అల్లు అర్జున్‌ లేటెస్ట్ మూవీ 'పుష్ప 2'. డిసెంబర్ 5న విడుదలైన ఈ చిత్రానికి సూపర్ హిట్ టాక్ వచ్చింది. తెలుగు రాష్ట్రాలతో పాటు దేశవ్యాప్తంగా మంచి హైప్ నడుస్తోంది. బుకింగ్స్ కూడా మంచి జోరుగా సాగుతున్నాయి. అలాంటిది ముంబైలోని ఓ థియేటర్‌లో అనుకోని సంఘటన జరిగింది. దీంతో థియేటర్‌లో ఉన్నవాళ్లు ఉక్కిరిబిక్కిరి అయ్యారు.(ఇదీ చదవండి: ఈ శుక్రవారం ఓటీటీల్లోకి వచ్చేసిన 19 సినిమాలు)గురువారం రాత్రి ముంబైలోని బాంద్రా గెలక్సీలోని థియేటర్‌లో పుష్ప 2 సినిమా ప్రదర్శిస్తున్న సమయంలో స్ప్రే కలకలం సృష్టించింది. ఇంటర్వెల్ తర్వాత ప్రేక్షకులు దగ్గుతో పాటు ఊపిరి పీల్చుకోవడానికి ఇబ్బందిపడ్డారు. దీంతో 15నిమిషాల పాటు మూవీని ఆపేశారు. ఈ ఘటనపై పోలీసులు ఆరా తీస్తున్నారు. పెప్పర్ స్ప్రేతో ఎటాక్ జరిగినట్లు పోలీసులు భావిస్తున్నారు. మరి ఇది ఎవరు ఎందుకు చేశారనేది సందేహంగా మారింది.(ఇదీ చదవండి: థియేటర్‌లో మహిళ మృతి.. తెలంగాణలో ఇకపై బెన్ ఫిట్ షోలు నిషేధం)Mumbai: During the film Pushpa 2: The Rule show at Gaiety Galaxy Theatre in Bandra, a substance was sprayed, causing people to cough and experience difficulty breathing pic.twitter.com/zN9RrTvgkY— IANS (@ians_india) December 5, 2024ముంబైలోని బాంద్రా గెలాక్సీ థియేటర్లో 'పుష్ప-2' షో లో స్ప్రేతో ఎటాక్.ఇంటర్వెల్ తర్వాత ప్రేక్షకులు దగ్గుతో పాటు ఊపిరి పీల్చుకోవడానికి ఇబ్బందిపడ్డారు. దీంతో 15నిమిషాల పాటు మూవీని ఆపేశారు.పెప్పర్ స్ప్రేతో ఎటాక్ జరిగినట్లు పోలీసులు భావిస్తున్నారు.#Pushpa2 #AlluArjun pic.twitter.com/GgsqPILDZ0— greatandhra (@greatandhranews) December 6, 2024

ఇంట్లోని ఇలాంటి చిన్న చిన్న వస్తువులను మన్నికగా, శుభ్రంగా ఉంచడంలో ఇబ్బంది పడుతున్నరా!? అయితే ఈ సూపర్ కిచెన్ టిప్స్ మీకోసమే.బట్టల మీద పడిన ఇంక్‌ మరకలు పోవాలంటే.. ఇంక్‌ మరకలపై కొద్దిగా నీళ్లు చల్లాలి. ఇప్పుడు టూత్‌ పేస్టును అప్లై చేసి బ్రష్‌తో రుద్ది నీటితో వాష్‌ చేస్తే ఇంక్‌ మరకలు ఇట్టే పోతాయి.మినరల్‌ వాటర్‌ క్యాన్‌లో రెండు టేబుల్‌ స్పూన్ల రాళ్ల ఉప్పు, టీస్పూను బేకింగ్‌ సోడా, ఒక నిమ్మకాయ రసం, కొద్ది గోరువెచ్చని నీళ్లు పోసి పదిహేను నిమిషాలు నానబెట్టాలి. తరువాత క్యాన్‌ను పైకీ కిందకు బాగా గిలకొట్టాలి. పది నిమిషాలపాటు ఇలా గిలకొట్టి రెండుమూడుసార్లు నీటితో కడగాలి. తరువాత డిష్‌ వాష్‌ లిక్విడ్‌తో వాటర్‌ క్యాన్‌ బయటవైపు తోముకుంటే క్యాన్‌ మురికి వదిలి కొత్తదానిలా మెరుస్తుంది.స్ప్రే బాటిల్‌లో టేబుల్‌ స్పూను బేకింగ్‌ సోడా, టేబుల్‌ స్పూను వెనిగర్, టీ స్పూను డిష్‌ వాష్‌ లిక్విడ్, రెండు గ్లాసులు నీళ్లు పోసి బాగా కలపాలి. ఈ మిశ్రమాన్ని కిచెన్‌ ΄్లాట్‌ఫాం, స్టవ్‌ మీద చల్లుకుని తుడుచుకుంటే ఎటువంటి క్రిములూ దరిచేరవు. దీనిలో ఎటువంటి రసాయనాలు లేవు కాబట్టి ఆరోగ్యానికి కూడా మంచిదే.ఇవి చదవండి: 'షావోమీ 14 సీవీ మోడల్‌' ఆవిష్కరణ.. సినీతార వర్షిణి సౌందరాజన్‌..

కూలీల సమస్యను అధిగమించడంతోపాటు పెట్టుబడి తగ్గించుకునే ఆలోచనతో ఓ యువరైతు వినూత్న స్ప్రేయర్‌ను రూపొందించారు. ఎడ్లబండిపై పెట్టుకొని ఉపయోగించుకునేందుకు ఈ స్ప్రేయర్‌ అనువైనది కావటం విశేషం. అందరి మన్ననలు అందుకుంటున్న మక్దుం అలీపై ప్రత్యేక కథనం. నారాయణపేట జిల్లా నర్వ మండలం కల్వాల్‌ గ్రామానికి చెందిన మక్దుం అలీ(38)కి మూడెకరాల వ్యవసాయ భూమి ఉంది. ఆర్థిక స్థోమత లేక ఇంటర్‌తోనే చదువు ఆపేసి వ్యవసాయంలో స్థిరపడ్డారు.  సాగునీటి ఇబ్బందులున్నప్పటికీ.. రెండెకరాల్లో కంది, ఆముదాలు, పత్తితోపాటు మరో ఎకరా పొలంలో వరి సాగు చేస్తున్నారు. ఏటా పెట్టుబడి పెరగడం, రాబడి తగ్గుతుండడంతో ఖర్చు ఎలా తగ్గించుకోవాలని ఆలోచిస్తుంటారు. పురుగు మందులతోపాటు కూలీల ఖర్చు తగ్గించేందుకు ప్రయత్నించే క్రమంలో ఈ ఆవిష్కరణ వెలుగుచూసింది. ఎడ్ల బండిపై 5 హెచ్‌పీ ఇంజిన్, స్ప్రే పంపు, బ్యాటరీ, డైనమో, రెండు వైఫర్‌ మోటర్లు, రెండు డ్రమ్ములు, రెండు స్ప్రేయింగ్‌ గన్లతో సుమారు రూ.45 వేల వ్యయంతో అలీ దీన్ని రూపొందించారు. ఎడ్ల బండిపై కూర్చున్న రైతు బండిని తోలుకెళ్తూ ఉంటే.. బండి వెనుక వైపు బిగించిన రెండు స్ప్రేగన్లు ఏకకాలంలో పిచికారీ చేస్తాయి. అటు 20 అడుగులు, ఇటు 20 అడుగుల (దాదాపు ఆరు సాళ్ల) వరకు పురుగుల మందును ఈ యంత్రం పిచికారీ చేస్తుంది. మనిషి అవసరం లేకుండానే రెండు స్ప్రేగన్లు, రెండు డ్రమ్ముల ద్వారా 15 నిమిషాల్లోనే ఎకరం పొలంలో మందు పిచికారీ చేస్తాయి. ఎడ్లబండిపై కూర్చునే వ్యక్తికి, ఎద్దులకు మూడు నుంచి నాలుగు మీటర్ల దూరంలో వెనుక వైపున పురుగుమందు పిచికారీ అవుతున్నందున ఇబ్బంది ఉండదు. అలీని కలెక్టర్‌ ప్రశంసించడమే కాకుండా ‘ఇంటింటా ఇన్నోవేషన్‌’కు ఎంపిక చేశారు. టీహబ్‌ అధికారులూ ప్రశంసించారు. – పెరుమాండ్ల కిషోర్‌ కుమార్, సాక్షి ప్రతినిధి, మహబూబ్‌నగర్‌, ఫొటోలు: సుదర్శన్‌గౌడ్, నర్వ స్ప్రేగన్‌తో వేగంగా మందులు పిచికారీ.. రసాయనిక వ్యవసాయంలో తెగుళ్ల బెడద ఎక్కువ. పంటలపై వాటి తీవ్రత అధికంగా ఉంటుంది. ఒక్కో సందర్భంలో ఒక్క రోజులోనే పంట మొత్తానికి తెగుళ్లు వ్యాపించొచ్చు. నేను రూపొందించిన స్ప్రేగన్‌తో వేగంగా మందులు పిచికారీ చేయొచ్చు. దీంతోపాటు నిర్దేశించిన మేరకు ఖచ్చితత్వంతో ఎరువులు వేసేలా రూ.500 ఖర్చుతో పరికరాన్ని రూపొందించాను. కూలీలు అవసరం లేకుండా రైతు ఒక్కరే ఎరువులు వేసుకోవచ్చు. శాస్త్రవేత్త కావాలన్నది నా సంకల్పం. అయితే ఆర్థిక స్థోమత లేమి కారణంగా చదువు మధ్యలోనే ఆగింది. నాకున్న ఆలోచనతో స్ప్రేగన్‌ తయారు చేసిన. ప్రభుత్వ ప్రోత్సహించాలని కోరుతున్నా. – మక్దుం అలీ (97038 20608), యువ రైతు, కల్వాల్, నర్వ ► గుంటూరులో చిరుధాన్య వంటకాలపై శిక్షణ.. రైతునేస్తం ఫౌండేషన్‌  సహకారంతో కర్షక్‌ సేవా కేంద్రం నిర్వహణలో ఈనెల 30, 31, ఏప్రిల్‌ 1 తేదీలలో ఉ. 10–5 గంటల వరకు చిరుధాన్యాలతో తయారుచేసే వివిధ రకాల వంటకాలపై శిక్షణ కార్యక్రమం గుంటూరు జిల్లా వట్టిచెరుకూరు మండలం పుల్లడిగుంట దగ్గరలోని కొర్నెపాడులోని రైతునేస్తం ఫౌండేషన్‌  రైతు శిక్షణా కేంద్రంలో జరుగుతుంది. మిల్లెట్స్‌ రాంబాబు తదితరులు ప్రత్యక్షంగా చిరుధాన్యాలతో అనేక వంటకాల తయారీ విధానాన్ని తెలియజేస్తారు. వసతి, మిల్లెట్‌ భోజనం సదుపాయం ఉంది. పాల్గొనదలచినవారు 97053 83666 / 95538 25532కు ఫోన్‌ చేసి తప్పనిసరిగా ముందుగా పేర్లు నమోదు చేసుకోవాలని రైతునేస్తం ఫౌండేషన్‌  చైర్మన్‌  వై. వేంకటేశ్వరరావు తెలిపారు. ఇవి చదవండి: సస్యగవ్యతో.. బంజరు భూమి సాగు!

