ వేడుకలను సంబంధించిన వీడియోలను ఇన్స్టాగ్రామ్లో షేర్ చేసింది. గుజరాత్కు చెందిన వ్యాపారవేత్త, భర్త ముఫ్తీ అనాస్ సయ్యద్తో కలిసి ఈ కార్యక్రమానికి ప్రత్యేక అతిథిగా హాజరయ్యారు. దీనికి సంబంధించిన వీడియోలను సనాఖాన్ పోస్ట్ చేసింది. అలాగే భర్తతో మాల్దీవుల్లో గడిపిన అద్భుతమైన క్షణాలను, ఫోటోలను ఫ్యాన్స్తో పంచుకుంది. 75 వసంతాల స్వాతంత్ర్య దినోత్సవ వేడుకల్లో త్రివర్ణ పతాకాన్ని ఆవిష్కరించిన ఆమె ఆ తరువాత విద్యార్థులనుద్దేశించి మాట్లాడింది. అయితే ఆ తరువాత వారిద్దరూ వెళుతుండగా, విద్యార్థులంతా చుట్టు ముట్టి హడావిడి చేశారు. ‘సనా..సనా’ అటూ పెద్దగా అరుస్తూ సందడి చేశారు. దీంతో పోలీసులు, బాడీగార్డులు వారికి రక్షణగా ఏర్పడ్డారు. దేవుడా.. ఈ ప్రేమ ఎప్పటికీ ఉండాలని ఆ అల్లాను ప్రార్థిస్తున్నా నంటూ ఆ వీడియోను షేర్ చేసింది. మరోవైపు భర్త అనాస్తో సనా ఇటీవల మాల్దీవుల్లో హాలీడే ట్రిప్ను ఎంజాయ్ చేసింది. అక్కడి బీచ్, వాటర్ విల్లా, పూల్లో సరదాగా గడపింది. పూల్ ఫ్లోటీపై స్వారీ చేస్తూ దాదాపు నీటిలో పడిపోవడం, రియాల్టీ, ఎక్స్పెక్టేషన్ అంటూ ఊయలను గట్టిగా ఊపుతూ భర్త తనను భయపెట్టి, నవ్వించిన ఫన్నీ వీడియోను కూడా అభిమానులతో షేర్ చేసింది. కాగా సినిమా లైఫ్ స్టయిల్కు పూర్తిగా దూరం కావాలని భావిస్తున్నానంటూ గత ఏడాది అక్టోబర్లో ప్రకటించి అభిమానులకు షాక్ ఇచ్చింది. ఆ సృష్టికర్త ఆదేశాలకు నటను స్వస్తి పలికి మానవాళికి సేవ చేయాలని భావిస్తున్నానని ప్రకటించింది. ఆ తరువాత అనాస్ని వివాహమాడి మరో సర్ప్రైజ్ ఇచ్చింది. సనాఖాన్ ఖత్రోన్ కే ఖిలాడీ, హల్లా బోల్, జై హో,ఏక్ ప్రేమ్ కథ వంటి చిత్రాలతోపాటు, టాలీవుడ్ హీరో కళ్యాణ్ రామ్ నటించిన చిత్రం కత్తి మూవీలో హీరోయిన్గా నటించింది. 'గగనం', 'మిస్టర్ నూకయ్య' సినిమాలో కూడా నటించిన సంగతి తెలిసిందే. View this post on Instagram A post shared by Saiyad Sana Khan (@sanakhaan21) View this post on Instagram A post shared by Saiyad Sana Khan (@sanakhaan21) View this post on Instagram A post shared by Saiyad Sana Khan (@sanakhaan21) View this post on Instagram A post shared by Saiyad Sana Khan (@sanakhaan21) -
పరదా ధరిస్తే ఏంటి భయ్యా?: నెటిజన్కు నటి కౌంటర్
'గగనం', 'కత్తి', 'మిస్టర్ నూకయ్య' చిత్రాలతో టాలీవుడ్లో గుర్తింపు సంపాదించుకుంది నటి సనా ఖాన్. తెలుగుతో పాటు తమిళ, హిందీ చిత్రాల్లోనూ నటించిన ఆమె గతేడాది సినిమాలకు గుడ్బై చెప్పి అభిమానులకు షాకిచ్చింది. ఆ తర్వాత నెల రోజులు తిరక్కుండానే గుజరాత్కు చెందిన వ్యాపారవేత్త అనాజ్ను పెళ్లి చేసుకుని వైవాహిక బంధంలోకి అడుగు పెట్టింది. తాజాగా ఆమె ఇన్స్టాగ్రామ్లో హిజబ్ ధరించిన ఫొటో పోస్ట్ చేసింది. దీనిపై ఓ నెటిజన్.. 'మీరు ఇలా పరదా వెనక దాక్కోవడం వల్ల మీ చదువుకు ప్రయోజనమేంటి?' అని ప్రశ్నించాడు. దీనికి సనా ఘాటుగా రిప్లై ఇచ్చింది. 'పరదా ధరిస్తే ఏంటి భాయ్.. నా పని నేను చేసుకుంటున్నా. అద్భుతమైన అత్తామామ, భర్తతో పాటు ఆ అల్లా నాకు రక్షణగా ఉన్నారు. నా చదువు కూడా పూర్తి చేశాను. ఇంతకన్నా ఏం కావాలి? ఇది సంతోషకరం కాదంటావా?' అని తిరిగి ప్రశ్నించింది. మొత్తానికి సనా తన సమాధానంతో అతడికి బాగానే బుద్ధి చెప్పిందంటున్నారు ఆమె అభిమానులు. చదవండి: ఇండియాలో కన్నా ఇక్కడే దారుణం: కౌశల్ భార్య -
