మాచ్‌ఖండ్‌లో సినిమా షూటింగ్‌ సందడి

మాచ్‌ఖండ్‌లో సినిమా షూటింగ్‌ సందడి

డుడుమ జలాశయం వద్ద జగపతిబాబుతో సన్నివేశాల చిత్రీకరణ

ముంచంగిపుట్టు: మాచ్‌ఖండ్‌ జలవిద్యుత్‌ కేంద్రం పరిసర ప్రాంతాల్లో శనివారం మాస్కిన్‌ ప్రాజెక్టు చిత్రీకరిస్తున్న సినిమా షూటింగ్‌ సందడి నెలకొంది. ప్రముఖ సినీ డైరెక్టర్‌ జాగర్లమూడి రాధాకృష్ణ (క్రిష్‌) దర్శకత్వంలో అనుష్క శెట్టి ప్రధాన కథానాయికగా నటిస్తున్న సినిమాకు సంబంధించిన పలు సన్నివేశాలను డుడుమ జలాశయం, జలపాతం, వ్యూ పాయింట్‌ ప్రాంతాల్లో చిత్రీకరించారు. ప్రముఖ నటుడు జగపతిబాబు, జాన్‌ విజయ్‌ మధ్య కూడా చిత్రీకరిస్తున్నారు. ఈ చిత్రానికి సంబంధించి మరో రెండు మూడు రోజుల ఈ ప్రాంతంలో షూటింగ్‌ జరుగుతుందని చిత్ర యూనిట్‌ తెలిపింది. ఇలావుండగా జగపతిబాబు, పలువురు సినిమా నటులను చూసేందుకు పరిసర ప్రాంతాల నుంచి పెద్ద ఎత్తున తరలివచ్చారు. వారితో ఫొటోలు తీసుకున్నారు.