పారిస్‌: ప్రపంచ ప్రఖ్యాత మొనాలిసా పెయింటింగ్‌పైకి పర్యావరణ ఉద్యమకారులు సూప్‌ను స్ప్రే చేశారు. అయితే, పెయింటింగ్‌కు గ్లాస్‌ రక్షణ ఉండటంతో ఎటువంటి నష్ట వాటిల్లలేదు. 16వ శతాబ్దంలో ప్రఖ్యాత చిత్రకారుడు లియోనార్డో డా విన్సీ చేతుల్లో రూపుదిద్దుకున్న మొనాలిసా చిత్రం ప్రస్తుతం సెంట్రల్‌ పారిస్‌లోని లౌవ్రె ప్రదర్శనశాలలో ఉంది. శుక్రవారం ఉదయం ‘రిపోస్టె అలిమెంటయిర్‌’అనే గ్రూపునకు చెందిన ఇద్దరు మహిళా ఉద్యమకారులు గుమ్మడి సూప్‌ను మొనాలిసా పెయింటింగ్‌పైకి స్ప్రే చేశారు. అనంతరం వారు ‘కళ, ఆరోగ్యకరమైన సుస్థిరమైన ఆహార హక్కుల్లో ఏది ముఖ్యమైంది? వ్యవసాయరంగం సమస్యల్లో ఉంది. రైతులు చనిపోతున్నారు. ప్రభుత్వం స్పందించాలి’అని డిమాండ్‌ చేశారు. మ్యూజియం సిబ్బంది వెంటనే వారిని అక్కడి నుంచి ఖాళీ చేయించారు. పెయింటింగ్‌ను తొలగించి, శుభ్రం చేశాక గంట తర్వాత తిరిగి ప్రదర్శనకు ఉంచారు.  మన వారసత్వం మాదిరిగానే ఈ పెయింటింగ్‌ భవిష్యత్‌ తరాలకు చెందాల్సిందని ప్రభుత్వం పేర్కొంది. ఉద్యమకారుల వాదనలో అర్థం లేదని కొట్టిపారేసింది.  ఇంధన ధరలు పెరిగాయని,  నియంత్రణలు ఎక్కువయ్యాయంటూ శుక్రవారం రైతులు పారిస్‌ను దిగ్బంధించారు. గతంలోనూ దెబ్బతింది ప్రదర్శనకు ఉంచిన మొనాలిసా చిత్రంపై 1950లో ఓ సందర్శకుడు యాసిడ్‌ పోశాడు. దీంతో, పెయింటింగ్‌ దెబ్బతింది. అప్పటి నుంచి పెయింటింగ్‌కు రక్షణగా గ్లాస్‌ను ఏర్పాటు చేశారు. 2019లో పారదర్శకమైన బుల్లెట్‌ప్రూఫ్‌ అద్దాన్ని రక్షణగా బిగించారు. 2022లో ఓ ఉద్యమకారుడు భూ గ్రహాన్ని కాపాడాలని కోరుతూ పెయింటింగ్‌పైకి కేక్‌ను విసిరేశాడు.    

టొరంటో: కెనడాలోని గ్రేటర్‌ టొరంటో ప్రాంతంలో హిందీ సినిమాలను ప్రదర్శించే మూడు వేర్వేరు సినిమా హాళ్లలో కలకలం రేగింది. మాస్క్‌ ధరించిన వ్యక్తులు గుర్తు తెలియని రసాయనాన్ని స్ప్రే చేయడంతో ప్రేక్షకులు అసౌకర్యానికి గురయ్యారు. యార్క్‌లోని వౌఘన్‌ సినిమా కాంప్లెక్స్‌లో మంగళవారం రాత్రి 9.20 గంటల సమయంలో ఇలాంటి ఘటన ఒకటి చోటుచేసుకుంది. ఆ సమయంలో థియేటర్‌లో 200 మంది ఉన్నారు. స్ప్రే కారణంగా ప్రేక్షకుల్లో కొందరు దగ్గడం ప్రారంభించారు. శ్వాసలో ఇబ్బందికి గురయ్యారు. పోలీసులొచ్చేసరికే అనుమానితులు పరారయ్యారు. కొందరు బాధితులకు పోలీసులు చికిత్స చేయించారు. ఈ వారంలోనే ఇలాంటి ఘటనలే జరిగినట్లు పీల్, టొరంటోల్లోనూ జరిగినట్లు అక్కడి మీడియా పేర్కొంది. స్కార్‌బరో టౌన్‌ సెంటర్‌లోని థియేటర్‌లో మంగళవారం రాత్రి గుర్తు తెలియని వ్యక్తి దుర్వాసన వెదజల్లే బాంబును అమర్చినట్లు తమకు ఫోన్‌ కాల్‌ వచ్చిందని పోలీసులు తెలిపారు. విద్వేషపూరిత నేరం సహా పలు కోణాల్లో దర్యాప్తు చేపట్టామన్నారు. ఇందుకు సంబంధించి ఎవరినీ అరెస్ట్‌ చేయలేదని చెప్పారు.

భువనేశ్వర్‌: దంచికొడుతున్న ఎండలకు మనుషులే తట్టుకోలేకపోతున్నారు. ఇక పక్షులు, జంతువుల పరిస్థితి ఎలా ఉంటుందో ఊహించుకోండి. ఒడిశాలోని జాజ్‌పూర్ జిల్లా కబటబంధా గ్రామంలో గబ్బిలాలు ఎండ వేడికి విలవిల్లాడిపోతున్నాయి. హీట్‌ స్ట్రోక్‌ కారణంగా మృత్యువాత పడుతున్నాడు. అధిక ఉష్ణోగ్రతలతో మూడు రోజుల్లోనే 8 గబ్బిలాలు మరణించాయి. ఈ గ్రామం సమీపంలో దాదాపు 5వేలకు పైగా గబ్బిలాలు మూడు చెట్లపై నివసిస్తున్నాయి. రోజంతా వీటి చప్పుడు వినిపిస్తూనే ఉంటుంది. అయితే ఎండదెబ్బకు వందల కొద్ది గబ్బిలాలు నేలపై పడిపోతున్నాయి. గ్రామస్థులు వీటిని చూసి చలించిపోతున్నారు. వాటికి ఉపశమనం కల్పించేందుకు వాటర్‌ స్ప్రే కొడుతున్నారు. గబ్బిలాలు పవిత్రమైనమని తాము భావిస్తామని, అందుకే వాటిని 20 ఏళ్లుగా కాపాడుకుంటున్నామని కేశవ్ చంద్ర సాహు అనే స్థానికుడు తెలిపాడు. ఎండ వేడికి తట్టుకోలేక గబ్బిలాలు కిందపడి చనిపోవడం చూస్తుంటే బాధగా ఉందన్నాడు. కాగా.. ఒడిశాలో ఎండలు మండిపోతున్నాయి. పలు జిల్లాల్లో 44 డిగ్రీలకు పైగా ఉష్ణోగ్రతలు నమోదవుతున్నాయి. దీంతో ప్రజలు జాగ్రత్తగా ఉండాలని, అధికారులు సూచిస్తున్నారు.  మరోవైపు రానున్న ఐదు రోజుల్లో ఒడిశాలోని పలు చోట్ల ఉరుములు మెరుపులతో కూడిన భారీ వర్షాలు పడే అవకాశం ఉందని వాతావరణ శాఖ తెలిపింది. చదవండి: దేశవ్యాప్తంగా ఠారెత్తిస్తున్న ఎండలు

వాషింగ్టన్‌: కరోనా వైరస్‌ ఊపిరితిత్తుల్లోకి ప్రవేశించకుండా అడ్డుకునే కొత్త రకం అణువులను అమెరికాలోని జాన్స్‌ హాప్కిన్స్‌ యూనివర్సిటీ ఇంజనీర్లు అభివృద్ధి చేశారు. సన్నగా, పోగుల మాదిరిగా ఉండే వీటిని సుప్రా మాలిక్యులార్‌ ఫిలమెంట్స్‌గా (ఎస్‌ఎంఎఫ్‌) పిలుస్తున్నారు. వీటిని ముక్కులోకి స్ప్రే చేయడం ద్వారా కరోనాతో పాటు సార్స్‌ తదితర వైరస్‌లను కూడా సమర్థంగా అడ్డుకోవచ్చని వారు చెబుతున్నారు. ‘‘కరోనా శ్వాస ద్వారానే సోకుతుందన్నది తెలిసిందే. ఎస్‌ఎంఎఫ్‌ స్పాంజ్‌ మాదిరిగా కరోనా వంటి వైరస్‌లను పీల్చుకుంటుంది. తద్వారా అవి ఊపిరితిత్తుల్లోని కణాలతో కలిసిపోయి వ్యాధి కారకాలుగా మారకుండా చూస్తుంది’’ అని వర్సిటీ అసోసియేట్‌ ప్రొఫెసర్‌ హాంగాంగ్‌ కుయ్‌ వివరించారు. వీటిని ఇప్పటికే ఎలుకలపై విజయవంతంగా ప్రయోగించి చూశారట. కరోనా వైరస్‌ సాధారణంగా ఊపిరితిత్తుల్లోని కణాల్లో ఉండే ఏస్‌2గా పిలిచే రిసెప్టర్‌లోకి తొలుత చొచ్చుకుపోతుంది. తద్వారా కణంలోకి ప్రవేశించి వృద్ధి చెందుతుంది. తాజాగా అభివృద్ధి చేసిన ఎస్‌ఎంఎఫ్‌ల్లో ఫిలమెంట్లలోనూ ఇలాంటి సూడో రిసెప్టర్లుంటాయి. కరోనా వైరస్‌ లోనికి తమవైపు ఆకర్షించి అక్కడే నిలువరిస్తాయి. కరోనా తాలూకు అన్ని వేరియంట్లనూ ఇది సమర్థంగా అడ్డుకుంటుందని పరిశోధకులు చెబుతున్నారు.  

సాక్షి, బనశంకరి: ఏటీఎం కేంద్రంలోకి చొరబడిన దుండగులు ఏటీఎం యంత్రాన్ని ఎత్తుకుని కంటైనర్‌లో ఉడాయించారు. ఈ ఘటన బెళ్లందూరు పోలీస్‌స్టేషన్‌ పరిధిలో చోటుచేసుకుంది. హరళూరు రోడ్డు బ్యాంక్‌ ఆఫ్‌ బరోడా ఏటీఎం కేంద్రంలోకి ఈనెల 10న అర్ధరాత్రి 2.30 సమయంలో చొరబడిన దుండగులు ఏటీఎం యంత్రాన్ని పెకలించి వాహనంలో తీసుకెళ్లారు. మరుసటి రోజు ఉదయం గమనించిన బ్యాంక్‌ అధికారులు ఏటీఎం కేంద్రాన్ని పరిశీలించి బెళ్లందూరు పోలీస్‌స్టేషన్‌లో ఫిర్యాదు చేశారు. దుండగుల  కోసం ప్రత్యేక బృందాలను రంగంలోకి దింపి గాలింపు చేపట్టామని డీసీపీ గిరీష్‌ తెలిపారు. ట్రక్‌తో వచ్చిన దుండగులు ఏటీఎం కేంద్రంలోకి చొరబడి అక్కడ ఉన్న సీసీ కెమెరాకు రంగు స్ప్రే చేశారు. అనంతరం ఏటీఎం యంత్రాన్ని పెకిలించి కంటైనర్‌లో పెట్టుకుని ఉడాయించిన దృశ్యాలు సమీపంలో ఉన్న సీసీ కెమెరాలో నమోదైనట్లు తెలిపారు.  (చదవండి: చికెన్‌ రోల్‌ లేదని.. హోటల్‌కు నిప్పు)