నేనేమీ తనను బలవంతపెట్టలేదు: సనా భర్త
ముంబై: నటి సనా ఖాన్ను సినిమాల్లో నటించడం మానేయాలని తానెన్నడూ చెప్పలేదన్నారు ఆమె భర్త ముఫ్తీ అనాజ్. సనా తనకు తానుగానే ఈ నిర్ణయం తీసుకుందని పేర్కొన్నారు. ఈ విషయంలో అభిమానులతో పాటు తాను కూడా షాక్కు గురయ్యానన్నారు. ‘గగనం’,, ‘కత్తి’, ‘మిస్టర్ నూకయ్య’ వంటి సినిమాలతో టాలీవుడ్ ప్రేక్షకులను పలకరించిన సనా ఖాన్.. తమిళ, హిందీ చిత్రాల్లోనూ నటించి గుర్తింపు పొందారు. హిందీ ‘బిగ్బాస్’ సీజన్ 6లోనూ పాల్గొని పాపులర్ అయ్యారు. కాగా తాను నటనకు స్వస్తి చెబుతున్నట్లు అక్టోబరులో ప్రకటన విడుదల చేసిన ఆమె.. ఇకపై సేవా మార్గంలో నడవాలని కోరుకుంటున్నట్లు తెలిపిన సంగతి తెలిసిందే. (చదవండి: 3,4 సార్లు రిజెక్ట్ చేసింది: కానీ, నమ్మకంతో..) అయితే నెల రోజులు తిరక్కుండానే గుజరాత్కు చెందిన వ్యాపారవేత్త ముఫ్తీ అనాజ్ను పెళ్లాడి వైవాహిక జీవితంలో అడుగుపెట్టారు. ఈ క్రమంలో భర్త చెప్పినందు వల్లే సనా ఈ నిర్ణయం తీసుకుందనే వదంతులు పుట్టుకొచ్చాయి. ఈ విషయంపై స్పందించిన అనాజ్ జాతీయ మీడియాతో మాట్లాడుతూ.. ‘‘ నువ్వు ఈ విధంగానే జీవించాలని తనకు ఎన్నడూ ఆంక్షలు విధించలేదు. ఇన్స్టాగ్రామ్లో తన నిర్ణయం ప్రకటించగానే నేను షాకయ్యాను. కరోనా కాలం కాబట్టి పని దొరక్క తను సినిమాలు మానేసిందని చాలా మంది అనుకున్నారు. కానీ అది నిజం కాదు. తనకు నటన మీద ఆసక్తి తగ్గింది. అందుకే సినిమాల నుంచి వైదొలిగింది’’అని చెప్పుకొచ్చారు. ఇక తమ పెళ్లి గురించి చెబుతూ.. ‘‘సనాను పెళ్లి చేసుకోవాలని కోరుకున్నాను. నా ప్రార్థనలు ఆ దేవుడు ఆలకించాడు. తను కాకుండా వేరే ఎవరు నా జీవితంలోకి వచ్చినా ఇంత సంతోషంగా ఉండేవాడిని కాదు. తన మనసు మంచిది. అసలు హీరోయిన్ను ఎలా పెళ్లి చేసుకున్నావు అని కొంతమంది అడుగుతారు. వారి సంకుచిత మనస్తత్వానికి నిదర్శనం అది. ఇది మా జీవితం. మా గురించి ఎవరూ మాట్లాడుకోవాల్సిన అవసరం లేదు’’ అని భార్యపై ప్రేమను చాటుకున్నారు. -
ఏడడుగులేసనా
‘‘నేను సినిమాల నుంచి తప్పుకుంటున్నా.. ఇకపై నటించను’’ అంటూ ఇటీవల ఓ ప్రకటన చేశారు బాలీవుడ్ బ్యూటీ సనాఖాన్. ఆమె అలా ప్రకటించినప్పుడే పెళ్లి చేసుకోబోతున్నారనే పుకార్లు వచ్చాయి.. తాజాగా ఆమె పెళ్లి చేసుకుని, అందరికీ షాక్ ఇచ్చారు. తెలుగులో నాగార్జున ‘గగనం’, కల్యాణ్రామ్ ‘కత్తి’, మనోజ్ ‘మిస్టర్ నూకయ్య’ వంటి చిత్రాల్లో నటించిన ఈ బ్యూటీ తమిళ, హిందీ చిత్రాల్లోనూ నటించారు. హిందీ ‘బిగ్బాస్’ సీజన్ 6లోనూ పాల్గొన్నారు. గుజరాత్కు చెందిన వ్యాపారవేత్త ముఫ్తీ అనాజ్ను ఆమె పెళ్లాడారు. భర్తతో సనాఖాన్ కలిసి ఉన్న ఫొటోలు ఇప్పుడు నెట్టింట తెగ వైరల్ అవుతున్నాయి. అంతేకాదు.. ఈ నవదంపతులు ‘నిఖా ముబారక్’ అని రాసి ఉన్న కేక్ కట్ చేస్తున్న వీడియో కూడా వైరల్ అవుతోంది. కరోనా నేపథ్యంలో చాలా సింపుల్గా ముస్లిం సంప్రదాయం ప్రకారం వీరి పెళ్లి జరిగిన ట్లు తెలుస్తోంది. ∙ముఫ్తీ అనాజ్, సనాఖాన్ -
