పట్టు మెరుపు కుప్పలు పోసినట్టు... సిల్క్ సోయగాలు రాశులై వెలసినట్టు వస్త్ర ప్రియులను మైమరిపిస్తోంది సిల్క్ ఇండియా సిల్క్ వస్త్ర ప్రదర్శన. ఆగ్రాకు చెందిన కృష్ణా ఖాదీ గ్రామోద్యోగ్ సంస్థాన్ ఆధ్వర్యంలో బంజారాహిల్స్ ఖాజా మాన్షన్ హాల్‌లో ఏర్పాటు చేసిన ఈ వస్త్ర ప్రదర్శన 100కు పైగా చేనేత కళాకారుల పనితనానికి పట్టం కట్టింది.
  
 డిజైనర్ చీరలు, డ్రెస్ మెటీరియల్స్, సూట్స్, కుర్తా, స్టోల్స్, దుపట్టా వంటి వెరైటీలతో పాటు జ్యువెలరీ, యాక్సెసరీస్ ఇక్కడి స్టాల్స్‌లో ఆకట్టుకొంటున్నాయి. ఈ నెల 6 వరకు కొనసాగే ఈ ప్రదర్శనలోని ఉత్పత్తులను ఎమ్మెల్యే కిషన్‌రెడ్డి, గాయకులు గీతామాధురి, పార్థసారథి ఆసక్తిగా తిలకించారు.
  -   సాక్షి, సిటీ ప్లస్