ముంబై: కోవిడ్‌–19 మహమ్మారితో బాధపడేవారికి చికిత్స అందించడానికి తొలిసారిగా భారత్‌లో నాజల్‌ స్ప్రే అందుబాటులోకి వచ్చింది. ముంబైకి చెందిన అంతర్జాతీయ ఫార్మా కంపెనీ గ్లెన్‌మార్క్‌ బుధవారం ముక్కు ద్వారా చికిత్స చేసే నిట్రిక్‌ ఆక్సైడ్‌ స్ప్రే  విడుదల చేసింది. ఫ్యాబీ స్ప్రే అనే బ్రాండ్‌ నేమ్‌తో విడుదల చేసిన ఈ స్ప్రేని కరోనా సోకిన వయోజనుల్లో వాడితే మంచి ఫలితాలు వస్తున్నాయని, ఇది అత్యంత సురక్షితమైనదని  కంపెనీ స్పష్టం చేసింది. కోవిడ్‌–19పై పోరాటంలో ఇప్పటికే ఎన్నో వినూత్న ఆవిష్కరణలు చేసిన సానోటైజ్‌ కంపెనీతో కలిసి సంయుక్తంగా గ్లెన్‌మార్క్‌ ఈ స్ప్రేను తయారు చేసింది. కరోనా వైరస్‌ ఊపిరితిత్తుల్లోకి వెళ్లకుండా నిరోధించడమే లక్ష్యంగా ఈ నాజల్‌ స్ప్రేని రూపొందించారు. కరోనాలో ఎన్నో కొత్త వేరియెంట్లు పుట్టుకొస్తున్న ప్రస్తుత పరిస్థితుల్లో ముక్కు ద్వారా చేసే ఈ థెరపీ బాగా ఉపయోగపడుతుందని గ్లెన్‌మార్క్‌ సీఓఓ రాబర్ట్‌ క్రోకర్ట్‌ చెప్పారు. ఔషధానికి డ్రగ్‌ కంట్రోలర్‌ జనరల్‌ ఆఫ్‌ ఇండియా (డీసీజీఐ) అనుమతులు కూడా లభించాయని ఆయన చెప్పారు. ఇప్పటికే పలు దశాల్లో చేసిన ప్రయోగాలతో ఈ స్ప్రే సమర్థవంతంగా పని చేస్తుందని తేలింది.   ► ఈ స్ప్రే వాడడం వల్ల 24 గంటల్లో 94% వైరస్‌ లోడు తగ్గుతోంది ► 48 గంటల్లో ఏకంగా 99% వైరస్‌ తగ్గిపోతుంది.   ► కరోనా వైరస్‌ని భౌతిక, రసాయన చర్యల ద్వారా ఈ వైరస్‌ ఎదుర్కొంటుంది.   ► వైరస్‌ ఊపిరితిత్తుల్లోకి చేరకుండా నిరోధిస్తుంది ► అమెరికాలో ఉటా యూనివర్సిటీ చేసిన అధ్యయనంలో ఈ స్ప్రే కరోనాలోని ఆల్ఫా, బీటా, గామా, డెల్టా వంటి అన్ని వేరియెంట్‌లపై రెండు నిముషాల్లోనే పని చేస్తుందని తేలింది. 99.9% సమర్థంగా పని చేస్తున్నట్టుగా వెల్లడైంది.   ► కరోనా తగ్గుముఖం పట్టడంతో పాటు  వైరస్‌ వ్యాప్తిని కూడా ఈ స్ప్రే నిరోధిస్తుంది. వైరస్‌ సోకినట్టుగా వెంటనే గుర్తించగలిగితే, వ్యాప్తిని కూడా అరికట్టే అవకాశాలుంటాయి. ఈ స్ప్రే వాడిన రెండు రోజుల్లోనే ఆర్‌టీపీసీఆర్‌ పరీక్షల్లో కూడా నెగిటివ్‌ వస్తుంది.    

సాక్షి, కోదాడ(నల్లగొండ): గతేడాది మిర్చికి మార్కెట్‌లో మంచి రేటు ఉండటంతో ఈ ఏడాది రైతులు ఎంతో ఆశతో మిరప సాగు చేపట్టారు. కానీ, తెగుళ్ల తీవ్రతతో రైతుల ఆశలు ఆవిరయ్యాయి. విపరీతమైన తెగుళ్లతో పంట ఎదుగుదల లేక, పూత రాక.. వచ్చినా కాత నిలవకుండా పోయింది. సూర్యాపేట జిల్లా కోదాడ మండలంలోని రెడ్లకుంటకు చెందిన అంబటి నారాయణ రెండు ఎకరాల్లో మిరప సాగు చేపట్టారు. సాగు చేసిన తర్వాత పంటకు విపరీతంగా తెగుళ్లు సోకడంతో పురుగు మందులతో పాటు సేంద్రియ ద్రావణాలను కూడా దాదాపు 38 సార్లు స్ప్రే చేశాడు. రెండు ఎకరాల సాగు కోసం రూ.లక్షా 25 వేల పెట్టుబడి పెట్టాడు. అయినా ఫలితం లేకుండా పోయింది. క్వింటా మిరప కూడా దిగుబడి రాలేదు. చేసేదేం లేక గత వారం రోజులుగా పంటపొలంలో గేదెలు మేపుతున్నానని రైతు ఆవేదన వ్యక్తం చేశాడు. 

సాక్షి, న్యూఢిల్లీ: ప్రపంచవ్యాప్తంగా కరోనా వైరస్‌ కోరలు చాస్తోంది. మరోవైపు ఈ మహమ్మారిని నిలువరించేందుకు వ్యాక్సిన్‌ను అందుబాటులోకి  తీసుకొచ్చేలా దిగ్గజ ఫార్మా సంస్థలు తీవ్ర ప్రయత్నాల్లో మునిగి తేలుతున్నాయి.  ఈ నేపథ్యంలో స్వీడన్ లైఫ్ సైన్స్ సంస్థ ఎంజైమాటికా కీలక విషయాన్ని ప్రకటించింది. తమ మౌత్‌ స్ప్రే ద్వారా కేవలం 20 నిమిషాల్లో కరోనా వైరస్‌ను నిరోధించవచ్చని ప్రకటించింది. మహమ్మారికి కారణమైన సార్స్‌-కోవ్‌2  వైరస్‌ను క్రియారహితం చేస్తుందని తమ  ప్రాథమిక ఫలితాల్లో తేలిందని కంపెనీ సోమవారం ఒక రెగ్యులేటరీ ఫైలింగ్‌లో తెలిపింది. (9 కోట్ల ‌మోతాదుల వ్యాక్సిన్‌ కొనుగోలు) ఎంజైమాటికాకు చెందిన మౌత్‌ స్ప్రే ‘కోల్డ్‌జైమ్’ కేవలం 20 నిమిషాల్లో కరోనా వైరస్‌ను 98.3 శాతం నాశనం చేస్తుందని కంపెనీ పేర్కొంది. ఇన్-విట్రో (ల్యాబ్ టెస్ట్) అధ్యయన ఫలితాల ప్రకారం కరోనా జాతికి చెందిన వివిధ రకాల వైరస్‌లను నిరోధించడంలో ప్రభావవంతంగా పనిచేసినట్టుగా ఫలితాలు సూచించాయని కంపెనీ తెలిపింది. అలాగే నోటి ద్వారా వ్యాపించే ఇతర వైరస్‌లను కూడా ఇది నిరోధిస్తుందని ప్రకటించింది.  తాజా అధ్యయనంలో కోవిడ్‌-19 మహమ్మారిని పూర్తిగా నాశనం చేయడంలో దీని సామర్థ్యాన్ని అంచనా వేయనున్నామని పేర్కొంది. అమెరికాకు చెందిన మైక్రోబాక్ లాబొరేటరీస్ ద్వారా ఇంటర్నేషనల్ టెస్ట్ మెథడ్‌లో ఈ అధ్యయనం నిర్వహించామని వెల్లడించింది. ఇది స్వతంత్ర, గుర్తింపు పొందిన ధృవీకరించబడిన ల్యాబ్‌ అని ఎంజైమాటికా వివరించింది.  కోల్డ్‌జైమ్ ఎలా పని చేస్తుంది? ప్రధానంగా గ్లిసరాల్, అట్లాంటిక్ కాడ్ ట్రిప్సిన్లతో కూడిన సొల్యూషన్‌తో నిండిన కోల్డ్‌జైమ్‌ను ఉపయోగించి వైరసిడల్ ఎఫికసీ సస్పెన్షన్ పరీక్ష జరిగిందని కంపెనీ వెల్లడించింది. కోల్డ్‌జైమ్‌ను నోరు, గొంతు లోపలికి  స్ప్రే చేస్తే ఇన్‌ఫెక్షన్ ప్రమాదాన్ని తగ్గిస్తుంది. దీంతో స్థానికంగా వైరల్ లోడ్ తగ్గుతుంది. ఫలితంగా వైరస్‌ వ్యాప్తిని కూడా బాగా తగ్గిస్తుందని కంపెనీ పేర్కొంది. ప్రస్తుత ఇన్ విట్రో ఫలితాల ద్వారా నేరుగా క్లినికల్ పరీక్షలకు వెళ్లే శక్తి లేనప్పటికీ సమర్థవంతంగా వైరస్‌ను ఎదుర్కొనే సామర్ధ్యం కలిగి ఉందని వెల్లడైందని ఎంజైమాటికా  సీఈఓ  క్లాజ్ ఎగ్‌స్ట్రాండ్  ప్రకటించారు.