సినిమాలకు 'కత్తి' హీరోయిన్ గుడ్బై
బాలీవుడ్ నటి, హిందీ బిగ్బాస్ మాజీ కంటెస్టెంట్ సనా ఖాన్ సంచలన నిర్ణయం తీసుకున్నారు. సినీ పరిశ్రమ నుంచి వైదొలుగుతున్నట్లు ప్రకటించారు. ఈ మేరకు ఇన్స్టాగ్రామ్లో ఇంగ్లీష్, హిందీ, ఉర్దూ భాషల్లో రాసి ఉన్న సుదీర్ఘ లేఖను అభిమానులతో పంచుకున్నారు. చిత్ర పరిశ్రమ తనకు పేరు ప్రఖ్యాతలు, గౌరవ సంపదలు అన్నిటినీ ఇచ్చిందని చెబుతూనే ఇకపై తాను సేవా మార్గంలో నడిచేందుకు సంకల్పించానని వెల్లడించారు. "నేను ఈ రోజు నా జీవితంలో అత్యంత కీలకమైన విషయం గురించి మాట్లాడుతున్నాను. కొన్ని సంవత్సరాలుగా నేను చిత్ర పరిశ్రమలో ఉన్నాను. అభిమానుల ఆశీర్వాదాలతో పేరు, డబ్బు, గౌరవం ఇలా అన్నింటినీ సంపాదించుకున్నాను. కానీ కొన్ని రోజులుగా నాలో అంతర్మథనం మొదలైంది. ఓ మనిషి ఈ ప్రపంచంలోకి అడుగు పెట్టేది కేవలం డబ్బు, పేరు సంపాదించడానికి మాత్రమేనా?" (చదవండి: నేహా పెళ్లిపై స్పందించిన మాజీ ప్రియుడు!) "నిస్సహాయుల సేవలో గడపడం అవసరం కాదా? ఒకవేళ మనిషి ఏ క్షణంలోనైనా మరణిస్తే ఆ తర్వాత ఏం జరుగుతుంది? చాలా కాలంగా ఈ ప్రశ్నలకు సమాధానాలు వెతుకుతున్నాను. నిజంగా నేను చనిపోయాక ఏం జరుగుతుందనేది తెలుసుకోవాలనుంది. దీనికి నా మతంలోనే సమాధానం లభించింది. మరణించాక మంచి జీవితం పొందడం కోసమే ఈ జీవితం. ఈ ఉన్న జీవితాన్ని నిస్సహాయులకు సేవ చేస్తూ తరించాలన్నదే ఆ దేవుడి ఆజ్ఞ.. అందుకే నేను నా సినీ ప్రపంచానికి శాశ్వతంగా గుడ్బై చెప్తున్నాను. ఇక నుంచి దేవుడి ఆదేశాల ప్రకారమే సేవామార్గంలో వెళ్తాను" అని రాసుకొచ్చారు. కాగా సనాఖాన్ తెలుగులో నందమూరి కల్యాణ్ రామ్ "కత్తి", మంచు మనోజ్ "మిస్టర్ నూకయ్య" సినిమాల్లోనూ నటించారు. హిందీలో పలు సినిమాల్లో నటించిన ఆమె బిగ్బాస్ 6వ సీజన్లో పాల్గొన్నారు. ఆ మధ్య కొరియోగ్రాఫర్ మెల్విన్తో కొన్నాళ్లపాటు ప్రేమాయణం కూడా జరిపారు. కానీ ఇద్దరి మధ్య బేధాభిప్రాయాలు తలెత్తడంతో అతనికి బ్రేకప్ చెప్పి వార్తల్లో నిలిచారు (చదవండి: అదో బోగస్ ప్రచారం.. సిగ్గుతో ఉరేసుకోండి!) -
వ్యక్తిత్వం లేనివాడు, నీచుడు: నటి
ముంబై: తన మాజీ ప్రియుడు మెల్విన్ లూయీస్ వ్యక్తిత్వం లేని వాడని, ఎంతో మంది టీనేజర్లను మోసం చేశాడని బిగ్బాస్ మాజీ కంటెస్టెంట్, నటి సనా ఖాన్ అన్నారు. అతడి కారణంగా తనతో పాటు మరెంతో మంది అమ్మాయిలు ఇబ్బందులు ఎదుర్కొన్నారని పేర్కొన్నారు. కొరియోగ్రాఫర్గా గుర్తింపు పొందిన మెల్విన్, సనా ఖాన్ చాన్నాళ్ల పాటు ప్రేమలో మునిగితేలిన సంగతి తెలిసిందే. ఈ క్రమంలో కొన్నాళ్ల క్రితం వీరి మధ్య అభిప్రాయ భేదాలు తలెత్తడంతో ఒకరికి ఒకరు దూరంగా ఉంటున్నారు. ఈ నేపథ్యంలో సనా ఖాన్ బుధవారం ఓ వెబ్సైట్తో మాట్లాడుతూ... మెల్విన్ గురించి సంచలన