హైకోర్టు ఆదేశాలతో అధికారుల జాయింట్‌ సర్వే

హైకోర్టు ఆదేశాలతో అధికారుల జాయింట్‌ సర్వే

● పరిహారం కోసం వ్యాజ్యం వేసిన 29 మంది చినకలవలాపల్లి గ్రామస్తులు

చినకలవలాపల్లిలో సర్వే చేస్తున్న వివిధ శాఖల అధికారులు

రాంబిల్లి (యలమంచిలి): రాంబిల్లి మండలం చినకలవలాపల్లి ప్రాంతంలో నేవీ నిర్మాణ పనులు జరుగుతున్న ప్రాంతంలో హైకోర్టు ఆదేశాలతో బుధవారం రెవెన్యూ, అటవీశాఖ, పోలీస్‌శాఖ, డీఆర్‌డీవో అధికారులు జాయింట్‌ సర్వే చేపట్టారు. ఈ ప్రాంతానికి చెందిన 29 మంది తమకు గతంలో అటవీ, ప్రభుత్వ భూముల్లో అధికారులు ఇచ్చిన డీ పట్టాలకు సంబంధించి పరిహారంతో పాటు ఇతర సమస్యలకు సంబంధించి హైకోర్టులో రిట్‌ పిటిషన్‌ దాఖలు చేశారు. ఈ పిటిషన్‌ను విచారించిన హైకోర్టు నాలుగు శాఖల అధికారులు పిటిషన్‌దారుల సమక్షంలో జాయింట్‌ సర్వే నిర్వహించాలని ఆదేశించింది. ఈ మేరకు అనకాపల్లి ఆర్డీవో ఆయిషా, రెవెన్యూ అధికారులు, అటవీశాఖ అధికారులు, రక్షణశాఖ అధికారులు, పోలీసులు చినకలవలాపల్లి గ్రామంలో పర్యటించి పిటిషన్‌దారులను పిలిచి వారి నుంచి వాంగ్మూలం తీసుకోని భూములు సర్వే చేశారు. పిటిషనర్ల సమస్యలను అడిగి తెలుసుకున్నారు.