సాక్షి, న్యూఢిల్లీ : ప్రాణాంతక కరోనా వైరస్‌ను కట్టడి చేయడంలో భాగంగా భారత్‌ సహా పలు దేశాల్లో వీధులను, బహిరంగ ప్రదేశాలను ‘బ్లీచ్‌’తో స్ప్రే చేస్తున్నారు. స్పెయిన్‌ దేశమైతే మరో అడుగు ముందుకేసి బీచ్‌లను కూడా ‘బ్లీచ్‌’తో శుభ్రం చేసింది. ఈ కార్యక్రమాలను విదేశాల్లో పారిశుద్ధ్య కార్యకర్తలు, ఆరోగ్య కార్యకర్తలు నిర్వహిస్తుండగా భారత దేశంలో అక్కడక్కడ పారిశుద్ధ్య, ఆరోగ్య కార్యకర్తలతోపాటు ‘మేము సైతం’ అంటూ రాజకీయ నాయకులు కూడా నడుంగట్టారు. (ఈ ఏడాది చివరి వరకు వర్క్‌ ఫ్రం హోమ్‌!) ఇలాంటి స్ప్రేల వల్ల ప్రయోజనం ఏమిటీ ? కరోనా వైరస్‌ లాంటి మహమ్మారీని చంపేంత శక్తి ‘బ్లీచ్‌’కు ఉందా? ఉంటే దీని నుంచే కరోనా వైరస్‌కు విరుగుడు కనిపెట్టవచ్చుగదా! పోనీ దీనికి ఇతర వైరస్‌లు లేదా బ్యాక్టీరియాను చంపేంత శక్తి ఉందా ? బ్లీచ్‌ను స్ప్రే చేయడం వెనకనున్న అసలు ఉద్దేశం ఏమిటీ? బ్లీచ్‌లో ప్రధానంగా ఐదు శాతం ‘సోడియం హైపో క్లోరైట్‌’ ఉంటుంది. దీనికి బ్యాక్టీరియాను హరింపచేసే గుణం ఉంది. అందుకే తాగే నీటిలో దీన్ని  ఎక్కువగా కలుపుతుంటారు. వైరస్‌లను చంపుతుందనడానికి గ్యారంటీ లేదు. చంపే అవకాశముందున్న అంచనా మాత్రమే ఉంది. (గబ్బిలాలపై కరుణ ఎందుకు?) చల్లటి వాతావరణంలో మూడు, నాలుగు నిమిషాలు మాత్రమే ప్రభావం చూపించే క్లోరిన్‌కు సూర్య రశ్మిలో, వేడి వాతావరణంలో ఒక్క నిమిషానికి మించి ప్రభావం చూపించదు. అంటే ఒక్క నిమిషం మాత్రమే దానికి వైరస్‌ను చంపే శక్తి ఉంటుందన్నమాట. అంటే నేరుగా బ్లీచ్‌ వెళ్లి వైరస్‌ల మీద పడినప్పుడే అవి చనిపోయే అవకాశానికి ఆస్కారం ఉన్నట్లు. మరి దీని వల్ల ప్రయోజనం ఏమిటీ ? (వూహాన్‌ ల్యాబ్‌ నుంచే వచ్చింది: పాంపియో) ఈ విషయాన్ని ఆలోచించడానికి ముందు కరోనా వైరస్‌ ఒకరి నుంచి ఒకరికి ఎలా వ్యాపిస్తుందో మరోసారి గుర్తు చేసుకోవాలి. కరోనా రోగి తుమ్మినప్పుడు, దగ్గినప్పుడు శ్లేష్మం రెండు రకాలుగా బయటకు వస్తోంది. ఒకటి తేలికపాటి తుంపర్లు. అవి నేల మీద పడే లోగానే కొన్ని క్షణాల్లోనే గాల్లోనే ఆవిరవుతాయి. రెండు, నీటి బొట్టుల్లా పెద్దవి. అవి నేలమీద పడితే గరిష్టంగా మూడు గంటలపాటు ఉంటాయి. ఈ రెండు రకాల తుంపర్ల నుంచి కరోనా వైరస్‌ బయటకు వచ్చి పడుతుంది. అది పడిన ఉపరితలంను బట్టి దాని జీవితకాలం ఆధారపడి ఉంది.  ప్లాస్టిక్, స్టెయిన్‌లెస్‌ స్టీల్‌పైనా 72 గంటలు ప్లాస్టిక్‌ మెటీరియల్‌, స్టెయిన్‌లెస్‌ స్టీల్‌ ఉపరితలాలపై కరోనా వైరస్‌ 72 గంటలపాటు బతికి ఉంటుంది. రాగిపై ఎనిమిది గంటలు, కార్డు బోర్డులపై నాలుగు గంటలపాటు మాత్రమే జీవించగలదు. ఈలోగా ఎవరైనా వైరస్‌ ఉన్న ప్రాంతంపై చేతులు పెడితే వారి చేతులకు అంటుకుంటుంది. వారు ఆ చేతులను ముక్కు, నోరు, కళ్లలో పెట్టుకున్నప్పుడే వైరస్‌ వారికి సోకుతుంది. అన్నింటికన్నా వైరస్‌ ఒకరి నుంచి ఒకరికి సులువుగా వ్యాపించేది పక్క పక్కన ఉన్నప్పుడే. రోగి తుమ్మినా, దగ్గినా, ఆ తుంపర్లు పక్కవారి మొహంపై పడి, తుడుచుకోవడం ద్వారా లేదా మరో రకంగానో నోరు, ముక్కు, కళ్ల ద్వారా లోపలికి పోతే సోకుతుంది. (అమెరికాలో లాక్‌డౌన్‌ ఎత్తివేత ఫలితం?) కరోనా ఉపరితలాలు ఏమిటీ ? రోగులు బస్సులు, రైళ్లలో పట్టుకునే తలుపులు, రాడ్లు, కూర్చునే సీట్లు, బస్టాండ్, రైల్వే స్టేషన్లలో కూర్చునే సీట్లు, ఆసరాగా పట్టుకునే ఉపరి తలాలు, లిఫ్టుల్లో పట్టుకునే తలుపుల హ్యాండిల్స్, లిఫ్ట్‌ గోడలు, ఇంటి ముందు గోడులు కూడా (తుమ్మడం, దగ్గడం వల్ల). ఇంట్లో తలుపుల గొళ్లాలు, తాళాలు, ఆసరాగా చేతులు ఆన్చే ప్రాంతల్లోనే కరోనా వైరస్‌ ఉండే ఆస్కారం ఉంది. ఇక రోగులు పట్టుకున్న ప్రతి వస్తువు, సరకు మీద ఉండే అవకాశం ఉంది. రోగులు తుమ్మినప్పుడు, దగ్గినప్పుడు లేదా ఉంచినప్పుడు మినహా కరోనా వైరస్‌ వీధుల్లో ఉండే అవకాశం లేదు. చెత్త కుప్పల వద్ద రోగుల ఇంటి నుంచి వచ్చే చెత్త వల్ల కొంత అవకాశం ఎక్కువ ఉంది. అయినా వీధుల్లో, చెత్త కుప్పలపై మూడు, నాలుగు గంటలకు మించి కరోనా బతికే అవకాశమే లేదు. పైగా కొన్ని నిమిషాలే ప్రభావం చూపించే బ్లీచ్‌లోని క్లోరిన్‌ వల్ల ప్రయోజనం ఏమిటీ? (కరోనా‌ అనంతరం ప్రపంచం ఇలా మారనుంది...) కరోనాను కట్టడి చేయడం కోసం కఠిన చర్యలు తీసుకుంటున్నామని, ప్రజలకు చెప్పడానికి, చూపించడానికి. తద్వారా ప్రజల్లో భరోసా కల్పిస్తూ వారి ఆత్మవిశ్వాసాన్ని పెంచడానికి మాత్రమే. రోడ్ల మీద స్ప్రేల ద్వారా బ్లీచ్‌లను వధా చేయడానికి బదులు, రోడ్లపై ప్రజల కోసం అక్కడక్కడా బాడీ స్ప్రేలను ఏర్పాటు చేయడం ఇంకా మంచిదని వైద్య నిపుణులు సూచిస్తున్నారు. (గమనిక : న్యూ ఇంగ్లండ్‌ జర్నల్‌ అండ్‌ మెడిసిన్, న్యూసైంటిస్ట్, సైన్స్‌ డైరెక్టర్, సిడ్రాప్‌–సెంటర్‌ ఫర్‌ ఇన్‌ఫెక్సియస్‌ డిసీస్‌ రిసర్చ్‌ అండ్‌ పాలసీ, సీడీసీ–సెంటర్‌ ఫర్‌ డిసీస్‌ కంట్రోల్‌ అండ్‌ ప్రివెన్షన్, సీఈఆర్‌సీ–క్రైసిస్, ఎమర్జెన్సీ రిస్క్‌ కమ్యూనికేషన్‌ వెల్లడించిన శాస్త్ర విజ్ఞాన అంశాల ఆధారంగా ఈ వార్తా కథనం)

సాక్షి, విజయవాడ: కరోనా వైరస్‌(కోవిడ్‌–19) విశ్వాన్ని వణికిస్తున్న మహమ్మారి. ఒక వ్యక్తి నుంచి మరో వ్యక్తికి శరవేగంగా వ్యాప్తి చెందే ఈ వైరస్‌ నిర్మూలనకు విజయవాడ నగరపాలక సంస్థ(వీఎంసీ) అధికారులు వినూత్న రీతిలో చర్యలు చేపట్టారు. వైరస్‌ ప్రభావం తీవ్రంగా ఉండటంతో ఇప్పటికే పాజిటివ్‌ కేసులు నమోదైన ప్రాంతాల్లో మనుషులు వెళ్లకుండా డ్రోన్‌లతో వైరస్‌ను సంహరించే సోడియం హైపో క్లోరైడ్‌ ద్రావణాన్ని చల్లుతున్నారు. నగరంలో ఐదు డ్రోన్ల సాయంతో.. ఒక్కో డ్రోన్‌లో 5 లీటర్ల చొప్పున ఉదయం, సాయంత్రం వేళల్లో పిచికారీ చేస్తున్నారు. హైపో క్లోరైడ్‌ డిస్‌ఇన్ఫెక్షన్‌ వల్ల వైరస్‌ క్షణాల్లో చనిపోతుందని అధికారులు చెబుతున్నారు. పాజిటివ్‌ కేసులు నమోదైన కంటోన్మెంట్‌(కాలుష్య) జోన్లు, ఐసోలేషన్‌ కేంద్రాలతోపాటు నగరంలోని అన్ని ప్రధాన రహదారుల్లో ఈ విధంగా పిచికారీ చేస్తున్నామని అధికారులు ప్రకటించారు. (గల్లీల్లో 'ఢిల్లీ') డ్రోన్‌  స్ప్రే ఎక్కడెక్కడ అంటే..  సిద్ధార్థ మెడికల్‌ కళాశాల రింగ్‌రోడ్డు, రమేష్‌ ఆస్పత్రి రింగ్‌రోడ్డు, విద్యాధరపురంలోని ఆర్టీసీ వర్క్‌షాప్, లబ్బీపేటలోని ఉషాకార్డియాక్‌ సెంటర్, రైల్వే ఆస్పత్రి, రైల్వే స్టేషన్‌ ప్రాంతాలు, రాజరాజేశ్వరీ పేటలోని వీఎంసీ మెటరి్నటీ ఆస్పత్రి, చెక్‌పోస్టు వద్దనున్న లిబర్టీ హాస్పిటల్‌ వద్ద డ్రోన్‌ల సాయంతో పిచికారీ చేస్తున్నారు.  

బీజింగ్‌: చైనాలోని వుహాన్‌ నగరంలో వ్యాపించిన కోవిడ్‌-19 వైరస్‌  ప్రపంచవ్యాప్తంగా అనేకమందిని పొట్టన పెట్టుకుంది. ఈ మహమ్మారి పుణ్యమా అని వ్యాపార, ఆర్థిక  రంగాలు తీవ్ర  ప్రభావానికి గురైనాయి. వివిధ దేశాల కంపెనీలు చైనాలో మూత పడ్డాయి.  దాదాపు అన్ని విమానయాన సంస్థలు తమ  సర్వీసులను నిలిపివేసాయి. పర్యాటకుల సంఖ్య గణనీయంగా పడిపోయింది. రానున్న  సీజన్‌లో మరింత పడిపోయే అవకాశం వుందని నిపుణులు భావిస్తున్నారు.  దీంతో చైనా ఆర్థిక రంగం అతలాకుతలమవుతోంది. మరోవైపు  శరవేగంగా విస్తరిస్తున్న ఈ  ప్రాణాంతక వైరస్‌ వ్యాప్తిని అడ్డుకునేందుకు  చైనా శత విధాలా ప్రయత్నిస్తోంది. అటు  చైనాలో పలుకంపెనీలు ఇప్పుడిప్పుడే సాధారణ  స్థితికి వచ్చేందుకు ప్రయత్నిస్తున్నాయి.  తాజాగా తమ కంపెనీలోని ఉద్యోగుల కోసం  ఒకకంపెనీ జాగ్రత్తలు తీసుకుంటోంది. చాంగ్‌కింగ్‌లోని ఒక సంస్థ వైరస్‌ సోకకుండా ఉండేందుకు విధులకు హాజరువుతున్న ఉద్యోగులపై యాంటి వైరస్‌ మందులను పిచికారి చేసి మరీ వారిని విధుల్లోకి అనుమతిస్తోంది. ఇందుకు కోసం ఏకంగా రెండు సొరంగాలను ఏర్పాటు చేసింది.   A company in Chongqing, China has installed two tunnels to spray employees with disinfectant before they start work. #coronavirus pic.twitter.com/F5yAOCU3sa — China Xinhua News (@XHNews) February 15, 2020 #Coronavirus fight: Disinfection robots are employed in hospitals in Qingdao, China #FightVirus pic.twitter.com/6PGNZR4nya — China Xinhua News (@XHNews) February 15, 2020 చదవండి : కోవిడ్‌ : ఫ్రాన్స్‌లో చైనా పర్యాటకుని మృతి

సాక్షి, అనకాపల్లి : అనకాపల్లి మండలం తగరంపూడిలో మద్యం బెల్టు దుకాణం నిర్వాహకులు శుక్రవారం పోలీసులపై కారం చల్లి తిరుగుబాటు చేసింది. రూరల్‌ ఎస్‌ఐ పి.రామకృష్ణ కథనం మేరకు వివరాలిలావున్నాయి. మండలంలోని రూరల్‌ పోలీస్‌స్టేషన్‌ పరిధిలో తగరంపూడి గ్రామంలో మద్యం బెల్టు దుకాణం నిర్వహిస్తున్నట్టు పోలీసులకు సమాచారంఅందింది. తక్షణమే అదనపు ఎస్‌ఐ ఎ.వెంకటేశ్వరరావు, హెచ్‌సీ మల్లేశ్వరి, కానిస్టేబుళ్లు కె.అప్పలనాయుడు, రాజ్‌కుమార్‌ గ్రామానికి చేరుకున్నారు. మద్యం విక్రయిస్తున్న కొప్పుల వెంకటలక్ష్మి దుకాణంలోకి ప్రవేశించి మద్యం బాటిళ్లను స్వాధీనం చేసుకున్నారు.దీంతో అసహనానికి గురైన కొప్పుల వెంకటలక్ష్మి, భర్త ప్రసాదరావు, తల్లి భాషణ పార్వతి, సోదరుడు చిన్నారావు కానిస్టేబుళ్ళ కంటిపై కారం చల్లి తప్పించుకునే ప్రయత్నం చేశారని అదనపు ఎస్‌ఐ తెలిపారు. ఈ మేరకు కేసు నమోదు చేసి దర్యాప్తు చేస్తున్నామని ఆయన వివరించారు.    