వ్యాఖ్యలు చేశారు. ‘‘అతడు 17-18 ఏళ్ల అమ్మాయిలను కూడా వదిలిపెట్టలేదు. ఎంతో మందిని మోసం చేశాడు. ఈ విషయం గురించి నాకు ఓ అడ్వకేట్ చెప్పారు. ఓ పద్దెనిమిదేళ్ల యువతిని మెల్విన్ గర్భవతిని చేశాడట. ఆ తర్వాత తనకు దూరంగా ఉండటంతో సదరు యువతి డిప్రెషన్లోకి వెళ్లిందట. ఇక మరో అమ్మాయికి డ్రగ్స్ ఇచ్చి.. అత్యాచారం చేయాలని చూశాడట. ఇలా వాళ్లిద్దరే కాదు ఎంతో మంది మెల్విన్ కారణంగా మానసిక వ్యథ అనుభవించారు. అయితే వాళ్లంతా సాధారణ అమ్మాయిలు కావడంతో అతడి నిజ స్వరూపం గురించి బయటపెట్టే సాహసం చేయలేదు. బయట ఎంతో సంస్కారవంతుడిగా కనిపించే మెల్విన్ నిజంగా వ్యక్తిత్వం లేని వాడు. నీచుడు’’ అని సనాఖాన్ చెప్పుకొచ్చారు.(‘అలా చేస్తేనే ఇండస్ట్రీలో రాణిస్తావు అన్నాడు’) ఇక తనకు సంబంధించిన ప్రతీ విషయంలోనూ మెల్విన్ అతిగా స్పందించేవాడని సనాఖాన్ తెలిపారు. ‘‘ప్రేమలో పడిన కొత్తలో మన బంధం గురించి అందరికీ తెలియాలంటూ తను నాతో చెప్పేవాడు. అలా అయితేనే వేరే అబ్బాయిల పేరుతో నా పేరును ముడిపెట్టరంటూ సర్దిచెప్పేవాడు. అదే విధంగా ప్రతీ షోలోనూ తన గురించి మాట్లాడాలని బలవంతపెట్టేవాడు. అంతేకాదు ఎవరైనా నన్ను ఒంటరిగా కలుస్తానంటే అస్సలు ఒప్పుకొనేవాడు కాదు. ఒకవేళ అలాంటి పరిస్థితి వస్తే నా వెంటే వచ్చి.. నాతో పాటే కూర్చునేవాడు. నాకు తెలిసి తన నిజ స్వరూపం బయటపడకుండా ఉండాలనే ఇదంతా చేసి ఉంటాడు’’ అని ఆమె పేర్కొన్నారు. కాగా హిందీ బిగ్బాస్ సీజన్-6లో పాల్గొన్న సనా ఖాన్, పలు బాలీవుడ్ సినిమాల్లోనూ నటించారు. అదే విధంగా కళ్యాణ్ రామ్ ‘కత్తి’, మంచు మనోజ్ ‘మిస్టర్ నూకయ్య’ సినిమాలతో తెలుగు ప్రేక్షకులను కూడా పలకరించిన సంగతి తెలిసిందే.(నేను బాగా మందేస్తా, అదేమైనా నేరమా: నటి) -
వివాదంలో చిక్కుకున్న నటి బాయ్ ఫ్రెండ్
ముంబై: బాలీవుడ్ నటి సనా ఖాన్ బాయ్ ఫ్రెండ్ మరోసారి వివాదంలో చిక్కుకున్నాడు. అపార్ట్ మెంట్లో సీక్రెట్ కెమెరాలు అమర్చి యువతలును టాపింగ్ చేయాలని ట్రై చేస్తున్నాడని సనా బాయ్ ఫ్రెండ్ ఇస్మాయిల్ ఖాన్ పై అపార్ట్ మెంట్ సొసైటీ సభ్యులు ఫిర్యాదు చేశారు. గతంలో విడుదలైన సల్మాన్ ఖాన్ మూవీ'జై హో' తో బాలీవుడ్ లో తనకంటూ పేరు సంపాదించుకున్న నటి సనాఖాన్. వీరికి వివాదాలలో తలదూర్చడం కొత్తేమీ కాదు. గతంలో ఓ మీడియా కన్సల్టెంట్ ను బెదిరించిన కేసులో సనాతో పాటు ఆమె ప్రియుడు ఇస్మాయిల్ ను పోలీసులు అరెస్ట్ చేసిన విషయం తెలిసిందే. ఆ తర్వాత కోర్టు వారికి బెయిల్ మంజూరు చేసింది. మరోవైపు ఇందులో తన తప్పిదం ఏం లేదని ఇస్మాయిల్ చెబుతున్నాడు. కొన్నేళ్ల కిందటే అపార్ట్ మెంట్లో ఫ్లాట్ కొనుక్కున్నానని, తన వ్యక్తిగత భద్రత కోసం సీక్రెట్ కెమెరాలు అమర్చి చాలా కాలం అయిందని తెలిపాడు. 2011లో తనకారును ఎవరో డామేజ్ చేశారని ఆరోపించాడు. ఆగస్టు 2న వార్షిక సమావేశం సందర్భంగా కెమెరాలను తీసేయాలని సొసైటీ సభ్యులు అతడికి సూచించారు. వారి మాట వినకపోతే ఆగస్టు 11న నోటీసులు పంపించారు. అప్పటికీ స్పందించని కారణంగా 25న ఓషివార పోలీస్ స్టేషన్లో ఫిర్యాదుచేశారు. అపార్ట్ మెంట్ ఆడవాళ్లు ఇస్మాయిల్ సీక్రెట్ కెమెరాలతో చాలా ఇబ్బందులకు గురవుతున్నారని ఫిర్యాదులో పేర్కొన్నారు. పోలీసులు ప్రాథమిక విచారణ చేపట్టారు. సీక్రెట్ కెమెరాలు అమర్చడానికి తీసుకున్న పర్మిషన్ లేఖను సమర్పించాలని పోలీసులు అతడికి సూచించారు. -
