1 నుంచి కడప బాలోత్సవం

కడప కల్చరల్‌ : ఫిబ్రవరి 1, 2 తేదీలలో కడప బాలోత్సవం నిర్వహించేందుకు జిల్లా రచయితలు, మేధావులు ఏర్పాట్లు చేశారు. గతేడాది ఈ కార్యక్రమం విజయవంతం కావడంతో రెండో ఏడాది మరిన్ని కార్యక్రమాలు, పోటీల నిర్వహణకు సర్వం సిద్ధం చేశారు. విద్యార్థులకు కడప నగరం మరియాపురంలోని సెయింట్‌ జోసెఫ్‌ హైస్కూల్‌లో ఈ పోటీలు నిర్వహిస్తారు. దరఖాస్తు చేసుకోవడానికి ఈ నెల 31వ తేదీని చివరి గడువుగా నిర్ణయించారు. కార్యక్రమానికి ఉమ్మడి వైఎస్సార్‌ జిల్లా నుంచి 5–8 వేల మంది హాజరు అవుతారని నిర్వాహకుల అంచనా. పోటీలను 3 నుంచి 10వ తరగతి వరకు సీనియర్‌, జూనియర్‌, సబ్‌ జూనియర్‌లుగా మూడు విభాగాలలో నిర్వహిస్తారు.

తొలి రోజు పోటీలు

ఫిబ్రవరి 1న శనివారం... సైన్స్‌ ప్రదర్శన, మట్టితో బొమ్మలు చేయడం, వ్యాసరచన, కథా రచన, కథా పఠనం, వార్తా పఠనం, కథలు చెప్పడం, బెస్ట్‌ ఫ్రం వేస్ట్‌, కార్టూన్లు గీయడం, మెమొరీ టెస్ట్‌, శాసీ్త్రయ, జానపద నృత్యాలు, విచిత్ర వేషధారణ, ఏకపాత్రాభినయం, ఫాన్సీడ్రస్‌, తెలుగులో ఏకపాత్రాభినయం, తెలుగు, ఇంగ్లిష్‌, ఉర్దూ రైమ్స్‌ ఉంటాయి.

రెండవ రోజు ఆదివారం...

చిత్రలేఖనం, వక్తృత్వం, తెలుగు డిక్టేషన్‌, మ్యాప్‌ పాయింటింగ్‌, కోలాటం, జానపద నృత్యం, లఘు నాటికలు ఉంటాయి. మొదటి రోజు పోటీలు ముగిసిన వెంటనే ఆ రోజుకు సంబంధించిన ప్రోత్సాహక బహుమతులను అప్పుడే అందజేస్తారు. మొత్తం బహుమతులను ఆదివారం అన్ని పోటీలు ముగిసిన తర్వాత ప్రముఖుల ద్వారా అందజేస్తారు. ఇతర వివరాలకు 9490 1340 లేదా 90008 5552 సెల్‌ నంబర్లలో సంప్రదించవచ్చు.