బూడిద తెగులు, ఆకుమచ్చ తెగులు, మసి తెగులు.. ఇవి మామిడి తోటల్లో కనిపించే ప్రధాన తెగుళ్లు. వీటి నివారణకు సేంద్రియ పద్ధతుల్లో రైతులు అనుసరించదగిన నివారణ చర్యలను సుస్థిర వ్యవసాయ కేంద్రం శాస్త్రవేత్త డాక్టర్‌ జి. రాజశేఖర్‌ (83329 45368) ఇలా సూచిస్తున్నారు. బూడిద తెగులు (పౌడరీ మిల్‌ డ్లూ్య) లక్షణాలు: కాడలపై, పూల మీద, చిరుపిందెల మీద తెల్లని పౌడరు లాంటి బూజు ఏర్పడుతుంది. ఈ బూజు వల్ల పూలు, పిందెలు వడలిపోయి రాలిపోతాయి. పంటకు నష్టం కలుగుతుంది.  నివారణ: ∙పూత, మొగ్గలు కనిపించిన వెంటనే లీటరు నీటికి 3 గ్రాములు ‘నీటిలో కరిగే గంధకా’న్ని కలిపి 10 రోజుల వ్యవధిలో 2 సార్లు పిచికారీ చేయాలి  ►శొంఠిపాల కషాయం కూడా ఒకసారి పిచికారీ చేయవచ్చు.  ఆకుమచ్చ తెగులు లక్షణాలు: ఈ తెగులు కొల్లోటోట్రైకం అనే బూజు (శిలీంధ్రం) వల్ల వస్తుంది. వర్షాలు లేదా పొగమంచు అధికంగా ఉన్న సమయాల్లో దీని వ్యాప్తి ఎక్కువగా ఉంటుంది. ఆకుల మీద గోధుమ రంగు మచ్చలు ఏర్పడి క్రమంగా మచ్చలు కలిసిపోయి ఆకులు త్వరగా పండుబారి రాలిపోతాయి. లేత రెమ్మలపై నల్లని మచ్చలు ఏర్పడి పూలగుత్తులు, పూలు మాడిపోతాయి. తెగులు సోకిన కాయలపై నల్లటి గుంత మచ్చలు ఏర్పడి కాయలు కుళ్లిపోతాయి.  నివారణ: పూత దశకు ముందే ఎండిన కొమ్మలను తీసివేసి వాటిని నాశనం చేయాలి ∙బోర్డో మిశ్రమం 1 శాతం లేదా 3 గ్రాముల కాపర్‌ ఆక్సీక్లోరైడ్‌ చెట్లపై పిచికారీ చేయాలి ∙బాగా పులిసిన పుల్లని మజ్జిగ 6 లీటర్లు + 100 గ్రాముల ఇంగువను 100 లీటర్ల నీటిలో కలిపి చెట్లపై 10 రోజుల వ్యవధిలో 2 సార్లు పిచికారీ చేయాలి.  మసి తెగులు (సూటీ మోల్డ్‌) లక్షణాలు: ఈ తెగులు ‘క్యాప్నోడియం’ అనే శిలీంధ్రం ద్వారా వస్తుంది. రసం పీల్చే తేనెమంచు పురుగు, పిండినల్లి విసర్జించిన తియ్యని పదార్థం ఆకుల మీద పిందెలు, కాయల మీద పడి నల్లటి మసిలా పెరుగుతుంది. దీనివల్ల కిరణజన్య సంయోగ క్రియకు అంతరాయం కలుగుతుంది. కాయ సైజు తగ్గిపోయి, రాలిపోతాయి.  నివారణ: రసం పీల్చే పురుగులను 5 శాతం వేప కషాయం లేదా నీమాస్త్రం ఉపయోగించి అరికట్టాలి. 2 కిలోల గంజి పొడి(స్టార్చి)ని 5 లీటర్ల వేడి నీటిలో కలిపి, దీనికి 100 లీటర్ల నీటిని చేర్చి గంజి ద్రావణం తయారు చేయాలి. గంజి ద్రావణాన్ని మసి తెగులు సోకిన చెట్ల కొమ్మలకు, ఆకులపై కాయలపై బాగా తడిసేటట్లు పిచికారీ చేయాలి.  నీమాస్త్రం  రసంపీల్చే, ఇతర చిన్న చిన్న పురుగుల నివారణకు నీమాస్త్రం పనికివస్తుంది. 5 కిలోల పచ్చి వేపాకు ముద్ద (బాగా నూరిన) లేదా 5 కిలోల ఎండు ఆకులు లేదా వేప పండ్ల పొడిని 100 లీటర్ల నీటిలో వేయాలి. అందులో 5 లీటర్ల గో మూత్రం, 1 కిలో ఆవు పేడను కలపాలి. తర్వాత ఒక కర్ర సహాయంతో బాగా కలపాలి. 24 గంటల వరకు మూత పెట్టి మురగబెట్టాలి. ఆ తర్వాత గుడ్డతో వడకట్టుకొని, పంటలకు పిచికారీ చేసుకోవాలి.

కషాయాలు, ద్రావణాలు, జీవామృతం, అటవీ చైతన్యం, అమృత్‌పానీ వంటి భూసార వర్ధని ద్రావణాల నుంచి పురుగుమందుల వరకు పంటలపై మనుషులు పిచికారీ చేయడం రైతుకు భారంగా మారింది. కూలీల కొరత, అధిక ఖర్చు సమస్యలతో పాటు సకాలంలో ప్రారంభించి, త్వరగా పిచికారీ పూర్తి చేయడం కూడా రైతుకు అనుకూలించే ముఖ్య విషయాలు. రైతుకు ఖర్చును, శ్రమను, సమయాన్ని ఆదా చేసే బూమ్‌ స్ప్రేయర్లు సహా కొత్త రకం స్ప్రేయర్లను రూపొందించడంలో సయ్యద్‌ సుభానీ సిద్ధహస్తుడు. సౌరశక్తితో తనంతట తానే నడుస్తూ, పిచికారీ చేసే సోలార్‌ స్ప్రేయర్‌ను తాజాగా సుభానీ ఆవిష్కరించారు. మెట్ట, ఆరుతడి పంటలన్నిటికీ ఇది ఉపయోగపడుతుంది. ప్రయోగాలే ఊపిరిగా సరికొత్త  స్ప్రేయర్లను రూపొందిస్తూ అన్నదాతల మన్ననలు పొందుతున్న ప్రసిద్ధ గ్రామీణ ఆవిష్కర్త సయ్యద్‌  సుభానీ తాజాగా సౌర శక్తితో నడిచే ‘బ్యాటరీ రన్‌ సోలార్‌ స్ప్రేయర్‌’ను రూపొందించారు. మెకానిక్‌ అయిన సుభానీ గుంటూరు జిల్లా పెదనందిపాడు మండలంలోని మారుమూల గ్రామం నాగబైరువారిపాలెం వాస్తవ్యుడు. ఆరేళ్ల క్రితం నుంచి కొత్త డిజైన్లతో స్ప్రేయర్లు తయారు చేస్తున్నారు. జీపు, ట్రాక్టర్‌లతో నడిచే బూమ్‌ స్ప్రేయర్లతో పాటు మొత్తం 9 స్ప్రేయర్లను తయారు చేసి ప్రసిద్ధి పొందారు. ఈ మూడు చక్రాల సోలార్‌ స్ప్రేయర్‌కు డీజిల్‌/పెట్రోలు అవసరం లేదు. దీని పైన ఏర్పాటు చేసిన సౌర ఫలకం ద్వారా తయారు చేసుకునే సౌరశక్తితో బ్యాటరీ చార్జి అవుతుంది. ఆ శక్తితోనే నడుస్తుంది, పిచికారీ చేస్తుంది. దీని వెనుక మనిషి ఉండాలి. అయితే, శ్రమపడాల్సిన అవసరం లేదు. ట్యాంకును నింపి, సాలులో దీన్ని నిలిపి ఆన్‌ చేస్తే చాలు. అదే తనను తాను నడుపుకుంటూ పిచికారీ చేస్తూ ముందుకు వెళ్తుంది. స్ప్రేయర్‌ చక్రాలకు మట్టి పెళ్లలు అడ్డుపడినప్పుడో, మలుపు తిరగాల్సినప్పుడో మనిషి అవసరం ఉంటుంది. ఏయే పంటలకు ఉపయోగం? 9 అంగుళాల నుంచి 42 అంగుళాల అచ్చు వాడే శనగ, మినుము వంటి అపరాలు, పత్తి, పొగాకు, కూరగాయ పంటలు తదితర మెట్ట, ఆరుతడి పైరులన్నిటిలోనూ కషాయాలు, ద్రావణాలు, పురుగుమందుల పిచికారీకి ఇది సమర్థవంతంగా ఉపయోగపడుతుంది. జీవామృతం పిచికారీ చేయాలంటే.. డబుల్‌ ఫిల్టర్‌ను వాడాలి. పెద్ద నాజిల్‌ పెట్టుకోవాలని సుభానీ తెలిపారు. పందిరి కూరగాయ తోటల్లో పందిళ్ల పైన పిచికారీ చేయడానికి కూడా దీని డిజైన్‌లో కొన్ని మార్పులు చేసి తయారు చేస్తానని సుభానీ తెలిపారు. ఈ స్ప్రేయర్‌ చక్రాల మధ్య 18 అంగుళాల దూరం ఉంటుంది. ఇటు 6 అడుగులు, అటు 6 అడుగుల దూరం పిచికారీ చేస్తుంది. అవసరాన్ని బట్టి తగినట్లు మార్పులు చేసుకోవచ్చని సుభానీ తెలిపారు.    అర గంటలో ఎకరం పిచికారీ స్ప్రేయర్‌ తయారీకి రూ. 32 వేల ఖర్చు ఈ మూడు చక్రాల సోలార్‌ స్ప్రేయర్‌ తయారీకి సుమారు రూ. 32 వేలు ఖర్చవుతుందని సుభానీ తెలిపారు. సైకిల్‌కి వాడే మూడు చక్రాల బండికి 50 వాట్ల సోలార్‌ ప్యానల్, 12  యామ్స్‌ బ్యాటరీ. 12 వోల్టుల (120 పీఎస్‌) మోటారు, 22 లీటర్ల సామర్థ్యం వాటర్‌ ట్యాంక్‌ను అమర్చారు. నాలుగు నాజిల్స్‌ ఏర్పాటు చేశారు. ఎకరా పొలంలో 30 నిమిషాల్లో పురుగుమందు పిచికారీ చేయవచ్చు. కూలీలను పెట్టుకొని పిచికారీ చేయాలంటే గంటన్నర సమయం పడుతుంది. దీని బ్యాటరీకి ఏడాది గ్యారంటీ ఉంది. మనిషి నెట్టుకుంటూ వెళ్లే విధంగా ఒకే చక్రంతో కూడిన సోలార్‌ స్ప్రేయర్‌ను రూ. 22 వేలకే రూపొందించవచ్చన్నారు. సుభానీని గ్రాంటు ఇవ్వడం ద్వారా నాబార్డు ప్రోత్సహిస్తుండడం విశేషం. బ్యాంకు రుణం ఇస్తే మరిన్ని రూపొందిస్తా! నేను గత ఆరు సంవత్సరాలుగా కొత్తరకం స్ప్రేయర్లపై ప్రయోగాలలో నిమగ్నమై ఉన్నాను. ఇప్పటికి 9 రూపొందించాను. ఈ సోలార్‌ స్ప్రేయర్‌ లాంటిది దేశంలో ఇంతకుముందెవరూ తయారు చేయలేదు.  నా భార్య షకీలా, తమ్ముడు చిన్న సుభానీ,  కుమారులు ఖుధావ, మోషిన్, కుమార్తె షాహిన్‌తోపాటు నాబార్డు, పల్లెసృజన సంస్థలు అందిస్తున్న ప్రోత్సాహం మరువలేనిది. బ్యాంకు రుణ సౌకర్యం కల్పిస్తే, రైతులకు తోడ్పడే మరిన్ని నూతన  పరికరాలు  రూపొందిస్తా. – సయ్యద్‌ సుభానీ (98486 13687), గ్రామీణ ఆవిష్కర్త, నాగబైరువారిపాలెం, పెదనందిపాడు మం., గుంటూరు జిల్లా స్ప్రేయర్‌కు తుది మెరుగులు దిద్దుతున్న సుభానీ – ఓబుల్‌రెడ్డి వెంకట్రామిరెడ్డి, సాక్షి, అమరావతి బ్యూరో ఫొటోలు: పులి ప్రకాశ్, సాక్షి, పెదనందిపాడు