'ఆ షోలో పాజిటివ్ ఎనర్జీ తీసుకొస్తా'
న్యూఢిల్లీ:తరుచు వివాదాలు చోటు చేసుకునే బిగ్ బాస్ షోలో పాజిటివ్ ఎనర్జీని తీసుకొస్తానని బాలీవుడ్ నటి సనాఖాన్ స్పష్టం చేసింది. బిగ్ బాస్ -6 పాల్గొంటున్న సనా.. ఆ షోలో సానుకూల వాతావరణాన్ని తీసుకొస్తానని తెలిపింది. ఈ షో సందర్భంగా శనివారం రాత్రి ముచ్చటించిన ఈ ముద్దుగుమ్మ.. బిగ్ బాస్ కొత్త సిరీస్ లో కొత్త ఊపిరి నింపుతానని తెలిపింది. ఈ రియాల్టీ షో కు సంబంధించిన ప్రణాళికలు సిద్ధం చేసుకుంటున్నట్లు సనాఖాన్ తెలిపింది. ఇప్పటికే చాలా మంది బిగ్ బాస్ లో భాగస్వామ్యం అయినా.. తానొక ప్రత్యేక పర్సనాలిటీనని సనా తెలిపింది. దీంతో తాను కూడా తప్పక ప్రత్యేక గుర్తింపు పొందుతానని ఆశాభావాన్ని వ్యక్తం చేసింది. ఒక స్టైల్ లోనే కాకుండా దుస్తులు, హై వీల్స్, లాఫింగ్ తదితర వాటితో ఆకట్టుకుంటానని సనా పేర్కొంది.ఈ బిగ్ బాస్ సిరీస్ కు ముఖ్య అతిథిగా ఫిల్మ్ మేకర్, కొరియాగ్రాఫర్ ఫరాఖాన్ వ్యవహరిస్తున్నారు. -
ఆమే నన్ను మోసం చేసింది!
నాగార్జున ‘గగనం’, కల్యాణ్రామ్ ‘కత్తి’, మనోజ్ ‘మిస్టర్ నూకయ్య’ చిత్రాల్లో నటించిన సనాఖాన్ మనవాళ్లకు పరిచయమే. ఎప్పుడూ ఏదో ఒక వివాదంతో వార్తల్లో ఉండే నటి ఆమె. వ్యక్తిగత విషయాలను మీడియాకు లీక్ చేశారని ఆరోపిస్తూ, మీడియా కన్సల్టెంట్ అయిన ఒక మహిళపై దాడి చేసినందుకు గాను సల్మాన్ఖాన్ ‘జై హో’ చిత్ర ఫేమ్ సనా ఖాన్నూ, ఆమె బాయ్ఫ్రెండ్ ఇస్మాయిల్ ఖాన్నూ ఇటీవల అరెస్ట్ చేసిన సంగతి తెలిసిందే. ఆ వ్యవహారంలో వారిని ఆనక జామీనుపై విడుదల చేశారు. అయితే, ఈ మొత్తం వ్యవహారంపై సనా ఖాన్ వాదన మాత్రం మరోలా ఉంది. నిజానికి, మీడియా కన్సల్టెంట్ అయిన పూనమ్ ఖన్నాయే తమను మోసం చేశారంటున్నారు. ‘‘ఆధ్యాత్మిక శక్తులున్న వ్యక్తిలా నటిస్తూ, పూనమ్ ఖన్నా మాకు దగ్గరయ్యారు. మా కుటుంబంలో నేనొక్కదాన్నే సంపాదనపరురాలిని కావడంతో, భవిష్యత్తు కోసం స్థిరాస్తులు కొనాలనుకున్నాను. అక్కడ కూడా డబ్బుల విషయంలో ఆమె మమ్మల్ని నమ్మించి, మోసం చేశారు. విషయం తెలిసి ఆమెకు కొంతకాలంగా దూరంగా ఉంటున్నా. నా డబ్బులు వాపసు ఇవ్వాల్సిందిగా అడిగినప్పుడల్లా ఆరోగ్యం బాగా లేదంటూ ఆసుపత్రిలో చేరుతోందామె’’ అని సనా ఖాన్ వాదిస్తున్నారు. పూనమ్ చేతుల్లో ఇప్పటికే చాలా మంది మోసపోయారనీ, ఆమెపై ఇప్పటికే 8 కేసులు పెండింగ్లో ఉన్నాయనీ ఆమె పేర్కొన్నారు. ‘‘ఈ వ్యవహారం చివరికంటా తేల్చుకుంటాను. నిజం నిరూపిస్తాను’’ అని ఈ నటి అంటున్నారు. మొత్తానికి, సనా ఖాన్ వాదనతో కథ కొత్త మలుపు తిరిగింది. -
'కత్తి' హీరోయిన్ అరెస్ట్, విడుదల
