జాతర సక్సెస్‌కు కృషి చేయాలి

జాతర సక్సెస్‌కు కృషి చేయాలి

● కలెక్టర్‌ రాజర్షిషా, ఎస్పీ గౌస్‌ ఆలం ● కేస్లాపూర్‌ నాగోబా జాతర సందర్శన

ఇంద్రవెల్లి: నాగోబా జాతర విజయవంతానికి కృషి చేయాలని కలెక్టర్‌ రాజర్షిషా, ఎస్పీ గౌస్‌ ఆలం మెస్రం వంశీయులను కోరారు. గురువారం మండలంలోని కేస్లాపూర్‌ నాగోబా జాతరను వారు సందర్శించారు. సాంస్కృతిక కార్యక్రమాల వేదిక, మె స్రం వంశీయులు బస చేసిన గోవడ్‌, భక్తులకు క ల్పించిన వసతులు పరిశీలించారు. వంశ పెద్దలతో మాట్లాడి నాగోబా చరిత్ర, సంప్రదాయాల గురించి తెలుసుకున్నారు. అనంతరం వారు మాట్లాడుతూ.. మెస్రం వంశీయులు తమ సంస్కృతి, సంప్రదాయాలను భావితరాలకు అందించాలని సూచించారు. శుక్రవారం నిర్వహించనున్న దర్బార్‌లో దరఖాస్తులు స్వీకరించనున్నట్లు తెలిపారు. వినియోగించుకోవాలని కోరారు. ఉట్నూర్‌ సబ్‌ కలెక్టర్‌ యువరాజ్‌ మర్మాట్‌, నాగోబా ఆలయ పీఠాధిపతి మెస్రం వెంకట్‌రావ్‌, మెస్ర వంశ పెద్దలు మనోహర్‌, కోసేరావ్‌, దాదారావ్‌, తిరుపతి తదితరులున్నారు.