ప్రకృతి నేర్పిన పాఠాలను ఆకళింపు చేసుకొని ప్రకృతి/సేంద్రియ సేద్యాన్ని ఔపోశన పట్టి, నేర్చుకున్న విషయాలను పదుగురు రైతులకు తెలియజెపుతూ చక్కని దిగుబడులు రాబడుతున్నారు మహిళా రైతు అప్పన్నగారి యశోదమ్మ. కలబంద వంటి అనేక మొక్కల ద్రావణాలతో ఆరోగ్యకరమైన పంటలు పండిస్తున్నారు. వైఎస్సార్‌ జిల్లా చిన్నమండెం మండలం చిన్ననర్సుపల్లె గ్రామానికి చెందిన యశోదమ్మ స్వతహాగా రైతు. పెట్టుబడిలేని ప్రకృతి సేంద్రియ వ్యవసాయ విభాగంలో క్లస్టర్‌ రిసోర్సు పర్సన్‌గా పనిచేస్తున్నారు. వరి, జొన్న, మొక్కజొన్న, కంది, పెసర, మినుము, పత్తి, టమాటా, వంగ, బెండ, మిరప, సొర, బీర తదితర కూరగాయ పంటలు, మామిడి, అరటి, బొప్పాయి వంటి పండ్ల తోటలను ఆశించే పలు రకాల పురుగులు, తెగుళ్ల నివారణకు కలబంద ద్రావణం చక్కటి పరిష్కార మార్గమని ఆమె అనుభవపూర్వకంగా చెబుతున్నారు.    కలబంద ద్రావణం తయారీ ఇలా.. 2 కిలోల కలబంద ఆకులను దంచి పెట్టుకోవాలి. అలాగే, పావు కిలో కుంకుడు కాయలను పొడి చేయాలి. 5 లీటర్ల ఆవు మూత్రాన్ని, 5 కిలోల ఆవు పేడను సేకరించాలి. వీటిలో ఆవుపేడ తప్ప మిగతా అన్నిటినీ 200 లీటర్ల నీరుపట్టే డ్రమ్ములో వేసి.. తర్వాత ఎంతపడుతుందో అంత నీరు పోయాలి.  ఆవు పేడను ఒక పలుచటి గొనె సంచిలో మూటకట్టి నీళ్ల డ్రమ్ములో వేలాడదీయాలి. ప్రతి రోజు ఉదయం, సాయంత్రం వేళల్లో పెద్ద కర్రతో కలియతిప్పాలి. వారం రోజులకు బాగా మురిగితే కలబంద ద్రావణం తయారవుతుంది. ద్రావణం పిచికారీ చేసే సమయంలో 20 లీటర్ల పిచికారీ డ్రమ్ములో 200 మిల్లీ లీటర్ల ద్రావణంతోపాటు 150 గ్రాముల పసుపు పొడి, 150 గ్రాముల రాళ్ల సున్నం వేసి మిగిలిన భాగం నీరు పోసుకొని.. పంట లేత ౖపైరు నుంచి మొగ్గ దశ వరకు ఏ పంటపై అయినా పిచికారీ చేసుకోవచ్చు.  పూత సమయంలో పిచికారీ వద్దు పైరు మొలక దశలో 20 లీటర్ల నీటికి 150 మిల్లీ లీటర్లు, పూత దశకంటే ముందు 20 లీటర్ల నీటికి 200 మిల్లీ లీటర్లు, పిందె సమయంలో 20 లీటర్ల నీటికి 300 లీటర్ల ద్రావణాన్ని కలుపుకొని పిచికారీ చేసుకోవాలి. పూత విచ్చుకున్న సమయంలో ఎట్టి పరిస్థితిలోనూ ద్రావణం పిచికారీ చేయవద్దని ఆమె హెచ్చరిస్తున్నారు. పచ్చపురుగు, తెల్లదోమ, రెక్కల పురుగులు, ముఖ్యంగా వరిలో పొడ తెగులు, దోమపోటు, ఉల్లికోడు తెగుళ్లను ఈ ద్రావణం నివారిస్తుంది.   మిత్ర పురుగుల సంతతి పెరుగుతుంది.. పంటకు మేలు చేసే మిత్ర పురుగుల సంఖ్య గణనీయంగా పెరుగుతుంది. ఈ ద్రావణం మిత్ర పురుగులను ఆకర్షిస్తుంది. కందిరీగలు, తూనీగలు, తేనెటీగలు ఇతర మిత్ర పురుగులు పైరు పైకి వచ్చి చేరతాయి. పంటలో పూత నిలబడేలా దోహదపడుతుంది. íపిందె రాలడం తగ్గుతుంది. టమాటా పంట మూడు నెలలు ముగియగానే పాత మొక్క కింద మళ్లీ కొత్తగా చిగుర్లు వచ్చి యధావిధిగా పంటను ఇస్తుంది. రసాయనిక పురుగు మందులు వాడిన పంటలకంటే అధిక దిగుబడి వస్తుందని యశోదమ్మ(88979 31488) ధీమాగా చెబుతున్నారు. – మాచుపల్లె ప్రభాకరరెడ్డి, సాక్షి, వ్యవసాయం, వైఎస్సార్‌ జిల్లా                            కలబంద ద్రావణం

సాక్షి, తూర్పుగోదావరి : జిల్లాలోని పిఠాపురంలో దారుణమైన ఘటన చోటుచేసుకుంది. శుక్రవారం అర్థరాత్రి పిఠాపురం గోపాలబాబ ఆశ్రమం వద్ద కొంతమంది దుండగులు దంపతులపై దాడి చేశారు. ముమ్మడి సుబ్రమణ్యం అనే వ్యక్తి అతని భార్య సుబ్బలక్ష్మి నిద్రిస్తున్న సమయంలో దుండగులు నేరుగా ఇంట్లోకి వెళ్లి వారిపై స్ప్రే కొట్టారు. అనంతరం దుండగులు సుబ్బలక్ష్మి కాళ్లు, చేతులు అతి కిరాతకంగా నరికి, సుబ్రమణ్యంని కిడ్నాప్‌ చేశారు.  మత్తులో ఉన్న సబ్బలక్ష్మికి స్పృహలోకి వచ్చిన తరువాత ఘటన వెలుగులోకి వచ్చింది. స్థానికులు బాధితురాలిని కాకినాడ ప్రభుత్వ ఆసుపత్రికి తరలించారు. సుబ్రమణ్యం బిలాస్‌పూర్‌లో రైల్వే ఉద్యోగం చేస్తున్నారు.  పూర్తి వివరాలు తెలియాల్సి ఉంది. 


 రూ.1.20 లక్షల నగదు, 3 తులాల బంగారం, 20 తులాల వెండి అపహరణ
 జనగామ: దంపతుల ముఖంపై మత్తు పదార్థం స్ప్రే చేసిన దొంగలు నగలతోపాటు నగదు ఎత్తుకెళ్లిన సంఘటన జనగామ మండలం పెంబర్తిలో శుక్ర వారం అర్ధరాత్రి జరిగింది. తెల్లవారుజామున మత్తు నుంచి తేరుకున్న బాధితులు  లబోదిబోమన్నారు. గ్రామానికి చెందిన బూరు శ్రీనివాస్‌ పెంబర్తిలో కిరాణ దుకాణం నడుపుకుంటున్నాడు.
 శుక్రవారం అర్ధరాత్రి ఇంటి తలుపు వద్ద శబ్దం వినిపించడంతో శ్రీనివాస్‌తో పాటు ఆయన భార్య కిటికీ వద్దకు వెళ్లారు. అక్కడే కాచుకుని ఉన్న గుర్తు తెలియని వ్యక్తులు అందులో నుంచి మత్తు పదార్థాన్ని వారి ముఖంపై స్ప్రే చేయడంతో వెంటనే నిద్రలోకి జారు కున్నారు. అనంతరం దొంగలు తాళాన్ని పగులగొట్టి ఇంట్లో చొరబడి చోరీకి పాల్పడ్డారు. దీనిపై బాధితు లు పోలీసులకు ఫిర్యాదు చేశారు. ఈ సంఘ టనలో రూ.1.20 లక్షల నగదు, 20 తులాల వెండి, 3 తులాల నగలను ఎత్తుకెళ్లినట్లు చెప్పారు. 


 కొత్తచెరువు: ప్రస్తుతం వేరుశనగ పంటకు ఆకుమచ్చ, తామర పురుగు, సూక్ష్మలోపాలను నివారించాలంటే  మందులను పిచికారీ చేయాలని కదిరి వ్యవసాయ పరిశోధన శాస్త్రవేత్త శివశంకర్‌నాయక్‌ తెలిపారు. ఆదివారం మండలంలోని తలమర్ల  పొలాల్లో శాస్త్రవేత్తలు పర్యటించారు.  తామర పురుగు నివారణకు మోనోక్రోటోపాస్‌ ఎకరాకు 400 మిల్లీలీటర్లు, ఆకుమచ్చ తెగుళ్లకు ఎక్సప్‌ కోనజోల్‌ 400 మిల్లీలీటర్లు పిచికారీ చేయాలన్నారు. కార్యక్రమంలో శాస్త్రవేత్తలు వేమన,చండ్రాయుడు, రైతులు పాల్గొన్నారు. 