ముంబై: తెలుగు చిత్రం 'కత్తి' లో హీరోయిన్ గా నటించిన సనా ఖాన్, ఆమె బాయ్ ఫ్రెండ్ ఇస్మాయిల్ ఖాన్ అరెస్ట్ ఘటన ఆలస్యంగా వెలుగులోకి వచ్చింది. సనా ఖాన్, ఇస్మాయిల్ ఖాన్ లను బుధవారం ఉదయం అరెస్ట్ చేసి అంధేరి కోర్టుకు తీసుకెళ్లామని, అదే రోజు వారు బెయిల్ పై విడుదలయ్యారని అంబోలి పోలీసుల తెలిపారు. ఈ కేసులో తగిన ఆధారాల కోసం సేకరిస్తున్నామని పోలీసు ఇన్స్ పెక్టర్ వెల్లడించారు. తనను బెదిరించడమే కాకుండా, వేధింపులకు కూడా పాల్పడుతున్నారని సనా, ఇస్మాయిల్ లపై ఓ మహిళ ఫిర్యాదు చేశారని పోలీసులు తెలిపారు. ఇదిలా ఉండగా.. ఓ జిమ్ వద్ద దాడి చేశారని సనా, ఇస్మాయిల్ లపై సోహిల్ ఖాన్ అనే నటుడు కూడా ఫిర్యాదు చేసినట్టు తెలుస్తోంది. టాలీవుడ్ నటుడు కళ్యాణ్ రామ్ సరసన కత్తి, మంచు మనోజ్ తో మిస్టర్ నూకయ్య చిత్రంలో సనా ఖాన్ నటించింది. Follow @sakshinews -
బెదిరింపు కేసులో బాలీవుడ్ నటి అరెస్ట్
ముంబై: ఓ మీడియా కన్సల్టెంట్ను బెదిరంచిన కేసులో బాలీవుడ్ నటి సనా ఖాన్ను పోలీసులు అరెస్ట్ చేశారు. సనా ఖాన్తో పాటు ఆమె బాయ్ఫ్రెండ్ ఇస్మాయిల్ ఖాన్ వారి సహాయకుడు రాము కనోజియాను అరెస్ట్ చేసి కోర్టులో హాజరు పరిచారు. కోర్టు వారికి బెయిల్ మంజూరు చేసింది. సనా ఖాన్కు సంబంధించి ఓ వార్త ఇటీవల ప్రచురితమైంది. పూనమ్ ఖన్నా అనే మీడియా కన్సల్టెంట్ ఈ వార్తను అందించిందని భావించిన సనా ఖాన్, ఇస్మాయిల్ ఆమెను బెదిరించి అనుచితంగా ప్రవర్తించారు. పూనమ్ ఫిర్యాదు మేరకు సనా ఖాన్, ఇస్మాయిల్పై కేసు నమోదు చేసినట్లు పోలీసులు తెలిపారు. -
రోడ్డు ప్రమాదంలో పాక్ నటి సనాఖాన్ మృతి!
పాకిస్థాన్ లోని హైదరాబాద్ కు సమీపాన జరిగిన రోడ్డు ప్రమాదంలో పాక్ సినీ నటి సనా ఖాన్ మృతి చెందారు. ప్రమాదం జరిగిన సమయంలో భర్త బాబర్ ఖాన్ తో కలిసి కారులో ప్రయాణిస్తున్నట్టు సమాచారం. కారు అదుపు తప్పడంతో ప్రమాదం జరిగినట్టు పాకిస్థాన్ మీడియా వెల్లడించింది. ప్రమాదంలో బాబర్, సనా ఖాన్ తీవ్రంగా గాయపడ్డారు. సమాచారం అందుకున్న వైద్య బృందం ప్రమాదస్థలానికి చేరుకుని గాయపడిన ఇద్దర్నిలియాకత్ యూనివర్సిటీ ఆస్పత్రిలో తరలించారు. ఎలాంటి వైద్యం అందకుండానే సనా ఖాన్ మరణించినట్టు తెలిపారు. బాబర్ ఖాన్ పరిస్థితి విషమంగా ఉన్నట్టు తెలుస్తోంది. -
కారు ప్రమాదంలో నటి సనాఖాన్ మృతి
కరాచీ: పాకిస్తాన్ నటి సనా ఖాన్ కారు ప్రమాదంలో దుర్మరణం చెందింది. పాకిస్తాన్ లోని హైదరాబాదుకు ముప్పై కిలో మీటర్ల దూరంలో సూపర్ జాతీయ రహదారిపై ఈ దుర్ఘటన జరిగింది. సనా ఖాన్ భర్త బాబర్ ఖాన్ కారు నడుపుతున్న సమయంలో కారు అదుపుతప్పి బోల్తా కొట్టింది. దీంతో సనా ఖాన్ కు , బాబర్ కు తీవ్ర గాయాలయ్యాయి. ఈ ప్రమాద సమాచారం అందుకున్న పోలీసులు, అంబులెన్స్ సాయంతో అక్కడికి చేరుకున్నారు. హుటాహుటినా వారిని ఆస్పత్రికి తరలించారు. కాగా ఆస్పత్రికి చేరుకునే సరికే సనా ఖాన్ మృతిచెందినట్లు వైద్యులు ధ్రువీకరించారు. ప్రస్తుతం ఆస్పత్రిలో చికిత్స పొందుతున్న బాబర్ పరిస్థితి విషమంగా ఉన్నట్లు తెలుస్తోంది. శుక్రవారం జరిగిన ఈ ప్రమాద ఘటన ఆలస్యంగా వెలుగుచూసింది. -
సల్మాన్ఖాన్కి స్పెషల్ ఫ్రెండట!