 గోడ మీద బల్లి కనిపించగానే గుండె గుభేల్‌మంటుంది చాలామందికి. ఎన్నిసార్లయినా తరమండి... మళ్లీ మళ్లీ వస్తూనే ఉంటాయి బల్లులు. వాటిని శాశ్వతంగా వదిలించుకోవాలంటే కొన్ని చిట్కాలున్నాయి. అవి పాటిస్తే సమస్య తీరిపోతుంది.బల్లులకి వెల్లుల్లి వాసన అంటే పరమ చిరాకు. అందుకే ఓ బాటిల్లో వేడి నీరు, దంచిన వెల్లుల్లి వేసి బల్లులు తిరిగే చోట స్ప్రే చేయాలి. ఇక అవి రానే రావు; గోడల మీద అక్కడక్కడా కోడిగుడ్డు గుల్లల్ని వేళ్లాడదీసి ఉంచితే రావు. అయితే రెండు వారాలకోసారి గుల్లల్ని మార్చాలి;  ఫ్లై పేపర్స్ అని ఉంటాయి. వాటిని లైట్ల దగ్గర ఉంచితే బల్లులు వచ్చి అతుక్కుపోతాయి. అప్పుడు తీసుకెళ్లి బయట పారేయొచ్చు;
 
 కలరా ఉండలు కూడా బల్లుల్ని రాకుండా చేస్తాయి; నీటిలో మిరియాలను వేసి మరిగించి, ఆ నీటిని గోడల మీద చల్లితే బల్లులు రావు;కాఫీ పొడిని బల్లులు తిరిగేచోట చల్లితే మంచి ఫలితముంటుంది; ఉల్లిపాయలకీ బల్లులకీ అస్సలు పడదు. కాబట్టి ఉల్లిపాయ చక్రాల్ని గోడలకు వేళ్లాడదీయండి;నెమలి ఈకలంటే బల్లులకి చచ్చేంత భయం. కాబట్టి అక్కడక్కడా గోడలకు వాటిని అతికించండి;బల్లి కనిపించగానే ఒళ్లు జిల్లుమనిపించేంత చల్లని ఐస్ వాటర్‌ని దాని మీద స్ప్రే చేయాలి. ఇక అది కదల్లేదు. అప్పుడు వాటిని తీసుకెళ్లి బయట పారేయవచ్చు;
  
  


 - అడవి జెముడు కొమ్మలు, సునాముఖి ఆకులతో
 - ద్రావణం.. 10 రోజుల్లో సిద్ధం
 - పంటలపై పిచికారీతో రసం పీల్చే పురుగుల పీడ విరగడ
 స్థానికంగా అందుబాటులో ఉండే వనరులతోనే రైతులు స్వయంగా ఎరువులు, కషాయాలను, ద్రావణాలను తయారు చేసుకోవడం సేంద్రియ సేద్యంలో ముఖ్యాంశం. సేంద్రియ సేద్యంలో ఎదురయ్యే సవాళ్లను
 
 అధిగమించడానికి రైతులు నిరంతరం కొత్తదారుల కోసం అన్వేషిస్తూ ఉంటారు. తమ పరిసరాల్లోని చెట్టూ చేమను సేద్య అవసరాల కోసం మరింత సమర్థవంతంగా ఎలా ఉపయోగించుకోవాలా అని ఆలోచిస్తూ.. ప్రయోగాలు చేసే సేంద్రియ రైతు నిత్యాన్వేషి కొమ్మూరి విజయకుమార్.
 
 రసం పీల్చే పురుగులను సమర్థవంతంగా పారదోలే సరికొత్త ద్విపత్ర ద్రావణాన్ని తమ పంటలపై వాడుతూ, తోటి రైతులకూ నేర్పిస్తున్నారు. ఆకులు, అలములను నీటిలో మరిగించి తయారు చేసే కషాయాల కన్నా.. పులియబెట్టి తయారు చేసే ద్రావణాలు చీడపీడలపై ప్రభావశీలంగా పనిచేస్తున్నాయని ఆయన స్వానుభవంతో అంటుంటారు.
  
 వైఎస్సార్ జిల్లా వేంపల్లె మండలం టి వెలంవారిపల్లెకు చెందిన విజయకుమార్(98496 48498) తమ ప్రాంతంలో విరివిగా లభించే అడవి జెముడు, సునాముఖి మొక్కలతో తయారు చేసిన ద్రావణ ం వివిధ పంటలపై రసం పీల్చే పురుగులను చక్కగా అరికడుతున్నదంటున్నారు. విజయకుమార్ ఏమంటున్నారంటే...
  
 ఎలా తయారు చేస్తారు?
 పొలాలు, గుట్టలు, కొండల్లో ముళ్లతో ఉండే అడవి జెముడు మొక్కలు విరివిగా కన్పిస్తుంటాయి. వీటిని మేకలు తింటాయి. ఆ మొక్కల కొమ్మలు కిలో తీసుకోవాలి. సునాముఖి పచ్చి ఆకును కిలో తీసుకోవాలి. వీటిని ముందుగా విడివిడిగా బాగా దంచి, వాటితోపాటు 4 లీటర్ల ఆవు మూత్రాన్ని డ్రమ్ము/తొట్టిలో వేసి బాగా కలియదిప్పాలి. ఈ మిశ్రమాన్ని నీడలో ఉంచి, అడపా దడపా కలుపుతూ పులియబెట్టాలి. 10 రోజుల పాటు పులిసిన ద్రావణాన్ని ఉపయోగించవచ్చు. లీటరు ద్రావణాన్ని 100 లీటర్ల నీటిలో కలిపి పంటపై పిచికారీ చేసుకోవాలి.
  
 అన్ని పంటలకూ ఉపయోగమే..
 పెసర, మినుము, కంది, వేరుశనగ... ఇలా దాదాపు అన్ని పంటల పైన ఈ ద్రావణాన్ని వినియోగించవచ్చు. పురుగు ఉధృతిని బట్టి పంటకాలంలో మూడుసార్లు ఈ ద్రావణాన్ని పిచికారీ చేయాలి. వేసవి కాలంలో... పంట 20 రోజుల దశలో ఉన్నప్పుడు మొదటిసారి 100 లీటర్ల నీటిలో లీటరు ద్రావణాన్ని కలిపి వాడాలి. రెండోసారి 80 లీటర్ల నీటిలో లీటరు ద్రావణాన్ని, మూడోసారి 60 లీటర్ల నీటిలో లీటరు ద్రావణాన్ని కలిపి పిచికారీ చేయాలి. చలికాలంలో అయితే.. పంట 15 రోజుల దశలో ఉన్నప్పుడే మొదటిసారి ద్రావణాన్ని వినియోగించాలి. భూమి, మొక్కలు బాగా తడిసేలా ద్రావణాన్ని పిచికారీ చేసుకోవాలి. ఒకసారి ద్విపత్ర ద్రావణాన్ని తయారు చేసుకుంటే దాన్ని సంవత్సర కాలం వరకూ నిల్వ చేసుకోవచ్చు.
  
 రెక్కల పురుగులు.. తెల్లదోమ..
 ద్విపత్ర ద్రావణం రెక్కల పురుగుల గుడ్లను సమర్థవంతంగా నాశనం చేస్తుంది. అలాగే తెల్లదోమను కూడా నివారిస్తుంది. తెల్లదోమ నివారణకు ద్రావణాన్ని పిచికారీ చేసే వారు దానిలో కొంచెం సర్ఫ్ పొడిని కానీ లేదా కుంకుడుకాయ రసాన్ని కానీ కలుపుకుంటే మంచిది.
  
 ఈ ద్రావణం బాగా పనిచేస్తోంది..
 సునాముఖి, అడవి జెముడుతో తయారు చేసిన ద్విపత్ర ద్రావణం పంటలపై బాగా పని చేస్తోందని వేంపల్లె మండలం బుగ్గకొట్టాలకు చెందిన రైతు వెంకట్రాముడు చెప్పారు. సంజీవని ఎరువు, ద్రావణాల వాడకం వల్ల ఖర్చు తగ్గిందని వేంపల్లె మండలం టి.వెలంవారి    పల్లెకు చెందిన రైతు పక్కీరప్ప తెలిపారు.
 - మాచుపల్లి ప్రభాకర్‌రెడ్డి, కడప అగ్రికల్చర్


 వంటచేసేటప్పుడు చెంచాతో నూనె వేస్తుంటాం. దాంతో మనకు తెలియకుండానే ఎక్కువ నూనె పడుతుంది. అందుకే ఆయిల్ స్ప్రేలు వాడాలి. స్ప్రే చేయడం వల్ల తక్కువ నూనె గిన్నెలో ఎక్కువ ప్రదేశాన్ని ఆక్రమిస్తుంది. వేసింది కాస్తే అయినా పదార్థాలన్నిటినీ బాగా తడుపుతుంది. నూనె వాడకం తగ్గింది కాబట్టి మన ఆరోగ్యమూ బాగుంటుంది.
 
 ఆయిల్‌తో నింపిన స్ప్రేలతో పాటు, మనం నూనె వేసుకుని వాడుకోవడానికి వీలుగా ఖాళీ స్ప్రే డబ్బాలు కూడా మార్కెట్లో దొరుకుతున్నాయి. రూ.400 నుంచి మొదలవుతుంది ధర!
  
  


 చర్మసౌందర్యం పట్ల ప్రత్యేక శ్రద్ధ కనబరుస్తారు చాలా మంది. అయితే కొన్ని సార్లు చర్మాన్ని మెరుగు పెట్టే సౌందర్య ఉత్పాదనలు, ఇంట్లో చేసే చిన్న చిన్న చిట్కాల వల్ల కూడా హాని జరుగుతుంటుంది. అవగాహన లేమి దీనికి ప్రధాన కారణం అంటున్నారు సౌందర్య నిపుణులు. ఏమేం చేయకూడదంటే...
  
 Right: చర్మం తెల్లగా అవ్వాలని, మృదువుగా అవ్వాలని స్క్రబ్(మార్కెట్లో రకరకాల స్క్రబ్‌లు అందుబాటులో ఉన్నాయి) తో అతిగా రుద్దుతుంటారు. దీని వల్ల చర్మం ఎర్రబడడమే కాకుండా పొడిబారుతుంది. మొటిమలు ఉంటే సమస్య మరింతగా పెరుగుతుంది.
  
 Wrong: రెండు వారాలకు ఒకసారి చర్మతత్త్వానికి సరిపడే స్క్రబ్ (మార్కెట్‌లో లభిస్తుంది) తో 2-3 నిమిషాలు మృదువుగా రుద్ది, శుభ్రపరుచుకోవాలి. మెటిమలు ఎక్కువగా ఉంటే స్క్రబ్ వాడకూడదు. వేపాకులను రుబ్బి, ముఖానికి రాసుకొని, ఆరాక శుభ్రపరచాలి.
  
 Right: చాలామంది తమ చర్మతత్వానికి సరిపడిన మాయిశ్చరైజర్, సన్‌స్క్రీన్ లోషన్లు ఎంచుకోరు. దీని వల్ల సేదగ్రంథులు మూసుకుపోవడం, చర్మంపై దద్దుర్లు, పొక్కులు రావడం జరుగుతుంటాయి.
  
 Wrong: ఏదైనా కొత్త సౌందర్య ఉత్పత్తిని చర్మానికి ఉపయోగించే ముందు మోచేతిపై లేదా చెవి వెనకాల కొద్దిగా రాసి, 2-3 గంటల సేపు అలాగే ఉంచాలి. ఎరుపు దనం, దద్దుర్లు లేవని నిర్ధారించుకున్నాకే ఆ ఉత్పత్తిని వాడుకోవాలి. అలాగే, మాయిశ్చరైజర్ రాసిన వెంటనే ఫౌండేషన్ వాడకూడదు. మాయిశ్చరైజర్ చర్మానికి రాసిన 60 సెకండ్లలో ఇంకిపోతుంది. ఆ తర్వాత ఫౌండేషన్‌ను వాడవచ్చు.
 మొటిమలను గిల్లడం, లోపలి పస్(చీము) తీయడం వంటివి చేస్తే ఆ ప్రాంతంలో మచ్చలు పడే అవకాశం ఉంది.
  