సనాఖాన్... ఈ పేరు తెలుగు ప్రేక్షకులకు సుపరిచితమే. కల్యాణ్రామ్ కత్తి, మిస్టర్ నూకయ్య, గగనం సినిమాల్లో నటించింది సనా. ఈ ముంబయ్ ముద్దుగుమ్మ నటించిన ఒక్క తెలుగు సినిమా కూడా విజయం సాధించలేదు. పోనీ ఇతర భాషల్లోనైనా విజయాలున్నాయా? అంటే.. అదీ లేదు. విజయాలు లేకపోతేనేం... ఇప్పుడు సనాఖాన్ రేంజ్ సౌత్లో ఏ హీరోయిన్కీ లేదనే చెప్పాలి. దానికి కారణం.. ‘జైహో’. సనాఖాన్లో ఏ ప్రత్యేకత చూశాడో కానీ... ఏకంగా తన సినిమాలో కథానాయికను చేసేశాడు కండలవీరుడు సల్మాన్ఖాన్. ‘జైహో’ సినిమాలో టబు ఓ హీరోయిన్గా నటిస్తున్నా, గ్లామర్ బరువు మోసే బాధ్యత మాత్రం సనాదే. స్టార్ హీరోయిన్లకు కూడా దక్కని అవకాశం సనాకు దక్కడం ఇప్పుడు పెద్ద చర్చకే దారితీసింది. సల్మాన్ఖాన్ విశాల హృదయం గురించి ప్రత్యేకించి చెప్పాల్సిన పనిలేదు. ‘టాలెంట్ ఉంది’ అనుకుంటే చాలు.. తన పక్కన చోటు ఇచ్చేస్తుంటారాయన. ఐశ్వర్యరాయ్, కత్రినాకైఫ్, అసిన్, స్నేహా ఉల్లాల్ ఇలా చెప్పుకుంటూ పోతే... సల్మాన్ పుణ్యమా అని స్టార్లైన వారి లిస్ట్ పెద్దదే. వారిలో ఇప్పుడు సనా కూడా చేరబోతోందన్నమాట. ఇటీవల జరిగిన సల్మాన్ పుట్టినరోజు వేడుకలో హడావిడి అంతా సనాదే. ఆ పార్టీలో సనా సందడి చూసి చెవులు కొరుక్కోవడం అక్కడున్నవారి వంతైంది. ‘సల్మాన్ పార్టీలో నైట్ అవుట్ చేయడం నా అదృష్టం’ అంటూ రెండో రోజు ట్విట్టర్లో పోస్ట్ చేశారు సనా. ఈ విషయంపై మీడియా సల్మాన్ని వివరణ అడగ్గా.. ‘సనా నా స్పెషల్ ఫ్రెండ్. అందుకే అలా ట్వీట్ చేసుంటుంది’ అంటూ చిరునవ్వులు చిందించారట. -
నేను ఐటమ్ గర్లా?
నేనేమీ ఐటమ్ సాంగ్స్ చేసే నటినా అంటూ ఆగ్రహంతో ఊగిపోయిందట నటి సానా ఖాన్. ఈ భామ శింబు సరసన సిలంబాట్టం చిత్రం ద్వారా పరిచయమైంది. ఆ తరువాత తంబిక్కు ఇందవూరు, ఆయిరం విళక్కు తదితర చిత్రాల్లో నటించినా హీరోయిన్గా ఆశించిన స్థాయికి చేరుకోలేకపోయింది. అదే విధంగా అవకాశాలు కరువవ్వడంతో తెలుగు, కన్నడం, మలయాళం చిత్ర పరిశ్రమలపై దృష్టి సారించింది. తెలుగులో కత్తి, మిస్టర్ నూకయ్య వంటి చిత్రాల్లో నటించినా అక్క డ క్రేజ్ పాదించుకోలేకపోయింది. ఆ మధ్య కై్లమాక్స్ అనే మలయాళ చిత్రంలో చేసింది. ఈ చిత్రం సానాఖాన్ను ఆదుకోలేదు. అయితే ఈ అమ్మడికి బాలీవుడ్లో అదృష్టం పరీక్షించుకునే అవకాశం వచ్చింది. సల్మాన్ఖాన్ సరసన జయ్హో చిత్రంలో నటిస్తోంద ట. అయితే దక్షిణాదిలో ఐరన్ లెగ్ ముద్రపడటంతో తమిళ చిత్రంలో ఐటమ్ సాంగ్ చేయమని అడిగారట. దీంతో ఈ బ్యూటీ తాను ఐటమ్ గర్ల్ మాదిరి కనిపిస్తున్నానా అంటూ ఆగ్రహంతో రెచ్చిపోయిందట. తాను నటించి న హిందీ చిత్రం జయహో త్వరలో విడుదలకానుంది. ఆ తరువాత తెలుస్తుంది తన రేంజ్ ఏమిటో అంటూ దర్శక నిర్మాతలపై చిర్రు బుర్రులాడిందట. -
సనాఖాన్ కు ముంబై కోర్టులో ఎదురుదెబ్బ!
మైనర్ బాలిక కిడ్నాప్ చేసినట్టు ఆరోపణలు ఎదుర్కొంటున్న బాలీవుడ్ తార సనా ఖాన్ కు బొంబాయి కోర్టులో చుక్కెదురైంది. బాలిక కిడ్నాప్ కు మీ కారు వాడినట్లు సాక్ష్యాలున్నట్టు స్పష్టం కనిపిస్తుంటే కేసును ఎలా కొట్టివేస్తాం అని సనాఖాన్ ను కోర్టు ప్రశ్నించింది. అంతేకాకుండా మీ బీఎండబ్ల్యూ కారు ఉపయోగించినప్పడు ఈ కేసుతో సంబంధం లేదని ఎలా అంటారు, కేసును ఎలా కొట్టివేస్తాం అని న్యాయమూర్తి ప్రశ్నించారు. సనా ఖాన్ దాఖలు చేసిన పిటిషన్ ను జస్టిస్ ధర్మాధికారి, గౌతమ్ పటేల్ లు విచారించారు. ఈ కేసులో విచారణ పూర్తైందని, వచ్చేవారంలో రోజుల్లో చార్జిషీట్ దాఖలు చేయనున్నట్టు అడిషినల్ పబ్లిక్ ప్రాసిక్యూటర్ పూర్ణిమా కంథారియా వెల్లడించారు. కిడ్నాప్ వ్యవహారంలో సనా ఖాన్ కారు వాడటంతోపాటు ఆమె పాత్ర ఉందంటూ ఆరోపణలు చేస్తూ నవీ ముంబై పోలీసులు కేసు నమోదు చేశారు. ఈ కేసులో గత జూన్ లో దిగువ కోర్టులో ముందస్తు బెయిల్ తీసుకుంది. ఈ కేసులో సనా ఖాన్ నవేద్ తో పాటు మరో ముగ్గురిని అరెస్ట్ చేశారు. సనాఖాన్ మేనల్లుడు నవేద్ ఖాన్ కు సోషల్ మీడియా వెబ్ సైట్ ద్వారా 15 ఏళ్ల అమ్మాయి పరిచయమైందని, కొన్నాళ్ల తర్వాత అమ్మాయికి నవేద్ వివాహం చేసుకుందామని ప్రతిపాదించగా, ఆమె నిరాకరించినట్టు పోలీసులు వెల్లడించారు. ఓ రోజు ఇంటికి వెళుతుండగా, బీడబ్ల్యూ వాహనాన్ని సనాఖాన్ నడుపుతుండగా మరో ముగ్గురు ఆ బాలికను కారులోకి లాగడానికి ప్రయత్నించారని.. దాంతో ఆ అమ్మాయి తప్పించుకుని.. పోలీసులకు ఫిర్యాదు చేశారు. బాలీవుడ్ నటుడు సల్మాన్ ఖాన్ నటిస్తున్న మెంటల్ చిత్రంలో సనా ఖాన్ హీరోయిన్ గా నటిస్తోంది. -
16 భాషల్లో సిల్క్స్మిత జీవితకథ
నటి సిల్క్స్మిత జీవిత చరిత్ర చాలా ప్రాచుర్యం పొందింది. శృంగారతారగా ఆమె దక్షిణాది, ఉత్తరాది చిత్రాల్లో రాణించారు. అయితే అర్ధాంతరంగా కన్నుమూశారు. సిల్క్స్మిత జీవిత ఇతివృత్తంతో బాలీవుడ్లో ది దర్టీ పిక్చర్ పేరుతో రూపొందిన చిత్రం ఘన విజయం సాధించింది. ఆమె పాత్రను పోషించిన విద్యాబాలన్ జాతీయ ఉత్తమ నటి అవార్డు అందుకున్నారు. సిల్క్ జీవిత కథతో ఇటీవల మలయాళంలో క్లైమాక్స్ పేరుతో మరో చిత్రం తెరకెక్కింది. స్మిత పాత్రను సానాఖాన్ పోషించింది. ఈ చిత్రం తమిళంలో ఒరునడిగైయిన్ డైరీ పేరుతో అనువాదం అయింది. తాజాగా కన్నడంలో సిల్క్ జీవిత కథతో సిల్క్ సక్కత్ మగ పేరుతో ఒక చిత్రం తెరకెక్కుతోంది. ఇందులో పాకిస్తాన్ నటి వీణామాలిక్ నటిస్తోంది. త్రిసూల్ దర్శకత్వం వహిస్తున్న ఈ చిత్రాన్ని 16 భాషలలో అనువదించి విడుదల చేయనున్నారు. ఈ చిత్రాన్ని పలు భాషలలో విడుదల చేయడానికి నిర్మాతలు ముందుకొస్తున్నారని త్రిసూల్ తెలిపారు.