 Right: జిడ్డు చర్మం గలవారికి మొటిమల సమస్య ఎక్కువగా ఉంటుంది. వీరు రోజులో 2-3 సార్లు ఫేస్‌వాష్‌తో శుభ్రపరుచుకోవడం, నిమ్మ గుణాలున్న పేస్‌ప్యాక్‌లు వేసుకోవడం వల్ల ముఖం శుభ్రంగా ఉండి మొటిమల సమస్య తగ్గుతుంది.
  
 Wrong: చాలామంది దుస్తులు ధరించిన తర్వాత పెర్‌ఫ్యూమ్ స్ప్రే చేసుకుంటారు. దుస్తుల మీద స్ప్రే చేయడం వల్ల అందులోని ఫైబర్ లక్షణాలతో కలిసి పెర్‌ఫ్యూమ్ సువాసన మారే అవకాశం ఉంది. కొన్ని సార్లు ఈ తరహా ప్రయోగాలు చర్మానికి హాని కలిగించవచ్చు.
  
 Right: వస్త్రధారణకు ముందు దూది ఉండకు స్ప్రే చేసి గొంతు, ముంజేతులు, భుజాల కింద... పెర్‌ఫ్యూమ్‌ను అద్దాలి. దీని వల్ల చర్మానికి హాని కలగదు.
  


 వాషింగ్టన్: ఒకే ఒక్క స్ప్రే మీకు.. మీ పెంపుడు శునకానికి మధ్య బంధాన్ని మరింత పెంపొందిస్తుందట. హచ్ డాగ్ మాదిరిగా మీ వెంట పడేలా చేస్తుందట. టోక్యో యూనివర్సిటీ పరిశోధకులు జరిపిన అధ్యయనంలో పలు ఆసక్తికరమైన విషయాలు వెల్లడయ్యాయి. సాధారణంగా పిట్యుటరీ గ్రంధి నుంచి ఆక్సిటోసిన్ లేదా లవ్ హార్మోన్ విడుదలవుతుంది. అయితే దీనిని స్ప్రే రూపంలో రూపొందించి వివిధ జాతులకు చెందిన 16 పెంపుడు శునకాలపై పరిశోధనలు జరిపారు. తోటి శునకాలతో పాటు యజమానితో శునకాలు ఎలా వ్యవహరిస్తున్నాయనే అంశాన్ని పరిశీలించారు. అయితే ఆక్సిటోసిన్ స్ప్రే విడుదలైన తర్వాత శునకాల ప్రవర్తనలో చాలా మార్పు కనిపించిందట. యజమానిపై అమితమైన ప్రేమ కురిపించడం, ఉత్తేజంగా ఉండటం గుర్తించారు.
  
 శునకాల గుండె వేగంలో మార్పులనూ గమనించారు. ఆక్సిటోసిన్ స్ప్రే శునకాల మెదడుపై పనిచేయడమే కాక ఆక్సిటోసిన్ వ్యవస్థను ఉత్తేజపరచినట్టు గుర్తించామని  పరి శోధనకు నేతృత్వం వహించిన మిహో నాగసావా వెల్లడించారు. అయితే ఈ స్ప్రేకు శత్రువులను మిత్రులుగా మార్చే సామర్థ్యం లేదని, కానీ స్నేహబంధాన్ని, కుటుంబ సంబంధాలను బలోపేతం చేసేందుకు దోహదపడుతుందని చెప్పారు.
  


 వాషింగ్టన్: ఒక్క ఐడియా జీవితాన్నే మార్చేస్తుందనేది మనం ఇంతవరకూ విన్నాం. అయితే ఒకే ఒక్క స్ప్రే మీకు.. మీ పెంపుడు శునకానికి మధ్య బంధాన్ని మరింత పెంపొందిస్తోంది. హచ్ డాగ్ మాదిరిగా మనల్ని వాచ్ చేస్తుందట. ఈ అంశానికి సంబంధించి టోక్యో యూనివర్సిటీ పరిశోధకులు జరిపిన అధ్యయనంలో పలు ఆసక్తికరమైన విషయాలు వెల్లడయ్యాయి. సాధారణంగా పిట్యూటరీ గ్రంధి నుంచి విడుదలయ్యే ఆక్సిటోసిన్ లేదా లవ్ హార్మోన్ ల లక్షణాలు కల్గిన స్ప్రే ను రూపొందించి వివిధ జాతులకు చెందిన 16 పెంపుడు కుక్కులపై పరిశోధనలు జరిపారు.
  
 తోటి శునకాలతో పాటు యజమానితో శునకాలు ఎలా వ్యవహరిస్తున్నాయనే అంశాన్ని పరిశీలించారు. వాసన చూడటం, నాకడం,  మృదువుగా స్పశించడం, యజమాని శరీరంతో ఆడటం, సేదతీరడం వంటి వాటిని పరిగణనలోకి తీసుకున్నారు. అయితే ఆక్సిటోసిన్ స్ప్రే విడుదలైన తర్వాత శునకాల ప్రవర్తనలో చాలా మార్పు కనిపించిందట.  యజమానిపై అమితమైన ప్రేమ కురిపించడం, ఉత్తేజంగా ఉండటం గుర్తించారు. శునకాల గుండె వేగంలో మార్పులనూ గమనించారు. అయితే ఈ స్ప్రే కు శత్రువులను మిత్రులుగా మార్చే గుణం లేదని, ముందు ఉన్న స్నేహ బంధాన్ని మాత్రమే పెంపొందిస్తుందని పరిశోధకులు తెలిపారు.
 
  


 జబ్బు చేస్తే సాధారణంగా మందులు తీసుకోవాలి. వాటిని మాత్రలుగా లేదా సూదిమందుగా ఎలాగైనా తీసుకోవచ్చు. అయితే  ముక్కులోకి పిచికారి చేయడం ద్వారా కూడా ఔషధాలను ఇవ్వొచ్చంటున్నారు డెన్మార్క్ శాస్త్రవేత్తలు. మెదడు వ్యాధులతో బాధపడుతున్న రోగులకు మందులను ముక్కులోకి స్ప్రే చేయడం ద్వారా సమర్థంగా అందించడం భవిష్యత్తులో సాధ్యం కానుందని వారు అంటున్నారు. ప్రస్తుతం మెదడుకు వ్యాధులు వచ్చినప్పుడు మాత్రలు లేదా ఇంజెక్షన్ల ద్వారా ఇచ్చే మందులు మెదడును చేరడం, సమర్థంగా పనిచేయడంలో విఫలమవుతున్నాయి.
 
 అదే ముక్కు ద్వారా ఔషధాలు ఇస్తే గనక అవి మెదడును సమర్థంగా చేరతాయని యూనివర్సిటీ ఆఫ్ సదర్న్ డెన్మార్క్ శాస్త్రవేత్తలు చెబుతున్నారు. మెదడు మందులను మాత్రల ద్వారా దీర్ఘకాలం ఇస్తే.. మిగతా శరీర భాగాలకు అనవసరమైన మందులను ఎక్కువగా ఇచ్చినట్టేనని, అందుకే ఈ కొత్త పద్ధతిపై తాము దృష్టిపెట్టామని వర్సిటీ ప్రొఫెసర్ డీ కాగ్నో వెల్లడించారు. ముక్కు గోడల ద్వారా మెదడును చేరగలిగే ఓ సహజ చక్కెర అణువును తాము గుర్తించామని, ఈ అణువు ఔషధాలను మెదడుకు తీసుకెళ్లడమే కాకుండా.. అవసరమైనచోటే మందును విడుదల చేస్తుందని పేర్కొన్నారు.


 జుట్టుకు రంగు వేసుకుంటున్నారా?
 
  చాలామంది ఇంట్లోనే తలకు రంగు (హెయిర్‌డై) వేసుకుంటూ ఉంటారు. కాని సరైన జాగ్రత్తలు పాటించ కపోతే చర్మసమస్యలు ఎదురవ్వవచ్చు. అందుకని... జుట్టుకు రంగు వేసుకునేటప్పుడు చర్మానికి తగలకూడదు. ముందుగా ముఖానికి, చెవులకు మాయిశ్చరైజర్ లేదా నూనె రాసుకొని తర్వాత డై వేసుకోవాలి. తలంటుకునేటప్పుడు కూడా డై చర్మానికి తగలకుండా జాగ్రత్తపడాలి. అలాగే డై ఎంపికలో నాణ్యత విషయంలో రాజీ పడకూడదు. ఇక జుట్టు మంచి స్మెల్ రావాలంటే హెయిర్ సీరమ్ లేదా హెయిర్ స్ప్రేలను వాడాలి. అయితే ఈ సీరమ్స్, స్ప్రేలు మాడుకు, జుట్టు కుదుళ్లకు తగలకుండా జాగ్రత్తపడాలి. లేదంటే వీటిలో ఉండే గాఢ రసాయనాలు వెంట్రుక కుదురును దెబ్బతీసే అవకాశాలు ఉంటాయి.
  
  ముఖానికి ఆవిరి ఎంత సేపు?
 
  బ్యూటీపార్లర్‌లలో ఫేసియల్ చేసేటప్పుడు ముఖానికి ఆవిరిపట్టడం (స్టీమ్) చూస్తుంటాం. అయితే ఆవిరి ఎంత సమయం పట్టాలి? ఎలా పట్టాలి? అసలు ఆవిరిపట్టడం వల్ల ఉపయోగాలేమిటో ముందు తెలుసుకుంటే మనకు ఉన్న సందేహాలన్నీ తొలగిపోతాయి.
  
  మరీ ముఖచర్మానికి దగ్గరగా ఆవిరి వేడి తగలకూడదు. షవర్ బాత్ చేసేటప్పుడు నీరు ఎంత దూరం నుంచి పడుతున్నాయో అంత దూరం నుంచి ఆవిరి చర్మానికి తగలాలి. లేదంటే చర్మం తన సహజత్వాన్ని కోల్పోవడానికి ఆవిరి ప్రధాన కారణం అవుతుంది.
  
  ఐదు నిమిషాలకుమ ఇంచి ఆవిరి పట్టకూడదు. అన్ని చర్మతత్వాలను ఒకేలా ఉండవు. అందుకని అందరికీ ఒకేవిధంగా ఆవిరిపట్టడం సరైన విధానం కాదు. దీని వల్ల చర్మంలోని పోర్స్ తెరుచుకని, సహజసిద్ధంగా నూనె స్రవించే గ్రంధులు పొడిబారుతాయి. దీని వల్ల చర్మం త్వరగా ముడతలు రావడానికి ఆస్కారం అవుతుంది.
  
  ఆవిరి పట్టిన తర్వాత క్లెన్సర్‌తో ముఖాన్ని ఒకసారి శుభ్రం చేసుకోవాలి. దీని వల్ల పోర్స్‌లో ఉన్న మలినాలు తొలగిపోతాయి.
  
  పొడిగా ఉన్న మెత్తని టవల్‌తో తర్వాత ముఖాన్ని తుడుచుకోవాలి. ఆవిరిపట్టిన తర్వాత కొంతమంది చర్మం మరీ పొడిబారినట్టుగా అనిపిస్తుంది. అందుకని ముఖాన్ని శుభ్రం చేసుకున్న తర్వాత మాయిశ్చరైజర్ వాడాలి.
  
  ఆవిరిపట్టడం అనేది సున్నితమైన ప్రక్రియ. చర్మతత్వం తెలుసుకుని, దానికి తగిన విధంగా ట్రీట్‌మెంట్ ఇచ్చే నిపుణుల చేతనే ఫేసియల్ చేయించుకోవడం, స్టీమ్ పట్టడం చేయడం మేలు.